اختشوا بقه وأوقفوا عادة «ختان الإناث»


اختشوا بقه وأوقفوا عادة «ختان الإناث» كلمات تفوه بها مفتى مصر الدكتور على جمعه فى برنامجه " مجالس الطيبين " موجهاً كلامه لأهل مصر وبعض الدول الافريقية التى تمارس هذه العادة الذميمة .. ولا أملك سوى أن أقوله برافو دكتور على جمعه وأستمر على هذا المنوال يمكن الكلام يجيب نتيجة مع شعب غالبيته مغيبين لا هم لهم سوى تغطية وجه المرأة وقطع أعضاء المرأة وكل من هب ودب اصبح لا هم له سوى المرأى ومتخذين من الدين مبرر .. فهكذا دائماً الجهلاء حتى لا يكتشف احد جهلهم يلصقون العادات الاجتماعية الموروثة بالدين وجميع الاديان من قطع أعضاء الأطفال براء .. حان الوقت لمحاربة هذا الفعل المقزز ووجب سن القوانين لحماية المرأة من إرتكاب العنف ضدها وقفل الفضائيات فى وجه يعقوب وحسان والحوينى الذين لا هم لهم طوال اليوم سوى إرهاب البشر والمرأة عورة وقطعة القماش على وجهها وختانها عفة .. فعن أى عقة هؤلاء الجهلاء يتحدثون فمركز الإحساس يوجد فى المخ وليس فى الاعضاء التناسلية وهذه معلومة يعلمها طفل الكى جى تو مش جهلاء يبلغون من العمر ارذله يثارون لمجرد رؤيتهم انثى تتحرك على الأرض لذلك يتفنون فى اختلاق العنف ضدها والصاقه بالدين .. لذلك وجب الانتهاء من هذه العادة المقززة التى لا فائدة لها ويكفى ما تخلفه فى نفس من تجرى لها هذه الجريمة القذرة التى يشارك فيها الاهل والطبيب على حد سواء والضحية فقط من تعانى .. فضلاً أتركو المرأة وممارسة العنف والارهاب ضدها وتفرغوا للقضايا الأخرى فالمجتمع يعج بالمشاكل ... هذا إن كنتم تعلمون .. فالجهلاء دائماً لا يسألون

Comments

A.SAMIR said…
و تفتكري انهم فعلا هيختشوا؟؟
حياة said…
اللى اختشوا ماتوا مثل من زمان ولكن هل توافقين على تدريس الجنس فى المدراس لو اتخذ هذا القرار سيكون فى مصلحة الاطفال وعمل خط لشكوى الاطفال قرار صح بدلا من ان تظهر طفلة تم الاعتداء عليها وحملت ولا تعرف شى هل تتذكرين ها البنت مال القليوبية والحين اخر ما ظهرت مع محمود سعدلا تعرف شئ
حتى والدها جاهل اكتر منها

اللى اختشوا ماتوا مثل من الزمن الجميل
يا قطة المتأسلمين محتاجين فورمات و اقوى انتي فيروس


المتأسلمين الي أختصرو الدين في النقاب
dr.lecter said…
تصحيح بس ياحنان
الاعضاء التناسليه فيها اعصاب مسئوله عن الالاحساس

مساله الختان اتحسم الامر فيها

سواء من الموروث اللي اخدناه عن النبي والصحابه والمتضمن باختصار ان الختان بيتم بدقه وبدون ازاله كامله لتلك الطبقه الحساسه

وعامه في رايي الشخصي انه المفروض مايتعملش الا في حالات معينه اللي هي hypertrophy
او اللي فيها تضخم زائد عن الحجم الطبيعي فيستحسن انه يتعمل في الحاله دي

غير كده اظن انه مالوش لازمه لانه بيتعمل علي ايدي غير مختصه وبطريقه عنيفه بتسبب اذي نفسي اكتر من الاذي الجسدي وبتسيب خبره مروعه في ذهن الطفله

كان فيه فيلم راائع من سنتين اسمه دنيا لحنان ترك لما اتعرض الدنيا كلها هاجمت الفيلم علشان شايفاه بيسيء لمصر ولان مخرجته لبنانيه فرنسيه

معرفش انت شوفتيه ولا لا بس هو بيلخص حاجات كتيرره اووي
مهما حاولتم .. الختان سنة نبوية ولها حديث بذلك .. إذا إلتقي المخنوتان (راجعو الأحاديث كويس) .. انتو بتنفخوا في إبرة مقطوعة !!
Anonymous said…
اتمنى ان لا يختون البنات لا في الغرب ولا شرق
حتى تتاضعف شهوات النساء
إلى الأمام قطة ميآآو
هههههه
انا حرة said…
نوع تانى من العجز و التفكير العقيم..دلوقتى هتلاقى اللى داخل فارد صدره و يقولك دى سنة مؤكدة مع ان الشيوخ هرونا كلام فى الموضوع ده و الغبى فهم انه مطلوب فى حالات نادرة يحددها طبيب مختص حتى الشيخ محمد حسان قالها صراحة و الفيديو على اليوتيوب..لكن تقولى ايه فى مجتمع عايز يختن دماغ الست من اساسها و اى حاجة تمتلها بصلة
المشكلة مش فى الختان نفسه المشكلة فى التفكير الذكورى و التفسيرات الرجالى اللى خلت كل ما بيدور فى فكر الرجال بينعكس على ثقافة المجتمع..و بما ان الجنس هو الشاغل الاكبر فبالتالى الحل فى حرمان الانثى من حق شرعى ليها بدعوى حمايتها من الخطيئة مع ان الخطيئة الكبرى هى وجود الناس دى فى حياتنا لحد دلوقتى
تامر علي said…
بدون الكلام في موضوع الختان اللي أخد أكتر من حقه واختلف فيه الأطباء قبل رجال الدين لكن انا هاتفق معاكم انه مالهوش أصل في الدين خلاص .... لكن سؤالي هو ... المفتي ده اللي حضرتك معجبة بآراءه التنويرية هو نفسه صاحب فتنة"التبرك ببول الرسول" وهو نفسه صاحب فتنة"رؤية النبي في اليقظه" بالإضافة لإنه بيفتي بإن التعدد سنه برضه فهل حضرتك متفقه معاه ولا بناخد اللي يوافق هوانا واللي مش عاجبنا بلاش بغض النظر عن أقوال العلماء... يعني هل لو حد بيتكلم في الطب بدون مراعاة للمرجعية الطبية لعلم الطب هنقبل منه الكلام ..طبعاً لاء .... طيب ليه بنقبل إن أي حد يتكلم في الدين بدون علم ونقبل إلا إذا كنا جهلة فعلاً؟
الربان said…
تحياتي

في اعتقادي انها فعلا " عادة "...تعود
الناس عليها....و علي حد علمي أن السعودية لا توجد بها هذه العادة...

كما اود ان أشير...الي ان هذه" العادة"

تضر بالمرأة ...كما تضر أيضا بالرجل
لان العلاقة الحميمية لا تكون مكتمله او
يكتنفها بعض البرود....

وهذا يجلب مشاكل عدة..حتي ان لم تكن صريحة...فهي تأخذ صورة مشاكل أخري قد
تبدو تافهة...لكن المشكلة الحقيقية تكون كامنة خلف " عدم الاشباع " نتيجة
لهذه " العادة " ...

تحياتي و تقديري
Desert cat said…
A.SAMIR
اعتقد يا دكتور ان اللى اختشوا ماتوا علشان كدا اللى مش عندهم دم هما اللى باقيين
Desert cat said…
حياة
طيب هو ايه علاقة تدريس الجنس بختان الاناث
اصلا الجنس ده غريزة مش محتاج تدريس الحيوانات بتمارس الجنس وتتكاثر بدون تدريس

تحياتى
Desert cat said…
مواطن مصري
المتأسلمين دول عالم سفلة مش يعرفوا من الحياة غير المرأة وممارسة الجنس
المفروض يتم اعدامهم
Desert cat said…
dr.lecter
يا دكتور انا مش مختلفة معاك لكن مركز الاحساس لا يختلف للذكر عن الانثى وهو المخ
اما الختان فهو عادة جاهلية وليس موروث عن الرسول لان حديث اذا التقى الختانان فهو حديث ضعيف وليس له سند
وبعدين السعودية اللى جاى لنا من عندهم كل البلاوى مش بيتبعوا العادة دى على كدا بقى احنا سبقناهم فى التخلف
انا شوفت دنيا لحنان ترك وتابعت الحرب الدائرة حوله
مش بقولك احنا تفوقنا على الجميع فى التخلف والتقليد الاعمى
تحياتى
Desert cat said…
Servant of Christ

حديث ضعيف يا فندم وليس له سند
Desert cat said…
Anonymous
لو شهوات الرجال تتضعاف ممكن تتضاعف ايضا شهوات النساء
تحياتى
Desert cat said…
انا حرة
الناس تركت جميع المعاملات التى ينص عليها الدين واتبعت العادات الجاهلية والغريب انهم يقولوا لك اصل الدين بيقولوا كدا
طيب انتوا طبقتوا صحيح الدين ولا فاهمين منه حاجه
هنا يتجلى التخلف فى ابشع صورة

شرفتينى
Desert cat said…
تامر علي
يعن انت قصدك ان المفتى بيتكلم فى الدين بدون علم
ههههههههه
يافندم كل واحد ربنا وهب له عقل يفكر بيه ويشغله وويقدر يميز ويفهم الصح من الغلط يعنى تعدد الزواج تم حسم الامر فيه ويتم دراسة قانون الآن بان من يريد الزواج باثنين او اكثر عليه التقدم للقاء بالاسباب ومن حق القاضى يقبل او يرفض
اما الفتة الكبيرة بتاعة البول البركة ده فدى الحقيقة مش تدخل عقل طفل يبقى دخلت عقلك ؟؟؟
Desert cat said…
الربان
اتفق مع كلام حضرتك

تحياتى
http://www.alarabiya.net/articles/2009/03/04/67689.html

شوفي ام التخلف

حكمت محكمة سعودية على عجوز سورية تبلغ "75 سنة" متهمة بخلوة غير شرعية بالسجن 4 أشهر مع جلدها 40 جلدة وتسفيرها ومنعها من دخول المملكة مستقبلا، وفقا لتقرير صحفي نشر الأربعاء 4-3-2009.

يذكر أن عضوين من هيئة الأمر بالمعروف والنهي عن المنكر في مدينة الشملي بحائل قد القيا القبض على شابين هما "فهد" و"هديان" إثر دخولهما منزل "خميسة محمد سوادي"، حيث أكد الأول أنه ابنها من الرضاع واصطحب معه الثاني لتوصيل خبز للمرأة، لكنه تبين فيما بعد أن فهد ليس ابن "خميسة" من الرضاع، حيث سبق ميلاده ميلاد ابنة المتهمة بثلاث سنوات ونصف.
يعني حتى لو العجوز غلاطانة مفيش رحمة بيها
Desert cat said…
مواطن مصري
ماهى حصلت قبل كدا فى السعودية
وهيئة لامر بالمنكر والنهى عن المعروف حكمت عليها بالجلد برضه
دول مش يستاهلوا اصلا يكونوا بنى ادمين
عزيزتى قطة الصحراء

حساكى متنرفزة اوى براحة
دى عادات ومواريث موجودة منذ الف السنين لازم يكون فى حملات واعلانات باستمرار

بس فى ختان نوع تانى الا بيتعتبر تجميلى انا معاة

تحياتى وهدى نفسك
Desert cat said…
عاشقة حبيبتى
يا جميل انا مش فى حاجه فى العالم ممكن تضايقنى مش فى حاجه تستاهل
اما موضوع الختان
فهو فى فرق بين عملية التجميل وبين بتر العضو بالمبرر الساذج وهو العفة
تحياتى
الأخت الفاضلة .. قطة الصحراء

نونوة طيبة وبعد ...

يعني إيه حديث ضعيف يا فندم وليس له سند .. ؟! ولما هو "ضعيف" زي ما حضرتك تفضلتي ليه بقي موجود في تراث الكتب الإسلامية ومشايخ الأمة وعلماء الدين بيستشهدوا به كل شوية؟؟

وبعدين أنا مش فاهم يعني إيه فكرة إنه يكون هناك حديث ضعيف و حديث تاني جيد وحديث تالت نص نص ؟؟ ما هو يإما يكون حديث إتقال فعلا عن النبي او ميكنش!! لكن إزاي يكون ضعيف ويحتمل الخطأ او الصواب..؟

وبعدين هو الحديث اللي ميعجبش حضراتكم .. تضعفوه .. هي إيه الحكاية بالضبط؟؟ وفي الأخر تتهموا النصاري بتحريف الأناجيل وتبديلها ..؟ طيب من باب أولي إن حضرتكم تنقو الأحاديث النبوية وتفصلوا بين الأحاديث الضعيفة والأحاديث الصحيحة .. ولا إيه يا مشمشة ؟؟

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز