Desert Cat Search
قطه الصحراء: يا جيش بلدى العظيم

Thursday, May 16, 2013

يا جيش بلدى العظيم

احنا معاك مهما قالوا عليك .. يا جيش بلدى العظيم انت الحصن ودرع الامن والامان الواقى لينا من غدر اصحاب اللحى عبيد امريكا وخدام موزة قطر 
يا جيش بلدى العظيم يا اللى رفضت بيع قناة السويس وبدء تنفيذ مشروع اقليم القناة فرد عليك الارهابيين بخطف 7 من ابناءك الجنود 
ابداً لن تنكسر مصر ولن ينهزم جيشها طالما فيه الوطنيين والمخلصين اللى فى وقت الازمات بنلاقيهم رجاله لا يهابوا الموت وكل همهم هو امن وحماية مصر وشعبها
علشان كدا يا جيشنا انت دايما فى العين والقلب

12 comments:

الصعيدى said...



يجب ان يرجع الجنود وان يعدم المختطفون فى ميدان عام ويطبق عليهم حد الحرابة حتى ولو كانوا اسلاميين

مصطفى مطلوب said...



الى متى هذه الرخاوة فى ادارة الدولة فحكامنا ناس لاهم لهم الا الصراعات الداخلية وتصفية الحسابات وهدم مؤسسات الدولة والقضاء واضعاف الشرطة واهانة الجيش فالى متى والى ماذا يريدون ان يوصلوننا اما كفانا خرابا ياحكامنا الكرام

mohamed soliman said...



العملية سابت زي الحلاوة الطحينية.... إزاي يختطف جنود من الشرطة والجيش. دا بيوضح إن مصر سنانها وقعت ولم يعد لها أنياب... لا رئيس جمهورية نافع ولا حكومة نافعة ولا أمن نافع ولا جيش نافع.... نعمل إيه يا ناس عشان مصر ترجع زي أيام السادات؟!!!! حرام اللي بيحصل ولم يعد هناك وقت

حسين عثمان said...



خبر خطف الجنود اهديها الى الفريق السيسى الذى لم يحترم عقولنا عندما قال انه لايعرف من قتل الجنود المصريين فى شهر رمضان الماضى ومن الذى ؟ يعرف اذا كان انت كنت مدير المخابرات الحربية وقتها وما هى وظيفة المخابرات هل هى تسليم البلد الى جماعة الاخوان الجريمة التى اشتركت انت وجميع المجلس العسكرى واعضاء اللجنة الانتخابية جميعكم اشتركتم فى خيانة مصر بتزوير نتجية الانتخابات وتسليمها الى واحد خأئن وجماعة ارهابية والتاريخ لن يرحمك يا سعادة الفريق ولا تفتكر اننا شوية سذج حتى نصدق هذه التثمليات بدعوة الاعلاميين والفننانين وشوية حفلات اين الظباط وامين الشرطة المخطوفين هل نذهب زنسأل اسرائيل مثلا عنهم الم تسلم لكم اسرائيل جثث الارهابيين وهم معروفين من جماعة حماس الارهابية ذراع جماعة الاخوان العسكرية نريد اجابات ولانريد تسويف ولف ودوران هذه لعبة قديمة حتى ينسى الشعب الكارثة الى هو فيها بالسكوت على حكم مصر بواسطة شوية ارهابيين

احمد عبد الهادى said...

سيناريوهات القاعده فى اليمن وسوريا والعراق وافغانستان
وذلك بايدى مصريه وصناعه وطنيه لصالح اسرائيل وامريكا
كثير من بالداخل والخارج لا يريدون الخير لمصر
والله متم نوره ولو كره الكافرون
والحل تفعيل القانون ضد الجميع وحد الحرابه على الفاسدين وقطاع الطرق والمخربين
اللهم عليك باعداء مصر فى الداخل والخارج

محمد said...

اقطع عرق وسيح دم !!


معلشي هيبقا فيه ضحايا كتير بس مش هتتكرر تاني !

عاشق مصري said...



الناس بتوع سينا تعبوا جامد من حكاية الوعود اللي بياخدوها لحل للافراج عن المساجين يا ريت يا حكومة ويا د. مرسي تدرسوا القضايا بتاعت السجناء وانتو عارفين كويس اوي اوي انه في ناس كتير كان بيتلفق ليهم قضايا سياسي وجنائي يا ريت تحلو مشكلة ظلم المساجين واللي اجرم بحق بلده وناسه يتعاقب واللي اتلفقت له قضية.....اعدموه وريحوه من الظلم اللي هو فيه

رفعت الحفار said...



دي ياعم لعبه لازاحه السيسي نفس اللي حصل مع طنطاوي

عبدالله محمد said...



المشكلة مشكلة الجيش لو عايز يخلص في سيناءكان خلص

moda said...

الى كل اعضاء حملة تمرد هــــام جدا جدا جدا ....
هناك فكرة يجب الاخذ بهــــــــــا ..................

اولا : ان تقوموا بعمل مجموعات يتم تقسيمها على جميع مؤسسات الدولة من شركات


وهيئات حكومية ووزارت ....

ثانياً : تقوموا بمعرفة مواعيد خروج موظفين جميع المؤسسات والهيئات والشركات بالدولة

هناك شركات تخرج الساعة الرابعة وهناك يخرجون الساعة الثانية وهكذا .....

ثالثاً : يتم تجميع التوقيعات منهم وهذه طريقة سهلة لتجميع توقيعات كثيرة فى وقت قياسى

نظرا لوجود تكدسات كبيرة اثناء خروج الموظفين .........

رابعا : وفقكم الله على ما ستفعلون لاجل مصر خيرا ان شاء الله ...

مصرى said...

على شباب مصر ان يتحرك و يذهب للبحث عن اخوتة المخطوفين على شباب مصر ان يثبت ان فى مصر شباب

foush said...

لازم اولادنا يرجعوا و فورا
لن نتركهم .... هؤلاء الابطال بيدافعوا عننا و احنا لازم ندافع عنهم الشعب لن يتركهم فى ايدى هؤلاء البلطجية