حواء يعنى إنسان

حواء ليست أبداً تلك الأنثى الضعيفة التى لا يراها البعض لا تصلح سوى للطبخ والمسح والمضاجعه اخر الليل
حواء كيان كامل .. إنسان له حقوق وواجبات كما للرجل تمام من حقوق وعليه من واجبات
فليس فى القانون الإلهى شئ إسمه نصف إنسان لإنها أنثى ولا يوجد إنسان كامل لأنه رجل
على مدار عام اتابع قضية أمل سليمان عفيفى فتاة القنايات أول مأذونة فى العالم العربى والاسلامى لم تعبأ كثيرا ولم تهتم بالاقاويل التى اثيرت حولها .. عارض الذكور منذ تقدمها لشغل هذه الوظيفة ويا محاسن الصدف فقد وقف بجوارها وساعدها زوجها حتى صدر الحكم لصالحها لأنه رجل .. تحدث فى حقها وغضب واحتد من هم أقل منها فكراً وثقافة ومستوى تعليمى والمضحك فى الموضوع ان رابطة المأذونين الشرعيين تقدموا بطلب لوزير العدل لوقف تعيين أمل .. هكذا هى حجة الضعيف الطعن من الخلف ولكن صوت الحق دائما يعلو فقد قبول طلبهم بتسلم أمل دفتر الماذوينة بل قامت باول عقد قران لصحفى وصحفية بجريدة عيون الشرقية .. الغريب ان جميع من غضبوا كان غضبهم لانها أنثى وليست ذكر .. فليس من المهم ان امل حاصلة على ليسانس الحقوق ولا دبلومة القانون ولا ما جستير فى القانون العام والعلوم الجنائية كل هذا لا يجعلها تتساوى بذكر وان كانت كل مؤهلاته الليسانس الذى ربما يكون حاصل عليه بعد 20 سنة دراسة فى كلية الحقوق ولكن بقوة إرادة وتحدى كسبت قضيتها وبدأت أول خطوة فى عملها
الدكتورة امينة ودود
وهى لمن لا يعرفها أستاذة الدراسات الإسلامية في جامعة فرجينيا كومونولث الأمريكية
قامت قائمة الإسلاميين عندما أمت المسلمين فى صلاة الجمعه عام 2005 غير أنه تم تهديدها بالقتل .. وبنزعل وبنتشتنج اوى لما يتقال علينا ارهابيين
فإن كانت الدكتورة أمينة قامت بامامة المصلين على الملأ ولن تتخفى فما الداعى بتهديدها بالقتل ؟؟؟ فإن كان أحد من قام بتهديدها بالقتل يملك الحجة والمنطق لكان تعامل بهم .. كان اضعف الإيمان أتى بدليله على عدم شرعية إمامة المرأة فى الإسلام فالقرآن واضح والحديث صريح
هكذا دائما وابدا تقوم قائمة الذكور من بدلوا عقولهم بالمخ المسلوق حين تبرز إحدى السيدات فى مجال ما فكيف لأنثى تتقلد هذا المنصب وهو يجلس فاضى لا شغله ولا مشغلة .. ألا يعلمون اصحاب هذا الفكر المتخلف ان الآلة معات كانت آلهة لعدل ؟؟ ألم يقرأوا جيدا ليعرفوا من هى إيزيس آلهة المعرفة ؟؟ ألم يسمعوا عن زرقاء اليمامة التى كانت ترى ما لا يراه الآخرين ؟؟؟؟ ألا يقرأون القرآن ويفهمون آياته ليعلموا ان القرآن أشار إلى بلقيس ملكة سبأ وصلاحها فى الحكم ؟؟؟ ألا يتفقهون فى الدين ليعلموا ان السيدة عائشة كانت تفتى ومن فتواها بيع كسوة الكعبة وإنفاقها على المحتاجين ؟؟
فليت كل ذكر قبل أن يتحدث يقرأ التاريخ جيداً ويقرأ القرآن ويتدبر معانيه بعدها يتحدث حتى لا يظهر جهله وضحالة فكره للجميع عيانا بيانا .. فمن أبسط حقوق الإنسان على نفسه الإطلاع وإحترام عقله و آفة كل شيئ الجهل به

Comments

TAFATEFO said…
متفق مع النص الأول والنص التاني لا

طبعاً القتل والكلام الفاضي ده مليش تعليق عليه

بس ليه مختلف مع إمامة السيدة أمينة؟ لأن الصلاه صليناها إزاي؟ ومين فرضها علينا؟

إذا كان باتفاق العلماء لا تصح إمامة المرأة للرجال في الصلاه .. وإذا أمت امرأة رجال ونساء صحت إمامة النساء ولم تصح صلاة الرجال ويلزمهم إعادتها

والدين قائم على الامتثال .. ليه نصوم من الفجر للمغرب .. علشان ربنا قال كده والرسول علمنا كده .. ليه نصلي 5 مش 4 أو 6 .. علشان ربنا قال كده والرسول علمنا كده

أ.هـ.

مفيش مزايده على ده .. حكم المرأه بقى وأراه المستهدف من المقال .. مش هنتكلم فيه بالدين علشان الموضوع ده مقتول بحثاً والاستشهاد ببلقيش مش منطقي ولا عقلاني .. بس ما علينا بلاش نتكلم الموضوع ده دين

قولولنا بس هو اللي تحكم ناس مش لازم يكونوا مقتنعين بيها؟؟!! طب لو كان الرجل الشرقي الكخ اليع مش مقتنعه بإمامة المرأة يمعنى حكمها له بحكم عقله المريض والعنصري والطبقي وكل اللي حضرتك عايزاه .. يبقى ازاي تكون إمامه؟؟

الحياه مش كده يا فندم .. حتى لو كلام حضرتك صح وتجوز إمامة المرأة شرعاً .. فلعقليه العربيه لا تقبل بذلك .. ولحين ما تغيروا العقليه العربيه المتخلفه الغير مقتنعة بقدرة المرأه على تولي الحكم .. أرجوكم بطلوا تعايرونا باننا مبنقبلش إمامة المرأة

رتبوا أولوياتكم لو سمحتم .. ربونا الأول صح (زي ما انتوا عايزين) وبعدين قولولنا ان حكم المرأه مش عيب

* لحضرتك كامل الاحترام والتقدير
Zika said…
مش هختلف معاكي علي حكاية حكم المراه وعدم تعارضه مع الاسلام بدليل قيادة السيده فاطمه رضي الله عنها( بنت الرسول عليه الصلاة والسلام ) اتنين من المبشرين بالجنه , اتنين من الصحابه الجلائل اللي بنفتخر بيهم في حرب الحكم الل حصلت في الوقت ده ( للاسف ماعرفش تفاصيل عن الموضوع )
ولو كان فيه شئ من الحرمانيه كان اولي بالناس دي انها تعترض
اما بخصوص امامة المراه للرجل في الصلاه
اظن ان دي مش محتاجه قران او حديث
انا رايي المتواضع
ان ماينفعش ان ست تقف قدام راجل وهو بيصلي
تعالي نحسبها من ناحيه تانيه
الست وهي بتصلي اكيد بتحني وبتقف في اوضاع الصلاه المختلفه
فا ماظنش انها ينفع يقف وراها راجل اظن انك فاهمه قصدي يا قطة
ولا ايه ؟
TAFATEFO said…
إضافه معلش

حواء يعني إنسان .. محدش اتكلم

حواء مأذونه .. تشرفنا .. بس اشمعنى؟ حضرتك عارفه ان حواء لها من الأعذار الشرعيه ما قد يمنعها من دخول المسجد مثلاً .. ولا الرجاله خلصوا وأعوزنا للمرأة المأذونة؟

أنا مش معترض على كون المرأة مأذونه .. أنا بقول اشمعنى؟ ايه الداعي؟

المرأة ولية أمر .. ولي الأمر لابد يكون باقتناع من يتولى امرهم .. فإذا كانت العقليه الشرقيه (حتى الآن لحين ما تربوهم) مش مقتنعه بده .. فلا مجال للحديث عن هذا الآن ولا منطق للاقناع (لما تربوهم صح هيقتنعوا)

يا ريت تعرفوا ان الحريه أولى مبادئها استخدام العقل .. وان المساواه من بنود الحريه القائمة على استخدام العقل .. فليس من العقل تصور المأه هي الرجل .. ومن ينكر الفرق فدي مشكلته .. على رأي د/ اشرف .. حضرتك تقبلي ان سيده تعمل غطاس في هيئة الصرف الصحي؟ وهل تصلح المرأه للعمل في الفاعل مثلاً؟
يعني مسموح في الدين الاسلامي ان المراة تقوم بامامة المصلين والمصليات في المسجد؟
Desert cat said…
هرد بس على العزيزة واحة الصحراء وبعدين اخلص من الشغل اللى فى ايدى ده وارجع ارد على طفاطفيو وزيكا
بصى يا جميل
مفيش آية ولا حيث صحيح ينهى عن إمامة المرأة
وحاجة مش مذكور بيها تحريم من ربنا فى كتابه يبقى مش حرام
TAFATEFO said…
يا أستاذه .. يا أستاذه

ايه اللي مفيش ما يدل على عدم جواز إمامة المرأة للرجال في الدين .. وحضرتك عرفتي منين

وبعدين حضرتك أو رأي مين اللي بتذكريه إذا كان العلماء اتفقوا على عدم جواز إمامة المرأة للرجال في الصلاه وتبطل صلاة الرجال
??!!!???!?!?!?!?!???!!!?!?!

براحه .. بعد اذن حضرتك .. الحلال والحرام .. واللي يجوز وميجوزش مش لعبه ولا بمزاجنا
Desert cat said…
والنبى يا مصطفى ياريت لما تتكلم على علماء تذكر لى مين هما
وقالوا ايه تحديدا
اصلك من الصبح عمال تقول العلماء قالوا لا يجوز
دون ذكر اسم عالم واحد وقال لا يجوز ايه
ساعة بالكتير وهفضى من الشغل اللى بعمله
بس يارب اجى الاقى مين العلماء دول وقالوا ايه
TAFATEFO said…
بدون أي حساسيات .. ده دين وفقه .. أكيد حضرتك تقدري توصلي للفتاوى دي لكن أنا محبيتش أنقل الحوار ده هنا لأنه هيضيع النقاش في البوست .. لكن تحت أمرك

حضرتك تقدري تقري أي مقال من ملف إسلام أون لاين إمامة المرأة للرجال واللي أثارته أمينه داوود أيضاً عند قيامها بإمامة صلاة الجمعه من عامين
هنا

ودي الفتوى اللي أعلنها مؤتمر الفقه الإسلامي في ذلك الوقت أيضاً

في الفقه الشافعي (ما كنت أدرسه) أنه إذا صلت المرأة برجال ونساء وصبيان ذكور فصلاة النساء مجزئة، وصلاة الرجال والصبيان الذكور غير مجزئة .. وهذا باتفاق الأئمة الأربعة

وعموماً في ملف إسلام اون لاين الكفايه وحضرتك تقدري تتحققي منه

حاجه كمان .. أ/ جمال البنا جزاه الله خيراً أفتى بجواز إمامة المرأة للرجال
:D

دمت بخير يا فندم
TAFATEFO said…
وأرجو ان حضرتك تطلعي على الفتوى دي

ما حكم إمامة المرأة للرجال ؟

وتاني بذكر حضرتك ان ده مش خلاف رأي .. ده مجرد نقل رأي فقهي (مش خلاف فقهي لأني غير أهل للدخول في خلاف فقهي) أرجو ان لا يتحول إلى خلاف رأي
عمر said…
ههههههههههههه

عجبتني حتة المخ المسلوق
An Egyptian said…
طيب بالذمة الغرب يبقى غلطان فى ايه لما يفتكر ان الاسلام بيذل المرأة؟؟

لازم المسلمين الحقيقيين يتحركوا و يتكلموا و يظهروا
الجبن ده نتايجه سلبية على سمعة الاسلام
Desert cat said…
TAFATEFO
يعنى ايه الصلاة صليناها ازاى ؟؟ ومين فرضها علينا ؟؟ هو حضرتك مش قريت رحلة الإسراء والمعراج ؟؟؟
بتقول باتفاق العلماء مين العلماء دول ؟؟
جبت منين كلمة الدين قائم على الإمتثال
يعنى ايه اشوفك بتصلى اصلى زيك وانا مش فى قلبى خشوع
ومش عارفه هل الحركات اللى اان بعملها دى بلعب رياضة ولا بعبد ربنا ؟؟
يعنى ايه علشان شوفتك مش بتاكل من وقت شروق الشمس لوقت غروبها اعمل زيك وانا مش عارفه انا بجوع نفسى ليه ؟؟؟
ولا ايه الحكمة من انى مش اكل واشرب ؟؟
ربنا خلق لنا عقل ليه مش علشان نشغله ونفكر بيه ولا علشان نقلد اللى قبلنا فى حركاتهم فى الصلاة ونجوع زيهم وخلاص ؟؟
ليه نصلى 5 مش 4 او 6 راجع رحلة الاسراء والمعراج وانت تعرف
حضرتك قولت
مفيش مزايده على ده .. حكم المرأه بقى وأراه المستهدف من المقال .. مش هنتكلم فيه بالدين علشان الموضوع ده مقتول بحثاً والاستشهاد ببلقيش مش منطقي ولا عقلاني .. بس ما علينا بلاش نتكلم الموضوع ده دين
----------
وربنا نفسه قال فى كتابه الكريم
" لعلكم تتفكرون "
وقال كمان " لعلكم تعقلون "
يعنى وهب لنا عقل نفكر بيه
لاء ده كمان فى حاجه جميلة
حثنا على الاجتهاد وقالك المجتهد ان اصاب فله اجران وان اخطا فله اجر
حضرتك مش عايز تفكر لانك تعبد ربنا طبقاً لنظرية الامتثال
ده شيئ يرجع لحضرتك
يبقى مش بالضرورة الطريقة اللى بتفكر بيها تكون هى نفسها طريقة ومنهج كل الناس


ثم حضرتك رجعت وناقضت نفسك فى الفقرة الاخيرة
فى البداية حرمت امامة المرأة ورجعت تانى قولت لو امامة المرأة فعلا صح
واحنا مش مقتنعين بيها
اذن هنا فى فرق بين الاقتناع وبين الحرام
حضرتك مش مقتنع بيها
يبقى مش تصللى فى المسجد اللى هى موجودة فيها
انت مش هتاخد كل مساجد الارض حكر ليك لان المسجد ده الامام اللى فيه سيدة وليست رجل
اولوياتنا معروفة واعتقد واحدة فكرها واعى وعندها الثقافة التى تؤهلها لصنع اجيال مش هتكون عارفه اولوياتها ..
Desert cat said…
حضرتك بتقول ....
والاستشهاد ببلقيش مش منطقي ولا عقلاني .. بس ما علينا بلاش نتكلم الموضوع ده دين

أمال استشهد بمين بفيفى عبده ؟؟؟
ده انا اشتهدت لك بملكة ربنا سبحانه وتعالى ذكرها فى كتابه الكريم وهو نفسه اسشتهد بصلاحها وانت جاى تقولى ليس عقلانى ؟؟؟؟
كلام ربنا ليس عقلانى ؟؟؟؟؟
Desert cat said…
Zika
يا زيكا يعنى ايه مش محتاجه لقرآن ولا حديث مش القرآن والسنة دستورنا برضه والحكم اللى بنرجع ليهم ثم هى الست هتصلى وهى لابسه مينى جيب مثلا
ولا الاستاذ الخاشع اللى بين ايدين ربنا قاعد يبص على جسم الست اللى قدامه

تحياتى
Desert cat said…
TAFATEFO
ضيف براحتك انت مشرفنى جدا

من المعروف برضه انه ممكن يتكتب الكتاب فى مكتب المأذونة او بيت العروسة او اى مكان ايا كان وأحد الرجال يشهره فى المسجد ولا دى صعبة ؟؟؟
بالنسبة كلامك أن الذكور انتهوا وهو كان فى من المتقدمين مع امل ايا منهم مؤهل علميا لتولى المنصب ولم يحصل عليه ؟؟؟
ولا تحب حضرتك نستبعد اللى حاصلة على ماجستير ونعين ماذون باعدادية مثلا علشان فى الاخر اسمه راجل
هرجع تانى واقولك بالنسبة للعقلية الشرقية اللى مش متقبلة ان امل تكون ماذونة يبقى يروحوا لماذون فى بلد تانية .. بس تصدق ان العقلية الشرقية بدأت تنضف وتروح لماذونة تعقد لهم القران .. ده حتى أول عقد قران على يد أمل نقلته جميع وكالات الأنباء والفضائيات
شوفت بقى العقلية الشرقية

الكلام اللى حضرتك بتقوله عن الحرية ياريت تفكر فيه انت كويس
بالنسبة للنك اشرف مش عارفه انا اشرف مين بصراحة المهم اللى عايزة اقوله لحضرتك انى مش بفتح اى لنكات فى مدونتى .. وده معروف عنى من زمان لما تحب تستشهد بحاجه ممكن تنقلها او تلخصها بمعرفتك وانا ابقى ارد عليها من عنيا الاتنين
مودتى يا فندم
Desert cat said…
TAFATEFO
الحرام والحلال بين
فاذا كانت أم ورقة قد أذن لها النبي صلى الله عليه بالإمامة
يبقى احنا نقول حرام ؟؟؟
An Egyptian said…
ياأخ تفاتيفو انت و زيكا حرام عليكم انتم كده بتشوهوا صورة الاسلام
blackcairorose said…
تصدقى انا لسه قارية من يومين بس عن الدكتورة امينة ودود بالتفصيل ، وعن حياتها ومسيرتها العلمية والفكرية من وقت ان اعتنقت الاسلام حتى اقامتها لصلاة الجمعة التى أمت فيها المصلين

طبقا للغالبية من الشيوخ والأئمة ورجال فان إمامتها للصلاة لا تجوز، ولكن المشكلة معايا انه لا توجد ـ بشكل عام ـ لدى ثقة فى النزاهة والموضوعية والتفهم الحق لروح الدين وللحياة العصرية فى نفس الوقت لدى هؤلاء الشيوخ والائمة ورجال الدين
قطتنا الجميله

موضوع طبعا في الجون و بحييكي عليه لأنه جه في وقته خصوصا و احنا بنسمع علي اول مأذونه في مصر
للاسف العقول المتخلفه ياقطه هي اللي بتحاول انها تحقر من شأن المرأه في رأيي ان اللي مش مقتنعه بالمرأه و بعملها انسان مهزوز نفسيا لأن انا شايفه ان اللي واثق في نفسه مش حيهمه ان المرأه تشتغل في أي شغلانه لأن المرأه قادره علي انها تعمل اللي بيعمله الراجل و بنفس الكفاءه المهم اننا نديها فرصتها

بحييكي علي موضوعك المميز ياقطتنا
مودتنا ليكي ياقمرايه
barbie girl said…
متفقة معاكى فى حكاية مأذونة أنثى لكن بصراحة مختلفة معاكى فى النقطة التانية


ومتفقة مع
tafatefo
...............

دا لينك مدونتى الجديدة المتضامنة مع حملة مجلة كلمتنا للتصدى للتحرش الجنسى اللى زاذ مؤخرا فى بلادنا العربية والذى أصبح كالهوس
لمن يريد المشاركة::

http://againstsexualharrassment.blogspot.com/
Desert cat said…
TAFATEFO
بدون اى حساسيات
وبالرغم من انى مش دخلت على اللنكات ولا اعلم ما تحمله من كلمات بين طياتها
هرد عليك برضه بالدين والفقه
إمامة المرأة للنساء:

أما إمامة المرأة بالنساء وحدهن، ففيها أكثر من حديث. من ذلك:

حديث عائشة وأم سلمة رضي الله عنهما، فقد روى عبد الرزاق (5086)، والدارقطني (1/404)، والبيهقي (3/131) من حديث أبي حازم ميسرة بن حبيب، عن رائطة الحنفية، عن عائشة أنهما أمتهن، فكانت بينهن في صلاة مكتوبة. وروى ابن أبي شيبة (2/89)، من طريق ابن أبي ليلى، والحاكم (1/203 ـ 204) من طريق ليث بن أبي سليم كلاهما عن عطاء، عن عائشة: أنها كانت تؤم النساء، فتقوم معهن في الصف. لفظ ابن أبي شيبة. ولفظ الحاكم عن عائشة: أنها كانت تؤذن وتقيم، وتؤم النساء، وتقوم وسطهن.

وروى الشافعي (315)، وابن أبي شيبة (2/88) وعبد الرزاق (5082) من طريقين، عن عمار الدهني، عن امرأة من قومه يقال لها حجيرة، عن أم سلمة: أنها أمتهن، فقامت وسطًا.

ولفظ عبد الرزاق: أمتنا أم سلمة في صلاة العصر، فقامت بيننا.

وقال الحافظ ابن حجر في الدراية (1/169): وأخرج محمد بن الحصين من رواية إبراهيم النخعي عن عائشة: أنها كانت تؤم النساء في شهر رمضان، فتقوم وسطًا
Desert cat said…
عمر
ههههههههه
حاولت يا عمر الاقى كلمة تصلح لكن مخ مسلوق اكثر صلاحا ووضوحا
Desert cat said…
An Egyptian
مش سمعت الفتوى الجديدة اللى عايزين الرجالة مش يلبسوا تيشرتات نص كوم ولا قمصان زرارها مفتوح علشان بتثير شهوة النساء
وبعد يومين يطلعوا لهم فتوى يلبسوا النقاب ويبقى المجتمع كله منقب بقى
ولسه
Desert cat said…
An Egyptian
اصلا السيدة عائشة كانت تؤم النساء والرسول سمح لام ورقة تؤم اهل بيتها رجال ونساء
واحنا بنحرم كل حاجه طالما دخل فيها اسم انثى
Desert cat said…
Dear blackcairorose
تعرفى ان شيخ الازهر الدكتور على جمعه اباح جواز امامة المرأة للمصلين
أن الأمر في مثل تلك الحالات الخلافية يكون مرجعه لأهل الشأن، فإذا ما قبلوا أن تؤمهم امرأة فهذا شأنهم ولا حرج عليهم طالما لا يخالف ذلك ما تعارفوا عليه، وإذا ما رفضوا فهذا شأنهم أيضا وهو ما يسير عليه الناس في معظم البلاد الإسلامية ومنها مصر التي لا يتوقع أن يحدث فيها مثل هذا الأمر لأنه يتنافى مع تفكير وأعراف الناس وما اعتادوا عليه طوال حياتهم.
يعنى مش داخل فيه الحلال والحرام
هو بس تفكير الراجل الشرقى مش اكتر
الدين الاسلامى دين سماحه
دين يسر وليس عسر
شرفتينى جدا يا جميل
Desert cat said…
اجندا حمرا +Heart Beat
صديقتى الجميلة ارق اجندة
يا ماافعال ترتكب باسم الدين والدين منها بريئ فكل المشكلة فى عقل الراجل الشرقى لا يهم المستوى التعليمى والثقافى للمراة وان كان هو فاشل الاهم انها لا ترتقى اى منصب
وان رديتى يقولك اصله مش من الدين مع انه لا اطلع ولا عارف عموم الدين
محبتى ليكو يا جميلة
Desert cat said…
barbie girl
يبقى حضرتك تراجعى ردودى على طفاطفيو والف مبروك البلوج الجديد يا جميل
ممكن كومنت يا جميلة؟

طيب اهو الرسول سمح لعائشة تؤم بالناس, يبقى ليه نحرم اللي سمح الرسول بيه؟
وللا الرسول عمل فتنة؟
لاء معتقدش لان عائشة كانت من انبغ علماء الدين رجالا ونساء في عصر الرسول

يبقى ربنا اداها 30% عقل زيادة عن الرجال

يعني في نسوان عندهم %25 عقل زيادة عن الرجال والعقل والعلم هبة من الله موش من شيخ الازهر ولا من رابطة علماء

وبعدين لما امراة محترمة قبلت تؤم الناس في نيويورك كانت واثقة انها تؤم مسلمين بني ادمين وشايفينها انسانة, موش فيلم سكس

هو ايه اللي جرى لعقول الرجال, كل حاجة يشوفوها بمنطق الجنس؟


ختم الله على قلوبهم وعل سمعهم وعلى أبصرهم غشاوة ولهم عذاب عظيم (7) ومن الناس من يقول أمنا بالله وباليوم الأخر وما هم بمؤمنين(8) يخدعون الله والذين أمنوا وما يخدعون إلا أنفسهم وما يشعرون(9) في قلوبهم مرض فزادهم الله مرض بما كانوا يكذبون (10) وإذ قيل لهم لا تفسدو في الأرض قالوا أنما نحن مصلحون(11) ألا إنهم هم المفسدون ولكن لا يشعرون (12)}
صدق الله العظيم
معلش كمان كومنت يا قمر؟

انا شاركت في صلوات فيها امراة تتولى الخطبة في صلاة الجمعة

اولا: ياتون عائلات, يعني الزوجة والزوج والابنة والابن او خطيب وخطيبته ولا يبدو المنظر شاذ بل طبيعي للغاية في اجتماع كل العائلة للعبادة معا والناس راقيين ومؤدبين وكل واحد عايز يدي التاني حق الاولوية والاحترام

الخشوع يكون تام قبل وبعد الصلاة رغم وجود افال في سن العاشرة مع الوالدين

ثانيا
-----
السيدة التي تولت خطبة الجمعة في كل مرة لم تكرر الكلام الممل الذي يردده الشيوخ بل تميز اسلوبها في الابتكار والتجديد والحديث عن حاجات الجالية ومطالب افرادها في مساعدة طلاب جامعات وتوفير معلومات عن مساكن افضل وتعليم افضل
ثم ياتي دور حكمة او اية قرانية وملائمتها بين العصر البرونزي وما بين العصر الفضائي ووجدت ان الاية تلائم نفسها هنا وهناك بحيث انه لا يمكن العودة لظروف العصر البرونزي


الصلاة في بعض ايام الاسبوع ما تزال مستمرة في اسلوب عصري والمراة هي الروح المحركة في كل مركز ويدخل الكثيرين الى الاسلام على يدها

بينما في الشرق يترك الكثيرين الاسلام على ايدينا وايدي مشايخنا الذكور اللي واخدين الثانوية العامة بالواسطة
Desert cat said…
واحة في الصحراء

النساء يمكلون من العقل والمنطق ما يملكه الذكور
النساء يملكون من القدرة والمعرفة ما لا يملكه الذكور
تفضلتى وذكرتى مثال السيدة عائشة
ودعينا ايضا نتذكر ايزيس الهة المعرفة التى كان يلجأ إليها الملوك والاباطرة القدامى يسألونها عن الغيب فى شمال أفريقيا
اعتقد ان الذكور المحاربين لأى كائن حى نوعه انثى لا يحملون نفسهم عناء معرفة مثل هذا الكلام لانهم معطلين جهاز مسمى بالعقل وتعودوا على ثقافة القطيع
محبتى ليكى يا قمراية
Hook said…
انا متفق مع موضوع المأذونة بينما موضوع الإمامة ده ماقدرش افتي فيه...
لكن لو ثبت بالقرآن و الحديث مش هيكون عندي مشكلة فيه...

انا عارف ان المرأة متضهدة و بتعاني من عنصرية...بس مش معنى كده ان الحل هوه العنصرية المضادة زي جملة "النساء يملكون من القدرة والمعرفة ما لا يملكه الذكور"

انا رأيي ان النساء يملكون من كل شيء ما يملكه الذكور...سواء كان سلبي او ايجابي...لأن هما الاتنين بشر...
بمناسبة التحرش...واحد صاحبي بيشتغل في كول سنتر..جه اوردر ديلفري لواحد من سلسلة مطاعم...راح يوصله لقى اللي فتحتله واحدة بقميص نوم و اتحايلت عليه و جرجرته - بالالحاح و الاحراج مش بالقوة طبعا - و هوه جاراها و لما دخل البيت راح دخل الحمام و قفل على نفسه من جوه...و طلب مدير الفرع بتاعه...و جه الراجل و معاه البوليس...
دي بس قصة جت في بالي اصل للأسف مع اني بتفق في حاجات كتير معاكي...بس لما بدخل البلوج هنا بحس بالخزي و العار من نفسي اني ذكر...:-)
مع اني معملتش حاجة و الله
على العموم حرش الستات بالرجالة لا يقارن طبعا بتحرش الرجالة بالستات...انا قصدي بس ان مافيش حاجة بقت غريبة اليومين دول..
تحياتي للبلوج و صاحبته و ليكم كلكم :-)
romansy said…
عزيزتى
لولا حواء ما كان ادم

ولولا حواء ما كانت الدنيا بها صفاء
ولولا حواء ماكان هناك اخاء
ولولا حواء ما كنت ان ولا غيرى
ولا كان هناك ارض ولا سماء
Anonymous said…
يا اخوانا الجنازه حاره جدا ولما نستخدم عقولنا ده لو استخدمناها الموضوع حيتحل بسرعه وامينه حتصلى بينا اماما.......
الربان said…
اختي الفاضلة

فعلا لا يوجد اي تمييز جنسي ( نسبة الي الرجل او المرأة )...اقول لا يوجد اي تمميز بين الرجل و المرأة.....الا في بعض الامور التي لها علاقة بطبيعة المرأة و التي تقتضي منها عدم الصوم او الصلاة لايام محدودة مثلا...

اري ان تعيين اول مأذونه هو بادرة صحية..خاصة انها مؤهلة علميا لذلك
و طبعا حضرتك عارفة ان الحرب عليها سببه الدخل الذي يتحقق للمأذون دون تعب او جهد يذكر و في وقت محدود جدا.

ايضا احب ان اضيف ان هناك فتاة في الصعيد...ايضا مؤهلة و طلبت القيام
بعمل المأذون و تقدمت الي الجهات المختصة. الحرب عليها بدأت من أخيها
و اهلها لانهم يرون ان هذا عمل غير لائق
بالمرأة.


اسمحي لي ان اختلف مع رأي حضرتك، و الاختلاف في الرأي لا يفسد للود قضية، بالنسبة لموضوع الدكتورة التي أمت الصلاة....انا رأيت بعض الصور ووجدت الرجال و النساء من خلفها في صف واحد
و سمعت العلماء ومن ضمنهم د.سعاد صالح
و قالوا انه لا يجوز.
الامر الاخر ان من أذن للصلاة هي أمرأة مصرية اصلها من الاسكندرية...و اعتقد
ان جدها كان مؤذنا بالاسكندرية علي ما اعتقد.....

لك مني خالص التحية و التقدير....
smraa alnil said…
الحلال بين والحرام بين

انا واحدة من بنات حواء

بالنسبة لموضوع المأذونة انا ارفضه تماما

اولا ليه

ما تشتغل اي شغلانة تانية

اشمعني المأذون

هو احنا بنحب نعرف الراجل بيشتغل في ايه ونحاربه ونحاول نبقي احسن منه

ثانيا

موضوع الامامة دي

كل المذاهب والشويخ المتفق عليها

اثبتوا عدم جوازة اممة المراة

المراة تأم من جنسها يعني تبقي اماما لغيرها من السيدات علي عيني وعلي راسي
انما تأم رجاله يبقي نوو

وان كنتي عايزة دليل

الرجال قوامون عن النساء

وان القراءان الكريم كل احكامه واومره للرجال

في حاجات كتير مش مذكورة في القرآن ومع ذلك بنعملها لاننا مقتنعين بيها

النساء ناقصات عقل ودين

ودة من كلام ربنا سبحانه وتعالي

لما تكون شهادةالمراة واجبة يجب ان تكون امراتان انما هو رجل واحد ودة لان المراة عاطفيه وبتنسي ودة كلام ربنا فتذكر احداهن الاخري

ثالثا ناقصات دين

لاننا لا نصوم شهر رمضان الكامل او نصلي فروضنا بالكامل ودة بسبب العذر الشرعي

المراة مكرمة من الله عز وجل

والقرآن اداها حقوق كاملة

نيجي بقي نشوف ايه اللي الراجل بيعملوا ويتخصص فيه ونحشر نفسنا يبقي غلط
يبقي الموازين اختلت

ولو في احقية بالامامة كانت ممكن تكون السيدة عائشة مثلا او واحدة من بنات الرسول بعد وفاته


مع احترامي لكتابتك ولمدونتك اسمحيلي اختلف معاكي في البوست دة
ازيك يا قطه
بقالى كتير مبزورش مدونات
بس اول ما زورتك كعادتك بتثيرى فضولى
ومواضيعك بتبقى شائكه شويه

بس اانا ليا رأى
لما بتكلم عن راجل وست معظم البنات بتفتكر اننا بنحاول ناخد حقوقهم او بنمنعها عن حاجات من حقها وده مش صحيح ومثال على ده الاخت اللى اتعينت مأزونه ودى وظيفه معتقدش انها تناسبها

نرجع لموضوعنا
لو هتتكلمى على نهى الامامه بالنسبه للنساء اقدر اجيبلك احاديث ناهيه عن ذلك من السنه الصحيحه
خدى عندك

ورد عن جابر رضي الله عنه قال: {خطبنا رسول الله صلى الله عليه وسلم فقال: لا تَؤمَنَّ المرأة رجلا}
وهذا الحديث قال عنه الامام النووى انه اسناده ضعيف

وهناك حديث اخر
ديث أم ورقة { قالت: يا رسول الله، إني أحفظ القرآن، وإن أهل بيتي لا يحفظونه، فقال: قدمي الرجال أمامك وقومي وصلي من ورائهم }
وهناك اختلاق على اسناد هذا الحديث ايضا

لذلك اذكر لكى آراء بعض الأئمه

1-- المنع مطلقا، وهو ما ذهب إليه المالكية والشافعية والحنفية، ومذهب جماهير العلماء من السلف والخلف -رحمهم الله-، وحكاه البيهقي عن الفقهاء السبعة فقهاء المدينة التابعين، وهو مذهب مالك وأبي حنيفة وسفيان وأحمد وداود والهادوية

2-الصحة مع الكراهة، وهو رأي الإمام أبي حنيفة

والراجح فى الموضوع
أنه يجوز إمامة المرأة للرجل في الفريضة والنافلة بشروط هي:

1- أن تكون أقرأ من الرجال، وهذه تشتمل على حالتين: الأولى أن يكون الرجال أميين، أو أن يكونوا قارئين وهي أقرأ منهم.

2- أن يكونوا ذوي رحم، وهذا مفهوم من حديث أم ورقة؛ لأنها كانت تؤم أهل بيتها، وهو نص يجب حمله في حال القول بالجواز، وهو يفسر عدم وجود نهي للإمام، مع عدم وجود إمامة للمرأة على مر العصور، لأن الفهم مستقر حسب منطوق الحديث الشريف، أنها تصلي بأهل بيتها، إن كانت أقرأ لهم.

3- أن تكون عجوزا، وهو أيضا مفهوم من منطوق حديث أم ورقة، ولم يحفظ عن شابة أنها أمت أهلها في دارهم، ومع أن هذا فهم للحديث وليس هناك تصريح به

4- أن يكون ذلك في البيت، وليس في المسجد؛ لأن المسجد لن يكون فيه محارمها ومن في حكمهم فقط، بل فيه كل المسلمين.


ولذلك امامة المرأه كما قلتى صحيحه ولكن طبعا بالشروط السابقه ... والله اعلم
ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل
قطتي الجميلة
من مساحتك هنا بودي أن أصحح معلومة خاطئة في أذهان البعض
التحيز ضد المرأة ليس ابنا للفكر الإسلامي الراديكالي فقط للأسف
نحن نظلم الإسلام ونتخيل أن الحضارة الغربية واحة الأمان للمرأة
تاريخيا يا الحبيبة التحيز ضد المرأة بدأ مع حضارة بلاد الرافدين
حيث عشتار وجلجامش وإنانا وأنكيدو
يا الحبيبة
ملحمة جلجامش جعلت المرأة اساس كل الشرور المرأة كائن جسداني شهواني المرأة لا تفكر إلا في شهوتها وجسدها
اتهمها جلجامش بكل رذيلة ونفي عنها كل فضيلة
والألهة جعلوا النصف الأعلى / العقل / المقدس للرجل
والنصف الأسف / المدنس / للمرأة
ثم جاءت الحضارة اليونانية وبالغت في وصف شرور النساء حتى أن الكثير من المسرحيات الكوميدية جعلت النساء شريرات ممسوخات
وكان هناك عيد يسمى عيد باكوس إله الخمر والجنس ليلتها يمارس الفجور في أعلى صوره بمناسبة قطف النبيذ وعصره وكل من يجد امرأة ولو كانت حرة يغتصبها ويقضي متعته وفي الصباح لا يتذكر ما فعل ومع من فعل
حتى أن أفلاطون أعتبرها كائنا ناقصا ولم يدخلها جمهوريته هي والشعراء .. ثم تذكر وظيفتها البيولوجية الإنجاب وتربية العسكريين للجمهورية الفاضلة فأدخلها من أجل هذه الوظيفة ...
ثم جاءت الحضارة الغربية وريثة الحضارة اليونانية وتبعت التحيز حتى قامت النساء في السبعينات من القرن العشرين بكثير من التظاهرات ضد التحيز ومن هنا نشأت النسوية وحركاتها الأيدلوجية .. وأقصد نسوية الأنجلو أمريكان
ربما لن نستطيع أن نستثني من حضارات العالم القديم سوى الحضارة الفرعونية هي التي لم تتحيز ضد المرأة .. بل اعتبرت المرأة هي الأم المقدسة واهبة الحياة وواهبة الدم المقدس
حتى أن الفرعون لا يجلس على العرش إلا إذا كانت أمه مصرية
والإسلام حتى عهد النبي محمد لم يكن متحيزا ضد المرأة
بل كانت النساء مكرمات تصلي في المسجد جنبا إلى جنب مع الرجال
حتى جاء عمر بن الخطاب ومن بعده الفقهاء
وأفسدوا وضع المرأة
اسمحي لي قطتي أن أضع نسخة من هذا التعليق عند مدونة أحمد الصباغ لأنه وضع نماذج مهمة من النساء في حملته ضد التحرش
تحياتي لك وللجميع
synesthesia said…
A woman was recently appointed as an Imam of a mosque in Belgium, people are not happy!
http://www.aafaq.org/news.aspx?id_news=7291

your arguments should become known among muslims in Europe, I wish!
Sherif said…
ماهو معلوم من الدين بالضرورة

يعنى ما ألفه المسلمون .. لا ما أقره الله سبحانه وتعالى

لاأدرى مالمانع من أن تكون المرأة مأذونة .. أو إمام فقد رأيت صورة أمينة ودود وهى تؤم المسلمين .. ترتدى اسدالا كاملا فى قمة الوقار .. اذن اين الفتنة؟

اعتدنا فقط وسمعنا فقط عن أئمة من الرجال .. ولم يقل أو يفتى أحد بأنه لايجوز العكس

الأكثر صداما .. أن الله أباح ان يتزوج المسلم من كتابية .. لكنه لم يحرم العكس

فقط جرت العادة أن الذكور استفادوا من هذه الآية .. فوصلت لمنع العكس ..

الاشياء تتغير .. وطالما ان هذا لايمس الجوهر فى شئ فلابأس

الصلاة التى علمنا اياها الرسول الكريم ظلت ركعتين طوال العهد المكى .. ولم تعرف الصلاة الرباعية الا فى المدينة

يعنى كان الاسلام استقر والايمان قد رسخ فى القلوب واذن تدرجت حتى العبادات شيئا فشيئا بما يلائم الظروف

والا فليجبنى السادة العلماء لماذا كانت ثنائية ثم اصبحت رباعية؟

كل شئ يحتاج الى العقل بما يتناسب مع الظروف وتغليب المصلحة المجتمعية

نصف ديننا ياسيدتى علمتنا اياه ام المؤمنين السيدة عائشة رضى الله عنها والرسول قال عنها خذوا دينكم من هذه الحميراء

الامامة للأفقه دينا حتى يعلمنا فى خطبته .. وأقراؤنا للقرآن حتى نستمع له


ويقول المولى فى سورة التوبة "والمؤمنون والمؤمنات
" بعضهم أولياء بعض

فهل يعنى ذلك شيئا؟
Desert cat said…
Hook
اهلا بيك هوك
القرآن ولا الحديث قيهم آية تحريم واحدة لإمامة المرأة
كان فى عهد الرسول النساء يتضو بجوار الرجال والصلاة ايضا بجوار الرجال
بالفعل فى نساء تملك ما لا يمكله الرجال من عقل وفكر وقوة عزيمة
لو قارنت بين البنات فى المجتمع والولاد هتلاقى نص الشباب مستمتعين انهم عواطلية ومش عارفين يشتغلوا لا يسعوا ولا يبحثوا شغل فى المقابل بنات ممكن تكون تعول أسرتها
بالنسبة لصديقك اللى الست اتحرشت بيه
الموضوع غريب شوية مش معنى كدا انى بشكك فى كلامك لا سمح الله
بس اصل القصة كدا ناقصه كتير
اصل يعنى ايه جرجرته لحد ما دخل عندها ؟؟
ويعنى ايه دخل بمزاجه وبعدين طلب يدخل الحمام ؟؟؟
اللى رايح يسلم ديلفرى من على باب الشقة ويرجع تانى ده ايه الدافع لجرجرته داخل الشقة ؟؟؟ ايه كان بيتجرجر جوا علشان تجيب له الفلوس ؟؟
وبعدين بلغ البوليس والمدير عملوا ايه لما وصلوا خرجوه من الحمام بس ؟؟
وقالهم ايه جرجرتنى جوا وانا طلبت ادخل الدبليو سى علشان اعف نفسى
:)
تحياتى لحضرتك
Desert cat said…
romansy
مفهوم منطقى جدا
بس محتاجينه يتعمم
Desert cat said…
واحة في الصحراء
سمعتى دكتور الازهر اللى بيقولك الراجل مثير للمرأة يعنى مش يلبس نص كم
ههههههههههههههه
Desert cat said…
Anonymous
الناس لغت عقلها من بعد انتشار الوسطاء الربانيون
:)
Desert cat said…
الربان
استاذى العزيز

بالطبع الاختلاف فى الرأى لا يفسد للود قضية
لكن كما تعلم حضرتك اننى لا التفت كثيرا لآرا ء العلماء لأن الله سبحانه وتعالى عمدما يخاطبنا فى كتابه الكريم لا يقول ايها العلماء او ايها الوسطاء .. وانما دائما قوله " يا عبادى " او ايها المسلمون او ايها المؤمنون " انما لا يختص فئة دون الاخرى
بالنسبة لموضوع الإمامة للنساء فقد اختلف فيه العلماء وطالما فيه اختلاف وليس اجماع إذن هى ليست حرام
وإلا من يحرمها فيأتى بدليله من القرآن والسنة

اشكرك جدا استاذى
مودتى واحترامى
Desert cat said…
smraa alnil
الحلال بين والحرام بين
اصبتى كبد الحقيقة

وليه مش تشتغل مأذونة طالما مش حرام والمنطق بيقول كدا ومؤهلاتها العلمية تؤهلها لكدا ؟؟؟

فاذا كان الراجل لا يصل الى مستواها العلمى اذن لها الاولوية والافضلية
وطالما حضرتك خايفة على شغل الراجل اوى كدا من ان انساء تقتحمه يبقى ليه بتشتغلى ما تقعد فى بيتك وتوفرى مكانك للراجل مش هو اهم منك فى الشغل ده خصوصا فى تعليم السباحه

مين بقى كل الشيوخ اللى اثبتوا عدم جواز إمامة المرأة هو حدث اختلاف بين الشيوخ فى جواز الامامه من عدمه وطالما حدث اختلاف اذن الاجماع العلمى والمنطقى انه يجوووز
طالما مفيش تحريم من ربنا ولا من الرسول اذن يجوز
الرسول سبحانه وتعالى اجاز لام ورقة الامامة .. وحضرتك تقولى كل الشيوخ اجمعوا .. هما كل الشيوخ عارفين اكتر من الرسول فى زمانا ده على اساس ان الوحى بينزل عليهم دلوقتى ؟؟

حضرتك ذكرتى الايات القرآنية بطريقة " لا تقربوا الصلاة "
على اساس انها تتناسب مع الهوى وبالمناسبة ده حرام شرعا وكل الشيوخ اجمعوا على ذلك
:)
ومعلشى هقتص من وقتى القليل بس علشان افهمك ايه معنى القوامة

الآية القرآنية بتقول
الرجال قوامون على النساء بما فضل الله بعضهم على بعض فيما انفقوا من أموالهم )
شوفتى الآية الكاملة دون اقتصاص ما يناسب الهوى مفسرة نفسها ازاى لكن برضه هفسرها لك علشان تفهمى اكتر
القوامة يعنى النفقةُ على الزوجة بالمعروف ويضمن لها النفقة فلا تحتاج لغيره ومن أعظم واجبات القوامة حماية العرض والغيرة عليه وضمان الكسوة والسكن
فهمتى بقى القوامة معناها ايه ؟؟؟

النساء ناقصات عقل ودين
بالمناسبة ده حديث مش آية قرآنية
وحديث أحاد ضعيف دون سند
كمان الرسول مش هيناقض نفسه فى احاديثه حاشا لله وهو من ادبه به فاحسن تاديبه فكيف له ان يهين النساء كمان احاديثه الصحيحة عن النساء
"ما أكرمهن إلا كريم وما أهانهن إلا لئيم".

وقال أيضاً: "النساء شقائق الرجال"
تفتكرى الرسول كان متناقض فى كلامه ؟؟؟
وتفتكرى اللى ربنا سبحانه وتعالى قال عليه فى كتابه الكريم
" وانك لعلى خلق عظيم " هيهين النساء ؟؟
بخلاف ان حضرتك كمان بتقولى النساء ناقصات عقل ودين آية قرآنية مش حديث ياريت تبقى تراجعى مصادرك
:)
الشهادة اللى بتتكلمى عنها فى المعاملات المالية وليست الدينية
يعنى شهادة رجل وإمرئتان فى حالة لو فى تجارة بينك وبين حد او انتى مستلفة من حد فلوس
بالنسبة لإمامة المرأة الرسول أذن لام ورقة تكون إمامة والسيدة عائشة كانت إمامة ..
وإليكى حديث عائشة وأم سلمة رضي الله عنهما، فقد روى عبد الرزاق (5086)، والدارقطني (1/404)، والبيهقي (3/131) من حديث أبي حازم ميسرة بن حبيب، عن رائطة الحنفية، عن عائشة أنهما أمتهن، فكانت بينهن في صلاة مكتوبة. وروى ابن أبي شيبة (2/89)، من طريق ابن أبي ليلى، والحاكم (1/203 ـ 204) من طريق ليث بن أبي سليم كلاهما عن عطاء، عن عائشة: أنها كانت تؤم النساء، فتقوم معهن في الصف. لفظ ابن أبي شيبة. ولفظ الحاكم عن عائشة: أنها كانت تؤذن وتقيم، وتؤم النساء، وتقوم وسطهن

شرفتى جدا
Desert cat said…
عايش... ولكن !!!!
يعنى ايه الست اللى اتعينت مأذونة حاجه مش تناسبها
انت لما بتروح تتقدم لوظيفة يتم النظر لجنسك ولا لمؤهلك العلمى ؟؟؟
طيب اذا كانت امل مؤهلاها العلمى اعلى من الرجال اللى تقدموا يبقى مشكلتها أيه إنها انثى ؟؟؟
هو ربنا فى كتابه الكريم فى أوارمه ونواهيه خص فيها جنس دون الآخر ؟؟
ودى كمان احاديث عن اماة المرأة
حديث عائشة وأم سلمة رضي الله عنهما، فقد روى عبد الرزاق (5086)، والدارقطني (1/404)، والبيهقي (3/131) من حديث أبي حازم ميسرة بن حبيب، عن رائطة الحنفية، عن عائشة أنهما أمتهن، فكانت بينهن في صلاة مكتوبة. وروى ابن أبي شيبة (2/89)، من طريق ابن أبي ليلى، والحاكم (1/203 ـ 204) من طريق ليث بن أبي سليم كلاهما عن عطاء، عن عائشة: أنها كانت تؤم النساء، فتقوم معهن في الصف. لفظ ابن أبي شيبة. ولفظ الحاكم عن عائشة: أنها كانت تؤذن وتقيم، وتؤم النساء، وتقوم وسطهن.

وروى الشافعي (315)، وابن أبي شيبة (2/88) وعبد الرزاق (5082) من طريقين، عن عمار الدهني، عن امرأة من قومه يقال لها حجيرة، عن أم سلمة: أنها أمتهن، فقامت وسطًا.

ولفظ عبد الرزاق: أمتنا أم سلمة في صلاة العصر، فقامت بيننا.

وقال الحافظ ابن حجر في الدراية (1/169): وأخرج محمد بن الحصين من رواية إبراهيم النخعي عن عائشة: أنها كانت تؤم النساء في شهر رمضان، فتقوم وسطًا.

وروى عبد الرزاق (5083) عن إبراهيم بن محمد، عن داود بن الحصين، عن عكرمة، عن ابن عباس قال: تؤم المرأة النساء تقوم في وسطهن.

فليت أخواتنا المتحمسات لحقوق المرأة: يحيين السنة التي ماتت -من صلاة المرأة بالنساء- بدل إحداث هذه البدعة المنكرة: صلاة المرأة بالرجال.

قال في (المغني): اختلفت الرواية: هل يستحب أن تصلي المرأة بالنساء جماعة؟

تحياتى
Desert cat said…
هويدا صالح / عشق البنات
اديبتنا الجميلة
واضح فعلا اطلاعك وثقافتك ومعرفتك القيمة وهذا ليس شيئ غريب او مستغرب على اديبة تحمل نفس عقلك ووعيك
يا عزيزتى المرأة فى عهد الرسول كانت جنبا الى جنب تشاركه حتى فى الحروب
لكن فى وقتنا الحالى وبعد انتشار الفتوى على حسب هوى الزبون
حتى لا تستعوب العامة من الناس اللا ماهو مادي استهلاكي ويرفض بل ويعادي
ماهو فكري ثقافي وسياسي
لنظل نهوى ونعود اميالا بخصوص قضايا الحداثة الأساسية مثل الديمقراطية والمساواة بين الرجال
والنساء وحقوق الإنسان والمواطنة والعدالة الاجتماعية والموقف من العلوم والقوانين الوضعية
حتى نجد انفسنا اصبحنا نحيا فى العصور الظلامية
شرفتينى جدا
مودتى
Desert cat said…
synesthesia

Patriarchal societies is the only grieve that the success of women

regards
Desert cat said…
Dear Sherif
القرآن والسنة لا يحتاجون تأويل
ولا وسطاء ربانييون
ولكن بعد ان اصبحت الفتوى مهنة من لامهنة له ومع حالة التردى الثقافى فى المجتمع
اصبح اقتصاص الايات القرآنية مع ما يتناسب مع الهوى
ايضا تناسوا دور السيدة عائشة
واقحموا الدين حتى فى الأشياء التى قال عنها النبى انتم اعلم بشئون دنياكم
اليوم يحرمون الرجل يذهب لطبيبة والسيدة تذهب لطبيب
ولم يعلموا ان
رفيدة أول طبيبة
وأنه لما أصيب سعد بن معاذ يوم الخندق ? قال رسول الله صلى الله عليه وسلم اجعلوه فى خيمة رفيدة التى فى المسجد حتى أعوده من قريب

اصبحنا لا نذهب الى الحمام الا بفتوى
نقرأ القرآن ولا نتدبر معانيه

مودتى واحترامى
Hook said…
Desert Cat
اكيد طبعا فيه بنات ضفرها برقبة عشر رجالة...و فيه رجالة احسن و افضل من بنات كتير...انا بس استوقفني اطلاق الجملة على العموم
لو هنتكلم بشكل مطلق...مافيش حد احسن من حد...فيه افراد احسن من افراد

أما بالنسبة للديليفري بوي فالقصة اكيد ناقصة كتير لأني اختصرتها و جبت المفيد...مش هقعد احكي بالتفصيل في تعليقات البلوج
جرجرته بالمحايلة و التحايل زي ما قلت...و الأساليب كتير
"معلش بعد اذنك حط الحاجة على السفرة لحد ما اجيبلك الفلوس من جوه"
"ممكن بعد داذنك باب الأوضة محشور و الفلوس جوه..زقه شوية و افتحه"
ناس زي كده مش هتغلب...الا اذا انتي كانت فكرتك عن البنات انهم ملائكة تمشي على قدمين و الرجالة شياطين رجيمة تستاهل الحرق...فده موضوع تاني...و لو اني ماعتقدش ان دي فكرتك

و قالهم دخلت الحمام و قفلت على نفسي و اتصلت بمدير الفرع عشان اثبت حالة...مش يجو يلاقوه قاعد هوه و هيا
القصة غريبة فعلا الى حد ما...و لولا اني سمعتها مش شخص موثوق بيه مكنتش هتعامل معاها بصدق ميه في الميه...

الفكرة كلها اني عايز اقول ان حوا و آدم متساويين في الخير و الشر...لأنهم بشر...أو انسان زي ما عنوان البوست ده بيقول بالضبط
:-)
Hook said…
على فكرة تفسيرك للآية صحيح تماما...القوامة هي العناية و الرعاية و الاننفاق
للأسف ناس كتير جدا بتفهما على انها تفضيل للرجال على النساء...
لما اقول فلان هو القائم على المسجد معناها انه هوه المسؤول عن عنايته و رعايته و كنسه و تنضيفه...مش معناها ان فلان ده افضل من المسجد!
و بما فضل الله بعضهم على بعض...ده سبب التكليف بالقوامة...ان الراجل بطبيعته الجسمانية اقدر على العمل و الانفاق على البيت باعتبار المهن في الزمن القديم طبعا..مش مهن اليومين دول

واخدة بالك ماقالش بما فضل الله الرجال على النساء... بعضهم على بعض يعني هما الاتنين واحد
و الله الاسلام انصف الستات من زمان...المشكلة في الأمخاخ المتربة

تحياتي
Hook said…
و بالنسبة لناقصات عقل و دين فبرضه انا متفق معاكي...ان صح الحديث فهو في المعاملات المالية بس...لو كان الستات ناقصات عقل بشكل عام يبقى لما الراجل يسرق يقطعو ايده و الشت لما تسرق يقطعولها صباعين و نص :-)
ماهو مش معقول هحاسب العاقل زي اللي بنص عقل...و ربنا عادل و هوه العدل نفسه
Zika said…
لا يا قطه مش قصدي تصلي بميني جيب او ان الراجل اللي بيصلي يركز معاها
:)
انا قصدي هي بتبقي بدون تعمد يعني هم مش بيبقوا يف الصفوف بعيد عن بعض اوي
وبالنسبه لموضوع القران والسنه اقصد ان مفيش نص لكن الموقف نفسه واضح
يعني مثلا مثلا يعني مفيش ايه واحده في القران او حديث واحد في السنه بيقول ان السجاير الميريت الاصفر حرام بس هي حرام عشنا بتضر الصحه
وهكذا طالما ان الست ماينفعش تقف قدام الراجل وتنحني او كده يعني يبقي بالتالي صعب ان الست تقف قدام الراجل في الصلاه وبالتالي ماينفعش تقف امام ... لكن زي ما قلتلك قبل كده هي ممكن تكون كامه او قائده في الجيش وده حصل في عز الاسلام
لما ضربتلك مثال السيده فاطمه في حروب الرده وحروب الخلافه
وهكذا
تحياتي يا قطه

Popular posts from this blog

قميص دهشور

كل تحرش وانتوا طيبين