بلدنا وإحنا حرين فيها

مصر عملت جدار فولاذى لحماية حدودها من المتسللين والإرهابيين والمهربين .. مش مهم اللى حماس عملته من مظاهرات لانها حقها تعمل كدا ومش حقها لأنهم شركاء لينا فى الوطن لا سمح الله ولا لاننا خلفناهم ونسيناهم وعلشان كدا كان المفروض ناخد رأيهم قبل ما نفكر نأمن بلدنا ونحميها إنما لأن حماس بتسترزق من الأنفاق دى وتجارتها كدا هتبور وتبوظ وعض كلبى ولا تعض رغيفى .. وزى ما أرزاقية فلسطين اللى هما الحماسوية اللى زى مقالها مهدى عاكف طز فى مصر وابو مصر قالتها حماس لن نتنازل عن الكرسى حتى لو ابيدت غزة عن بكرة ابيها يعنى برضه طز فى غزة وابو غزة وبالفعل نفذوا كلمتهم واستخبوا فى الجحور مع الفيران ومش خرجوا غير بعد ابادة غزة وقتل العزل من الشيوخ والنساء والاطفال وبعد ما كانت القضية الفلسطينية اختزلت فى غزة فقط وضاع اسم فلس طين فالطبيعى انهم يجعجعو ويثوروا زى التيران على اكل عيشهم والسبوبة بتاعتهم .. لاقينا ارزاقية مصر بيدعو لوقفه احتجاجية لوقف بناء الجدار الفولاذى .. وواضح ان اليومين دول الجهل و الزعيق و الشعارات صوتوهم عالي يعنى شوية الارزاقية بتوع الوقفه اللى وقفوا رفعوا شعارات وجعروا شوية كل هدفهم الاعلام يصور ويبقى اسمهم مناضلين مجاهدين .. واذا سمعت الصوت العالى فاسال عن الهدف .. يعنى قنديل النظام اداله قبل كدا باقدم شوز وشوية العيال الارزاقية دول كل واحد عايز يبان فى الكادر حتى لو بيلطم على وشه وبيشق هدومه زى المجنون المهم يكون له مكان وخلاص .. اصل فى ناس كل لما بيحسوا بانهم لا قيمة ليهم بيعملوا اى حاجه علشان الناس تنشاور عليهم حتى لو فى شكل العفريته المحروقه فى الصورة المهم انه يبان وخلاص .. يعنى ايه بلد لها حدود ولها سيادة تبقى لكل من هب ودب ؟
يعنى ايه اسيب ناس تدخل بيتى زى الحرامية من خلال انفاق تحت الأرض ؟
يعنى ايه جماعه الجهاد اللى اتقبض عليها فى مصر وفيها مصريين وفلسطينين ولبنانيين كانوا مقضينها سهراية عبر الانفاق يدخلوا ويخرجو من والى مصر رايحين جايين ؟؟

يعنى ايه شباب مصرى يتسلل لليبيا عبر الأنفاق ؟
يعنى ايه سلاح داخل وخارج من البلد من خلال أنفاق ؟
يعنى ايه ضبط صيع من طالبان باحزمة ناسفه فى مصر متسللين عبر الأنفاق ؟
هو تدمير البلد مش زى ماهو هيقضى على المصريين هيقضى برضه على ارزقية الوقفات الإحتاجيجة
ولا المهم انهم يبانوا فى الكادر وخلاص

Comments

المقارنة بين جدار إسرائيل العازل و جدار مصر الحدودي مسألة غريبة جداً و خلط مُتعمد للأوراق .. الجدار المصري على حدود مصر .. و الحدود الدولية شيء مُقدس مش بس بالنسبة لمصر لكن بالنسبة لأي دولة في العالم .. و إلا طيب ليه الفلسطينيين زعلانين ما يخلوها سداح مداح مع إسرائيل و مش مهم يكون لهم دولة ذات حدود محددة طالما إن الحدود شيء مش مهم و مش ضروري ؟
ثانياً .. مسألة تسلل الناس و المعدات و السلاح عبر و إلى البلد - أي بلد في الدنيا - هي مسألة أمن قومي بالأساس
مفيش بلد في العالم كله ممكن أنها تسمح بتسلل أي حاجة أو فرد لأراضيها دون علمها

متعاطفين مع شعب غزة و مأساته دي حاجة مفيهاش كلام .. لكن مش تضغط عليهم إسرائيل يقوموا منفجرين في وجه مصر !! ده شيء غير مقبول
عمو عصام said…
عزيزتى..ليس لك أى حق فى دفاعك عن الجدار لسبب بسيط هو أننا هنا فى مصر وليس أى بلد آخر..مصر المستباحه التى دائما(فى حزنهم مدعيه وفى فرحهم منسيه)يدخلونها كأنها بلا صاحب ويعاملونها كزريبه وبعدها يعايرونها بفقرها وبفولها وطعميتها ومجاريها الطافحه والغريب أنهم لايفعلون شيئا تجاه إسرائيل التى إحتلت وقتلت وعربدت ثم يستأسدون على الغلبانه التى ضيعت نفسها من أجل قضاياهم التى باعوها هم وقبضوا ثمنها و...وكل سنه وانتتى طيبه
Gurren Lagann said…
"الذي لا يدخل من الباب بل يطلع من موضع آخر فذاك سارق ولص"

مش جايز ان المخدرات اللي مغرقه البلد جزء كبير منها داخل من الأنفاق دي؟!
و السلاح اللي مع تجار المخدرات مش برضه يكون داخل بنفس الطريقه؟

الناس اللي معارضه تأمين حدود بلدهم كما يجب أكيد عندهم نوع من انواع البله!
Sharm said…
تصفيق حاد
Sahran said…
قطتي العزيزة

هي بالضبط سبوبة , وقطع الأعناق ولا قطع الأرزاق , وطبعا الأعناق هي أعناق الشباب الفلسطيني , وسلامة تسلم قادتنا المجاهدين الميامين.
أنا بصراحة أتمنى أن تصنع مصر قناة مثل قناة السويس بين غزة ومصر , حتى نشوف كيف حماس راح تتاجر وتعمل بيزنس

قادة حماس وقت الحرب , كانوا مختبئين في مستشفى الشفاء بغزة , وضمنوا حماية القانون الدولي للمستشفى , وتركونا نذوق المر , ونجابه الموت في كل لحظة

اللعنة على حماس , ولإيران والبعث العربي , والإخوان المسلمين

افضحيهم يا قطة وجرّسيهم


تحياااااااااااتي لك


ودمت سالمة
Mai Zamalkweya said…
احنا في بلد جزء مش قليل مش شعبها شايفين ان البلاد التانيه اهم منها مليون مره ويجوا في المرتبه الاولي قبل بلدنا
يعني مثلا تلاقي واحد مش لاقي ياكل ويروح يتبرع لنكسه حصلت في بلد عربي لكن لو قلتيله جارك او اطفال الشوارع او حد من مصر يقولك لما ابقي ااكل نفسي الاول ابقي اتبرع ليه
دلوقتي اللي بيدافع عن الجدار ده بيعتبروه خاين ازاي البلد التييت دي اللي اسمها مصر تحاول تحمي حدودها ازاي البلد دي تحاول تحافظ علي امنها ازاي يجرأوا يقولوا لعصابه حماس اللي انتوا عايزينه من ادوية وبضائع ومعونات يدخل تحت عنينا من المعبر مش من الانفاق
وقال يقولوا في الاسلام مفيش حدود ومفيش بلاد طيب ياتري بقي الرسول عليه الصلاه و السلام بكي ليه انه سايب مكه وقت الهجره مش بردوا الاسلام مفيهوش حدود وبلاد ومفيش حد يحب بلده اكتر من بلد تانيه
يوسف said…
يانهار أبيض!
إنتو مغيبين للدرجادي ياجماعة!

إذا كان الأجانب عملو مظاهرات عشان الجدار ده!!!

الجدار مخالف للقوانين الدولية وإتفاقية جنيف!!
الجدار ده غير مقبول قانونيا ولا شعبيا ولا عربيا ولا دينيا ولا -علي الأقل- إنسانيا!

بتحمي الحدود من شوية ناس غلابة, وبتسيب إسرائيل تضرب الحدود بالطيارات!

وعلي رأي المثل
أسد علي وفي الحروب نعامة!!!
karim said…
دية ناس كتالعادة مش بتفهم وطظ فيهم اخدنا اية منهم طوول عمرنا غير القرف و البهدلة طوول عمرهم مش بيعجبهم العجب هم نسيوا الخلايا اللى عملينها هنا فى مصر, لو بجد العرب يفهموا ان معظم الوقت احنا اللى صح الدنيا تفرق كتيير, ربنا يسترها علينا منهم مش من اليهود, تحياتى
ايوية said…
والله عندك حق يا قطة انا مستغربة من المصريين الى ضدد السور دة او اى مسمى ان كان هو عشان نبقى مع الفسطنين بلدنا احنا تخرب وتتدمر وتنتهك ومش مصر الى لسة هتقول انا بساعد القضية لانها مش بتحب تتطلع فى الصورة ولا بتشتغل علشان الصحافة تكتب وتصور ولا عشان حد يشكرها يا جماعة يا مصريين فكروا شوية ولا تنجرفوا وراء كلام حد بيعمل لمصلحتة هو الشخصية
وكل سنة وانتى طيبة
Desert cat said…
على باب الله
الغريب ان للى قاعدين يجعجعوا دول لا يهمهم مصر ولا سيادة مصر
ها اخرهم صوت عالى
Desert cat said…
بابا عصام
كتير من الفلسطينين شايفين ان مصر حرة فى حدودها لكن اصحاب الماصلح الشخصية اصابتهم حالة جنان
وكان مصر تكية ابوهم
Desert cat said…
Gurren Lagann
يا سيدى الفاضل المصايب اللى دايرة تحصل فى مصر دى كلها المهربين والارهابيين عملوا بعد دخلوهم من خلال الانفاق
Desert cat said…
Sharm
العفو
:))
Desert cat said…
Sahran
قلبى معاكو كشعب بيناضل من اجل الحرية ومع كل ام شهيد
ومع كل شريف
لكن عصابة حماس لا املك سوى اقدم شوز هلى راس كل واحد فيهم
Desert cat said…
Mai Zamalkweya
انتى لخصتى الحال بالظبط يا مى
تلاقى فعلا الواحد مش لاقى ياكل ويروح يتبرع لحد فى بلد تانية
وتلاقى مصر مليانه فساد وبلاوى والمتخلفين عاملين وقفات احتجاجية علشان فلسطين
هههههه
بجد عالم تافهه
Desert cat said…
يوسف
ههههههههههههههههه
بذمتك مش مكسوف وانت جاى تكتب الكلام ده ؟؟
طيب كنت اسال حد كبير شوية وكان يقولك ان المظاهرات اللى عاملينه الاجانب علشان قافله جلاوى وليست علشان الجدار

قبل ما تفكر تكتب كلمة ابقى خد راى حد كبير الاول علشان بس منظرك مش يبقى وحش كدا
الجهل آفه كل شيئ
Desert cat said…
karim
ازاى يا كريم ازاى بس
دول حالفين انهم يضحو باخر جندى مصرى واحنا نقول نحمى حدودنا
بقد انا مش مستغربة غير من العالم الوسخة اللى فى مصر اللى قاعدين يولو على الجدار
Desert cat said…
ايوية
المصريين اللى ضد بناء السور دول بيكرهوا نفسهم
اصلهم بيحلموا يرجعوا دولة الخلافة تانى
كل سنة وانتى طيبة يا جميل

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز