Desert Cat Search
قطه الصحراء: خلاص حلو كل مشاكلهم

Wednesday, July 28, 2010

خلاص حلو كل مشاكلهم

المقصود طبعاً عصابة حماس اللى كابسه على نفس الشعب الفلسطينى واللى قاعدين يخترعوا فتاوى لقتل الضباط المصريين على الحدود ودخول مصر بالقوة بدل ما يوفروا فتاويهم لقتل اللى محتلينهم مش اللى واقفين يحموا حدود بلادهم ..
طبعاً بعد ما عصابة حماس قامت بكل مهامها على أكمل وجه من تخريب فى فلسطين وقتل فى المعارضين وقتل لأى انثى غير محجبه واعتقال اللى بتضحك بصوت عالى واعتقال القرايب اللى بيزوروا بعض اصل ازاى الناس تحافظ على صلة الرحم يا عيب الشوم .. وفى نفس الوقت سايبين اللى محتلهم عايش حياته بالطول والعرض ومالوا يا ألف اهلا وسهلاً بيه أمال يحاربوهم علشان المعونات اللى بتروحلهم تتقطع ؟ وشنط الفلوس اللى بتتبعت لقواد حماس تتمنع عنهم ؟
أمال الأخوانجية فى مصر هيلبسوا ويتشيكو ويوقفوا قدام النقابات يشحتوا ويعيطوا على مين ؟
طبعاً الإحتلال ده له فوائد جمه .. فلازماً وحتماً ولابد تبقى اسرائيل فى فلسطين خلاص عصابة حماس حلفت ومش هترجع تانى فى يمينها .. هما بس كل جهادهم متوجه للستات فقط لا غير .. خلصوا من كل حاجه مش باقى غير ملابس السيدات
وشوفوا الخبر ده بيقول ايه

حكومة حماس تمنع عرض الملابس الداخلية للنساء بالمحال التجارية


يعنى خلاص مجرد عرض الملابس الداخليه بيعمل لهم إثارة ؟
على كدا بيعملوا ايه لما بيعدوا من تحت بلكونة منشور فيها غسيل ؟
اوعوا تكونوا بتعملوا اباحه وقلة ادب فى الشارع وان حد قالكوا عيب تقولوا له دى سنة يا جاهل
فى إنتظار الخطوة اللى جاية وهى الوأد بس انا قلقانه بعد ما تخلصوا على كل الستات فى فلسطين تتجهوا للشذوذ ده اذا ما كنتوش لسه يعنى

20 comments:

سواح said...

التخلف العقلى والهوس الجنسى باسم الدين
قال سكان يوم الاثنين ان متمردين اسلاميين صوماليين أمروا سكان المناطق التي يسيطرون عليها بتسليم أجهزة التلفزيون وهوائيات استقبال بث الاقمار الصناعية محذرين من أن كل من سيتقاعس عن ذلك سيعتبر جاسوسا.

والمنطقة المعنية تسيطر على معظمها حركة الشباب المسلحة التي تربطها صلات بتنظيم القاعدة وتحظر أجراس المدارس ونغمات أجهزة الهاتف المحمول والموسيقى في الاذاعة

dr.lecter said...

شفتي انت موضوع منع تدخين الشيشه للحريم في الاماكن العامه ومسموح بها للرجاله

karim said...

انتى لية مستغربة دة حال كل البلاد العربية فى الهايفة و يتصدر ويجى عند..... ويشمها منيليين بنيلة وسايبين احوالنا و ماشين فى سكة تانية وكلها هبل و عبط, سلمليلى على الامة العربية امجاد ياعرب امجاد, تحياتى

Kontiki said...

قريت الخبر الوسخ دة امبارح باليل والله كنت عارفة انك حتكتب يا نمر :)
اتفق معك الاحتلال كلة فوائد وحماس و الاخوان و اشباههم و اتباعهم والمؤمنين بيهم واللى بيصقفولهم والحكومة اللى سابتهم زى السرطان فى الشارع وكلهم كدة على بعض نفسى الله فى قنبلة تشيلهم من على وش الارض جتهم البلاوى جميعا

elmasryeffendi said...

هما شكلهم ناويين يرجعوا ملك اليمين و كل واحد من الحماسيين المصطفين الاخيار قصدى الاشرار يبقى عنده حوالى 200 مما ملكت ايمانهم و يهيصوا و بعدين اكيد نشر و عرض الملابس دى بيثير شباب الجهاد و بيخليهم يمارسوا العادة السرية فهما كده عاوزين يحموا قوة شبابهم، بس مش عارف ليه بجد دول عالم مقرفة و متخلفة و الاخوان اللى بيساندوهم و بيشحتوا عليهم بقوا يصيبونى بالقرف

ELVIRA said...

هو دة اللى هيحصل بعد ما ينقرض صنف الحريم عندهم بفعل القهر و العوامل الصناعية

قارىء said...

طالبان يستخدمون النقاب
اعلن قائد القوات الاميركية شرق افغانستان الجنرال جون كامبل ان عددا متزايدا من مقاتلي طالبان يتخفون بين المدنيين في شرق البلاد مرتدين البرقع.

واضاف كامبل الاربعاء ان التنكر بزي امراة للاختباء من الجنود الاميركيين او قوات الحلف الاطلسي ليس جديدا في جنوب البلاد حيث فشلت محاولة مماثلة للقيام بهجوم انتحاري في اذار/مارس.

الا ان هذا الاسلوب كان لا يزال غير معروفا في الشرق.

Anonymous said...

انصار لخابيل الصومال عندنا
مخابيل الصومال جمعوا التيلفزيونات والدش وهى فى نظرهم رجس من عمل الشيطان وضحكنا على خيبتهم ونفاجأ بجروب على الفيسبوك يقول من مصر
إذن الله هنزود قدراتنا خلال هذا العام من 30 - 50 % زيادة في الأمور الآتية

قوة الذاكرة
قوة التركيز
الثقة بالنفس
التفكير الإيجابي

وكل دة من غير ما نشوف تليفزيون خلال الشهر المبارك

Anonymous said...

عن القنوات المتنطعه ومرتزقة الوهابيه
من الأستاذه الدكتوره سعاد صالح
http://www.youtube.com/watch?v=aovN7gVWZ0U

Anonymous said...

احد المرتزقه لم يجد مايرد به
الا ان يتهم من كشفه بانه يعادى الله ورسوله
http://www.youtube.com/watch?v=h3rl878Nsq0

مسلم said...

قطه
موضوع يستحق التفكير وبوست خاص
المخابيل موجودون فى كل مجتمع ولكن السؤال لماذا تلقى الفتاوى المتنطعه او العجيبه تجاوبا بين بعض الناس اكثر من الفتاوى المحترمه الرصينه؟ هذا هو السؤال
الذى يحتاج لمناقشه ويفسر انتشار ما اسمته الدكتوره سعاد صالح قنوات التنطع
والأرتزاق لأنها تقدم اجل خدمه لمن يريد ان يهاجم الأسلام
بتخلفهم وتنطعهم وتفسيراتهم العجيبه

Anonymous said...

يا عالم
لماذا الأندهاش
شاهدوا حديث هذا السيخ الشجاع الذى يتحدث عن الديمقراطيه اللغينه كما يصفها وكيف انها تتنافى مع مايؤمن به المتاسلمون
فهم اعداء الديمقراطيه زيعترف بانها لديهم مجرد وسيله للسلطه ثم بعد ذلك ينقلبون عايها
http://www.youtube.com/watch?v=hqGXP2eSMsg

غير مصدق لما سمعت said...

يا نهار اسودالشيوخ يعيشون فى اوربا ومع ذلك يتناقشون فى اسحلال اموال الأوروبيين ونساءهم لأنهم كفره
حتى يعطوا الجزيه
هل هناك هذيان اروع من هذا
شاهدوا بانفسكم
http://www.youtube.com/watch?v=ywkF94b-aIo
وهم هما فى البوست ستحدثون عن الملابس الداخليه لأنهم لو تحدثوا بالفعل عما فى عثولهم المختله لقالوا نفس هذا الهذيان
نفسى اعرف كيف يتعامل هؤلاء الناس مع العالم

Desert cat said...

سواح
اكتر ما ازعجبنى مش الخبر ولكن ما ازعجنى الاغبياء اللى هللوا للخبر
والاكثر غباءاً اللى تمنوا ان مصر تعمل زيهم
واضح ان مستقبل البلد يتجه نحو الارهاب المدقع

Desert cat said...

dr.lecter
طبعا ماهم عينوا من انفسهم آلهه على الارض

Desert cat said...

karim
قول تخلف وغباء يا عرب دائما جهلاء

Desert cat said...

Kontiki
بقتى بتقرى افكارى يا كونتا
:))
طبعا قواد حماس راكبين عربيات احدث موديل وساكنين فى فيلل
وطز فى الشعب
والاغبيا بيقولوا عليهم مجاهدين

Desert cat said...

elmasryeffendi
يعنى اللى يثار من ملابس داخليه ده يبقى ايه غير انه واحد مريض بس هما اازى يعترفوا بمرضهم وقرفهم ده
هما يفرضوا ان المحلات تعرض النقاب الاسود زى ما كفنوهم بيه قبل كدا
ناس غبيه

Desert cat said...

ELVIRA
اعتقد انهم بدأوا بالفعل علشان كدا عايزين يخلصوا على صنف الحريم باقصى سرعه
:))

Desert cat said...

قارئ
امال هما بيدافعوا عن النقاب باستماته وبيفرضوه اجبارى ليه ؟
ماهو لاستخداماتهم الشخصيه