Desert Cat Search
قطه الصحراء: رضعى زميلك يا شابه

Sunday, May 30, 2010

رضعى زميلك يا شابه


كل يومين يتحفنا دعاة الوهابية بفتوة لولبية لوزعية مهلبية .. منذ عامين اثارها الدكتور عزت عطية ولكنه سرعان ما عاد الى رشده وتم فصله من عمله وقام بالاعتذار .. وما ان غابت عن الاذهان حتى عادت مرة اخرى فى ثوبها الجديد للشيخ العكبيان .. ولا ادرى ما سر هذا الإصرار الشديد على الرضاعة الطبيعية لشحط طويل عريض .. يعنى الناس دى بتخدع مين ولا بتضحك على عقول مين ؟؟ يعنى ايه قارفينا ليل نهار فى الفضائيات اتكفنى واتغطى وانتى عورة ومن ناحية تانية بيطالبوها تحط شحط طول بعرض على صدرها علشان ترضعه 5 رضعات مشبعات ؟؟
ولنفترض يا شيخ انها آنسة ومش بترضع .. ينفع اللبن الصناعى ؟

ولا ده من اختراعات الغرب الكافر ولو رضعت المحروس زميلها او السواق بتاعها او الخادم اللى عندها فى البيت لبن صناعى يبقى كفر ورجس من عمل الشيطان ؟؟
يعنى هى تغطى شعرها فرض وتعرى صدرها وترضع منه برضه فرض ؟؟
منين جيتوا بالفروض دى ؟؟
وياترى ستات الخليج هيجيبوا لبن منين لكل العمال اللى فى بيوتهم دول ؟
ولو مصلحة حكومية كلها رجالة وفى 2 موظفات يعملوا ايه المساكين ؟ يوقفوهم فى طابور ؟

فضحتونا وعريتونا فى وسط الناس المحترمة الله يكسفكوا .. روح يا شيخ قبح الله وجهم منك له اكتر ماهو قبيح

23 comments:

Kontiki said...

مش عارفة الهلالى باين كان بيقول ان العر* دة ضرب السواق بتاعه عشان كلمة فى الفتوى دى هو انتى قصدك انه اثار الفتوى تانى و عملها اكتيفيت
lool
والله دى بقت كوميديا سوداء ومنيلة
جتهم البلا هم واتباعهم

Tears said...

الاساءه للاسلام على يد اتباعه أكبر من ابشع ما فعل اشد اعداؤه

dr.lecter said...

عارفه ده مؤشر لايه؟
انفجار جنسي مستقبليا هيطيح في الكل طالما الناس شغلاها الهواجس دي

قارىء said...

مصر الان تخوض معركتين اساستين اولهما معركة الديمقراطية والثانية معركة تدافع فيها عن عقلها وتراثها الثقافي امام فهم سئ للدين.
من مقال لعلاء الأسوانى

مهيج الجماهير said...

للأسف اللى خلا صورة الاسلام وحشة هم احنا

الشيوخ اللى بتفسر الاسلام على مزاجها
الا من رحم ربي

و احنا بقينا مشتتين ... تفتحى قناة تلاقى شيخ بيتكلم عن حاجة و يقول انها حلال ... تقلبي القناة تلاقى شيخ تانى بيقول حرام

khalil said...

طيب دة ست البيت ترضع السواق. طيب الشغالة اللى جاية تشتغل ترضع البية الكبير ولا الجمسة الصغيربن وبعدين رضعتان مشبعتان مشبعتان لمين لامواخذة ؟دة فية فتوى من امثال هولاء المرضى بتفول ان الشغالة في البيت ملك يمين.مش ممكن يحدث اى تقدم والكلام دة بيتقال .احنا كنا متاخرين 200 سنةعن العالم وكان ممكن نعوضهم الان احنا متاخرين الف سنة ما فيش فايدة
تحياتى .بنط الكتابة صغير جدا لا يناسب العواجيز امثالي

khalil said...

طيب دة ست البيت ترضع السواق. طيب الشغالة اللى جاية تشتغل ترضع البية الكبير ولا الجمسة الصغيربن وبعدين رضعتان مشبعتان مشبعتان لمين لامواخذة ؟دة فية فتوى من امثال هولاء المرضى بتفول ان الشغالة في البيت ملك يمين.مش ممكن يحدث اى تقدم والكلام دة بيتقال .احنا كنا متاخرين 200 سنةعن العالم وكان ممكن نعوضهم الان احنا متاخرين الف سنة ما فيش فايدة
تحياتى .بنط الكتابة صغير جدا لا يناسب العواجيز امثالي

مطلق said...

بالنسبه لو ان في 2 موظفات بس في المصلحه مش مشكله اوي

هم صحيح حيتعبوا معانا شويه في الاول بس في الاخر ممكن نحلبهم

strategicalone said...

بلاش تلاكيك فاضية يا قطة
الحديث صحيح فى اعلى درجات الصحة بشهادة استاذ علم الحديث بالازهر ولا انت تعرفى اكثر منة
ولو كان تنازل واعتزر فـ احنا عارفين الضغط اللى اتحط فية
كمان الشيخ العرعورى جاب الحديث من الكتب ولا انتى ما بتؤمنيش بالكتب كمان
............
للاسف ما فيش بنات مسلمات فى الشركة بتاعتنا كنا زماننا بنرضع ... مع انى باقرف

elmasryeffendi said...

حاجة هايفة و هبلة و عبيطه من عالم اعبط خلق الله و للاسف عندنا ماشيين وراهم، هو صحيح ينفع اى ست ترضع و هى ما كانتش حامل؟ و لو سيدة كبيرة فى السن شوية هاترضع ازاى؟ حاجة تقرف بجد و تدل على مدى جهلهم و تفكيرهم فقط فى بطونهم وشهوتهم، و اهو العبيكان نفسه شرب من نفس الكاس اللى بيصدره و ضرب السائق بتاعه لما طالبه بتطبيق الفتوى، و ده ده دليل انهم عالم ضلالية و ان الفتاوى دى للتطبيق على الجهلاء فقط انما هم فلا و الف لا

تحياتى

Desert cat said...

Kontiki
هى الفتوى مش هديت اساسا يا كونتا
هو فعلا الخبر انه الحيوان ده ضرب السواق بتاعه لما طلب منه تطبيق نص الفتوى اللى افتى بيها مش قادرة افهم هما يفتوا والبهايم يصدقوا لكن لما توصل لحد اهل بيتهم يعملوا سبع رجاله

Desert cat said...

Tears
كلامك صح يا تيرز

Desert cat said...

dr.lecter
هو لسه هيبقى فى انفجار انزل اتمشى شوية فى اشلارع وشوف العيال الصايعة بتعمل ايه

mai said...

كوميديا سوداء
http://www.youtube.com/watch?v=bzH2-s1k_C4

مندهش said...

قطه
موقف هذا المخبول يذكرنى بمدونه كانت تملأ الدنيا صياحا وصراخا وانتقادا
وعندما سافرت الى دوله خليجيه
وشاهدت كيف يرحلون مؤيدى البرادعى
فى تلك الدوله
تكتب فى استهبال تام او جهل او كليهما تنتقد البرادعى لأنه لم ينضم لحزب حتى يمكنه الترشيح
اى انها تلومه على انه يرفض ان يكون ديكورا فى مهزله انتخابيه معروف نتيجتها مقدما وتردد كلام احمد عز بان هناك دستور يجب اتباعه وهو الدستور التفصيل الذى يعرف اى طفل مفصل على مقاس مين
الى هذا الحد الشخصيه هشه ومتناقضه ووصوليه
وبعد ذلك ننتظر خير

karim said...

انا ليا رالى قطتى العزيزة , انك بمجرد سرد هذا الهبل بتعطيهم اكبر من حجمهم و هم لا يستحقون صدقنى , دية ناس مبرشمة و بتقول اى كلالالام , وغير واعيين باى شىء, تحياتى

Desert cat said...

قارىء
علاء الاسوانى دايما يجى على الجرح

Desert cat said...

مهيج الجماهير
والمشكلة الاكبر فى الناس اللى بتديهم عقلها سايبين القران والسنة ورايحين يجروا ورا شوية جهلاء واخدين من الدين سبوبة

Desert cat said...

khalil
وفى نفس الفتوى برضه لو فى غلام فى ابليت مش شغله فهو برضه ملك يمين
يعنى مش مفرقين لو الراجل ليه فى الستات يجيب شغاله لو ليه فى الرجالة يجيب غلمان وبفتوى شرعية

Desert cat said...

مطلق
ماهو العيب فى اللى عملوا من الست بقرة من الاول
الله ياخدهم

Desert cat said...

strategicalone
ماهو كان اما يستقيل او يعتذر ولما اعتذر اقالوه
لو ليك نفس للرضاعه ممكن تنقل شركة فيها مسلمات

Desert cat said...

elmasryeffendi
فعلا المشكلة فى الجهلاء اللى بيسلمو امثال هذا العرعور عقولهم

Desert cat said...

مندهش
ههههههههههههه
اكل العيش