حملة 25ابريل

انا مش عايزة الناس الشماتة واللى فى قلبها السواد واللى عايشين فى الحياة زى البقر مش عارفين فيها غير الاكل والشرب ونايمين فى بيوتهم عالة على الدولة واللى الاخوان فهموهم وقالوا لهم خليكو معانا ونجحونا فى الانتخابات واحنا هنجيب لكو فلوس مبارك ونوزعها عليكو وانتوا نايمين وفى الاخر اخدوا الخاذوق الأعظم .. دول اصلا مش بشر ولا ينتموا للإنسانية باى شكل من الاشكال .. وبالتالى هما ساقطين من جميع القوائم .. قوائم الشعب المحترم اللى لا نزل من بيته ولا قل ادبه .. مصر عمرها ما كانت ولا هتكون ميدان التحرير
.. وعلشان عدد الناس المحترمة اكتر بكتير
فى يوم النسيم ويوم عيد تحرير سيناء بنقولها للقائد العظيم اللى عيش مصر فى امان خارجى وامان داخلى امان 30سنة مفيش واحد فكر يدخل ارض مصر وامان داخلى كنت بتمشى فى بلدك بكل امان وثقة والنهاردة لو المغرب اذن وانت بره البيت بتمشى تتلفت حواليك .. لو عندك عقل بجد فكر وقارن وحلل كلموا الغلابة عن غلاء الاسعار .. والنهاردة السلع دون استثناء اسعارها الضعف .. ضحكوا على الباب بكلمة البطالة والنهاردة اللى كان بيشتغل انضم لصفوف البطالة الواقع قدامك خير شاهد على الانحدار اللى دخلنا فيه ووصلنا له .. الرئيس مبارك الاب قبل ما يكون القائد .. الزعيم . زعيم الامة العربية .. بكره التجمع الساعه 12الظهر أمام ماسبيرو وفى ناس جاية من كل المحافظات .. فى اتوبيسات بدأت تطلع فعلا من المحافظات البعيدة اما محافظات الشرقية والدقهلية والاسكندرية فالاتوبيسات هتطلع من قدام مبنى المحافظة .. لو بتحب مصر بجد حافظ على مصر .. وخاف على مصر .. اوعى تعمل زى الجرابيع اللى قاعدين يحرضوا ويقلوا ادبهم على كبيرهم .. احنا مش عايزين غير العدالة ولو الموضوع ده خرج من ايدينا عمركو لا هتشوفوا ولا تسمعوا عن كلمة اسمها عدالة ... بتوع ميدان التحريض الاخوان والسلفيين يلعبوا فى عقولهم واليساريين وبتوع 6ابريل بيقبضوا دى حتى اسراء لسه فى واشنطن بتتكرم هى وائل وغنيم .. لكن المصريين الشرفاء الى بجد هينزلوا مسيرة رد الجميل اللقاء الساعه 12ظهرا امام مبنى ماسبيروا المحافظات
الى هيجى من اسكندرية يتصل على الرقم ده ؟
0107977710
واللى هيجى من الشرقية يتصل على الرقم ده
0116766656
واى حد فى اى محافظة هناك مصطفى دلوقتى قدام ماسبيرو يتصل بالرقم
0112695325

Comments

marwa said…
المنوفية بدأت يا نونا
Desert cat said…
اه شوفتهم
ونزلت الفديو دلوقتى على الفيسبوك
masry said…
yarab bokra el youm y3ady 3la kheeer
Desert cat said…
ياااااااارب
واحد معدى said…
اشكرك على مجهودك يا حنان
انتى بنت مصرية اصيلة
Anonymous said…
هو انتى عاملة الحملة على اسم عيد ميلادك ؟
مصرية said…
ناااااااااااازلة معاكى يا نونو
Desert cat said…
تشرفى يا جميل
mag said…
انا كمان جاى وربنا ينصرنا
مصرية فى الخارج said…
ياريتنى كنت فى مصر
كان نفسى اكون معاكو
jak said…
انى قااااااااادم
mohammed said…
انا اصحابى نزلوا
واسمحى لى استغل مدونتك بقى يا نونو واعلن انى نازل دلوقتى ومعايا ناس اللى عايز يجى يعتصم معانا من النهاردة احنا قدام ماسبيرو
Desert cat said…
يارب يا مجدى
Desert cat said…
مصرية فى الخارج

كانك معانا يا جميل
Desert cat said…
jak

تشرف وتنور يا جاك
Desert cat said…
mohammed

برافوا يا محمد
خدوا بالكو من نفسكو واحنا جايين لك الصبح
الثوره تهب ريحها حتى على السعوديه said…
تجمعت نحو عشرين سيدة سعودية مساء السبت امام احد مراكز الانتخابات البلدية في مدينة جدة على ساحل البحر الاحمر للمطالبة باشراكهن في التصويت والترشح بعد ان تم استثناءه

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز