سمك + لبن + تمر هندى = فتوى

من رضاع الكبير للتبرك بشرب البول .. إلى قتل ميكى ماوس
تلك الفتوى التى طالعنا بيها الشيخ العلامة محمد المنجد
الذى اثار ضحك الجميع حتى الاطفال الذى يطالب الشيخ باعدام صديقهم الودود
لأنه من فئة الفئران ويحل قتله في الحل والحرم، وأوضح الداعية المعروف أن الفئران من جنود إبليس ويسيرها الشيطان، مشيرا إلى أن الإسلام سمى الفأر "فويسقة" ويجوز قتل الفئران في أي وقت لأنها نجسة وهي كائنات ممقوتة .
هو الشيخ العالم العلامة ده مش حد قاله ان ميكى ماوس شخصية كرتونية طيب وماذا يا شيخنا عن عالم سمسم .. وماذاعن تيمور وبمبه ثم يستكمل الشيخ هرائاته
إن الرسوم المتحركة التي يتابعها الأطفال غيرت نظرة الأطفال للفأر حيث أصبح الفأر من الأشياء المهمة العظيمة، ومن الشخصيات المحبوبة لدى الأطفال، رغم أن الشريعة ترفضها فهي كائنات ممقوتة ومفسدة، واختتم بأن الفأر "ميكي ماوس" شخصية عظيمة لدى الأطفال رغم أنه يقتل في الحل والحرم.
هو مش المفروض يستضيفوا فى البرامج الناس اللى بتعرف تعمل على لسانها كنترول .. ولا هما بيجيبوهم على الفضائيات لاثارة الضحك وايضا اثارة البلبه ... من فتاوى تفسير الاحلام لفتاوى قتل ميكى ماوس لفتاوى قتل اصحاب الفضائيات التى تثير الغرائز على اساس ان اللى قاعدين يتفرجوا على التلفزيون كل واحد قاعد مستعد للاثاره اصلهم حيوانات ولا مرضى نفسيين .. طيب وياترى اصحاب الفضائيات اللى بتستضيف امثالكو من اهل تأليف الفتاوى لإثارة الانتباه والتى هى فى حد ذاتها دعوة للتحريف فى كلام الله والتشكيك فى الدين حكمهم ايه .. غياب الرقابة على القنوات الفضائية سمحت لمرضى الشهره بعمل ميكس بايخ مكرر يومى من السمك + البن + التمر هندى لينتج فى النهاية فتوى مثيرة للضحك من اصحاب العمم الذين يلصقون كل كلامهم بالاسلام ليصبح الاسلام اضحوكة من لا يعرفونه .. يا أمة ضحكت من جهلها الأمم
القرضاوي يكشف: اجتماعات التنظيم الدولي للإخوان كانت تتم في «مكة» تحت غطاء العمرة
وبجملة الهراءات العودة لموضوع زغلول النجار الحقيقة كومنت عجبنى اوى جه فى البوست يستحق يتفرد له بوست لوحده

مفكر يحترم عقله ويقدم الضربه القاضيه لخرافة الأعجاز العلمى said...
الضربه القاضيه لخرافة الأعجاز العلمى يجب الا نترك الموضوع هكذا بعد كل هذه المناقشات والا اصبحنا كمن يصرخ فى الصحراء فيضيع صوته مع الهواء ولا نحقق ولا خطوه واحده الى الأمام.. بينا ان طريقة الأكتشاف العلمى باثر رجعى اى البحث فى النصوص عما يكتشفه الآخرون بلوى المعانى واعتصار الكلمات وليس قبل ان تكتشف المكتشفات هو نوع من البهلوانيه او الفهلوه التى لا ضابط لها ولا رابط فبطريقة خفة اليد يمكن استخراج اى شىء نريده وهذا ليس من العلم فى شىء فهذا يستخرج 11-9-2001 من النصوص بجمع وطرح وضرب وقسمه ويرينا كيف تنبات النصوص بل وحددت وقت الجريمة الشنعاء فى حق الأسلام والأنسانيه بتحطيم طائرات بمن عليها من ابرياء ببرجى التجاره بكل من يعملون فيها ليعيشوا اذا كيف نحكم على حقيقة هؤلاء الدجالين؟ بالطريقه العلميه الصحيحه... العلم يسال اسئله يريد ان يجد لها اجابات... والسؤال الكبير اليوم فى الفيزياء مثلا هو عن سر قوة الجاذبيه ... فاذا وجد هؤلاء الدجالون اى شىء يفيد فى كشف هذا السر فى النصوص ساكون اول من يعلن خطا كل كلامى واعترف بعبقريتهم... الجاذبيه دوخت العلماء حتى اينشتاين نفسه... وما قاله فى نظريته لا ينطبق على كل حاله... لا ينطبق على ما يحدث داخل الذره مثلا ... فهل لدى جهابذة الأعجاز اى شىء يلقى ضوءا على هذا اللغز فى النصوص؟ وقبل ان يكتشف احد سر اللغز وليس بعده؟

تعليقات

اتفق معك ان السادة الشيوخ من الباحثين عن الشهرة فى الفضائيات قد تجاوز بعضهم الحد المسموح به فى الفتاوى التى تدخل البيوت وتؤثر بطريقة أو بأخرى فى كيان المسلمين امابالسلب او بالايجاب .. كما ان بعض الفتاوى مؤخرا قداثارت الضحكات والسخرية والحيرة والتساؤل عن مدى جدية هؤلاء العلماء وسلامة عقولهم

ياليت الفضائيات تكف عن هذا اللغو ودعوة كل من هب ودب لفرض فتاويهم المشكوك فى صحتها
‏قال أنا حر
طيب وبطوط وعم دهب حلال قتلهم ولا حرام؟؟؟
على اعتبار ان عم دهب غني ومش بيدي الناس فلوس من اللي عنده
:)
الناس دول اتجننوا وقريب قوي هيطلعوا فتوى تبيح قتلنا احنا كمان كبشر علشان بنرتكب معاصي والمعاصي من وسوسة الشيطان
تحياتي
‏قال Sweet Violet
لا حول ولا قوة الا بالله

هم يضحك وهم يبكى

حتى ميكى موس ماسلمش منهم

و ياترى بندق صاحب ميكى هايمنع البيوت تدخله ولا تتفرج عليه لانه بيمنع دخول الملايكه البيت

ارحمنا يارب
‏قال غير معرف…
قطتنا الحلوه
بصي ياجميله الفتاوي دلوقتي بقت تيك اواي حسب الطلب و حسب اللي بيدفع فيها
و كل ماكانت صادمه كل ما ناس كتيره اتكلمت عنها انتشرت
مش برضه طلعوا قالوا ان باربي حرام و عشان كده طلعوا العروسه اللي اسمها ليلي في مواجهه زحف باربي لأن باربي كما ذكر البيان بتهدد اخلاق الأطفال لكثره علاقتها
:)))
خودي عندك بقه فتاوي من النوعيه دي
الفتاوي دلوقتي بقت رز بالشعريه علي ملوخيه بالتأليه
و بالهنا و الشفا

سلام ياقمر و افطار مقبول انشاء الله
‏قال غير معرف…
وهل ينطبق الكلام ايضا على فئران التجارب التى تؤدى خدمه هائله للأنسانيه
واذا كانت الفئران نجسه ومخلوقات مش عارف ايه
الم يسال هذا الشيخ المتخلف عقليا نفسه ولماذا اذا حلقها الله
والله لو اعداء هذه الأمهحبوا يدمروها والدمار يبدا من العقل والتفكير ما وجدوا افضل من هؤلاء
‏قال غير معرف…
والله لو كان مخترعو التكنولوجيا المتقدمه عرفوا ان ابتكاراتهم ستستخدم لنشر التخلف العقلى لترددوا فى اختراعها
ماساه كبرى ان تستغل هذه الوسائل العصريه فى نشر اكثر الأفكار تخلفا ونحطاطا
ومع ذلك ليس فرض الرقابه هو الحل الحل ليس بوليسيا ولكن زيادة وعى الناس وافاقتهم من الغيبوبه التى تتخذ صورة التدين الصاخب المسرحى
..مثل لبس ملابس الدور وكاننا فى كواليس مسرح شعبى بدائى متنقل
‏قال Ahmed Al khashab
السلام عليكم
أنا احترم غيرتك على الدين و حرصك على عدم تناول أشياء مغلوطة فى ديننا و لكن علينا أن ننظر ظرة مصدقية
أول الشيخ المنجد شيخ مشهور واحترمه رغم اختلافى الفقهى معه فى بعض الأمور فالاختلاف افقهى فى الإسلام رحمة من الله كما هو معروف
إذا اختلف معه و لكنى احترمه و لا اسبه
اما بخصوص ميكى ماوس فأنا بلا شك متأكد أن المعلومة قد فهمت خطأ
فمن المستحيل مع شيخ عاقل مثل الشيخ المنجد ان يطالب بقتل ميكى ماوس قتلا ماديا و لكن بالتأكيد يقصد القتل المعنوى و لذلك أفضل دائما سماع الكلام كاملا دون نقل و لعلك سمعتيه أختى الفاضلة منقولا منقوصا
إذا ما هو القتل المعنوى الذى أقصده؟
لقد أصبح أطفالنا يعتمدون فى أبطالهم على شخصيات وهمية لا أساس لها من الصحة و لا معنى أو قيمة لها مثل سوبر مان و بات مان و ميكى و بطوط و هى شخصيات لا فائدة منها
و تلك الشخصيات صنعتها السينما الأمريكية التى بلا أى رصيد من الأبطال فأحد أبطالهم مثل جورج واشنطن أول رئيس لهم كان على ما أذكر قاطع طريق أو قواد
أما نحن المسلمين فتاريخنا ممتلىء بأبطال عظام و الحمد لله بدأت الدول المليزية الت أصبح لديها قفزات قوية حضارية فى إستخدام تكنولجى الرسوم المتحركة و الجرافيكس فى صنع الأبطال العرب كشخصيات كرتونية تكون قدوة لأطفالنا
و قريبا ستشاهدين مسلسل صلاح الدين على قناة الجزيرة للأطفال و هو إنتاج مشترك بين الجزيرة للأطفال و الحكومة الماليزية
و هى ليست شخصية صلاح الدين الأيوبى و لكنها مستمدة منها
و هذا ما أظنه يقصده الشيخ إظهار عظمة أمتنا
و جزاكى الله خيرا أيتها الأخت اكريمة على حرصك و غيرتك على دينك
و السلام عليكم و رحمة الله و بركاته
‏قال hartaka
قطه
ازيك
:)

والله كله محصل بعضه

كام بيت مصري مؤمن بان الملايكه مبتخشش
البيت الي فيه صور
وان الكلب نجس

وكثير من هذا الهراء
اشمعني اتضايقوا من ان ميكي كائن بغيض
:)
العزيزة قطة الصحراء..
الانسان ميال لتصديق ما يريد لا ماهو صحيح..وعندما تصدمه بالحقيقة تكون أنت أول من يثور عليه..
الشيء الدي لا يكون في مكانه عادة ما يكون عرضة للتندر والضحك، كدلك يضحكك الجزار الدي يلبس وزرة ومشرط الطبيب الجراح، فكدلك يقحم رجل وصي على الدين نفسه في أمور الفزياء والفلك وعلم الأجنة فيبدو مثيرا للضحك والتندر
مودتي الغالية
‏قال صوت من مصر
كل واحد بجد فى البلد دى اصبح مفتى ؟
سيك الدوا مر
‏قال غير معرف…
العرض الذي قدمته أسرة هشام طلعت لوالد الفنانة سوزان تميم.. وحصول رجل الأعمال المصري البارز علي ثلاث سنوات سجن.. يمكن أن يمضيها في مارينا.. لا يعني تنازل سلطات دبي عن توقيع العقوبة الرادعة علي الجناة.. لسبب بسيط هو أن هذه المسابقة.. يمكن أن تدمر السمعة الدولية لدبي باعتبارها الملاذ الآمن.. المستقر.

وهي سابقة يمكن أن تضع دبي.. في قائمة المدن العراقية التي لا تتوقف فيها عمليات القتل طوال شهور السنة.. بما فيها الأشهر الحرم.

أريد أن أقول إن إفلات السكري وهشام طلعت من العقوبة.. بعد مصرع سوزان تميم سيجعلنا نقرأ الفاتحة علي دبي كمركز لجذب الاستثمارات العالمية.

ولذلك نلاحظ أن سلطات دبي تتابع مجريات التحقيق الذي يجري مع القتلة عن كثب.. يضاف إلي ذلك ما نشرته الصحف حول التصريح الذي أدلي به الرئيس مبارك وقال فيه:

- لا تسمعوا كلام جمال مبارك في قضية هشام طلعت مصطفي!.

وهكذا تحولت نزوة الحب العاصفة بين هشام وسوزان.. والتي صاحبتها الغيرة القاتلة.. لقضية سياسية.. فيها توريث للسلطة في مصر.. وفيها 20 مليون دولار فدية.. وفيها صحافة حكومية تعبث بين أحذية الكبار.. وفيها قتلي في الدويقة نشرت جريدة «الأخبار» مأساتهم بزغرودة.. حلوة.. علي الصفحة الأولي.

وفيها قبل ذلك كله.

الله الذي لا يغفل ولا ينام!.
‏قال غير معرف…
قضية الفواتى العجيبه لها اسباب اعمق مما نتصور لأول وهله
اولا للشرج نبدا بميلنا الى تقديس كل كتاب يتحدث فى الدين...نزعه للتقديس العامليس فقط للكتب الدينيه ومؤلفيها وانما لأشياء احرى ليس آخرها الحكام...ونتيجة لنزعة التقديس هذه لا نعرف ما يمارسه كل مجتمع حى وهو الموقف النقدى من كل ماهو مكتوب فى كتب الأقدمين لأن عصرهم غير عصرنا فنسمع نفس الكلام ونفس المواعظ والحكايات فى كل مناسبه
وهذا يتنافى مع طبيعة جهاز مثل التيلفزيون يعتمد على الأبهار ويتخذ كل ما يقدم فيه روح الشو بما فى ذلك البرامج الدينيه والشو يحتاج دائما للتجديد وهذا غير ممكن نتيجة لما سبق من موقف الأجترار لكل قديم ووجد بعض المفتين الجل من اجل الظهور هو هذه الفتاوى العجيبه من رضاعة الكبير لقتل ميكى ماوس
فهذه هى طاقة الجريه الوجيده المتاحه لتبية مستلزمات الشو
وارجو ان تكون الفكره واضحهSHOW
‏قال tamer.sala7
علي فكرة الراجل بتاع ميكي ماوس ده والله العظيم زعلني خالص عارف هو لو كان اتكلم عن الفار بتاع توم وجيري كنت حقول ماشي لأن جيري ده اصلا شرير وهو اللي بيعاكس القط ديما لكن ميكي ماوس حرام والله ده طيوب خالص وبيساعد الناس الغلبانين
يا رب هو اللي يموت وميكي يتجوز ميني

الكلام علي لسان اميرة بنت عمي عندها 3 سنين
‏قال a
لا يا اختي
والنبي بلاش يقتلو ميكي ماوس
اصلي اسرائيل متهمة بقتل ميكي ماوس حسب ما ورد في موقع العربية نت

اصلي حماس جندوه في تلفزيون فلسطين للارهاب وللتعليم اطفال فلسطين قتل اليهود بدل ما يعلمهم يشوفو مستقبلهم وجامعاتهم ورزقهم

بس في الاخر استشهد على يد ضابط اسرائيلي حسب راي حماس

يبقى ازاي يقتلو الشهيد الفلسطيني؟
مين سبق مين في الغباء؟
حماس والا الاخوان؟
بس لا هم مظلومين علشان الديانة الاسلامية بتبهدل
او هم بهدلو الديانةالاسلامية وخلوها مهزلة
؟؟؟
الارهابي ميكي ماوس
http://www.alarabiya.net/articles/2007/06/29/36011.html
‏قال مثليه
ههههههههههههههههههههههههههههههههههههههههههههههههههههه ميكي ماوس
هههههههههههههههههههههههههههههههههههههههههه والله هاموت من الضحك للأسف
يابنت انت بتجيبي المسخره دي منين والله بحييكي على جرأتك وبحب اقرالك خرابيشك قصدي بوستاااااااااااتك يا سكر
تحياتي
‏قال Eman Henaish
للسف الناس دي بتشوه صورة الاسلام بحق
بالفتاوي العجيبة اللي بتتبع أهواءهم مدنسين معاني القرآن العظيمة ودينا الحنيف

ربنا يسامحهم

تحياتي ، موضوع يستحق الاشارة له
‏قال mohra
المشكله الحقيقيه فى الجهل الذى يضرب فى كل البلد...لو كانت الناس تعلمت او فهمت لما سمعنا مثل هذه الفتاوى و لو قالها احدهم لما وجد مكان ينشرها له

كما قلت يا امه ضحكت من جهلها الامم
‏قال Yasmine
بالنسبة لموضوع ميكى ماوس فانا اللى شاغلنى مش اللى اتقال على قد ما شغلنى السبب فان الموضوع ده يتفتح
يعنى هل مثلا فى حد اتكلم فى البرنامج و قال ان عنده فار معذبه فى البيت و طلب فتوى تبيح قتل الفار؟
ولا حد مثلا عياله خاربين بيته على كتب و مجلدات ميكى ماوس فكلم الشيخ عشان يقوله فتوى تريحه
ولا ده كان اصلا موضوع الحلقة.."عن الفئران نتحدث"
مش بشكك فى كلام الراجل اللى مستند على احاديث صحيحة لكن ما توصلش لميكى ابدا..ابدا يعنى
مش معقول ساب اللى بيزنى و اللى بيقتل واللى بيكذب و اللى بيصلى يوم و عشرة لأ واللى مربي دقنه و عامل زبيبة و نازل معاكسة فى البنات و الستات و اى "تاء مربوطة"معدية قدامه و بيتكلم فى ميكى
يا لهوى بجد!!!
‏قال ابو احمد
والنبى ياقطه تسأليه عن البراغيث والناموس عشان الواحد قبل مايموتهم يعرف يمكن تكون كائنات لايجوز أو محرم شرعا قتلها
يامليييييييون
خيبه علينا
الواحد والابلاش
‏قال Desert cat
وميض ابتسامة
اعتقد ان الفضائيات تستضيف مثل هؤلاء الشيوخ للتندر بهم وزيادة عدد المشاهدين ولا يهم ما يدخل العقل من فكر
فلو كان اهتمامهم الاول والاخير هو الفكر .. لكانوا فضوا مولد فتاوى تفاسير الاحلام من بدرى
تحياتى
‏قال Desert cat
أنا حر
انت بتقول فيها يا احمد
اللى خلاهم يفتوا بقت الصحفيين وقتل اصحاب الفضائيات
مش هيتوا فى نفس طبق الفتة بقتلنا
‏قال Desert cat
ضد التيار
الحمد لله ان الراجل ده مش قال الفتوى ايام بكار كنت زعلت منه اوى
وبعدين مش فاهمه ميكى تاعبه فى ايه الحقيقة ... يمكن كان محروم من الفرجه عليه وهو صغير لشان كدا طلع حاقد
‏قال Desert cat
اجندا حمرا
الصديقة الغالية احلى اجندة
يا حبيبتى طول ما هما شايفين ناس مسلمه عقلها وقلبها وكلاويها من حقهم يفتوا بس العيب على اللى بيستضيف العقول دى لدس كلامها الخالى من الفكر والمنطق ومنزوع الدسم
:)
كل سنة وانتى طيبة وفى احسن حال يا جميل افطارا شهيا ليكى انتى كمان
‏قال Desert cat
Anonymous
عزيزى اعداء هذه الامة فى مخيلتنا فقط فنحن من نتوهم ان لنا اعداء فمن نسميهم اعداء اعتقد اننا لسنا فى بالهم بمثل هذه الهراءات التى تبثها علينا الفضائيات كل يوم والتانى
فهل يصح ان نقارن السماء بالارض
هل يصح ان نقارن شخص يبتكر ويخترع ويعمل ابحاث للوصول لاحدث تقنية بشخص يجلس ليفتى بقتل ميكى ماوس هذا الشخص الكارتونية .. اعتقد اننا بهذا الهراء اعداء انفسنا
‏قال Desert cat
Anonymous
لو كانوا يعلمون ان هذه الهراءات ستبث من خلال اختراعاتهم كانوا حرموها على العرب جميعا .. فتركنا الطب والهندسة والحث على طلب العلم
وجلسنا لنفتى بقتل ميكى ماوس
‏قال Desert cat
Ahmed Al khashab
انا لم اقل لك سب هذا الشيخ لكى توضح لى مدى احترامك له بالرغم من اختلافك معه .. فهذه مسأله شخصية لا تهمنى فى شيئ بالنسبة للمنجد الذى يقول نوادر بقتل ميكى ماوس فلو كان يقصد ما تعنيه انت بالفعل لكان وضح فى سياق كلامه بان ميكى ماوس شخصية لها تاثيرها على الاطفال ومن الاولى ان طالما شخصية مثل ميكى ماوس لاقت نجاحا ان نفعل لهم ما يضاهيها ليكون قدوة ومع ان الجميع يرى ان ميكى ماوس ليس بالشخصية الشريرة التى نطالب براسها وعجباً من المطالبة بالقصاص على شخصية كرتونية تعرض منذ 80 عام .. ولكن حتى هذه لن تجد من يصنع مثلها .. فنحن تعودنا على الاستيراد فلا عجب من ان نتعلم ثقافتهم التى بها التقدم والتطور بدلا من ان نستمع لمعدومى الفكر من يطالبون بقتل كرتون ... قتل شيئ وهمى خوفا على عقول اطفالنا .. التى راج لرأس هذا الشيخ عقله الذى حشاه بالمخ المسلوق ليملأ بها عقول اطفالنا من الجهل والتخلف بكفى ما في العقول
.. وبكفى هراءات تنسب للدين والدين منها براء
‏قال Desert cat
Dear hartaka
ازيك انت وايه اخباراتك
انا بخير الحمد لله
للاسف هناك عزيزى من يلهث خلف النقل وليس اعمال العقل
لذلك الكلب نجس
والصورة حرام
والتمثال عبادة اصنام
والى اخره من الهراءات
مودتى واحترامى
‏قال Desert cat
العزيز نبراس العتمة
اعتقد ان من يسمون انفسهم شيوخنا يسيرون بقاعده خالف تعرف
فمن يفتى بقتل ميكى ومن يفتى بقتل الصحفيين ومن يفتى فى العلم والفيزياء
ولطالما هناك من يسمع ويطيع فليزيدوا فى هرائتهم الى ان نعود للعصور الوسطى
مودتى واحترامى
‏قال human
اذن انت تدافعين عن صدبقك اللدود
حسنا ما حدث ليس بالامر الجديد
كلنا سمعنا بكم هائل من الفتاوى الغريبة
نحن نعى تماما ان المنطقة الخليجية عاشت فى انعزال طويل قبل ان تثرى بالبترول
ولم تمر بمراحل تطورية كباقى البلدان العربية مثلا
ومع السطوة الاعلامية المصاحبة للتفوق المالى للخليج خاصة السعودية وانتشار ثقافتهم وتراجع الثقافة الاكثر تحضرا لباقى العرب الافقر
اصبح المشايخ الان ينطلقون من منطلق الوضع فى الخليج او السعودية كرفض متقادم للتطور الذى مرت بة الدول الاخرى
وكأنهم يريدون نفية بتجاهلة ويتقمصون الان روح الشبخ الوهابى المنعزل عن العالم وها انت تجديهم غير خجلين من افعالهم تلك
لانهم لا يبحثون عن اقناع امثالنا فلديهم قاعدتهم الخاصة
اما المعارضين فهم كافرين ومرتدين
وفى النهاية لا يسعنى سوى ان اقول

نونونونونونونونونونو
هل تعتقدي أن هذا الهراء له نهاية
المسألة تجارية بحتة
شركات اتصالات ، عمولات ، اشخاص عاديون يعتقدون انهم جهابذة

إن اراد أحد أن يقف هذه المهازل سيستطيع ، ولكن لا أحد يهتم

تحياتي لموضوعاتك
هل تعتقدي أن هذا الهراء له نهاية
المسألة تجارية بحتة
شركات اتصالات ، عمولات ، اشخاص عاديون يعتقدون انهم جهابذة

إن اراد أحد أن يقف هذه المهازل سيستطيع ، ولكن لا أحد يهتم

تحياتي لموضوعاتك
‏قال عُمر
أوك
بصي يا ستي
أنا كنت بأقرا الأول وأنا بأضحك
بس جيت عند المقطع اللي إنتي ملوناه باللون الأحمر ووقفت شوية أفكر
موش فاهم إنتي تقصدي تتريقي عن الإخوان ولا إيه؟
أنا موش إخواني لكن الإخوان جماعة فكرية من حقها إنها تمارس حريتها ومن حقها إنها تدعو إلى معتقداتها كما تفعل أي جماعة فكرية إخرى
موش الحل إننا نتجاهلهم ونقول عليهم جماعة محظورة
النقطة التانية
أنا الحقيقة كنت أتمنى ألا تذكري إسم الشيخ .. كان ممكن تناقشي نقطة ان بعض الفتاوي تثير البلبلة من غير ذكر إسم الشيخ خصوصا وإن إسلوب البوست ساخر شوية ..
حاجة تانية زهقتني أكتر
هي عدم إحترامنا للآخرين في طريقة عرض أفكارهم التي يؤمنون بها
خصوصاً لما الأمر يتطرق إلى السخرية من شخصيات محترمة زي زغلول النجار
مع وضع في الإعتبار إن زغلول النجار إنسان مجتهد موش ملاك
........
مشكلتنا هي عدم فهمنا لمفهوم الحرية وما هي حدود حريتنا حينما نتحدث عن الآخرين
على فكرة أنا والله بأكتب الكلام ده وأنا دمي محروق
لإننا قاعدين نجيب في سيرة ناس بصورة موش كويسة
جميل جداً إنك تتكلمي عن الفتاوى التي تثير البلبلة وإنك توجهي نداء للمسؤلين إنهم ينظروا في الأمر
وجميل إنك تدعوا الناس الي محاولة التدقيق في صحة الفتاوى التي يسمعونها

لكن موش جميل خالص إننا نساهم في البلبلة دي

أنا شايف إن الموضوع أخذ صورة قضية فانتازية أكثر من مناقشة أمر جدي

وعموماً
تدوين موفق إن شاء الله
وربنا معاكم

ورجاء مراجعة مفهوم الحرية
وخصوصاً
حرية النقد

وأتمنى تقبل التعليق بصدر رحب وعقل واعٍ
وتحياتي
‏قال tamer.sala7
الحمد لله لنا لتات ولا عجان

ولا قريبي بوليس سري ولا سجان

يا زفتراني كلامك كله باذنجان

تبزق عليه الخلايق

إنسها والجان
في الجوامع رأيت مثلك

ولا في الدير

عالم ومسلم

وبتعارض في فعل الخير

مادام فضيلتك بتاكل

كستليتة وطير

خلي الدريس والدرة

والفجل للخرفان
كلام عمنا بيرم التونسي للشيخ الزفتراني اللي كان بيقول اي كلام كدة زي الشيوخ بتوع اليومين دول
‏قال Unknown
أنا أؤيد فعلا عدم لي النصوص القرآنية لإثبات أن اقرآن معجز
ومع القائلين ايضا بأنه لماذا إذا لم يأت بالنظرية قبل الوصول إليها وليس بعده
ليس ذلك لنفى الاعجاز عن القرآن
لا
بل إنه معجز في كل مجالات الحياة
ولدينا دلائل
ولكننا لسنا منتظرين أن يأتي أحدهم ليتكرم ويتنازل ويثبت او ينفي اعجازه
‏قال غير معرف…
كلمه سريعه لصاحب التعليق الغاضب عمر
انت تثير موضوعا مهما جدا فى علم السياسه
فانت ترى انه من احترام مبدا الحريه ان نسمح لكل جماعه لها اجنده واهداف معينه ان تمارس حقها
والسؤال الذى يطرحه علماء السياسه هو هل نسمح بذلك على اطلاقه...بمعنى حتى لو كان هدف هذه الجماعه هو هدم الحريه المدنيه التى تميز المجتمع الحديث
او بمعنى آخر هل نسمح لأعداء الديمقراطيه بالوصول بواسطنها الى السلطه ليهدموا الديمقراطيه ومبعث هذا التساؤول تجارب اوربا المريره مع الفاشيه والنازيه
فكلتاهما وصلت الى الحكم لتهدم مقومات الحريه المدنيه وتحكم بفكر مطلق لا يناقش فى نظام يقوم على قمع واستبداد
ولذلك نجد ان دوله مثل المانيا تحمى نظامها الديمقراطى بحظر قيام جماعات او احزاب تؤمن بمثل هذا الفكر
والأخوان وسائر الجماعات التىخرجت من عباءتها تقول بان حكم الشعب بالشعب اى الديمقراطيه يتعارض مع الدين حيث الحكم لله
ومسايرة لروح العصر نجد انهم يتلاعبون بالألفاظ للتقليل من مخاوف الناس فبقولون حكم ديمقراطى ولكن بمرجعيه دينيه
ونكون هنا امام احتمالين امام هذا الشعار الغامض الذى يفتح الطريق لآلاف التفسيرات
اولا اما انهم فعلا غيروا موقفهم واصبحوا يؤمنون بالديمقراطيه وقواعد المجتمع الحديث وفى هذه الحاله نسال اذا وما ىالفرق بينهم واى جزب عصرى آخر...اذا لا احتياج لهذه الجماعه لأنها لا تقول شيئا جديدا
ثانيا واما انها مجرد مناوره للخداع وبمجرد الوصول للسلطه بالطرق الديمقراطيه سيهدمون كل مظهر للمجتمع الحديث والنظام السياسى العصرى وفى هذه الحاله يجب التنبه لهذا الخطر ومثل المانيا تمنع مثل هذه الجماعات بل عندنا ادعى حيث الأميه الأبجديه والقافيه منتشره ويمكن خداع الناس بسهوله بورقة الدين وحتى المتعلمين انخدعوا قبل ذلك فى لحى عصابات توظيف الأموال
وهذه امور ليست موضع هزل لأنها تتعلق بمستقبل وطن
‏قال صفا سارة
مممممممممممممم
مممممممممممممممم
طيب وبعدين يعنى معدتش اشترى ميكى يعنى :( لا انا زعلت يا خسارتك يا ميكى
يلا الله يرحمة

يا امة ضحكت من جهلها الامم صحيح
ياااااااااا لاااااااااااااههههههووووووووييييييييييي
وعلي الرغم من تيقن النفر مننا من الجهل الضارب في كل جحر فيكي يا جمهورية مصر العالمية الا ان الواحد عمره ما هيبطل يرقع بالصوت
‏قال غروب
مساء الخير يا قطقوطه

اولا قبل التعليق على البوست

الحقيقه دخلت مدونات كتير لقيت مدونتك عندهم وده خلانى اهتم انى اشوف مدونتك ولاجل الحظ الل مش لطيف قبل م انفذ القرار لقيت اسم حضرتك عندى وبيحط كلام لا معنى له سوى قله الادب لا مؤاخذه حتى مش نقد بشكل محترم في بوست عندى اسمه ( لحظه غرام
المهم رديت برضه على اعتبار انه كلامك
وقلت ادخل اشوف مين دى؟
لقيت المعلومات كلها في البروفايل ومفيش مدونه

الحمد لله لقيت النهارده المدونه وعرفت ان مش انتى اللى غلطتى فيه

تحياتى ليكي

مدونتك ممتااااازه

وربنا يهد المختل اللى ماشي يهزأ ف الناس

سلام يا قمر
الموضوع بقا فلوس
ودعايا
وشهره
بمعنى انى بدى اى واحد فلوس ويطلع يقول اى فتوى تعمل اى ضجه علشان البرنامج يعمل فرقعه
وطبعا الشعب المصرى طيب وغلبان وبيصدق
للأسف اعلامنا مش بيدور ع الصح
بيدور على الفرقعه الاعلاميه بدون اى نظره لاى قيم هيهدمها او اى دين ممكن يمسه بسوء
ربنا يعافينا
‏قال kochia
فعلا كلام غريب
وفتاوي اغرب
لان من المفروض ان رجال الدين هم اقدر الناس علي الحديث الموزون .. لكن ده واضح انه مش قاعدة

الحمد لله الذي اعطانا عقلا لنحكم
والجماعة دول قلتهم احسن والحمد لله عندنا شيوخ افاضل غيرهم نستمع لهم ونستفيد

تحياتي
‏قال mido
احمممم

شوفوا الرابط ده
الشيخ المنجد: لم يصدر عني بيان أو فتوى بقتل ميكي ماوس


Text here
‏قال غير معرف…
حتى لا يرد احد ويقول هو فين المجتمع الديمقراطى العصرى اللى الأخوان هيهدموه...اقول لم اقل انه موجود فى الواقع ...واقعنا...ولكنه فى ضمير اغلب الناس حلم وهدف عزيز آن لهذا الشعب ان يتحقق له بعد قرون من القهر...ولكن مناهضوا هذا الحلم يقفون له بالمرصاد ويساهمون فى ابعاد اليوم الذى يتحقق فيه
...وليس من المنطق ان نكون كالمستجير من الرمضاء بالنار
‏قال غير معرف…
وحتى لا نتهم بالتحامل او حتى ماهو اسوا نقول امامكم صوره مصعره واقعيه لما اراه حتمى الحدوث...فى غزه وصلت جماس عن طريق صناديق الأقتراع لتنقلب على النظام بالقوه وتنفرد بحكم غزه بالحديد والنار
عند اول اختلاف للراى والرؤيه...وهذا هو اخطر انواع الأستبداد ...لأنه باسم الدين فكل ما يفعلوه هو ارادة السماء
ومن يخالفهم فهو يتطاول على ارادة السماء
وهذا صوره مصغره للحكم بالحق الألهى الذى ساد اوربا فى عصور الظلام ولم تنهض الا بعد ان خرجت منه فى القرن السادس عشر
‏قال Desert cat
human
طيب طالما انهم لم يعلمون شيئا عن العالم الحديث
ومواكبة التطور التكنولوجى مش كل واحد يمسك لسانه علشان مش يضحك عليه الناس ويارتهم بيضحكو الناس عليهم بس الكلام الملصق بالاسلام بيشوهه ويحرفه عن موضعه
تحياتى
‏قال Desert cat
صوت من مصر
لاء كل واحد عايز يتشهر يقول كلام من عينة خالف تعرف
‏قال Desert cat
Anonymous
وانا كان محيرنى اوى سؤال هو ليه دبى مهتمة اوى كدا بسوزان تميم مع ان لبنان حاطه ايديها فى مياه بارده
ميرسى جدا
‏قال Desert cat
مفكر يحترم عقله وعقل القراء
هى الفكرة واضحه
لكنه بهذه الطريقة اصبح كومبارس على خشبة مسرح
ولكنه متنكر فى زى شيخ
‏قال Desert cat
tamer.sala7
وطى صوتك يا تامر
احسن حد منهم يسمعك انت واميرة يفتى بقتل جيرى فعلا
الناس دى مبتصدق
‏قال Desert cat
واحة في الصحراء
والله بعد المهزلة اللى بتحصل على لسان اشباه المشايخ اللى قاعدين يفتو على الفضائيات اقدر اقولك ان ميكى مذنب ويستاهل قطع رقبته
معلشى يا اختى الجهل نورن خصوصا لدى الوهابيين .. الناس بتفكر وتخترع وتبتكر وهما بيفكروا يقتلوا شخصصية من ورق
حقيقى المجانين فى نعيم
‏قال Desert cat
مثلية تبحث عن ذاتها
ازيم وايه اخبارك
اضحى يا حبيبتى ماهو شر البلية ما يضحك
انتى تنورى المدونة
‏قال Desert cat
Eman
انتى كدا فهمتى القصد بالظبط يا ايمان
مودتى واحترامى
‏قال غير معرف…
في معلومات يجب تصحيحها وقيلت على لسان "مفكر يحترم عقله" ومن بعد اذنك يا قطة الصحراء

يا اخ مفكر
مزبوط حماس وصلت عن طريق الانتخابات الى الحكم ولكنهم استعملو الارهاب والترخويف مع الناس من اجل ان ينتخبوهم
يعني كانو يدخلو لكل بيت ضعيف وياخدوه بالقوة علشان ينتخبهم

يعني ليست انتخابات ديموقراطية وانما مزورة

يعني قبل موت عرفات ما كانو يسترجو في حماس يرفعو رؤوسهم

انا من مدينة الخليل
واللي عندو شك في كلامي يرفع ايدو
‏قال tamer.sala7
http://www.youtube.com/watch?v=BmgFQiaYEdk&eurl=http://www.copticnews.ca/a_index.htm

الفتوي العبقرية للشيخ المنجد
‏قال عُمر
طيب
بعد إذن قطة الصحراء
عزيزي "المفكر المحترم" .. موش فاهم ليه موش سايب اللينك بتاعك .. المهم ما علينا .. تسائلت هل نسمح بذلك على إطلاقه .. وأجاوبك لأ .. فللحرية ضوابط .. وتتسائل
حتى لو كان هدف هذه الجماعة هدم الحرية المدنية !! حأقولك لو فيه حرية مدنية من أساسه نبقى نخاف عليها والاسطوانة اللي بتتقال من ان اعداء الديموقراطية هم اللي موش عاوزين البلد يبقى فيها ديموقراطية فأحب أقولك إن الكلام ده او التبرير ده بقى موضة قديمة خلاص وبطلت .. أساساً لو فيه حرية مدنية قائمة كانت بعض الجماعات دي هي اللي حتكسب في الإنتخابات ومن الآخر بأتكلم عن الإخوان تحديداً ..ومثال يا سيدي : في الدايرة بتاعتي في بلدي الأم كان مترشح واحد إخواني وقصاده واحد من الحزب الوطني "وبالمناسبة أنا عضو في الحزب الوطني وبأشارك في أغلب أنشطته بس موش معنى كده إني موافق على سياسته ولكني مؤمن إن لما يكون فيه وضع غلط ما نبعدش عنه ونقول ده وحش لأ لازم نروح لحد عنده ونصلحه من جوه " .. المهم يا باشا طلعت المظاهرات ماليه الشوارع في كل البلد تؤيد عمنا الإخواني "وفعلاً هوه شخصية خدومة جداً والجميع يحبونه" وبلاش شخصية كويسة ولاّ موش كويسة عشان متقولش إن ده رأي شخصي وممكن يجافي الموضوعية .. بس من الآخر الإخواني هوه اللي فاز وبإكتساح في الإنتخابات .. مع العلم بأن مرشح الحزب اللي كان نازل قصاده كان شخصية جامدة برضه "على حد التعبير الحزبي" يعنى مافيش شك ان الموضوع يكون متفبرك الناس كلها خرجت قالت عاوزين الراجل ده وفعلاً كسب في الإنتخابات .. وطبعاً الكلام ده معجبش ناس حبايبنا لأنه حيهدم الحرية المدنية زي ما سعادتك بتقول كده ..المهم يا سيدي اتعمل طعن من ناس عارفينهم مسبقا طبعاً وقال ايه الانتخابات مكانتش نزيهة !! وفضلنا يا عمنا في لدايرة بتاعتي من غير نائب في مجلس الشعب لمدة أكثر من سنتين
"بذمتك هل من الحرية المدنية إن بلد بحالها تفضل من غير نائب يعرض مشاكلها لمدة سنتين !!" إسأل نفسك

سؤال تاني برضه هل من الحرية المدنية أن نضرب برغبات المواطنين عرض الحائط ونجيبلهم واحد موش عاوزينه !!

بالمناسبة الحاجة المضحكة إن الإنتخابات الداخلية في الحزب الوطني بيحصل فيها نفس المواضيع إياها دي وفي الآخر بتطلع لحساب ناس معينة .. فحتتة إن الجماعات هي اللي حتبوظ الديموقراطية دي أساسا بقت مينفعش تتقال .. الناس دلوقتي فاهمة كل حاجة موش عبيطة ..

كمان يا سيدي فرضا لا سامح الله إن الراجل الإخواني إبن اللذينة اللي موش عاجبك ده نصاب وحرامي والناس إختارته وإكتشفوا بعد كده نصبه اللي حيحصل هوه إنه بنفس الديموقراطية والشفافية اللي الراجل ده دخل بيها المجلس نقدر بكل بساطة اننا نطلعه منه ونديله على دماغه كمان
بس الفكرة ان مفيش اساسا الديموقراطية اللي تخليه هوه اساسا يوصل لحقه بعد ما الناس اختارته
بمعنى انه لو نجح فده دليل على وجود الديموقراطية والشفافية .. ولو طلع موش كويس بنفس الديموقراطية اللي نجح بيها نقدر نشيله ونجيب واحد تاني بشرط ان لناس برضه هي اللي تختاره

وياريت أساساً حتة نزاهة الانتخابات منتكلمش فيها لأني أساساً جوه الحزب الوطني وشايف اللي بيحصل فيه

يا سيدي الفاضل أنا أول من يبحثون عن الحرية وأعلم جيداً أن صميم الحرية تلبية رغبات المواطنين وليس الحجر على إختياراتهم
موش نجيبلهم واحد يحكمهم بالعافية

حتة ان دولة زي ألمانيا بتحمي نظامها الديموقراطي بحظر قيام جماعات أو أحزاب تؤمن بمثل هذه الأفكار ..
فأنا أحب أعدل المقولة وأقول
أن دولة مثل ألمانيا تحمي نظامها الديموقراطي بممارسة الديكتاتورية على الأحزاب

إنت عاوز تفهمني انها تحمي الديموقراطية بالديكتاتورية

وحتة انها مناورة وخداع للوصول إلى السلطة
هنا سؤال
هل فيه أحزاب ملهاش اهداف سياسية أساساً ولو من تحت لتحت !! إسأل نفسك

دي فضيحة أساساً إن ميكونش فيه في البلد أحزاب ليها أهداف سياسية

ده واجب على كل فرد إنه يكون له هدف سياسي
دي فريضة زي الصلاة والصوم
إحنا عايشين في البلد دي ولازم إحنا اللي نعملها

لازم نجرب كل حاجة ..
نجرب الحلو وندوق حلاوته ونجرب الوحش ونتعلم منه
هوه فيه حاجة بتيجي بالساهل
موش عشان خايفين من حاجة نفضل حابسين نفسنا

كمان إيه البديل عند حضرتك !!

وسؤال تاني
هل إنت شايف إن فيه أحزاب تانية في مصر بتمارس حقها الطبيعي في في المجال السياسي
أشك
وانت عارف ده
هل فيه ديموقراطية في البلد
أشك
مجرد ديموقراطية مقنعة .. ديموقراطية صورية

آآه جميل إننا نبص على خبرات البلاد اللي حوالينا في ديموقراطيتهم .. بس الأجمل إنهم جربوا وعشان جربوا عرفوا يوصلوا للصح

لكن هنا أنت ممنوع من التجربة من أساسه

لازم نصنع بنفسنا تجربتنا المنفردة كبلد مستقل "إن كان مستقل" في الوصول إلى الديموقراطية ..

وآسف عالإزعاج

وتحياتي لقطة الصحراء
‏قال غير معرف…
يبدو ان الخ عمر الغاضب لم يقرا ما قلته جيدا ولذلك ادعوه لأعادة قراءته من جديد
\اما المانيا فهى بلد ديمقراطى ولم يقل احد ان حظرها قيام احزاب معاديه للديمقراطيه دكتاتوريه
وثانيا الديمقراطيه ليست مجرد صناديق انتخابات وانما قبل ذلك وعى سياسى متطور وممارسه لسنوات طويله ولذلك ليس غريبا فى بلد خدع مثقفون فيه على اعلى مستوى فى لحى عصابات توظيف الأموال ان ينجح من يلوح بورقة الدين ومع ظروف غياب الحياة السياسيه لنصف قرن
ضعف الوعى السياسى وابسط اشكاله ان انتخب من لديه برنامج عملى قابل للتنفيذ لأصلاح احوال الناس وليس لأنه متدين يصلى الوقت بوقته فقط
وطبعا ليس من المستحيل اذا صدقت النوايا ان ننعم بحياه ديمقراطيه حقيقيه تصون كرامة الأنسان
كيف؟
هذا يحتاج لكلام كثير قد ارجع اليه بالتفصيل فيما بعد
‏قال شادي أصلان
سمك لبن تمر هندي = فتاوي

الفتاوي = سمك = لبن = تمر هندي
مش كدا بردو؟!!!!!!!!!!!!
‏قال Desert cat
mohra
الناس هجرت المعرفة واصبحت طبقة المثقفين فى الانقراض
لذلك ساد الجهل واصبحت فرصه لكل من يريد الظهور المهم انه ينهى كلامه بصدق رسول الله
تحياتى
‏قال Desert cat
banouta masreya
انت هتستغربى اكتر لما تعرفى ان صلاة المرتشى مقبوله
واعتقد الجديد اللى ممكن يتقال ان القاتل لو قال يارب سامحنى مش هقتل تانى خلاص ياخد براءه
الناس دى بتلعب بالعقول على طريقة 2 2 4
‏قال Desert cat
ابو احمد
دكتورنا العزيز
يقال والعهدة على الراوى ان قتل البراغيت والناموس حرام شرعا لكن فى الالبانى حلال ويجوز
الناس بتخترع وتنهض ببلادها دكتورى الفاضل واحنا بندور على قتل الكارتون
تحياتى
‏قال Desert cat
حاول تفتكرنى
اعتقد ان الهراءات دى من الممكن القضاء عليها بعدم قبولها ورفضها وعدم نشرها فى وسائل الاعلام المرئية او المسموعة او المطبوعه
تحياتى
‏قال Desert cat
عمر
اولا انا مش بكتب بطريقة ساخره ولا حاجه .. كونك كنت قاعد تضحك فده لأن الفتوى اساساً مثيرة للضحك
بالنسبة للإخوان اللى دمك اتحرق علشانهم وزغلول النجار
مش اعرف صدقنى انهم يحرقوا الدم للدرجه دى منهم لله بقى
:)
اخوان ايه يا عمر اللى جماعه فكرية
جماعه نهجها الدم والقتل والارهاب
راجع تاريخهم من اول انشاء مدرسة الاخوان فى الاسماعيليه على ايد حسن البنا الله يجحمه
راجع تاريخهم من اول قتل النقراشى
اول مرة اشوف مرشد جماعه سوابق وقتال قتله زى مهدى عاكف لاء وعايز يحكم مصر .. وهو اللى عايز يحكم مصر او واحد يملك فكر يقعد يقولك طز فى مصر وابو مصر
والمعارض بالجزمة
فين الفكر والادب والدين اللى بيتكلموا عليه .. و كل تصريح وكلمه بينطقوها خاليه من الاخلاق
جماعه ليها فكر وكل يوم ليها شعار مختلف يناسب الهوى والمصلحه
لما يطلع المهدى المنتظر ويدلى بتصريح ان بن لادن مجاهد واللى هو بنفسه قال عليه قبلها صناعه امريكية يبقى ده اسمه ايه ؟؟؟
فين الجهاد فى واحد قتل اكتر من 3000 شخص آمن اه تقريبا الارهابيين بيحابوا لبعض
زغلول النجار ما احترمش نفسه علشان الناس تحترمه
زغلول النجار اللى بيلصق القران بنظريات علمية متغير وكل شوية يجى يجرى بعد اختراع لاى عالم يقول عندنا فى القران طيب انت فين من القرآن هو القرآن مش موجود من 1400 سنة مش اتحركت انت وابتكرت ليه
ويا سلام لما يخرج عالم بنظريه احدث .. وقتها اللى مش عارفين الاسلام يقولوا ايه القرآن كداب
ولك فى النجوم السيارة فى سورة يوسف اسوة على كذب وافك زغلول وهراءاته لما استشهد بصورة يوسف وقال الكواكب السيارة احد عشر كوكبا
واجتمع 250 عالم فلك استبعدوا كوكب بلوتوا ليبصحوا 10 كواكب وبكدا اصبح زغلول الفشار وليس النجار
كلمة الحرية اللى كررتها فى ردك اكتر من مرة .. قولها لنفسك لان زغلول اتكلم والاخوان من بدايتهم قتالين قتله ولن اتحدث عن المليشيات ولا عن التصريحات المتضاربه من وقت للتانى لمرشدهم السوابق وزغلول النجار كل يوم باكذوبه جديدة كالبهلوان اللى بيتلون حسب مزاج الزبون
وانا كمان من حقى ارد على هذه الهراءات وانت كمان من حقك ترد عليا لكن بدون حجر للحرية اللى بتدعيها

شرفت
‏قال Desert cat
tamer.sala7
والله عمنا بيرم ده بيقول كلام حكم
وينطبق فعلا على الموقف الحالى
تحياتى
‏قال Desert cat
أنا إنسان
كلامك معقول جدا
القرآن معجز فى كل وقت وزمان
المفروض ان الغرب الكافر اللى بيخترع ويبتكر ويطل علينا زغلول يقولك موجود فى القرآن اعتقد ان الكلام ده عيب اوى فى حقنا كمسلمين معلشى خلينى عنصرية فى النقطة دى
اصل الغرب مش ياخدوا ابتكارات من القرآن واحنا نايمين ده معناه انهم حافظين القرآن اكتر مننا
تحياتى
‏قال Desert cat
مفكر يحترم عقله وعقل القراء
عزيزى كيف يحكم بالديموقراطية من يجهلها تماما
وعندنا خير نموذج حماس فى فلسطين ومجازر الجزائر
الاخوان تاريخهم الدموى خير شاهد
‏قال Desert cat
صفا
مش تشترى ميكى ولا تفكرى فى ديزنى خالص
ولا اى رسوم كرتونية اصل يقام عليها الحد والاربع والخميس
معلشى يا صفا الجهل نورن فى الفضائيات
‏قال Desert cat
تايه في وسط البلد
معلشى بكره يجى يوم نبطل فيه صويت
تحياتى
‏قال Desert cat
saso
يا مساء الفل يا جميل
معنى كلامك ان المخفى قرينى لسه بيلف على مدونات يشتم
ربنا يريحنى منه فى القريب العاجل قادر يا كريم
الحمد لله انك دخلتى البروفايل بتاعه
علشان تتاكدى
انا والله بكون مؤدبة جدا فى مدونات الناس
شرفتينى جدا
‏قال Desert cat
عايش ولكن
تعرف اللى اصبح واضح جدا
ان اللى شجع امثال اشباه المشايخ على العك فى طبق الفته هو الناس اللى بتسمع لهم
لذلك كل واحد قاعد يلت ويعجن وفى النهاية يبروز كلامه بالله والرسول
واصبحت فتوى يؤخذ بها
الناس محتاجه شوية وعى للتمييز
تحياتى
‏قال Desert cat
kochia
الحمد لله على نعمة العقل
وان مازل هناك من يفكر ويعقل الامور مثلك
تحياتى
‏قال Desert cat
mido
يا ميدو دى الفتوة نازله على الف موقع
انظر رد تامر صلاح
وشوف لنك الفتوى
‏قال Desert cat
سواق تاكسي
اولا اهلا وسهلا بيك وشرفت المدونة اخ عزيز وضيف كريم
طبعا مينفعش حد يعترض على كلامك لان افعال حماس على مرأى ومسمع من الجميع والقمع والقهر الذى يمارسوه على الفلسطنين
عزيزى كلمه سمعتها من صديق فلسطينى
انه كان يوم اسود يوم ما حماس مسكت الحكم فنحن الان نقطر بدل الدموع دم
عارف قال الكلمات دى ليه ؟؟؟
لأن أول ما حماس مسكت الحكم كانت تعتقل الفتحاوية وتعذبهم وسايبه اسرائيل تعيش فى هناء
تخيل حكومة تقتل فى مواطنين البلد وتعتقلهم وتعذبهم لتصفية حسابات وتمكن الاعداء من البلاد وصديقى هذا كان من الناس المعتقله واللى اتعذبت وكل ذنبه انه فتحاوى وليس حماس
طبعا الاخوان وحماس لا يتخيرون عن بعض فى الارهاب
لذلك احنا مش عايزين الاخوان
والله يعينكو على حماس
مودتى
‏قال Desert cat
tamer.sala7
اشكرك جدا تامر
‏قال Desert cat
عمر
الحقيقة يا استاذ عمر كل الناس كانت متعاطفه مع الاخوان فى انتخابات 2005 لان زى ما انت عارف قبل كل انتخابات الاخوان يجمعوا بعض ويروحوا يقفوا قدام اى نقابة ويتباكو والجزيرة تصور واحنا مغلوبين على امرنا احنا مضطهدين احنا مش عارفين نعيش احنا بندور على حرية الوطن وفى النهاية يطلعوا هما اللى مبلغين على بعض لكسب عطف الناس والغلابه يصدقوا ويجروا ينتخبوهم .. الحقيقة انا فى دايرتى نائب اخوانى ونائب مستقل الاخوانى ده كل الناس كانت متعاطفه معاه وانتخبته لكن دلوقتى الناس بيندموا مر الندم وبيقولوا لو باس على رجلنا بعد كدا مش هننتخبه عارف ليه ؟؟؟
لانه مش خدم غير عيلته
المواطن العادى لو راح له لطلب دائما مش موجود ... واحد قاعد فى المجلس لخدمه اهله ولمصالح الاخوان الناس هتنتخبه تانى ليه ؟؟؟
النائب المستقل مقره مفتوح 24 ساعه للصغير قبل الكبير .. انا دخلت المقر ده من فترة بعيده شوية .. ابنه قاعد يستقبل الناس عامل البوفيه من قبل ما تقعد على الكرسى يكون جاى يسالك تشرب ايه .. الجميع بيكلمك بكل ادب وذوق .. شوفت الفرق بين واحد عامل كام شعره فى دقنه بيكسب بيهم عطف الغلابة وبين واحد بيعامل ربنا وبيتقى الله وبيحافظ على الامانة اللى الناس اديتها له ..
المانيا دولة ديكتاتورية مين اللى قالك الكلام ده معلشى هعتبرها مزحة .. المانيا لو دكتاتورية مش كانت سمحتنا للغوغاء من العرب الاقامة فيها .. ناهيك عن الاحزاب السياسية اللى واخدها زريعه اصل احنا عملنا ايه بالاحزاب اخدنا منهم قانون سكسونيا .. ماشاء الله العدد فى اللمون فى بلد الاحزاب السياسية ..
لما واحد لسه بره الحكم يقولك المعارض بالجزمة .. عايز منه ايه لما يحكم ؟؟؟
لما واحد مجرم ومعينينه مرشد للاخوان وبالرغم من منصبه مش قدر ينسى انه قاتل راح يتعدى على جارته الايطاليه وبنتها فى شقتها فى التجمع الخامس .. مستنى منه ايه لما يحكم
طبعا زى ما الاخ المفكر المحترم قال
مينفش نستجير من الرمضاء بالنار
عندك حق الناس محتاجه توعيه
بس توعية هتبقى منين والاعلام نفسه هو اللى بيروج للناس دى !!! تفتكرى ينفع؟
‏قال Desert cat
شادي أصلان
الفتاوى المبهرة لشيوخ العصر
ظلمت السمك واللبن والتمر هندى
:)
‏قال Desert cat
عايش ولكن
اعتقد يا علاء انه فى مطحنة الحياة اللى الناس عايشاها دى صعب اقول لواحد جيب كتاب واقرى هيكون رده بدل الكتاب اجيب رغيف عيش
الحل عمل برامج توعيه
احنا كافراد لينا دور فى التوعيه
من خلال حوارتنا مع المحيطين بينا
‏قال Heart Beat
الصديقة العزيزة جدا على قلبي

Desert Cat

وحشتني كتاباتك و موضوعاتك الجميلة يا قطة

احداث كتيرة حصلت اثناء غيابي لكن معلش ملحوقة يا فندم

المهم ان ربنا يحميكي من اللي بينتحل اسم مدونتك ده و يبعده عنك

نيجي بقى لموضوع التدوينة الجديدة

ما اكثر الفتاوى يا قطة الايام دي... كنت قرأت في جريدة الشرق الاوسط سابقا عن وجود شخصية ميكي ماوس في الفتوى دي دون غيرها من الشخصيات لماذا مثلا مش بطوط و الاقزام السبعة

كنت افضل الافتاء بقتل الساحرة الشريرة على الاقل هي شريرة و معروف عنها كده انما ميكي ماوس عنل ايه بقى يعني

اما عن الاخوان فطبعا و لا بد ان يعيش الاخوان في جو التقوى و الصلاح و انهم بيعملوا عمرة و لا بيحجوا ثم يجتمعون على ما فيه افساد او اصلاح من وجهة نظرهم للامة و هي في باطن الامر اصلاح و ربح وفير لكل شخص منهم على حدا

و انا بتفق جدا مع التعليق اللي حطتيه و المتعلق بالاعجاز العلمي و هو نفس اللي قلته برضه من انه لما احنا عندنا كل الاعجاز ده في القرأن و مذكور كل حاجه بيكتشفها العلم الحديث ليه السادة علمائنا الافاضل سواء القائمين منهم على الدين و تفاسيره او ممن يعملون في المجال العلمي التقني ... مافيش حد فيهم اكتشف الاعجاز ده قبل ما يكتشفه علماء الغرب

ليه نستنى على حاجه لما هي اصلا موجودة في ايدينا

صبرنا يارب على اللي بيحصل ده
‏قال غير معرف…
الاخت العزيزة قطة الصحراء
معلش بدي اضيف معلومة صغيرة

حماس وفتح انحس من بعض لانو في فترة الانتفاضة كان رجال فتح يدخلون بيوت الناس بحجة الهروب من جيش اسرائيل وكانو يستغلون الفرصة بسرقة الاشياء الثمينة في البيوت وكانو يغتصبون كل بنت حلوة امام ابوها وامها وبعدين هربو الناس من فتح الى انحس من فتح

بعدين في شغلة مهمة كتير
نحنا ما بدنا تستمر الحرب مع اسرائيل لانو النا قرايب واهل في حيفا ويافا والناصرة - اسلام ومسيحيين في علاقة نسب وقرابة من قبل ومن بعد اسرائيل

اصلا كانت فرصتنا الاخيرة لو ياسر عرفات قبل ينضم لانور السادات

انا فكري اعمل فيسبوك او مدونة لانو في اشياء كتيرة غامضة وبدها توضيح, بس يمكن ما حدا فاضي يقرا

ما زال في فلسطينيين يدخلون اسرائيل للعمل والتجارة بسبب انهم كسبو ثقة عملائهم اليهود لانهم ما تاجرو بالمخرات ولا بالسلاح وكمان ما اشتغلو جواسيس لاسرائيل

تحياتي
‏قال عُمر
بعد التحية والسلام
سيدتي الفاضلة
أعتذر وآسف لما تركت كلماتي لديك من إنطباع سيء عني .. فهذا يظهر في ثنايا كلماتك
وعموماً
فرأيي صواب يحتمل الخطأ
ورأي غيري خطأ يحتمل الصواب
بمعنى
أنت مقتنعة برأيك .. تمام .. وتدافعين عنه
لماذا؟
لأنك مؤمنة به ومؤمنة بمبادئك .. لذا فأنت تطلبي من الآخرين أن يحترموا رأيك ويحترموا مبادئك ويحترموا حريتك
إذن فبالمثل
ينبغي أن نحترم حرية الآخرين في التعبير عن آرائهم
لم ؟
لأنهم أيضاً يؤمنون بآرائهم ويعتقدون أنها هي لصواب وأن آرائنا هي الخاطئة
فكل شخص من منظوره يعتبر أنه هوه الصواب وأن الآخر هو الخطأ
صراحة .. أنا الآن أعتقد أنني الصواب .. لم ؟ لأنني أنظر إلى الأمور من منظوري الشخصي .. نظرة كونتها عبر تجارب مررت بها وأوراق وقعت تحت يدي قرأتها .. وقد يكون غيري لم يمر بمثل ما مررت به .. ومن هنا ينشأ الإختلاف في الآراء بين الناس .. ولكن هذا لا يمنع أن رأيي قد يكون خطأ كما ذكرت ولا حرج في ذلك فأنا لم أخلق عالما فالإنسان يتعلم طوال حياته كما أني لا أؤمن بثبات لمبادئ والقيم ..
المهم هناك أمر أود توضيحه ..
أنا أساساً غير مؤمن بالسياسة الإخوانية بل إنني كنت من أشد لمعارضين لهم في سنوات الجامعة إلا أنه كان جدال بالحسنى دون تبادل السباب والقذف ..
نعم قرأت عن الإخوان وتاريخهم .. بل وتاريخي لشخصي به من الجروح بسببهم ..
فحتة هل انا متضامن معهم ؟
لأ .. إطلاقاً ومطلقاً
فقط أنا متضامن مع حرية التعبير عن الأفكار .. وفي حدود عدم إلحاق الضرر بالآخرين .. وتنظيم إلحاق الضرر من عدمه ده بقى المفروض إنه من مسؤلية جهات معينة في الدولة .. جهات من المفترض أنها تسن لقوانين والتي تكفل راحة المواطنين وعيشهم في سلام دون منازعات ..
من الآخر فأنا أساساً أميل وبشدة
لتطبيق النظام العلماني
وأنا مؤمن بأننا سواء رفضناه الآن أو قبلناه فعما قريب سيكون هو السائد
إلا أننا من عادتنا كعرب نفتقد لحس المبادرة ونخشى كل ما هو جديد
فأنا أحسبه أنسب نظام للحفاظ على الحريات المدنية وتنظيمها بين الأفراد دون الخضوع لسلطات دينية في ظل مجتمع مفتوح يتآلف أفراده من طوائف وعقائد مختلفة ..
ولكن
مازال لديّ عتاب فيما يتعلق بذكر سِير الآخرين ..
فحينما نقول عن شخص إنتقل إلى عالم الغيبيات "ربنا يجحمه" فهذا أمر أعتقد أنه لا يمت بصلة إلى مفهوم الحرية بل ويتنافى مع حرية الإنتقاد
لا أتحدث عن حسن البنا أو شخص بعينه .. أتحدث عن الإنسان أياً كان مسلماً يهودياً مسيحياً .. فبإختلاف منهج الإنسان لن يتغير حكمي المطلق عليه كإنسان له أحقية الإحترام من قِبل أناس كان بينهم يوماً ما ..
لن نكون ضعفاء أو جبناء أو متخاذلين لو قولنا رأينا من غير ما نكيل السباب والشتائم للآخرين ..

محور الخلاف يا عزيزتي في كل حديثنا هو .. إشكالية الأنا والآخر

ممكن الأنا والآخر دول يكونوا
مسلم ومسلم
أو مسلم ومسيحي
أو مسلم ويهودي
أو حضري وريفي
أو متعلم وأمي
أو عربي وأعجمي
أي إثنين يسلكا منهجين مختلفين أو ذوي طبيعة مختلفة ..

فأنا أتحدث عن عموم الأنا والآخر على الإطلاق

وزي مانتي قولتي الناس اللي في دايرتك لما انتخبوا الإخواني وندموا بعد كده إنهم إنتخبوه .. إيه اللي حيحصل بعد كده !!
إنهم موش حينتخبوه تاني
وده اللي أنا عاوز أوصله يا ستي
إن الناس هي اللي تختار بنفسها وتجرب
هما اللي يخلقوا ديموقراطيتهم بنفسهم ويعيشوا التجربة بحلوها ومُرها ومن غير وصاية أمريكية أو ألمانية ..
وأعتذر لو تحدثت عن السياسة الألمانية دون دراية كافية بهيكلها السياسي إلا أن جل ما أقصده هو نصنع ديموقراطيتنا بأنفسنا .. بخبراتنا .. بعرقنا يعني
كمان العقلية الألمانية موش زي العقلية المصرية .. ولا أتحدث عن فارق قدرات عقلية أو ماشابه بل أتحدث عن إختلاف الطبعة الجغرافية والظروف المجتمعية والأحداث التاريخية

المهم أرجو تفهم موقفي بصدر رحب ..
وكما ذكرت مسبقاً فرأيي صواب يحتمل الخطأ
ورأي غيري خطأ يحتمل الصواب

أما نقطة أني أدعي لحرية ..
فذاك أمر لا يحتاج إلى إدعاء فقد خلقنا الله احرار ولن تسلب منا حرياتنا مهما فعل الآخرون فهي كالصفات الجينية تنتقل من جيل إلى جيل ..
إلا أن هناك بعض المعوقات التي قد تواجه تللك الحرية ..
آه نسيت أقول :
مازلت تلميذاً صغيراً في دنيا الله

وخالص أسفي وتحياتي ..
والسلام على صناع السلام ..
وعلى دنيانا السلام ..

عمر
‏قال Desert cat
Heart Beat
صديقتى الجميلة ارق دقة قلب
عاكلة ايه يا قمر
كل سنة وانتى طيبة وبالف خير
والله حبيبتى احنا عايشين فى زمن المعجزات ايوا معجزات صديقنى يعنى قتل ميكى الورق ده ايه مش معجزة
هو حد فى الدنيا كان ممكن يخطر فى باله المعجزة دى ويتقل ميكى اللى اتضح انه نجس والاطفال مرتبطين بيه وبيحبوه اوى ولازم نقتله وكل من هم على شاكلته
الاخوان مفيش اجتماع ليهم الا ببلوة لازم تحصل مش فارق معاهم يا قلبى المكان ولا الزمان المهم حتى فى تخطيطهم للخراب بيستخدموا اسم الله
انا كمان متفقه جدا مع التعليق المنشور
تحياتى يا جميله
‏قال Desert cat
سواق تاكسي
اان سمعت الكلام ده تقريبا قبل كدا
لكن علشان مفيش مصادر اتاكد منها مش صدقته
بس انا اعرف فلسطينين فتحاوية الحقيق محترمين جدا
اشكرك جدا على التوضيح
مودتى
‏قال Desert cat
عمر
بعد التحية عمر
كلماتك مش تركت لى اى انطباعات صدقنى اان بحترم اى آراء
مهما كان الاختلاف
طالما فى هدف للنقاش
تحياتى
‏قال غير معرف…
توضيح
حتى لا تلتبس عليكي الامور
لم تكن في فترات الانتفاضة العنيفة تغطية اعلامية من خارج فلسطين بسبب المخاطرة في الحياة

وسائل الاعلام داخل فلسطين لا تجرؤ على نشر حقائق من الممكن ان تؤدي الى الاساءة اليهم

اما الخبر نفسه فقد وصل قيادات معينة في فتح ولكن القيادة نفسها لا تستطيع التعرف على الجناة لان الجناة كانو ملثمين, ولان اسلوب النضال تحول الى وضع لثام خوفا من الجواسيس اكثر من الخوف من الجيش, وهذه فرصة سانحة للبلجية والزعران في الانخراط في صفوف الملثمين, كما يحدث نفس الشيئ في مصر حين يلبس الرجال نقاب او نساء نشالات ولابسات نقاب فلا يمكن التعرف على الجاني لان اللثام كان بواسطة الحطة الفلسطينية ذات اللون الاسود او الاحمر

فقط من عاش داخل الضفة الغربية يعرف عن الاحداث التي يتم التعتيم عليها, واما من يعيشون في دولة ثانية هذا لا يعني انهم يعلمون شيئ

كل من هم تحت اسم شرفاء ويعيشون داخل الضفة والقطاع لا حيلة لهم ولا يستطيعون رفع اصواتهم لان لهم اسلوب الحوار الديموقراطي الذي ينعدم عادة في الضفة والقطاع

كل شيئ تودين ان تعرفي حقيقته يجب ان تسالي اذا كان الشخص يعيش في فلسطين ام خارج فلسطي لانه شتان بين الارض والسماء

مخالفات اغتصاب على يد ملثمين حدثت بالتحديد في مخيم جنين في شمال فلسطين

اما حالات الاغتصاب العادية في فلسطين او في مصر فهي مدونة في مواقع انترنت مع احصائيات رسمية كذلك قتل النساء على خلفية شرف وقد تكون المقتولة ضحية اغتصاب

لا احد يقول الحقيقة لانهم يعتقدون بانها تشوه الموقف السياسي للبلد امام الدول العربية وامام العالم او يخافون على حياتهم

المشاركات الشائعة