Desert Cat Search
قطه الصحراء: عاش الملك .. مات الملك

Monday, February 21, 2011

عاش الملك .. مات الملك

وبعد توالى سقوط الأقنعة واللى كان بيبوس القدم لآل مبارك النهاردة ناصب ليهم محاكم تفتيش على اساس انه هو الطاهر الشريف العفيف . .. يعنى براهيم عيسى اللى أخد عفو رئاسى وكان ناقص يروح يمسح السلم فى القصر الجمهورى عرفاناً وإعترافاً بالجميل وفى نفس الوقت عامل نفسه مناضل ومنحاز للشعب الغلبان يا حرام غلبان خالص وهو مرتبه خمسة وسبعين الف جنيه فى الشهر شوفتوا الغلب وصل لحد فين
والقرداوى اللى عامل زى الحاوى وقاعد يتنطط كما البهلوان ايشى حاخامات وايشى ملوك وامراء ولما انهارت مصر كان اول الكلاب فى ميدان التحرير ولامم حواليه شوية معيز كل وظيفتهم يقولوا ماااء بيتكلم عن ثروة آل مبارك وهو ولاده متعلمين فى بلاد الفرنجة الكفرة وارصدته متورمة فى بنوك سويسرا الزنادقة وبرضه جاى يتمسكن وعامل نفسه فى صف الغلابة والفقراء
اما محمود نحس اللى فضحه انس الفقى وكان امنية حياته يروح يعمل لقاء مع الرئيس مبارك لكن واضح ان محمود نحس فاكر انه شخصية وهيقابله فعلا مبارك ولا يعبره وبعد رحيل مبارك عامل محاكم تفتيش ويبحث عن ثروة آل مبارك وهو بتاع الغلابة يا حرام يتقاضى 9مليون جنيه ده اغلب من الغلب بشوية .. وسبحانه مغير الاحوال قبل 25يناير كان عامل زى الصعلوق ويقدم فروض الولاء والطاعه والنهاردة عامل نفسه فرعون وقاضى القضاه وحامى الحمى
ونشوف اللاختلاف قبل وبعد والفرق فى طريقه الكلام والتعامل بث حى يا حرعان



ياريت بقى السادة المسؤلين ياخدوا حذرهم بعد كدا من المتسلقين والمتسولين والمتملقين والضرب بيد من حديد على رؤس كل المنافقين

28 comments:

khaled said...

انها فرصة الاقزام يا عزيزتى

Anonymous said...

شوفتى الطريقة اللى بيتكلم بيها كلها سهتنة
اتمنى اللى جاى ياخد باله من بتوع عاش الملك مات الملك وينضف الاعلام منهم

mag said...

انا بقيت محتار يا حنان وزهقت وقرفت من اللى بيحصل ده والناس اللى بنتخدع فيها

Anonymous said...

ايه القرف ده يا قطة انا معرفشى ازاى اللى زى محمود سعد ده مستمر لحد دلوقتى رغم نفاقه الواضح ده

مصرية said...

يا بنتى حرام عليكى اللى بتعمليه فينا ده احنا زعلانكى فى حاجه
كل يوم ناشرة لنا فديوهات وصور لناس تسد النفس

ELVIRA said...

شوفتى يا حنان اللى حصل مع وائل غنيم فى التحرير لما القرد خلى الحرس بتوعه يبعدوه عن المنصة
قوليلى كدة الثورة دى راحت فين ؟!!!

remas said...

ردى بعيد عن الموضوع خالص
نو نو يا نونو وحشانى بجد يا نونو
حاولى تفضى شوية يا مشغولة هانم وحشتينى وعايزة اشوفك يا تيجى لى يا اجيلك فكرى بسرعه

Anonymous said...

يخربيتك ده انتى مدونتك مشهورة جدا لسه بعمل عليها سيرش فى جوجل لاقيت مواقع كتير ناقله منها واغلبهم مواقع مشهورة

السى ان ان والعربية واليوم السابع ومواقع اجنبيه كتير
انتى مين يا قطة ؟

jak said...

masdom

واحد معدى said...

فوضى يا دنيا فوضى
فوضى وراح النظام
فوضى عايزينها فوضى
الاخوان ودلاديلهم من الصبيان

marwa said...

معلشى يا حنان انتى عارفه مدى حيك ومعزتك فى قلبى لكن اللى انا شيفاه ان خلاص المركب غرقت ومهما فضلنا نطلع من اخطاء مش هنخلص علشان كدا يا ريت تركزى ازاى نصلح ونرجع بلدنا على الاقل زى ما كانت اصل احسن مما كانت دى حلم فخلينا واقعيين احسن انتى اسلوبك فى الكتابة سلس وبيتفهم بسرعة وفى نفس الوقت فيه وعى علشان كدا لازم كلنا نستغل عقول بعض فى الوصول للأمان

Anonymous said...

nefsy atmen ya nana 2l2an

Ms Venus said...

كل بوست بتكتبيه يا قطة بدخل اقراه لكن بسكت ومش بعلق

لنفس السبب اللى قالت عليه مروة


خلاص اللى حصل حصل


واللى حصل مش كله وحش

فى ناس مشيت تستحق فعلا اللى حصل فيها

الاهم دلوقتى نعمل ايه فى بكرة

نلحق بلدنا ازاى ومنخليش الارهابيين والمنافقين يستولوا عليها


لو دخلتى عندى وكنت بتشوفى انا ازاى كنت خايفة وبقول كفاية

لكن محدش سمع

مش هتكلم فى اللى فات لان مالوش فايدة

المهم بكرة

وربنا يستر

Desert cat said...

khaled

واطوال مش بيتكلموا ليه ؟
ساكتين ليه ؟
سايبين الفرصة للأقزام ليه ؟

Desert cat said...

Anonymous

ده انا سمعت ان وزارة الاعلام اتلغت ويبقى اتحاد الاذاعة والتلزيون المسئول يعنى محاميحو والمتسلقين اللى زيه يقدروا يظبطوا نفسهم اكتر واكتر

Desert cat said...

mag

لقد انطفأت عيوم الاندهاش يا عزيزى من الاكتشافات المذهلة اللى بنشوفها كل يوم

Desert cat said...

Anonymous

مستمر علشان الـ9 مليون جنيه اللى بياخدهم من ضرايب الشعب الغلبان اللى بيدعى الدفاع عنه

Desert cat said...

مصرية

ههههههههه
معلشى اشمعنا انا نفسى تتسد لوحدى يعنى

Desert cat said...

ELVIRA

كدا راحت مارينا يا اوليفا
ثورة ايه بس وبتنجان ايه
دى بقت مهلبية خالص والبركة فى الاخوانجية

Desert cat said...

remas

انا خلاص فكرت وبقولك انتى تشرفينى يلا تعالى حلا

و اظن بقى انتى بقيتى عارفه الطريق لوحدك اصل موضوع اقابلك فى نص الطريق علشان تقدرى توصلى ده مبقاش ينفع اتعلمى توصلى لوحدك انتى خلاص كبرتى
هههههههههههههه
انا المفروض انزل خلال ايام لو حصلت اى ظروف هكلمك تيجى لى انتى

Desert cat said...

Anonymous

انا اللهو الخفى
عووووووووو

Desert cat said...

jak

سلامتك

Desert cat said...

واحد معدى

هههههههههه

ده مين مؤلف الاغنية العظيمة دى ؟

Desert cat said...

marwa

انا عارفه يا جميل
بس لازم نوضح اخطأنا ونعترف بيها الاول علشان نقدر نصلحها ولما نصلحها اكيد كل حاجه هتتصلح بالتبعية

Desert cat said...

Anonymous

لا مش ينفع تطمن
تطمن ايه فى المستقبل الضبابى ده

Desert cat said...

Ms Venus

لا اللى حصل كله وحش واوحش مما اى د يتخيل لما البلد تبقى فوضى من جميع الجهات وكل الفئات الزبالة تستوحش وتفتكر نفسها بقت مركز قوة يبقى اللى فات وحش لانه ساعد على الاوحش اللى بيحصل واللى هيحصل

Anonymous said...

محمود سعد منافق وكلب ابن كلب لكن انتى كمان بنت ستين متناكه لانك عايزه تبوظى ثوره شان واحد وسخ زى امك

sun of free dom said...

بجد ربنا يهديكى