Desert Cat Search
قطه الصحراء: باى باى مرشد الطزات الثلاث

Saturday, January 16, 2010

باى باى مرشد الطزات الثلاث


حدث انه فى يوم الخامس عشر من يناير كسوف للشمس الساعه 7 الصبح قوم ايه تانى يوم المخبر العام للمحظورة اتغير
وذهب مخبر الطزات الثلاث حيث تصريحاته المتضاربة حنضرب لاء مش ضاربين حنلعب لاء مش لاعبين و..... الخ من التصريحات اللى كان يطلعها بالليل يطلع عليها النار يسيحها محمد حبيب .. واللى مسك مكانه المحظورة محمد بديع الطبيب البيطرى وعلى رأى الأنونيمس مرشد الاخوان دكتور بيطرى على الله يقدر يعالج ما افسدوه ههههههههههههههههههههه
واحب اضيف برضه انه صاحب 3سوابق فى عين الحسود اشهرها قضية سيد قطب سنة 65اتحكم عليه بـ15 سنة قضى منهم 9 سنين وباقى السنين قضاها مراجيح
طبعا كان لازم وحتما ولابد نرحب بالمخبر العام الجديد محمد بديع اللى الاخوانجية محتلين ما شاء الله كل المواقع الاخبارية وقاعدين يرحبوا بيه ويبايعوه وكأنه محمد الفاتح وجاى لهم بالنصر المبين .. امبارح بس كانوا بيبوسوا ايد مهديهم عاكف والنهارده وديع ولا بديع ده اخص عليك يا زماااااااااااان مالكش امان


ملحوظة ( الصورة متقلبة من مدونة حسن الهلالى )

24 comments:

Tears said...

بصراحة لو بيحكمنا نظام محترم كان المفروض يقضى على حاجة اسمها اخوان لان ما ينفعش يبقى اسمها الجماهة المحظورة و هى فى كل حته

Desert cat said...

Tears
تصدقى انا كمان مش قادرة اعرف ازاى محظورة وازاى محتلين 80مقعد فى مجلس الهباب الموقر
وتحيا بلد المتناقضات

كافى خيرى شرى said...

نظامنا الغبى وصحافته الاغبى بيسميها الجماعه المحظوره ونواب المحظوره ومقرات المحظوره ومرشد المحظوره ممكن حد يقوللى تبقى محظوره ازاى؟سايق عليكو النبى الاجابه بسرعه قبل متجنن

على باب الله said...

في ستين طز يا عاكف
--
هي تقريباً محظورة ، على أساس محظورة من العين و اللي يشوفها و ما يصلي ع النبي

نونا مجدى said...

اهو مشى وخلاص عقبال اللى بالى بالكم

dr.lecter said...

كانوا جايبيبن اول امبارح ابو العلا ماضي مؤسس ووكيل حزب الوسط مع مني الشاذلي وقعد يتكلم عن تاريخ المرشدين من ايام حسن الهضيبي

امبارح الاهرام جايبه كلمه بين قوسين المحظوره علي اساس يعني انهم اقليه ومضطهدين

كده كده الاخوان خلاص بعد المهزله اللي حصلت في انتخاباتهم دي راحت عليهم

ومهدي عاكف دخل التاريخ لما بقي اول مرشد سابق

karim said...

هو دة حال بلدنا المعروف الذى لايوجد بة وعى فى اى شىء, عاش الملك مات الملك, احنا كدة فى كل المجالات, تحياتى

Sahran said...

هلا بالقطة

الخبر المضحك هو أن المرشد الجديد طبيب بيطري , وهنا عرفت جماعة الإخوان أن تختار من يشفيها من أمراضها المستعصية
بكرة تلاقيه داخل عليهم بالحقن من الحجم الكبير خليهم يتأدبوا
هههههههه

تحياااااااااااتي لك


ودمت سالمة

نونا مجدى-مايطلبه المغفلون said...

ومن الجماعه اياها للنظام الحاكم نهدى هذه الاغنيه محظوره محظوره منك..مش قادره مش قادره اقولك انى بحبك واعمل ايه مجظوره

مفكر said...

قد يبدو هذا الكلام خارج الموضوع
انا مستفز بفتوحات ثرى عربى هو الوليد بن طلال الذى ينفق الأموال الطائله على قنوات الأغانى واختكار الأفلام المصريه وتعيين الجميلات
ومشاركة امبراطور الصحافه مردوخ طلبا للظهور ...لماذا لا يفكر امثاله فى جلب خبراء تكنولوجيا لتوطين الصناعات المتقدمه فى بلادنا كما فعلوا قديما فى اليابان وكما فعلت دول اخرى حديثا
لتقام المصانع ويعمل الشباب العاطل اليائس فلا ينجذب الى اوهام الجل من السماء على ايدى من يعتقدون انهم مندوبين السماء على الأرض
هذا الموضوع يحتاج الى حمله كبيره

malika said...

ههههههههههههه صباحك زي الورد يا قطة
بركة ان المرشد العبقري الاول راح في الوبا و عقبال الجماعة كلها و كل من على شاكلتها يمكن البلد تنضف

Kontiki said...

الكارثة فى الموضوع يا قطتى الناس الناس هما اللى بقوا منساقين زى القطيع عاوزين مرشد عاوزين ليدر عاوزين فتوى عاوزين حد يديهم دايما تصريح
مش حاسين بانسانيتهم
عقولهم انحصرت فى الاكل و الشرب
انما مثل مبادىء قيم
ما كل الاخلاقيات حتقول لا تسرق لا تزنى لا تحقد حب الطبيعه و توحد معها
حاجات بسيط قوى
مش محتاجة دقن
مش محتاجة جماعه
مش محتاجة خلط اوراق بين السياسة والدين
مش محتاجة كلام عنصرى
ومجتمع بينخر فى السوس و مرتع لكل الامراض الاجتماعية
مش عارفة لية بننسى انسانيتنا احنا مش محتاجين اخوان او اى سلطة دينية عشان تقود الناس وتحكم عليهم ومعاهم مفتاح الجنة
اعتقد اننا محتاجين نرجع مبادىء ومثل وقيم
نرجع للانسان انسانيتة و قيمة
ساعتها مش حيحتاج للاخوان او غيرهم
الاخوان نموج لفساد الجو النفسى و الاجتماعى فى مصر

Hassan El Helali said...

يا قطه يا جميله

راح مدرس الألعاب
وجه دكتور الحمير
ربنا يستر علينا من الشحار
أموت واعرف "محظورة" إيه دي اللي عايشه حياتها
أخبارهم في الصحافه وانتخاباتهم في التليفزيون
وعلى عينك يا تاجر

Desert cat said...

كافى خيرى شرى
اهو ده اظرف نكته شفتها
نفسى اعرف ازاى محظورة وازاى سايبها تبرطع

Desert cat said...

على باب الله
بجد وصف فى محله

Desert cat said...

نونا مجدى
اميييييييين
نصحى على خبر جديد فريد من نوعه ولو انى اشك

Desert cat said...

dr.lecter
مضطهدين ازاى يا دكتور ولهم 88 كرسى فى مجلس الشوعب الهوائية
ده غير اجتماعاتهم اللى على مرأى ومسمع
ياريت كل الاقليات زيهم كدهون

Desert cat said...

karim
بالظبط يا كريم حلو اوى تعبير عاش الملك مات الملك ده بجد بيترجم حال الجميع وليس الاخوان بس

Desert cat said...

Sahran
بس ياريت الحقن اللى من الحجم الكبير تحوء يا سهران
تحياتى

Desert cat said...

نونا مجدى
عاشت افكارك يا جميلة
بجد اغنية لايقه اوى

Desert cat said...

مفكر
دائما تثير نقاط جوهرية جدا حتى لو خارج الموضوع اهلا بكل كلماك بجد خسارة ان حضرتك مش تتكلم عن افكارك للجميع لعل وعسى حد يفهم

دمت بكل الخير

Desert cat said...

malika
صباح الفل يا اجمل مليكة
عقبال اى حاجه فاسدة فى البلد يا قلبى لما ياخدها الوبا

Desert cat said...

Kontiki
يااااااه بجد كلامك منطقى بشكل جميل جدا انا فعلا سعيدة بكل العقول المحترمة اللى موجودة دى
تحياتى ليكى يا قمراية

Desert cat said...

Hassan El Helali
مدرس الالعاب راح يلعب عقله على باب شقتهم يمكن دكتور الحمير يعمل مفعول
محظورة من العين على راى العزيز على باب الله بجد النظام ده يجنن
المحظورة راحت المحظورة جت وهما قاعدين يرقفوا فى الشعب هما الاتنين
دول منتشرين اكتر من الحكومة نفسها

تحياتى ومودتى يا احلى هلالى