مولد المرتزقة

حزب الله.. دَعَمَ حماس "معنويا" وَرَفَضَ فتح جبهة مع إسرائيل عسكريا
طيب ما تخرس يا حسن بدل البينات اللى بتبثها من مخبأك وبتمليها عليك ايران .. يعنى طالما انت لا تملك سوى الحنجرة فبلاش التملق والمداهنة على حساب مصر ... مصر اللى برضه وقفت جنبك وساندتك لما قمت بالحرب اللى جلبت للبنان الخراب والدمار واللى بالرغم من طوله لسانك انت وامثالك العجزة عليها برضه بتساعد الفلسطنين وبتستقبل الجرحى وبتدخلهم مستشفياتها يتعالجوا فيها الجرحى اللى فى بداية الحرب كانت بتمنعهم حماس من الدخول لمصر ظنا منها انها كدا بتضغط على الحكومة المصرية لفتح المعبر ما يولعوا هما جرحانا ولا جرحاكو .. دى حكومة امينة على ارواح شعبها ؟؟؟ فى المقابل كان وزير الصحة الفلسطينى يناشد الرئيس بفتح المعبر لاستقبال الجرحى .. احنا مش معترضين بس حكومتك المتأسلمة هى اللى معترضه من الاولى انك ناشدها هى .. مش انت برضه اللى قولت اسرئيل لن تخسر الا من حزب الله طيب فين جيشك ورينا همتك ؟؟ اتفضل افتح جبهه من ناحيتك عايزين نشوف النصر المبين على يد حزب الله ولا فى الحروب نعامة واكتفيت بالدعم المعنوى ... وقاعد تحرض حماس على الدخول فى حرب وهى اضعف واهزل من اى مواجهه لا تملك ما تواجه بيه كان الاولى بيك بدل التحريض انهم يخوضوا حرب تمدهم بالاسلحة ولا انت برضه مستخبى وقاعد تشجع اللعبة الحلوة مجرد متفرج على الانتحاريين اللى بيواجهو صواريخ اسرائيل وطائراتهم وهم لا يملكون سوى فرقعه بمب وطرقعه صوابعهم ... فين امير قطر مش جبت سيرته ليه فى بيانك الحنجورى الغبى مين الاولى بالقاء اللوم مصر اللى بتسمح بمرور مساعدات و فاتحه دراعاتها للمصابين وبتعالجهم وبالرغم من كدا حكومة حماس تعطى تعليمات لقتل ظباطنا وحرس حدودنا ولا امير قطر اللى عنده 3 قواعد امريكية ؟؟ كل واحد له مصالح مشتركة يتنصل من حماس طبعا بعد ما حرضها دلوقتى سوى انه يدعمها معنويا وهذا اضعف الايمان وفى المقابل يقوم بتصدير مصر فى المقدمة والقاء اللوم والتهم علشان طبعا يبان قوى مهاجك حتى اخر نفس .. مصر لن تصحح أخطاء عصابة حماس الارهابية هى من قامت بنقض التهدئة بتحريض من ايران ونصر الله فيا من تدعون المــقاومة وبانكم من ستمحون اسرائيل من الخريطة في أيـــران وسوريا وحزب الله .. الرجال افعال لا ابواق وحناجر وتحريض وبعدها تملص من المسؤلية كالتلميذ البليد الذى ينسى القيام بعمل واجبه فيتهم زميله بانه سرق قلمه

Comments

A.SAMIR said…
انا مش هاقدر انونو معاكي النهاردة علشان انا احترم حسن نصر الله وبشدة
وارى انه في هذه الأيام اصبح كالكريم على مائدة اللئيم اللي هم صحفيو الحكومة ومذيعيها
Desert cat said…
A.SAMIR
تحرمه او مش تحترمه ده شيئ شخصى يا احمد لا دخل لا احد سواك فيه
اما حسن نصر الله فهو فى هذه الايام اثبت انه كالكلب ينبح فى الظلام
حسن نصرالله من اتباع ايران التي تحاول فرض نفوذها بالشرق الاوسط باستخدام المرزقة امثال حماس ونصرالله

انا احاول جمع مقالات ومواد تدعو الى توحيد الشعب المصري وباستطاعة الجميع الكتابة عندي بحرية مع تسجيل او بدون تسجيل

من يتبعون حماس ونصرالله ليذهبو اليهم, ومن يريدون مصر فليطردو هؤلاء من اكناف مصر

تحياتي

http://style.ipbfree.com/
عزيزتى قطة الصحراء
اهلا بعودتك السالمه من شرم الشيخ بعد رحله رائعه وصورك الزاهيه .. بينما كانت الالاف القنبل تسقط على غزه .. المهم اهلا بعودتك .. ولكن ليس من اللياقه ان نسخر من السيد حسن نصرهذه اليام بالذات مهما اختلفنا معه فى التوجهات وليس من الموضوعيه مناصبته العداء فى اى ظرف من الظروف وليس من المعقول ان نتهمه بالعماله لانه فشل فى التحلف مع انظمتنا الخائبه وشعوبنا النائمه واضطر للتعامل مع اشقاءنا فى ايران .
وان كنا نؤمن اننا بالفعل امة واحده ووطن واحد فلن نجد صعوبه فى فهم دوافع حسن نصر الله حين يطالبنا بالثوره ضد الانظمه فنحن جميعا فى مصر وغيرها نشعر بالخجل والقرف من انفسنا ومن ضعفنا ومن تخلف نظمنا السياسيه ومن كل الجرائم التى ترتكبها هذه الانظمه ضدشعوبها ومن كل هذا القدر من الخضوع والخنوع والانهزاميه الذى يمارسه الحكام العرب منذ حرب اكتوبر وحتى الآن
تجاه الصهيونيه والامريكان. وما يقوله حسن نصر الله هو ما نقوله جميعا ونحن نواجه التزوير والتلفيق والتعذيب والفقر والبط
اله والعبثيه والطبقيهو كل انواع الفساد من الحكومات الجاثمه على صدورنا فلماذا نسخر من الرجل حين يطالبنا بنفس ما بداخلنا ويردده الكثيرين منا كل يوم وكل ساعه ..
هل كثير على هذه الامه ان يكون بينها رجل اواثنان يرفضون الاعتراف بخيبة العرب ويصرون على مقاومة الصهيونيه والانهزاميه والعبوديه والتخلف والفساد ؟؟
هل نحن الآن فى وقت الشيعه والسنه والاخوان ؟؟ هل نحن الان فى عهد ترف الاختيار بين المذاهب الينيه والعقائد الفكريه ؟؟هل بيننا شخص اخر تمكن كحسن نصرالله من الصمود امام اسرئيل واجبارها على الاستغاثه بمجلس الامن والامم المتحده والولايات المتحده لوقف القتال ؟؟ هل الساده الافاضل الساخرون من حسن نصر الله لديهم حلول اخرى لمواجهة حالة البلاد العامه التى اصابت الوطن العربى باكمله وجعلته عاجزا عن مجرد استرضاء اسياده الصهاينه والامريكان ومنعهم من ذبح فلسطين والعراق وغيرهما..
شافانا واياكم من وطنية العبيد.................!!!!!!!!!!!!!
Anonymous said…
احه ليكى ولنصر الله كلكو عملاء ولاد كلب
An Egyptian said…
عامل زى الحرمة فى الخناقات لما تقعد تشجع من بعيد قرايبها اللى بيتخانقوا

بس صحيح ليه هو خايف اوي كده من اسرائيل؟
الغريب و الي مجنني ان الجزيرة قناة اة فيها حرفية اعلامية و لكن ناسين ان قطر فيها قاعدة امريكية قاعةةةةةةة و بترولها بيروح ل امريكا و كل كلامها مصر و يشتمو في مصر على انها بتصدر الغاز على الاقل معدناش قواعد في لابلد ولا اية يا قطة
فلتذهب اسرائيل وعملائها وابواقها

الى الجحيم
لم نشهدبعد حرب 73 انتصار علي اسرائيل الا حرب حزب الله
http://www.islamonline.net/servlet/Satellite?c=ArticleA_C&cid=1230650254496&pagename=Zone-Arabic-News/NWALayout


ههه شوفي دة و اضحكي
الإسلام و أهل الذمه said…
أنقل لكم هذا الموضوع من مدونة عبد الرحمن الشريف للأهمية

*القرية التى اقيم فيها قرية صغيرة جدا ومع ذلك بها خمسة مساجد,اتساءل لماذا فى هذه القرية الصغيرة كل هذا العدد من المساجد فى حين أن المركز الذى انا تابع له وبه أكثر من عشرين قرية لا توجد به كنيسة واحدة!!!!
* لماذا يضطر الأقباط عند ترميم دورة مياه أن يطلبو تصريح من المحافظ, اما لو أرادوا بناء كنيسة - لا قدر الله - فالويل لهم, فعليهم أن يطلبو تصريح من رئاسة الجمهورية!!!!!.
لماذا؟ هل ترميم كنيسة خطر على الأمن القومى؟هل يستخدم الأقباط الكنائس لعمل التنظيمات السرية؟
*أما اذا جئنا الى السلفيين ,فهذه كارثة أخرى فالسلفيون يدعون الى معاملة الأقباط بطريقة قد لا يتصورونها فى أسوأ كوابيسهم ! تعالو نعرف الى ما يدعون فى ما يسمى بعقيدة الولاء والبراء:

1- يجب عليك أن تكره المسيحى (حتى لو كان متدينا جدا) أكثر من المسلم ( الذى يقتل ويزنى ويسرق) ,هذا بالطبع لاختلال فى عقولهم, وانقلاب الموازين عندهم,كيف أكره هذا أكثر من ذاك؟

2- أنظر معى الى هذه الفتوى التى أفتاها الشيخ ابن العثيمين: اذا اسلم مواطن أمريكى فعليه ان يترك هذه البلدة ,وأن يقيم فى دولة اسلامية ووجوده فى هذه البلدة حرام!!!!!!!!
ماهذا ؟هل عليه أن يترك والديه وزوجته وأبناؤه ويأتى الى بلدة أخرى لم يزرها من قبل؟ ويحتج بهجرة الصحابة من مكة الى المدينة! هؤلاء هاجروا خوفا على حياتهم ,فلماذا يهاجر هذا؟ هؤلاء يريدون تطبيق فقه القبيلة فى عصر الفضاء!!!

3- حرام أن تقول لأحد المسيحيين كلمة ( ياسيد) أو (حضرتك) لأن فى هذا تعظيم له!!! يعنى لو أردت أن تنادى على دكتور مسيحى فعليك أن تناديه ب(ياكابتن).

4- ثم يخبرونك بحديث " لا تبدؤوا اليهود والنصارى بالسلام,واذا لقيتموهم فى الطريق فاضطروهم الى أضيقه" يعنى اذا قابلتوهم (زنقو عليهم) ماهذا ؟ أى دين يدعو الى هذا السخف؟

5- انظر أيضا الى الشروط المستحبة فى معاملة غير المسلمين فى بلاد الاسلام:
* ينبغى عليهم لبس الغيار , وهى الملابس ذات اللون المخالف لملابس المسلمين.
* الا تعلو أصوات نواقيسهم وتلاوة كتبهم.
* والا تعلو ابنيتهم فوق أبنية المسلمين.
*والا يظهرو صلبانهم .
*واذا مات أحدهم عليهم ان يدفنوه فى الخفاء,والا يعلو صوت ندبهم عليه.
بالله عليكم ماهذا السخف؟من أين تأتون بهذه الآراء والفتاوى التى لا تصدر عن طفل معاق ذهنيا؟؟؟

6- اخيرا..قد يظن البعض أن هذا يحدث فى المملكة السعودية فقط,ولكننى أخبره أن هذه الآراء يتبناها مصريون منهم مشايخ قناة الناس ,والحكمة . وأعرف أيضا أن هناك متطرفون أقباط كما يوجد متطرفون مسلمون, ولكننا نحن من صنع هذه المشكلة ,نعم نحن من صنع تطرفهم , فعندما تمنع من حقوقك فأعتقد أن أبسط ماستفعله هو التطرف.


نقلت هذا الموضوع للأهمية و للتعرف على تفاصيل أكثر يمكن لكم الإطلاع على هذه المدونه

http://foolombo.blogspot.com/
حماس مازلت تقول شعارات حنجورية و خطب كلام




انا ضد حماس و لكن مع الشعب الفلسطيني حماس هي سبب معاناة الشعب
GHARAM said…
تسلم ايدك على المقال ده

تصدقي أنا عماله أهاتي مع الناس اللي موش قادرة تفهم لدرجة إني شكيت في نفسي
الربان said…
تحياتي


اتفق تماما مع وجهة نظرك....الان كل الحكام و القادة و امراء الحرب...و محترفو الخطب العصماء و البيانات النارية....كلهم مصداقيتهم علي المحك.

- حسن نصر الله لو فتح جبهة الجنوب اللبناني لخفف الضغط عن غزة كثيرا...لكنه رجل بيانات و مهاترات
و خطب عصماء لا تغني و لا تسمن من جوع.

- قطر....و قناة الجزيرة التي اختزلت
موضوع و قضية فلسطين في كلمة واحدة هي:
المعبر..... نسي الجميع القضية الاساسية
و تحولوا الي فتح المعبر....و هذا طبعا
ما تتمناه اسرائيل و تسعي اليه.

قطر تربطها بأسرائيل علاقات حميمة...
و المستثمرون الاسرائليون منتشرون هناك
و قبيل الحرب علي غزة مباشرة دخلت سفينة معونات قطرية بينما لم يسمح لسفينة ليبية بالاقتراب فعادات الي قبرص.
لماذا لم تستغل قطر علاقاتها المميزة مع الكيان الاسرائيلي لايصال المساعدات القطرية عن طريق البحر كما فعلت سابقا....
لماذا لم تستغل تلك العلاقات المميزة
مع الكيان في محاولة لايقاف هذه الحرب
الشعواء....

كلهم يتحدثون و يلقون خطب عصماء تعزف علي الوتر العاطفي للامة العربية
التي اصبحت في متاهة نتيجة تصرفات هؤلاء

تحياتي و تقديري
amunraa said…
جعجاع على الفاضي ومقوماتي
كفايه ان خرب لبنان عاوز يخرب ايه تاني
Desert cat said…
علشان مصر
من المعروف لدى الجميع ان حسن نصر الله الورقة التى تحركها ايران فى اى اتجاه متى تشاء وكيف تشاء
ولكن هناك من يريحون اعصابهم بقفل اعينهم ومسايرة الموجه
دخلت عندك وابهرنى ما رايت
وفقك الله
مودتى واحترامى
Desert cat said…
العجوز والبحر
الله يسلم حضرتك يا فندم
تصدق ان كان فى ناس من اللى اخواتهم فى القصف وبين الصواريخ بيحتفلوا بالكريسماس فى شرم الشيخ هما كمان وقصدى هنا باخواتهم اللى هما الفلسطينين واللى اهلهم فلسطينين واللى اخواتهم بتيقتلوا برصاص الصهاينة
حسن نصر الله انا ادين اقواله لان الرجال افعال لا اقوال
بدلا من التشدق بالكلام وادانة مصر من وقت لاخر وهو الورقة التى تلعب بها ايران فان كان لديه ما يقدمه لاهل فلسطين فليتفضل وان كان لا يملك الا الكلام فصمته افضل حسن نصر الله الذى حارب اليهود انظر لما آل إليه حال لبنان من دمار وخراب على يده
وكان بالفعل افتخارك حضرتك به صدقا بان اسرائيل استغاثت منه فاين فعله الآن ؟؟ الم يهدد ويتوعد ويحرض حماس واليوم لانه اضعف من اضعف باعوضه يلقى باللوم على مصر حتى لا يدان ؟؟؟
Desert cat said…
Anonymous
اه نصر الله عميل ايران وحضرتك عميل لمين بقى امريكا ؟؟؟
Desert cat said…
An Egyptian
حلو التشبيه ده فى محله جدا هههههههه
هو خايف من صواريخ اسرائيل ده ما صدق يتلهوا فى حاجه بعيد عنه شوية وجاى يجعجع علشان يقولهم بصوا انا مش عملت حاجه انا بس بحرض مصر ضدكو
Desert cat said…
مواطن مصري
يا عزيزى قطر فى قناة الجزيرة الحرفية فى النصب والتدليس وبعدين دول عندهم 3 قواعد
قاعدة بحرية وقاعدة برية وقاعده جوية
انت متخيل
Desert cat said…
أحمد سعيد بسيوني
يا فندم 100 مرة وانت مزعل نفسك ليه بس ضيف قبلهم فى الجحيم حماس والاخوانجية والمطبلتيه
Looooooooooool
Desert cat said…
واحد من زمن الرسالات
قصدك خيبة حزن الله والدمار والخراب اللى سببته للبنان والانشقاق الداخلى اللى عمله فيها حسن دمار
Desert cat said…
مواطن مصري
ماهما ارجوازت كل الاوقات
Desert cat said…
مواطن مصري
يا عزيزى حماس اصلا لا يهمها الشعب الفلسطينى ده هنيه مش هيتنازل عن السلطة حتى لو ابيدت غزة
فيما معناه طز فى الشعب الفلسطينى
Desert cat said…
GHARAM
ميرسى ليكى جدا غرام
اللى مش قادر يفهم ده عيب فيه هو لان اللى بييفهموا كتير وكتير جدا معترضين على الاجرام اللى بتعمله عصابة حماس والتحريض اللى بيقوم بيه نصر الله

شرفتينى
Desert cat said…
الربان
استاذى العزيز كلام حضرتك منطقى جدا فالواضح رؤى العين مدى المجهود الجبار الذى تقوم به قناة الجزيرة فى تشويه صورة مصر والمصريين
بلرغم من ان مصر لم تقف مكتوفة الايدى
ايضا التطبيع بين قطر واسرائيل ووجود ثلاث قواعد امريكية داخل قطر
ايضا بنزين تمويل الطائرات الامريكية والصهونية من قطر
فمن المفترض ان الجميع الان اصبح يعلم لما هذه الهجمة الشرسة على مصر حتى لا تلتفت الدول لما يحدث من خلف الكواليس لتختزل القضة الفلسطينية فى المعبر بالرغم من وجود معابر اخرى بين فلسطين وسوريا وبينها وبين الاردن
ولكن كل من يريد ابعاد الانظار عنه يتجه بالقاء اللوم على مصر
فمصر لن تضحى بارواح اولادها ويكفى ما فعلته حماس بحرس حدودنا

مودتى واحترامى
Desert cat said…
amunraa
عايز يخرب مصر اصلها ناقصه المفروض يغور باخوان الشوم اللى هنا وحماس خلى الدنيا تنضف

تحياتى
بصى يا قطه بصراحه انا تعبت من كثره المناقشه معاكى لأنك برضه مبتقتنعيش...
حسن نصر الله ايه اللى بطالبيه يفتح جبهه؟؟ هى اسلحته دى ايه فى مواجهه الجيش الإسرائيلى المسلح بأحدث واقوى الأسلحه ؟؟ ده الراجل يشكر نه صمد قدامهم فى حرب 2006 وخلاهم ينسحبوا زى الفيران...
الراجل اللى مشعجبك ده هو القيادى الراجل الوحيد فى كل القاده العرب جمعاء.
انا ما بطالبش ان مصر تحارب خلينا عقلانين.. المطلوب هو عدم تصدير الغاز للصهاينه اللى بندهولهم برخص التراب ولأ كمان القياده المصريه الحلوه اللى عجباكى قرطست الشعب كله بما فيهم انتى والعمليه كانت فى السر الى ان كشفتها الصحف الصهيونيه؟؟
طول ما فى امثال الحكومات دى فى البلدان العربيه والإسلاميه عمرنا ما هننتصر على اعدائنا واولهم اسرائيل
Anonymous said…
برافو برافو بتشتغلى كويس
تصدقى انى قربت اقتنع بكلامك
المرتزقة والمداهنة والنفاق وطولة اللسان وفى الحرب نعامة وحرض غزة وعميل ايران على اساس ان ايران دى كخة وان الشتيمة فيها واجب وطنى والاجمل الرجال افعال مش اقوال ويروح يفتح جبهة عنده ومصر وقفت جنبه لما جاب لبلده الخراب والدمار انت متأكدة انك بتتكلمى على نصر الله والاستاذ بيعلق عندك انه عامل زى الحرمة اللى بتشجع قرايبها فى الخناقات حسن نصر الله ؟ ربنا يرحمنا برحمته الظاهر القيامة قربت فعلا
Che said…
من الواضح اننا هنفضل فى حكابه حماس و حزب الله و حسن نصرالله دى كتير مع ان الموضوع بسيط جدا
لكل اللى بيشتم مصر و المصريين و اللى لازم نعمله و اننا نحارب و نفتح المعبر
ادينا فتحنا المعبر للجرحى و بندخلهم يا ترى اللى محروق من انه مش عارف يدخل ده جريح و مش عارف يدخل ولا جبان و عايز يهرب
و سؤال كمان انا عارف من زمان ان الراجل بنفسه مش بغيره يعنى انا لو واحد ضربنى فى الشارع يا اما اضربه يا اما اجرى على ابويا اقوله ابقى عيل
يا ترى حماس رجاله زى ما بيقولو " واحنا للسيف و احنا للضيف " ولا عيال
و بالنسبه للاخ حسن نصرالله لو عايز يحارب ايه اللى مانعه يحارب و ليه عايزنا جنبه .. عايزنا نسنده مثلا .. و لكل اللى عايزين يحاربو روحو على لبنان و خشوا منها على اسرائيل اهو على الاقل دى اقرب مننا فى مصر
و اخر حاجه احنا حاربنا و خدنا ارضنا و دفعنا تمن الارض دى دم ليه لازم نحارب لغيرنا و ندفع لادم برضه ولا هو مكتوب علينا ولا احنا ولاد القطه السودا و هما ولاد الكلبه البيضا
eshrakatt said…
http://www.palestineremembered.com/ar/index.html

http://www.aljazeera.net/NR/exeres/89E45D9F-E3EB-4B36-B28F-D138741CA419.htm#4
حنونو معاكى :))

سؤال رفيع كدا

ليه شجعان سورا المحتله وحزب الشيطان اللى بيهاتى ان لبنان برضو محتل ميطلعوش رجاله كدا ومحترمين ويشجعوا حماس بالفعل مش بالجعجعة عبر التلفزيونات والمايكات ؟؟

ليه سوريا مبتطلق طلقة رصاص واحدة تجاه اسرائيل اللى باركة على قلبها فالجولان ونفس الوقت عاوزين مصر تحارب رغم ان مافيش بينا مشاكل مع اسرائيل وارضنا استرديناها كلها ؟؟؟؟

ليه حزب الشيطان مطلعش دكر وحارب مع حبايبه بالسلاح وبعت دكورة من حزبه بدل مهو بس فالح يطلع يردحخ زى الستات البلدى عالمصاطب ويشتم فى مصر ويتهمها بالخيانه ابن الهبله دا ؟؟

هؤلاء رجال من ورق

ثم افهم بس مين قال ان حزب الشيطان هزم اسرائيل ؟؟

اى نصر يدعيه من تسبب فى تدمير لبنان وقتل مئات من اهله وتدمير بنيته التحتيه بسبب تفاهة عقله وبطولاته المصطنعة على 2 جنود اسرائيلين فقط؟؟

مقابل 2 اسرائيلين قتل مئات ومقابل صواريخ تافهة دمرت لبنان فاى نصر تدعونه هذا

هل الشجاعة فقط ان يطلق النار على اسرائيل حتى لو المقابل ادمر اهلى وافنيهم؟؟

شكلنا يا قطة بنونو لروحنا
نفضها سيرة وتنفرج على حماس وهى تنفى شعبها بسبب العنجهيات وبرضو حيطلع ناس تقولك حماس انتصرت مثلا لانها قتلت 10 جنود اسرائيلين

حاجة تجيب شلل اطفال بجد
(green eyes) said…
انا معاكي في كل كلمة انتي قولتيها
Anonymous said…
طبعا حاطه الموديريشن عشان تحذفي الشتيمة اللي بتاكليها علي دماغك

الله يخرب بيتك خربتي البلد انتي و اللي زيك

اهو الشعب بقي كله جبان و مغلوب علي أمره و كلها كام يوم و عمك جمال يحكمكوا 30 سنة زي ابوه

مين انتي عشان تتكلمي علي حسن نصرالله؟


علي الاقل حسن نصرالله و ايران عندهم كرامة و مش خايفين من اسرائيل و لا اللي خلفوها

يا تري لسه في حد في مصر يعرف يعني ايه كرامة؟

مش عاجباكي ايران يا قطة؟
ليه؟
عشان عندهم انتخابات حرة و نزيهه؟
عشان ثاروا علي الديكتاتور اللي كان بيحكمهم؟
عشان مش هاممهم لا اسرائيل و لا امريكا؟

حسن نصرالله مستخبي؟
حتي لو مستخبي
مستخبي من اليهود
عشان اداهم علي قفاهم لما شبعوا
مش زي الندل اللي بيحكم مصر
مستخبي من الناس
و حاطط جيش يحميه من غضب شعبه

البلد بقت كلها ناس بضان
حاجة تقرف
Desert cat said…
واحد من الناس
حسن نصر الله اللى عاجبك ده عميل لايران مجرد رقعة شطرنج بتحركة فى الاتجاه اللى هى عايزاه
حسن دمار ده اللى جلب الخراب والدمار للبنان .. حسن نصر الله فى اجرامه لا يقل عن حماس اصله بدل ما يضرب اسرائيل كان بيوجه الضرب لداخل لبنان مش تصدق الصحف المأجورة اللى بتطبل له
الحكومة المصرية حكومة عظيمة على الاقل يهمها امن وامان شعبها مش قالت حنقاتل حتى لو ابيدت مصر
Desert cat said…
Anonymous
اه ماهو انا عارفه انى مقنعه للغاية
ميرسى
Desert cat said…
لقد خلقنا الله احرارا
اللى انا شيفاه ان حضرتك جاى تردد كلام فى البوست وردود اعتقد لو عندك ما ينفى الكلام ده كنت قولته يمكن كنا نقتنع
Desert cat said…
Che
انت طرحت اسئلة غاية فى الاهمية لكن يؤسفنى انى اقولك مش تستنى عليها اجابة
لان حماس وحزب الله واللى بيتشدد لهم عبارة عن جعجعه على الفاضى بمعنى الضعف متمثل فى ابهى صورة وللحفا على ماء الوجه بيقولوا اصل مصر وفصلها
Desert cat said…
eshrakatt
ميرسى على اللنكات اشراقات
Desert cat said…
حــالة مــلل
المشكلة مش فى الجشعان الورق المشكلة فى الشعوب المغيبة اللى عملت نصر الله اللى جلب الدمار والخراب للبنان شجيع سيما برضه من ورق
والاخوانجية وحلفائهم دلوقتى بينفخوا فى هنيه اللى مش هيتنازل ولا هيسكت غير لما يبيد غزة يعنى ياريته اتكتم كان اكرم له
ده مصر على ابادة الشعب اللى هو امين على ارواحهم

تحياتى
Desert cat said…
(green eyes)
وانتى شرفتينى جدا

مودتى
Desert cat said…
Anonymous
وعلشان انت اخلاقك اخلاق زبالين مش هنزل للمستوى القذر ده وارد
abdulrahman said…
نرجع فين ؟
أنت مش صاحى والا أيه ؟
نرجع لمصر طبعا ياولد ؟
نرجع لسيدة العالم ياولد العالم ؟
أمال ياولد حنتركها لهم ونتركها للافاقين والحراميه ؟
لا للسجون لاللمعتقلات ولا حتى لتكسير العظام
أصحى ياولد قبل فولات الاوان ؟
بملح ولاناكلها مع الصحراويين فى أرض البلاء والعرعر والعار والنفط اللعين! ده ناكلها
أصحى ياولد فقد مضى عصر الاستنطاع كما مضى عصر الاستعباد وكذا عصر التوريث!
هل تتركها لاستعبادك 50 سنه أخرى؟
والله لاخذ بتارى من الاوباش وعديمى النخوه والرجوله المتحزلقون أمثالك
وأنا لمقاتلون بلاد العرب والعرعر والجرجير والابل والبغال ولاتشرب بول الابل كثيرا فقد أثر على عقلك وكرامتك وأستمع لقول
عرفت مين الحمار ؟ والحمار الكبير ؟ والحمار أبن الحمار ؟ ولا للتوريث .
وأمنياتى القلبيه لك وللحقوقيين بكل مكان والمضهدين بكافة أرجاء المعموره الحب والتقدير
فارس المصرى
فارس فرسان بنى مزار
صعيد مصر الثائر

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز