Desert Cat Search
قطه الصحراء: شم النسيم رغم انف المتخلفين

Sunday, May 5, 2013

شم النسيم رغم انف المتخلفين

فى كل سنة يطلع علينا تجار الدين بتحريم الاحتفال بشم النسيم وتحريم تهنئة اخواتنا المسيحيين باعيادهم 
لو كان فى انتخابات يبئا التهنئه حلال وواجب كمان ولو مفيش انتخابات يبئا التهنئه حرام وفسق 
اخواتنا المسيحيين ضربوا اعظم مثال للوطن وحب البلد اثناء اعلان البابا تواضروس عن اسماء المسؤلين اللى قاموا بالتهنئه فى عيد القيامه فكان الفسق بحرارة عند ذكر اسم شيخ الازهر والسيسى والزيد والفريق احمد شفيق وعدم اللامبالاة عند ذكر الرئاسه .. فهمتوا ان الشعب مش طايقكو ولا لسه ياتجارالدين يا مجرمين ؟ 
للناس اللى عندها شك ان ممكن يكون كلام تجار الدين الاوساخ صحيح 

*يرمز البيض فى شم النسيم خلق الحياه من الجماد ( عند الفراعنه ) .

* والفسيخ ظهر مع بدايه الأسره الخامسه ، ومع بدايه الإهتمام بتقديس نهر النيل.

*وأكل البصل إرتبط عندالفراعنه بإراده الحياه وقهر الموت والتغلب على المرض.

* والخس إسمه بالهيروغليفيه " عب " وأعتبره الفراعنه من النباتات المقدسه ، فنقشوا صوره الخس تحت أقدام إله التناسل .

_فى برديات منف الإله "بتاح" ( إله الخلق عند الفراعنه) كان يجلس على الأرض على شكل البيضه التي شكلها من الجماد!

(( يعنى طقوس الأكل فى شم النسيم من شعائر القدماء المصريين ! ))
 
 
 
تهنئة لكل اصدقائى المسيحين بعيد القيامة المجيد وتهنئة لمصر كلها بعيد شم النسيم وتحيا مصر شعب واحد ضد سواد القلب وضلمة العقل وغل الروح
 

22 comments:

نيروز said...

هذا هو دليل حبنا ومحبتنا لكل من يبادلنا الحب والاحترام

samaka said...

دى الطبيعى بين المصريين مسلمين واقباط اما القلة الذين ليس لهم اي فائدة غير الفتنة
بين المصريين يجب الا نسمع اوننظر اليهم

وائل said...



انا عندي فكره حلوه ..كل الناس اللي اتصقفلهم ينزلوا إنتخابات النواب ويشوفوا شعبيتهم عند الشعب المصري بجد ..والطيور على اشكالها تقع

اسماعيل said...



الاخوان عندهم مرض الانتخابات

كيرلس خليل said...

انا عارف انك مفروس علشان اتعلم علي مرسي وقنديل بمعلمه
و علي فكره قبل ماتقول مسيحي ومسلم علشان مش طالبه وجع بطن كان فيه مسلمين في الكنيسه و بردو صقفوا للزند وابو الغار ومصقفوش لمرسي

عمرو said...



يد واحدة .. الحمدلله على نعمة البصيرة

عوض said...

تصفيق الشعب للوجوة المعارضة يعتبر استفتاء على شعبيتهم وعدم تصفيقهم للاخوان دليل انهيارهم

c t v said...

هذا هو الرد على من يحبنا ويحترمنا ونحن نحب ونحترم ونجل فضيله الامام الاكبر والفريق السيسى

c t v said...



اننا لمسنا من فضيله الامام الاكبر المحبه والاحترام لنا وايضا من سياده الفريق السيسى لذلك ضجت الكاتدرائيه بالتصفيق الحاد لهما ..ولم يصفق فرد واحد عند ذكر تهنئه مرسى وجماعته الاخوانيه.

samar said...

شكرا سياده الفريق اول و شيخ الاهر

البلد بلا رئيس و دول هم الرموز الوطنيه للبلد

فوزي said...

كل عام وانتم بخير

احمد رفعت said...

تهئنة خالصة للأخوة المسيحيين بمناسبة اعيادهم
وأسأل الله العلى العظيم ان يبعد عن مصر شر الفتن
طالما الازهر بخير فمصر بخير ولن تحدث الفتنة الطائفية
طالما الجيش بخير فمصر بخير ولن تحدث الفتنة
طالما الاخوة المسيحيين يعلمون ان من يتحدثون عن الفتنة من الاسلاميين لايمثلون الا انفسهم ولا يمثلون الاسلام فمصر بخير
طالما المسيحيين يصفقون للأزهر وللجيش فمصر بخير
كل عام ومصر بخير بمسلميها ومسيحيها
كل عام والاخوة المسيحيين بخير

سالى said...



برافوووووووووو عليكم و ده احساس 90% من المصريين اتجاه الجماعه المحظوره و رئيسها الاستبن

منه said...



مين ما يحبش قائد شجاع زوق وطني شهم بيحب مصر زي الفريق السيسي ربنا يحافظ عليه و يحميه و يوفقه وكمان مين ما يحبش الشيخ اللي هو اسم علي مسمي الشيخ الطيب يا عيني اللي البعدا كل يوم بيفكروله في بلوه جديده يلفقهوها ليه عشان يخلصوا منه ربنا يحافظ عليه -خلاص الناس مبيضحكش عليها وهما يستهلوا اكتر من كده بكتيييييير

الصادق said...

كل سنه والشعب المصرى بخير ده مش عيد الاقباط وبس ده عيد كل المصريين

aliaa said...



انا بجد عندى احساس ان المسلمين بيحتفلوا بعيد الاقباط اكتر منهم ىارب اجعل ايام مصر سعاده واستقرار

باى باى مرسى said...



لن يكمل مرسى مدته وسينتهى حكمه واخوانه واهله وعشيرته وايضا لن تقوم لتيارات الاسلام السياسى مثل النور وغيرهم قائمه مره اخرى والايام بينا وابتدى عد من دلؤتى وحنشوف مين اللى كلامه حيطلع مظبوط

ahmed said...


لكل الاخوة المسيحيين
كل عام وانتم بخير وسلام ورد فعلكم هو رد فعل معظم الشعب المصرى

مسلم غصب عن التخين said...

كل المصريين الوطنيون مثلكم يا اخوتنا المسيحون الا الاهل والحصيره

يكفي ان يهنيء بعضنا بعضا بناقصهم

مصرية مسلمة said...

أتقدم بخالص التهاني الي جميع مسيحيين مصر والعالم كله بعيدهم جعله الله لكم عيدا مبارك

داليا المصراوية said...

حفظ الله لمصر ازهرها . واعز بالنصر خير اجنادها . ودايما مصر منورة بأهلها

كل عام واقباط مصر فى احسن حال

ابو محمد said...



كل سنة وانتم طيبين كل سنة وكل مصري ومصرية بخير كل سنة وكل مسيحي ومسيحية اهلنا وناسنا بالف خير ومهما حصل من اصحاب المصالح سواء كان مسلم او مسيحي او يهودي مستحيل يقدر يفرق بين اتنين في جسد واحد سواء كان مصري او مصرية كل سنة واحنا كلنا طيبين