سيبوها تصحح ما أفسدتوه

اثار اعتراض السفيرة مشيرة خطاب وزيرة الأسرة والسكان أزمة لرفضها التعديلات التى أدخلها قانون الطفل فى الدورة البرلمانية السابقة طبعاً أول من أفتعل الأزمة نواب المحظورة وقاموا بتوجيه أتهام للوزيرة بأنها تحاول الاعتداء على قوامة الزوج على زوجته وولايته على أسرته ... هى الآية القرآنية مش بتقول " الرجال قوامون على النساء بما أنفقوا " ؟؟ طيب لو الراجل اللى الست مسئولة منه عواطلى وهى اللى بتشتغل وبتصرف على أولادها وعليه بالمرة معاهم مش يبقى كدا هى القوامة ؟؟ فين بقى يا متعلمين يا بتوع المدارس اعتداء الوزيرة على قوامة الزوج يعنى لو هو راجل محترم وبيشتغل وبيصرف عليها وشايف واجبات اسرته طبعا مش هيفرق ولا حد فيهم هيفكر غير فى رعاية الاسرة وسعادتها .. اما بقى بالنسبة لحضانة الطفل وهو فى سن15 سنة كدا بالفعل أصابت لأن الطفل فى سن 7سنين لازال محتاج رعاية ودفئ الأم ، هو الأب اصلاً فاضى لرعايته ومشاركته تفاصيل يومه اذا كان موظف فبيرجع من شغله ينزل القهوة وان كان رجل اعمال يبقى الطفل اقرب له يشوف حلمة ودنه ولا يشوف باباه مرتين على بعض فى الشهر وان كان عواطلى يبقى اكيد عند اقرب ميكانيكى علشان يرجع اخر النهار بالفلوس اللى هيعمل بيها مزاج طبعا ده مش تعميم لكن بالفعل معروف ان الراجل ليست لديه القدرة على الرعاية الكاملة .. السخيف فى الأمر ان السادة نواب الجزم تقدموا بطلب احاطة عاجل يطالبوا فيه الوزيرة بعدم اثارة القاضايا الساخنة .. امال عايزينها تعمل ايه يا حضرات ؟؟ ان مش كانت تهتم بالاسرة المصرية وحمايتها عايزينها تهتم باطفال غزة ؟؟ اللى رفضتوا مناقشة قضايا فساد التعليم فى المجلس ورفعتوا الجزم فيه لعدم غلق ملف غزة ؟؟ على اساس انكو نواب عن غزة ولستوا نواب عن المصريين اللى حملوكوا امانة قضياهم واختاركو تتكلموا بلسانهم ؟؟ وكالعادة لم ينسوا ان يبرروا فى طلب الاحاطة اللى اتقدمو بيه ضد الوزيرة مشيرة خطاب بانه اعتداء على الشريعة ..
السيدة الوزيرة المحترمة ثبت الله خطاكى وأعانكى على مواجهة هؤلاء الغوغائيين الذين يرفعون شعار المعارضة الدائم ضد المصريين عامة والمرأة خاصة .. فالمجتمع بحاجة إلى القوانين المدنية التى ستخرج به من هذا المستنقع العفن ، وكما هم يتحججون بالتعدى على الشريعة الاسلامية دون اى سند .. فالرسول الكريم قال " أنتم اعلم بشئون دنياكم "

Comments

نواب الجزم !
ههههههه

مقال جميل جداً
يسلم فمك يا قطة
مشيرة خطاب مشورها طويل و ربنا معاها ست تعمل بجدية


نموذج للمرأة المصرية
magi said…
مفيش فايده قالها سعد زغلول
انا نفسى اعرف الست عملتلهم ايه بس

القانون المصرى غير عادل بالنسبه للمرأه وده مناسبهم اوى فكره ان العداله عمياء دى مش عندهم

انت عارفه الماده الى بتنص على ان المطلقه لو تزوجت من حق الاب ان يأخذ الطفل فى اى سن او والدته او والدتها او اى حد الا الام الى ارتكبت جريمه بزواجها حتى لو كان ابوه ده لا يصلح لتربيه طفل
عقل مهوي said…
علي الله يكون تصحيحا للمسار

