Desert Cat Search
قطه الصحراء: فى مصر ستان

Monday, August 16, 2010

فى مصر ستان

الآن فى مصر ستان شاهد اقوى عروض المطاردات الأمنية فى شوارع المحروسة لاء ومش بس كدا ده كمان المحافظات السياحية خلاص زهقنا مش عايزين سياح خلاص قفلنا مصر بقت وهابية بفعل فاعل خلاص اتفضلوا من عندنا مصر بقت طلبانية
يعنى لما سيادة اللواء اسماعيل الشاعر يسيب البلطجية والمتحرشين والحرامية والنصابين متمتعين بكامل الانطلاق والحرية وينزل يدور على اللى بيشربوا سجاير فى نهار رمض
ان يبقى ده اسمه غير ان اغنية
الدولة المدنية مجرد اسم والفعل طلبانية




لما السيد محافظ البحر الاحمر يدرس قفل المقاهى فى بلد سياحى والسياحة مصدر دخل اساسى فيها يبقى ده اسمه ايه غير كوميديا وهابية كل ده علشان ايه ؟
ياترى فى قانون يحظر الفطار فى نهار رمضان ؟
ولو فى نزل امتا وعقوبته ايه ؟
وياترى فى قانون مقابل ليه لقفل المطاعم اللى بتقدم وجبات لحوم فى صيام الاخوة المسيحيين ؟

للدرجة دى المسلمين مشاعرهم مرهفه الحس لدرجة انهم مش طايقين يشوفوا حد بياكل قدامهم ؟

للدرجة دى الداخلية والسادة المسؤلين عندهم وقت فراغ كبير لدرجة انهم ينزلوا يدوروا على المفطرين ؟
للدرجة بقينا اغنيا اوى لدرجة اننا نستغنى عن مصدر من مصادر دخل البلد ونقفل الكافيهات فى وشوش السياح نقولهم بطريقة لذيذه بره بلدنا مش عايزينكم فيها اصلكم كفرة واحنا وهابيين بس متنكرين فى زى المدنية اللى كل يوم والتانى بيكشف عن عوراتنا اكتر واكتر

53 comments:

تحيه من ايمن الظواهرى واشاوس طلبان said...

ايمنم الظواهرى واشاوس طلبان يحيون
الأخوه المجاهدين
فى مصر الذين يفتشون فى الصدور عن مدى الأيمان

مزايده خطره said...

مزايده
انهم يزايدون على تيار اللعب بورقة الدين فى السياسه
بطريقه بلهاء وغبيه

انسان ممتنع عن الزواج said...

كل عام وانتى بخير

رمضان كريم


هو مفيش صح كلامك قانون يمنع التدخين او الافطار علنى فى نهار رمضان

بس فى حاجة اسمها انسانية ومراعاة الاخرين انا ايام الداراسة كان لى صديق مسيحى وكان حريقة سجاير وكان فى رمضان اسحالة يدخن او يفطر قدامنا مراعاة لينا رغم اننا كنا بنقول لية خد راحتك وهو لايرضى ابدا

حكاية قفل المحلات دى انا ضدها عشان فى اخوة مسحين لنا ومش شىء كويس ولا انسانى نقفل المطاعم والمحلات فى نهار رمضان

وكما قولت من هو انسان قولا وفعلاا هيخد راحة الاخرين فى بالو

تحياتى

حجه واهيه said...

حكاية تلكيكه
مش فاهم الحجه الخايبه ان الصايم مش قادر ياحرام يشوف واحد بيشرب سيجاره طيب لما انت كده ضعيف ماتصمش احسن
ده زى اللى كل شويه يتنفرز على الناس ويقول اصل انا صايم
وبعدين صيام ايه دا فى شهر رمضان الأستهلاك ثلاث اضعاف واللأسم صيام
بعدنا كتير عن حكمة الصيام
وما يمارس لا علاقة له بالدين

عقلية فرض الفضيله الظاهريه بالمنع said...

حجه واهيه2
هذه عقلية الفضيله بالمنع
حبس المراه فى البيت ومنع الأختلاط لفرض الفضيله بالمنع
وليست هذه فضيله لأنك لا تسرق بسبب انه حيل بينك وبين النقود وانما انت فاضل عندما تكون قريبا من المال ولكنك لا تسرق
مع ذلك
ولا يعرف ماذا كنت فاضلا ام لا الا فى الموقف الثانى
عندما تتعفف عن السرقه وكان بامكانك السرقه
ارجو ان تكون الفكره قد وضحت
وفى المجتمعات المغلقه تكون الفتاه اقل مقاومه للأغراء من فتاة المجتمعات المفتوحه التى تعودت على التعمل مع الرجال
اى ان النتيجه عكس ما يتصور السطحيون

اصبحنا متخلفين عن التخلف نفسه said...

تخلف عن المتخلفين
الغريبه بينما السعوديه تراجع الكثير من مظاهر التخلف والهمجيه فى عاداتها ونظمها وبعد الغليان الشعبى من المطوعين وميليشيات الفضيله المنحرفين
نجد عندنا من يحى ما تجاهد السعوديه للتخلص منه
يعنى متخلفين عن التخلف نفسه

Anonymous said...

طول عمري بغبائي كنت فاهمة إن القانون يعاقب على القتل أو السرقة أما الاشياء من نوعية الصيام والحجاب فدي اختيار شخصي وإلا ليه فيه ثواب وعقاب. طول عمر المحلات كانت فاتحة في رمضان وفيه ناس بتاكل وتشرب لا حد سأل دول مسيحيين ولا اجانب ولا مسلمين مش بيصوموا. طيب لو واحد مريض ولازم يفطر يشيل معاه تقرير طبي؟ والمسيحيين يعلقوا يافطة؟ طب واللي مش عاوز يصوم وخلاص والملحد اللي أصلا مش مؤمن بربنا إيه يصوموا بالعافية وخلاص. ياناس ربنا ادانا حق الاختيار حتاخدوه أنتم مننا ليه.

وعلى فكرة المسيحيين كانوا بيمتنعوا عن الطعام بإختيارهم مراعاة لمشاعر المسلمين ومشاركة ياترى دلوقت لما يحسوا إنهم مجبرين حيعملوا إيه؟

قمة في التخلف والغطرسة. أنا صح وكلكم غلط يبقى تمشي على مزاجي غصب عن اللي خلفوك. ياترى الخطوة الجاية إيه زي اسلامي بالعافية وناس توقفنا في الشارع تعلمنا الادب زي السعودية و إيران؟

مصرية من كندا وحزينة جدا.

Migo Mishmish said...

طب هو في سؤال لفضيله اللواء اسماعيل الشاعر
هو مش قتل خالد سعيد والتمثيل بجثته قدام الناس والكذب مش حرام برضه ولا اختلف عليها العلماء.
وصحيح اللي بيتمسك بيعملوا فيه ايه؟ بيجلدوه؟ ولا بيقطعوا ايده
Love,
MishMish

ELVIRA said...

كوميديا ايه دة خبر اسود من السنة اللى فاتت و هما كدة
صحيح اخوان ولا حكومة ماهى الحكاية جواز عرفى

عقلية فرض الفضيله بالمنع2 said...

عقلية
فرض الفضيله الظاهريه بالمنع2
ماهى خطورة ذلك ؟الخطوره هى فى اول فرصه تتاح عند غياب الرقيب حتحصل بلاوى
لأن الفضيله ليست نابعه من الضمير وانما مفروضه عن طريق المنع وليس الأقناع
وهذا الأندفاع معروف فى المجتمعات المغلقه
ولكنهم يفضلون دفن الرؤوس فى الرمال
المهم عدم المجاهره بالمعصيه
ولا مشكله ان تم كل شىء خلف الأبواب المغلقه

مبطلات الصيام من مقال علاء الأسوانى said...

مبطلات الصيام
أولا الأكل والشرب، ثانيا ما كان مثل الأكل والشرب، ثالثا الجماع، رابعا الاستمناء، خامسا القىء عمدا، سادسا نزول الدم من الحجامة، سابعا نزول دم الحيض أو النفاس من المرأة.. مبطلات الصيام إذن كلها تخص الجسد. مع أن الرسول (صلى الله عليه وسلم) قال: «من لم يدع قول الزور والعمل به فليس لله حاجة أن يدع طعامه وشرابه»..

بناء على هذا الحديث العظيم قال بعض الفقهاء إن هناك مبطلات معنوية للصيام مثل الكذب والظلم والنميمة، لكن جمهور الفقهاء حصروا مبطلات الصيام فى الأشياء الحسية أما السلوك المنحرف فهو فى رأيهم يضيع ثواب الصيام لكنه لا يبطله.. بالتالى فإن الصائم إذا تقيأ عمدا أفطر فى الحال أما إذا كذب ونافق وظلم الناس وأكل حقوقهم فإن ذلك لا يبطل صيامه.

بهذا المفهوم الغريب للصيام نجد أنفسنا وجها لوجه أمام القراءة المغلوطة للدين. لقد تحولت العبادات فى أحيان كثيرة إلى هدف فى حد ذاتها بدلا من أن تكون وسيلة للترقى وتطهير النفس.

من مقالة علاء الأسوانى الذى يحاول اعادة المنطق المفتقد فى حياتنا said...

هؤلاء المسلمون، فى فهمهم القاصر للدين، ضحايا لنوعين من المشايخ. مشايخ الحكومة ومشايخ الوهابية. أما مشايخ الحكومة فهم موظفون عندها يتقاضون رواتبهم وحوافزهم منها، وبالتالى يستخلصون من الدين كل ما يؤيد رغبات الحاكم مهما تكن فاسدة أو ظالمة أما مشايخ الوهابية فهم يؤكدون أن الخروج على الحاكم المسلم حرام حتى ولو كان فاسدا بل إن طاعته واجبة حتى ولو سرق مال المسلمين وجلد ظهورهم ظلما.

الوهابيون يشغلون العقل المسلم بكل ماهو ثانوى فى الدين. فى مصر عشرات القنوات التليفزيونية الوهابية، الممولة بأموال النفط، يظهر فيها يوميا مشايخ يتقاضون سنويا ملايين الجنيهات مقابل إلقاء المواعظ على المصريين الذين يعيش نصفهم فى الفقر المدقع. يظهر الشيخ من هؤلاء على الشاشة وبجواره إعلانات عن غسالات وثلاجات وكريمات لإزالة البقع الجلدية ومستحضرات لإزالة الشعر نهائيا من جسد المرأة..

elmasryeffendi said...

الهوس الدينى ما سابش اى حد سواء مسئول او مواطن عادى و كلها بقت وهابية طالبانية بس حلمنتيشية و عايشة كل حاجة بس فى السر و الظلام

Kontiki said...

الحرية الفردية فوق الجميع
الصوم او غيرة لربنا احنا مش دولة الملائكة المرهفة اللى مشاعرها بتتاذى
افصلوا الدين عن الدولة
كل واحد حر
كل بنى ادم حر

Anonymous said...

الموضوع وما فبه محاولة لأسكات الضمير، ممارسي العنف والتعذيب ،المنافقين،اللصوص ،المرتشين أمامهم فرصة أن يثبتوا لأنفسهم وللأخرين أنهم صالحين ومؤمنين كما أنها فرصة لجمع نقاط ثواب للمستقبل.
أما بالنسبة لموضوع عدم الأفطار العلني مراعاة لمشاعر الغير فلماذا تركب سيارة ولا تمشي مراعاة لمشاعر الغير ولماذا تتزوج ولا تظل عازب أو عازبة مراعاة لمشاعر الغير،لماذا ترتدي ملابس جديدة وهناك فقراء أين الإنسانية. حجة بليدة واهية . هذا الشهر اصبح كذبة رمضان وليس شهر رمضان.

ويكا said...

ههههههههههه

الغريب يا شيخه ، ان سبحان الله ربنا يأبى الا ان يذلك بيدك وكل من شاكلك .
مسميه نفسك قطه ، يعنى نوع من انواع الحيوانات التى لا تعقل .
مسيه التعليقات نونو معايا ، ولو صدقتى اكثر كنتى قولتى هوهو معايا.

بجد انتى مسكينه جدا جدا ده اذا كنتى واحده فعلا ، اون كنتى مسلمه اصلا.

س يا اموره ، انا صحيح مستغرب مدى الغل والحقد والبغض والكره الظاهر فى كلامك ومقالك للاسلام ده واى مظهر من مظاهر الدين.

لكنى مستوعب الى اى مدى تملكك الشيطان واستذلك وخبطك من المس.

انتى مسكينه فعلا
وصعبانه عليا.

بس عموما ان لم ترتدعى فابشرى بالذى يسيئك ان شاء الله.

الا صحيح انتى مستخبيه ليه ومش كاتبه اسمك او اى بيانات عنك؟ّ!!!
انتى خايفه لا الوهابيين يقيموا عليكى الحد ولا ايه.



بس عموما شكرا بجد

لانك بتخدمى الدين بطريقه هايله من غير ما تخدى بالك والله .
سبحان الله مهو قال برده
والله ان الله لينصرن هذا الدين بعز عزيز او ذل ذليل.
وان الله لينصر هذا الدين بالبر والفاجر.

ولو انتى تعرفى انتى بتخدمى الدين والحركه الوهابيه ازاى ، كان حصلك شئ.


ههههههههههههه
بارك الله فى عمرك واطاله الى ان تكتشفى كيف تخدمين الدين دون ان تلاحظى .
وليحرق صدرق بانتصار السنه وحيائها مره اخرى.

سلام

dr.lecter said...

لسه قاري الخبر عند علي باب الله

ننهي عن المنكر وناتي بمثله
فالحين اوي في تطبيق الشرع والسنه
اللهم اني صائم

دينا حامد said...

مش هقول عير

تخلللللللللف

BenBaz said...

لكسب الشعبية يا عزيزتي

Desert cat said...

تحيه من ايمن الظواهرى واشاوس طلبان

طبعا الظواهرى واعوانه يرسلوا احلى التحيات للمصريين المتميزين فى مطاردة المجاهرين

Desert cat said...

انسان ممتنع عن الزواج
طيب ياترى انت بتحافظ على شعور صديقك المسيحى فى صيامة ومش بتاكل قدامه اى منتجات لحوم او مشروبات فيها لبن ؟

Desert cat said...

حجة واهيه
اللى مقتنعة بيه بجد ان اللى مش قادر يصوم والناس اللى بتاكل قدامه بتجرح مشاعره ياريت يفطر اصل ربنا فى غنى عن جوعه وعطشه وهو بيحجر على غيره

Desert cat said...

مصرية فى كندا
انا شايفة بعد قلة الادب اللى بتحصل والانحطاط ده ان الاخوة المسيحيين اللى عايز ياكل فى اى مكان يتفضل براحته
والمسلم اللى بيتاذى من منظر الاكل هو اللى يروح يستخبى
بلاش قلة ادب ياترى المسلم اللى قاعد يتفرج على المسلسلات واعلانات الاكل فى نهار الصيام اخبار مشاعره ايه

Desert cat said...

Migo Mishmish
العلماء مش فاضيين غير لشعر المراة واللى بياكلوا فى نهار رمضان
والطبيعى الشيخ اسماعيل الشاعر بيتحرك باوامر عليا

Desert cat said...

ELVIRA

ماهو ابن الساعاتى سلم لواء الاخوان لدكتور الحمير والحزب الوطنى داير على كل لون يغازل الجميع فالطبيعى يبقى سمك لبن تمر هندى

Desert cat said...

elmasryeffendi
المفروض ان اساس الدين هو الضمير وبما ان الدين اختزل فى المظاهر يبقى ممكن اقول ان كل الكلاب دى معندهاش اى دين

Desert cat said...

Kontiki
ويتاجروا بالدين ازاى ويسترزقوا منين يا كونتا

Desert cat said...

ويكا

هههههههههههههه
لا تتخيل مدى سعادتى بردك
علشان الناس كلها تتفرج على وساخة وسفالة وقلة ادب وانحطاط اللى مسميين نفسهم متدينين
والطبيعى بما انك لا تفقه معنى كلمة عقل وبما انك منساق زيك زى الحمار خلف اسيادك اللى بيطلقوك زى الكلب على كل واحد مختلف معاهم فى الراى يبقى مش هنزل لمستواك ولا بيئتك ولا تربيتك اللى باينة من خلال كلامك انك تربية عشوائيات او كبيرك تربية رصيف اى شارع وقال ايه بتدافع عن الدين ماهو كل اللى بيقولوا بندافع عن الدين شراشيح علشان كدا اكتر ناس مشوهين الدين وبما انك مبسوط بمدونتى علشان الدين انا كمان مبسوطة اوى اوى بيك وبسفالتك والنبى يا شيخ وحياة الدين اللى انت بتشرشح علشانه وبتثبت للجميع ان كل اللى بيتكلموا باسم الدين عالم بيئة واخرهم يشتغلوا زبالين ما تقطع الزيارة ...
علشان الناس تتفرج براحتها على السفالة والانحطاط ومش تنسى تبلغ تحياتى لوالديك اللى خرجوا للمجتمع زبال شرشوح سافل زيك وبما ان دى تربيتهم يبقى اكيد هما ايه يعنى غير شوية زبالين

ههههههههههههههههههه

Desert cat said...

dr.lecter
اه طبعا شرع وسنة ومفيش مانع من سرقة او تحرش عادى يعنى

Desert cat said...

دينا حامد
اؤمن على كلامك يا دينا

Desert cat said...

BenBaz
ما انا بقول كدا برضه بس اى شعبية بالنفاق يا عزيزى

مهزلة المتاجره بعواطف الناس الدينيه said...

مهزلة القنوات الفضائيه المتاجره بالدين
الطابع التجارى الذى يغلب على معظم هذه القنوات ويحولها إلى حارة من حارات العتبة أو شارع الموسكى حيث يتم الإعلان عن السلع الرخيصة ووصفات العلاج بالأعشاب والتداوى بالعسل وحبة البركة، يذكرني ببعض الباعة الحواة الذين كان يلتف حولهم الناس زمان ليشتروا بودرة العفريت وزجاجات الدهان العجيبة التى تعيد الشيخ إلى صباه وتعالج كل الأمراض بداية من العجز الجنسي وحتى القلب والسرطان
وكثير من برامج هذه الفضائيات الدينية ليس سوى إعادة إنتاج لنفس الفكر المتخلف الذى تروج له كتب الأرصفة المشغولة بالثعبان الأقرع وعلامات الساعة وعذاب القبر وحوارات الجن مع الإنس وكيفية الوقاية من المس والسحر، وغيرها من الموضوعات ذات الشعبية الواسعة والتى اتفق معظم كبار العلماء على النهى عن الخوض فيها أو الإنشغال بها والاستغراق فى مناقشتها لأن كلها قضايا خلافية لم يقطع فيها أحد برأى، والوصول إلى نتيجة محددة فيها من الأمور المستحيلة، وهى فى المحصلة النهائية من باب العلم الذى لا ينفع.

***** said...

ياد يا ويكا
الطريقة السافلة اللي بيتكلمو بيها الناس مع مامتك هي تنفع بس للنوع بتاع مامتك

لما تخرج من البيت ابقا اتكلم مع الناس عدل احسن تتفعص

ومتنساش تعلم امك القراية علشان تشوف الحاجات اللي انتا كاتبها في مدونتك علشان متخلفش كمان حمار زيك

اخص على اللي خلفوكو تربية شوارع

يهاجرون بصحبة تخلفهم الى كل مكان said...

Hundreds of Muslim children in the UK are being withdrawn from music lessons at school because of their religious beliefs.
مئات من الأطفال المسلمين فى بريطانيايتركون دروس الموسيقى فى المدارس بسبب معتقداتهم الدينيه

يعتبرون من يخالفهم يخالف الأسلام said...

إزدادت نار الحرب الإعلامية بين حماس وفتح إشتعالاً، واتهم رئيس حكومة حماس المقالة إسماعيل هنية، حركة فتح محاربة الإسلام وملاحقة الإسلاميين في فلسطين وخاصة في الضفة الغربية، وقال إن السلطة الوطنية الفلسطينية تسعى لتنفيذ مخطط أمريكي إسرائيلي لضرب ومحاصرة التيار الإسلامي الذي تمثله حركة المقاومة الإسلامية حماس.
وتأتي هذه الانتقادات التي شنتها حماس ضد فتح بسبب القرار الذي اتخذته السلطة الفلسطينية والذي يقضي بمنع آلاف من الشيةح المنتمين لحماس وعلى رأسهم الشيخ حامد البيتاوي، من الخطابة في مساجد الضفة الغربية، وقالت حماس أن فتح قامت بإغلاق أكثر من 1000 مركز لتحفيظ القرآن الكريم.

Ms Venus said...

ربنا يحميكى يا قطة

القاضيه فى استراليا على حق ام لا said...

القاضيه فى استراليا على حق
ام لا
تدلي المرأة بشهادتها ضد مدير مدرسة إسلامية متهم بالحصول على أموال من خلال تضخيم عدد التلاميذ في مدرسته
الدفاع قال انه من حق هيئة المحلفين مشاهدة تعبيرات وجهها.

Kontiki said...

@ ويكا
بعد اذنك يا نمر :)
الحيوانات بانواعها انضف وارقى من عينتك
جتك البلا انت و اللى شبهك

الحقيقه البشعه said...

هؤلاء هم حماة الدين
انهيار تام
واقعة جديدة تنضم لسجل التعذيب وانتهاكات حقوق الانسان في مصر، شهدها ميدان عبد المنعم رياض في وسط القاهرة يوم السبت الماضي رابع ايام شهر رمضان، وصورتها عدسة «الأهالي»، بعد تعدي بعض امناء الشرطة

وعناصر اخري من قسم شرطة قصر النيل علي اثنين من الباعة الجائلين بصورة وحشية، بسبب رفضهما دفع الاتاوة اليومية أو الرشوة نظير السماح لهما بالبيع في الميدان، كما سجلت كاميرا "الاهالي" فيديو لعملية سحل البائعين وضربهما حتي سقطا علي الأرض مغشيا عليهما أمام المارة، وأدلي شهود عيان بشهادات مسجلة لـ «الاهالي» حول أسباب الواقعة .
وقال الشهود الذين رفضوا الافصاح عن أسمائهم خوفا من بطش رجال الشرطة إن الاعتداء علي البائعين عصام عربي وهاني عنتر، جاء بعد أن طلب منهما أمين الشرطة و يدعي "هاني" من قسم شرطة قصر النيل دفع الاتاوة وقدرها عشرة جنيهات أثناء قيامهما بفرش بضاعتهما، فطلبا منه أن ينتظر حتي يرزقهما الله او كما جاء علي لسانهما" بعد الاستفتاح " ثم يقومان بالدفع لأنهما لا يملكان مليما واحدا، فقام الأمين بركل طاولة بضاعتهما بقدمه ليتناثر ما فيها علي الأرض وقال لهم ( فرجوني بقي هتستفتحوا ازاي من غير ما تدفعوا يا ولاد الـ...... ).

الحقيقه البشعه2 said...

وأضاف الشهود: قام الشابان بتهديد أمين الشرطة بتقديم شكوي في وزارة الداخلية ، فانهال عليهما بالضرب المبرح هو وعدد من افراد الشرطة المعاونين له، وقاموا بسحلهما وتقطيع ملابسهما أمام أعين المارة ، ولم يوقفهم عن ضربهما أحد أو بكاؤهما وصياحهما (حرام عليك ياباشا أحنا صائمين)، حتي سقطا علي الأرض مغشيا عليهم اجراء ضربهما وتكتيفهما، ثم اقتادهما الامناء الي إحدي سيارات الميكروباص ، والتي أخذوها هي الاخري بالقوة ورغم أنف سائقها ليقوم بتوصيلهم الي قسم شرطة قصر النيل.
و قال أحد السائقين بموقف عبد المنعم رياض وأحد الشهود علي الواقعة منذ بدايتها ، إن أمين الشرطة كان يرافقه أحد افراد البلدية وهو دائم النزول معه ليتقاسما معا الاتاوة التي يحصلونها من البائعين، وما حدث مع البائعين عصام وهاني ليس بالمصادفة بل قاصدين جعلهم عبرة للجميع ولكل من ينوي الامتناع عن الدفع أو حتي لمجرد التفكير.
وأضاف: كل من يعمل في هذا الموقف يتعرض لبلطجة بعض رجال الشرطة ، حتي محصلي الكارتة التابعين للمحافظة يدفعون لهم اتاوة ، الي جانب استغلال جميع سيارات الموقف في اي وقت وتخصيص عربة تذهب يوميا لإحضار الطعام للقسم واخري للحملات، وكل هذا دون دفع جنيه واحد أو أدني أنواع التقدير.
ويصفهم أحد البائعين بمن لا يرحمون قائلا: ما حدث لـعصام وهاني ليس بجديد علينا ويتعرض له الكثير من البائعين، وأضاف: أذا جاء احد امناء الشرطة وأخذ علبة سجائر أو أي شئ من البضاعة وطلبت منه ثمنها يتركها ويرحل بكل هدوء، ويأتي في نفس اليوم وأثناء حملة القسم ويأخذني تحري أو اشتباه دون مقدمات او اسباب حقيقية، ليلقنني درسا لن أنساه وأتذكره جيدا عندما تمتد يداه مرة اخري علي بضاعتي .
وقال أحد الباعة الجائلين في نفس الميدان: يقوم الأمين يوميا بتحصيل مبلغ عشرة جنيهات من كل بائع في الميدان عن كل وردية (صباحية / مسائية )، مايساوي عشرين جنيها يوميا من كل بائع ، فيما عدا هذه "الفرشة" التي أعمل عليها، لأن صاحبها له نفوذ داخل "الحزب الوطني" ولا يجرؤ أحد أن يطلب منا مليما واحدا أو يأخذ بضاعة دون مقابل أو يجبرنا علي مغادرة المكان.
واضاف البائع أنه كان في السابق يمتلك طاولة بضاعة ومكانا مخصصا له ، وأجبرته مثل هذه الافعال البلطجية من قبل أفراد الشرطة علي أن يتركها ويعمل بالاجرة علي هذة الفرشة، حفاظا علي كرامته وأفضل من أن يأتي يوم ينام فيه خلف جدران السجون.
وعلمت "الأهالي" ان الامناء لم يكتفوا بما فعلوه مع البائعين في وسط الميدان وامام أعين الجميع ، بل قاموا بالاعتداء عليهما بالضرب داخل قسم شرطة قصر النيل علي يد أحد أمناء الشرطة ويدعي " محمد "، وتم تحرير محضر تسول لأحدهما واحتجازه وأفرج عن الآخر في نفس اليوم .

الحقيقه البشعه2 said...

وأضاف الشهود: قام الشابان بتهديد أمين الشرطة بتقديم شكوي في وزارة الداخلية ، فانهال عليهما بالضرب المبرح هو وعدد من افراد الشرطة المعاونين له، وقاموا بسحلهما وتقطيع ملابسهما أمام أعين المارة ، ولم يوقفهم عن ضربهما أحد أو بكاؤهما وصياحهما (حرام عليك ياباشا أحنا صائمين)، حتي سقطا علي الأرض مغشيا عليهم اجراء ضربهما وتكتيفهما، ثم اقتادهما الامناء الي إحدي سيارات الميكروباص ، والتي أخذوها هي الاخري بالقوة ورغم أنف سائقها ليقوم بتوصيلهم الي قسم شرطة قصر النيل.
و قال أحد السائقين بموقف عبد المنعم رياض وأحد الشهود علي الواقعة منذ بدايتها ، إن أمين الشرطة كان يرافقه أحد افراد البلدية وهو دائم النزول معه ليتقاسما معا الاتاوة التي يحصلونها من البائعين، وما حدث مع البائعين عصام وهاني ليس بالمصادفة بل قاصدين جعلهم عبرة للجميع ولكل من ينوي الامتناع عن الدفع أو حتي لمجرد التفكير.
وأضاف: كل من يعمل في هذا الموقف يتعرض لبلطجة بعض رجال الشرطة ، حتي محصلي الكارتة التابعين للمحافظة يدفعون لهم اتاوة ، الي جانب استغلال جميع سيارات الموقف في اي وقت وتخصيص عربة تذهب يوميا لإحضار الطعام للقسم واخري للحملات، وكل هذا دون دفع جنيه واحد أو أدني أنواع التقدير.

الحقيقه البشعه3 said...

ويصفهم أحد البائعين بمن لا يرحمون قائلا: ما حدث لـعصام وهاني ليس بجديد علينا ويتعرض له الكثير من البائعين، وأضاف: أذا جاء احد امناء الشرطة وأخذ علبة سجائر أو أي شئ من البضاعة وطلبت منه ثمنها يتركها ويرحل بكل هدوء، ويأتي في نفس اليوم وأثناء حملة القسم ويأخذني تحري أو اشتباه دون مقدمات او اسباب حقيقية، ليلقنني درسا لن أنساه وأتذكره جيدا عندما تمتد يداه مرة اخري علي بضاعتي .
وقال أحد الباعة الجائلين في نفس الميدان: يقوم الأمين يوميا بتحصيل مبلغ عشرة جنيهات من كل بائع في الميدان عن كل وردية (صباحية / مسائية )، مايساوي عشرين جنيها يوميا من كل بائع ، فيما عدا هذه "الفرشة" التي أعمل عليها، لأن صاحبها له نفوذ داخل "الحزب الوطني" ولا يجرؤ أحد أن يطلب منا مليما واحدا أو يأخذ بضاعة دون مقابل أو يجبرنا علي مغادرة المكان.
واضاف البائع أنه كان في السابق يمتلك طاولة بضاعة ومكانا مخصصا له ، وأجبرته مثل هذه الافعال البلطجية من قبل أفراد الشرطة علي أن يتركها ويعمل بالاجرة علي هذة الفرشة، حفاظا علي كرامته وأفضل من أن يأتي يوم ينام فيه خلف جدران السجون.
وعلمت "الأهالي" ان الامناء لم يكتفوا بما فعلوه مع البائعين في وسط الميدان وامام أعين الجميع ، بل قاموا بالاعتداء عليهما بالضرب داخل قسم شرطة قصر النيل علي يد أحد أمناء الشرطة ويدعي " محمد "، وتم تحرير محضر تسول لأحدهما واحتجازه وأفرج عن الآخر في نفس اليوم .

Desert cat said...

مهزلة المتاجره بعواطف الناس الدينيه

لاء ولوقتى محمد حسان ناطط على كوميدى قال ايه بيعمل اعلانات للزكاة
ياترى نسبته كام فيها

Desert cat said...

*****

اولا انا متشكرة جدا للمشاعر الطيبة دى
ثانيا اللى زى ويكا ده المفروض يتكسف على دمه بدل ما يجى يورينا غباؤه وعدم تربيته لكن اصحاب العقل بقى فى راحة وهو اصلا مش عنده عقل

Desert cat said...

يهاجرون بصحبة تخلفهم الى كل مكان

فضحونا فى الدنيا كلها الله يحرقهم بس نفسى اعرف البلاد المحترمة مش بتطرد الاشكال دى من عندها ليه

Desert cat said...

يعتبرون من يخالفهم يخالف الأسلام

دى حماس دى حركة التخلف والهمجدية كفاية انهم قاعدين على قلب الفلسطينيين غصبا واقتدارا

Desert cat said...

Ms Venus
تسلمى لى يا فينوسة

Desert cat said...

القاضيه فى استراليا على حق ام لا

لو فى مصر كان زمانهم قالوا شوفوا الكفرة وبقت فضيحتهم بجلاجل على كل قنوات الارهاب برعاية حسان وعصابته

Desert cat said...

Kontiki

تسلمى لى يا كونتا
خدى راحتك
الاشكال دى مش عايزة غير تترمى فى بلاعه مجارى

Desert cat said...

الحقيقه البشعه
هو مش المفروض الصيام برضه لعلكم تتقون

امل الجماعة دول مش صايمين ولا قروا اخر الاية لعلكم ترهبون

Anonymous said...

I'm gone to say to my little brother, that he should also visit this webpage on regular basis to get updated from most recent information.

Also visit my web-site laser cellulite treatment

Anonymous said...

Wow, superb blog layout! How lengthy have you been running a
blog for? you make blogging glance easy. The full glance of
your web site is excellent, let alone the content material!



My web blog ... cellulite treatment reviews

Anonymous said...

Hey I know this is off topic but I was wondering if you
knew of any widgets I could add to my blog that automatically tweet my newest twitter
updates. I've been looking for a plug-in like this for quite
some time and was hoping maybe you would have some experience with something like this.
Please let me know if you run into anything. I truly enjoy reading your blog and I look forward
to your new updates.

My homepage - quest bars