Desert Cat Search
قطه الصحراء: شوفى والنبى ماشية ازاى ؟؟

Thursday, December 24, 2009

شوفى والنبى ماشية ازاى ؟؟

كلمات انطلقت من سائق التاكسى أثناء توجهى لإحدى المصالح الحكومية وبالرغم من انى كنت رايحة متاخرة وكل شوية استعجله علشان يوصلنى بسرعه قبل ما المصلحة تقفل ويبقى ضاع يوم باكمله .. إلا أنه كان ماشى يبص على اللى ماشية ازاى واللى مش ماشية ازاى ؟ قولت له هو احنا فى ايه ولا ايه يا اسطى ؟ احنا عايزة اخلص انا بقولك مستعجلة ومش باقى غير نص ساعه قدامى وانت ماشى تبص على البنات .. قالى لالالا انتى فهتى غلط يا اؤستاذه دى هى اللى شكلها ملفت اوى للنظر .. بالمناسبة البنت اللى كان شكلها ملفت اوى للنظر اعتقد انها كانت لا تتجاوز 16 سنة نحيلة جدا لابسه جيب جينز طويلة وتشيرت ومحجبة .. ولما سالته ايه اعتراضك عليها قالى ماشية تتكلم فى الموبايل وتضحك .. يعنى اعتراضك على انها بتتكلم فى الموبايل ؟ ولا بتضحك ؟ قالى اعتراضى على الاتنين وكمان شايفه لابسه ايه ؟ ماله كمان لبسها ؟ قالى لبسها ضيق يا اوستاااذه بصوت متحشرج وكأنه هيرجع فى وشى وهو بيقولها .. قولت له انت مش شايف البنت كانت ازاى ؟ دى هيكل عظمى متحرك .. قالى برضه البنت المحترمة تلبس واسع وتمشى فى الشارع بثبات مش ماشية تتكلم فى موبايل وتضحك دى اسمها مياعه وقلة ادب وبعدين الواحد بيتعب يعنى ؟ يبقى مشكلتك يا اسطى لانك بتتعب تبقى تروح لدكتور مش تمنع البنات من المشى والكلام وبعدين معلشى سؤال بس انت حد بيختار لك تلبس ايه قبل ما تخرج من بيتك ؟ قالى لاء طبعا قولت له حد اتصل عليك وانت ماشى فى الشارع مش بترد على الموبايل علشان مش تمشى تتمايص فى الشارع ولو قال كلمة او حكى موقف طريف مش تضحك ؟ قالى لاء برد .. قولت له طيب حد بيرقابك فى الشارع ويراقب حركاتك ويشوفك بتضحك او بتعيط او بتصوت حتى ويعلق عليها ؟ قالى يمكن حد بيكون واخد باله من حركاتى لكن مش يقدر يعلق عليها .. قولت له ليه ؟ قالى اصل لو عمل كدا يبقى هقطع له لسانه على طول .. سالته حسابك كام يا اسطى ودفعت له الحساب وانا رجل جوا التاكسى ورجل بره قولت انت تستاهل قطع لسانك وقلع عينك .. علشان مش حد معينك تراقب الناس وتعلق على تصرفاتهم .. ومشيت بسرعه لانى بامانة كنت خايفه ينزل من التاكسى يجرى ورايا .. الى كل ليلى امشى براحتك والبسى اللى انتى عايزاه ولو حد علق علي تصرفاتك طالما تصرفات غير مخجلة ومش خايفها منها اوعى تسيبى حقك .. انتى مش نصف كائن فى المجتمع ليكى ما للذكر من حقوق وعليكى ما عليه من واجبات .. يبقى حقك تمشى وتلبسى وتتكلمى براحتك وعملا بمبدأ سواق التاكسى لو حد علق عليكى يبقى اقطعى لسانه .. طبعا انا قصدى من قطع لسانه بالرد عليه وتعرفيه قيمته كويس ... هو ممكن يكون انسان فاشل وشايفك ناجحة او حاسس بنقص قدامك .. وبما اننا فى مجتمع ذكورى بحت لازم انه يقلل من قيمتك لتفوقك عليه .. وكل يوم وكل الليلات متفوقات وناجحات ومشرقات فى المجتمع
( مشاركة كلنا ليلى )

35 comments:

Anonymous said...

طب انتى ركبتى مع سواق تاكسى حمار احنا مالنا
وبعدين تلاقى مراته بتضربه بالشبشب كل يوم
تقومى تحوليها لقضيه الدفاع عن حقوق المراة ومش عارف ايه انتوا يا اما عبط يا اما عبط
غير كدة ما تروحى تجيبله حقه من مراته فى البيت
ياستى هو فى حد قادر عليكم
اما حكايه البسى براحتك دى فهبل رسمىhttp://www.facebook.com/group.php?
gid=63173271530
واخيرا عشان متفهمنييش غلط
من رقب الناس مات هما

عمو عصام said...

جسدها تخترقه الأنظار..مشيتها تحت المنظار..يرشقونها بكلمات تجرح كالأحجار..وأخيرا هى المخطئه..هىالزانيه التى تستحق الرجم أما هم فضحايامجنى عليهم ..تخرجهم عن شعورهم بنت 16وهم فى ذلك معذورون ..تطيح بعقولهم من تتجرأوتركب المترو بجوارهم وعليها أن تتحمل تحرشانهم فهى المخطئه لأنها لم تركب عربة السيدات..أين تذهب؟ولمن تشكو؟فالغيلان كلهم ضدها حتى لو شكت للسلطات فسوف تخترقها نظرات البيه الضابط متشككا ومشككا أنها المخطئه على الأقل لأنها تسير فى الشارع وحدها..لك الله ياأى بنت مصريه..لك الله يامصر

ذو النون المصري said...

كل عام و ليلي بخير
من الدمام احيكم

Gurren Lagann said...

Who's Laila?
Anyway, this guy suffers the snoop syndrome that a horrific portion of Egyptian people suffer.

You say it's a "male dominated society", i can`t agree nor disagree, because the number of women who suffer the symptoms of the syndrome are far beyond small.
I've heard hundreds of women saying the same thing that this guy said.

Personally i deal with such airheads with a simple sentence that concludes all what i wish to tell them :

GET A LIFE!!

Sahran said...

مرحبا قطة

بصراحة ,,,, حاجة ترفع الضغط

كتير بتحصل معي لما بأكون راكب التاكسي وبتلاقي السواق لا ذمة ولا أخلاق ولا ضمير , وبتلاقيه عم يغلط ويشتم في اللي رايحة واللي جاية
الرجل العربي لا يعترف للأنثى بفضيلة ما لم تدفن نفسها تحت أكوام القماش , ومالم ترتسم على وجهها الكآبة والحزن ,
بس ردك على أخينا كان في محله , وهو بيستاهل قطع رقبة لأنه غير محترم ,
وإحنا بنشوف العينات هاي كتير , ولا أظن أننا سنتخلص منها بسهولة


تحياااااااااااااااتي لك


ودمت سالمة

أحمد شريف said...

السلام عليكم

أولاً دعينا أقول وجهة نظر عامة حول مدونتك وحول انطباعي عنها

متفق معك تماماً في خطأ هذا السائق ومهما كانت حالة الفتاة لا تجوز تلك الأفعال لأنها لو افترضنا أنها حتى على خطا فالعزيز الحكيم يقول " ولا تزروا وازرة وزر أخرى "

الأمر الآخر : حينما ختمت المقال بقولك لليلى البسي ما تريدي

فأنا أقول كل إنسان له مطلق الحق في تنفيذ ما يريده شريطة أن يكون وفق أطر وقواعد وإطارات عامة تحكمها قواعد وقيم المجتمع .. لأن الحرية ليست سداح مداح بل يجب أن تكون منضبطة وتحترم حرية الآخرين في حرصهم على مشاهدة المجتمع مجتمعاً منضبطاً لا هو متشدد ولا هو منفلت بل مجتمع وسطي معتدل وهذا ما ننشده

الأمر الآخر : أتمنى لو تزيلي بعض عبارات السب على بعض الصور الموجودة بمدونتك والتي تعبر عن وجهة نظرك في بعض الجماعات وتستبدليها بألفاظ تليق بإنسانة مثقفة مستنيرة مثلك وهذا كما أظن فيك إن شاء الله

دمتِ بكل ود

على باب الله said...

برافو عليكي

karim said...

انتى معاكى حق فى حرية الناس, لكن انتى بتنظرى ليها انة موضوع قهر المراة والكلام دة الموضوع ابسط من كدة, بس مش تنكرى ان فعلا لازم الواحد غير ملفت للنظر الا بطريقة صحيحة احنا بردوا ناش شرقيين و مسلمين, ودة مش تخلف بالعكش دة احترام و هو واجب على كل الاطراف, ولا ايية؟ تحياتى

نعكشة said...

:D

غريب ان الواحد يعمل حاجة و يحكم على ناس تانية انها ماتعملهاش

يعني هيا مايصة عشان بتتكلم في التليفون؟؟ و ملفتة عشان ضحكت ؟؟؟

لا حول ولا قوة إلا بالله

اتفق معاكي انه مش من حقهم
بس اختلف في طريقة التعامل مع الناس دية

الناس دية ملهاش حق عليا اعمل اللي انا عاوزاة مادام مبضرهمش

يبقى لما يتكلموا فهما ملهمش أي لازمة أصلاً إني ارد عليهم
او التفت لأي كلام هام بيقولوه
لإن كلامهم مجرد هوا


دة غير انه الواحد مش ضامن واحد زي بتاع التاكسي دة لو حد رد عليه كان ممكن يعمل اية
بس
و اختلاف الطرق مفيد برضو

سلامٌ عليكِ

Hassan El Helali said...

والله يا قطه لو كل البنات عملوا زيك وماسابوش العربجيه دول ينهشوا فيهم وهما ساكتين ما كانش الحال وصل لكده في مصر

كان زمان بنت البلد تمشي براحتها ولو داس لها خرنج من دول علي طرف كانت تقلع الشبشب وتنسله علي دماغه وتلم الناس عليه وتبقي فضيحته بجلاجل

انتوا الغلطانين انكوا رضختوا للعراعير واتباعهم المتعرعرين
رجعوا الشباشب تصحوا

舞 Zamalkweya said...

ارجع اقول العيب علي البنات و الستات اللي سلمولهم عقولهم وودانهم لحد ما اقنعوهم انهم عوره ولا يرقوا لمرتبه انسان
Mai

حقى اهرتل said...

انتى بتمسكى كاركتر غريب فى الحياه لا انكر وجود مستمتع وسأتابع

مواطن مصري said...

دبي، الإمارات العربية المتحدة (CNN) -- قال مركز سعودي للأبحاث الطبية، السبت، إن هناك توجها للبدء في إنتاج كبسولات طبية تحوي بول الإبل لاستخدامها في علاج أمراض السرطان والأمراض المرتبطة بها

http://arabic.cnn.com/2009/scitech/12/26/Camel.Urine/index.html

يبقى لزمتها اية بقى العلم و مصاريف الدراسة

و ابحاث و مراكز

مواطن مصري said...

سوفي بقى الفراعنة بيفكرو ازاي ردا على بتوع بول الابل

عالم مصري: الذهب يميت السرطان


القاهرة - محرر مصراوي - أكد العالم المصرى الدكتور مصطفى السيد رئيس كرسى "يوليوس براون" بمعهد جورجيا للعلوم والتكنولوجيا بالولايات المتحدة والحاصل على قلادة العلوم الوطنية الأمريكية أهمية علم "النانو تكنولوجى" وتطبيقاته على الساحة الدولية.
وأوضح أن النانو هى تكنولوجيا تقوم على أشياء صغيرة ومتناهية الصغر، وعلم يعتمد على خواص المواد ويعطى مواد جديدة لا عدد لها من مواد صغيرة، مشددا على أهمية البحث العلمى ودراسة المواد المختلفة من حولنا وخواصها بتأن ودقة، إذ يمكن من خلال هذه الدراسة المتفحصة أن نكتشف خواصا جديدة حال تحويل هذه المواد إلى جزيئات النانو متناهية الصغر.
http://www.masrawy.com/News/Egypt/Politics/2009/december/26/gold.aspx

Desert cat said...

Anonymous
بما انك مش شايف ان 3/4 المجتمع حمير من عينة سواق التاكسى بعد انتشار حمير الفضائيات وسعيهم لتشييئ المرأة اذن اتضح الرؤية فى مدى العبطالذى تتمتع به
شكرا لزوقك

Desert cat said...

بابا عصام
وتخرجهم عن شعورهم يا بابا بنت اـ4 اعوام
وشوف فى المترو الاطفال اللى امهاتهم المقتنعان بانهن عورة وانهن مجرد اشياء للمتعة فقط وهما ملسينهم العباة والطرحة وكاها رايحه تبيع بيها خضار فى السوق

Desert cat said...

ذو النون المصرى
كل عام وانت بالف خير يا ابو عمر
تحيتك وصلت يا صديقى

Desert cat said...

Gurren Lagann

Leila is allocated on the net for
the dissemination of Leyla Maanp with the community as a patient Ende and I'm already fully convinced that in garbage Stat Ui CDA convinced they are just things
Mercie

Desert cat said...

Sahran
ممكن نتخلص من العينات اللى عقلها متعفن دى يا سهران بثورة المرأة نفسها لإعادة كرامتها النهوبة

تحياتى

السر said...

عينات سواقين التاكسي دي أصبحت سمة ظاهرة في معظم دول العالم العربي بس راح نقول إيه .. صحيح إللي اختشو ماتوا

Tears said...

التسلط اصبح احد سمات المجتمع بعد ان قامت بتغذيته الدعوات الدينية الوهابية...مصر سنه ستين ماكانتش كده....ارجعوا لجمهور حفلات ام كلثوم لتعرفوا اننا نتقدم للخلف

osama said...

دائما حين أقرأ سطورك. ابتسم لروح السخرية الرائعة في السطور.. ..
و
ليس الامر كما قال احد المعلقين. مشكلة فرد.. بل هي ظاهرة.. الانفصام في الشخصية
كان السائق - وغيره_ يجيب وكأنه هو المحق.. يفعل ما يشاء... ...
...وحين يصل به المنطق للاعتراف لا يجد مناص من استخدام القوة كحل...
دمتم بكل ود...
وكل عام وانت بخير

Desert cat said...

احمد شريف
اولا واضح انك فهمت اللى انت عايز تفهمه بس او قريت سطر وسبت سطر
اصلى لما قولت لليلى اعملى اللى انتى عايزه كملت بعده طالما مش بتعتدى على حق حد ومش بتعملى حاجه غلط وبالتالى اللى يتكلم فى حاجه مش تخصه تديله باللى فى رجلها
بالنسبة للصور اللى فى مدونتى
فدى مدونتى وانا حرة فيها يعنى زى بيتى كدا
احط فيه اللى انا عايزاه ومش من حق حد انه يجى يقولى اعمل ايه فى بيتى ومش اعمل ايه

شرفت

Desert cat said...

على باب الله
وعليك انت كمان
:))

Desert cat said...

karim
يعنى هى هتلبس مايوه وتمشى بيه فى ميدان التحرير ؟؟
واشمعنا هى يعنى اللى عندها بنقول احنا ناس شرقيين
انت حد بيقولك تعمل ايه ومش تعمل ايه ؟؟ ولا انت غربى والبنت بس هى اللى شرقيه ؟

Blank-Socrate said...

يا قطة دى حاجة معروفة من زمان
انه هو اللى بيتعب
دا شىء مفروغ منة
معظم الرجاله بتتمسح بالتقوى علشات تدارى نهمهم للجنس اللى مش عارفين يشبعوه
ربنا يرحمهم و يرحمنا كلنا و يهديهم
تحياتى

Desert cat said...

نعكشة
انا كنت بكلمه وخايفه يطلع لى حاجه يحدفنى بيها بس لو مش كنت قولت الكلمتين اللى فى نفسى كان ممكن يجرى لى حاجه

تحياتى

Desert cat said...

Hassan El Helali
بالظبط يا حسن لن يحرر المرأة سوى المرأة
لكن فى ناس بيربوا بناتهم على الجبن والاستكانة ويقولوا لهم اللى بترد على واحد بتبقى قليلة الادب وبالتالى اصبح انتهاك حقوق المرأة حق للسافل

تحياتى وشرفتنى جدا

Desert cat said...

舞 Zamalkweya
تصدقى يا مى ان فى بنات فعلا مقتنعين انهم عورة مش قادرة افهم دول بينزلوا الشوارع ليه هى العورة بره مصرح لها تخرج من بيتها

تحياتى

Desert cat said...

حقى اهرتل
كاركتر موجود فى الحياة ومنتشر بقوة
وبالرغم من استغرابك ما اظنش انك حاولت تواجهه

Desert cat said...

مواطن مصرى
بلاها كليات الطب وبلاها وجع القلب بتاع المذاكرة وبلاها الدروس الخصوصية وقرفها ويحيا بول الابل

Desert cat said...

السر
انتشروا لانهم مش لاقوا حد يقولهم عيب وبكدا افتكروا انهم بيعملوا عمل وطنى

تحياتى

Desert cat said...

Tears
للأسف جمهور سنة ستين بيقولوا عليهم كفرة اما المنقبة صديقة الطلبة فهى هتدخل الجنة

Desert cat said...

osama
استاذى العزيز للأسف عندما تواجهه احدهم بالمشكلة يلقى اللوم على عاتق الفتاة ويحلف بكل ما اوتى من ايمانات العالم انها مخطئه وانه محق ولذلك له كل الحق فى البص والبحقله واهانتها وكمان مش من حقهاا تتكلم اصله ذكر

تحياتى لحضرتك وشرفتنى جدا

Desert cat said...

Blank-Socrate
يا مينو المنطق بيقول ان الشخص المريض بيعالج نفسه مش بيقعد يلوم الأصحاء

تحياتى