وصول وفد حماس للقاهرة

وصل مطار القاهرة مساء اليوم الاثنين، وفد حركة المقاومة الإسلامية (حماس) قادما من دمشق، ويضم عماد العلمى ومحمد نصر عضوى المكتب السياسى للحركة
امال فين المقاومة ؟؟؟ وفين التصريحات الرنانة بإراقة دم اسرائيل وتعليمهم الدرس القاسى ؟؟؟ خارت قواهم والعيل رجع فى كلامه وجايين يتفاوضوا .. اتأكد كدب البيانات المزعومة اللى كل يوم يقولها هنيه وتبثها قناة الحقيرة بقتل واسر اسرائيليين ؟؟ بالمناسبة البهوات جايين من دمشق شكلهم كانوا بيحاربوا هناك فى الفنادق والتكييف والسرفيس ال7 نجوم .. والغلابة بيحاربوا وبيواجهو الموت فى غزة بمبب العيد
ومن المقرر أن يجرى وفد حماس مباحثات بشأن العدوان الإسرائيلى الأخير على قطاع غزة، وفرص التهدئة مع إسرائيل، وفق الخطة المصرية التى طرحتها مصر على الاتحاد الأوروبى. تأتى زيارة وفد حماس بعد أيام من تصريحات للمتحدث باسم الخارجية المصرية حسام زكى، قال فيها إن مصر تجرى اتصالات مع مسئولين من حركة حماس للتداول معهم بشأن الأفكار المطروحة لوقف إطلاق النار بينها وبين إسرائيل.

يعنى لما اتنزقوا مش لقيوا ليهم مكان يلمهم غير مصر .. يعنى اللى بيجرى اتصالات ومفاوضات لحل ازمتهم برضه مصر .. علشان كل عاجز حرضهم على نقض التهدئة وبعد ما خاضوا الحرب وقف يتفرج عليهم وعلشان عجزه مش يبان يلقى اللوم على مصر .. علشان كل حاقد وكائن نكره مش لاقى له حاجه يعملها قاعد يجاهد من خلف كيبورد ويشتم فى النظام المصرى يخرس .... علشان الجميع يعرف ان مصر اللى بتمرر لهم مساعدات واللى فاتحه للجرحى مستشفياتها يتعالجو .. وبهذه المناسبة احب اقول للى كانوا بيقولوا لى انتى موقفك مش انسانى اصل يعنى المفروض انهم يفتحوا المعبر ويسكنوهم فى سيناء لحد الازمة دى ما تتحل فى مواطن فلسطينى كان بيتعالج فى مستشفى ناصر والكابتن هرب من المستشفى يبقى شوف بقى سيادتك لما يدخلوا سيناء شهر اتنين تلاته هيعملوا ايه اذا كان المصاب هرب للداخل امال الشديد هيعمل فينا ايه ؟؟؟

تعليقات

‏قال غير معرف…
حنان انت بتقولي كلامصح قوي
بس المشكلانطريقتك صعب بردو وبتعملك مشاكل كتر
بصي انا شايف ان الفلسطنين لازم يفضلو جوة ارضهم لان دي ارضهم ولازم يدافعو عنها
اما بقي موضوع الحرب والكلام دة فانا مؤمن تماما ان حل مشكلتنا مع اسرائيل لن يكون إلا بالحرب والقوة فإسرائيل لا تعرف إلا هذه اللغةولكن الحرب ليس الأن للأننا لسنا مستعدين له
ايضا هذه الحرب يجب ان يشارك فيهاالعرب كلهم ليس مصر فقط
اما بقي وفد حماس.. فحماس بتلعب في كل الجهات واي حد لها معاه مصلحة هتروحله وتكلمه سواء مصر ولا حزب الله ولا ايران ولا حتى العفريت هي مايهمهاش إلا مصلحتها واحنا بردو لازم نفكر في مصلحتنا
اما قناةالحقيرة فدي قناة عبيطة وبتقول كلام اهبل وعدم الفرجة عليها احسن
بس الناس مش راضيةتصدق كدة
سلامي ليكي وياريت تخفي لغة الهجوم دي شوية
‏قال غير معرف…
بالنسبة لحسننصر الله
هو ليس اكثر من ظاهرة صوتية فقط مجرد حنجوري من حناجير العرب
ولازم الناس تفهم دةكويس وتفم كمان خطورة المد الشيعي في الوطن العرب فالشيعة ليس لهم عهد
‏قال مواطن مصري
ههههههههه


دول بتوع كلامممممممممم الجزيرة كانت جايبة مسئول اسرائيلي بيقول ان دول في سوريا و بتوع كلاممم


دول اخرهم كلام و متاجرة ب القضية مهما يشتمو فيي مصر هيرجعو ليها ما كان من الاول يعني
‏قال 5ajol
ربما تكونين محقه فأنا اشاركك رأيك في من تسمي نفسها نفاس اقصد حماس
نعم حماس بمساعدة اسرائي جنت على مليون ونصف المليون من العزل
نعم حماس شوكة في حلق اسرائيل وفي حلوقنا وفي حلوق "الجرب" اجمعين
الا أن التغيير قادم وحماس ستكون الشرارة
‏قال يهودي مصري
اخيرن لقينا عرب معانا في عملية السلام اتمنى الاقي عرب زيك يروحوا يتظاهرو لاسرائيل
شكرا لمشاعرك النبيلة
واخنا هنبيد حماس في الاجتياح
شالوم للكل
‏قال مواطن مصري
انا جايبلك موضوع هام جدا جدا جدا لازم تقرائية و ترجمية http://www.washingtonpost.com/wp-dyn/content/article/2009/01/04/AR2009010401434.html


خيار الثلاث دول

بيتكلم عن توطين غزة و حماس في سيناؤ تحت الادارة المصرية و توطين فتح في الاردن و تكون تحت الادارة الاردنية


عشان كدة حماس عاوزة تفغتح المعبر كليا عشان تسهلهم العملية دي
‏قال lastknight
شرفينى بزيارة مدونتى .. أظن عندى تفسيرات
‏قال الربان
تحياتي

العرب كل العرب ليس لهم الا مصر سند..
و ظهر يؤون اليه....هم يعلمون هذا..
حتي وان ظهرت من البعض بعض الحمقات.

من الممكن و الافضل التراجع عن موقف طالما ان هذا يخدم مصلحة الشعب ...لان الحكومة
او اي سلطة...هي لتنظيم حياة الناس
و تسهيلها....و الا اصبحت الحياة فوضي
اقول الافضل للجميع الان ان يتفق علي
رفع الغبن و الظلم و القهر عن غزة و أهلها...هذا يجب ان يكون الهدف الاسمي
و الاول....

الاخوة الفلسطينيون يجب ان يترفعوا عن
خلافاتهم...و يوحدوا صفهم...و لا مانع
ان يكون هناك اختلاف في الراي لكن لابد
من وجود تنسيق في الادوار.

ندعوا الله ان يؤلف بين قلوبنا و يوحد صفوفنا...و يلهمنا الصواب...و الا يؤاخذنا بما فعل السفهاء منا.

تحياتي و تقديري
‏قال غير معرف…
المرة دى بقى العيب على مصر التمسح بكرامتها الارض منهم و فى الاخر جايين يتوسطولهم

عموما اسرائيل هاتخوزق الكل ولا تهدئة ولا هدنة ولا قرف
الكلام ده كان قبل مايستدعوا الاحتياطي و يشحنوا ام الدبابات و يكلفوا نفسهم
‏قال amunraa
هتبدي عمليات تفجير ويتلم المتعوس على خيب الرجى حماس والاخوان وتبقى مصرسان
‏قال Che_wildwing
انا شايف ان حماس بتعمل كل حاجة في الميعاد الصح
بس معلومة عايز انبهك ليها
حماس لو وحشة او بتبلطج على مصر
كانت ممكن ترد من بدري على التصريحات الخايبة اللى بيطلعها المسئولين المصريين
بس الناس دي فعلا محترمة
ومقدرين مصر حتى اخر نفس
مش معنى انهم طلعوا كويسين اننا نقول انهم تراجعوا
ومش معنى انهم فرع اخواني
انهم وحشين قوي كده
وصدقيني يا استاذة
حتى الاخوان مش وحشين بالصورة اللى حضرتك شايفاه عليها
‏قال Che
هدى نفسك شويه يا قطه الصحراء الموضوع مش مستاهل منك النرفزه و حرقه الدم دى .. انا رايى انك توفريها لحاجه تستاهل
بخصوص نضالهم فى فنادق دمشق فدى حاجه قديمه و يموت الزمار و صباعه بيلعب .. و من كورنيش المزرعه فى لبنان ل ايلول الاسود فى الاردن لتونس الخضرا ل اوسلو لدمشق لمصر يا قلبى لا تحزن .. وهى الثوره قايمه و الكفاح دوار على رأى عمنا " محمود السعدنى " .. هما تقريبا جايين مصر عشان مكسوفين يقعدوا مع اسرائيل لوحدهم و جايز عايزنا محرم ليهم عشان الاسرائلين دول اغراب مالهمش عادتنا و تقاليدنا و جايز يعملو معاهم حاجات وحشه
و مصر هتفضل دايما بعد ما الناس اللى بتتكلم عليها تروح مزبله التاريخ
‏قال Che
هدى نفسك يا قطه الصحراء و وفرى حرقه الدم و النرفزة لحاجه تستاهل
اما بالنسبه للكفاح فى الفنادق فدى عادتهم مش هيشتروها و من ايام كورنيش المزرعه الى ايلول الاسود فى الى تونس الى اوسلوا الى دمشق الى مصر يا قلبى لا تحزن ... اهى الثورة قايمه و الكفاح
دوار على راى عمنا محمود السعدنى
و بالنسبه لكل اللى بيتكلموا على مصر .. مصر هتفضل بعد ما تروحوا لمزبله التاريخ
‏قال غير معرف…
السيد رئيس الجمهورية قال انو استقال وراح بيتهم

انا بارشح نفسي بدل مبارك
كل اللي عايزين حرب تعالو وانضمو لصفوف الجيش واوعدكم انكم هتحاربو في الصف الاول على خط المواجهة
مين مستعد ينضم الى الجيش بتاعي؟؟؟

لازم تدعموني لاني باعتبر نفسي افضل قائد حرب وساحارب حتى اخر جندي
‏قال Desert cat
مصطفي ريان
يا عزيزى اللى بيعمل مشاكل اعتراض على طريقتى فانا مش بلتفت ليه عندى الاهم اما اسرئايل والفلسطنين فمن نقض التهدئة هو هنية ومن تسبب فى المجزة الحاصلة هو هنية يبقى مش يستنى من بلد تانية تصحح له اخطائه كونه عاجز عن صد العدوان ومستخبى فى جحر كما الفأر الاذعر يبقى اكرم له وافضل لشعبه انه يستقيل ويسيب احكم للى يقدر يدير شئون البلاد

شرفتنى جدا مصطفى
‏قال Desert cat
مصطفي ريان
ياعزيزى بخلاف خطورة المد الشعيى خطورته هو نفسه على الآخرين والمغيبين فلا اعلم كيف يسمونه قائد وهو تسبب فى دمار بلد باكمله
‏قال Desert cat
مواطن مصري
هما سايبين الغلابة يموتوا واللى تسبب فى المجزرة مقضينها فى منتجعات
طبعا كان لازم يعملوا شو ويلقوا عجزهم وضعفهم على غيرهم اسقاط يا عمرو
‏قال Desert cat
5ajol
حكومة حماس الفلسطينين افتكروها هتعمل حاجه جديدة مفيدة تفيد القضية
لكنهم دلوقتى بيبكو بدل الدموع دم والمفروض ده يكون درس قاصى لكل مغيب منساق خلف الاراجوزات التى تاخذ من الدين شعار للوصول للسلطة .. هنية لن يتنازل عن الكرسى حتى لو ابيدت غزة وده تصريحه فالمهم هو الكرسى وليس ارواح شعبه
التغيير قادم ولكن بدون حماس وبدون اخوانجية فالدرس كان قاسى للغاية
‏قال Desert cat
يهودي مصري
اولا انا مش اتظاهر الا من اجل بلدى مصر
اما ابادة غزة او فلسطين هو محور القضية المختلف عليها
فالاهم هو ابادة حماس ومن يدعمها
‏قال Desert cat
مواطن مصري
انا هدخل على اللنك اشوف محتواه ايه
اما عملية فتح المعبر والتوطين فى سيناء فدى خطة حماس بالاتفاق مع اخوانهم اللى شغالين مظاهرات وقايمين بالبكاء عليهم ليل نهار
‏قال Desert cat
lastknight
يشرفنى زيارة مدونة حضرتك
وانا متاكدة جدا من تحليلك الصائب
‏قال Desert cat
الربان
استاذى العزيز .. هم يعرفون جيدا ان مصر هى الام بمعنى الحضن الذى يحتويهم بالرغم من خطأهم فيها وتشدق كل جاهل عاجز بالكلام عليها وعلى شعبها
اتفق معك جيدا فالاولى بهم ان يوحدوا صفوفهم ويتفقوا ويهتهموا بارواح شعبهم التى يعبثون بها وعدم اخذ قرارات خاطئة وينتظرون من غيرهم تصحيحها

مودتى واحترامى
‏قال Desert cat
An Egyptian
معلشى مصر برضه ام الدنيا وام اللى جابوهم واحد واحد
وسنرى ما ستسفر عنه الايام
‏قال Desert cat
amunraa
ده ممكن يحصل فى حالة لو الريس مش فايق لهم ..
لكن النظام مش هيسمح بكدا وربنا يقويه عليهم ويجمع الاخوانجية فى تقفيصه فراخ ويبيدهم
‏قال Desert cat
Che_wildwing
معاد الصح
انت شايف الدمار والخراب والارواح اللى ماتت دى كلها والجرحى والمصابين كل ده وتقولى المعاد الصح
هما مش قدروا يواجهو اسرائيل وعجزهم ظهر وطفا فوق السطح علشان كدا خنعوا ورجعوا ولجأوا لمصر
حماس دى حكومة مش محترمة
المسؤلين المصريين كان المفروض مش يعبروهم
ويسيبوهم يروحوا فى داهيه فى جحورهم اللى مستخبيين فيها
اما الاخوانجية ربنا يقوى عليهم نظام مبارك ويبيدهم فى اقرب وقت
‏قال Desert cat
Che
اان دمى مش محروق لانهم مش يستاهلوا دول حثالة البشر
انما انا بعرض موقف مضاد للى كانوا بيقولوه وتصريحاتهم الغبية اللى كانوا بيطلعوا بيها
هما بعد ما ظهر عجزهم وفشلوا الطبيعى انهم يلجأوا لمصر ستهم وست العالم
‏قال Desert cat
علشان مصر
انا هنتخبك بس اول حاجه تعملها تولع فى الاخوانجية
‏قال غير معرف…
ميرسي على ترشيحك لي يا سيدتي
وعلشانك هاخد الاخوان يدلوني على اللمرات اللي سلكوها على ارض مصر من اجل تهريب السلاح والمخدرات الى حماس
وكمان لازم يقولولي على مخابئ الاسلحة التي لم تصل بعد الى خزة وما والت مخباة على ارض مصر في العريش او قرب البحر الاحمر ويجب ان اعرف الكهوف والخنادق اللي متخزن فيخا السلاح والمخدرات ولازم اعرف عن الانفاق اللي من تحت الارض على ارض مصر وتربط بين اماكن معينة

ولسة الانفاق اللي محدش عارفها في اي مكان على الحدود ولمين تابع كل نفق ولاي دولة يخدم

عدا على ان المسالة فيها انتهاك لحرمة ارض مصر من الاخوان ومن حماس فان الاسلحة اللي اتهربت من ثمان سنين الى اليوم وام زالو يفرقعونها ببلاش على اسرائيل فهي لازم نتحاسب عليها في مصلحة الجماك
وما زلت ادعو كل من دعا الى الحرب انهم يطلعو رجالة وينضمولي ويثبتو انهم ومش بتوع كلام وهنحارب الاخوان وحماس واسرائيل وايران وحزب الله وامريكا ودوا الخليج اللي تتاجر بالدين وهاخلي الشرق الاوسط نضيف ويلمع زي الالماز وهاحط اميرة على اسرائيل واميرة على الضفة واميرة على غزة واميرة على مصر

هاخليها زي الفل
‏قال غير معرف…
انا متفق مع الرد الاول عندك
بتعرضى قضايا رائعة تهم كل صاحب راى وعقل
لكن انتى عنيفة والعنف مع رقة القطط مينفعش حاول تهدى على الناس شوية يا قط يا مفترس
‏قال Yasmine
انا مفروسة من اللى بيتقال بجد مش مصدقة نفسي
بعيدا عن حماس عشان انا قلت رايي فيها بدل المرة الف..فى شعب بيباد بالكامل و بعيدا عن مين السبب العرب كل واحد ماشى فى اتجاه مختلف و ما اجتمعوش غير على لوم مصر
طيب اسم الله عليكم عملتوا ايه؟

ولا لما المعبر يتفتح هتبعتوا جيوش تحارب ولا هتكتفوا بالاسعاف الطائر و الشجب و الادانة..ولا هيدعوا لمظاهرات مصرية لفتح المعبر بالقوة زى نصر الله ما قال؟

بجد كفاية تلسين على مصر مش معقول التخلف العقلى يوصل للدرجة دى
و اللى عارف يعمل حاجة تفيد ما يعملها و يورينا..صدق اللى قال ان العرب عايزين يحاربوا اسرائيل حتى اخر جندى مصرى

و على فكرة القادة اللى هنا دول مش بتوع فلسطين.التانيين بيحاربوا بالبمب و النبل هناك لسه و موتوا 10 اسرائيليين بحالهم!!
ربنا يكون فى عون الاطفال بجد انا قلبى واجعنى عليهم و فى الاخر يقولولك مقاومة..حد يقاوم اميركا بشوية نبل؟!!!
‏قال Desert cat
علشان مصر
ده انت كدا هتبقى رئيس زى الفل
بس ياريت بعد ما يدلوك على الانفاق اللى بيهربوا من خلالها السلاح لحماس بتاعتهم يكتم نفسهم فيها ويبقى غاروا فيما صنعت ايديهم
‏قال Desert cat
Anonymous
لالالالالا
انا الناس المسالمة صديقة ودودة خالص لكن مش بعرف اضمن نفسى بكون ودودة لحد امتا
:)
‏قال Desert cat
انا حرة
حبيبتى هما لا يملكو سوى الحناجر ووقت ما يتزنقوا زى الاطفال يجروا على مصر اللى غلطوا فيها وفى قيادتها وفى شعبها الى فتحوا لهم مستشفايتهم
وكل عاجز يزايد على مصر من جهته للمدارة على خنوعه وقلة حيلته
القادة اللى هناك مش بيحاربوا القادة اللى هناك مستخبيين فى جحور مع الصراصير
اللى بيحارب الغلابة والاطفال الصغيرين

تحياتى
انا مش عارف هى حماس دى مضيقاقى فى ايه؟ حماس دى هى المقاومه وبدونها لا مقاومه للكيان الصهيونى المعتدى.
ايه عايزنهم يسلموا ارضهم ويقعدوا يتفرجوا على الصهاينه وهمه عمالين يبرطعوا فيها... ايه خلاص مبقاش عندنا نخوه و لا كرامه؟؟ ده بدل ما ندعمهم؟؟
جماس دى بتدافع عن حق شعب فى الوجود والحياه واسترداده لأرضه، حتى حق المقاومه عايزين تحرموهم منه؟؟


انا عمرى ما شفتك اتكلمتى على العدوان الصهيونى خالص ولا جبتى سيرته كل كلامك غضب على حماس ونصر الله، هى رموز المقاومه هى اللى عملالكوا مشكله.

حماس بتحارب باللى تملكه هى دى اسلحتها ومع ذلك مسببه رعب وهلع للإسرائيلين لدرجه انهم هربوا من بيوتهم وقعدوا فى الجحور...


انا مش عارف النظام ده عجبك اوى كده ليه؟؟ على العموم ده مش مجاله بس عاوزك تقرى مقاله مجدى الجلاد بتاعة الدرس التركى علشان تعرفى الفرق بين حكومتك والحكومات الديموقراطيه واللينك اهو:
http://www.almasry-alyoum.com/article2.aspx?ArticleID=193632&IssueID=1277#CommentFormAnchor

أرجو انك تبصى للموضوع نظره موضوعيه بعيداً عن كرهك للإخوان لأنه واضح انه مسيطر عليكى فى تدويناتك للدرجه اللى كرهتى فيها حماس وافتكرى انها هى اللى بتحارب اعداءنا كعرب ومسلمين.
اه نسيت على فكره الجيش الإسرائيلى نفسه عترف ان فى قتلى واكيد همه اكتر من اللى قالوا عليه لأنهم مش عايزين يفضحوا نفسهم.
‏قال amunraa
يهودي مصري انت عاوز الناس اعمل مظاهرات لاسرا~يل في الدةل العربيه
علشان مش يعتقلوهم لا ده هيخذو,هم
واتمني من قلبي ان حماس والاخوان يبادو بس المشكله الاطفال والمدنيين اللي بيموتوا في القصف الاسرائلي

المشاركات الشائعة