Desert Cat Search
قطه الصحراء: تطبيق الشريعة

Saturday, November 10, 2012

تطبيق الشريعة

المشاركين في جمعة تطبيق الشريعه ..... لازم تطبق عليهم الأول ..ولا ايه

ابو اسماعيل الكداب
وعلى ونيس صاحب قضيه الفعل الفاضح فى طريق عام
والبلكيمى صاحب عمليه التجميل
ونائب الترمادول
ونائب تحريم اللغه الانجلزيه
ومحمد حسان بتاع المعونه
وحسين يعقوب بتاع غزوه الصناديق
وعبود الزمر قاتل السادات
وعبد المنعم الشحات اللى قال انى الديمقراطيه حرام
والجمعات الجهاديه اللى عاوزه تسيطر على سينا
واللى عاوز يتجوز البنت من 9سنوات
 الثورة قد انتهت باستيلاء الاسلاميين عليها
و ان من كانوا فى يناير ايد واحده اصبحوا 90 مليون ايد
, و ان الاخوان و اخوانهم استخدموا الثوار فى الحصول على مصر
و ان عن قريب ستكون اقصى امانينا عيش حرية حلاوة طحينية

و ان خلاص اصدقائى الاعزاء فى المره اللى جايه ابتعدوا عن الليمون
... كل ثورة و انتم بخير
 

22 comments:

karam said...

تطبيق الشريعة الاسلامية
والله فكرة برضه ..... مش بطالة

yehya salem said...

اين العقل وغول الضرائب قادم
اسلاميه اهههه والضرائب تخبط علي الابواب

ahmedelharty2006 said...

مفيش حد صالح
كلة بتاع مصالح
كله استغلال للدين لمارب سياسيه

Marshal said...



حينما رأيت مليونية الشريعه ادركت ان الاسلام قد دخل التحرير

محمد said...



فين الجرين كارد بتاع الوالده يا استاذ حازم

الصعيدى said...



يظن ويعتقد كل من سجن فى الماضى واعتقل بسبب افكاره انه سيدنا يوسف او موسى الكليم ويجب عليهم نشر الاسلام وتناسوا جميعا انه لا نبى ولا رسول بعد خاتم المرسلين ويعتقد كل من قراء كتابا دينيا او اطلق لحيته انه احد العشرة المبشرين بالجنة وعجبى عليك يازمن لما تعطى للقط مفتاح الكرارررررر

انا او الفوضى said...



الله يرحمك يا من قلتها زمان انا او الفوضى وطبعا الرد انت فلول

osama said...

اتوجه بالشكر لكل المشاركين فى الربع مئويه فى نفس المكان اللى استشهد فيه الثوار بينما هم مختبؤن فى الجحور وتحت السراير أو متربصين لاغتنام الفرصه و الانقضاض لحصد ما زرعه الشهداء والشعب الثائر . أشكرهم لانهم أكدوا لكل عاقل أنهم لا علاقه لهم بدين الاسلام الحنيف ولا شريعته السمحاء. ألاسلام بمفهومهم هو الجلابيه والدقن والتبعيه لمن اطلقوا عليهم شيوخ و اولياء ومرشد............. يعنى حاجه كده العن من حاخامات اليهود فى اسرائيل........ يعنى لو أى واحد من مدعيى العلم بالدين واللى مصدعين دماغنا طول النهار قال لهم انه نبى جديد هيصدقوه

احمد خليفة said...

هى الثورة قامت علشان الشريعة ؟؟؟ يا سارقى الثورة ولو طبقت الشريعة انتم اول من يخالفها .. انتم بتضلوا الناس لحرق مصر ونتهزوا اى فرصة للظهور يعنى مشين مع الريجة اللة ينتقم منكم وسيرد اللة كيدكم فى نحوركم ....هى مصر اصبحت كفرة واحنا مش واخدين بالنا ؟؟؟؟؟ اين الثوار الحقيقين وياترى اية موقفهم

مجدي عامر said...

لماذا الخوف من تطبيق الشريعة الاسلامية؟ وان كنا مسلمين حقا ألا يجب أن نحتكم الى ما أنزل الله تعالى أم هو الاسلام بالاسم فقط -اما مسلمون ونقبل تطبيق الشريعة واما غير ذلك وهنا يحق رفض تطبيق الشريعة فأين أنت من ذلك أيها الرافض؟

سيد عبد المنعم said...



تعبنا وملينا ومش عارفين حنروح علي فين في الوقت الحالي الغني يزداد غني والمطحون من الشعب الكادح زاد تعبه واصبح مرهق وملينا من كل من هب ودب بالمطالب والكلام الغير معقول فلو رجعنا خطوة للوراء من قتل السياح ضيوف مصر والشرطة والاهالي الذين ليس لهم ناقة ولاجمل ...اسال سؤال فهل من مجيب ؟؟؟؟؟ هل الشريعة الاسلامية السمحة نادت بازهاق الروح التي حرم الله قتلها الا بالحق مهما كانت ديانته؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مع العلم بانني غير منتمي لاي حزب سياسي او فصيل او جماعة ..وكل انتمائي لمصرنا العزيزة بانني وبكل شرف مصري..مسلم ..موظف ..اعرف حقوقي تجاه الله والوطن والعمل والانسانية بكل من فيها واعتبر ان المواطن المصري مسلم كان او مسيحي اخوة مواطنين ولكل واحد منهم له حق كان او حقان او ثلاثة حقوق ....اتقوالله ولتكن الاية الكريمة في الدستور السماوي المنزله علي رسول الانسانية امام اعينكم (يوم لاينفع مال ولا بنون الا من اتي الله بقلب سليم ... صدق الله العظيم ..,ولا اعارض في تطبيق الشريعة الاسلامية علي كل مواطن مصري داخل الاراضي المصرية من سرقة وقتل وزنا وظلم والمسلم علي المسلم كما قال رسول الانسانية حرام دمه وماله وعرضه ..صدق رسول الله صلي الله عليه وسلم

محمود سامى said...

لاتحسبوا أبدا أنكم ستغيرون مصر..مصر الحقيقية بأبنائها الحقيقيين و ليس بأبنائها الوهابيين ستقوم قريبا ان شاء الله لاعادتكم الى الجحور..كم راينا من فسق و جهل و كذب على ايدي قادتكم انتم اسوا امًه اخرجت للناس و ليس أخيًرها ... الله و رسوله يلعناكما من جرًاء ما تدمًرونه باسم الدين الحنيف

roma said...

ملعون أبو الثورة اللي تخلي البنت ماشيه في الشارع وهي مرعوبة.
ملعون أبو الثورة اللى تجيب اخوان وسلفيين بيتاجروا باسم الدين .
ملعون أبو الثورة اللى تقطع عيش الغلابه اللي بيشتغلوا ليل ونهار .
ملعون أبو الثورة اللي تقفل محل راجل غلبان بيدفع 4000 ج ايجار الشهر عشان توفر كهربا لغزة .
ملعون أبو الثورة اللي تموت ظباطنا وجنودنا عشان ترضى أهلك وعشيرتك.
ملعون ابو الثورة اللى تخلى واحد زى عبود الزمر يتكلم عن الدستور والقانون .
ملعون أبو الثورة اللى تجيب أشكال تقول عليك انك كافر وملحد وشيوعى وماسونى عشان مجرد بتقول رأيك .
ملعون أبو الثورة اللى تخلى واحد زي أمير قطر ملوش 30 لزمه يحكم مصـــر .
ملعون أبو الثورة اللى تخلى البنت تتجوز ف سن 9 سنين .
ملعون أبو الثورة اللى تخلينا نشحت من كل الدول .
ملعون أبو الثورة اللى تخرج ارهابيين يقتلوا ف جنودنا ويدمرو جيشنا .
ملعون أبو الثورة اللى تخلى سيناء امارة اسلامية .
ملعون أبو الثورة اللى تهدم دولــة الـعـدل والـقانون .
ملعون ابو الثورة الي خليتنا نشوف اشكالكم .

عمرو يوسف said...

امريكا بتطلب من مبارك الديمقراطية فيئوم عامل جماعة اسمهم الاخوان المسلمين ها عايزين ديمقراطية الاخوان هيحكموا وهم ضدالديمقراطية فامريكا تئول اللى نعرفه احسن من اللمنعرفوش فيدخل ايمن نور السجن بمباركةالاخوان البرادعى يئول اوعوا تخشوا الانتخابات دى تمثلية يدخلو ا ومينسحبوش الا بعد موافقة الحكومة بحجة هنشاور برضه بيكرروا انفسهم ها ياغرب عايزين ديمقراطية الجهاديين هيمسكوا طب والله الاخوان والنور مشاركين من تحت لتحت وقيادات الاخوان عايزين يركبواماينزلوش عمرو ابن الخطاب كان لا ياكل الا الزيت نفسى اشوف سلفى اواخوانى فقير ده العيال الصيع عندنا ركبوا عربيات لانهم مشيوا مع السلفيين ومبيشتغلوش عايز اعرف الفلوس دى منين

احمد بدران said...

انا اتمنى تطبيق الشريعة الاسلامية .. و نفسى اعرف ليه الناس خايفة من تطبيق الشريعة الاسلامية و لا هو كل واحد اتعود انه يعيش بمزاجه .. اللى شايف نفسه صح او عايز يعيش صح و يتوب عن اخطائه هايتمنى تطبيق الشريعة الاسلامية لكن اللى مش عايز الاسلام يدخل حياته و يعيش بمزاجه اكيد هيعارض تطبيق الشريعة الاسلامية

ashraf said...

ما قاله ابو الاشبال .. هو الهدف .. حرب اهليه واللى يكسب يعيش .. لا برافو .. نجحتم من قبل فى ان يكره الاسلام كل من هو غير مسلم .. والان تنجحوا نجاح باهر فى ان يكره المسلمين المعتدلين اسلامهم . وماذا بعد

enass elsyed said...

الاسلام وكتاب الله برىء منكم ومن اسلوبكم وافكاركم وربنا يقى مصر شركم انتم فعلانموذج مشوه للدين اتقوا الله فى تفسكم ياتنبلة بدون عمل حقيقى فى الحياة فكروا فى العمل الذى هو عبادة قبل ماتملؤا الدنيا ضراخ بافكاركم المشوه مصر اسلامية من الا ف السنيين باخلاقها لكن انتم غير مشوهين من الداخل والخارج شىء فعلا نخجل منكم ومن وجود امثالكم نموذج للدين لم اسمع او ارى واحد منكم كان يعمل على الخير او له دور حتى فى الزراعة او التجارة او الصناعة ليس لكم دور غير الصراخ والعويل وسحب الناس بافكاركم الملوثة والناس تلجا اليكم من ياسها لضيق ذات اليد او من خيبة امالها لكن خيبة امالها فيكم اكبر لانكم تقولون بما لا تفعلون اكسبوا اولا لقمة عيشكم من عملكم وبعدين ابقوا اتكلموا هل حابتم امية الشعب الذى لا يعرف القراءة والكتابة هل ساعدنم الارمل والايتام فى سبل العيش قبل التفكير فى جواز البنات فى سن 9 سنوات والمواقع الاباحية ربنا ينتقم منكم

أحمد علي said...

قـــادم قـــــادم جيش محمد قادم
نعم لتطبيق الشريعة الإسلامية في مصر وهي بعونه جل جلالة ستكون بداية الطريق نحو الخلافة الإسلامية في العالم كله من المشرق إلي المغرب .
خيبر خيبر ( يامن تأبي ) تطبيق شرع الله خيبر خيبر (يا علمان ) خيبر خيبر ( يافلول ) خيبر خيبر ( مدمنوا +18 ) خيبر خيبر ....( يا يهود - يامسيحيين - يابوزيين - يافنانون ومن عاونهم - يارقاصات ومن توجه إليهم - يا تجار الخمور ومن شربها وإشترها وحملها - يا أصخاب لسينيمات- ياأصحاب الكاباريهات - ياأصحاب المسارح - يا أصحاب بيوت الدعارة -ياقادة الدول الخليجية التي لا تريد نجاح الثورات العربية عامة وفي مصر خاصة ) خيبر خيبر .. خيبر خيبر جيش محمد بالفعل قاد عاد وسينتصر بفضل الله

foxtiger said...

ماذا لو تم تطبيق الشريعة ؟؟؟؟

كدة مشاكل مصر اتحلت !!!!!!!!!

هو مرسى بقى رئيس لحل مشاكل الاخوان و تنفيذ مطالبهم ؟؟؟؟؟؟؟؟

اين مشاكل المواطن المصرى المعدم . المطحون .

اين الحلول لمشاكل الاسرة المصرية

اين الحلول لمشكلة البطالة .

اعتقد ان هذه المليونية . هى بحث عن اى نجاح للاخوان

و ان ما تم حتى الان هو فشل زريع فى ادارة البلد .

يا ناس افهموا احنا مسلمين و لسنا اقل منكم ايمانا بالله

لم نلمس نجاحا واحدا حتى الان . حسبى الله و نعم الوكيل

اسلام said...

موتوا بغيظكم فان شرع الله سوف يطبق رغم انف الحاقدين ورغم انف العلمانيين ورغم انف اللبراليين ورغم انف الفلوليين

foxtiger said...

لن يموت احد غيظا و انما السؤال :

اين الحلول لمشاكل مصر ؟

هل قامت الثورة لاجل الشريعة ؟

هل نادى بها احد ؟؟

عيش , حرية , عدالة اجتماعية

و الله العظيم كلنا مسلمون بس نرجوا البحث عن حلول للخروج من الازمة الاقتصادية

تكفير المجتمع اصبح الحوار الرائج هذه الايام .

اصبح الصوت العالى الغليظ هو صاحب الكلمة العليا

لن تنهض بلد يمارس فيها احتكار المناصب و احتكار الكلمة

لن تنهض بلد تمارس فيها كل الضغوط بزعم انهم المسلمون

و باقى الشعب هم كفار قريش

Nano Ghaly said...

البلد عوزا كبير