إذا حضر عمرو خالد ... ذهب يعقوب وحسان والحوينى

دخل الداعية العلامة عمرو خالد قناة الناس برجله اليمين خرج منها بالشمال يعقوب وحسان والحوينى
هل يا ترى ايه السبب
يمكن علشان عمرو خالد واخد ايه الار تى لحسابه حكر واعلان وصلات الدش اللى بيتحفنا بيه كل شوية والتانية قال يعنى الوصلة حرام والدش حتى لو بتشغل عليه القنوات المشفرة حلال ده ايه الدين الحديث ده يا حضرة الداعية الا هو مين اللى لقبه بالداعيه ما علينا مش مشكلتنا دلوقتى
بس فى حاجه غريبة بتحصل هما مشيوا وسابوا له قناة الناس ليه
ولا يمكن غيرانين منه علشان دخله وصل من البرامج 2.5 مليون دولار فقالوا هو ورانا ورانا جاى يقاسمنا فى رزقنا هنا
زرع السطوح بطاطس ... ودهن الهوا دوكو وكمان جاى ورانا قناة الناس ... العبوا سوا يا شيخ ولا يا داعيه منك ليه
مش عيب لما تقعدوا طول النهار تقولوا قال الله وقال الرسول وتيجو تتخانقوا مع بعض كدا امال فين التسامح والحب والمودة ولا انتوا اقوال لا افعال
قسموا الناس اللى مسلماكو دماغها تلعبوا فيها براحتكو على بعض
وقسمو السبوبة مع بعض بالتساوى
اتفقوا سوا على فتوى تزرعوا فيها السطوح بطاطس تزرعوها كوسه المهم عيب تتفضحوا كدا على الفضائيات وفى النت

يعقوب وحسان والحويني ينسحبون من قناة الناس بسبب عمرو

اقروا اللنك ده واللى يعرف السبب الحقيقى يتصل على 0900
يربح بطاطسية من اللى فوق السطوح هدية فورية

Comments

ممكن احجز اول تعليق
وارجع
لو مجيتش انتى عارفة السبب
بصراحة انا مش فاهم حاجة
انا بصراحة بحب الشيخ احمد عوض وبرنامج صباح الايمان
وكنت متابع احاديث لباقى الشيوخ
اما الاختلاف بينهم بصراحة الله واعلم
تحياتى
البطاطس رخيصه فى السوق
اذا كانت الجايزه نص كيلو باميه من ام 14 جنيه انا هاغامر واعرف السبب
اسفه على تاخيرى معاكى نظرا لانشغالى
تحياتى لكى
Heart Beat said…
Dear Desert cat

طيب ممكن الجايزة تكون 2 لتر بنزين

طيب ممكن الاجابة تكون

ان القائمين على قناة الناس قالوا هايدوا دولاارات اكتر لعمرو خالد

فانسحب السادة الاخرون

يعني الاسباب ممكن تكون مادية بحتة

او بقى يكونوا فكروا ان عمرو خالد و برامجه ممكن تكتسح مكانتهم في القناة فخافوا احسن يبانوا في مكان اصغر من مكانة عمرو خالد

كل شيء بقى ممكن الايام دي
tamer.sala7 said…
والله الـ فريقين مرتزقة يعني سواء الشيخ حسان او عمرو خالد النصاب او المستفذ حسين يعقوب
واحنا بقي اللي تايهين في النص
شوفي ياقطتنا شيوخ الفضائيات مفيش اكتر منهم اليومين دول
و اكيد يعني مش بيدوا فتاوي و لا بيطلعوا في التليفزيون لوجه الله
عشان كده بتلاقيهم في الفضائيات اللي بتيدهم بالدولار و اي حد حيقول غير كده يبقي بيغالط نفسه
القنوات الاسلاميه مابقاش فيه اكتر منها يعني لو سابوا قناه الناس بكره تتفتحلهم قناه تانيه و يطلعوا فيها مش حيموتوا من الجوع
انما السبب اكيد مادي بحت و كمان خوف ممكن من شعبيه خالوده
اللي شغال اليومين دول علي فوربس مجازين و يقول انهم بيبالغوا في ثروته مع ان مجله فوربس دي نسمع عنها من زمان و عمر ماحد من المشاهير بتوع العالم قال الكلام ده عن الاحصائيات اللي بتعملها لكن شكلو بيخاف من الحسد

يالا المهم انك بخير و بكره نسمع و نشوف بسلامكتهم حيطلعوا في انهو قناه
مساء العسل ياقطتنا
سبحان الله حتى الدين بقى يشترى اللى يدفع اكتر يلا بقى دة حال الدنيا ربنا يحمينا ويهدينا ونلاقى حد بيرشد لوجة الله ولا يهمه فلوس ولا غيرة
gehad_fci said…
الناس بقت بتاجر بالدين
مفيش حاجه لوجه الله ابدا
علي فكره انا اتصلت
فين الجايزه؟؟؟؟
وياريت بسرعه علشان البطاطا شحت عندنا في الزقازيق
somaa mahaba said…
ان شاء الله بعد ما مسكت رئيسه الجمهوريه حظبطلكم كل شىء فوتى عندى وباركيلى بقى
سومه_87
cenotaph said…
بس عمرو خالد ليه طرأتو الكويسه هما يديأو ليه
قتطي


لو فرنستي فازت بالباميه ابقي خليهم كيلو الا ربع

اصل انا بحب الباميه

سلامووووووووووز

وزة
كاميليا said…
هههههههههههه

ما خلاص
كله اتلخبط على كله
اشمعنى الدعاه يعنى؟

ياقطتى الطيبة
قولى على الدنيا السلام

تحياتى وحبى
Tamer Nabil said…
ياة عزيزتى قطة

فكرتينى بموضوع كنت كتبتة عن عمرو خالد فى احدى المنتديات

الكلام دة من كم سنة قبل ما عمل مدونة

كنت كتبت راى فى بعض كلامة الغير صحيح

وقولت ان لية طريقة مدلعة فى الكلام مش طريقة رجل دين

وكمان غير انى ناقشت بعض الكتب اللى هاجمتة فى كلام اتتقال على لسانة

وياة على اللى حصل هجوم زرى على الموضوع بتاعى ومش اقول ليكى على الالفاظ

عرفت ان بعض ناس شاربة بطاطس ومفيش حاجة اسمها نقاش لكن كان الامر مجرد ناس تتدخل وتقول كلام

بس يلا اهيية دنيا


وبعدين حكاية رجال الدين اللى تتطلع على القنوات بقت موضة

وكل واحد عايز يكسب قرشين

وعلى العموم عمرو خالد

مجرد انسان والغلط
فى كلامة شىء اكيد

لكن اللى مش بحبة فى الناس اللى يتردد كلامة زى المجانين دون نقاش او بحث فى الموضوع

وعيب ان حد يغلط عمرو خالد

مش عارف لية هو كان رسول

تحياتى
mregypt7 said…
عجبانى اوى حكايه البطاطس ديه
بس يا ترى مسكره ولا قديمه
اصلى عايز اعملها شيبسى
والا لما دهنوا الهوا دوكوا عملوه لونه ايه
اصلى شايفه متغير بقالوا كتير
اولا احب اقول ان العمرو بن خالد
ليس بداعيه
ده راجل بيحب يبسط الدين
بس مشكلته انه كثيرا ما يخطىء
وهو ده اللى الشيوخ معترضه عليه
بس يا اخوانا زى ما قالوهالنا الناس اللى قبلينا الحرام بين والحلال بين
ومادام سيادته محتكر الاى ار تى يبقى ربنا يهنى سعيد بسعيده
بس ممكن اسالك سؤال
انتى قطه بريه ولا مستانسه
يارب تطلع اللى فى بالى
اسلوبك جميل زيك كده
مع خالص تحياتى
الباش مهندس بوحميد
PrInCeSS BeRy said…
مفيش شىء مستبعد دلوقتى كل حاجة بتباع وتشترى مفتكرش هييجوا فى دى ويقفوا حسبنا الله ونعم الوكيل
عزيزتي قطة الصحراء

لا تستغربي كثيرا فقد قالها الحسين رضي الله عنه من ما يزيد على الألف سنة:

الناس عبيد الدنيا والدين لعق على ألسنتهم يحوطونه ما درت معايشهم فإذا محصوا بالبلاء قل الديانون !!!!!!!0

وطبقيها كده على الموقف اللي حصل حتلاقيها منطبقة مائة بالمائة: دخل عليهم عمرو خالد فمحصوا بالبلاء، ما هو لهف طبق البقلاوة من على بقهم، فقل الديانون وخرجوا من المحطة ثائرين !!!!0

لك الله يا اسلامنا ولنا الله في هؤلاء الشيوخ، إلا هما اسمهم شيوخ ليه؟؟؟؟؟؟؟؟؟؟ مصادفة يا ترى؟؟؟؟؟؟؟0

عميق تحيتي وخالص مودتي
أنونيمس said…
انا مش فاهم حاجه

لو كان عدم قبول الآخر وصل الى المرحله دي

دا لو اعتبرنا انهم بالنسبه لبعض "آخر" يعني

أمال لازمته أيه الدروس اللي بيقولوها؟؟؟؟؟؟

سؤال إجابته اعجب م الخيال

.
.

لا يوجد الكثير لأعلق به
الموقف ابلغ من اي كلام
الى اعرفه انهم موش بياخدو اى مقابل مادى اذا كان بعقوب او حسان او المصرى وبينى وبينكم انا بتابع القاماة وفى الفترة الاخيرة هبلت اوى وخرجت عن مرجعيتها فعلا وانا متضامن معاهم فى وقفتهم دول واحسبهم عند الله خيرا
عمرو خالد وسطيته فى الاسلوب الدعائى خرجت كتير عن اطارها المظبوط والكلام فى النقطه دى كتير
احب اعرف اذاى بتحطى مقطع صوتى فى بدايه المدونه
وشكرا
عارفة الموقف ده هعلق عليه بموقف

الشيخ حسني لما قفش الهرم في الحمام بتاع شقة الاسطى حسن و الهرم كان مستخبي عشان يزبط الست فتحية مراةت الاسطى حسن

واحدة و هو نازل قالتله هو فيه ايه يا شيخ حسني قالها

اهو حاجات غريبة و السلام

يرضيك كدة يا شيخ حسني

عالم وسخة

التعليق ده انا علقته قبل كدة

بس هو بينطبق على الموقف ده اوي

و بعدين مؤكد الخلافات دي كانت موجودة يعني النار تحت الرماد هما مش هيسيبوا القناة و يعلنوا رفض عمرو خالد من الباب للطاق كدة يعني

و بعدين بقى يا ريت كل معجب و مفتون بالشيخ اي كان اسمه و ممكن يزبط مواعيده و مصالحه على ميعاد البرنامج بتاعه
يراجع نفسه بعد ما يقرا المسخرة دي

ده اولا

ثانيا بقى

القناة دي اصلا كانت قناة عادية جدا اغاني و هلس و برامج و صاحبها هو صاحب قناة الخليجية

قوم ايه واحد شيخ لعبله في دماغه و بعدين ابتدى التوجه الديني يظهر عالقناة و بعدين بقت قناة دينية و مذيعات محجبات

ماشي

و بعدين الشيخ الحويني ابتدى يظهر في القناة لكنه ربط ظهوره فيها باختفاء المذيعات و كانت طلباته اوامر

ثالثا

من سبع او تمن سنين كنا بنسمع دعوات و دعوات عن ضرورة انشاء قناة فضائية لتعريف العالم بالاسلام لان اذاعة القرىن الكريم مش كفاية

الآن ايها السادة الكرام بعد ظهور عشرتاشر قناة دينية مختلفة الاتجاهات
تفتكروا العالم الاخر هيبص للعالم الاسلامي ازاي

ايها السادة اعملوا عقلكم و اسمعونا رأيكم دام فضلكم

و تحياتي يا كات

و يا ريت تردي على كل نقطة تحديدا لان دماغي هتولع خلاص

سلاموز
momken said…
لاء الموضوع مش كده
بس عمرو خالد فى طريقته للدعوة
بيتجنب السلف الصالح
اه ممكن يحكى عنهم
لكنه بيثير قضايا غريبه
وبيجيب عليها ادله غريبه بدون سند
وبدون اصل
يعنى ولا بيرجه للبخارى ولا للامام مسلم

كمان هو اقر وجود الشيعه
وشريعيتها رغم الاختلاف الكبير بينها وبين السنه
كمام هو اقر وجود الصوفيه وشرعيتها

والحجات دى فيها خلاف كبير بينه وبين المشايخ التلاته

البوست بتاعك حلو اوى
بحب طريقتك فى طرح المواضيع
عامله كده زى سى ان ان

تحياتى
Abo 7anf said…
انا بتهيالى الانسحاب
نتيجه اختلاف فكرهم
من سلفيه
حسان ويعقوب والجوينى
والتيار الصوفى
أحمد عبده
اما عمرو خالد
فتقريبا كل الشيوخ القدام مش بيحبوه
لانوا متساهل شويه
وبيفضل اسلوب الشباب فى الحوار بتاعوا
وطبعا دا مرفوض عندهم
وخلاف انوا مش خريج الازهر
ويحك ايتها الشنقيطة
انك لحبظلم بظاظا مشرنقة البخلجات مقرنطعة

اتهاجمين ائمة الامة ذوي الجيوب الثقيلة
والعقول الخفيفة

والشات والكيسة
انك لتحفرين ودنك بيدك ايتها المشنوقة على باب زويلة حتى لتطقطقين البيض في السمن البلدي

ياما دي سبابيب

والراجل الجد يحب الجد
ما يصحش الفقي ياكل طبق الفتة اللي بياكل منه زميله الفقي التاني
شوفى يا سيتى
انا مختلف معاكى تماما فى كل اللى قولتيه
انا من الاول عارف رأيك فى الاخوان وده حقك تحبى او تكرهى الجماعة ذى ما انتى عايزة
بس انا مش فاهم موقفك من كل الشيوخ دول ايه
دول من تيارات مختلفة
يعقوب وحسان دول تيار سلفى
عمرو خالد داعية بيستخدم اسلوب جديد فى الدعوة
طب انتى عايزة ايه بالظبط
يعنى انتى لا بتحبى الاخوان ولا السلف ولا المجددين
طب مين من الشيوخ اللى انتى شايفه انه كويس يا ريت تقوليلى
وبعدين انتى ديما بتقولى الرأى والرأى الاخر وبتهجمى الاخوان عشان بيشتموا فيكى ومبيحبوش يسمعوا غير رأيهم وخلاص
بس هل ده يديكى مبرر تتريقى على شيوخ كبار ذى الشيخ حسان والشيخ يعقوب
طب على الاقل احتراما للسن
وبالنسبة لعمرو خالد ايه فايدة انك تقولى ده دخله فى السنة 2.5 مليون
يا رب يكون 100 مليون هو الفلوس الكتير معناها انه حرامى او نصاب
الغنى عمره ما كان اتهام انتى لو تعرفى اى معلومة من ثروته او مصدرها اذا كانت مصادر غير شرعية قولى عليها
لكن الكلام عنه وكأنه سارق الفلوس دى لا يصح
انا فعلا اتديقت لما قريت البوست ده
ويا ريت تردى عليا
سلالالالالالالالالالالالالالالالام
Desert cat said…
اعتذر للجميع لانى هرد دلوقتى على رد الاستاذ
bar2ash
ولما ارجع ان شاء الله اعلق على باقى الكومنتات
...........
استاذ bar2ash
حضرتك دخلت كتبت لى تعليق كبير جدا ومفيهوش اى حاجه خاصة بالبوست غير ان حضرتك بتاكد لى ان الشيوخ الافاضل لا يتقاضون ولا مليم من برامج الفضائيات
وباقى الكومنت نقض لجميع المدونين اللى عقبوا قبلك .. اولا انا مش هنشر الكومنت ... لكنى ذكرت لك محتواه لو تنقضنى انا اوكى انا موافقه .. تنقض البوست برضه موافقة جدا جدا لكن ذكر اى مدون شرفنى بكومنت او حتى شرفنى واتفرج على البلوج من بعيد لبعيد او شرفنى وشتمنى حتى انا مش حنشر حاجه زى كدا وده للتوضيح .... لان هدفى واضح ومبدائى من زمان جدا حضرتك على عينى وراسى من فوق تكتب كومنت تشوف البوست وتمشى تنقضى كمدونة او نقض شخصى هنشر اى حرف تكتبه انما ذكر اى مدون اخر فى مدونتى اعتذر لحضرتك جدا جدا
اسمح لى بقى ارد لك على موضوع ان دخلهم من الشرايط فقط لا غير
طيب ياترى ثروة الاستاذ الكبير عمرو بيه دى كلها من شرايط الكاسيت .. ثروة العلامة الكبير عائض القرنى ويعقوب وحسان والناس دى كلها من شرايط الكاسيت برضه ده لو كدا انا اروح البس النقاب من الصبح واسجلى كام شريط طالما المكسب بالدولارات والملياات كدا
نورتنى جدا
واحترامى وتقديرى

ليا عودة تانية ان شاء الله لمتابعه الكومنتات لانى حاليا خارج الحدود الشرقاوية
كلها اربع ساعات واعوووووووود
ههههههههههههههه
معارك شيوخ الفضائيات تتم بدبلوماسية
بس ما بيقدروا يداروا مصالحهم وأحقادهم الشخصية
واستفادتهم الدنيوية
هتفرق كتير عمرو خالد عن غيره
كلهم الدين بالنسبة لهم بزنس
يعني قديش يقدروا ينهبوا ويهلبوا من هنا وهناك
العزيزة حدوتة
وإيه رأيك في إعلان الشيخ عمرو عن سرقة الوصلات الفضائية ؟
بالذمة ده اسمه كلام
فيه شيخ محترم يؤثم سرقة المسخرة
ههههههههههههههههههههههههههه
يا ربي علي اللي إحنا فيه
Eldebug said…
السبب انهم عرب ... فكك من انهم شيوخ ..بس المهم انهم شيوخ عرب .. تلاتة سلفيين وواحد صوفى وواحد مودرن وكل واحد عايز الناس تمشى على طريقته ... وكان كل واحد منهم بيتكلم فى اتجاه ... المشكلة انهم كلهم بيقولوا نفس الكلام .. بس كل واحد له جمهوره .. بس هتقولى ايه بقى .. مادمام تقدرى تفرضى رايك ليه ماتفرضيهوش
اولا ازيك

ثانيا داعية ايه و مشايخ مين...كفاية يقى الافيون الديني ده و التمحور حول تراث ممزوج بأساطير عل فلكلور.. و كأننا محتاجين للبتوع دول يفهمونا بالصيغة العاطفي الافيونية اياها بلاش زبالة مخ بقى...هوا نصر حامد ابو زيد طفش ليه يعني..لما ما لقاش حد يقرا و لا يفهم و الازهر الكهنوتي راح مكفره و فرق بينه و بين مراته
السلام عليكم
بجد انا مش عارفة اقولك ايه بس فعلا موضوع عاوز الدراسة وربنا يهدى الجميع
إنسان said…
إتقوا الله جميعا
دلوقتي بقيتوا بتستهزؤا بعلماء الدين ؟
حسبي الله و نعم الوكيل
و سواء نشرتي أم لم تنشري
الكلام عن العلماء لازم يكون بإحترام
بلاش العلمانية الغبية اللي عايشين فيها دي
بتبجلوا الرقاصات و العاهرات و بتحتقروا و بتسبوا و بتشتموا و بتتريقوا على علماء الدين
إرحموا نفسكم و فوقوا من الغيبوبة دي
ربنا يهدينا و يهديكم جميعا
قطتنا العسل

صباح الفل
ليا سؤال عندك ياجميله يمكن تعرفي تفيديني
الا عمرو خالد طلع في اعلان عن وصلات الدش الغير شرعيه؟طب ايه كان معاها و لا ضدها و لا ايه العباره؟اصلي ماشوفتش الاعلان
افيديني افادك الله
سلام ياقمر
انا اصلا مش بحب عمرو خالد مش بهاجمة بس مش بحبة...حقى دة غير انى بحثة يعنى متكلف حبتين


بس عادى سيبيهم يخبطو فى بعض...

اصلا محدش بيصدق لا دول ولا دول غير شوية اخوة ربنا يهديهم يعنى...


حقيقى بلا وكسة
Desert cat said…
همس الاحباب
شرفت اول رد ياباشا
ولو ما رجعتش بسبس لى وهتلاقينى جاية اخربش على طول
Desert cat said…
همس الاحباب
ازاى يا خالد مش فاهم حاجه
لازم تفهم الناس دى عمال تتخانق مع بعضها ليه والسبب الرئيسى ايه
تفتكر علشان واحد صوفى والثلاثة سلفيين
ده سبب برضه
امال لو قابلوا واحد مسيحى هيعملوا فيه ايه بقى
بالذمة دى عقول من يدعون بعلماء الدين
Desert cat said…
فرنسا هانم
فكرة برضه نبعت ميل لعمووور يخلى اعوانه يزرعوا السطوح بامية علشان ترخص والرخاء يعم
ووقتها يا جميله ليكى كيلو مش نص بس
انا مقدرة مشاغلك نورتينى يا فرنسيس
تحياتى
Desert cat said…
Heart Beat
والله هو السبب لحد دلوقتى واهى قال ايه اصل عموره خالد صوفى وهما سلفيين
هو انا اعمل الجايزة 2 لتر بنزين ونولع فى القناة على بعضها علشان نخلص من الناس النصابة دى
تحياتى يا احلى دقات قلب
Desert cat said…
tamer.sala7
اينعم الفريقين مرتزقة واجدع ناس تلعب جلا جلا
بس مش كل الناس مغيبة ومسلمه لهم عقلها
تحياتى
Desert cat said…
اجندا حمرا
اكيد يا قلبى دول مبيعملوش حاجه لوجه الله والا ثروتهم دى كلها منين
من شرايط الكاسيت على راى احد المعلقين اللى جاى يحلف ويجزم انهم لا يتقاضون مليما
امال خالود دله الشيك دى منين الراجل ابو دقن ناعمة الحيلوة ده كمان حسان ويعقوب والحيونى اللى قاعدين طول النهار يصرخوا فى القناة الناااااااااار وبئس المصير
اياك والسعيييييير
وللاسف فى جهلاء مازلوا يختلفو هل السلام بالايد حلال ام حرام طيب احنا نسال حسان بقى او يعقوب
واتصلى على قناة الناس التجارية اللى بتتحفنا باعلانات ايشى لحاف اسلامى على موبايل اسلامى والرنة الاسلامية اللى هتدخل النس الجنة
صحاب العقل فى راحة
نورتينى يا جميلة
Desert cat said…
رئـــــيسـة حزب الأحلام
اهى اى حاجه تجب فلوس يا جميلة حتى لو كانت فى الدين
Desert cat said…
gehad_fci
انتى عايزهم يعملوا حاجه لوجه الله يا جهاد طيب والناس اللى بتلبس بدل مستورة دى تلبسها منين
والناس اللى رصيدها بالمليارات ده يجمعوه ازاى
البطاطا شاحه فين فى الزقازيق انزل شارع فاروق على ايدك الشمال هتلاقى عربية بطاطا هناك كلها علشانك
انا اقدر اتاخر عنك
Desert cat said…
somaa mahaba
طيب يلا شدى حيلك كدا وبسرعه علشان الدنيا تتظبط والشعب يمشى يغنى بدل ما هو ماشى يكلم نفسه
Desert cat said…
cenotaph
عمرو خالد له طريقته الكويسة فى ايه بالظبط
فى الضحك على الدقون ولا فى لعب التلات ورقات
مين معلمه فى الدين
واحد بيقولك مرجعيته فى الدين الحكايات اللى كان بيحكيها له جده
ورجع تانى قال واخد الدكتوراه من اكسفورد فى الدين عمرك سمعتى عن الموضوع ده طيب ويارتى اللى اداله الدرجه بقى كان عالم دين ديانته ايه ما هو اكسفورد باكسفورد بقى ؟؟؟؟
Desert cat said…
انين الحزن
يا سلام بس كدا انتى تؤمرى يا وزة
كيلو ليكى وكيلو لفرنسا
Desert cat said…
كاميليا
والله عندك حق يا كامى
الدنيا اتلخبطت وكل واحد حفظ له حديث واية قرانية
ولا جده قعد يحكى له حكايات الانبياء بقى شيخ
تحياتى
Desert cat said…
Tamer Nabil
ماهم بلطجتيه منتشرين فى كل مكان
انت ازاى تتكلم على الراجل الشيك اللى واخد دكتوراه من اكسفورد وبيزرع السطوح بطاطس
اازى تتكلم على شيخ مودرن صناعة اوربية بالشكل ده غلطان يا تامر
ده المفروض تسمع اسمه تقف تقوله هاى
يا سيدنا الشيخ
تحياتى
Desert cat said…
mregypt7
اهو اى بطاطس وخلاص مسكرة محمرة
المهم انه السطوح يتزرع
والبلكونه ازرع فيها بطاطا بقى
يا فندم عمرو ده زى البلونة
حاجه منفوخة وفاضية من جوا
اهو سمع له حكايتبن تلاتة يطلع على الفضائيات يحكيهم بنفس الطريقة اللى سمعهم بيها والبلطجية بتوعه الله يا سيدنا اعد يا ريس
عمرك شوفت برنامج دينى البنات والولاد قاعدين يضحكو وعايشين حياتهم وكانهم قاعيدن فى سينما كايرو بلاس اللى فى وسط البلد
Desert cat said…
PrInCeSS BeRy
تعرفى بافعالهم دى لا يختلفون عن شيوخ المقابر حتى شيوخ المقابر بيحترموا بعض ولو واحد شاف زميله الشيخ رايح على قبر بيبعد هو عنه وسيبه يسترزق
Desert cat said…
Dr. Diaa Elnaggar
دكتورنا الفاضل
اولا واحد زى عمرو خالد لا يحمل من العلم شيئاً
وجميع ما يقول اجتهادات شخصية
انقسم المشايخ بحجة ان عمرو خالد صوفى وهما سلفيين وبذلك لم ينتبهوا اساسا للدين ... غذغ كان الدين مقالش نقاطع غير المسلم ولا نسيب له المكان ونجرى ... وبالتالى الموضوع اكبر من انه انقسام على طريقة كل منهما الاخر ولذلك انا مقتنعة بما اوردته سيادتك مائة بالمائة
احترامى وتقديرى لشخصك الكريم
Desert cat said…
أنونيمس
هما شيوخ على ما ترفج يا دكتور
واخدين الدين سبوبة
بواسطة قناة تجارية
تحياتى
Desert cat said…
رامى اشرف
معقول مش بياخدوا اى حاجه من القناة
لاء بجد
دى الناس دى على كدا تستاهل نرفع لها ديل الجلابية مش القبعة بس
يا فندم ناس مقضية وقتها على قناة فضائية تجارية بحته بتدفع بالدولار وخير دليل انهم لا يتقضانون الموقف اللى عملوه عند دخول عمرو خالد ... طيب تسميه بايه اساسا مقتنع انه علشان هو صوفى وهما سلفيين ؟؟؟
عمرو خالد ده بنى ادم نصاب لا عنده مرجعيه للدين ولا منهج
بخلاف كدا كثير الخطأ
Desert cat said…
ملك الكبدة
بص يا ملك
الموقف الى انت حكيته لخص البوست
القناة دى فعلا كانت قناة اغانى ومع انتشار قنوات الاغانى وفى نفس الوقت بعض الناس بترجع للتخلف
ولازم فتوى الشيخ فلان والشيخ علان علشان يكح وهو ماشى فى الشارع ولا لاء
فيبقى الحل سهل وموجود قناة تحت مسمى دينى لكنها تجارية اعلانات اسلامية واتصل على الشيخ برقوق ده اجدع مفسر احلام والشيخ مبقوق هيدخلك الجنة
والقناة بتستفيد من الاتصالات والاعلانات والشيوخ اهو كل واحد بيطلع يقوله كلمتين ويقبض بالدولار والدنيا بمبى
Desert cat said…
momken
بص يا ممكن
واحد ساند تامر حسنى ويا حرام وقف جنبه فى محنته مش علشان مشهور اعلاميا ولا علشان البنات بتتجنن عليه واول ما يعرفوا انه بيغنى تتر برنامج لعمرو خالد مش هيزيد عدد المشاهدين ولا حاجه
عمرو خالد المساند الاول والاخير لسامى يوسف اللى اباح التغنى بالدين باى طريقة
تفتكر واحد عقليه الذة دى يهمه الدين ولا التربح ؟؟؟
عمرو خالد صاحب اشهر برنامج على خطى الحبيب
هل الحبيب كان له سكرتيرة خاصه
ولا هو يقصد انهى حبيب بالظبط
اشكرك جدا ممكن
احترامى وتقديرى
Desert cat said…
Abo 7anf
طيب لما شيوخ اجلاء يا ابو حنف ينسحبوا ويعملوا المهاترات دى لاختلاف الطرق بينهم واحد صوفى و3 سلفيين
هل الدين قال نعمل كدا الرسول صلى الله عليه وسلم توفى ودرعه مرهون عند يهودى مش مسلم مختلف فى المذهب
عمرو مش متساهل عمرو تاجر شاطر
تحياتى
Desert cat said…
جبهة التهييس الشعبية
اااااااااه
انتى بتقولى فيها يا نوارة
اان وصلتنى اخبار ان اتعمل عليا اجتماعات وحوارات ومناوشات
انا سبت لك زمام الامور لو جرى لى حاجه انتى كدا عرفتى السبب
وبعدين الشيوخ عندهم حق
يعنى عمرو خالد احتكر الايه ار تى كمان رايح يبص لهم فى قناة الناس
مش المفروض يبقى قنوع شوية
نورتينى
Desert cat said…
حـــــدوتـــــة
ارد عليك اوى
ما اردش ليه يعنى
اولا انت دخلت الاخوان فى السلفيين فى التصوف وكله رز بالخلطة عموما كلههههههههم وخصوصا المذكورين ميختلفوش عن بعض
لما يبقى ناس مسلمه لهم ودانها وعقلها وتلاقى الناس اللى بتقول انت عليهم محترمين بيتخانقوا مع بعض علشان طبق الفتة .... يبقى هنا كلمة الاحترام لا تنطبق عليهم ولكن من الاولى تسميهم مرتزقة .... تيجى لعمرو خالد صاحب الدين المتجدد .. الا هو فى حاجه اسمها دين قديم ودين متجدد
يعنى الدين كمان بقى فيه تجديد وطالما فى دين جديد يبقى اكيد الرسول بتاعه عمرو خالد مش هو اللى جدد برضه
طيب نيجى للرسول عمرو خالد فهو فعلا جدد فى الدين لما جامل السعودية اللى كان يذيع منها لما قال أن قريش كانت تفرق بين المال الحرام والحلال وإذا كانت قريش وصلت لمفهوم التفريق بين الحلال والحرام ليه جاء سيد البشر عليه أفضل الصلاة والسلام ,, والنبي لا يُبعث الآ حينما يشتد الكفر في أهل المبعوث إليهم ,,, ولم يقل لنا من أين أتت قريش بمالها الحلال يا هل ترى من قطع الطريق ,,, أم من الميسر "القمار" ,,, أم من الأزلام ,,, أم من زواج الرهط والدعارة ,,, أم من بيع الأصنام ,,, أم من الأغارة على باقي القبائل ,, وقريش شرفها وفخرها ومجدها وعزها يتلخص وينحصر فقط ,, في أن منها جاء سيدنا محمد صلى الله عليه وسلم أما قبله فلا شرف ولا فخر ولا مجد ولا عز
فعلا الرسول عمرو خالد جدد فى الدين
بدليل الصحفية الأمريكية الجنسية ,, اليهودية الديانة !!؟ ,,, التي لازمته لمدة زمنية معينة لدراسة أسلوبة وطريقتة والتي خرجت بدراسة كاملة عنه قدمتها لوكالتها !!؟ ,,, كان مما ورد فيها أنه يقوم بالتحضير لخطبه وبرامجه بكتابة تعليقات على الهوامش بجوار بعض المقاطع ,,, تعليقات مثل : ,,, صمت ,,, أبتسامة خفيفة ,, ضحك بصوت ,, بكاء ,, أندهاش ,, لكن وللأمانة لم يرد فيما كتبته الصحفية أنه كتب أكشن ,, أو ستوب ,, أو فركش
زعلان علشان بتكلم عن فلوس عمرو خالد
يمكن فعلا علشان هو بيكسبها من مصدر مشروع وهو رضا الغرب عنه والجوايز المتتالية التى تمنح له ولم تمنح لأى عالم إسلامى من قبل ولن تمنح لاى عالم اسلامى من بعده ...
شوفت النجم البارز عمرو خالد
تحب تعرف كمان لو تحب قول وانا هزودك
Desert cat said…
مؤنسة قرص الشمس
بصى يا جميلة الناس اللى المفروض انهم قاعدين يرهبوا اللى بيتفرجوا عليهم من النار والحساب والعقاب والتانى اللى بيتبنى اللى خارج من السجن واللى خارج من الاحداث حتى لما يحصل بينهم بلاش نقول خناقة خليها شد وجذب على الظهور على قناة فضاية تجارية ومش هقول اسلامية لانها بعيدة كل البعد عن الهدف من الدين وهداية الناس
تفتكرى الخناقة بينهم هتبقى على انهم سلفيين وهو صوفى ده ايه الاختراعات دى
بالنسبة لوصلة الدش
هو مش يقدر يعمل حاجه غير انه يطلع يقول الوصلة حرام انتوا اشتروا دش يا بنى ادمين دى القنوات اللى بتاكله البقلاوة والمهلبية فلازم يعمل بالفلوس اللى بيقبضها ....
تحياتى ليكى
على فكرة اسمك جميل جدا
Desert cat said…
Eldebug
ماهو كان المفروض يعرفوا ان لكل واحد منهم جمهوره اللى بيتفرج عليه يعنى الموردن الشباب بيسمعوا له وخصوصا انه مش حارمهم من حاجه وبيخلى تامر يغنى لهم تتر البارمج بتاعته
والسلفيين فى سلفيين برضه بيسمعوهم لكن العقول بقى تعمل فيها ايه
تحياتى
Desert cat said…
واحد مصرى
ازيك يا ايهاب
حمد الله على سلامتك
لاسف يا ايهاب البعض من الناس
مدخل نفسه جوه دايرة التقديس للشيخ فلان والداعية علان
لو كل واحد فيهم عرف ان دستوره القرآن ومنهجه السنة
وانه لما يخرج عنهم ويروح يجرى ورا سيدنا الشيخ ويسلم دماغه لمرتزقه يلعبوا فيها
لدرجه ان ممكن تتكلم مع واحد فى حديث شريف يرد يقولك بس الشيخ زعبولة القلة مقالش كدا ... ياعم انا بكلمك عن حديث تكلمنى عن الشيخ
ربنا يرحمنا من العقول العقيمة دى
نورت بلوج سبوت
Desert cat said…
حسبي الله ونعم الوكيل
اللهم آمين
ربنا يهدى الجميع
كل حاجه بقا فيها لخبطه
وفساد اشمعنى حركة الدعاه
Desert cat said…
إنسان
لاء انا انشر تعليقك ونص ما انشهروش ليه على الاقل اثبت لنا ان فى حد من اللى بيقدس المرتزقة موجود وبيدافع بعميانية وبيشتمنا ويقولنا علمانين الا هى العلمانية شتيمة دلوقتى ... مين من المشايخ الاجلاء فهمك انها شتيمة وبعدين بتقول بنستهزئ بالعلماء مرة واحدة
الا هو فى عالم محترم بيختلف مع عالم محترم تانى بسبب واهى زى اختلاف الطرق بينهم
الا هو فى عالم محترم بيتاجر بالدين ويمشى بيه على حسب الموضة والأهواء الشخصية ... هما دول علمائك المحترمين
بنبجل الرقصات على اساس انى عامله مقارنة بينهم وبين فيفى عبده ولا دينا مع انى لو عملت المقارنة هما اللى هيكسبوا على الاقل مشكوفين مش بيتاجروا بما بعث به الرسل
Desert cat said…
اجندا حمرا
صباح الجورى والياسمين الرقيق
بصى يا جميلة الداعية العظيم عمور كان طالع يقولك وصلات الدش حرام
وبيستشهد بحديث شريف
يعنى انتى اترفجى على الايه ار تى بس يبقى عندك اشتراك فى القناة او روحى اشترى دش انما مش تاخدى وصلة
اتفرجى يا قلبى على ايه ار تى افلام 1 و 2 وعلى ايه ار تى سينما اللى من شاشة العرض لدور السينما للقناة مباشرة حتى لو كان فيلم اباحى براحتك عادى بس والنبى مش عن طريق الوصلة اصلها كدا يبقة مسروقه وحرام
هو ده الاعلان يا ستى
ده عمرو خالد الداعى العلامة
Desert cat said…
.:.-=- ELGaZaLy-=-.:.
والله حضرتك جبت المختصر المفيد
فعلا بلا وكسه
تحياتى
بصى مش شرط يكون الانسحاب بسبب ماديات ممكن بسبب الافكار المختلفه وده فى حد ذاته غلط كبير اوى منهم لانه دليل منهم بعدم تقبلهم الرأى الاخر واذا كان هو بيقول كلام غلط فالاولى يصلحوه مش ينسحبوا
تحياتى
Desert cat said…
wanna b a physician
ماهو محدش اجزم يا دكتور انه بسبب ماديات بس برضه اختلاف الطرق مش سبب قوى واذا كان فعلا كدا
يبقى اذاى اسمهم شيوخ او دعاه
فى الحالة دى يليق عليهم اوى لقب مرتزقه
مودتى
Desert cat said…
مواطن زهقان
لان الدعاة المفروض انهم اهل الدين ودورهم يرشدوا الناس وينهوهم عن الفساد مش يبقى هما الفاسدين
Desert cat said…
انسان.. قليل الأدب
العلمانية فى تعريفك يا سيادة المثقف هى الرشوة والفساد والتحرش وخلافه
ده ايه الثقافة الجمة دى
ومدير قناة تجارية لما يقولك الشيوخ بيطلعوا عليها مجانا امال الاعلانات اللى بتتخلل البرامج دى كلها ايه برضه بالمجان ... ولما عمرو خالد راح يقاسمهم فى حتة التورتة اعترضوا ويا اما هما يا هو يبقى ده اسمه ايه مش عالم مرتزقة ولفظ شيخ لا ينطبق على امثالهم
وبما انى علمانية وبحب اللى يضحك على عقلى يبقى وجود امثالك من عديمى الادب والتربية مالوش مكان هنا
اصل البلوج ده بيرحب اوى بالناس المحترمة المثقفه مش اللى بتستنتج تعريفات كلها عرى ورشوة وفساد يعنى العقل كله متمركز فى كدا والعقل ده يبقى بتنجان فاسد والبتنجان الفاسد مكانة اقرب سلة زبالة
Desert cat said…
انسان قليل الادب للمرة التانية
اعتقد انك فعلا اثبت لى انك قليل الادب وعديم التربية وبذلك التجاهل لامثالك هو الحل وبعينك تشوف لك حرف عند تانى لانه ميشرفنيش وجود اسمك هنا
ما هو قلة ادب بقلة ادب بقى يا مثقف يا متدين
Desert cat said…
حدوته
كنت هرد عليك تانى
بس لما راجعت الكومنت بتاعك لاقيته ما اختلفش عن الكومنت التانى
ولما راجعت ردى لاقيت برضه انه كافى ووافى
كونك حاطط لزق على عينك ومش عايز تشوف حاجه يبقى ده شئ ميخصنيش فى حاجه
شرفت
secret-love said…
ربنا يهديهم كلهكم ويثبتنا على الايمان
Desert cat said…
secret-love
ربنا يهدى الجميع
روينا said…
السلام عليكم ورحمه الله وبركاته
دى اول زياره
بس سمعت عن مدونه حضرتك قبل كده
اطمنى اشتهرتى بسبب اراءك
اللى بستعجب له
ان مين اداكى الحق او الصلاحيه انك تحكمى على الناس وتقولى رايك فيهم
ماشاء الله معتقتيش حد
مفيش حد نجا من اراءك
عايزه اقول بس لكى حاجه
احنا مش فى حرب كل همنا ان نثبت ان التانى غلطان
ودعى الخلق للخالق
وافتكرى وانتى بتشتمى اى حد
ان ده هيبقى معصيه وغلط فى حق مسلم
تذكرى قول الله تعالى
ما يلفظ من قول الا عليه رقيب عتيد
صدق الله العظيم
Desert cat said…
روينا
والله يا فندم انا مش بعمل اعلانات ولا داخله بطولة فيلم علشان تيجى تبهرينى بالمفاجأة وهى انى اتشهرت من عدمه ... واعتقد ان دى مدونتى وانا حرة فيها اكتب فيها الاراء اللى تعجبنى
انما حق ايه ونقد شخص مين اللى انتى جاية تتكلمى عليه
من الواضح انك جاية تتكلمى عن طريق السمع
يعنى سمعتى ومش وفتيش فمن الاولى تنصحى نفسك بالايى الكريمة اللى ذكرتيها فى اخر الكومنت
بصى انا بصراحة برتاح لعمرو خالد لما بسمعه بصراحة لكنى فعلا اتعجبت من فتواه بخصوص وصلة قنوات الايه ار تى المسروقة يعنى كان المفروض يقول قنوات العرى و اغانى البورنو مثلا حرام و كده بدل ما يوقل حرام تتفرج عليها من غير ما تكون مشترك

لكن ارجع و اقولك برده هو من الدعاة القلائل الى برتاح ليهم لما بسمعهم بيكلموا و مش عارفة ليه روزاليوسف دايما بتهاجمه و تقوله اكشف عن ثروتك و كده طب ما هو اولى ان داعية او شيخ ياخد الملايين بدل ما ياخدوها الرقصات و مطربات البورنو

اما بتوع قناة الناس دول باه الاول كنت سعات اقتنع بكلامهم و ساعات لا بس بصراحة بعد كده بقت تحصلى كمية من الاستفزاز لا تطاق منهم

و فى النهاية يا عزيزتى بصراحة انا قررت امشى تبع مفتى قالى عليه الرسول ( أستفتى قلك ) أظن ده المفتى الوحيد الى حيفتينى بالحق من غير سيطرة حكومية و لا مصلحة و لاو لاو لاو


تحياتى
بيسوو said…
ما كل الناس اقوال بلا افعال..اشمعنى دول يعني الي هيبقوا اقوال وافعال..على اساس انهم مش من الناس ولا ايه..شفتي بقى في الاخر طلعوا ناس وبيتخانقوا على قناة الناس :)

بقول شعر انا..مش كدة

والله مبقيتش فاهمة حاجة التناقض بقى في كل حتة ومس عاتق يا اختشي والله...حتى الدين يارب

عارفة...احنا لو ربنا وقع الشمس فوق دماغنا دلوقتي حالا واتنسفنا كلنا على بعض بالجملة كدة..مش هنكون اتظلمنا

ربنا يخرجنا منها على خير...دي امنيتي والله

طولت عليكي...يلا سلام
حبيبتى ما ضيقيش نفسك من اى راى يضايقك خليكى باردة انتى بتعرضى اراءك على شرائح مختلفة من الناس مش عايزين حاجة ترجع تعكر مزاج القطة

للاسف احنا فعلا ما بنعرفش ازاى نتخلف فى الاراء منتهى منهتى التخلف

كبرى كبرى
هفهمك انا الحوار

بصى ياستى عمرو خالد مش عالم هو قال كدة

طيب داعية اه

واى انسان مسلم لازم يكون داعية
اه

طيب

الشيوخ محمد حسان و محمد حسين يعقوب والشيخ الحوينى علماء

اه

سابو القناة

اه سمعت كدة

طب ايه السبب

اعتقد عمرو خالد مش مربى لحيته وكمان فى برامجه فى موسيقى

ولعلمك علماء دين حللوها


وعمرو خالد بياخد بالرأى ده

حقه

الشيوخ اللى سابو القناة شايفين ان عمرو خالد بيميع الدين

وعايزه دين مودرن
ومعترضين عليه بسبب مواقفه من الموسيقى واللحية
اه

سابو القناة الله اعلم سمعت



موضوع الوصلة اعرف ان عمرو خالد ندم عليها وسمعته فى كذا مرة اعتذر وقال مفيش انسان مبيغلطش

بجد احترمته فيها اوى


ايه موقف عمرو خالد من اللى حصل
لو كان حصل فعلا ان الشيوخ تركو القناة بسببه؟

اهو ده السؤال اللى محدش لسة يعرفه


تحياتى وتقديرى
أنا حر said…
مشايخنا دول زي السكر والله
بيفضلوا يقولوا على حاجات وبينسوا يعملوها
بس المهم دلوقتي على اي قناة لو شفنا اي حد منهم هنصدقهم ازاي؟؟
تحياتي
عاليا حليم

اسمحي لي أن أجيبك بدون انتقاص حق قطة الصحراء في الرد بطبيعة الحال.

مشكلة كل الدعاة الموجودن حاليا على الساحة الدينية العامرة أنهم يصيبون الناس بالتخمة الدينية إن جاز لنا التعبير لأنهم يقدمون للناس وجبات دينية جاهزة ولا يحركونهم للتفكير واعمال العقل. ولو أراد هؤلاء الدعاة بالأمة خيرا لأخذوا بأيادي المسلمين إلى طريق الفكر والتأمل في الدين، ولعرفوهم أهم المصادر التي يمكن اللجوء إليها في حالة وجود معضلة دينية، ووسائل البحث في الدين بشكل علمي، ألخ، ولكنهم لا يفعلون هذا لسبب بسيط، أنهم يتعيشون من تلك الوجبات التي يقدمونها للناس ومن التخمة التي يعاني منها هؤلاء المساكين !!!!!!!0

أما بالنسبة لعمرو خالد، فكيف لك أن تحترمي داعية يقول لك - للمرأة فقط، خطابه كان فقط لأختي المؤمنة !!!!!!- لا أعرف لماذا لم يوجه خطابه للرجل أيضا !!!!!، المهم قال ما معناه في حلقة له في ختام حجة قام بها وهو حليق الرأس:

ودلوقتي يا اختي انتي شوفتي اننا عملنا حاجات كتيره في الحج ضد عقلنا وعشان كده متجيش بعد الحج تقولي ليه لما أقولك على حاجة: اقنعني الأول !!!!!!!!!!!!!! 0

يا سلام، فعلا ونعم الداعية ونعم الإسلام الذي يقدمه عمرو خالد !!!!!!!!!0

أرجوك حللي الكلام الذي يقوله هؤلاء الدعاة وستكتشفين ان السم ناقع في عسلهم الديني !!!!!!!!! 0

عميق تحيتي وخالص مودتي

وشكرا لقطة الصحراء على سماحها لي بهذا التعليق. 0
Rania said…
انا مش هتكلم على الشيوخ فى حد ذاتهم
انا هتكلم على الطريقة نفسها
الدين فعلا بقى اقوال و لو كل واحد كان عارف هو بيقول ايه
كان يبقى عارف ان فى تسامح
و ان الارزاق بس خاصة بالله عزة و جل
و عمرو خالد
فى رايى الشخصى
داعيه محترم و برغم كل الى بيتقال عليه و الهجوم عليه
الا انى بحس انه له بصمه
بصمه على بنات فعلا اتحجبت اقتناعا برايه له بصمه فى الاعلانات بتاعته صناع الحياه و الادمان
له بصماته و معتقدش ان كل حمالاته الاعلانيه بغرض التكسب لانه فعلا ممكن اقول انه مش محتاج
هو عايز ينشر الوعى الاسلامى و بس
دة بصراحة مطلقة رايى فيه

تحياتى يا قطة
الربان said…
تحياتي

الموضوع ببساطة ان هؤلاء من مدرسة لا ينتمي اليها عمرو خالد...و البعض يري
عمرو خالد علي اساس انه ليس داعية...
المهم...يأتي فلان...يذهب علان...اعتقد
لن ينفع او يضر الناس...

تحياتي و تقديري
المسأله أصبحت تجاره
قرأت السيره الذاتيه لداعيه أسمه مصطفى حسني يتجمع حوله الناس قلت أشوف الراجل ده بيفهم في ايه- وجدت انه كان مندوب مبيعات في شركه، وبعدها اصبح مدير مبيعات، ثم معد في قناة أقرأ، وفجأه أصبح شيخ و الناس تجمعت حوله
قلت طيب الراجل ده خارج منين؟ من كلية الدراسات الاسلاميه ولا من كلية اصول الدين ولا منين؟ قالوا لي ده خريج تجارة عين شمس!!!
العمليه أصبحت تجاره واعلانات ولا علاقه لها بالدين مع الأسف
قطة الصحراء
أولاً أعتذر لو كان حصل بينا أي سوء تفاهم قبل كدة
ثانياً : أنا عندى حالة أشمئزاز من مشايخ اليومين دول وحاسس أنهم بيتاجروا بمشاعر الناس الغلابة
ياللا حسبنا الله ونعم الوكيل في المخطئ
Desert cat said…
عاليا حليم
انا مش ضد عمرو خالد ولا كشخص ولا ضد اى انسان فى العالم كشخص
انا ضد اللى بيتاجر باسم الدين .. ضد اللى بيلعب فى عقول الناس فقط لوجود فئة لا تستطيع غسل فمها بالمعجون الا بفتوى من شيخ ...
عمرو خالد انسان متناقض بكل الطرق
اولا انسان لا يوجد لديه اى مرجعيه دينية ... متساهل وبيغلط فى امور الدين بصرف النظر
ثم هو مفرقش حاجه عن اللى الممثل او المطرب علشان روز اليوسف مش يقولوه اكشف عن اموالك
عمرك شوفتى برنامج دينى ولداعية البعض يحترمه بيقدمه مطربين واغانى وموسيقى
فى داعيه محترم يطلع على الفضائيات يقول وصلات الدش حرام واشترك فى القناة ؟؟؟
اما شيوخ السلفيين فليهم الرب
ههههههههه
وانتى فعلا اخترتى المفتى الصح فى الوقت الصح علشان انتى عاقله
ليكى منى كل الحب والمودة
نورتينى
Desert cat said…
بيسوو
بصى يا حبيبتى فى فرق بين كل الناس وفرق بين اللى اختاروا لنفسهم انهم يكونوا واجهه للدين
فاما انى اكون مراية لغير المسلم وقدوة للمسلم وانفذ صحيح الدين فى اقوال وافعال يا اما اترك الامر برمته للى يقدر علشان مش اكون سبب فى تشويهه او تشتيت الناس
تحياتى
Desert cat said…
عاليا حليم
والله ا حبيبتى الناس دى انا بسمهيم المتطفلين لانى بعرض ارائى وفى مدونتى يعنى داخل حاجه خاصة بيا فاما يتكلم بذوق او يمشى انما انتى عارفه الضيف اللى بيجى يزور واحد وبدل ما يضرب الجرس او يخبط حتى يحدف الباب بالطوب اهو ده اللى بيحصل فليس عليهم حرج ... ربنا يشفى الجميع
اشكرك جدا يا جميلة
تحياتى
Desert cat said…
مدحت محمد
بص يا مدحت هو ينفع كل من هب ودب مش هقول عالم
داعى للدين ... هو مش لازم يكون فى مرجعيه على الاقل مش لازم يكون فى معلومات كافيه وصحيحة مش مغلوطة زى اللى بيبهرنا بيها احيانا الداعى القدير عمرو خالد ... ثم اندم فين عمرو واعلانه بيتذاع على فترات
لو ندم كان فعلا طالب بسحب الاعلان من القناة لكنه ميقدرش يزعل مالك القناة
تحياتى
Desert cat said…
أنا حر
ما هو لاسف يا احمد اللى عاملين نفسهم قدوة للدين بيناقضوا نفسهم برضه فى اقوالهم وافعالهم
ومينفعش نصدقهم
احنا عندنا مرجعيتنا اللى منصدقش غيرها
" القرآن والسنة "
تحياتى
Desert cat said…
Dr. Diaa Elnaggar
دكتورنا العزيز
يشرفنى دائما وجود حضرتك فالمدونة مدونتك
ودائما ما تسعدنى اراءك وافكارك
احترامى وتقديرى
Desert cat said…
Rania
بصى يا جميل
اعتقد ان كل مسلم او مسلمة اول حاجه بياخدها فى الحضانة وابتدائى هى اركان الاسلام الخمس واللى اولهم الصلاة عماد الدين .... يبقى هنا الجميع عارف اركان الاسلام ... يعنى عمرو خالد ما نزلش بحاجه جديدة ....
طيب انا لما اصلى علشان مقتنعة بعمرو خالد ... والبس الحجاب علشان كلام عمرو خالد عن الدين اللى اساسا بيخطا فيه ... ولما اشوفه قاعد يعمل اعلان عن وصلة دش ... انا اتفرج على العرى والافلام والاغانى والفيديو كليبات حلال بس المهم اكون مشتركة فى القناة مش بوصلة ... لما يروح يجيب تامر حسنى علشان يغنى مقدمة برامجه والحجه بخرجه من محنته وباخد بايده .. طيب ومش خرج هيثم شاكر ليه من محنته وخد بايده ولا علشان تامر جمهوره كبير ومشهور ؟؟؟
لما واحدة تصلى علشان عمرو وتلبس الحجاب علشان كلام عمرو وتشوفه بيناقض نفسه لانه اساسا لا دارس ولا عالم ولافقيه بالتاكيد هى كمان هتتخلى عن اللى اقتنعت بيه
ماهو واحد بيقول قال الله وقال الرسول ومن الناحية التانية بيعمل العكس يبقى انهى عقل هيستوعب التناقض ده
اعلان وصلة الدش متلغاش وعمرو بيبهرنا بيه على فترات وفى رمضان هتلاقيه كل يوم على قناة الحكايت قبل الفطار ...
مودتى يا جميله
Desert cat said…
الربان
استاذى العزيز الربان
اتى فلان وذهب علان لا تفيد فى حالة لو انهم من العامة لكنهم اختاروا لنفسهم انهم يمثلون الدين فاما يفعلون مالايقولون او يتركو الامر برمته الدين والا واجب الا نلوم من يتلموذن على الدين الاسلامى
احترامى وتقديرى
Desert cat said…
لورنس العرب
والعلامة عمرو خالد نجم اعلانات الموسم
خريج تجارة
وهنا اصدقك القول بانه الدين بالنسبة لهم تجارة
يعنى الموضوع ربح وخسارة
تحياتى
Desert cat said…
حمادة زيدان
حصل خير يا فندم ومفيش بين الاخوات اعتذار
احترامى وتقديرى
ههههههههه
والله حاجه تكسف يا قطيتي

دانا حماتي كانت تتفرج علي قناه الناس
وتفضل توعينا في البيت والشيخ حسان قال والشيخ يعقوبي قال ولازم تعملي كذا زي ما قال اسحاق
ههههههههههههه

هيروحو فين علي الرحمة ولا الحكمة

يعني ليهم شعبية من الناس البركه كتير

تحياتي لكي
Desert cat said…
بنوته مصرية
بالرغم يا رودى من ان ليهم شعبية من الناس بس بره طمعانين على بعض وكل واحد طمعان فى طبق الفتة اللى قدام التانى
ربنا يهدى النفوس
تحياتى ليكى يا جميلة
رندا said…
ههههههه
بوست حلو قوى
عارفة ياقطة ايةالى بيحصل
ان حتى الشيوخ بيدوروا على الدنيا
مع انهم المفروض يكونوا قدوة
ذهبت القدوة فى زمن راح وانقضى حالة

ربنا يستر

دمتى صريحة وجميلة

رندا
mostafarayan said…
بصي انا دخلت علي الموقع وقرات الخبر وقرأت في التعليقات من كذبه سواء الخبر صحيح او كاذب فانا لا اخذ ديني من الفضائيات ولا ااسمع لعمرو خالد ولا احمد عبدة عوض و لااقننع بكل ما يقوله يعقوب واخوانه
بصي اسمعي اذاعة القرآن الكريم دول الشيوخ والعلماء اللي علي حق وطبعا القراءة ولكن في الكتب المعتبرة ليست التي تباع علي الأرصفة
تحياتي
Desert cat said…
رندا
ماهما اللى المفروض يكونوا قدوة متخيلين ان الدين مظهر
يعنى فى العمه والجلابيه والخلفية الاسلامية اللى وراه وخلاص
شرفتينى يا رندا
مودتى يا جميله
Desert cat said…
mostafarayan
تعرف يا مصطفى اللى سمح لمثل هؤلاء المشايخ بالانتشار سواء على الفضائيات او اسطوانات هو وقوف مشايخ الازهر
من يمكلون الدين القويم
اتمنى ان يعود زمنهم الخالى من الفتن والصراعات على طبق الفته
مودتى

Popular posts from this blog

قميص دهشور

كل تحرش وانتوا طيبين