الناس دى مية ميه

٥٣ رجل دين سعودياً يطالبون بمنع ظهور المرأة فى التليفزيون والصحف
هما رجال الدين السعوديين دول سايبين كل المصايب اللى بتحصل وقاعدين علشان يتفننوا فى تشيئ المرأة وكأنها لم تخلق إنسان .. سايبين الكفيل ياكل مال اللى بيشتغل عنده بكل سهولة ويسر والاطفال اللى يتم اغتصابهم بواسطة السواقين اللى عند اللى جابوهم ولا الخدامات اللى يتم انتهاك جميع حقوقهم بما فيها كرامتهم ونهاية الليل اغتصابهم
زين والله رجال الدين بتوع السعودية دول .. الا هما شغلتهم ايه بالظبط وتم اختيارهم بناء على ايه ؟؟ .. اصل الشريعة الاسلامية مش فيها مهنة اسمها راجل دين ده حتى الرسول اللى هو ربنا اصطفاه كان راعى غنم واشتغل برضه تاجر .. برضه اللى عرفناه من الاسلام ان السيدات كانوا بيخرجوا للحرب والسيدة عائشة كانت تبلغ احاديث عن الرسول .. ورفيدة اول طبيبة فى الاسلام كانت تخرج فى الحروب لعلاج المصابين .. ولا هما قصدهم شريعة انسان الغاب طويل الناب ؟؟
وبعد رجال الدين اللى مش عارفين حاجه من الحياة غير المرأة يصدق على كلامهم
وزير الداخلية السعودى، الأمير نايف بن عبدالعزيز، أن بلاده لا تحتاج إلى تمثيل للمرأة فى البرلمان
بس ده كمان جه بالطامة الكبرى يعنى هى ملهاش اى لزوم خالص فى الحياة هى تاكل وتشرب وتضاجع مولاها الراجل اخر الليل وان خلفت له ولد تبقى الزوجة الصالحة وان خلفت بنت يبقى جابت له العار
إذن الوأد هو الحل .. هى دى تقريبا الفتوى الجاية يعنى .. هما بدأوا بمنعها من القيادة ثم يطالبوا بإخفائها وعدم ظهور اى صور ليها يبقى اى بنت تتولد فى السعودية بعد كدا يلفها ابوها ويخرج فى الفجر يحفر لها فى الصحراء الجرداء ويدارى عاره
بعدها يعود للقبيلة مرفوع الراس وفى الغروب ياخد الربع ويطلعوا على الصحراء يشربوا درينك وفى الصبح يروحوا سوق الجوارى اصل الجوارى اللى فى بيوتهم عفا عليهم الزمن وأهو التجديد مطلوب
ويا أهلاً وسهلاً بالجاهلية الأولى

Comments

وما أرسلنا إلا رحمة للعالمين ...
صدق الله العظيم

أيوا والله ..

واي رحمة ..

دي رحمة مش رجعة تاني
(علي رأي أحمد رزق)

رحمة من الدنيا
وهمومها وقرفها وبلاويها

ايوا كدة ..

