البنى لازم يتعامل كشهيد !!

ازاى يا جماعة مش اتعملت جنازة جماعية للبنى وليه مش لفتوه بعلم مصر وطفتوا بيه المحروسة شارع شارع وحارة حارة وزنقة زنقة هو يعنى يفرق ايه عن العيال اللى اقتحموا اقسام الشرطة وحرقوها فى جمعة الغضب ؟! الواد ده لازم يتعامل معاملة اصحابة من حارقى الاقسام وسارقى المولات التجارية الكبيرة ماهم دول المناضلين الجدد من بعد احداث وكسة ينايم .. هو عمرو البنى اللى اقتحم نايل سيتى ده مش كان بيعمل عمل وطنى ومهم ؟ الواد رايح يطالب باتاوة من ادارة الفندق وبما ان الفندق ملك لنجيب ساويرس يبقى من حق الواد البنى ياخد اللى نفسه فيه حتى لو كان اللى هو عايزة عيون نجيب ساويرس ذات نفسيهم ماهو ساويرس مسيحى يعنى كافر يعنى امواله حلال شرعا لكل بلطجى وخارج عن القانون .. نسيت اعرفكو على السيد البلطجى الكبير عمرو البنى الواد ده مسجل خطر فئة (أ) ولسه يادوبك خارج من السجن بقرار جااامهورى اد الدنيا مع السادة المناضلين اللى خرجوا واول ما شم هوا الشارع اخد ديل جلابيته فى سنانه وجرى على فندق ساويرس عايز الاتاوة اوم ايه تدخل ظابط ابن ناس طيبين وشهم وقاله مفيش .. هو الظابط ده اتجنن يقوله مفيش دى البلد فى ثورة الكلام ده كان زمان وجبر لكن دلوقتى من حق كل بلطجى يمشى بسلاح وآلى راح الواد مش كدب خير وعليه طلع الطبنجة واشتغل ضرب نار كسر واجهة الفندق واصاب ظابط وامناء شرطة وافراد الناس تقف تتفرج ؟ ماهو طبيعى يدافعو عن نفسهم ومكان شغلهم فكان الجزاء من جنس العمل واخد له رصاصة كومته مكانه عقبال الباقى قولو آمين .. اهل الود واصحابة البلطجية ما صدقوا سبوبة وجت لهم لحد عندهم دى ابراج ساويرس يا عم الحاج انت بتهزر ولا ايه ؟؟؟ اخدوا بعضهم وطلعوا جرى على هناك لازم الاول يرهبوا الناس قسموا بعضهم ناس تولع فى العربيات اللى فى الشارع وناس تسرق محتويات الابراج القتيل قصدى الشهيد كان شكله غالى عندهم اوى يغور الواد بلا ارف المهم يسرقوا ويغتنوا ويتنغنغوا كدا ... السيد عمرو البنى مفرج عنه بقرار جمهورى وده كان مسجل خطر وكان متهم فى اكتر من 27 قضية تفتكروا الجماعة الارهابية اللى افرج عنهم مورسيكو من يومين هيعملوا ايه بقى فى البلد ؟ فى انتظار ما ستسفر عنه الايام القادمة

تعليقات

‏قال د.احمد حسنى
المنطقة خلف ابراج نايل سيتى ....بؤرة ومنبع للاجرام والبلطجة ....الحل السريع هو تطبيق القانون بقوة وحزم ومن غير طبطبة ....الطبطبة بتولد بلطجية ومجرمين
‏قال yasser
فى العهد السابق كان التجمع لعدد معين ممنوع وكانت توجد قيود وحزم وايضا كان يوجد حرامية وبلطجية وقاتلين ونصابين ولكن لم نرى منهم اعمال بهذه القدرة والجرأة وبحجة غياب الامن . الضباط والعساكر يخرجون من بيوتهم لرزقهم المحفوف بالمخاطر لايعلمون ان كانوا سيرجعوا الى اطفالهم وبيوتهم مرة اخرى او لا ومع ذلك لسة الناس بتشك مين الغلطان .
عفوا ان كان رأى قاسى ولكن لابد منه . رجاء التعامل مع قاطعى السكك الحديدة واغلاق المصالح وتوقيف المصانع والمصالح تحت كارثة ونصيبه اسمها اعتصام . فيجب ممن يحملون مسئولية امن اطفالنا ونسائنا ان يتم التصرف باقصى سرعة مع كل من يحاول ان يبدى راية بالاعتصام , الذى هو بدورة خلق عدم هيبة الناس من الشرطة و اعتقادهم انهم على حق وفى استطاعتهم عمل الكثير . الله يعينكم يامن تتركوا اهلكم وتضعوا ارواحكم على كف لاتعلمون برجعة او لا
‏قال Ahmed
يجب علي وزير الداخليه الجديد بتكريم كل افراد الشرطه المعينيين للحراسه بي الفندق و صرف مكافات لهم بدايه من الساده الضباط الي اصغر فرد امن و اعطائهم شهادات تقدير من باب الحافز لهم من اجل بذل المزيد من الجهد و التضحيه و رفع الروح المعنويه للافراد و الضباط و كل من يصهر علي حفظ الامن و الامان لهذا الوطن لان الموضوع بقي فوضي عارمه في كل انحاء البلاد و سيذهب بنا جميعا الي الجحيم لا قدر الله و ربنا يجيب كل العواقب سليمه ان شاء الله
‏قال عصام احمد
والله رجال الشرطه يستاهلوا كل التقدير لمواجهتهم هذ الفئات الضالة المضلة ... عايزين يفرضوا اتاوات .... أهو لقى جزاؤه وبرافو الشرطه
‏قال عصام صبحى
لابد من الضرب بيد من حديد على مثل تلك الفئة التى فاقت فى فجرها وفجر تصرفاتها والبجاحة ما يلتمس لنا العذر فى ألا تأخذنا شفقة بمثل هؤلاء الناس أو من يقف ورائهم حتى تستعيد الدولة هيبتها مرة أخرى وكفانا ما يحدث
‏قال زهرالورد
مادام القاتل معروف لاهل القتيل ما الداعى لتخريب المنشأت ؟
‏قال حسام البرنس
لابد من استرجاع هيبة الدولة وهيبة جهاز الشرطة
لا ينبغى أن نسكت على إهانات البلطجية لضباط الشرطة.....منذ يومين تعدى أثنين من البلطجية بمنطقة الطالبية-هرم على عميد شرطة وقام الأهالى بتخليص العميد من بين أيديهم
كل هذا خطأ فادح.
لابد من القبض على البلطجية فورا واسترجاع هيبة الشرطة حتى لو أدى الأمر إلى السماح للشرطة باستخدام العنف مع البلطجية.
لابد من ان تحكم مصر بيد من حديد والا ستدمر مصر على يد البلطجيه الوحيدين الذين استفادو من الثورة فى كل شىء
‏قال المهندس آسر
ربنا يحمي اخونا الضباط ويكون في صفهم في وش البلطجية وياريت. نخلص منهم وتعود مصر بلد الامان من تاني
اخشى ان يكون هناك مخطط لاشعال الفتنة الطائفية فى مصر خصوصا ان الموضوع متشابك بين الشرطة وساويرس والبلطجة والفقر واخلاقيات الحياة التى تحكم مصر ولماذا لم يقدم الفندق وجبات افطار فى رمضان للاهالى الفقراء فى رمضان بدلا من ان يدخل هولا ء الجائعين لسلب الفندق انا ارى ان حل هذة المشكلة تنية هذة المنطة خصوصا انها تقع فى وسط البلد والتنمية المادية والاخلاقية لابد ان تسير فى اتجاة واحد
‏قال حسب الله
فعلا " ..هناك ايادى خفيى ..وراء تلك الأحداث التى تأن منها بلدنا مصر -الآن ....!
فيقوا با اهل بلدى الكرام .. قبلما نقضى على اليابس و الأ خضر - نحن اصحاب الحضارة والتاريخ ودعوة الأ نبياء والرسل- اقوى من ان تنال منها ..هذه الأ حداث الصغيرة لآ صحاب العقول الصغيرة ايضا " - الحمد لله ان تتأثر السياحة بمثل هذا الحدث الضخم ؟ بالنسبة لهذا القطاع الحيوى .. و هلما نحن جميعا ان ننسى ..مثل نسباننا احداث مماثلة من فبل - و لا ينفع البكاء على اللبن المسكوب ..؟
فقط اود ان اقول لكل مصرى اصبل .. ان لا يصبح لقمة صائغة ..لهذه القلة التى تريد ان تعبث ..بمقدرات بلدنا الشامخة دوما " .. خثئاتم يا جبناء .
تحية خاصة للشم ابن البلد الشاطر .. و تعظيم سلام لكل من يتصدى لهؤلاء الجنباء الخونة
لابد ان تؤ من كل المنشآت الحيوية - بتطويع المذيد من الشباب - واعتقد ان احدا لا يتأخر عن خدمة الوطن - [ان تحاكى الداخلية الجبش فى التجنيد .
‏قال علام المصرى
يجب أستعمال قوة القانون لمن يهدد أمن مصر وبكل سرعة وحزم وعلنية!!
‏قال محمد طايع
البلد باظت
ابقى سلملى على الاخوان وعلى مرسى
‏قال احمد فتحى
ايه الى حصل فيك يا مصر بلطجية اخوانية اكيد عشان ساويرس ارحموا مصر يا اخوان
‏قال hesham
امتى نخلص من الفوضى دى ؟؟!!
‏قال HEMA
رأيى اللى يمسك بلطجى يتقطع حتت ويترمى للكلاب مش حرام فيهم الناس دى عاوزه البلد تخرب او يرجع النظام القديم
‏قال غير معرف…
على الشعب القصاص الفورى من البلطجية فى نفس المكان
لن تجدوا بلطجى واحد
‏قال meroo
ايه دا بجد الواحد كره نفسه فيين الأمن اللي كنا نعيش فيه الله يرحم ايام العادلي الوحيد اللي كان يعرف يلم الاشكال دي
اين قانون مكافحة البلطجه - فرح اعضاء مجلس الشعب السابق بالغاء قانون الطوارئ وفرحوا بالغاء الضبطيه القضائيه للعسكري وجري البعض يطالب بالافراج عن كل المحكوم عليهم امام المحاكم العسكريه - طيب والبلطجيه نعمل معاهم ايه - اليس الاولي ان يحاكم هؤلاء محاكمات عسكريه لما لهذه المحاكمات من سرعة تنفيذ وعقوبات مغلظه تحمي المجتمع من فساد هؤلاء
وزي البلطجيه من يثيرون الفتنه الطائفيه - لما لا يحاكم البلطجيه ومثيري ومفتعلي ومحرضي ومشاركي الفتنه الطائفيه تحاكم هاتان الفئتان امام محاكم عسكريه ويحكم عليهم باقص العقوبات والتي من الممكن ان تكون اعدام لانهم مفسدون في الارض يستحقون حد الحرابه ومنها القتل - لانهم يدمروا استقرار البلد وامنه وسلامته ويضيعوا الاستثمارات والاموال ويدمروا الاقتصاد والسياحه ويدخلوا البلد في حرب اهليه
‏قال melo
هما عايزين ساويرس يصفى ويسيب البلد بس دة بعينهم زى ما عملو ضغط على مصانع كليوباترا وابو العنين سلم وبصم بالعشرة وهيبيع المصنع ومجموعة الشركات بتاعتة لشركة قطرية بيعملو نفس فكرة الضغط على عائلة ساويرس وعايزين قطر تتحكم فى جميع الاستثمارات المصرية علشان تبقى روحنا فى ايديهم بس دا بعدهم لازم المصريين كلها تتوحد ضد الفوضى وضد تخريب اقتصاد مصر

المشاركات الشائعة