يا سلام على الزهد والتقشف

هو التجارة بالدين بتكسب اوى كدا ؟؟
بتخلى كل اللى قعد وربع رجليه يهبر طبق فتة كبير اوى كدا ؟؟

ده منزل الشيخ القرضاوى اللى المفروض انه هيتم هدمه وبينقل فى منزل تانى ما شاء الله خمسة وخميسة وخرزة زرقه فى عين اللى ميصليش على النبى افخم من ده الف مرة
طبعا بعد الدعوة بالزهد فى الدنيا ولا تحزن يا اخى فالله ما اخذ منك الا ليعيطك
واشترى الآخرة بالدنيا الفانية بنت الكلب دى .. دى حتى الدنيا من الدنو
بيعها واشترى الاخرة وعيش على العيش الحاف وادى دقنى لو لاقيت العيش اصلا
وهما يعيشوا فى قصور واولادهم يتعلموا فى اوربا وارصدتهم اتلال اتلال فى بنوك اوربا الكافره الا هى ارباح عمرو خالد برضه مش 2.50 مليون زولار سنوياً
وهو بيخسر ايه غير يقعد يتنحنح ويصرخ شوية ويعيط شويتين والحسابة بتحسب
ولسه فى ناس بتصدق شغل الجلا جلا ده ؟؟
واتارى من سنة عمرو خالد وحسان والحيوينى كانوا بيتخانقوا على قناة الناس وكل واحد يهدد لو عمرو خالد ظهر انه هينسحب طبعا طالما الموضوع ذلك وكذلك يبقى جانبكم الصواب فعلاً .. يا فقرا يا مساكين يادعاة الزهد والتقشف فى الحياة الدنيا
الرسول كان ممكن يكون اغنى منكم بمراحل لو اتربح من الدعوة للاسلام .. الا ده كان بيطلع كل ماله صدقات للفقراء والمساكين
اولا الدعوة للاسلام دى مش شغلانه اصلا ... لان مفيش مهنة اسمها داعية لا تم ذكرها فى القرآن ولا فى الدين ككل ولو فى انتوا هتدعوا مين بقى ؟؟؟ تكونوش فاكرين نفسكو عايشين وسط حنظلة وابولهب ؟؟
تربحوا براحتكو بس بلاش الضحك على الغلابة باسم الدين
....
الكومنت ده عجبنى اوى على الخبر
كيف تريدون أن يسكن الشيخ القرضاوي في بيت متواضع والقاعده الأمريكيه قريبه من داره ماذا سيقول الأمريكان عنا أننا لانحترم شيوخنا وماذاسيقول شمعون بيريز عندما يزور قطر فيسأل عن الخرابه أو بيت الطين لمن فبماذا نرد أنقول أنه لشيخنا القرضاوي . لا عيب ياجماعه بعدين يفضحنا شمعون

Comments

magi said…
طبعا كلو بيلعب بالدين
اكتر تجاره رائجه دلوقتى
رغم ان احيانا بعض اراء الشيخ القرضاوى معتدله نوعا
الا ان لازم القول يقترن بالفعل والمظهر والا ميكونش لى اى لازمه ولا ايه؟؟
سمراء said…
برضوا عجبني التعليق
اصل كل حاجة في الدنيا ممكن تلاقي لها منطق
وللاسف المنطق دة قد يكون خادع
وممكن البسطاء يصدقوة ويرددوه


اشكرك على المعايدة وان شاء الله تكون ايام سعيدة على مصر كلها

سمراء
مدونة رامز عباس تستفسر منكي يا قطه said…
في تعليقك

عند مدونة الناس والعالم قوتيله ياريت تكون معانا يوم 18

فهل هو لقاء تندويني استطع حضور واين هو ومعياده


لو ينفع يعني
أحمد said…
يا بنت دوووووووووول علماء ودعاة

لا كدة نونوا بتاعتك هتحد حدودهاولا ايه

ربنا ياخد منا ويديهم من غير حساب علشان إن شاء الله يحسابهم كويس أواي في الأخرة

أنت مسمعتيش الحديث بتاع أول ثلاثة سوف تسعر بهم النار ومنهم عالم

شكرا لكي
Hossam said…
ايه ده؟؟؟ اكيد القرضاوى مش ساكن فى البيت ده
ده احلى من قصر الاليزية امال زهد وتقشف ايه بس.
عجبنى اوى تعليقك على موضوع القنوات الفضائية.
عل العموم انا عمرى ممشيت ورا اى شيخ ولا قرضاوى ولا دياولو
القراءن والسنة واستفتى قلبك.
تحياتى عل البوست الجميل
تحياتى
سلام
انا هلبس جلابية و اربي الدقن و ابو الشهادة الي بتعلمها
يا قطة الموضوع كله من اوله لأخره سبوبة أكل عيش
عارفه مين أغني واحد علي وجه البسيطه؟
وبيكسب فلوس لا حصر لها ولا عدد؟
بدون ما يحرك شعره من راسه؟
وبدون ما يدفع مليم ضرايب؟
ويمتلك معظم أراضي أوروبا؟
ونص أراضي أمريكا اللاتينيه؟
وبنك خاص لفلوسه هو وحده؟
ومتاحف مليانه من ثروات العالم القديم المنهوبه؟
والناس بتديله وهيا بتبوس ايده يقبل؟
بابا الفاتيكان
حياة said…
المتاجرة بالدين هى البضاعة الرائجة هذه الايام كم من قناة فتحت من اجل الدين والدعوة ولو نظرتى اليها سترى انها تجارية بحتة فكل الشيوخ اصبح اجره اكبر من نجوم السينما والتليفزيون والاسلام برئ منهم انا شخصيا لا احب مشاهدتهم

تحياتى
فرعون said…
فعلا هو متقشف ومسكين هو وذغلول النجار ... ماهى تجارة مية مية
أنا حر said…
يا بنتي كل واحد بيكسب على قد التجارة اللي بيتاجر بيها
تاجر المخدرات بيأثر على مليون مدمن فمكسبه بيكون على قد المليلون انما اللي بيتاجر بعقول امه كاملة مكسبه هيكون قد ايه؟؟؟
تحياتي
samamasr said…
لا يا حنان:)
أنا وجهة نظري غير كدة :)

وأما بنعمة ربك فحدث :)


مش غلط :)

مش غلط يا حنان,لا:)
Desert cat said…
مدونة رامز عباس تستفسر منكي يا قطه

لاء هو مش لقاء مدونين
هى وقفة احتجاجيه ضد التحرش الجنسى
والعنوان

المقطم حديقة الخزان بجوار حديقة الأندلس اى ميكروباص من السيدة عائشة - تنزل عند حديقة الأندلس فى شارع 9التجمع عند حديقة الأندلس الساعة 5 مساء

طبعا انت تشرفنا جدا يا رامز
واكون سعيدة او بتواجدك
وياريت تبلغنى فى كومنت
رقم تليفونك اى حاجه تعرف توصلنى ليك
Heba said…
اتق الله يا ست , واحنا نصدقك ليه أصلا, ليه متكونيش كدابة وبتتبلى على الناس؟؟

وبعدين حتى لو كان بيته, وانتى مالك, الراجل مبيعملش حاجة حرام, الدور والباقى على أمثالك اللى بيجيبوا فى سيرة الناس بالباطل

حسابنا كلنا عند الله, ويا بخت من خف حسابه
magi said…
العزيزه قطه الصحراء اسمحيلى ارد على هبه
شوفى يا هبه هى هتتبلى عليه ليه كانت ملرات ابوه ولا مثلا بينها وبينه عداوه وبعدين المعلومات دى كلها متاحه على النت وفى الجرايد يعنى على عينك يا تاجر اعملى انت كده بحث على جوجل
لأ مبنقولش بيعمل حاجه حرام بس فيه تنافق بين قوله وفعله ازاى يدعو الى التقشف وهو عايش فى فيلا قولى قصر 3 ادوار من فلوس الغلابه الى بيشتروا كتبه ويصدقوه ومن اعلانات التليفزيون والبرامج على القنوات الدينيه
العالم الحقيقى بيكون متواضع مش نجم تلفزيونى شهير
القرضاوى تحول من عالم دين الى احد نجوم التليفزيون
وحقنا اننا نحاسبه من اين لك هذا زيه وى اى شخصيه عامه
Desert cat said…
magi
بالظبط وده اللى انا بتكلم فيه ماجى لازم القول يقترن بالفعل
ميرسى جدا ماجى
Desert cat said…
سمراء
للاسف سمراء
المغيبين مش قادرين يفكروا حتى بعقلهم ولا يشغلوه
ربنا يرحمنا منهم لانهم سبب البلاء

طبعا التهنئة واجبه عليا يا قمر
واعتذر انى اتاخرت فيها اصلا
محبتى ليكى
وكل سنة وانتى اسعد الناس
هذا الشيخ دخل الى المعتقل عام 1954
بعد مؤامرة المنشيه لاغتيل عبد الناصر
وخرج منه بعد وشايته على زملائه واعيد اعتقاله فو عام 1965
ولتعاونه مع امن الدوله خرج فى اوائل السبعينات وهاجر لقطر وحصل على جنسيتها ومنذ ست سنوات طلق ام اولاده
وتزوج الجزائريه ذات العشرينات وهو الذى عبر الثمانينات ثم طلقها اخيراااا.هذا هو الشيخ الذى افتتن به وبعلمه ملايين المسلمين المغيبين واسموه
فقيه العصر!!واسألواا عنه (فؤاد علام)وليس بغريب عليه ان يكن هذا القصر
وهو الذى ضحى بزملائه الاخوان.. انهم كلهم كذلك..و
و تحياتى..و
Sherif said…
الذين يعملون .. لايتكلمون كثيرا

لكن ربما انت لهم أعمال خيرية لا نعرفها ياقطة .. بالتالى نحن لانعمل كل شئ

لكننى أقول ان بعد كل هذه الاطنان من الدعاوى والفتاوى أتأمل حالنا

فاجدنا لم نتحرك خطوة للأمام .. إن لم نتحرك للخلف

تفتكرى العيب فين .. فيمن يتولى الدعوة .. أم المتلقى؟
Cognac said…
القرضاوي دا مرتشي
بيقول اللي عايزينه المموّلين وأصحاب أفكار
بعدين أكيد عنده نص مليون كاتب تحت أمره
كل واحد بيكتب كلمتين، بيقولوله
" قوله كده يا شيخ ربنا خليك واحنا من المتشكرين"

تمام زي اي رجل سياسي فاسد منافق
غير الدعاة دول عندهم دعاية غالية جدا
بيبيعوا والناس بيشتروا

حنلاقي نفس الموضوع في ايه بلد
المتدينين بيسوقوا الهبل عالشيطنة

يحيلون المبادئ والأخلاق الى سلع تباع وتشرى


ثم عندك مدونة حلوة جدا وأشكرك
tamer.sala7 said…
سيبك من التعليق علي البوست علشان انتي عارفة رأي كويس في الداعية الكبير اللي اسمه عرص خالص لكن انا حرد علي الحمار الاخراني اللي علق علي الخبر


لما الرسول الروماني وصل وسأل علي قصر الخليفة عمر ابن الخطاب الناس ردت عليه انه نائم تحت هذه الشجرة فتوجه الفارس الي عمر بن الخطاب بمقولته الخالدة

حكمت فعدلت فأمنت فنمت يا عمر


وطول عمرنا نعرف ان الاسلام مش بيغني بدليل ان ابو بكر الصديق كان سوبر ملياردير قبل الدعوة وبعد الاسلام وزعت كل ثرواته علي تحرير العبيد و الفتوحات الاسلامية والزكاة



بجد عصبتيني
قال الرئيس السوري بشار الأسد إن المفاوضات غير المباشرة مع إسرائيل برعاية تركيا والتي توقفت نهاية العام الماضي بسبب حرب غزة الأخيرة حققت تقدما إلى الأمام، وبما يفوق ما تحقق عام 2000، عندما كان والده الراحل حافظ الأسد في السلطة.


وأكد الأسد في مقابلة مع صحيفة (دير ستاندارد) النمساوية نشرت السبت 18-4-2009 استعداده للتفاوض مع إسرائيل، وفقا لمبدأ "الأرض مقابل السلام"، رغم ما وصفه بعدم وجود آمال كبيرة في الحكومة الإسرائيلية الجديدة.

ومضى الرئيس الأسد يقول إن دمشق ستتعامل مع أية حكومة في حال استعدادها للمضي قدمًا في المفاوضات وبالتالي إعادة هضبة الجولان السورية المحتلة من قبل إسرائيل.
؟
http://www.alarabiya.net/articles/2009/04/18/70931.h



مش دة بشار الي عامل فيها دوررر المقاومة وو الجزيرة فرحانة بية

كل يوم بتتساقط الاقنعة
إليكي ما قاله يسوع المسيح عن الأغنياء.. يقول: "دخول غني إلي ملكوت السموات أعسر من دخول جمل من ثقب إبره" ..

"إن أردت أن تكون كاملا فإذهب وبع كل أملاكك ووزعها علي الفقراء, فيكون لك كنزاً في السماء" ..

هذا ما قاله سيدنا يسوع المسيح له كل المجد عن الأغنياء الذين يتكلون علي أموالهم ويعيشون في رفاهية تاركين أطفال الفقراء يموتون من الجوع والبرد في شتي بلاد العالم ...

ولكن طالما ظل القرضاوي يؤمن أن المال هو زينة الحياة الدنيا, فلا مكانع إذن من أن يقوم فضيلة الشيخ بهدم فيلاته وتشييد قصور بدلاً مكانها وشراء سيارات الليموزين .. وتكوين ثروات بملايين الدولارات والتلذذ بالحياة والأموال والإنغماس فيها علي حساب التعساء من الفقراء

الرحمة يا شيوخنا الأفاضل !!!
أأقل واجب
اومال الراجل بيهجص ليل نهار عالفاضي يعني ..!
منصور said…
معلش بس سؤال يعني
هواللي يحب يحتج يروح يحتج في الحديقة في المقطم ولا يحتج في وسط البلد حيث مكان تجممع الناس
انتو شكلكو هتروحو المقطم علشان ماحدش يحس بيكو خالص
واهي حاجة كويسة بردو تكلمو نفسكو في الهواء الطلق وتلعبو تحرش مع بعض في الحديقة و في كازينوهات المقطم وهوائها الطلق
Desert cat said…
أحمد
ربنا يزيدهم يا احمد
علشان تكوى بالاموال دى
جباههم وجنوبهم

تحياتى يا فندم
Desert cat said…
أحمد
ربنا يزيدهم يا احمد
علشان تكوى بالاموال دى
جباههم وجنوبهم

تحياتى يا فندم
Desert cat said…
Hossam
انت صح جدا مفيش افضل من القرآن والسنة
الواحد مش يسلم عقله لحلانجى
يتباكى والفقر والزهد هتدخل الجنة وفى النهاية تلاقيه مليونير
تحياتى
Desert cat said…
مواطن مصري
اشطة وشوفلى نقاب معاك
يمكن تلعب ونقسم بالنص
:))
Desert cat said…
Hassan El Helali
ياباشا دى ناس بتعرف تشغل دماغها وتعرف ازاى تهبر الهبرة الكبيرة من غير ما يتمسك عليها حاجه
واهو كله باسم الدين
شرفتنى جدا يا كبير
Desert cat said…
حياة
طبعا حياة
دى بتكسب اكتر من قنوات الاغانى اللى عليها البنات اللى زى القمر
علشان كدا كل مالك قناة تلاقيه بسرعه بقى شيخ فجأة وقلب على الدين مباشرة اسرع وسيلة للربح دون جهد

تحياتى يا جميله
Desert cat said…
فرعون
اهو بعرور الفشار ده بقى مش عرف يلعبها زيهم اصله اتهرش بسرعه
بس برضه ميمنعش انه له مهلالاتيه

تحياتى فرعون
Desert cat said…
أنا حر
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز

تحياتى
Desert cat said…
أنا حر
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز

تحياتى
Desert cat said…
samamasr
معلشى حقهم عليا
صح المفروض يحدثونا بالنعمة اللى عندهم ويدعونا انا للتقشف والزهد فى الحياة
علشان النعمة تبقى ليهم لوحدهم
:)))
شرفتينى
Desert cat said…
Heba
خليكى كلى فى نفسك كدا
ربنا يعفى عنك
Desert cat said…
magi
ردى يا ماجى وخدى راحتك
المدونة مدونتك يا جميل
Desert cat said…
العجوز والبحر
اغلب الناس عارفه حقيقته
وبرضه يتبعوه
تقريبا علشان المصريين عطوفين خالص
وبيقولوا عفى الله عما سلف
المهم انه بيقول قال الله وقال الرسول

تحياتى
Desert cat said…
Sherif
انا مش طلبت منه يقول هو بيعمل ايه خير او مش بيعمل
بس المفروض انه ينفذ اللى بيقوله على الاقل
تحياتى لحضرتك
Desert cat said…
Cognac
على طريقة مشايخ السعودية كدا
يقولوا اللى عايزينه الامراء
وفى النهاية يقولك دول الناس الوحيدين اللى بيطبقوا الدين الصحيح
اجعلنا تحت جناحهم يا رب
:))
شرفتنى جدا
تحياتى لحضرتك
Desert cat said…
tamer.sala7
هو انت بتعلق على مين يا تامر
اصلى دورت على الكلام اللى انت كاتبه ده هنا مش شيفاه
ولا يكون قصدك على تعليق على الخبر نفسه
؟؟؟
شرفت يا باشا
Desert cat said…
مواطن مصري
اشمعنا دلوقتى مولد سيدى مفاوضات
امال كانوا فين ايام الردح على مصر
جتهم الارف
Desert cat said…
Servant of Christ
هو انت عمرك شوفت البحر اكتفى بالمياه اللىف يه
اكيد البحر بيحب الزيادة
بس القرضاوى المفروض انه عالم جليع جليع خالص
يعنى وبيقعد يوعظ الناس يبقى يفعل ما يقول على الاقل

تحياتى
Desert cat said…
أسماء علي
لاء طبعا يا دكتورة
لازم يعملهم اد كدا على الاقل يحس ان المياة بتجرى فى زوره بدال ما ينشف
:))
تحياتى يا جميل
Desert cat said…
منصور
انت شكلك متاخر اوى
هو حضرتك مش بتقرا جرايد ولا بتشوف تى فى
اصل التغطية الاعلامية مش كانت مسمعه اوى
شرفت

Popular posts from this blog

قميص دهشور

كل تحرش وانتوا طيبين