أحلام رجل فى ليلة الزفاف



الموضوع ده انا كنت نزلته من سنة تقريباً فى أحد القهاوى .... بما إنى كنت من اكبر رواد القهاوى اللى هى المنتديات يعنى وكنت مشتركة فى قهاوى كتيييييير اوى بس الهى يكرمه الحاج بلوجر اقترح عليا اعمل مدونة واهى تلمنى من اللف فى القهاوى طول الليل والنهار ... والحمد لله اتلميت وبقيت مقضايها مدونات

المعازيم مجتمعون ... والسهرة للصباح .. والكوشة تحيطها الورود .. الراقصة تتمايل والزفة تسير ... ما هى إلا دقائق وسيجد العريس نفسه فى حجرة دافئة يستيقظ فى الصباح مودعاً وسادته الخالية بعد أن يشغلها وجه جميل يجاورة ... ستتهادى أمامه بقوام كغزال وتتفنن فى أرتداء ألوان يحبها سألته عنها قبل أن يحملها دولاب ملابسها ... وستضع عطراً يعشقه وتصفف شعرها كما يشتهى ... ستجعله طويلاً متى أشتاق لمداعبة خصلاته وسيكون قصيراً متى تطلب الأمر التغيير سيتخلص من أوامر والده وشقيقه الأكبر وسخافة أخيه الصغير الذى كان يسبقه ويندس فى فراشه ولن تختفى البناطيل والقمصان بين ملابس أخوته وسيخجل أصدقاؤه من رن الهاتف فى عز الليل ... لن يحمل هماً للنقود والمشاكل المادية ولن يفرغ جيبه فى لحظة ويمشى دون مدد فقد أودع فى البيت وزيرة للمالية يسلمها ما معه فتدبر الأمور حتى نهاية الشهر سيعود من عمله كل يوم فيجد أذنا يفرغ فيها متاعب ومشاكل حدثت وأوجاعاً أصابت .... فيلعن رئيسه ويسب مديره ويفرغ كل الكبت الذى يحتجزه صدره ولا يستطيع البوح به إلا لها .وبدلاً من أن كان فى المجتمع أسم مهمش سيصبح جملة مفيدة .. وفقرة مكتملة وزوج له زوجه ... ورجل له " جماعته " وسيجد على مائدته أطباقاً ساخنة على ذوقة هو وليست نتاج استفتاء أمه وأبيه وأخوته وربما الضيوف ... وسيقول أريد ملحاً قليلاً أو دهناً كثيراً ... فيجد المستجيب وملابسة ستكون نظيفه مكوية مرتبة فى دولابه وأزرار مخيطة مثبته فى أماكنها وفراشه يوحى بالنوم وسيستغنى عن الأحلام بالواقع ... أما الكوابيس فسيجد السيدة التى تزحزحه لتنقذه منها ... كل هذا سيستمتع به العريس أما العروسة .... دقائق قليلة بقيت ليكون عليها أن تؤدى كل هذه المهام إضافة إلى تحمل وجود أعباء ومرافقة رجل اطلقوا عليه المجتمع زوج لها

Comments

انتو ليه ديما بتخدوا من الحاجة
التعب الى فيها وبتسيبه المتعة الموجودة
كفاية انك حتبقى عايشة مع الراجل الى انتى بتحبيه واختارتيه تحت سقف واحد
تقوليلوا الكلام الى نفسك تقولهوله
من غير محد يضايقك ولا ناس حواليكى
وكفاية ان حيبقى معاكى حد بيحميكى
وبيخاف عليكى
وكفاية انك حتبقى اميرة البيت
ليكى الحق لوحدك انك تقولى اه او لا
من غير محد يعارضك

بصى انا بعتبر الجواز دة حالة روحانية جميلة
بين ادم وحوا
ولو عرفوا يوصلوا للحالة دى
حيعيشوا فى سعادة ابدية

ولما تتجوز ياستى ان شاء الله
تبقى ولا تكوى ولا تغسلى
تبقى ابعتى الهدوم للمغسلة
ومتوجعيش دماغك

ديما مبدعة ياقطة

تحياتى
اية اية

لا حرام انتى تقولى كل المزايا للراجل

والاخر تقولى ان الست ملهاش مزايا

انا بصراحة عيشت مع اللحظات دى

وانا بقرا الكلام

صحيح برضوا مزايا كتير


للراجل

بس اكيد الست لها مزايها


والا مكنتش هاتضطر للزواج مادام متاعبة اكتر



بوست جميل اوى
ده انا هتحسد اكتر منا محسود
اول تعليق
هما المدونين بيفرحوا ليه كده باول تعليق
المهم
رغم انى عازب معذب فى هذه الدنيا
الا اننى ارى ان الزواج ده نعمه كبيره من عند ربنا
كفايه الاستقرار والهدوء النفسى
بس خدى بالك ده يتوقف على شريكة الحياه
لانها ممكن برضه تخلينى
احلف بحياة العزوبيه واشتهى الطلاق واتمنى الخلع
فعلا الاختيار هو المشكله
تحياتى اليكى
maii bahaa said…
ازيك يا قطقوطة

وانا باقرا البوست كنت عمالة ادور على اللي هاتلاقيه العروسة الغلبانة؟
وفي الآخر حصل

... بس غالبا لما هاتدخل بحماس كده
وبعدين ماتلاقيش منه أي تقدير ولا حتى كلمة حلوة هاتفقد الرغبة في انها تفضل تخدمه وتبتدي تدور على نفسها
ده رأي يحتمل الصواب والخطأ ويعتمد على نوعية البيه العريس

بوست حلو جدا

تحياتي لمدونتك الجميلة
:)
fatima said…
قطتى الحلوة.
مش عايزة أحبطك و أحبطه
شكل العرسان الجداد بيبقى جميل جميل ..عايزين يضحكو للدنيا والناس الى ماشية فى الشارع والحب بيبقى زايد وفايض ..و كأنهم بيخلصوه بدرى بدرى ..
وبعدين ...
مفيش داعى أقولك عالنهاية ..
أحلام أحلام ..
كلنا حلمنازيه
جت لحد عنده وهتقف يعنى ..
خليه يفرح من نفسه
تحياتى يا قطقوطة
الربان said…
تحياتي

موضوع جميل... و بالفعل هذا ما يفترض حدوثه...
أما ما يفترض ان تحصل عليه العروس...فيتضمن الحب...الحنان..الاحتواء النفسي و العاطفي و الجسدي...
أيضا ستحصل علي الامومة... وهذا بالنسبة لاي امرأة شيء هام...

ستكون هي سيدة المنزل...تديرة ...و تدير كل صغيرة و كبيرة فيه...
ستخرج من تحت عباءة أمها...و وصاية أبيها.... و سخافات أخيها سواء الاصغر او الأكبر...

تحياتي و تقديري و دمت بالف خير
وما بالك بمن يقول لك ان العكس هو الصحيح
..............
اسلوبك جميل ومتماسك
محسساني ان الست هتتسجن
لكن ما علينا هي دي المرأة لما تكلم عن نفسها
بس السؤال فين العروسة اللي تعمل كل دة
Sherif said…
نعم عزيزتى

وهى التى ستلقى له بالواد لانه كبر و مش قادرة تشيله

وهى التى تنزل بكل وقار وتترك له ان يغير فردة الاستبن .. ليعود الى عجلة القيادة مشحما وقد فقد اناقته نهائيا اذا كانا مدعوين على سهرة ..

وهى بعد القلق والشحتفة ، عليه ان يدور على العيادات فى انصاص الليالى لانه الولد او البنت تعبانة

وهو الذى عليه ان يذهب معهم لدكتور الاسنان لانها لاتتحمل منظر ابنتها وهى تتألم

وهو والعياذ بالله الذى يذهب الى الاقسام لان ابنه خبط عربية اخرى بعربية بابه اللى ساقها من وراه

وهو المطلوب منه أن يساعد العائلة واولها زوجته و بعدهاأولاده فى ايجاد عمل كريم ولو اراق ماء وجهه لكل صاحب فضل

وهو الذى عليه القرار النهائى اذا جرت ابنته اى واحد واحبته حتى لو كان لايستحق .. والا تلاقيها خاسة ونفسيتها فى الحضيض ..
فقط لان سيادته امتلك قلبها

وبعد كل هذا لو حصلت مشكلة .. تعود لبيت بابا ..وعليه ايجاد حل معه .. اى حل

Desert Cat
أقول كمان ؟

الرحمة كويسة

Again, It takes two to the Tango

الاثنين مع بعض

ومع ذلك .. بوست لذيذ
تحمد ربنا ان عريسها طلباتة قليلة كدة
افهم من كده ان البنت لما تتجوز مش بتلاقى اى راحه ومتعه فى جوازها؟
يعنى الراحه كلها لينا احنا الرجال؟ وانتو البنات او الستات ليهم كل التعب؟
لا اكيد لاء
الحياه فيها الراحه والتعب للطرفين
هههههههههه...
والله يا ستى صح...فى المعظم بس مع تقدم الرجل فى السن الموضوع بيزيد معاه و الست بتفضل تتغلب على امرها لحد ما تنكمش
بس منكرش ان فى أحوال تبقا الست فيها قمة فى الافترا والعياذ بالله...ده احنا ملايكة
بجد البوست حلو أوى و رايق أوى...صاروخ أرض جو :)
أنا حر said…
انا مش ههاجم زي الناس اللي قابلي لأني ممكن اكون فهمت البوست بشكل تاني
يعني انا لقيت في كل كلمة ذكرتيها عن راحة الرجل لحظة شقاء ليه برده في نفس الوقت
لأنه محتاج دائما في كل اللاحظات أنه يخلي حياة شريكت حياته كلها أمان وعلى قد ما يقدر يخلي حبيبته في حالة مزاجية تسمح لها بعمل كل اللي ذكرتيه ده
وده عمل شاق جدا انك تخلي البنت راضية عن الراجل بالشكل ده حتى لو كان زوجها
:)
تحياتي
ههههههههههه....
طيب والله صح..فى المعظم أكيد مش فى كل الأحوال...الراجل كل ما بيكبر بيزيد عنده موضوع العصبية من كل حاجة
أو انه بشتكى كتييير عمال على بطال و كأن مراته دى رايقة و فاضية و معندهاش حاجة
بس نقول ايه؟
مش هى اللى اختارت تشرب بقا و خصوصا لو كان الموضوع صالونات بتفضل تنكمش تنكمش لحد ما تختفى بجد
بس منكرش ان فى رجالة بتقدر و بتساعد و بتحب بجدو منكرش ان فى برضو ستات قمة فى الافترا..
بجد بوست جميل أوى و رايق اوى...و صاروخ أرض جو بصراحة
;)
Desert cat said…
زعيم كمورا مورا
هو كل اللى قولته فى الاول جميل بس فين الراجل اللى بيعمل كدا
كل لما تيجى تقوله جيب مصروف البيت يصرخ فى وشها ويقولها على طول هات هات مفيش خد ... الحل بقى انها تقوله خد الباب فى ايدك ومتورنيش خلقة معاليك تانى ... بالنسبة بقى للهدوم لما تقوله ادفع فلوس المغسلة الجواب الجاهز هيقولها ومغسلة ليه
امال انتى بتعملى ايه فى البيت
دول رجاله ... كدا يعنى
Desert cat said…
واحد مش فاهم حاجة
هو بامانة الواحد يقول اللى ليه من اللى عليه اه الست كمان ليها مزايا .... انها هتلاقى حد تنكد عليه عيشته .... لما تحس انها متضايقة
Desert cat said…
صالح سعيد
مش انت لوحدك مصر كل شبابها دلوقتى عذبته
وبما ان الناس مش لاقية تتجةوز يبقى تحلم احسن
طبعا الاختيار عليه عامل كبير
ولو كان فى توافق بين الطرفين لو هما الاتنين هينحتوا فى الصخر برضه بتكون حياتهم سعيدة
تحياتى
Desert cat said…
maii bahaa
الجميلة مى اولا نورتى المدونة
وسعيدة اوى بحضورك الجميل
بالنسبة للعروسة فهى مغلوب على امرها هتعمل ايه بس مضطرة تستحمله علشان المجتمع مش يطلق عليها اللقب الوزعى " عااااانس "
بجد نورتينى
Desert cat said…
fatima
حبيبة قلبى ام يوسف
حياتنا كلها على بعضها عبارة عن حلم لاننا لو فكرنا فى السئ مش هنعرف نعيش والنتيجة هتكون موت بالبطئ
بس المشكلة بقى لما يفوق من الحلم على واقع مختلف
على رايك كلنا حلمانزية
تحياتى ليكى يا جميل
Desert cat said…
الربان
استاذى الفاضل احتراماتى
معروف دائما ان المرأة عطائها متدفق ومعروف عنها الحنان والعطف وبالفعل فى من الرجال من يستحق ويستحق الاكثر كمان وفى منهم من لا يقدر ربنا ما يرزقنا يهم اللى مش بيقدروا دول
ومثلما هى ستحمل لقب ام هو ايضا سيحمل لقب اب ...
الربان
استاذى الفاضل احتراماتى
معروف دائما ان المرأة عطائها متدفق وبالفعل فى من الرجال من يستحق ويستحق الاكثر كمان وفى منهم من لا يقدر ربنا ما يرزقنا يهم اللى مش بيقدروا دول
احترامى وتقديرى لحضرتك
Desert cat said…
أنا إنسان
ازاى يعنى
يعنى هو بيطبخ وبيغسل وبيمسح
ده الراجل بيرجع من الشغل يقول انا تعبان ويفضل نايم باقى اليوم وبالليل يقضيها مع صحابه
هى بتعمل كدا
حتى لو بتشتغل بترجع من الشغل على المطبخ تشوف وراها ايه
يبقى ازاى العكس بقى
Desert cat said…
شمس الزناتي
هههههههههههههههه
لاء هى مش هتتسجن هى هتدخل المعتقل
العروسة اللى هتعمل كل دا عندى
ابعتها لك؟؟؟؟
اصلى بشتغل جنب السبير خاطبة
وبفكر احول المشروع
هااااااا فكر بسرعه اصل فى 8 حاجزين قبلك
Desert cat said…
Sherif
يا سيدى الفاضل كل الكلام اللى حضرتك ذكرته ده جميل ومعقول وبيحصل فعلا
بس دى بتكون حالات عارضه وبتحصل كل فين وفييييين وفى منها اللى مبيحصلش مش حاجت متكررة كل يوم
انما هى يا قلب مامتها اللى بتعمله امباح هو اللى بتعمله بكره هو نفسه اللى هيتعمل بعد سنة
احتراماتى لحضرتك
Desert cat said…
اسكندراني في الغربة
هههههههههههههه
الا هو حضرتك ناوى تعمل ايه علشان احذرها
مهم دول الى ميعرفوش معنى الجواز
كل فكرتهم عنه انه يجوز واحدة تخدمه
يعنى يسيب الماما بتاعته
ويشترى ماما تانية من بره

لا بس فيه رجالة بحق
يعرفه يعمله الى معاهم كأبنى ادمين ليهم كرامة

الدنيا مش سودة اوى كدة يعنى
لسة فيها خير كتير
بس احنا ندور عليه
Desert cat said…
بحبك يامصر
طبعا فى الحياة مش سودة اوى كدا
بس الست بيكون عليها العبء الاكبر على اساس انهم الام الحنون والقلب الكبير والكلام اللى من ايام امينة رزق ده
Desert cat said…
Saydalanya Mat7oona
صح يا دكتورة كل لما الراجل بيتقدم فى السنت كل لما بيزيد فى جبروته ...
ومتفقة معاكى كمان ان فى ستات مفتريات بس بامانة الست دى ساعات بتنفع ولما بتقلب على نكد بتبقى عايزه الضرب بالنار
عموما هو فى وفى بس ربنا يهدى بقى الطرفين
Desert cat said…
أنا حر
طيب ما هو فى رجاله بتاخد ومبتديش
بمعنى انه بيكون عايز الست تولع له صوابعها العشرين شمع وهو ولا فى دماغه ولو اشتكت يقولها مش كفاية اتجوزتك كانه عمل فيها جميلة العمر
وفى برضه رجاله كويسين يستاعلوا الست تعيش وتموت فى سبيل راحتهم
Desert cat said…
Saydalanya Mat7oona
جواز الصالونات ده انا مبقتنعش بيه اساسا لانه بيكون نتيجة اختيار ماما وبابا وممكن يكون اختيار مرات البواب ودائما النتيجة بتكون معروفة وساعات بتكون محسومة من وقت الخطوبة
Desert cat said…
زعيم كمورا مورا
ما انا مقولتش انها سودة ولا برتقالى هو زى ما فى الوحش فى برضه الحلو
tayer_ya_hawa said…
كلامك حلو اوى هو نص الواقع بس فيه نص تانى اللى هوا ان الحب والعيشة يكملوا بعض يعنى لو واحد بتحبيه واتجوزتيه اكييد ده هيخليكوا تتحملوا مع بعض العيش والعيشة واللى عايشنها
وبعدين احنا فى جمعة الفلانتين ياناس فين التفاؤلان شاء الله ربنا يسعد حياتك
وياريت توزرى البلوج بتاعى انا كنت بتكمل فى موضوع قريب من موضوعك ده وياريت تقوليلي رأيك
http://tayer-ya-hawa.blogspot.com
السلام عليكم
اولا جزاكي الله خيرا علي التهنئة الجميلة
ثانيا الف مبروووك لمصر الفوز الرائع
ثالثاً عاوز استأذنك في حاجة
والحاجة ديه إني اكون ضيف دائم في مدونتك
لأنها بجد مدونة جميلة ...انا لسا ملفتش كتير فيها بس الجواب بيبان من عنوانه طبعا

رابعاً بقي والاهم
لو الزوجة عملت الكلام دا وهي مستمتعة بيه وعارفة إن طاعة زوجها في غير معصية الله دي في حد ذتها طاعة لله عز وجل الدنيا هتبقي وردية

بس للأسف يا اختي العزيزة
كل اللي انتي كتبتيه لا يتعدي اول كلمة من عنوان الموضوع

احلام
Rosa said…
جاااااااااااااااااااامده يا نانا
جامده بجددددددددددددددددد
تسلم ايدك
بجد معبره عن حالنا بجد تسلم ايدك
oceaneyes said…
هى صح المفروض تستحمل كل ده

بس اكيد هايكون برضاها ...وبتبقى بتعمل كل ده وهى سعيدة ومبسوطة

اعتقد يعنى

:)
العزيزه قطه الصحراء

شوفي ياقمر الجواز ارتباط روحي قبل مايكون مادي

انا عارفه ان الجواز دلوقتي فقد معناه الحقيقي بس لسه فيه ناس مؤمنه بالكلام اللي بقوله

لازم يكون فيه تفاهم و امتزاج للأفكار صح؟

تحياتي ليكي ياجميله

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز