أنا المديـــــر

لفظة قالها فؤاد المهندس فى احدى مسرحياته وهو يتراقص على نغماتها وفى ذهنه انه هكذا اصبح يملك الدنيا بيديه فلم يكن يعلم انه بهذا شرب اكبر مقلب فى حياته انه صورة ماهو الا صورة فقط ........... ويبدوا انه كان معقدا فقد ظل طوال عمره مرؤوس ولم ينجح فى عمل حتى يصبح رئيس فيه وحين واتته الفرصه فى غفله الزمن لم ينظر الى ساعتها الى لماذا اختاروه مديرا ؟لقد اختاروه لتفاهته وجهله بالامور التى يقوم بها من ارادوه مديرا فلم يجدوا اكثر منه غباءا حتى يختاروه وهو لايهمه علام يوقع من اوراق كل مايهمه هو انه المدير وبعد خراب مالطة تذكر وعلم لماذا كان هو المدير ان الجهل يرفع عند الجهلاء مراتب الاشياء فمثلا حينما تأتى لجاهل وتقول له سأعطيك الف جنيه شريطة ان توقع على هذا العقد فلا يسألك عن مابداخل العقد انما يسألك أين النقود؟ الاخطر من هذا كله حينما تمنح الجاهل سلطة فتجد نبرة صوته قد علت وارتفعت وراح يرمى مرؤوسيه بالجزاءات بسبب او بدون باعتبار انه هكذا يرسى القواعد والاسس وينهى حالات التسيب الموجودة وهو لايعلم ان العقلاء لن ينتظروه رئيسا بل انهم يضحكون ويسخرون من افعاله فمن يثنى على افعاله تراه يريد منه المزيد كى يضحك اكثر ليس الا ولاتجد معارضه لافعاله لان المعارضة اما تصمت لانها عاقلة لترى نهايته التى رسمها لنفسه فنهايته قريبة جدا او تتضاحك فيما بينها البعض على افعاله فيكون هو مضحكة الجلسة ونوادره وافعاله هم حفلة اسمارهم اما هو فتراه يغط فى ثبات لايرى الا انه المدير اذا اردت ان تقضى على عدو لك ادعو الله ان يجعل اصدقائه من الجهلاء فهم اقرب من يقضى عليه ستجد دائما الجاهل والضعيف حينما يكونان فى موقع ادارى ما فانهم لايختارون الا من هم اجهل او اضعف منهم كمساعدين لهم وتستمر من اضعف الى اضعف حتى يتحول المكان ككل الى قلة من الضعفاء وينهار المكان تماما ويصبح كالرماد او بالاحرى ليس له وجود

Comments

عقل مهوي said…
يعني لو دعيت علي حد ان اصحابه يبقوا من الجهلاء هاينهاروا ... ؟؟؟
طيب ماهو من غير دعا هما جهلاء اهم .. ما انهارووووووووووش لييييه
Desert cat said…
عقل مهوي
ماهى المشكلة ان الجاهل بيكون فاكر نفسه اعلم الناس وانه بكدا خلاص وصل للقمة وتلاقى دايما كل كلامه هذيان وان كلمته يتهمك ان مش عندك فكر مع ان اللى دائما يردد الكلمة دى بيكون اجهل الناس دون علم او دراية لكن العالم دايما بيكون حاسس ان فى حاجه نقصاه وانه محتاج يكملها يقرء ويثقف نفسه كتير يبحث فى كل منابع المعرفة
علشان كدا اى منظومة يدرها جاهل فهى منظومة فاشله وسريعا ما تنهار

تحياتى
tamer.sala7 said…
طيب هي الترجمة حتنزل امتي ؟؟


راعي ان في ناس تعليمها مجاني مش حتقدر تفهم الكلام الواعر اللي كاتباه ده

انا قريت البوست عشرين مرة وبرضه مش فاهم اي حاجة

هو كدة يبقي انا من الجهلاء اللي كاتبة عنهم ؟؟
A.SAMIR said…
في ناس كتير اهم حاجة عندها هو المنصب بصرف النظر عن مدى صلاحيته للمنصب او صلاحيات المنصب نفسه
تحياتي
عقل مهوي said…
ماهي ما انهاررتش
Desert cat said…
tamer.sala7
الترجمة فى الجزء التانى يا تمور
وبعدين يا سيدى مالهم اللى تعليمهم مجانى يعنى ياما فيهم عباقرة
كمان فى من العباقرة الىل لعموا نفسهم بنفسهم دون دخول مدارس كمان
لسه مش اتخلق يا كبير اللى يقول عليك من الجهلاء
تحياتى
Desert cat said…
A.SAMIR
كلامك صح جدا يا دكتور
Desert cat said…
عقل مهوي
ازاى يا صديقى
ده اى منظومة مديرها اهبل ومسكوه الطبلة لازم تنهار علشان العقلاء يتفرجوا او يضحكو عليه عادى يعنى
Anonymous said…
يا ستى مسكينى انتى الالف جنيه وانا اشتغل اى حاجه ميهمش او عينينى فى النت كفاية بتاعك اللى كنتى قاعده تحكى عنه فى التلفزيون الشباب تعبان ومش لاقى شغل وانتى بنت وعندك نت كفاية لله الامر من قبل ومن بعد
Desert cat said…
Anonymous
لا حول ولا قوة الا بالله العلى العظيم
هو انا كنت طالعة فى التلفزيون علشان تقروا عليا هههههههههه
يا سيدى انت تشرف بس على فكرة انا مش قاهرية يعنى المرتب اللى هدفعه لك هتصرفه مواصلات
:))
Anonymous said…
لا والله يا ستى انا لا بقر ولا حاجه ربنا يزيدك من نعيمه
انتى لو كنتى فى القاهره انا كنت الفها من شرقها لغربها علشان اجى اقعد عندك ببلاش اصلى عاطل بعيدعنك بس انتى ساكنة فين يا بسبس
Desert cat said…
Anonymous
انا ساكنة فى دنيا الله الواسعه
كويس انى مش من القاهره
اصلى مش بقعد حد ببلاش
عوف الأصيل said…
فعلا قطة الصحراء لقد لمستي سبب من أهم أسباب فشلنا وهو سوء الإدارة ،فتجدي كل مدير يستغل الصلاحيات التي خولت له من أجل تسيير العمل ،من أجل إرساء أركان مملكته ،و من أجل إثبات نظرياته و إعتقاداته ،فرضى الرب أهم من العمل .

و تتفاقم المشكلة أكثر في الفترة الحالية و في هذه المرحلة الإنتقالية من من تطبيق سياسة اللا مركزية لما تحققه من وفرات و لكن للأسف أستغلت هذه السياسة من قبل المديرين من أجل تصفية حساباتهم الشخصية و إقامة ممالكهم الخاصة بهم !!!

فالمديرين فوق الشبهات
و على رأي المثل الكبير كبير


إلى الفئران ياقطتي
Desert cat said…
عوف الأصيل
هو رضا الرب برضه بالرشاوى والفساد
انا بستغرب فعلا للى يكون موقف طابور فيه اللى حامل واللى بتولد واللى مامته فى المستشفى وجاى يقولك ايييييه كنت بصلى الضهر هو حرام
والا اللى كانبيصلى الضهر من شوية مش يخلص لك مصلحتك غير لما تحط له اللى فيه النصيب بين الاوراق
Desert cat said…
عقل مهوي
شكلنا مش مختلفين
صح ؟؟

Popular posts from this blog

قميص دهشور

كل تحرش وانتوا طيبين