الحكم بالاعدام على هشام طلعت مصطفى ومحسن السكرى

طوال نظر قضية هشام طلعت مصطفى ومحسن السكرى وانا اتابع ردود افعال الناس على اى خبر متعلق بالموضوع وكله مش كان يتخير عن بعضه فى الآراء ان الجلسات اتعملت سرية علشان تتطبخ القضية ويبقى فيها اى ثغرة لخروج هشام ومحسن براءة
لكن للأسف الحكم جه النهاردة عكس توقعات الجميع وهو إحالة اوراق المتهمين لفضيلة مفتى الجمهورية .. وبعد النطق بالحكم سادت حالة من الهرج والمرج داخل قاعة المحكمة بسبب صراخ الجميع غير مصدقين من عائلات محسن وهشام والعاملين فى مجموعة طلعت مصطفى بينما هشام ومحسن انتابتهم حالة صمت تااااااامة انا نفسى مش كنت مصدقة لأن جريمة هشام هى التحريض على القتل بينما محسن اللى نفذ ازاى يكون الحكم متساوى مش عارفه ليه برضه مش عايزة اسبق الأحداث اصل لسه فى نقض والحالة الصحية برضه ليها عامل ماهو كل اللى يتزنق بقى يقول الحالة الصحية لما بقت عدوى

Comments

عزيزتنا حنان
موضوع استيلاء البعض على افكار المدونين وتحاهل نسبتها الى اصحابها بل نسبتها بدون وجه حق الى انفسهم نناقشها فى مدونة برنامجنا
http://netonradio.blogspot.com
Anonymous said…
وانتى بئه صعبان عليكى هشام طلعت ميصعبشى عليك غالى يا نغة اقصد يا قطة
Desert cat said…
انت تسال والكمبيوتر يجيب
اه والله يا استاذنا بتكون حاجه تحرق الدم ولك جزيل الشكر لتخصيص حلقة عن موضوع سقة الانترنت
هدخل حالا مدونة البرنامج
Desert cat said…
Anonymous
روح اقرا البوست يا فالح وانت تعرف هو صعبان عليا ولا لاء
وفيه سؤال لو بتفهم فى القانون جاوب عليه
Hossam said…
بجد انا مش لاقى كلام اقولة مقدرش اقول غير ربنا ينجية لو مظلوم ويخفف عنه لو مذنب هم الاتنين امين.
أنا حر said…
بصراحة انا سعيد بالحكم رغم اعتراضي على موضوع الاعدام بشكل عام لكني سعيد لان القضاء مستسلمش لضغط الاعلامي الناتج عن كون الشخصية عامة
اما بالنسبة لحكم نفسه فانا شايف يا قطة ان الاثنين متساويين في الجريمة لان السكري مكنش هيقدر يعنل اي حاجة من الخطوات اللي تمت بدون تسهيلات هشام نفسه واللي طبعا استخدم فيها نفوذه السياسية وسلطاته وامواله وده يخلينا نعتبره منفذ للجريمة واعتقد ان في دلائل كتير عليه
تحياتي
Ahmed Shokeir said…
في معظم القوانين يعاقب المحرض على الجريمة بنفس عقوبة الجاني وفي بعض القوانين تغلظ العقوبة وتكون أشد من العقوبة التي تقع على الجاني ، وهناك عقوبات تقع على المحرض حتى لو تتم الجريمة
كان حكم مفاجأة فعلاً

حكاية الفرق بين جريمة القتل و التحريض على القتل دي عايزين نسأل فيها واحد محامي
التحريض على القتل زى القتل .. الاثنين يستوجبان نفس الحكم ( قانون جنائى )
و هو ده اللى بيعتمدوا عليه فى القانون الولى لمحاسبة السفاحين من امثال ميلوسوفيتش او ارييل شارون
الناس دى مقتلتش بأيده لكن حرضت على القتل و التخلص من جماعات \ افراد بعينهم .
شوفتي دة ع قناة الجزيرة

http://www.youtube.com/watch?v=PfORm9U60gE


شتايم ع الهواء في الاتجاة المعاكس يمنين
انا ايضا لم اصدق الخبر لان فعلا كمية الكلام الذي قيل عن تواطؤ الحكومه علي مساندته كان كبير جدا و الافراج عن ممدوح اسماعيل في الف انسان قبله كان مؤيد لهذا الاتجاه و لا زلت غير مصدق بانه سيعدم الا اذا حدث فعلا
و اظن انه لو حتي محكمة النقض خففت الحكم فاكيد لن يقل عن المؤبد و هي عقوبه كبيره ايضا لمحرض علي قتل لكن اري ان القتل صار هو الحل الوحيد و لو حدثت فاكيد سيكون لها مفعول رادع لكل من تسول له نفسه من اصحاب المال ان يتجاسر علي استرخاص ارواح الناس
Adam said…
الحكومه ضربت كرسي في الكلوب عشان اللي حصل ده مفاجأه
وبيني وبينكوا يمكن تكون حكايه ومالفينها وهايطلع منها في الاستئناف
والله اعلم

علي العموم ربنا ينتقم من كل انسان ظالم

تحياتي

ادم
http://www.youtube.com/watch?v=THyhD3ZfmEQ


عادل امام يهاجم حماس و قال كلام صح
Desert cat said…
Hossam
انا شوفت امبارح رد فعل اللواء منير السكرى بصراحة الراجل مش مصدق الحكم وخصوصا وهو بيقول لعمرو اديب انا كنت متوقع ان محسن هيخرج معايا او يرجع البيت بعد يومين تلاته من حكم برائته
ربنا وحدة اللى عالم السر ولو مظلومين ربنا ينجيهم
Desert cat said…
أنا حر
انا سمعت فعلا السيديهات اللى تم عرضها على النيابة لما اتنشرت فى المواقع لانى مش بشتغل فى النيابة ولا حاجه فعلا محسن مش كان بيتحرك غير بمعلومات من هشام فى البداية لكن بعد لما سافر وراها لندن وكان بيراقبها هو اللى كان بينقل لهشام كل حركاتها وتنقلاتها وبالتالى انا مش دارسة قانون بس مش عارفه الحقيقة ليه حاسه ان موضوع التساوى فى الحكم ده غريب شوية

تحياتى
Desert cat said…
على باب الله
هو محامى محسن كان بيقول امبارح فى القاهره اليوم ان الحكم ظالم وقاسى مش عارفه ظالم وقاسى على مين بالظبط محسن ولا هشام .. يعنى اللى الحرض ولا اللى قتل

تحياتى
Desert cat said…
عباس العبد
طبعا طالما اهل الخبرة أدلوا بدلوهم إذن فخمتوا يا فندم
:)))
شرفتنى
Desert cat said…
Ahmed Shokeir
اشكر حضرتك جدا على التوضيح
وعلى الزيارة الكريمة
شرفتنى جداً
Desert cat said…
مواطن مصري
دى قناة الحظيرة وليست الجزيرة علشان كل حمار يطلع ينهق شوية ضد مصر
Desert cat said…
ذو النون المصري
الحكم كان مفاجأة للجميع خصوصا بعد تداول الجلسات سرية كان الجميع بيقول الجلسات اتعملت سرية علشان القضية تتظبط ويتقال اى كلام لخروجهم برائه لكن المستشار حمدى قنصوة خلف ظن الجميع ويارب يبقى عبرة لكل واحد اعماه غرورة وماله

تحياتى
Desert cat said…
Adam
نشوف يا آدم الأيام مخبية أيه
خصوصا ووالدة بيقول فى اتصال للقاهره اليوم ان هيواصل الاجراءات للحصول على برائه ابنه
تحياتى

Popular posts from this blog

قميص دهشور

كل تحرش وانتوا طيبين