الشعب يريد إخلاء الميدان

كان فى لغز كبير أوى كان حله إمبارح من قلب ميدان التحرير .. كان كل لما حد يتكلم ويقول مبارك يكمل مدة الحكم وده الشرعى والدستورى يعنى دى منه ولا هبه من أى حد كانوا يقولوا يا عميل يا خاين .. ولما راح لهم شباب 25 يقولوا لهم يا جماعة كفاية امشو بقى البلد بتولع هتبوظوا اللى عملناه طلع عليه كلاب الإخوان وأعوانهم الإيرانيين والعراقيين والفلسطيين القابعين فى قاعدة التحرير العسكرية امشوا يا عملاء يا خونة .. لما الناس اتفاجأت ان مش دول شباب 25 اللى نزل أول يوم راحوا فضحوا لبعض على الفضائيات ان الناس الموجودة هناك لحد دلوقتى كل يوم بيمر يكون بأكبر قدر من الإستفادة تقريباً اليورو خلص دلوقتى فى موبيلات كلها شبه بعضها واجهزة لاب توز الحاجات دى مصدرها ايه ؟ لاء لاء لاء اوعوا حد يقولى مصدرها إيران اللى خامئنى لأول مرة يلقى خطبة الجمعة باللغة العربية ومن 7شهور كمان ؟ ده احنا طلعنا مهمين اوى خالص يا جرعان بس ده مش لوجه الله لا سمح الله .. اصل الحاج خامنئى طالع يمد ايده هو كمان فى حتة التورتة اللى افتكروها وقعت لكن ده بعدهم .. بيقول ايه بقى الكابتن خامنئى أن التحركات الشعبية فى تونس ومصر بوادر حركة إسلامية شيعية . يا ختشى كميلة .. لاء وكمان زود فى غبائه وتابع ان الثورة في تونس والاحتجاجات الشعبية في مصر هي "بوادر يقظة اسلامية" في العالم مستوحاة من الثورة الاسلامية الايرانية عام 1979 ايشى خيال يا ناس .. ان احداث اليوم في شمال افريقيا في مصر وتونس وبعض الدول الاخرى لها مغزى خاص بالنسبة لنا. هذا ما كان يقال دوما عن اليقظة الاسلامية لدى قيام الثورة الاسلامية الكبرى للامة الايرانية وهذا ما يظهر اليوم .. يعنى يا خامنئى عايزنا نمشى مبارك دلوقتى علشان اللى يخالفك فيما بعد وده بعيد عن شنبك ده لو كنت راجل يعنى وعندك شنب علشان اللى يخالفك يبقى خالف المهدى زى ما أعلنها أحمد خاتمى قبل كدا ووقتها إقامة الحد عليه وعلى اللى جابوه تبقى واجب شرعى بس برضه بشكرك انك اتكلمت عن اللى فى قلبك .. و فى إنتظار بقى الحمساوية يخرجوا من جبنهم ويعترفوا هما كمان انهم ورا التخريب اللى فى البلد .. وانهم عايزينها اسلامية اسلامية حتى يتم كسر كل الحدود الجغرافية اصل الحدود دى كلها كفر ويدخلوا يستوطنوا سيناء ويسيبوا دولة اسرائيل الشقيق هانئة فى غزة واجوارها .. هو الواد الحمساوى اللى كان مسجون فى ابو زعبل وبعد 9 ساعات من هروبة كانت قناة العربية عاملة معاه لقاء فى قلب بيته فى غزة ده مين وصله فى الفترة الوجيزة دى ؟ ألا هو الواد بتاع حزب الله اللى كان اسمه سامى شهاب وصل لبنان إزاى يا نصر الله ؟ ألا هى أمريكا وواشنطن وتركيا قاعدين يضغطوا على المصريين اوعى تتنازلوا ولازم مبارك يترك الحكم الآن .. علشان يبقى الليلة يا عمدة نستوطن بقى فى مصر ماهى هيصة هى مش الدول دى كلها احتلتنا قبل كدا ؟ ثم هو أردوغان نسى نفسه مش ده اللى كان السنة اللى فاتت يبيد الأكراد بالدبابات ؟

هى الناس دى كلها دلوقتى طلع صوت خوفاً على المصريين من الحاكم الظالم الفاسد يا حلولى ؟ هى فرنسا مش كان فيها من اسبوع مظاهره وكانت تتسم بكل العنف اللى كان فى ميدان التحرير ؟ مش من باب أولى كل واحد يروح يشوف مشاكل بلده ويحلها ؟ سيبونا فى حالنا بقى قرفنا وعلشان ايه كمان محمد زفت بديع يروح يبدأ حوار مع المانيا فى احتمالات وقوع النظام ؟ بديع كمان طلع له صوت وبقى بيتكلم ؟ الجماعة القذرة اللى تاريخها كله دموية وسفالة وقذارة وإنحطاط بقوا بيتحاوروا كمان مع الالمان .. مش دول الكفرة ولا نسيتوا شهيدة المرجيحة اللى عملتوها خاذوق إلمانى ؟

بتعرفوا تقروا عنجليزى تانى ولا الجهل والغباء مسيطرين انا عارفه ان الاخوانجية واتباعهم واسلافهم من الجرابيع والمندسين اخرهم عربيزى مكسر هيع هيع هيع

Hizballah team breaks 22 members out of Egyptian jai

http://www.debka.com/article/20631/

الغريب بقى والمثير للضحك حتى الوقوع على الأرض إن العيال دى كل لما تيجى تتكلم معاهم وتقولهم انتوا مش كنتوا بتطالبوا بالتغيير ؟ يقولوا لك بس طالبنا بمحاكمة حبيب العادلى .. طيب ماهو ممنوع السفر ورصيده اتجمد .. يقولوا لك بس مبارك يمشى .. طيب لو مبارك مشى دلوقتى هتروحوا ؟ يقولوا لك لاء مش هنروح نحاكمه الأول .. طيب لو حاكمناه هتروحوا ؟ يقولوا لك لاء .. طيب لاء ليه ؟ يقولوا لك يا عميل يا خاين انزل المظاهرات بدل ما انت بتقبض من مبارك وقاعد تحبطنا .. تحلف لهم انك نزلت ومن القنابل المسيلة وحدف الحجارة شبعت .. بس انا ماليش يا حلوين فى التخريب وماليش برضه فى مساعدة الأجانب القابعين فى قاعدة التحرير العريقة الى كل يوم يتقبض على خمسة ولا سته منهم بالتوالى من دمار بلدى .. عينك ما تشوف بعدها الا الردح والتخوين والإتهامات بالعمالة .. فى الحالة دى لا تملك إلا أنك تقول لهم ماهى اللى مش عارف ايه تلهيك واللى فيها تجيبه فيك طيب ما تخليكو حلوين كدا ومتربيين وبما انكو ثوار وانتوا بتتكلموا معانا تظبطوا Body Language اصل كدا عيب اوى يا حلوين فاهمين ولا مش فاهمين ؟

ألا هو العيال بتوع مركز حقوق الإنسان اللى مقره فى وسط البلد لما اتقبض عليهم هناك كان بحوزتهم 40 مليون جنيه جابوا المبلغ ده كله منين وكلهم مش بيشتغلوا بس لما يشوفك على الفيسبؤ ويجى يرسم نفسه ويكلمك لما تسأله انت بتشتغل ايه يا سكامنث يتقمع ويتنحنح ويقولك انا ناشط حقوقى ؟ هذا ويعلن المعتصمين بقاعدة ميدان التحرير العسكرية أنه على كل من يريد الثورة على حاكمه فهما فى الخدمة وهيأجروا لهم ميدان التحرير بالمتر وللحجز أو الإستعلام اتصل على 0900

ونظراً للإقبال الشديد احجز دورك مقدماً اصل الثورة هتبقى بأسبقية الحجز وأوعى تعمل زى العيال بتوع سوريا هتفشل الفشل الذريع الفزيع الشنيع هو لازم كل الثورات يكون مقرها الرئيسة التحرير ولا خاب من اشتشار وشار وثار وفى عرض رائع اللى هيحجز ثورتين ورا بعض فى ثورة تالته اوفر

هو عمر عفيفى كان فى قناة الخنزيرة إمبارح بيتكلم عن اهم المناطق الاسترايتيجية فى مصر و بيرسم طريقة اختراق المواقع العسكرية ونقط إضعاف الجيش والشرطة معاً ليه ؟ طيب بعد كام ساعه خطوط الغاز المصرى إنضربت إزاى ؟

Comments

dr.lecter said…
انا اعرف واحده من اللي اتمسكوا في مركز هشام مبارك يوم الخميس اعرفها شخصيا ومتافيش خالص موضوع 40 مليون جنيه ده لانها اصلا مش محتاجه ده وبتشغل في وظيفه مرموقه واتبهدلت بسبب انها كانت بتدافع عن المعتصمين
ثورة 25 يناير مصدر الهام لكل المنطقه المتخلفه said…
قال ناشطون ان نحو 40 امرأة شاركت في مظاهرة نادرة في العاصمة السعودية الرياض يوم السبت للمطالبة بالافراج عن سجناء اعتقلوا بدون محاكمة
وفي دلالة نادرة على تزايد السخط في السعودية اطلقت مجموعة من الناشطين السعوديين حملة على الانترنت تدعو الى اصلاح سياسي في السعودية أكبر مصدر للنفط في العالم
وجاء الاحتجاج في وقت يحتشد فيه مئات الالاف من الاشخاص في الشوارع للتظاهر احتجاجا على الفقر والبطالة والحكم السلطوي في كل من تونس ومصر وهو ما أحدث هزة في انحاء العالم العربي..
امسة جمال فى مواجهة قبح الكلام said…
العيون ترى بوضوح .. هنا

واللغة .. لاشحم فيها

ولا صوت يعلو فوق صوت الأمل



كلهم هنا

يحملون بداخلهم نداءات .. كانت مكبلة

والمناضلون القدامى هنا

"يتممون" على أيامهم

والذين اختلفوا فى أول العمر

اتفقوا على الخطوة القادمة



والذين استشهدوا موجودون فى مكان ما هنا

ربما قرب دبابة

أو جنب طفل يحمل علما أو أغنية

أو قرب حنجرة الذى يتسلق أعمدة الضجر .. هناك

ليهتف ضد الخراب

ليهتف ضد الطاغية
ELVIRA said…
كل كلامك دة جه فى الجون يا قطتى العزيزة
العالم دى صعبان عليها تشوف أهل البلد و هم بيطلبوا التعقل
و سيناريو تونس اللى متحققش على أرض مصر
كأن المظاهرات و الاعتراضات فى تونس خلصت
عمرك شوفتى غل أكتر من كدة
Desert cat said…
dr.lecter

وانا برضه اعرف 4 فى مركز هشام مبارك معرفة شخصية ومش اتبهدلوا ولا حاجه وبما فيهم صحبتك .. هما كان المفروض اصلا مش يتاخدوا من المركز لأنه كان مجرد تفتيش يعنى اجراء طبيعى لكن المبالغ اللى كانت بحوزتهم كانت السبب فى انه تم القبض عليهم .. وكلهم برضه مش محتاجين بس البحر بيحب الزيادة
Desert cat said…
ثورة 25 يناير مصدر الهام لكل المنطقه المتخلفه

اغبياء لو كانوا اخدوا خبرة بتوع التحرير كان زمان السعودية كلها فى الشارع اهم دول مصيرهم الفشل الذريع زى العيال بتوع سوريا كدا
تونس ايه بقى اللى مبسوطين بيها ؟ وهما عملوا ايه ؟ خربوا البلد وقعدوا على تلها ولسه متلقحين فى الشوارع ؟؟
Desert cat said…
ا حلوين المولد انتهى خليكو قاعدين فى الميدان للى عايز يروح يسحب
Desert cat said…
ELVIRA

تونس ايه يا حبيبتى اللى عايزين يقلدوها ما هم التوانسة تايهين فى الشوارع وكلها يومين ويشحتوا .. كمان انتى تشوفى تعليقات العيال اللى فى الشوارع دى على الفضائيات تلاقيهم منتهى السفالة وقلة الادب وده معناه ان اللى موجودين هناك دول شرذمة من الزبالين وتربية الشوارع وتجار المخدرات والاخوانجية ولاد الوسخة
Anonymous said…
العراقييين اليوم بيحلفوا بحياة صدام حسين مع انة ضرب مدن عراقية وضرب شعبة بالسلاح الكيماوى مع الفارق الكبيير بينة وبين حسنى مبارك وان سبب انسحاب الشرطة عدم استخدامهم للرصاص الحى يعنى كانت هتبقى مجزرة وعدم استخدام الجيش لسلاحة مع ان حسنى مبارك بحكم الدستور القائد العام للقوات المسلحة وكذلك للشرطة ومع ذلك مأمرش بضرب الناس واللى بيكلم ان هما مش ماشيين من ميدان التحرير حتى يرجعوا حق دم الشهداء اقولة هو عدد الشهداء كام واحد 30؟ 40؟ 50 ؟ لو نزلت فى منطقة الدويقة او الزرايب اقل خناقة عدد القتلى لا يقل عن 60 كنتوا فين ساعتها ؟؟؟؟؟ اهدوا شوية وخلى الشعب يرجع لطبيعتة والريس قالكوا هو خلاص ماشى ومش هيترشح تانى وحتى هو لو كان فاسد حتى الان هو رمز لمصر وكفاية طردنا ملك (فاروق)وسممنا رئيس(عبد الناصر) وقتلنا رئيس(السادات) واهنا رئيس(مبارك) ومن حقة ان يدفن فى الارض اللى دافع عنها فى 73 اللى كانت قبل ما يتولد شباب 25 يناير ولا نسيتوا؟؟
Boneta said…
ضحكتيني يا قطه وانا مش لينا نفس اضحك
معاكي حق طبعا كله عاوز يخربها
الموضوع دلوقتي بقي تصفيه حسابات
كل واحد معاه مشكله مع مصر جاي يخلصها في التحرير
في مراسل في قناه فضائيه بيقول انه كان واقف في الميدان وجه عليه واحد من الاخوان وقال "هذا خـائن ..امسكوه هذا عميل" فالشاب قاله خائن مين ياعم انا هنا من يوم 25 قاله انت كاذب انت من اتباع الطاغيه والا لماذا تلبس بدله سوداء؟!!!!
شوفتي غباء وتخلف اكتر من هيييييييك؟
الراجل بقي خاين وعميل وجاسوس علشان لابس بدله سوداء
يا خراااااشي هما دول اللي عاوزين يمسكوا البلد :)))
جتها نيله اللي عاوزه خلف
Desert cat said…
Anonymous
كل واحد مش بيفكر غير فى نفسه انا مش باطلب منهم يحلفوا بحياة حد لكن المطالب اللى طلبوها تمت الاستجابة ليها يدوا الحكومة الجديدة فرصة تنفذ
انما الصراخ ليل نهار ده معناه انهم عالم ساذجة
Desert cat said…
Boneta

لووووول
انا شوفت حوار للشرذمة الباقية لحد دلوقتى فى التحرير بيقولوا مش هيمشوا غير لما مبارك يمشى الاول كل لما حد من الضيوف يتكلم ينطوا فى الكلام يوخونوه تخيلى بقى مدى ثقافة العيال دى ووعيهم الفذ وتقبل الرأى الآخر
Kontiki said…
هم قاعدين يمشوا الريس و يحلوا المجالس و يحاكمو العادلى و يعملوا مجلس حكماء او مجلس رئاسى ونبقى 100 راى و 100 رئيس و فوضى و تسيب و بهدلة وتخرب رسمى
والاكل اسعارة تولع والبنزين و ياعالم اية اللى يحصل ع الحدود و الجيش فى الشوارع و بعدين يروحوا وهم حاسين بالانتصار
Desert cat said…
Kontiki

هما قاعدين يتكلموا وفاكرين نفسهم الشعب كله .. واضح انهم اخدوا اكبر من حجمهم الحقيقى مش شوية عيال سافلة حتى طريقة كلامهم وتحاورهم تدل على انهم مش سمعوا عن كلمة اسمها تربية
والغريب انهم لازالوا يتمحكوا فى شباب 25 اللى التراب اللى بيمشوا عليه اشرف من اتخن تخين فيهم

Popular posts from this blog

قميص دهشور

كل تحرش وانتوا طيبين