Desert Cat Search
قطه الصحراء: دى مشيت تعيط

Friday, June 4, 2010

دى مشيت تعيط


اتكلموا كتير وقليل عن البنت السافلة اللى كل ذنبها انها بتنزل من بيتها سواء بقى رايحه الجامعة او نازلة شغل او يمكن نازلة تشترى دواء لحد فى بيتها بين الحياة والموت .. اتقال اصلها سافلة خارجة من بيتها ليه اذا كان ولابد انها تخرج يبقى لازم تلبس الكفن المسمى مجازاً بالنقاب ولم يتلفتوا لحظة واحدة للمتسكعات على الكورنيش والكبارى فى احضان الشباب ومش فيهم واحدة توحد الله من غير حجاب .. الا فى جولة عابرة مع احدى الصديقات مشينا على كوبرى قصر النيل نعدهم لدرجة اننا اتلخبطنا فى العدد وكلهم منقبات ومحجبات ومرتديات الازلال الايرانى .. قولت لها اصورهم قالت لى عييييييب ان الله حليم ستار .. ونرجع لموضوعنا الاساسى وهو الفحل المكتمل الذكورة اللى قعد يفتخر فى الباص بسفالته وانحطاطه وانه ازاى دون من غير جوان وازاى مفيش واحدة تفلت من تحت ايده غير لما يعاكسها وازاى لما مرة بنت ردت عليه شتمها وشتم اللى جابوها لدرجة انها وقفت قدامه مش قدرت ترد ومشيت تعيط .. وصاحبه قاعد جنبه يهز له راسه بالايجاب وكانه يقوله الله الله اعد على مسامعى كمان وكمان ... ردت عليه واحدة ست قالت له وانت فى قمة سعادتك كدا مش بتفتكر اختك ؟ قالها انا اختى الكل عارفها تبقى اخت مين لو خرجت من البيت الف واحد يحميها .. قالت له يعنى انت مشهور ونار على علم كدا فى كل مكان مش بتروح جامعه ولا بتمشى فى شارع محدش يعرفك فيه ؟ قالها والله انا عندى اختين والاتنين منقبات ومخطوبين يعنى اللى يقرب من واحدة فيهم يبقى هو اللى لعب فى عداد عمره .. قولت له طيب قبل ما تتنفخ عروقك كدا وانت بترد على المدام اللى بتكلمك ابقى لما ترجع البيت اسال اختك المنقبة والمخطوبة هى اتعاكست فى الشارع النهاردة كام مرة .. وابقى انزل دور عليهم وشوف عدادات عمرهم تم استهلكها كام مرة .. ملحقش يرد عليا .. طلع صوت لواحد من قدام قاله اللى انت بتعمله ده بتقنن بيه كدا المعاكسة والتحرش .. يعنى انت ماشى تعاكس وبتحكى لصاحبك خليت البنت تعيط لمجرد انها ردت عليك .. يبقى مش تلوم على واحد تانى لما يخلى اختك او امك او بنت خالتك تعيط لما يقل ادبه عليها وترد عليه .. طبعا الحيوان مش راضى يعترف بالجرم اللى بيعمله وقال اصل المنقبات مش حد بيعاكسهم لكن البنات اللى بتنزل لابسه ومش لابسه وفى بنات بتنزل مخصوص علشان تتعاكس .. طبعا نفس المبررات ونفس الكلام المعاد من كل واحد سافل ومنحط .. عجبتنى اوى الست اللى كانت بترد وقالت له وانت لما بتلبس بنطلون وسط ساقط وبتوقف شعرك بالجيل حد بيتحرش بيك .. الولد قل ادبه طبعا فى الرد .. فما كان منها الا انها قالت له مع انى مش اتمناها لحد بس روح الهى ربنا يقعدها لك فى اعز الناس عندك علشان توجعك ونشوف كانت نازلة مخصوص علشان تتعاكس ولا لاء ... طبعا اللى لفت نظرى فى الحوار ده كله مش الحيوان اللى بيفتخر بمعاكسته وانه شتم البنت لدرجة انها كانت مشيت لما ردت عليه ... الى لفت نظرى تفاعل البعض وان كان فى ناس بترد بحماس وبتفهمه الغلط اللى بيعمله انه مردود عليه تانى .. ده معناه انه بجد اصبح فى صحوة وان الناس بدأت تفوق وتعرف ان السفالة لا تتجزأ ... عقبال ما يفوقوا بقى من غيبوبة يا مولانا الشيخ هل ادخل الحمام برجلى الشمال ولا اليمين

34 comments:

آخر أيام الخريف said...

يا رب يا قطة يا رب

أم الخلود said...

صدقت السفالة لا تتجزأ أبدا والواطي يفضل واطي

Tears said...

بجد يا بنتى حال البلد بقى يحزن اوى اوى

مش عارفه ايه الحل...أو عارفه الحل بس مش عارفه نوصله ازاى

khalil said...

كتباتك هامة وتثير الاعجاب ،ولكن لى ملحوظة اتك دائما تسخري من الفتيات المحجبات
ولم يتلفتوا لحظة واحدة للمتسكعات على الكورنيش والكبارى فى احضان الشباب ومش فيهم واحدة توحد الله من غير حجاب ..
الينات دول بيمارسوا حقهم الطبيعي،ولبس الحجاب اصبح موضه او عادة او الاهل اجبروهم علية ولكنهم يمرسون حياتهم الانسانبه الطبيعيه يحبوا ويوعدوا ا ويتفسحوا على الكرنيش ويخشوا السينما وما زادش عن الفتاة الطبيعيه غير ارتداع الحجاب
انا لا ادين الفتيات اللى بيحبوا لان الشئ الطبيعى لا يدان ينظم فقط

Kontiki said...

معتقدش انها صحوة لسة كتير على الصحوة دى لسة البنت او الست هى المذنب الاول واسمحيلى يا قطة حتى لو خروجها للترفية دة حقها مش شرط تبقى نازلة تجيب دوا ولا شغل الشارع حق للجميع و اللى مش يحترم الشارع فى قانون رادع ممكن احبسة سنة و اعملة قضية

karim said...

ازيك ياقطة يا جميلة ,نتمنى ان الناس تفوف ياريت تدخلى فيلم احمد حلمى الجديد, تحياتى

حزين لما وصلنا اليه said...

قطه
احدث الاعيب
تجار الدين ومرتزقة الفضائيات
كلاب الدرهم والدينار
......
لمحاربة الحريه والديمقراطيه وكرامة الأنسان لجا تجار الدين والمرتزقه الى التحالف مع ابو رجل مسلوخه واخترعوا هذا الهذيان لتخويف السذج من الدعوه للثوره على الحكام المستبدين فكل منادى بالعدل والحريه سيقولون عنه ماسونى
وكل الكلام هذا فى اللقطه هو محض هذيان واستهبال وفبركه
لا تمت للواقع بصله
والمقصود بها السذج الذين لغوا عقولهم فالماسونيه كما يقول هذا الجاهل سريه ثم يورد تصريحات لبعض الماسون صرحوا بها وكلها من بنات افكاره
لقطات فى يوتيوب عن ابو رجل مسلوخه الجديد وهو الماسونيه

حزين لما وصلنا اليه said...

http://www.youtube.com/watch?v=v1ua7sM0eCc
تابعوا هذيان واستهبال
مرتزقة الفضائيات تجار الدين حماة الأستبداد
وكيف اخترعوا ابو رجل مسلوخه وسموه الماسونيه
لتخويف السذج من كل دعوه الى كرامة الأنسان
والديمقراطيه
فمن ينادى بذلك هو ماسونى يخفى حقيقة نواياه

حزين لما وصلنا اليه said...

حكايه قديمه عن حلفاء ابورجل مسلوخه
.....
رشح استاذ الجيل احمد لطفى السيد رئيس الجامعه المصريه نفسه للبرلمان
فاشاع المتخلفون بين السذج انه ينادى بالديمقراطيه
فكان البسطاء عندما يسمعون ذلك كانوا يقولون على الفور يعنى مش مسلم!!!!!!!!
ولم ينجح بهذه الحيله الفهلويه
ونفس الحكايه نراها الآن وهى تخويف الناس من كل منادى بالحريه وحق الشعوب باتهامه بالماسونيه
التى كما يروجون ويفبركون
والموضوع يحتاج لتدوينه مستقله

حزين لما وصلنا اليه said...

هذا رابط الهذيان عن ابو رجل مسلوخه الجديد ويطلق عليه تجار الدين الماسونيه الدوليه لتخويف السذج من كل من يقف ضد الأستبداد فيطلقون عليه ماسونى
فيكشفون عداءهم للحريه والديمقراطيه والعداله الأجتماعيه
ومؤازرتهم لكل حاكم مستبد
http://www.youtube.com/watch?v=v1ua7sM0eCc
الموضوع يحتاج لتدوينه مستقله

حزين لما وصلنا اليه said...

مسلسل الهذيان مازال مستمرا
الشيخ محمد عبده ورشيد رضا
كانا ماسونيان
واضحكوا
كان صدام وجورج دبليو بوش معا اعضاء فى الماسونيه
هههههههه
http://www.youtube.com/watch?v=Kztksjs3QbE
ما الذى يرمى اليه بالضبط شيوخ الوهابيه؟

Anonymous said...

الحاجه سندس
ومحمد حسان ابنها
على الهوا ويبدا الحديث -ازيك يا امه
حاجه تقطع البنكرياس
ههههههههه
http://www.youtube.com/watch?v=FO78RNptIog

someone said...

طول النهار وانا باكل جوزة الطيب اللي بيقولو عليها استهلاكها اكتر من 15ملغ بتسكر بس انا حد كل مرة 10 20 30 ملغ
بس لسة مفيش فايدة

جوزة الطيب علشان تسكر لازم تكون ايراني ولا سعودي؟

Ms Venus said...

ياااااااااااااااااااارب يا قطة


يارب نفوووق يارب

حزين لما وصلنا اليه said...

ماذا يرمى اليه الحفاه شيوخ الوهابيه؟
اقول لك
هم يحاولون تشويه كل رمز من رموز
الأستناره خاصة فى مصر من على باشا مبارك وحتى الشيخ محمد عبده
والموضه اتهام كل منهم بانه ماسونى
والبلهاء والسذج تنطلى عليهم هذه الحمله الشرسه المموله بالبترو دولارات لتسطيح الفكر
وتخدير العقول
حتى لا تقف للأستبداد السياسى المدعوم من هؤلاء الحثاله
وانما الأمم العقول ما بقيت فاذا ذهبت عقولهم ذهبوا

حزين لما وصلنا اليه said...

ياقطه
سنسمع كثيرا من هنا ورايح
من شيوخ الوهابيه ومن حولهم من مرتزقةالدرهم والدينار والريال
ان رموز الأستناره
من هدى شعراوى لطلعت حرب لقاسم امين لطه حسين
لأحمد امين
لعباس العقاد
لسلامه موسى
لمحمد مندور لتوفيق الحكيم
انهم من الماسون
وهى فى تفكيرهم وخيالهم المريض جمعيه سريه عالميه مهلبيه تهدف لمحاربة الأسلام
طبعا كما يفهموه اى تقاليد البداوه المتخلفه
فى بلادهم
وصدقوا هذا الهذيان يابسطاء العالم وسذاجه

حزين لما وصلنا اليه said...

هم اى حثالة الوهابيين
وذيولهم الماجوره مثل
محمد حسان
ماضون فى تحطيم كل اثر لجمال فى مصر وآخر فتاويهم حرمة قراءة القرآن محودا
من اعظم القراء المصريين من محمد رفعت الى مسطفى اسماعيل الى ....الخ
وحجتهم المضحكه ان هؤلاء الأفذاذ يقراون حسب المقامات الموسيقيه وهذا حرام
كما يقول المرتزق محمد حسان
http://www.youtube.com
/watch?v=MQ_DH2c9ahM
اظن كده هدفهم واضح وهو تشويه كل شىء رائع فى مصر ليفسحوا الطريق لعاداتهم البدويه الجهوله
والخوف ان يطالبوا بهدم اروع الآثار الأسلاميه فى مصر بعد ذلك بحجة انها حرام
ويا ايها السذج هل اتضحت الرؤيه امامكم ام انكم مصممون على التغابى

حزين said...

هل عرف الناس الآن انهم ينشرون الوهابيه الصحراويه البدائيه وليس الأسلام؟
نقرا تعليق واحد فاهم على المدعو محمد حسان ذيل الوهابيين الأكبر
.....
قد أصدر الشيخ حكمه من دون علم بطبيعة المقامات الموسيقية أصلا
مستندا إلى آراء الفقهاء السابقين
وما المقامات إلا حالة نفسية تصدر من القاريء للقرآن حتى وان كان لا يعرفها بل وحتى في الكلام العادي
وكالعادة كان التشدد هو سيد الموقف
الحرام فعلا هو ما يفعله بعض المقرئين في المآتم....... مشاهدة المزيد
السلفية منذ 1744 إلى الآن لم تحقق شيئا سوى محاربة البدع وإصلاح العقيدة
ولم تهتم ببناء حضارة إسلامية كاملة
وتحول الدين إلى صراع دائم بينهم وبين من يخالفهم في المنهج
وكل يوم تخرج لنا فتاوى أكثر تشددا من ذي قبل
أرجو أن نمنح عقولنا قدرا من الحرية لنفكر فيما يقوله الآخرون
سواء ان كانوا شيوخا أم غير ذلك
فكلامهم ليس مقدسا
ويقبل التفنيد والمعارضة

Anonymous said...

باقطه
هذه التدوينه وما حدث فيها هو عرض لما قامت وتقوم به الحمله الوهابيه من مسخ وتشويه لعقلية بعض العجول البشريه الذين
يعانون من تخلف عقلى مزمن لا شفاء منه
ولذلك اتمنى ان لا نركز على اعراض المرض ولكن نبحث عن جذوره ونفضحها
فليس من المعقول ان تتبع مصر اخناتون اول الموحدين
او مصر رفاعه الطهطاوى ومحمد عبده
بن باز والعيثيمن
وابن مش عارف ايه
واتباعهم من مرتزقه مصريين

مطلع said...

قطه
انا خايف لا العصابه اياعاتطلعك ماسونيه
هههههههههه
وكل صاحب عقل يحترم عقله
ولا يقدس اقوال من سبقونا كما تقدس بعض القبائل البدائيه زمان اسلافهم وتعرف بعبادة الأسلاف
ونحن دون كل الشعوب
اذا واجهنا مساله نجرى الى الكتب الصفراء القديمه نبحث عن الحل من عند ناس عاشوا قبل اكثر من الف سنه ولم يكن من الممكن ان يتخيلوا عصرنا بكل تعقيداته
ولكنه الهوس بالغاء العقول
وتمجيد الغباء

قارىء said...

طبيعة الأستبداد
من طبائع الأستبداد والأسم من كتاب عبد الرحمن الكواكبى الشهير طبائع الأستبداد هو خلق عدو ولو وهمى لمحاربته وتركيز انظار الناس عليه لصرفهم عن مظالم الحكم الأستبدادى
ويوظف الدين ورجال الدين المرتزقه لهذا ومملكة الجزيرة العربيه ولا اقول السعوديه لأنه لا يجوز تسمية دوله باسم عائله-كانت تركز على الشيوعيه
والآن وبعد اختفاء الشيوعيه استخرعت
الماسونيه العالميه
وهو موضع شيق يسمح بنسج الأساطير والخرافات واى كلام حوله -مش منظمه سريه يبقى قول اى كلام هو حد حيدور وراك

Anonymous said...

ياعالم
هؤلاء اتباع التقالبد الصحراويه الغبيه التى يثور اهلها عليها
ويروجون لها بمساعدة خدم باجر للأسف من مصر
لا ضمير ولا اى احساس لهم يصرفون انظار الناس عن اخطر القضايا
وشغلهم بالنقاب
وحرمة الغناء
والحياه فى مصر مهدده فى الصميم واقراوا ما تقوله صحيفة التايمز
التايمز: "على مدى آلاف السنين دافعت مصر بقوة عن حقها في مياه النيل لكن موازين القوى بين دول حوض النيل قد تغيرت في السنوات الأخيرة، وأصبحت دول المنابع قادرة على تحدى الحقوق المصرية".

ضاعت هيبة مصر بفضل هؤلاء العبيد
مما شجع على تحدى مصدر الحياه
ولا زال بعض المخلوقات المتحفيه تجعر باغرب الأفكار لنشر التخلف العقلى

مطلع said...

مظاهرات فى استرالياضد همجية اسرائيل وقافلة الحريه
وتعليق من وفاء السعيد على الفيسبوك
.......
أميز ما في العقلية الغربية يا أستاذة بثينة هو أن المواطن الغربي يحتشد ويتظاهر ويعبر عن رأيه في قضايا قد لا يشعر أنها داخلة في صميم حياته اليويمة المباشرة وقد يظن البعض أن المواطن الغربي مواطن لا يربأ كثيرا بالمشهد السياسي من حوله وهو حيوان نفعي لا يعرف من الدنيا سوى تحقيق إشباع رغباته وتعظيم منافعه إلا أن هذا غير صحيح فهو تعود على المشاركة وإبداء ا
الراى
.....
تعرفوا ليه
لأنهم معندهمش محمد حسان وبقية العصابه الماجوره لصرف نظره عن القضايا الحقيقيه بالكلام عن حرمة الغناء
ومزايا ان تتحول الحياه الى صحراء جرداء...

Desert cat said...

@ آخر أيام الخريف
بعدى معاك من كل قلبى
:))

Desert cat said...

أم الخلود
والخسيس برضه يعيش ويموت طول عمره خسيس الى اخر القصيدة

Desert cat said...

Tears
نوصله بفضح المتحرش فى مكان عام ويكون فى عقاب حازم فى الدولة علشان لو اهله مش عرفوا يربوه بعد ما ابنهم يتفضح هتبقى الفضيحة ليهم هما كمان ووقتها كل واحد ياخد باله من اخلاق ولاده

Desert cat said...

khalil
لاء انا مش بسخر منهم فى نماذج قابلتها بجد بتلبسه علشان تتدارى فيه ودول منتشرين كتير جدا
ومصدقاك ان فى ناس لابساه مجبره
انا مش ضد حرية حد ابدا ده انا ممكن ادفع عمرى كله فى سبيل ان انسان ينال حريته ويعيش حياته الطبيعية انما يتخفى ويجى يعملى فيها شريف وان مفيش اطهر منه فى البلد كلها ده انه برفضه بشدة

Desert cat said...

Kontiki
اهو انا بقول ذرة امل يا كونتا
انا معاكى حتى لو خارجة تتمشى مش من حق حد يعترض طريقها او يهينها لكن فى بنات فعلا بتخاف تنزل من البيت خوفا من العشوائيين اللى ماليين الشوارع حتى لتلبية حاجات مهمة

Desert cat said...

karim
ها احاول ادخله حاضر يا كريم
ميرسى ليك

Desert cat said...

حزين لما وصلنا اليه
اه دلوقتى اى حد يدعو الناس للتفكير واعمال العقل بقى ماسونى وصهيونى
خايفين على اكل عيشهم لو الناس فكرت بجد مش هيبقى لهم مكان فى وسطهم يهمهم اوى تغييب العقول

Desert cat said...

Anonymous
ميرسى اوى على الفديو اللى يضحك جدا ده
انا بعد اذن حضرتك نشرته فى الفيسبوك

Desert cat said...

someone
لازم تكون محلاه بكوكتيل تغييب العقول لانهم بيعملوا للناس ايحاء ان هذا النبات مسكر يبقى على طول الناس لو اكلت منه هتسكر
حاجه اخر ارف

Desert cat said...

Ms Venus
بتمناها يا فينوسه بس شكلنا هناخد وقت طويل شوية فى التمنى

قطرة وفا said...
This comment has been removed by the author.