الوأد هو الحل

ساعتها البشرية هتنقرض والناس كلها تخلص من هموم حياتها

وكفاية علينا كدة

ولا إيه يا قطة؟

نياوووووووو
west said…
اولا دى اول زياره ليا فى المدونه اللذيذه دى
ثانيا البوست دا جميل اوى اوى
خاصه انى حاليا فى السعوديه وبقالى سنه بسافر هناك شهر وشهر فى مصر
واقول لك الحق انا صعقت اول زياره ليا فى السعوديه
لانه مجتمع منافق جدا من بره شكل ومن جوه شكل تانى خالص
ناس بتصلى الفرض بفرضه وفى الويك اند يطلعواع البحرين يسكروا
البلاوى هنا كتيييييييييييير وسمعتها بودانى منهم نفسهم تفوق خيال الافلام
بس يبدو ان رجال الدين فى وادى والناس فى وادى تانى
يخيل لك انهم عايشين فى بلد والشعب فى بلد تانى
بيكلموك عن ان الفيس بوك حرام ولازم يتم حجبه من الانترنت فى السعوديه واللى بيحصل من تحت لتحت اسوأ من مليون فيس بووك
مجتمع غريييييييييب
magi said…
الخبر ده عاددددى جدا
قريت زيه كتير لغايه متعودت
انتى عارفه رغم البلاوى الى فى مصر الا انى بحمد ربنا كل يوم انى مش سعوديه
لان بجد البلد دى محتاجه تتفرمت وينزل عليها ويندوز جديد
بجد البنات السعوديات مظلومين جدا الحجات الى بنعتبرها هنا بديهيات ممكن تكون اقصى طموحاتهم

انا اولتلك انى ههاجر ولا لأ انا خلاص فقدت الامل انا بمشى فى الموضوع دلوقت ادعيلى
A.SAMIR said…
بصي هم رجال الدين في السعودية زيهم زي رجال الدين في اي دولة عربية
يتم اختيارهم على اساس الولاء للحاكم اولا واخيرا
فقط لا غير
انتي مش واخدة بالك من مولانا الامام الاكبر ولا ايه؟
الموضوع كده متاخد قفش




على فكره
Anonymous said…
فالحزب الحاكم وحكوماته يتبجح ويدعي أن لا أحد سواهم قادر علي طرح رؤي وسياسات تنقذ البلد من خراب ما صنعه، ولا يري أن هذا الخراب خرب روح الشعب المصري حتي فقد الأمل، وهرب من وجوههم في سفينة تنقله عبر البحار إلي شاطئ آخر أو سفينة تحمله إلي الماضي بعد أن فقد الأمل في وضع أقدامه في سفينة تحمله إلي المستقبل.
ما استوقفني هو حالة الهروب للخلف أو للماضي التي انتشرت ليس باسم محبي الملك فاروق فحسب، بل بأسماء أخري كثيرة، وهي حالة فرار من واقع لم يعد محتملا، ومن أفق مسدود لا يظهر فيه ي ضوء، ولو خافتا أو بارقة أمل نحو مستقبل أكثر إنسانية.

فاليأس الذي أمسك بخناق الجميع والشباب تحديدا دافع قوي للاستناد إلي ي حائط سواء كان الملك أو الملكية، أو السلف الصالح والمؤمنون الأوائل، فنحن جميعا خاصة الشباب نحن، ونحتاج لأرض نقف عليها حتي لو اخترعناها وأضفينا عليها ما ليس فيها جمالا وجلالا وعدلا وحرية ي أضفينا عليها ما نحلم ونتمني أن نعيشه في واقعنا المرير
الكاتبه الصحفيه بهيجه حسين
صوت نسائى افضل من كل هؤلاء العاهات الفكريه.
المصيبة يا حنان إن المصريين بقوا بياخدوا الأفكار دي
من آخرها بنستورد عُقد شعوب مُتخلفة و نقول هو ده التدين
..
كل اللي يهمني من ده كله مصر
مصر دي بتاعتنا مش بتاعة المتخلفين و لا الهمجيين
لا اعلم منذ متى و مصطلح "رجل الدين" يستخدم في مجتمعاتنا لكن ما أعلمه تماما و لن يغيره أحد انني لن أسمح لي عواطلي أضاع عمره في حفظ كتب اختلط فيها التراث بالأسطورة و رددها على مسامع المسلمين الغلابة ملقنا اياهم اننا ممتحنون مبتلون بويلات و قدرنا ان نتحملها و لا ننبس ببنت شفه املا في الجنة و عسلها و خمرها الذي لا يسكر و حور العين اللاتي سيتمتع بهن المؤمنين الصالحين..الرجال منهم بالطبع...اما النساء فلا أعلم حقيقة ماذ سيحدث لهم...لاحظي الخطاب الذكوري هنا..و لا أعلم ان كان هذا من باب الصبر و الترغيب ام كان اختراعا شريرا من عهد معاوية الذي اغتصب الحكم و ابتكر الخلافة...و امتد فكر البداوة و شبخ القبيلة الذي لا يخطئ عبر التاريخ الى ان انتهى بنا هذا الفكر الى الخطاب الدين المخاتل المخادع الذي يعتمد اعتمادا مطلقا على سلطة السلف و النصوص الثانويه التراثية مع اهدار البعد التاريخي بشكل فاضح( (نقد الخطاب الديني للدكتورنصر حامد ةأبو زيد) و بعدين نوصل بمنتهى الفجر و القبح الى فتاوي البوكيمون و اعدام ميكي ماوس ناهيك عن ثقافة الحيض و الخلاء و كيفية مواقعة المرأة...الموضوع يطول شرحه و لا مجال للسرد هنا و لكن من الواضح اننا نعيش مرحل تشبه قليلا المرحلة التي مرت بها اوروبا قبل ظهور مارتن لوثر ...تحيا صكوك الغفران و فتاوي النفاس و الاعجاز العلمي حت أشعار اخر

و الله زمان..تحياتي يا صديقتي
Anonymous said…
بغض النظر عن موضوع الفرض بفرضه وشرب الدرينكات لأني مش شايف فيهم مشكلة خالص لأن كل واحد حر في أنه يعبد ربه لو كان له رب و كمان يشرب ويهيص وينبسط طالما مش بيضر أي حد تاني.

إنما اللي عايز أقوله هو أن رجال الدين في السعودية هم جزء أساسي من نظام السلطة، يعني ما يتخيروش عننا كثير. من يوم آل سعود ما حكموا هم و حلفاؤهم من آل الشيخ و كل المناصب السياسية و الدينية ف المملكة السعودية رايحة للعائلات المتحالفة مع آل سعود، الموضوع قبلي ومافيش أي جانب مؤسسي فيه.

حد سمع عن واقعة تعيين أول إمام أسود للحرم المكي في العصر الحديث من شهرين؟ الرجل نفسه طلع في التلفزيون و ما أنكرش ربط تعيينه بانتخاب أوباما و أن السود بقوا مهمين في العالم أخيرا. السود مش نسبة قليلة في المجتمع السعودي

طب حد يعرف فين الهاشميين من أهل البيت في السعودية؟ معقولة ما فيش حد باقي منهم في مركز أو منصب أو حتى تاجر كبير و عنده توكيل أو مول؟ مع أنهم كانوا بيحكموا الحجاز كله من مكة لغاية ما السعوديين حاربوهم وطردوهم، وهدموا كل آثارهم وأضرحتهم و بيوتهم وجابوا حلفاؤهم من النجديين من آل الشيخ اللي هم أحفاد محمد بن عبدالوهاب و اللي زي ما هو واضح من اسم عائلتهم ما لهمش أي صنعة غير أنهم شيوخ!

عرفت بقى صنعة "رجل الدين" في السعودية أصلها إيه؟
الإخوان يقاطعون إضراب 6 إبريل

أعلنت قيادات بجماعة الإخوان المسلمين موقفهم النهائى من إضراب 6 إبريل الذى دعت إليه بعض القوى السياسية، بعدم المشاركة رسميا فى الإضراب.

وقرر مكتب الإرشاد فى اجتماعه الأخير إعلان بيان يتضمن التأكيد على أن حق الإضراب هو حق للقوى الوطنية فى الاحتجاج، وأن الإخوان يشاركون قوى الشعب فى التعبير عن رأيهم من المعاناة والفساد والاستبداد، وأن الجماعة ستشارك من خلال طلاب الجامعات الذين ينسقون مع بعض التيارات لفعالياتهم.

وأكدت مصادر داخل مكتب الإرشاد أن البيان يتم إعداده حاليا ليتم إعلانه أول الأسبوع المقبل ويتضمن مبررات عدم المشاركة الفعلية فى الإضراب.

وأكد د.أسامة نصر، عضو مكتب الإرشاد، أن مكتب الإرشاد ناقش قرار المشاركة ولكن انتهى إلى أن الدعوة لم توجه للجماعة، ولم تشارك الجماعة فى الإعداد له ولا التجهيز ولا حتى الدعوة والتنسيق مع الآخرين، فكيف تشارك فى عمل تكون عواقبه وخيمة خاصة فى ظل حالة التربص من الأمن بأعضاء الجماعة؟
http://www.youm7.com/News.asp?NewsID=83162

بس فالحين يتضامنو مع غزة و الشعب ولا حد يسئل فيهم

عشان لما نقول ان بينهم و بين الحكومة مصالح مشتركة تبقو تصدقو
"٥٣ رجل دين سعودياً يطالبون بمنع ظهور المرأة فى التليفزيون والصحف"

هو حل ممتاز وعقبال لما يخلص البترول ونرتاح من ظهورهم كلهم خالص هم والاخوان
مشايخ التجديد والتطرف فى مصر!

http://www.youm7.com/News.asp?
NewsID=83027

http://www.youm7.com/News.asp?NewsID=82368&
بلاد الايمان و بلاد الكفر


أقرائي المقالتين دول حلوين اوييييي
Desert cat said…
Servant of Christ
يا سيدى الرسول لما جه نهى عن هذه العادة
وعندك فى القرآن
" واذا المؤودة سئلت باى ذنب قتلت "
يعنى الرسول بالفعل رحمة للعالمين ومالوش دخل فيما يفلعه الجهلاء

تحياتى
Desert cat said…
west
اولا انتى شرفتى المدونة جدا
على فكرة السعوديات نفسهم مش طايقين الوضع اللى هما عايشين فيه بس مش قارين يعملوا حاجه وعلشان كدا اللى مش قادرين يعملوه فى العلن بيعملوه فى الخباثة
وده على لسانهم

تحياتى
Desert cat said…
magi
البنات السعوديات فعلا يا ماجى عايشين مقهورين ما بيصدقوا يخرجوا بره السعودية ينطلقوا الصيف جاى واتفرجى عليهم فى مصر
تهاجرى ايه بس
مصر محتاجه لالف عقل زى عقل ماجى

محبتى ليكى يا قمراية
Desert cat said…
A.SAMIR
واخده يا دكتور بس المفروض دول يكونوا مختلفين يعنى دول محتكرين الاسلام
Desert cat said…
محدش بيموت ناقص حلم
وجهة نظر تحترم

شرفتنى جدا
Desert cat said…
Anonymous
تؤ تؤ تؤ ميصحش كدا المرأة عورة
هههههه
Desert cat said…
أسماء علي
دول يا دكتورة سمسمه بيقولوا لك ابو الهول من الاصنام لازم يتكسر وقعدوا يحرضوا الشباب الجاهل اللى عندنا على كسر الاثار على اساس انها اصنام يعنى وهما موكلينمن رب العباد بتصليح مصر بس
كسر رقابيهم

شرفتينى جدا
Desert cat said…
واحد مصرى
ايهاب مش معقول
بجد واحشنى جدا
وزعلانة منك جدا
كدا تروح تختفى فجأة من غير ما تطمنا على اخبارك
المهم حمد الله على سلامتك ويارب تفضل منورنا على طول

طبعا متفقه مع كلامك فى الكومنت
اللى مش قادرة افهمه المصريين بيقلدوهم الناس دى امتا حتفوق وتعرف ان اللى بيجوا بثقافتهم دول واقفين عند القران الثالث عشر

شرفتنى جدا جدا
Desert cat said…
Anonymous
انا كان كلامى عن الدرينكات وخلافه من باب السخرية لانهم اى حاجه ليها علاقة بالمرأة يحاولوا يطمثوها باى شكل من الاشكال فى نفس الوقت نزوات الرجالة مش بتنتهى ومن حقه يعمل اللى هو عايزة
بالنسبة لآل سعود فهما تاريخهم معروف لكن الريالات ليها سحر خاص فالطبيعى ان رجال الدين يكونوا ملك يمينهم والا النفى الى مكان لا يعلمه الا لله

تحياتى
Desert cat said…
مواطن مصري
اول امبارح كانوا بيقولوا لسه مش حددنا موقفنا وامبارح قالوا لك هناطقع ومهدى يتنحى
الناس دى من امتا يهمها مصر مصلحتها فوق الجميع يا عزيزى
Desert cat said…
حبيتك بالصيف
الله يتقبل دعائك
من يوم ما اتلوا الفضائيات وهما خربوا عقول الناس

شرفتينى جدا
Desert cat said…
مواطن مصرى
ههههه
محمد الدسوقى رشدى ده صحفى زى السكر
MEDUS said…
عزيزتى
والله نفسي دايما اعلق على كل موضوعاتك بس المشكلة ان الشغل واخد كل وقتي مفيش مساحة حتى اكتب في مدونتي
بالنسبة للموضوع دا الناس دول اللي دمغهم عبارة عن فردة حذاء مش بيعرفوا يفكروا ولا بيحاولو لانهم كدا هيتعبوا بينظروا للمرأة على انها مجرد- فرج يسير على قدمين-ولازم يتغطى لانه عيب يفضل مكشوف وعيب يخرج للشارع دي جريمة, فالمرأة في نظر رجل الصحراء خلقت لتكون وعاء تفريخ وتفريج ,تفريخ اولاد وتفريج عن كبت الرجال دى كل فايدتهافي الحياة وللاسف الافكار دي اتصدرت لنا رغم انها مش من ثقفتنا ودا اللى بحاول اثبتة من خلال عدد من الموضوعات بحضرلها دلوقت تحت عنوان انا قبطي = انا مصري ولست عربي
تحياتي لك ولكل ما تكتبين
والى الامام دائماً
blackcairorose said…
لما بنقرا اغرب الفتاوي نقول مفيش بعد كده، لكن الناس دي عندها القدرة انها تصدمنا بفتوى جديدة ابشع من اللي قبلها، مهما تخيلنا فتوى جديدة غير معقولة هنلاقي انها اتحولت لحقيقة يوما ما وفيه ناس او رجال دين زي ما بيقولوا على نفسهم بينادوا بيها
Desert cat said…
الدرعمي
تابع انت بس الناس دى وانت هتضحك ضوحك
Desert cat said…
MEDUS
والله انا كمان مفتقدة جدا لتدويناتك
ان شاء الله تلاقى وقت فراغ وتنزل فيه البوستات اللى بتحضرها
اما باقى كلامك فانا متفقه معاه
بس ياريتهم يخلوهم عندهم الا عندنا ما شاء الله التقليد اصبح وباء منتشر

شرفتنى جدا
تحياتى
Desert cat said…
blackcairorose
الوردة الجميلة
اخبارك ايه
وحشانى
الفتاوى دى اصابت المجتمع بمرض مزمن يسمى الرجعية والتخلف

تحياتى
احنا اللي ميه ميه
ماعندنا دعارة
ولاعندنا مخدرات
ولاعندنامجون عال مكشوف
ولاعندنا شباب ضايع
ولا عندنا بطالة و
و
و
وكما قال الجدع الفلته اللي

كله بيقطع
بعض يابوحميد
سايبين كل ده وشايفين الشيوخ اللي
بيدعوا للصلاة
ويحثو على الخير وينهو عن المنكر
ليه مابتبصوا على النص المليان من الكاس

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز