الشبهات تحوم حول 2 منقبات و3 بكستان

قولنا يجرموا النقاب والمفروض ان وزارة الداخلية يكون ليها دور فعال فى القضاء على هذا الخطر الذى يسير على الأرض خلف قطعه كئيبة من القماش لحد امتا هنفضل نعيش فى الخطر ده ومش عارفين اللى جاى فى مواجهتنا ده واحد ولا واحده متخفية ارهابى ولا قاتل ولا حرامى المشتبه فيهم فى عملية الحسين 14 شخص بينهم سيدتين منتقبتين و3 باكستان ولن ينتهى الارهاب ولم ينتهى الخطر طول ما الملثمات يتجولوا فى مصر ذهابا وايابا دون رادع او عقاب .. فمن السهل جدا ارتكاب اى جريمة دون الكشف عن مرتكبها لذلك كانت نظرة وزير الاوقاف فى محلها وتاليفه لكتاب النقاب عادة وليس عباده وتوزيعه على جميع المساجد فى وقته .. لكن هذا لم يكون له الاثر القوى ان لم تتدخل وزارة الداخلية لردع اكياس الزبالة السوداء التى تتجول فى الشوارع ذهابا وايابا .. والتى يقبع خلفها الخطر ..الجدير بالذكر ان تنظيم القاعدة قد بث رساله على مواقهم الالكترونية تشيد بدور حسن بشندى الارهابى الذى قام بتفجير قنبلة ايضا محلية الصنع فى 2005 وكان نصها «حسن رأفت بشندي شهيد عرفه القليل وظلمة الكثير» ودعا المقال الشباب المصري إلي تنفيذ حادث مماثل، وقال: حسن بشندي شهيد بإذن الله وإن اتهمته الأقلام الخبيثة بالضلال، وضحي بنفسه ليدافع عن دماء المسلمين المستباحةفاى عقول هذه واى اشخاص ينتمون خطأ لبنى البشر الذين يستبيحون دم الابرياء الآمنين وحسبنا الله ونعم الوكيل

Comments

يا قطة الان في ناس مفكرة ان الحكومة هي المنفذة الغريب اني انصدمت لماا قريت موضوع احمد ماهر في 6 ابريل و ناس في الشارع مصدقةان الحكومة وراء الانفجار


سايبين الارهابي و اتهموها في الحكومة
مسلم علمانى said…
بيان لكل من له عقل ومحب لهذا البلد ويتمنى له الخير والسلامه وان سجنبه الله كل سوء
من اى مصدر كان
مره اخرى يسقط من يسمى نفسه حسن الهلالى ويتخذ اسماء اخرى عديده لمدونين وهميين يكتب ويرد باسمائهم على نفسه فى مدونته
آخر الكمائن التى نصبناها له وبغبائه الشديد وقع فيها ولم ينشر ردنا ففى تدوينه يشنع بسبب جريمة قتل ارتكبها مسلم اميركى فى نيويورك
وردينا بان هذه الجرائم ليست قاصره على المسلمين
فالذى قتل رئيس وزرائهم ليس مسلما
والسفاح جولدنشتين الذى فتح رشاشه على المصلين وهم سجود فى جامع فى الخليل لم يكن مسلما
والذى قتل مبعوث الأمم المتحده لفلسطين عام 1947 لم يكن سوى عصابات يهوديه
وبالطبع لم ينشر هذا الكلام
بغيائه وليكشف عن حقيقته
والملاحظ ان كل المدونات الوهميه التى يرد على نفسه باسمائها كلها نمط واحد
وكانه يفترض البلاهه فى من يقرا
وسالناه اسئله كاختبار اذا لم ينشرها عرفنا حقيقته
سالناه عن علاقته بالقمص المصرى الشاذ زكريا بطرس المطرود من الكنيسه لسوء خلقه ويقود فريق من العملاء وبتميل مشبوه يتهج على المسلمين وويسخر بوقاحه من مقدساتهم فى قناه تيلفزيونيه وموقع على النت يعمل ليل نهار دون توقف وبتمويل مشبوه
وهدفه المعلن الذى لا يخفيه هو اثارة الفتنه الطائفيه فى مصر
ولك ينشر من يسمى نفسه حسن الهلالى هذا الكلام
وسالناه مارايك فى تصدير الغز المصرى لأسرائيل بشروط مجحفه ولم ينشر هذا ايضا
ولا يحتاج الأمر لذكاء خارق لكى نعرف من هو هذا الشخص وامثاله ممن ينشرون فى المدونات بهدف اشعال الفتنه الطائفيه فى مصر بكل ما يجره هذا من خراب ودمار
Che said…
بصى يا قطه ، انا زيك مش باحب النقاب و شايف انه فعلا عاده .. بس انا لازم اكون صريح معاكى و سامحينى على الاختلاف معاكى .. انا مع مبدأ الحريه الشخصيه .. يعنى لو واحده عايزة تمشى زى الخيمه هى حرة .. بس انا ماقدرش انكر حريتهم دى عشان انا مش موافق عليها .. و بالنسبه لموضوع انه فعلا بمعناه الحرفى بيكون نقاب و ساتر للى عايز يعمل حاجه انا مش مختلف معاكى .. انما انتى اكيد عارفه ان مبدأ التعميم نفصه مرفوض فى اى حاله .. يعنى كل فئه من المجتمع فيها الصالح و فيها الطالح
تحياتى يا جميل
karim said…
معكى كل الحق و لكن لا تنكرى انها حرية شخصية لا يستطيع احد اجبار احد على شىء, وبدل ماندور على النقاب و الكلام دة نصلح الدنيا الاول و نبقى تمام بعدين نحاسب الناس
النقاب يحجب هويتك عن الجميع

و دي جنة الإرهابيين و المجرمين

و كل اللي عاوز يعمل حاجة من غير ما حد يشوفه

---
Blank-Socrate said…
عزيزتى النقاب ابشع صور العزله
فقط هى تفترض ان كل البشر ذئاب بشريه
كيف لى ان اتعامل مع انسان دون رؤيه وجهه
اول قاعدة فى الاتيكيت هى النظر الى الشخص المتحدت اليه
هذا على مستوى المنقبه الطبيعيه
-----------
اما استخدام النقاب فى اعمال اجراميه
فلا حدود له
و بالفعل الكثير من الحالات معروفه للجميع يكفى الحادث الطائفى فى الاقصر عند سرقه انسانه منقبه لموبيل و حدوث فتنه هناك عند كشف الشاب المسيحى لوجهها للتعرف على شخصيتها
----------------------
ثم فتاوى حجب عين واحدة لان الاثنين خلف النقاب مثيرين
يا سيدى
هذا ليس انسان ادامى الذى تخفى عنه عين حتى لا يثار
الى هذا الحد اصبحت جميه النساء عورة
اذا الافضل ان يعيشن دخل بيوتهم و عند الزواج تنقل داخل صندوق خشبى الى بيت الزوجيه
تحياتى و اسف على الاطاله
زيارة أولى للمدونة يا حنان
ووعد بعودة مطولة
bluestone said…
مش مهم اللي عملها متطرفين اسلاميين ولا لأ
لان اللي عملها ممكن يكون اي حد اي جهة
المشكلة الحقيقية هي ان النقاب فعلا بيخفي الهوية وبيساعد على التخفي والهروب

اي حد ممكن يرتكب اي جريمة من اي نوع ويتخفى في النقاب ومحدش شايفه
bluestone said…
رد سريع بس على تشي :
في اي مجتمع محترم حريتك الشخصية تقف عند حدود حرية الاخرين
يعني ان كان في ما تراه حرية شخصية أذى محتمل للاخرين وقتها حريتك لازم تكون محدودة

المنقبة طبعا حرة تلبس اللي هي عايزاه لكن بالتأكيد لازم يكون فيه قانون او قاعدة تمنع دخولها اي مكان عام
لا مؤسسة عامة ولا فندق ولا مكان اثري ولا مطعم ولا كافيه ..إلخ
Desert cat said…
مواطن مصري
الناس دى الحكومة عامله لهم هسس فى عقولهم ومش بعيد لو الدنيا مطرت وواحد فيهم ماشى فى الشارع يقولوا الحكومة هى السبب فى المطر
طبعا العالم دى هى اللى بتساعد المجرمين على ارتكاب اى مصيبة وبقلب مستريح ماهى الحكومة بقى ورا المصيبة مش المجرمين والارهابيين
Desert cat said…
Che
لا اختلف براحتك
لكن انت حر مالم تضر
ومفيش حاجه اسمها حرية من خلف قطعة قماش تستخدمها العاهرات ويستخدمها المجلمين فى ارتكاب افعالهم ده المفروض انه يكون جريمة يعاقب عليها القانون

تحياتى
Desert cat said…
karim
ماهو القضاء على اللثام اللى بيتخفى وراه المجرمين والارهابيين بداية الاصلاح
لا حرية فى اخفاء هوية

تحياتى
Desert cat said…
على باب الله
يبقى المفروض وزارة الداخلية يكون ليها دور فعال فى القضاء على الخطر الكامن خلف قطعة هذا اللثام اللعين

تحياتى
Desert cat said…
Blank-Socrate
اللثام يخفى دائما خفه كل القبح والاجرام
ومن ترى فى نفسها عورة عليها الا تخرج من بيتها وتلزم جدرانها الاربع
وهل الله يخلق شيئ عورة

تحياتى
Desert cat said…
د.محمد ربيع هاشم
حضرتك تشرف يا دكتور
Desert cat said…
bluestone
وعلشان كدا بنقول ان الحكومة لازم يكون ليها دور فعال فى القضاء على هذا الوابء اللى انتشر فى مصر تفادياً لأى أخطار

تحياتى
Desert cat said…
bluestone
كلامك صح جدا يا بلو
ولو ان الغاؤه برضه يعتبر واجب وطنى
Anonymous said…
ممكن يكون عملتها قطه
القطط معروف بتخربش
Desert cat said…
Anonymous

القطط دى ملايكة
Mohamed Hamdy said…
جبت سيرتك هنا

http://demaghy.blogspot.com/2009/02/blog-post_25.html
Desert cat said…
Mohamed Hamdy
خير اللهم اجعله خير
لما نشوف
Che said…
قطه
متفق معاكى انه اللى بيستخدم النقاب للتخفى بغرض ارتكاب جرائم يجب عقابه باقصى عقوبه ممكنه .. بس انا عندى سؤال صغير ... تفتكرى كل اللى لابسين نقاب عندهم النيه لعمل افعال يجرمها القانون ولا مش كلهم
رد على تعليق bluestone
انا لو قست بنفس المقياس يبقى كده هلاقى ناس بيؤذيها بصريا انها تشوف ناس بشعرها او بهدوك كت مثلا و يبقى لازم حفاظا على حرياتهم اخلى الناس ما تعملش كده و بالتالى هينتفى كل معنى للحريه الشخصيه
و بالنسبه لنقطه الاماكن اللى يجب منع المنقبات من دخولها فده فعلا موجود فى اغلب المطاعم المشهورة و فى كل الاماكن التابعه للجيش و فى اماكن تانيه كتير
Anonymous said…
يهودي مصري
اسمحي لي في البدايه ان عندك تعميم للحكم على كل المنقبات انا معرفش في دينكم اكيد ولا لا لكن احنا عندنا طائفة بتؤمن بالنقاب وانت حكمتي عليهم بالفاظ جارحة
تانيا تفكيرك نفس تفكير طالبان اللي كانوا بيجبروا الناس على النقاب انت عاوزه تجبريهم على منع النقاب
ثالثا انا كتبت عندك تعليقات كتير نفسي اشوف تعليق واحد فيهم ظاهر بالمناسبة اليهوديه مش عيب ده دين وبعتز بيه
والمصري مش حرام ده بلدي وبعتز بيها
A long distance said…
لردع اكياس الزبالة السوداء التى تتجول فى الشوارع ذهابا وايابا

ونتمنى ايضا القضاء على الكاسيات العاريات
لانهم بيمثلوا خطر كبير
ومخليه نسبة التحرش عاليه
Desert cat said…
Che
اللى بتلبس النقاب دى اما عاهره او مجرمه او مشروع مجرمة يبقى الغاء النقاب من المجتمع واجب وطنى
والمفروض وزارة الداخلية يكون ليها دور قوى فى القضاء على هذا الوباء من المجتمع
Desert cat said…
Anonymous
لاء معلشى خانتك كل الفاظك
النقاب ده ماهو الا عادة صحراوية بالية اتت الينا مع الوافدين من بلاد البترودولارات واقتلاعهم من المجتمع واجب على الجميع
اما انك مش بتتنشر لك كومنتات فانا الحقيقة مش فاكره انك كتبت عندى كومنتات قبل كدا
لانى مش بحجب غير كومنتات لناس مرضى نفسيين وانا عارفاهم كويس
انما عمرى ما حجبت كومنتات بسبب دين حد حتى لو بوذى مش مشكلتى الدين علاقة روحانية بين الانسان وربه انا ماليش فيها يبقى حجب كومنتات حد بسبب ديانته ليه
Desert cat said…
A long distance
المشكلة مش فى الكاسيات العاريات المشكلة فى المرضى اللى اتعودوا يشوفوا فى بيوتهم اماهتهم واخواتهم عورة ويحتار فى تغطية اى عين فيها حلال ولا حرام اصل الست اللى خلفته عورة بقى
وحتى لو اتكفنت زى كيس الزبالة وخرجت الشارع لو مغطية عنيها الاتنين وحد ساحبها زى الكفيف برضه بيتحرشوا بيها اصلها بيكون شكلها مثير
A long distance said…
المشكله في كله يا قطة الصحراء
انتي من رايك انك تقضي على المنقبات
لانك بتعتبريه تهديد
وانا من رايي ان نقضي على البنات
اللي لابسين لبس فاضح
لانه برده تهديد ليهم هما نفسهم
بالتحرش الجنسي
اللي بيزداد كل يوم
Desert cat said…
A long distance
ده اكتر ناس معرضين هما المنقبات
والدراسات اثبتت ان نسبة المنقبات والمحجبات 85% بالمقارنة من غير المحجبات لان الشباب بيخافوا من اللى مش محجبة بيقولوا انها هتعمل لهم فضيحة وتجرجرهم على اقسام الشرطة لكن المنقبة هتحط نقابها فى بؤها وتتكتم
وابقى تابع وانت تعرف بنفسك
فتافيت said…
لا حول ولا قوة الا بالله العلي العظيم
ربنا ولا تؤخذانا على ما فعل السفهاء منا

المنقبات كياس زبالة في الشارع؟؟

اللى بتلبس النقاب دى اما عاهره او مجرمه او مشروع مجرمة يبقى الغاء النقاب من المجتمع واجب وطنى
؟؟؟

انتى عارفة انك كده قذفتي محصنات.. يعني تتجلدي 80 جلدة ولا تقبل شهادتك ابداااااااا

النقاب اللي مش عاجبك اللي بتتشدقي به ده .. سترة يا قطة

عارفة انتي اصلا ايه حكم كشف الوجه في الاسلام؟؟

حكم كشف الوجه في الاسلام يا فاضلة انه يجوز في حالتين لازم يكونوا سوا مش حالة واحدة فيه اه والتانية لا

اولا ان يكون الوجه خالي من اي زينة
ثانيا ان يكون في امن في الشارع ومايكونش فيه نفوس مريضة

وطبعا شارعنا كله نفوس وقلوب مريضة وعفنة كمان

يعنى النقاب دلوقتي بقى فرد مش كياس زبالة يا قطة ومش عادة يا عمرو

وبعدين بتقوللي على واحدة ساترة جسمها كله عاهرة؟؟؟
امال اللي ماشيه في الشارعه فتحاها على البحري ببدي وجينز وخلافه والميني جيب والابرموده والبلاى الازرق

انا مش هاتعب نفسي معاكي لانك اصلا بكلامك اللي فوق واتهامك لكل المنقبات بالعهر او الاجرام .. سقطة عنك الشهادة ولا تقبل منك

وانا لله وانا اليه راااااااااجعون
Desert cat said…
فتافيت
الشهادة تسقط عن القاصر والعتوه والمجنون يا متعلمة يافقيهه فى الدين
اى دين بقى اللى جه وامر بتغطية الوجه بقطعة قماش وتشبه النساء باكياس الزبالة المترمية فى الشوارع
هى اركان الاسلام فيها ركن سادس ومش حد عارفه ؟؟ طيب اى رسول اللى نزل بيه .. وسبحان الله ربنا مش نوه عن قطعة القماش اللى بتخفى هوية العاهره والمجرمة دى ولا ذكرها فى القرآن اللى المفروض انه منهج المسلمين اللهم الا اذا قال اغرابيب السود هما بقى الملثمات دول الغراببيب السود .. تصدقى فعلا شكلها مش يختلف كتير عن الغراب ...
مش بتتخفى عن الاعين غير المجرمة او الهربانة من عملة او العاهره او جميع ما سبق
وابقى اقرى فى دينك كويس علشان لما تتكلمى تبقى بتتكلمى بحجه وبينه
فتافيت said…
لا يا قطة بتسقط كمان عن من يقذف المحصنات

اللي قذف محصنة يتجلد 80 جلدة ولا تقبل منه الشهااااااااااادة

وانت قذفتي كل المنتقبات وقولتي انهم عاهرات

يبقى انتى حدك في الاسلام الجلد 80 جلدة وكمان لا تقبل منك الشهاده

ربنا لو كانت تقول وهي غير فاهمة فلا تؤخذها واعفو عنها واحل لها العقدة وانر لها بصيرتها
وانما لو كانت تقول وهي تعلم اللهم انصر دين محمد وبنات امه محمد من كل السفهاء الغافلين وارنا بهم عجائب قدرتك .. اللهم امين
Desert cat said…
فتافيت
المحصنة إنسانة واضحة وصريحة وباينة للجميع
مش ملثمة تتشبه بقاطعين الطرق
من ترتدى اللثام وتضع قطعة القماش المسماه مجازا بالنقاب اما شاب عاطل يتسكع من خلفه ويرتكب المهازل واما عاهره واما متخفيه لارتكاب ريمة او منتهية لتوها من ارتكاب جريمة او لتوه لا تفرق فجميعهم فى الاجرام سيان
اما دعائك الاخير فربنا يتقبل منك
A long distance said…
من ترتدى اللثام وتضع قطعة القماش المسماه مجازا بالنقاب اما شاب عاطل يتسكع من خلفه ويرتكب المهازل واما عاهره واما متخفيه لارتكاب ريمة او منتهية لتوها من ارتكاب جريمة

مينفعش يبقى في تالت
ان تبقى فيه واحده مسلمه ملتزمه
حريصه على تنفيذ تعاليم دينها
يعني يا قطه لازم تخلع وتمشي بشعرها
علشان تبقى واضحه وصريحه

كلام مش مظبوط بالمره يا قطه
ياريت تفكري صح
وبلاش تهاجمي كل المنتقبات
للأسف الناس مش بتسمع صوت الأزهر والأزهر نفسه غير قادر علي إيصال صوته لهؤلاء الناس وبالتالي لا تأثير له .. لكن الناس في الحقيقة بتسمع وبتنقاد وراء مشايخ الدعوة السلفية من امثال محمد حسان ومحمد يعقوب وغيرهم من شيوخ القنوات الدينية اللي دلوقتي بقت في كل بيت مصري من خلال الوصلة .. يعني تأثيرهم خطير جدا علي عقول الناس ...

الشيوخ دول هما السبب في نشر النقاب في مصر .. لأنهم بيعتبروا النقاب سنة وفي بعض الأحيان فرض ديني .. والناس في الغالب بيعانوا من الجهل والتخلف وبالتالي بيصدقوا اي كلام يتقال ..

طبعا في ناس تانية بتلبس النقاب لأغراض معروفة .. ولإرتكاب الجرائم .. والتخفي .. إلخ

Popular posts from this blog

قميص دهشور

كل تحرش وانتوا طيبين