علمونى عنيك اسافر .... هما مالهومش نفس ولا ايه


لاء بلاش تبص فى عينيها اوى كدا يا مولانا أى بلاش تنظر فى عنيها
هو مش عندكو بيوت تبصوا فيها فى عيون بعض
اى تنظروا فيها لعيون بعض
قولى لنا بقى يا اخت يا اللى حضناه انتى بتعملوا ايه كدا فى المية من تحت النقاب قولى ومحدش هيفتن عليكى سرك مش هيطلع بره سبعين مليون بس
الصورة دى اهداء حاير طاير لجربوع كان دخل شتمنى انا واجندة حمرا بشتيمة خارجه تنم عن مستوى تربية لا يوجد له وصف فى كل القواميس الشعبية والعشوائية والجربوعية فى بوست يا حترمها يا تحترمية يا تتركوه للى يعرفوا يلتزموا بيه... بس اشمعنا اختار اجندة مش عارفه شكله متغاظ منها ولا حاجه ... بس انا مش عبرته ولا نشرت له الكومنت مش علشان الشتيمة نوووووو انا مش بيهمنى اصلا بس علشان ذاكر اسم انسانة محترمة ومحبوبة جدا ... ومينفعش ابقى وسيلة عرض لسفالة امثالك .... علشان كدا لو شوفت شعرررررر ... دقنك من غير مراية مش هعبرك .....
ايه رايك فى الملتحين والمنقبات ... حلو الشو الجميل ده ؟؟؟؟؟

Comments

ياصورررررررررررك

ههههههههههههههه

ميمكن يكونوا متجوزين يابنى وبيصيفوا عادى

بس هرجع واقولك دى مثال لحاله فردييه

مش معنى كده ان كل الملتحين والمنفبات كده

زى ما كل اللى بشعرهم مش قليلات الادب

وف منهم اخلاق عاليه جدا

تحياتى
Desert cat said…
د/اجدع بنوته
ما انا قولت يا حبيبتى لو متجوزين عندهم بيوت يبصوا فى عيون بعض يحضنوا بعض يعملوا الى يعملوه هما مش دول برضه القيدوة الحسنة ولا ايه
وانا برضه فى الموضوع اللى اتشمت فيه مش كنت بقول كلهم كدا
لكن تعملى ايه للعقول الفسفيس
نورتى يا اجدع دوك
الله عليكى
ودى فيها ايه بس
خليه يبص يمكن اول مرة يشوفهم جوه المياه المالحة
مش مراتى ولا خطيبته عادى دى هى الديمقراطية والحرية مش بنحب نخبى حاجة
عن الشعب
مع انه مش كل من ربى دقنه يبقى مسلم وماشى على الشريعة
ولكل قاعدة شواذ
تحياتى
الاغنية حلوة ولايقة على الموقف
خليهم ينزلوا المية ياقطة
أنا مابيغظنيش في الدنيا قد المنقبات إللي بيقعدوا علي الشط ويبصوا للمية بحرمان
والله بيصعبوا عليا
خليهم ينبسطوا ياقطة
احسن حاجه انك متعبريش الخارجين عن العقل
لان معنى كده لازم نخرج معاهم عن العقل
اما الصوره
ممكن زى اجدع بنوته ما قالت يكونوا متجوزين
Desert cat said…
همس الاحباب
ما هو انا برضه قولت فى الاول لكل قاعدة شواذ
لكن معبش الناس ودخلوا قلوا ادبهم
عموما خليه يبص يا عم هو حد واخد منها حاجه
Desert cat said…
رئـــــيسـة حزب الأحلام
ماهى الاغنية دى انا بحطها لكل مواقفهم بامانة يعنى
تحياتى
Desert cat said…
مفقوعة مرارتي من حماتــــــــــــي
انا بقى مش بيضايقنى غير اللى بتروح تقعد على الشط وتفضل تبص على الى رايحة واللى جاية وتمصمص فى شفايفها ولو سالتيها فى ايه تقولك شايفة لابسه ايه قليلة الادب دى وهى من جواها بتقول يا بختها
نورتينى
Desert cat said…
فرنسا هانم
لاء انا مش بعبر غير اللى عاملى فيها شيخ ويدخل يتهم الناس اتهامات باطلة ويقول كلام اقله يا شواذ
وفى النهاية يتمحك ويقولك اصل انا ملتحى على سنة الرسول
وبعدين مراته ولا حتى امه المفروض انهم ارتضوا لنفسهم الشكل الاسلامى
يبقى يبص فى عنيها فى بيته او فى الحمام حتى محدش منعه
مش المفروض المسلم يبقى قدوة للمسلم ومراية لغير المسلم
تحياتى
امممممممممممم

هيا صوره كويسه معرفشي جبتيها منين

بس دي مش مقياس لاي حاجه

لان لا كل الملتحيين والمنقبات بيعملوا كده

ولا كل اللي موش ملتحيين مبيعملوش كده

اما بالنسبه لاخينا اللي دخل وعمل رد موش مظبوووط

فاعتقد انها رد مناسب ليه

سعيد باكتشاف بلوجك :)
nody_1987 said…
جامده الصوره
اخر حاجه يا قطه
هما دول بقى الى ينطبق عليهم المثل
نفسى فيه اخيه عليه
تحياتى
Anonymous said…
انا حاسس انك مسيحية
اصلا ليه تنشرى صورة زى دى
ما فى حاجات كتير بيعملها مسلمين وحلوة ليه مش بتنشريها
روحى الهى ربنا ينتقم منك
هو انتى اصلا عارفه ربنا
انتى انسانة واطية
يا واطية
Desert cat said…
ليكوريكا
كنت مشية وراهم مخبر سرى
صورهم لى
ما انا مقولتش ان دول مقياس وكل كلامى مكانش فيه تعميم
لكن لما واحد يدخل يشتمنى ويشتم غيرى يبقى معلشى
ارد عليه بالطريقة اللى حيبها خالص
اشكرك جدا وشرفت البلوج
تحياتى
Desert cat said…
nody_1987
ههههههههه
جامد والله المثل يا نودى
وفى وقته
محبتى يا قمراية
DoctorAllam said…
- Anonymous
عارف أحسن رد عليك إيه ؟؟ هو وهل شققت عن صدره
إنت تعرف إن اللي يرمي مسلم بالكفر فلابد وأن تصيب أحدهما ، وعسى أن يكون أنت فتموت خارجاً عن الملة
كالعادة لا نية لديكم للحوار نهائياً ، ما أسهل أن ترمون الناس بالكفر والخروج عن الملة لديكم وعسى أن يكونوا خير عند الله منكم
في البداية قلت عليها مسيحية ، وبعدها أنكرت عليها معرفة ربنا ، يعني ملحدة ، وفي الآخر قلت واطية
فعلاً وضحت وجهة نظرك بالأدلة والبراهين الحاسمة القاطعة التي لاتقبل أي نقاش ولا جدال .. أثبت بالبرهان أن كل إناء ينضح بما فيه
وإنتظر المزيد والمزيد لنفضح من هم أمثالك من المتشبهين بالإسلام وهم أبعد ما يكونوا عنه وهم سبب صورة الإسلام المشوهه في الغرب
كلنا معاكي ياقطة ووراكي ألف ألف أسد
Desert cat said…
Anonymous

انا حاسس انك مسيحية
احساسك غلط 100 % كالعادة يا انونيمس
ومع انك متهمنيش فى حاجه بس
اشهد انا لا اله الا الله وان سيدنا محمد رسول الله
.................
اصلا ليه تنشرى صورة زى دى

علشان كل واحد يحترم نفسه مش كل من عمل دقن بقى شيخ ولا كل من لبست نقاب بقت قديسة
......................
ما فى حاجات كتير بيعملها مسلمين وحلوة ليه مش بتنشريها
لأن المفروض ان المسلمين ناس كويسين وبيتبعوا دين العفو والسماحة
الاسلام يعنى السلام والامان
مش رفع شعارات ومظاهر وانا من جوا انسان زباله
ولا انت ايه رايك ؟؟
...................

روحى الهى ربنا ينتقم منك
ولك بالمثل
.................
هو انتى اصلا عارفه ربنا
انتى انسانة واطية
يا واطية
كالعادة اسهل طريق التكفير
واشكرك جدا على قلة ادبك
مش الف مرة اقولك انت غير مرحب بيك هنا يا اهبل
مش انت برضه الانونيمس بتاع كل مرة ولا حد غيره ولا ايه النظام
عموما برضه غير مرحب بيك
يلا طير
يا قطة، أنا بقول دعي الخلق للخالق، كل واحد يعمل إلي هوا عايزة بالطريقة إلي هوا عايزها طالما مأذاش حد، وحسابة عند ربنا.... وحرام تحطي صورة حد وتفضحية كدة يمكن غلطة في لحظة، وربنا أمر بالستر

بس عايز أشدد علي تعليقات الأنونيمس تاني والنبي علشان خاطري، التعليقات دي بيعملها ناس عايزين بلبلة وبيدخلوا يسخنوكي علي قضية معينة لو مسيحية حيشتموكي علي إنهم مسلمين، ولو بتتكلمي عن الإخوان حيشتموكي علي إنهم إخوان، تسخين علشان تتنرفزي وتكرهي أكتر

الحل واللة إنك متسمحيش بتعليقات أنونيمس أو تلغيهم فورا مهما كان الرأي وتنسيهم

عموما مفيش واحد مسلم حيكفر حد ولا حيشتم بالدين والأهل، فخلي بالك لو سمحتي

تحياتي ليكي
يا قطة
لو متجوزين لهم بيوت بس البيوت مافيهاش بحر وبعدين هم عايزين يعوموا
فيها ايه يا قطة انا مش شايفة فيها حاجة

اي منظر مش مألوف بعد شوية بيبقى مألوف لما تاخدي عليه
مش احسن ما يحبسها في البيت؟

الغنوة حلوة عاجباني قوي

اللي هي بانوا بانوا على اصلكوا بانوا دي عاجباني قوي يا قطة
ممكن تبعتي لي الاكواد بتاعتها
اه يا قطة
نسيت اقول لك

بصي يا حبيبتي
الجرابيع اللي بيدخلوا يشتموكي نزلي شتيمتهم ما تمسحيهاش

ليه بقى؟ لان يكفي عايب عيبه
وعلى رأي علاء سيف الغباء ده اختيار الانسان عشان كده ما يستحقش التعاطف
فاولا ما تشغليش نفسك بيهم
ثانيا اللي بيشتمك في الواقع بيهزأ نفسه
دي مدونتك وانت حرة فيها تكتبي اللي انت عايزاه
هو وللا هي جربوع ورمة وعايز يتشهر على قفاكي سيبيه يعلق
ح تبقى شهرته ايه يعني؟ انه سافل وغبي
بس خلاص
صورة عادية جدا
هو الحب حرام ولا ايه
منقبات ملتحين
شيوعيين
مسلمين مسيحيين
ده اسمه حب
وصورة معبرة وجميلة
جدا
انا كنت هاعلق على الصوره
لكن شفت تعليق الغير معروف هزنى
ليه تشتم بعض ونسب بعض ؟؟؟
ده لعب عيال
ومش هى دى الثقافه ولا هو ده التقدم
زى ما قلت لك قبل كده لو خرجتى نفسك من سجن الاخوان حتلاقى الدنيا حاجة تانية
واعملى زيى وطبقى المثل اللى بيقول
عتاب النذل اجتنابه
يا قطه ياقطقوطه.. انا بحييك تحيه كبييييييييييييييييره جدا و لو سمحت احي دكتور علام الصراحه رده عجبنى جدااااا و ردك برضه عجبنى ...انا مبسوطه من الموضوع و من بعض التعليقات...و المفروض الامضاء يكون واحده مبسوطه مش مفروسه... اصلهم يا اختى همه احد الاشياء اللى بتفرسنى.... و ربك يستر علينا منهم...و ان جيتى للحق الفعل نفسه مش لطيف .. و زى ما انتى قلتى لازم يكونوا قدوه بس كتير منهم مش كلهم ..بيستخبوا وراء اللحيه و النقاب..و بيسيؤا للكويسين .. و ديه المشكله...كفاكى و كفانى الله شرهم .. و قادر الله ان يفضح نواياهم...
اختك مبسوطه... قصدى مفروسه
عمرو said…
انا من قراتئ لتدوناتك
عرفت احلل شخصيتك
وعرفت انك عندك عقده نفسيه من اي ملتزم
لازم تروحي لدكتور نفساني
عمرو said…
ورجاء كمان تشيلي الاشراف علي التعليق زي ما كل مدون محترم ما بيخفش الانتقاد بيعمل
بس للاسف انتي ما وصلتيش لدرجه تحمل الانتقاد والرد عليها وافعالك بتثبت كده
وانصحك بحذف المدونه
قبل ما اعمل حمله لمقا طعتها
وراسليني علي
ikwanforever@yahoo.com
عمرو said…
ولو بجد انتي بتقبلي الانتقاد انشري تعليقاتي واتحاداكي
عمرو said…
انا من قراتئ لتدوناتك
عرفت احلل شخصيتك
وعرفت انك عندك عقده نفسيه من اي ملتزم
لازم تروحي لدكتور نفساني
blackcairorose said…
شوفى ياقطة كل واحد يلبس اللى عايزة

بس شخصيا مبحبش منظر ان الراجل يبقى عايق ومتزوق وواخد باله من نفسه وبارفاناته جايبة لعشرة متر لكن مراته ضوروى تبقى متغطية كلها ومش مسموح لها اللى مسموح ليه

او الراجل يبقى نازل بمايوه وفى البحر ومراته قاعدة على الشط مش مسموح ليها تقربه

يعنى التفرقة بين اللى مسموح للراجل ومسموح للست دى موضوع بحسه ظالم خصوصا فى الحاجات اللى فيها استمتاع ببحر أو بمكان أو أو

اما النزول للبحر بالنقاب الكامل فدى بالنسبة لى جديدة فعلا، شفت محجبات نازلين بالحجاب الكامل وبالعبايات، لكن النقاب دى اول مرة اشوفها

بس السؤال هو مش الخروج من البحر بيخلى الهدوم تلزق على الجسم؟ وبشكل مش ظريف؟ يبقى متهيألى كده انتفى المعنى من التغطية اساسا ولا ايه؟
عمرو said…
وبالنسبه للصورتين اللي في السايدر بار وحكايه يسقط الاخولن يسقط حماس
فده زي ما قولت لك من عقدتك النفسيه من اي ملتزم
انا احب اسلك سوال انتي مسلمه
مع رفضي الشديد للي بيكفرك طالما انك بتنطقي الشهادتين
انا فعلا ما اعرفش
ممكن تكوني بتديني بديانه تانيه وفي الحاله دي تبقا عقدتك من المسلمين
Anonymous said…
ربنا يكفينا شر الاستاذ عمر...ده ميه فى الميه من الاخوان بدليل انه قافل المدونه يتاعته...المشكله انه يوجد فكر معين فى دماغهم و مش عايزين يفكروا و لا يشغلوا دماغهم..ربنا يتولاهم
دعى الخلق للخالق و ربنا يستر على ولايانا
خلى الشعب يعيش
مش عارفة يا قطة انت ح تنشري التعليق ده بس معلش اسمحي لي عن اذنك يعني ممكن تقعدي شوية فيه شخص عايزة اتكلم معاه

يا اخ عمرو

انت واللي زيك: بيضان بيضان بيضان بيضان من هنا لبكرة الصبح

عارف ليه عشان انتوا دماغكوا متركبة شمال وانا زي ما قلت لك مش باحب اتعاطف مع الادمغة دي

مين اللي قال لك يا استاذ فرويد انك عندك القدرة انك تحلل شخصية اي بني ادم في الدنيا
ومين اللي اداك الحق ده؟

مين اللي قال لك انك من حقك تتشرط على اي مدون ان يشيل المودريشن او يحطه؟

مين اللي قال لك انك من حقك تشتم الناس في مدوناتهم ولما يرودوا عليك وللا ما ينشروش شتيمتك يبقوا ضد حرية الرأي

هي حرية الرأي انك تقل ادبك على الناس والناس ما تردش عليك؟

مدام مؤمن بحرية الرأي لدرجة انك شايف ان من حقك تشتم الناس وتتهمهم بانهم معقدين نفسيا

يبقى لازم تقبل ان الناس تشتمك زي ما انت بتشتمهم خصوصا لما تروح لهم لحد مدوناتهم وتشتمهم

انا شخصيا ما عنديش اي مشكلة في الشتيمة وباسيب اللي بيشتمني باقذع الالفاظ وباعرف ارد عليه واللي بيضربني على خدي الايمن باسفخ له خدوده الاتنين وقفاه كمان

وده اختياري مثلا وانا حرة

وصاحبة المدونة كمان هي حرة تختار شكل ادارة مدونتها زي ما هي عايزة مش عاجبك ما تجيش هنا تاني

انا مش فاهمة انتوا دماغكوا اتعاصت في انهي خرارة؟

الاستاذة صاحبة المدونة لا عندها حزب سياسي ولا صاحبة حركة سياسية ولا تنظيمية المدونة بتعبر عنها

تدخل عندها وتفك عقدك عليها وبعدين تقول لها اتحداكي تنشري تعليقي
تنشره وللا ما تنشرهوش انت مش من حقك تتحداها هي جات لك مدونتك وشتمتك؟

مش عاجبك اكتب في مدونتك اللي انت عايزه
هي كانت بلغت عنك البوليس مثلا؟

دين ام الابتزاز والغباوة الاختيارية

---
انا خلصت يا قطة وقلت اللي في نفسي
عايزة تنشري يا حبيبتي انشري مش عايزة تنشري وشايفة اني قليلة الادب زيادة براحتك

دي مدونتك وانت حرة فيها
ده ايه القرف ده ياربي

اعوذ بالله
ايه دة
هو الربوع وصل عندك ياقطة
احيييييييه
هو الولا دة لسة عايش

انتى ارفة ياقطة
الولا دة
لسة من اسبوع واحد ظبطه فى بلاعة
ماسك فارة
وكان ........ بيبص فى عنيها
اكل ساعتها حتة علقة ياقطة
مقولكيش عليها
والى جاى بقى يضرب والى رايح بقى يضرب
والناس بدئت تتلم
والستات بقت وقفة فى الشبابيك تزغرت
والعيال بقت تفك زنقتها عليه
يانهار اسود دة اتبدل ساعتها
مع ان ناس نصحته وقالته بلاش الفارة دة
دى قربيتكم
عيب
لكن تقول لمين
حمار جذمة
عقله متركب فى قفاه
ويايعنى على قفاه والى بيحصل فى قفاه مقولكيش
لازم كل ميقابل واحد لازم ياخد تيحه منه على قفاه


ياله ماعلينا
بلاش نجيب فى سيرة الناس

ربنا ياخدك ياجربوع انتا واخواتك الجرابيع
وامك جربوعة هانم

اه بالنسبة لجربوعة هانم
فياريت لو تعدى عليها فى القسم
اصلهم مسكوها مع يل نده خمس سنين
كانت عايزة تاخد المصاصة منه بس هو مرضاش

واهله اتلمه بقى وكانت حكاية
وراحوا عملوا محضر بقى
والظابط عملها قضية
خدش حياء المصاصة فى بير السلم


بس ياريت ياجربوع تروح اوام
قبل متحول القسم لبير سلم

احنا مش ناقصين





تصدقى ياقطة
اهو انا مش صعبان عليا

غير البحر
الى بيتبهدل معاهم
ولا السمك الى بيبقى عايم تحت وشايف بلاوى


بس انا اموت واعرف هى بتشمرله ليه
ياله ماعلينا
ربنا يستر على عبيده


اهو انا ياقطة كل لما اشوف الناس دى
طبا عندنا فى اسكندرية
بتحصل بلاوى


بس بجد ياقطة
كل لما اشوف الناس دى
واسمع الغرب يشتم فينا ويقول لينا الهبل الى بيقولوه

بقول والله العظيم عندهم حق
اذا كان الناس المتدينة الى المفروض
انها تعرف ربنا
وتعرف ايه الى ميصحش وايه الى يصح
وايه الى ينفع وايه الى مينفعش
او على الاقل يبقوا محترمين
قدام الناس

شكلهم كدة وبيعملوا دة
يبقى ليه بقى الغرب ميقلش علينا كدة
وليهم حق ميبصوش للاسلام وميعترفوش بيه
مدام الصورة الى هما شايفنا شكلها كدة

ياله
يعنى هى جت عليهم
عيشى وخلى الشعب يعيش ياقطة
esraa said…
أنا مش شايفه ان الصوره فيها حاجه خالص

مفيهاش حاجه انه يبص في عينها

بيحبها ومعملوش أي حاجه حرام

يبقي فين المشكله بقي
السلام عليكم .قطة الصحراء...مع إنى كاتب ساخر إلا أننى أطلب منكى ولو بصفة شخصية..ألا تتعرضى لمن يدعى الفهم بأمور لا يعرف عنها شيئاولو بالقليل من النقد ..ذلك لأن لكل قاعدة شواذ.....فإننا نرى كثيرا من العائلات المحترمة المتدينة الملتزمة...ولهم ولد عاق...فهل هم المسؤلون عن عقوقه؟؟؟وأقول لمن يتهمك بالكفر والإنحدار....رويدك أخى...ولتعلم أن هذه الصورة لا تمثل القاعدة وإنما هى لشواذها الذين نتمنى أن يندثروا ويصلح الله من حالهم...وما وجدت المدونات إلا للتعارف المحترم...وهى ليست مكانا للتراشق بالألفاظ..وتحليل شخصيات الآخرين على ضوء ما يكتبون....لقد خلقنا الله وميزنا بنعمة العقل ..وإن من أكثر ما يسلبنا هذه النعمة ....الغضب..والتشبث بالرآى ...أرجو أن يسود التسامح بيننا ..كعرب ومصريين ومسلمين ومدونين....عودوا إلى ما يأمركم به إيمانكم وربكم ...وفقكم الله جميعا
قطتنا الشقيه

ازيك ياقمرايه؟يارب تكوني كويسه

مرسي اولا علي ذوقك و كلامك الرقيق في حقي هو ده العشم و الله ياقطه
هو لسه اللي مايتسماش ده بيخش و يشتم؟مش كنا خلصنا
لأ و ايه ماسكينا في مدوناتهم و عمالين يلتوا و يعجنوا و يقولوا بنمسح تعليقاتهم و مفيش ديموقراطيه مايقولوا الكلام ده لنفسهم؟
انما و الله شرف ليا اني اتحط في تعليق معاكي ياقطه
:) تعلاقيه حد من اخوانا البعدا و لا اللي ماوراهوش شغله و لا مشغله غير انه يكتب بوستات عنك و عن اللي بيعلقوا لكن يعمل حاجه مفيده في حياته لأ
يعني هو حمش اوي و همه قضيه معينه و ادي مصر بتتشتم من الفلسطنيين اللي بسلامته بيدافعوا عنهم اتكلم عمل بوستات عن كده؟لأ طبعا لأن مخه فاضي و حافظله كلمتين و مايعرفش يتكلم في موضوع كبير زي مصر بيتكلم عن خلق الله

انما حلوه الصوره دي ياقطه و الأغنيه طبعا تحفه و لاقيه اوي علي الموضوع

و زي ماقطه قالت لما بسلامتها بتنزل البحر مش الهدوم بتلزق في الجسم و الشكل بعد كده بيكون عامل ازاي؟دلوقتي يقولوا شوفوا الكفار بيقولوا علينا ايه
كل اناء ينضح بما فيه ياقطه
و مسيرهم يوم حيتكشفوا و يبانوا علي حقيقتهم

مرسي تاني ياقمرايه و ربنا يخاليكي لينا و دايما موضوعاتك ليها الرياده و السبق

تحياتي ليكي ياعسل
Desert cat said…
وجهة نظري
يا استاذى الفاضل انا شوفت من الحاجات دى مهازل
بس انا حبيت اعرض الصورة دى اقل واجب للفلحوس اللى دخل يشتمنى اان واجندة فى البوست المشار اليه
بالنسبة للانونيمس فده معروف مين كويس اوى
ده واحد راقد على بيض عندى فى البلوج علشان كدا مش بيخرج منه ومش عارفه بصراحة البيض ده هيفقس امتا
ربنا يتعه بالسلامة
تحياتى
Desert cat said…
جبهة التهييس الشعبية
اه واخدها علشان يبص فى عنيها فى البحر وهى تحضنه يا سلام على الرومانسية
المناظر يا نواترة بتاعتهم كتير اوى ومنتشرة اكتر على الكورنيش
الاغنية يا حبيبتى انا بعتلك الكود بتاعها ميل
شرفتينى ونورتينى يا احلى نوارة
Desert cat said…
جبهة التهييس الشعبية
ما هما يا روح قلبى الجرابيع مش مقتنعين ان دى مدونتى وانا حرة فيها المفروض يفرضوا عليا رايهم والا يقلوا ادبهم
بس انا برضه بنشر شتيمتهم
علشان لما يراجعوا كلامهم تانى يكتشفوا مدى غبائهم
بخلاف ان كل واحد جاى يقل ادبه اما داخل انونيمس واما اسم بدون مدونة وده فى حد ذاته خير شهادة منهم لنفسهم على ضعفهم وقلة ادبهم
تحياتى يا جميل
Desert cat said…
مدحت محمد
لاء مش حرام
بس لما واحد عامل دقن مترين او واحدة لابسه نقاب وقاعدين يشوفوا اى واحدة ماشية قدامهم تلاقيهم بيقولك استغفرررررررررررر الله العظيم واعووووووووذ بالله وكانه شايف شيطان قدامه مش بنى ادم
ويروح يعمل كدا يبقى ده ايه
برافو عليك
واحد منافق بوشين
تحياتى
Desert cat said…
عبده الرايق
ياباشا ما هى الثقافة الجديدة يا تبقى من رائيى وتعبر عنى يا اشتمك وأهزئك
تحياتى
Desert cat said…
newborn@mail2me.com
انا ولا حاطه نفسى فى سجنهم ولا بعبر حد فيهم من اساسه هما اللى قارفينى سواء على النت او فى الشارع او فى المواصلات وحياتك
ربنا يريحنا منهم فى القريب العاجل
Desert cat said…
واحدة مفروسة
يارب دايما مبسوطة على طول يا جميل
ما هو انا والله مش بعمم ولا بقول ان كلهم زبالة بس برضه مش كلهم ملايكة
لكن اان قبل كدا نزلت بوست وبتكلم فيه عن القلة الزبالة دول لاقيت واحد داخل يشتم ويسب ويلعن وكانه موكل بتوكيل رسمى منهم بقلة الادب ودخل فى الشتيمة معايا انسانة مهذبة جدا وعشلان كدا حبيت اثبت له التفاهه وقلة الادب بتاعتهم وبالصور
تحياتى ليكى ونورتينى
Desert cat said…
عمرو

انت اقل من انى ارد عليك
انت مين انت يا عثل يا اللى جاى تحلل شخصيتى
لاء وايه عايز يحلل شخصيتى على الايميل يا حلولى
مش لما تحلل شخصيتك انت الاول
ده واضح اوى من اسلوب كلامك العبط اللى بينقط منه
وبعدين يا جبان لما تبقى راجل وتعرف تتكلم ابقى تعالى اتكلم
وعايز تعملى حملة مقاطعة يا سلام على الرجولة اللى بتنقط منك
طيب بدل ما تعمل حملة لمقاطعة المدونات اعمل حاجة تفيد بلدك ولا انت مش شاطر غير على المدونات علشان تدخل باسامى وهمية ومن خلال بلوج مش موجود اصلا
ومتخيل انى ممكن اعبرك واضيف ايميلك عندى انا اخاف على الناس اللى عندى يجيهم عدوى من بلاهتك وقلة ادبك وقلة ذوقك
انا مش بضيف اميلات ناس بالقذارة دى عندى ولا يشرفنى اتكلم معاهم ولا اتحاور معاهم لانهم مش اهل للتحاور والكلام
اخرهم يدخلوا باسامى وهمية يشتموا ويجروا
كفاية عليك كدا اصل خسارة فيك الوقت اللى بضيعه فى الرد عليك
Desert cat said…
blackcairorose
يا حبيبة قلبى انا والله العظيم ما بتكلم على كدا ما انا بشوف مناظر انيل من دى على البحر بس انا قولت دى حاجه للاخ اللى دخل قل ادبه عليا
والدليل بالمستندات والصور
وبعدين يا قلبى هما الراجل بيمشى مغرق نفسه بيرفيم من بتاع الميتين لان ريحته بتكون غريبة اصلا وكلهم تقريبا بيستخدموا كولونيا خمس خمسات من قسمة والشبراويشى
اعلان مدفوع الاجر
وهى بتبقى لابسه نقاب معفن مش مكوى حتى وريحتها استغفر الله العظيم
تروح البحر بس تقلع النقاب
هو مش المفروض ان عندهم البحر بدعه
وكل بدعه ضلالة
ولا ايه النظام
نورتينى يا ارق وردة
Desert cat said…
Anonymous
ربنا يتولاهم ويرحمنا ويريحنا منهم ومن غبائهم
Desert cat said…
صيدلانيه طالعه نازله
ما انا كنت بتسر عليهم وبغمض عنيا وبعمل نفسى مش شايفه حاجه
لكن هما اللى بيجو يستفزونى بقلة ادبهم
نورتى
Desert cat said…
جبهة التهييس الشعبية
ومنشرش ردك ليه ياحبيبة قلبى
ده عمرو وامثاله فى اقرب زبالة
وانتى المدونة مدونتك تردى فيها وبراحتك وزى ما تحبى

ربنا يخليكى ليا يا احلى واجدع نوارة ولا يحرمنيش منك ابدا
Desert cat said…
زعيم كمورا مورا
تعيش للشعب يا زعيم
بس هى البنت كانت بتتحمرش بالمصاصة ولا ايه
هههههههههههههه
نورت ياباشا
Desert cat said…
esraa
لاء الحب مش حرام
بس لما يطلع ناس يقولو لك الحب حرام وعيد الحب من عند الكفار
وشم النسيم من عند اليهود
وعيد الام من عند عبدة البقر
والحجاب فرض
وحى على الجهاد
وتلاقيهم واقفين منتهى الرومانسية
يبقى تردى عليهم بايه يا جميل
Desert cat said…
واحد من البلد دى
يا فندم انا والله عارفه ان لكل قاعدة شواذ وشوفت مدينين ملتزمين ومحترمين جدا
لكن ما استفزنى وخلانى انشر الصورة انى لاقيت شخص يدعى التدين وانه ملتحى وادخل يشتمنى بدون داعى بالفاظ اقذر ما يكون
ولاقيته فى نص الشتيمة حاشر اسم اجندة حمرا ليه وعلشان ايه انا مش عارفه وبرضه يصفها بالفاظ زى البيئة اللى هو خارج منها الله يعافينا
تحياتى يا فندم
وشرفتنى جدا
Desert cat said…
اجندا حمرا
يا روح قلبى والله انا اللى اتشرف ان اسمى يكون جنب اسمك
انا اللى استفزنى ان البنى ادم مدعى التدين والالتزام
داخل يخربط فى الكلام ويشتم ويتلفظ ببذاءات المجانين مش يرضوا يقولوها فى البداية دخل فيا انا شمال وفى نهاية قلة ادبه لاقيته مدخل اسمك وبرضه بالفاظ زبالة زيه
مع ان فى الموضوع ده تحديدا خمسين واحد كانوا موافقينى الرأى اشمعنا اختارك انتى من بينهم انا مش كنت عارفه بس اللى عرفته فيما بعد ان كان فى حسابات قديمة وجاى يصفيها عندى لكن هيهات ده بعده انى انشر قلة ادبه على حد عندى ياروح قلبى انا اصفى له عيونه ولا يصفيش حسابات معاكى عندى على فكرة مش هو اللى فى بالك الحمار اللى شتمنا فى كومنت واحد ده شخص بيرقص مع الذئاب بس لما جرب يقرب من القطط اتخربش ولو حاول تانى هقطعه وارمية للكلاب
نورتينى يا جميلة ولا عاش ولا كان اللى يجيب سيرتك بكلمة وحشة
وراكى رجالة يا دكتورة
احم قصدى وراكى قطط
ههههههههه
والله مش عارف هما بيعملوا ايه ...؟
او عارف بس بحاول استهبل يعنى

ربنا يهدى

تحيات بهيه
ftafeet said…
انتى جبتى الصوره دى منين يامصيبه انتى
بجد اعدت جامد اوى شكلهم تحفه من تحف الزمن

يخرب عقلك

انتى عارفانى انا وهما مابنتفقش


نونااااا
المنسى said…
السلام عليكم ورحمة الله وبركاته
رغم إنى معرفش شتم حضرتك قالك إيه
ورغم إنى كمان مش عاوز أعرف
لكن ياجماعة المدونات متعملتش علشان نغلط فى بعض ونعاير بعض
إحنا ليه كل حاجة بنستخدمها غلط
من نت لشات لفضائيات حتى كمان المدونات
ياجماعة بجد حرام حرام عليكوا

كده كفاية
نتعلم نعمل حاجة كويسة بقى
مفيش فى مرة هنعرف نقعد ونتكلم ونتناقش مع بعض بتدين وتحضر
هى دى تعاليم ربنا
هى دى عادتنا ولا تقاليدنا
مع إحترامى ليكو كلكوا بجد
ياريت التدوين يبقى ليه إحترامه ومناخدوش وسيلة نهزق بيها بعض
وأنا أسف جدا لو متعارض مع أرائكو
ولكن الإختلاف غى الرأى لايفسد للود قضية
المنسى said…
على ما أعتقد أن التعليق وصل
وده مش أول تعليق يتحجب
ياريت لو مش عوازنى أزور المودنة تانى تقوليلى
وتقبلى فائق إحترامى
تحياتى
amraction said…
نفاق واضح.. الدين عند بعض منهم..طبعا مش كل الناس زى بعضها.. المهم.. ان الدين عند بعض منهم بيستخدموه فى الشعارات والمصلحه الخاصه
حلال لهم.. حرام على غيرهم
بتحقدي عليهم عشان الشاعرية اللي هما عايشين فيها

شايفة الرومانسية يا اختي الفاضلة

اليس اولى بكي ان ترتدي نقابك و تمسكي بيد حبيبك الملتحي و يمسك هو بخصرك و يدغدغك بيده في الماء عيانا بيانا

عودي الى رومانسيتنا و الا حلت عليكي لعنة تحجر المشاعر

رومانسيتنا مش هتقدر تغمض عينيك

مع تحيات

الخرفان المهابيل
Desert cat said…
غني يابهيه
انا باستمرار بحاول استهبل بامانة
بس التعليق اللى غاظنى هو الىل خلانى مش استهبل
تحياتى
Desert cat said…
ftafeet
جبتها من مصادرى السرية
اصلى حطاهم تحت المراقبة
هههههههههه
تحياتى يا نونا
Desert cat said…
المنسى
انا برضه من رائى حضرتك
المفروض ان المدونات او غيرها من طرق التواصل لتعبير عن الرأى مش التعبير عن قلة الادب
تحياتى
Desert cat said…
المنسى
لا حول ولا قوة الا بالله
هو معنى انى مكنتش موجودة وقت ما بعت الكومنت يبقى انا كدا مش شنرته طيب استهدى بالله كدا واصبر شوية ما انا برضه ورايا شغل
مش قاعدة فى البلوج اراقب التعليقات 24 ساعه
وبعدين اعتقد ان كل ردود حضرتك بنشرها
ده انا بنشر الردود اللى فيها شتيمتى
يبقى مش هنشر ردود حضرتك
Desert cat said…
amraction
بالظبط
الشعارات الرنانة والحجاب قبل الحساب
وفى النهاية
كلنا بنشوف المناظر
تحياتى
Desert cat said…
ملك الكبدة
اه بحقد عليهم
اصل انا قلبى اسود حبتين
ههههههههههههههه
اصلى مش عارفه اعمل زيهم
انا بتصرف بطبيعتى لكن مش بنافق
ولا بتدارى ورا نقاب ولا لحية
انا برضه مش بقول الجميع فى سلة واحدة
لكن بتكلم على امثال اللى فى الصورة
نورت يا ملك
تحياتى
بقالى كتير مدخلتش عندك يا قطة والله زمان
بس بجد فطستنيى على نفسى من الضحك عليكى تعليق بجد تحوووووفة
ولأ ولا الواد اللى ما يتمسى اللى زعلكو ده بجد انتى بنت عشرة على عشرة
اعتقد انه هيفكر مليون مرة قبل ما يقول حاجة ولا يشتم ولا يتنيل على عينه
هاهههههههههههههههه
وجامدة موضوع الصورة دية لأ وايه عن قرب بجد عشرة على عشرة انتى كدة صحفية تمام
Desert cat said…
رحيق الحب
انتى كنتى فين كل ده يابنتى وحشانى والله

انا يا ستى ما كان فى نيتى اى حاجه
لكن السافل اللى دخل شتم واقل ادبه هو اللى خلانى اعمل كدا
عموما علشان يبقى عبره لامثاله ويحترم نفسه
الجميل انه قل ادبه وفى الاخر بيقول انه ملتحى
لوووووووول
علشان كدا وريتله عينة الملتحين امثاله بيعملوا ايه
نورتينى يا جميلة
ومش تغيبى تانى بقى
تحياتى
على فكره الوضع ده متشر وفى بنات بترسم عنيها من تحت النقاب وبتكون فتنتها اكتر من السافرات (على حد قولهم ) بس مش كل المنتقبات كده فى ناس كتير بتحرتم الوضع اللى هى فيه مش كا من ربى ذقنه شيخ ومش كل اللى لبست نقاب رابعه العدويه
جبتى الصورة دى منين يا مضروبة
هههههههههههههههههههههه
انا كان عندى صورة لواحدة رافعة النقاب وبتشرب شيشة وعملت بوست عن الموضوع ده اسمه ده مش تدين ده استهبال
وعلى جرى من بوستاتك على جرى
هجوم التتار جه من كل صوب

انا متوقعة تماما انك خدتى كام تعليق فى الصميم

ربنا يعينك

بس فيها ايه صحيح يا قطة
هما مالهمش نفس يعنى يبلبطوا فى المية شوية

بس عندى سؤال رخم حبتين
هى الاستاذة المنقبة اللى فى الصورة دى
مش هى لما تطلع من المية الجلباب الاسود ده هيكون لازق على جسمها بفعل اثر المية على الهدوم
ولما الجلباب يلزق على جسمها ويبين تفاصيل الجسم من منخفضات ومرتفعات
ده عادى يعنى ولا ايه

كفاية كدة علشان مرارتى على اخرها
تحياتى ليكى
اختك خيخة
أنا حر said…
دايما كده ظلماهم يابنتي النقاب ده علشان متتكشفش على السمك علشان غريب عنها
(:
وبعدين عادي واضح انهم في بحر اسلامي يجوز فيه بس الاهم علشان نعرف ده حلال ولا حرام لازم نسألهم
هما نزلوا البحر برجليهم اليمين ولا الشمال؟؟؟
تحياتي
somaa mahaba said…
يا بنتى ممكن يكونوا متجوزين
ويعنى هو المتجوزين ملهومش نفس ههههه
اما بقى اللى بيشتم فبقوله كلمه هل انت مسلم حق ..؟؟
عشا اشك مسلم يكون قبيح اللسان كهؤلاء
تحياتى ليكى سومه_87
somaa mahaba said…
نسيت اقوله اقرا احاديث المنافقين وماذا فعل الرسول صلى الله عليه وسلم وتحريم تكفير المسلم للمسلم
تحياتى ليكى سومه_87
الربان said…
تحياتي

نحن بشر...نخطيء و نصيب...و ارجو ان حضرتك تشيلي الصورة...حبا في الله و رسول الله...من ستر مسلما ستره الله.

بالنسبة للبذاءة...الحمد لله ان حضرتك
محوت التعليق...لاننا جميعا يجب ان نقول لا للبذاءة...لا للتعصب لرأي... و لا لفكر ضال مضلل...
اعلم من خلال موضوعاتك و تعليقاتك عند
بعض الاخوة المدونون كم انت انسانه رقيقة و علي خلق كريم...لذا ارجو ان تكوني ممن قال فيهم رب العالمين :

(وَإِذَا خَاطَبَهُمُ الْجَاهِلُونَ قَالُوا سَلاماً).

و ايضا :

{وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ}(فصلت:34).

انت اكبر و اكرم من ان يستدرجك احد
الي بذاءات او مهاترات.

تحياتي و تقديري...و اشكرك كل الشكر علي سعة صدرك.

دمت بألف خير.
صورة جامدة جدا

مين العبقري اللي صورها

هههههههههههههه
هو مالو بيبصلها قوي كدة ليه
امال لو قلعت النقاب هيعمل ايه
هيفترسها؟

هههههههههههه
يابنتى سيبك من ده كله

وحشتيني والله :D

وعايزة بوست جديد زى بتاع المطرقة والسندان

على فكرة

بجد ملوش حل

احساسك عالى اوى فيه ياقمر

وسيبك من الخناقات والشتايم وكبرى دماغك يابنتى ...

هم ميظهروش غير لما تعبريهم والله

سيبك منهم بجد

انا موودى اتقلب اصلا وانا بقرا التعليقات بس :D

روق بس انت كدة يامعنمى وكله هيبقي تومام :)

تحياتى ليكى ياحبيبي
elsa7era said…
لالالالالالالالالالا
بلاش
نظلم حد معانا ميمكن يكونو لسة مخطوبيييين هههههههههههههههههههههههه
بس على فكرة تقريبا جميع الناس الى عرفتهم انهم بيحللو على مزجهم ويحرمو
على مزجهم
بس الصورة دى ياترى جات
منيييييييييييييييييييين
سلااااااااام
Desert cat said…
اميره الصعيد
اولا الف اهلا وسهلا بالغالية اخت الغالى
على فكرة اان باعته لك سلام كبير اوى خالص قولى لو مش وصل علشان ابعتلك غيره
نيجى بقى للموضوع
انا بشوف النوعيات دى كتير اوى على فكرة ولا تلاقى الواحدة لابسه النقاب وهى واقفه فى ميدان التحرير وصوتها مسمع فى العباسية
وانا برضه بقول زيك كدا مش كلهم ربنا يهدى
نورتى عالم بلوجر يا جميل
تحياتى
Desert cat said…
بت خيخة وأى كلام
جبتها من مصادرنا السرية يا خوخة
هيهيهييييييييي
شوفت انا يا حبيبتى المنقبة اللى بتشيش وشوفت السفالة اللى كانت عندك
دى عالم وسخة ولا تلتفتى لهم
المهم هى مش مهم انها لابسه النقاب فى المية اصل المية عورة
انما بعد كدا عادى ليس عليها حرج ان تمشى والتضاريس باينة
نورتينى يا ام شرى
Desert cat said…
أنا حر
اه شكله بحر اسلامى علشان الراجل اللى بيلعب مع ولاده هو كمان ملتحى
لكن الله اعلم بباقى المصيفين هل هما او لالالالا
وبعدين متخافش يا احمد هما اكيد جايبين فتوى بجواز نزول البحر باى رجل
بس شكلهم نازلين بالشيمين
تحياتى
Desert cat said…
somaa mahaba
وافرضى متجوزين يا سومة
يقوم يوقفوا يمثلوا فيلم سكس فى البحر
هو يبص فى عنيها وهى حضناه طيب عايزين يعملوا كدا بلاش الشكل الاسلامى اللىب يشوهوه معاهم ده
اللى بيشتم ده
واحد جاهل
حسبى الله ونعم الوكيل فيه وفى امثاله
تحياتى
Desert cat said…
الربان
استاذى العزيز
والله انا محبتش انشر تعليق الاخ الجربوع ده لانه شاتم معايا انسانة تانية كويسة جدا ومحترمة جدا دا وقايل برضه الفاظ لا تليق بمكانتها ولا بيها من الاساس
وفى اخر كلامه البذيئ لاقيته بيقولى اان ملتحى
علشان كدا نزلت له الصورة دى علشان اعرفه امثاله من الملتحين بيعملوا ايه
احترامى وتقديرى
Desert cat said…
مصطفى فتحي
هو بيعرفنا ان هو كمان ليه فى الرومانسية والحب ومش يغركوا الدقن يا جدعان
دى منظر لن انا شاب مقطع السمكة وديلها
ههههههههههه
تحياتى
Desert cat said…
كفايـة طيبـة
هو انا مش بشوفك غير لما بنزل بوست نكد يا ستى ليكى عليا انزل كل يوم بوست زى المطرقة والسندان بس اشوفك
وحشتينى انتى كمان اوى
Desert cat said…
elsa7era
وانتى بتقولى الصورة دى جت منين فكرتينى بالعلبة دى فيه اييييييييييه
ههههههههههههه
هما بيعملوا فتاوى على حسب اهواؤهم الشخصية
واحنا كفار لكن هما المسلمين
ربنا يعافينا
تحياتى
انا كنت شوفت الصورة قبل كده
انا معاكى ان اللى شتم دا بنى ادم سافل و عديم الاخلاق
لكن بيتهيأ لى الصورة مفيهاش حاجة
لانها مش حاضناه دى بتعدل الجونتى
و بعدين هما شكلهم متجوزين دا باين قوى
و بعدين هما مش انبياء
كل ابن ادم خطاء
يعنى الملتحين و المنقبات مش مثال للمسلمين
فى ناس مش منقبة و مش ملتحية
و بيكونوا احسن عند ربنا من غيرهم
ـــــــــــــــــــــــ
و كبرى دماغك منهم و اللى يشتم نظبطه
اصلا هو بيكون عديم التربية
سلامى ليكى
Desert cat said…
مواطن مصرى نايم
اه ما انا واخده بالى انها بتعدل الجوانتى
هههههههه
اصل مش بيتعدل غير فى البحر
اللى شتم ده واحد ناقص سورى يعنى فى الكلمة وجاى يطلع قلة ادبه علينا
تحياتى
mady said…
والله ان شفت المنظر ده كتير
في كذا شاطئ يعني
بس مش كل الملتحين او المنقبات كده اكيد في منهم المحترم
بس زي ما تقولوا الوحش بياخد الحلو في سكته
كمان الدقن والنقاب بقوا في العصر ده
عصرنا بالتحديد شويه اكسسورات
او عده شغل ليس الا
تحياتي قطه
Foxology said…
يا خبر ابيض !!!

والله فكرتنى البوست دى بحلقة من تيت راديو بتاعة .. المجتمع ابن المزدوجة :))

تحياتى واللى يعيش ياما يشوف :))
Soooo said…
قطه
انا اخويا ملتحي ومتدين ومراته محجبه وساعات لما بيبقو في مصر بيطلعو على اي مكان فيه بحر ولا حاجه وبينزلو وهي بتلبس مايوه محجبات
والصورة دي ممكن تكون لناس زيهم بس صورة شخصيه واتسربت بطريقه مش كويسه
قطه
مش عارف هتفهمي كلامي ولا هتقفشي
بس لو قفشتي وكتاب الله هاجيلك واعضك انا بقول اهو

خلي بالك من حربك مع الاخوانجيه دي لا تجرك في منطقة كشف ستر الناس
خلي بالك

وعلى فكره
تلات تربع الاخوان مش مربيين دقنهم
والله باتكلم بجد
انا اخويا مربي دقنه ومراته محجبه ومش اخوان يعني
ولا ليه اي اتجاه سياسي
كل الحكايه انه بيحاول يقتدي بسنة سيدنا محمد صلى الله عليه وسلم من الداخل والخارج
يعني من جوه قلبه ومن بره

عارفه لو زعلتي والله العظيم هتلاقيني جايلك في بوكس واقفللك السايبر مصنفات
انا بقول اهو



سلامووووووووووووز
Desert cat said…
mady
ما هو انا برضه مش قولت لا كل المنقبات ولا كل الملتحين
بس ده نموذج بيسئ للمنقبات والملتحين
تحياتى
Desert cat said…
Foxology
اه تلاقي ولاد التيت قال الله وقال الرسول
وهو ابعد ما يكون
الله يعافينا
تحياتى
Desert cat said…
Soooo
سووووووووو يا سوووووووو
هزعل ليه يا سووووو
اولا انا مش بقول كل المنقبات ولا كل الملتحين وفى منهم نماذج سيئة وده نموذج من ضمنهم
ثم يعنى ايه مايوه اسلامى دى طيب بالمرة ما يشوفوا لهم بحر اسلامى
يا سووو الدين لا يتجزأ
ومفيش حاجه اسمها بحر اسلامى ومايو اسلامى وزى اسلامى دى اسمها متاجرة بالدين ياباشا مع احترامى ليك ولاخوك ومرات اخوك
طالما اخترت التزم بلبسى والبس نقاب او اعمل لحية
يبقى انا اخترت اكون قدوة للمسلمين ومراية لغير المسلين وبالتالى دى مسؤلية ولازم اكون قدها يا اما لو عملت العكس وانت على هيئتك دى بتشوه الدين وهو مش ناقص
ده بفرض يعنى اان شم بتكلم عليك انت
وبعدين قول اللى انت عايزه يا فندم انا مبزعلش من اخواتى
سى يوووو
Zika said…
اسمحيلي اختلف معاكي
اولا ممكن يكونوا اتنين متجوزين عادي
ثانيا لو مش متجوزين تبقي حاله فرديه لان كل ما ينطبق علي الجماعه ينطبق علي الفرد
لكن مش كل ما ينطبق علي الفرد ينطبق علي الجماعه
ولو متجوزين ايه المانع انهم يبصوا لعين بعض :D
او يلعبوا في الميه :D
رغم تحفظي علي النقاب والاخوان الا اني لازم اؤمن بحريات الناس زي ما بطالبهم بحريتي
ولازم ماجرحش حد في شعوره مهما كان مختلف معايا
انا بتفق معاكي في حاجات كتير لكن للاسف الا نقطة الاخوان والمنقبات
مش لاني بحبهم بالعكس انا ضد التيار الاسلامي المزيف . لكن انا كمان مع حرية الراي .
تحياتي
Zika said…
معلش انا متنرفز اوي من الجماعه اللي الباردين اللي عندك دول اللي بيقلوا ادبهم وبيشتما وواحد بيقولك انتي مسيحيه وبتاع
لكن متزعليش نفسك .. الموجودين منهم كتير وساعات ربنا بيكرمني بكام واحد منهم عالبلوج بتاعي
مره واحد قاللي ان اللي بيالف اغاني واشعار في الدرك الاسفل من النار
قلتله قشطه :d
بجد ربنا يعينك
صحيح انا مستغرب ليه يعني هم انونيموس ودايما كده
وده طبعا لجبنهم وخوفهم انهم يتعرفوا ويتبهدلوا ردود والناس تهزاهم في مدوناتهم :d
تحياتي ليكي وربنا يوفقك في البلوج ويخلصك ويخلصنا من امثال الانونميوس
Desert cat said…
Zika
انت قريت الموضوع
متأكد انك قريت الموضوع
اشك
لانك لو كنت قريته كنتفهمت انى معممتش
وكنت فهمت انى برضب نوذج كمثال للاخ الملتحى اللى قعد يسب ويلعن ويتلفظ بالفاظ زبالة زيه وجبت له موذج من امثاله
يبقى ليه داخل تقولى كلام انا مقولتوش
ابقى اقرى حضرتك
رحاله said…
حسبى الله ونعم الوكيل

Popular posts from this blog

قميص دهشور

كل تحرش وانتوا طيبين