ما وجه الاثارة فى طفلة عمرها9 سنوات


تم اليوم الحكم بالاعدام على انسان لا ينتمى للأدمية ارتكب جريمته البشعة فى حق طفلة تبلغ من العمر9سنوات والبغل اللى ارتكب الجريمة دى يبلغ من العمر31سنة والمدهش ان الطفلة التى تم اغتصابها وكمل فعلته الشنعاء بعدها بان ادخلها احد المقابر لدفنها حية ليست ابنة احد اعدائه ولكنها ابنة شقيقه ... بصرف النظر عن بشاعة الجريمة التى يندى لها الجبين .. دائما مع اثارة كل جريمة تحرش او اغتصاب .. نجد السنة تتعالى لتقذف بالمراة فى آتون من الأخطاء .. وتحت مبررات واهية تشجع المتحرش على التمادى فى إرتكاب بذائته فى حق الآخرين .. تتبارى الالسن لتعلن ان ملابسها فاضحة او مشيتها مثيرة او انها تتغنج فى الكلام .. او ان البنات هى اللى بتحب تتعاكس .. ايه وجه الاثارة فى طفلة عمرها 9سنوات حتى يحتال عليها هذا الحيوان الذكرى لينتظرها اثناء خروجها من المدرسة ويوهمها انه حضر لايصالها لمنزل جدها ويصطحبها للمقابر ويقوم بفعلته التى تستحى منها الخنازير

لكل من يبرر التحرش الجنسى ويلقى بكل اللوم على عاتق الفتاة .. تمتعوا بالسيئ فالأسوء قادم لا محالة طالما تبررون دائما الخطأ وتقلبون المعايير لتصبح المجنى عليها هى الجانى

Comments

Mohamed Hamdy said…
انا لاحظت حاجه كمان فى الخبر اللى نشرته موقع العربيه
انه خنق البنت باستعمال (غطاء الشعر) الذى ترتديه

يعنى البنت كانت تسع سنين ومحجبه وبنت اخوه ... واغتصبها برضو

يبقا كويس اوى ان الشباب بيكتفى بمعاكسه البنات الكبيره فى السن الغير محجبه الى لا تمت له بصلة قربى .. ده كده خير وبركه بقا

وعمار يا مصر
magi said…
مفيش طبعا اى وجه
ولا حتى فى بنت كبيره ماشيه فى الشارع حتى لو بالمايو
الاثاره ناتجه عن عقولهم المريضه دول مرضى
اما بالنسبه للحيوان الى عمل كده فى بنت اخوه فده عنده بيدوفيل
شر البليه said…
بالنسبه للموضوع ورغم بشاعته فيجب ان نفرق بين المرضى والأصحاء
والمرضى من هذا النةع المقزز موجود فى كل مجتمع
اما المهم فهو
تحذير لكل من تسول له نفسه التخرش
سياخذ علقه عمره ما شاف زيها
النساء من مختلف الأعمار
وجدن الحل
التدريب على فنون الدفاع عن النفس والكاراتيه
وبدات الفصول
مع تزايد الأقبال حتى فى بعض الأحياء الشعبيه
درس من مصر لدرجة ان افردت البى بى سى مكانا بارزا له
وكيف تحول خوف الفتيات وخيرتهن ماذا يفعلن لو تعرضن للهجوم الى ثقه بالنفس وتمكن
In a dojo, or martial arts training area, in a poor working class suburb of Cairo, women in karate uniforms and tracksuits are learning to fight off an assailant.

In this male-dominated society it is unusual to see these women in their headscarves sparring with men, but such is the concern here at the rise of sexual harassment cases that the number attending this class grows every month.

Shaza Saeed, 14, is one of the new recruits.

"I was on my way home from school and I was attacked - I didn't know what to do," she said.

"But now I have learnt how to defend myself so I am not afraid any more. I think every girl should go to self-defence classes like this."

At the back of the gym, the mothers, some in all-covering Islamic dress, look on with admiration.

In the past some of have even joined in. There are women of all ages taking part. They fight each other and sometimes they fight the men.

Restraint technique

The instructor Redo Fathy says it is now incumbent on every woman to protect herself from the unwelcome advances of Egyptian men.

"The girls face a lot of problems," he said. "Especially the teenagers that attend high school. Some of them have long distances to travel."



Modest Islamic dress may be less of a deterrent than an expert karate move


"Our job is to give them the skills they need to protect themselves should something happen.

"One of our girls was attacked on the way home. A boy on a bus grabbed her from behind. She used a technique we had taught her to restrain him, until other people on the bus gathered around to help. He was later handed over to the police."

SEXUAL HARASSMENT IN EGYPT
Experienced by 98% of foreign women visitors
Experienced by 83% of Egyptian women
62% of Egyptian men admitted harassing women
53% of Egyptian men blame women for 'bringing it on'
Source: Egyptian Centre for Women's Rights

Sexual harassment is not usually a subject openly discussed here. But a recent survey carried out by the Egyptian Centre For Women's Rights has lifted the lid on an alarming trend.

Of just over 2,000 questioned 83% of Egyptian women said they had suffered some form of harassment.

Even more startling, nearly two thirds of the men they surveyed freely admitted they had abused a woman at one time or another.

Landmark case

The author of the report, Nihad Aboul-Qumsan, says too often it is the woman who is blamed for dressing provocatively.

"Most of the people we questioned said there wouldn't be such harassment if women dressed in a modest way. But when we questioned women on what they were wearing when they were abused more than 70% said they were wearing a headscarf.


Noha Ostadh fought back and then went public about her ordeal

"It is no longer acceptable to blame the victim."

Egyptian women rarely report these attacks to avoid the public embarrassment or dishonour to their family. In any case there is usually very little sympathy shown by the police.

But in a landmark case last year a judge handed down a three-year sentence to a man who had repeatedly groped a woman pedestrian as he drove alongside her in Cairo.

The victim, Noha Ostadh, initially held onto her assailant's vehicle and finally succeed in dragging him to a police station.

Since that case came to light the topic has been more openly discussed in the media.

The government belatedly has recognised they have a problem. There is new legislation passing through parliament that would define sexual harassment as a crime and make it easier for women to report it.

But the women in the karate class say it will require a more concerted effort from Egyptian society, and a backlash from men themselves, if they are to win on the street the honour and respect they are afforded in the dojo.
عقل مهوي said…
http://www.facebook.com/group.php?gid=71580327563
A.SAMIR said…
ليه كثير مننا بيحب يخلط الامور بدرجة بشعة
طبعا مغتصب الطفلة شاذ وقذر ويستحق الاعدام سحلا وليس شنقا
انما ايه علاقة ةدة بالمعاكسات او التحرش؟
يعني معقول انتي بتلاقي ان مفيش اي دور للمرأة في التحرش بها
خلااااص..الشباب مريض وشاذ والكائنات الانثوية دي ملائكة منزلة من السماء؟
لا بقى معلش
لا داعي لخلط الامور....فاغتصاب طفلة عندها 9 سنوات غير معاكسة واحد متبرجة نازلة الشارع علشان تتعاكس
Banoota said…
انا قرأت الموضوع و بس عايزة اقولك حاجة، ان في فرق بين التحرش الجنسي و الاغتصاب، مش عارفة ليه انت بتخلطي بين الاتنين. جرائم الاغتصاب بتحصل في الولايات المتحدة يومي لدرجة ان مش بنشوف عنها في الاخبار. بس الفرق بينهم وبينا ان هم عندهم قوانين و كمان مابيحطوس عبء اللوم على المرأة. لازم يكون عندنا توعية للموضوع لتصحيح
المعتقدات الخاطئة و مراجعة للقوانين

كويس ان اعدموا الحيوان المختل اللي عمل كده
magi said…
نازلة الشارع علشان تتعاكس

الجمله دى بالذات تثبت نظريتى عن تفاهه عقول الشباب اليوم

احنا بننزل من بيوتنا فعلا عشان نتعاكس

حسبى الله ونعم الوكيل
لا بقى معلش
لا داعي لخلط الامور....فاغتصاب طفلة عندها 9 سنوات غير معاكسة واحد متبرجة نازلة الشارع علشان تتعاكس

---

إغتصاب طفلة غلطة المغتصب و إغتصاب متبرجة غلطة المتبرجة

هو ده كلامك يعني و لا أيه ؟

---

ثم أصلاً يعني أيه متبرجة ؟

لو كانت أي واحدة مش لابسة حجاب يبقى سعادتك مسموحلك تعاكس كل البنات المسيحيات ؟؟؟

و لو كان اللبس المحزق و الأسترتيش

فمين بقى ها يحدد لنا درجة التبرج
اللي تسمح للواحد أنه يعاكس بعدها ؟

---
Desert cat said…
Mohamed Hamdy
ايوا طبعا ماهو دلوقتى الحجاب بيستخدم لاغراض الخنق امال هما فارضينه ليه
Desert cat said…
magi
ماشية بالمايو وقدرتى تقوليها يا ماجى يا حبيبتى اهو هيجى حد دلوقتى يقولك انتوا بتدعو للعرى ومش عايزين حد يتحرش بيكو
Desert cat said…
شر البليه
والله ياريت كل البنات فى مصر تتعلم الرياضات العنيفة علشان اى كلب يفكر يبص لها تحط صوابعها الاتنين فى عنيه
Desert cat said…
عقل مهوي
ثانكس
Desert cat said…
A.SAMIR
يا استاذ احمد ياريت حضرتك تقرأ البوست كويس انا مش قولت ان التحرش هو نفسه الاغتصاب
انما قولت ان المتحرش السافل بيقول اصل لبس البنت هو اللى اثارنى
ثم ان سكوتنا على المتحرش وتبرير افعاله له بلبس البنت او مشيتها الخ من المبررات هو اللى خلاه يتجرأ ويقدم على فعله الاغتصاب لان المجتمع اللى برر له فى التحرش اعطى له رخصة للاغتصاب
مفيش حاجه اسمها واحدة متبرجة نازلة من بيتها علشان تتعاكس
يعنى عايزها تمشى متكفنة فى كوم قماش اسود تكنس الشارع وراها وحالتها يرثى لها
حتى دى دى كمان اغتصبوها يا دكتور حوادث التحرش اللى كانت فى وسط البلد وجامعة الدول كانت بطلاتها منقبات .. تفتكر دى كمان كانت نازلة من بيتها علشان تتعاكس ؟؟
بفرض واحدة مهندمة ولبسها شيك .. او حتى ماشية عريانة مش بميوة زى ما العزيزة ماجى قالت .. ده يبرر لك تتحرش بيها ؟؟
وعلى اساس ايه حكمت على المتبرجة انها نازلة تتعاكس على اساس انها واقفه تحت عمود وبتوقف اى واحد وتقوله ولع لى
Desert cat said…
Banoota
خلط ايه اللى بين الاتنين
هو حضرتك قرأتى البوست فعلاً ؟؟
انا بقول ان المتحرش السافل بيقول لبس البنت .. طيب والطفلة اللى عمرها 9سنين اى اثارة فيها خلت المريض النفسى ده يقدم على اغتصابها ؟؟
يا جامعه اقروا البوست مش تقروا ردود بعض ويبقى كدا فهمنا منها المحتوى
Desert cat said…
magi
امال هيبرروا للمترش فعلته ازاى
وازاى الظاهرة القذرة دى تستمر فى المجتمع ؟؟
وازاى حالات الاغتصاب تختفى
احنا عايزين الحاجات دى تستمر علشان الشباب يستحل اعراض الناس براحته
وحتى الطفلة اللى عندها 9سنوات غلطانة وهى اللى تستحق الاعدام
اصل اللى اغتصبها ذكر والذكور حلال ليهم يعملوا اى حاجه اما البنات قتلهم هو الحل
Desert cat said…
على باب الله
هو ممكن تكون واحدة لابسه صندل مثلا وباين منها خصلة شعر وكدا تبقى متبرجة وحلال على اى شاب فى الشارع انه يتحرش بيها او يغتصبها حتى ماهى متبرجة بقى
يا فندم البلد دى مش هينصلح حالها الا اذا اتطبق فيها عقوبات رادعه
ايام الفراعنة المغتصب كانوا بيقطعوا عضوه الذكرى
وايام الرسول كانت تقطع ايديهم وارجلهم من خلاف
انا بقول خلينا فى قطع ايديهم وراجلهم من خلاف مع قطع العضو الذكرى لعل المجتمع ينضف
شر البليه said…
لهذا الأخ صاخب نظرية حق الشاب فى التحرش على اساس انها اثارته جنسيا
فى هذا الراى تكمن المصيبه التى ابتلينا بيها
وهى تكريس دور محدد للمراه وهو انها كائن او موضوع للجنس ليس الا...الى هذا الحد فعلا لا يرى الشاب فى اى فتاه غير جسد ومفاتن ولا يصل خياله القاصر الى ابعد من ذلك
او كما قلتى المراه فرج
لا عقل ولا شخصيه ولاكيان آخر لها
وهو فى فى التحليل الأخير وبلا فذلكه وكلام فارغ عن الخلط بين الأمور هو والمغتصب يشتركان فى هذا التصور او الخيال المريض
بدليل التحرش باى انثى حتى لو كانت مختفيه تحت اثواب تقيله من القماش
ودليل اقوى
لماذا لم تنتشر هذه الظاهره المخجله الا مع هوجة الحجاب والنقاب
ولم تكن موجوده كظاهره ايام اكتفاء النساء فى مصر بالملابس المحتشمه العاديه؟
الأجابه
هو انه مع هوجة الحجاب والنقاب صاحبها هوجة الدعاه المتخلفين فى القنوات الذين يروجون لأفكار تحط من كرامة المراه وتحبسها فى خيال الشباب فى ركن مظلم مكتوب عليه هذا فرج ليس اكثر
انا حرة said…
تصدقى مع انى من المتفائلين معظم الوقت الا انى متاكدة انه فى نقطة التحرش دى بالذات الاسوا لسه ما جاش..الفكرة مش فى اثارة ولا نيلة الفكرة فى عته ذكورى و صابهم و مفاده اهانة وذل اى انثى معدية حتى لو كانت لابسة خيمة..ربنا يشفى بجد
Banoota said…
يا قطة الصحراء ان قرأت الموضوع بالفعل و لا ما كنتش سبت تعليق
بس انت بتقولي في البوست "التحرش الجنسي" ده مش تبرير لتحرش دي حالة اغتصاب. التحرش دي ظاهرة بقت منتشرة بس الاغتصاب ده موجود من زمان و في كل المجتمعات.
اللي بيستخدموا تبريرات التحرش عايزيين يلاقوا اي شماعة يعلقوا عليها جريمتهم، بس الواقع ان الاغتصاب جريمة افظع من التحرش بمراحل.
ما هو كلام المشايخ دا هو اللي بيشجع المتحرشين علي التحرش بالبنات في الشوارع بحجة إن البنت من دول ماشية وهي مش محجبة أو إن جزء من رقبتها باين !
حياة said…
هل تعرفين ان هذا الحيوان واعتقد ان الحيوانات كذلك تتبراء منه هو خال البنت اى اخو امها اى فى منزلة والد اهى القرف ده ولكن الحكومة تتسبب فى ذلك لان هذا الشخص كان محبوس من قبل فى قضية اغتصاب وافرج عنه من شهرين اى ان السجن لا يهذب ولا يصلح من الانسان المجرم انا لو من الحكومة بدلا من مناقشة هذه القوانيين التى تتعب البشر من ضرائب وخلافه ان تقوم بعمل قوانيين مشددة لهولاء المجرمين كالاعدام العلنى للمغتصب او عملية جراحية ليندم على ما فعله فلكل يتذكر فتاة المعادى وغيرها وتم اعدام المغتصبين ولما يتعظ احد فهل نسمع عن اعدام علنى فى يوم من الايام نتمنى

تحياتى
لا يوجد طبعا

اى وجه للاثاره


اعتقد لو كانت البنت ولد

كان هيحصل نفس الموضوع


من الظاهر العداوه ليست ضد الطفل ولكن ضد الانسان فى حد ذاته بالاضافه للمريض مرتكب الجريمه


ما مدى الجريمه
والفكره

انتى وحدك تعلمين
الربان said…
تحياتي

هذه الافعال الشاذة التي يرتكبها قله
منحرفة العقيدة و الشخصية...اي غير سوية الشخصية...نتيجة وقوع صاحبها تحت
تأثيرات خارجية مثل الادمان... اقول انها حالات فردية..

اما التحرش بوجه عام...ففي رأيي انه يرتبط بظروف المجتمع ككل من ظروف اقتصادية و بطالة...من زحام سكاني
رهيب في المدن...و المواصلات...و غير ذلك.

من الغبن او الظلم ان نتهم المرأة بأنها
وراء هذا التحرش او من احد الاسباب..
لكن اصارحك القول ايضا...ان ما تقوم به بعض الفتيات من " الموديلز " غي الفيديو كليب...او بعض الممثلات من مشاهد تثير الغرائز...خاصة لدي المراهقين هي ايضا من العوامل المسؤولة عن التحرش....

تحياتي و تقديري...
معلهش ياحنان نغير الموود لحاجه تفرح بدل اخبار الغم
لقاهرة: قالت مصادر في مطار القاهرة الدولي ان وزارة الطيران المدني كافأت موظفا في المطار بألفي جنيه (356 دولارا) لرفضه رشوة 250 ألف دولار.

وقالت ان عصام عبد الكريم الذي يعمل في الخدمات الأرضية رفض الرشوة التي عرضها عليه محاسب في البنك المركزي مقابل المساعدة في إدخال أربعة ملايين دولار مُهربة من الخارج.

وقال مصدر ان عبد الكريم أبلغ السلطات بعرض الرشوة وان الأموال كانت ستهرب في براميل مشحونة في طائرة قادمة من دولة أفريقية.

وأضاف أن السلطات طلبت من الموظف مُسايرة عارض الرشوة وضبطته متلبسا.

وقالت مصادر المطار ان قيمة المكافأة أثارت تندر عاملين في المطار الذين اعتبروها غير مجزية.
خبر رفض الرشوه من موقع برنامجنا الأذاعى ومن المدونه الخاصه به
الموقع
http://dear.to/cairo
المدونه
http://netonradio.blogspot.com
Sherif said…
يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك
Desert cat said…
انا حرة
ماهو المجتمع بيبرر للمتحرش جريمته ويلقى اللوم على الضحية ويقول ان هى السبب
علشان كدا حبيت اتسائل والطفلة اللى عمرها 9سنات اثارت خالها برضه
فعلا القادم أسوء
ربنا يستر

تحياتى
Desert cat said…
Banoota
يا حبيبتى والله انا مش قصدى حاجه
انا اسهبت فعلا فى الكلام عن التحرش
لان بتراخى المجتمع والتماسه المبررات للمتحرش دخلنا فى دائرة الاغتصاب
وبالتالى كان من البداية نقضى على سرطان التحرش بعقوبة رادعه
على الاقل مش كنا سمعنا كل يوم والتانى واقعه اغتصاب لان المتحرش عارف ان المجتمع فى صفه يبقى لما يغتصب برضه المجتمع هيكون فى صفه

شرفتينى جدا
Desert cat said…
Servant of Christ
اهم مشايخ الارهاب دول اللى مكرسين وقتهم كله ضد المرأة هما أساس البلاوى فى المجتمع وكل واحد جاهل يستشهد برأى الشيخ حزمبل الاجهل منه
أبنوسة said…
قطقوطه
انا ارتحت جدا لما قلتي تم تنفيذ حكم الاعدام

حكاية اغتصاب الاطفال دي ظاهره انتشرت من بدري شديد .. والايام دي في السودان بتم تسليط الضوء عليها ..

في علم النفس بنسميهم البيدفيليين ..مشتهو الاطفال .. وانا طبعا ابدا ما بحب تصنيفهم كاشخاص مضطربي السلوك
ودائما لازم نطبق عليهم حكم الاعدام عشان يكونوا عبره وعظه لغيرهم

حمانا الله وابنائنا

صافي الود
Desert cat said…
حياة
فعلا مش قادرة افهعم لما الضمير ينعدم فى اقرب الناس ويقوموا بافعال تستحى منها الحيوانات الناس هتثق فى الغرباء ازاى
انا من رأى انه يتصلب فى ميدان عام ويتقطع منه لحد ما يموت

تحياتى
Desert cat said…
محدش بيموت ناقص حلم
انا حبيت اعرض الموضوع للناس التى تبرر فعل التحرش للاناث وكل واحد قاعد يقول اصل البنت هى السبب بتلبس مثير وبتمشى تتدلع
ونهاية تبرير التحرش الطبيعى انه يكون اغتصاب

تحياتى
Desert cat said…
الربان
استاذى العزيز مش ينفع ابرر فعل خطأ وألصقه فى الظروف
يعنى هى الظروف دى على الولد والبنت لاء
مصر فيها 9مليون عانس
علشان الظروف السيئة والبطالة المفروض انهم يمشوا يتحرشوا هما كمان
الموضوع فى الاول والاخر مرتبط بالتربية
فى ناس كتير بتبات من غير عشا لكن ثروتهم العفة والشرف والكرامة
بالنسبة للبس البنات النقطة اللى حضرتك تطرقت لها
الشاب المتحرش فى مصر بيسافر اوربا ممكن يشوف البنت عريانة قدامه لكن مش يقدر ينظر لها نظرة واحدة مش علشان غض البصر حاشا وكلا
انما علشان خايف ومرعوب من قوانين البلد الاوربى اللى هو فيها واللى ممكن اقل عقوبة ينالها انه يترحل على بلده تانى
الاخلاق لا تتجزأ
كذلك المفروض يكون فى عقوبات رادعه فى مصر
واعتقد ان القضاء بدأ يسير فى مساره الصحيح

تحياتى
Desert cat said…
انت تسال والكمبيوتر يجيب

المدونة تحت امر حضرتك
شرفتنا جدا وأضأت صفحتى المتواضعه
Desert cat said…
Sherif
الف مبروك لحضرتك
بس للاسف مش هقدر احضر

ربنا يوفقك
Desert cat said…
أبنوسة
والله يا ابنوسة انا شايفة ان حكم الاعدام فى المجرمين دول هيريحهم
دول المفروض يتعذبوا بعدد كل ثانية عذبوا فيها ضحايهم

تحياتى احلى ابنوسه
حيوان
لا تعليق

Popular posts from this blog

قميص دهشور

كل تحرش وانتوا طيبين