ورجال المحظوره ولاد محظروه .. ما علينا منهم ..
هما وراهم حاجة غير كل مانحاول نعدل المجتمع يجروا يقولونا استنوووواااا ده مش مطابق للشريعة
قال يعني هما بيعرفوا يطبقوا الشريعة من اساسه
..
ربنا يرحمنا من الأشكال دي يا حنان و الله
الربان said…
تحياتي

حضرتك اثارتي موضوع " غاية في الاهمية"

و هو قانون الطفل....

لن أتطرق الي موضوع " القوامة"..لان بالفعل هناك من الرجال من لا يستحقها.

لكن : اليس من حق الاب ان يري أبنه..
و يختلي به... تعرفي حضرتك ان هناك اباء محرومون من رؤية أطفالهم حتي بعد
ان حكمت لصالحهم المحكمة...
طبيب منفصل عن زوجته و بينهما قضية
للطلاق...حرمته من رؤية ابنه الصغير
عامين...و لما حكمت المحكمة بتمكينه من الرؤية.... بدأ محامي الزوجه في اتخاذ
الاعيب قانونية للحيلولة دون ذلك...
مثل الاستئناف للحكم....

مثال أخر...للام الحق للسفر لمدة عام خارج الدولة و معها الطفل .... و ماذا عن الاب ؟

الموضوع يجب ان ينظر اليه من جانب واحد فقط الا و هو " مصلحة الطفل "
و في تقديري ان "مصلحة الطفل " تقتضي
ان يكون بين الام و الاب...حتي ان تفرقا
بالانفصال او الطلاق...لابد ان يعايش
الطفل والده يوم علي الاقل اسبوعيا
و ان يتعايش مع امه باقي الفترة...

للاسف ، وهذا رأيي ، ان كلا الطرفين يحاولا الحصول علي مصلحة كل منهما دون
النظر الي صاحب المصلحة الحقيقية الا وهو
الطفل نفسه...

تحياتي و تقديري يا أستاذة.
amunraa said…
مينفعشي نخلي شريعة من القرون الاولي تتحكم في حياتنا يعني بصراحة مع احترامي لكل معتقد ازاي نعاقب السارق بقطع يدة ونخلية عال على المجتمع وشحات
وهلما جرى
Migo Mishmish said…
ما هي ديه هتبقى الموضه الجديدة يا قطة
اي حد هيقول اي حاجة ضد رغبه الغربان هيبقى إزدارء الاديان على طول. على اساس انهم الوكيل الوحيد والموزع المعتمد للدين الاسلامي الجديد الذي قاموا بإختطافه وإعداه تشكيله وتعديله بحيث يخدم اهدافهم المستخبيه
ولانهم عالم ما بتفهمش وبيتعاملوا مع الانسان على انه شيء. فالراجل عندهم قوامته بالفلوس بس يعني مندوب من البنك للبيت ومحدش قالنا ايه اخبار القوامة لو الراجل قعد من الشغل. في حين ان القوامة الماليه انا شايفها مسئوليه اكبر بتحط على الراجل علشان يساعد الستات اللي حواليه سواء ان كانت امه او اخته او مراته او بنته. يعني ربنا كان بيدلع الستات وسايب مسئوليتهم على الرجاله. انما الغربان مش شايفين في الست غير جاريه مطلوب منها تمسح وتكنس وتغسل وتربي العيال ولما تنزل في الشارع تنزل ملفوفه في توب قماش اسود علشان محدش يشوفها لانها شيء ملكيه خاصه للي بيجيبلها البرسيم وطبعاً ما ينفعش تنام بالليل قبل ما تشوف طلبات الحج
وبعدين ما تنسيش ان سعادة السفيرة امراه والعياذ بالله بالنسبه لهم ناقصه عقل ودين وسافرة ومتبرجه و قاعده في محافل الرجال بدون محرم
ده المفروض يرجموها على باب المجلس يامه
Love,
MishMish
أبنوسة said…
قطقوطه

وزيره شجاعه .. حقوا تمشي في اللي بتعمل فيه ولا تشتغل بحد

اصلو الرجال لما يلقوا واحده ناجحه وبتتصرف صح بيحاولوا يفشلوها

سؤال : انتي بتحبي القطط؟؟

صافي الود
Anonymous said…
امثالك انتى ومشيرة خطاب دى اللى حتودوا البلد فى ستين داهيه
*SosSoOo* l'o'l said…
انا لاحظت ان اي بوست بيقدم اي نوع من انواع التقصير الرجالي
يهاجم بشدة
طبعا من الرجالة
علشان كده طبيعي ان ده يحصل على مستوى البلد كلها

واي قانون ينصف المرأة قدامه مشوار طويل علشان يطلع للنور
أسوور said…
ايوة يا قطة كدة
اطلعى بالمفيد

انا فرحت جدا لما عرفت ان مشيرة خطاب بقت وزيرة الأسرة

اليت دى انا عارفاها من زمان .. حادة كالسكين قاطعة كالسيف ولا تتهاون ابدا فيما يخص قضايا النساء والأسرة والطفل

تحية لقطة .. وتحيتين لمشيرة
Desert cat said…
Servant of Christ
اصلهم مش بيعرفوا يتفاهموا واللى يلاقوا كلامه مقنع بدال ما يردوا عليه بادلة بيرفعوا له الجزمة دليل على فكرهم المنحط

تحياتى
Desert cat said…
مواطن مصري
مشيرة خطاب دى وزيرة المهام الصعبة
Desert cat said…
magi
هما حاشرين مناخيرهم فى اى حاجه ويقولوا لك احنا مش يهمنا السياسة احنا ناس بتوع ربنا
طيب العبادة فى المساجد ودور العبادة يا بتوع ربنا
مش فى المجالس النيابية
Desert cat said…
عقل مهوي
ربنا يقويها على مواجه الخبثاء
Desert cat said…
أسماء علي
هما عارفين ان الناس الغلابة مجرد ما بتسمع كلمة شريعه بيقولوا لا جدال
خلينا واقفين محلك سر وميعرفوش ان الخبثاء بيستغلوهم لمصلحتهم
Desert cat said…
الربان
حضرتك الحالات التى ذكرتها حالات شاذة
وكما ان هناك الام التى تمنع زوجها من رؤية طفله فيوجد ايضا الاب الذى يعاقب طفله لمجرد انه ذكر كلمة ماما على لسانه
تحياتى لحضرتك
Desert cat said…
amunraa
ماهو المشكلة ان المتخلفين دول مش قادرين يفهموا ان لكل وقت تشريعاته
لكنهم عايزين يرجعوا عصر الخلافة علشان الجهل يعم
Desert cat said…
Migo Mishmish
يا مشموشة
هما مش يهمهم الست دى فى اى حاجه
غير ان مفيش صوت فوق صوتهم
فما بالك بقى بان اللى صوتها عالى دلوقتى كمان واحدة ست اللى فى نظرهم اتخلقت علشان تطبخ وتمسح الحمام ويضاجعها اخر الليل
ليتكاثروااا

شرفتينى جدا
Desert cat said…
أبنوسة
ربنا يقويها وينصرها على الرعاع دول

انا بعشق حاجه اسمها قطط يا قمرى
محبتى ليكى
Desert cat said…
Anonymous
اه وامثالك انت وعصابة الاخوان اللى هتودوها لايران وطالبان صح
Desert cat said…
*SosSoOo* l'o'l
انا متفائلة خير يا قطة بالوزيرة مشيرة خطاب
بس يارب يكون فى كمان 10 زيها

شرفتينى
Desert cat said…
أسوور
اتمنى والله انها تصمد امام الغوغاء اللى عايزين يهدموا اللى بتعمله

محبتى ليكى يا احلى اسور

Popular posts from this blog

قميص دهشور

كل تحرش وانتوا طيبين