أحلى من الشرف مفيش


عمّان- ا ف ب
وجهت محكمة الجنايات الكبرى تهمة القتل العمد لأردني قتل ابنة شقيقه القاصر بداعي "الدفاع عن الشرف" اثر علمه بأنها تعرضت للاغتصاب قبل عام وانجبت طفلا غير شرعي، على ما افاد مصدر قضائي، الأربعاء 12-8-2009.
وأوضح أن "المتهم اعترف بجريمته فورا مدعيا انه ارتكبها لتطهير شرف عائلته لعلمه بأن ابنة شقيقه اغتصبت العام الماضي وانجبت طفلا قبل نحو شهرين واحتفظت اسرتها به".
فى اى شرع وفى أى قانون بنت قاصر تتقتل مرتين مرة باغتصابها ومرة بسبب جهل عمها ؟؟
يعنى مكافأة المغتصب قتل الضحية ؟؟ يعنى بدلاً من قتل الجانى نقتل المجنى عليه ؟؟
اى قوانين دى ومين اللى وضعها ؟؟
ربنا فى شرعه قال نقتل اللى تم الاعتداء عليها واغتصابها ؟؟ ده حتى الزانية والزانى ربنا قال اجلدوهم مش اقتلوهم لان هو وحده اللى يملك الحياة والموت .. يبقى باى حق هؤلاء الجهلاء من البدو يفصلوا قانون على مزاجهم لقتل الفتيات .. دى مش اول جريمة قتل تحصل ويتم لزقها بالشرف .. اصل للأسف اللى بيتقل وبيزلق كلمة شرف فى الجريمة بيتم تخفيف العقوبة عنه .. وده مش فى الأردن بس يعنى بدلا من تقويم الضحية واعادة تأهيليها بالتوكيل اللى مدينه الجهلاء لنفسهم من الله يروحوا يقتلوا المجنى عليها .. دى الحيوانات مش بتعمل كدا ؟؟ الوحوش بتحمى بعضها
أتعجب على ذئب لا يأكل لحم ذئب وبشر يأكلوا بعضهم بعض

Comments

عمو عصام said…
إبنتى العزيزه قطة الصحراء ...صدقينى لم تطاوعنى الكلمات لكتابة تعليق على هذاالحادث المؤسف الذى كنا نعتقد انه إنتهى منذ العصر الجاهلى فأرجو المعذره...أعاننا الله على العيش مع هؤلاء الذين جعلوا من أنفسهم قضاه وجلادين وليتهم يحكمون بالعدل بل حكمواعلى الضحيه بالإعدام وتركوا القاتل يمرح بجريمته ولم لا؟أليس من الأسهل على الجبناء ضرب البردعه ماداموا قد جبنواأمام الحمار؟
jafra said…
انا كتبت كمان عن الموضوع بصراحة موقف العم مش مفهوم و فيه كتير شكوك المفروض يعدم لانو بلا رحمة
و الله يعلم شو نيتوا ؟
هي نفس القوانين التي كان يستند اليها
الجاهليون
بعصر ما قبل الاسلام

تلك هي الموءودة التي ستسأل
بأي ذنب تقتل
في يوم القصاص العادل

تحية
بالذمة هي اللى اغتصبت نفسها يعني؟
بدل مايحتويها و يقتل اللى اغتصبها يقتلها هي؟؟
انهي شرع ده؟
mUsLiM said…
حسبنا الله ونعم الوكيل

ونسأل الله أن يرحم هذه الفتاة المسكينة
فهى فعلا قتلت مرتين

ولكن ، على كل حال هى عند الله أرحم الراحمين الآن

وأنا أرى أن هذه الجريمة لا ينطبق عليها وصف جرائم الشرف

لأن هذه جرائم الجهل

ولا يستحق قاتلها التخفيف المقرر قانونا لمثل جرائم الشرف هذه

لأنه ربما يستحق هذا التخفيف فى حالة أن تكون فالتاة زانية أو كانت الفاحشه بتمام رضاها

أما مثل هذه الحالة فالمجرم يستحق أقصى العقوبه فى نظرى

السلام عليكم
Ehab Mohammed said…
منتهي الاستفزاز
اتمني ان يجد ما يستحق
لأن ده ظلم رهيب
و أزهاق نفس باسم الشرف
GHARAM said…
دا الجهل بعينه


فعلا حاجه غريبه

دا البهايم ممكن تكون بتفهم عن الناس المتخلفه دي

اعوذ بالله من غضب الله


طيب ماهو لو عامل دكر وبيقتل واحده مسكينه أتعرضت للإغتصاب بحجه أنه حامي حمي الشرف

يروح يقتل اللي أغتصبها


والا ماقدرش على الحمار اتشطر على البردعه
Anonymous said…
حكاية التخفيف فيما يسمى جرائم الشرف
نموذج صارخ للتناقض البشع الذى تعيش فيه بعض المجتمعات المتخلفه
فلو فرضنا ان فتاه اخطات فى لحظة ضعف وكلنا بشر
فالقانون به عقوبه مناسبه
ولكنه عندما يعطى هذا القانون نفسه للقاتل تخفيفا فى جريمة قتل فهو يناقض نفسه وكانه يقول ان عقوبته المناسبه الأولى للخطا غيركافيه
ونقطه اخرى تحتاج منا للمواجهه الشجاعه
عندما نختزل الشرف والفضيله فى نقطه واحده وهى الجنس
ونتغافل عن كل ما ينخر فى مجتمعاتنا من غش وكذب ونصب واستهتار وجهل واهمال وعدم اتقان للعمل والحقد والكراهيه والأستبداد
وضياع كرامة الأنسان عند كل صاحب سلطه...الخ
ولا تسمى فاحشه
مع ان ضررها يمس حياة ملايين
وهذا الذى قتل بريئه لا ذنب لها من غزه لم يغضب لما قادت اليه حماس من تمزيق للصف الفلسطينى وضياع القضيه وبالتالى ضياع شرفه الحقيقى
فاستعاض عنه بالأسهل فقتل بريئه
وهذا يحدث بالعشرات فى اسواق بغداد يوميا وفى افغانستان وباكستان
والصومال
وتتلقى
نائبات فى البرلمان الكويتى خطابات تهديد بالقتل
Anonymous said…
والى الذين يتحججون بمعايير الدين المتشدده مع ممارسات الجنس
نقول ان هذه المعايير كانت معقوله فى مجتمع يعرف نظام الجوارى كمخرج لضغوط الغريزه اما وقد تطورت البشريه والغت الرق فالمشكله تحتاج الى اعادة نظر وتفكير
Anonymous said…
ليس غريبا ان تحدث مثل هذه الجرائم
فى غزه حيث اضاع الجهابذه من حماس بجهلهم وغبائهم او الفاسدون من فتح بمتجارتهم وثرائهم على حساب القضيه
وليس تحويل الزعيم المغوار ياسر عرفات لزوجته سها اكثر من مائه وخمسين مليون دولار الى فرنسا دفعة واحده وتشكك السلطات هناك فى ان يكون وراء ذلك مايريب
ليس غريبا
ان يلجا البعض للدفاع عما يتوهمون انه شرفهم بعد ان ضاع شرفهم الحقيقى
وبالمناسبه مبروك على عشيق سها الملايين على اى حال فهو عربى وشقيق زعيم عربى ممن لا يتزهزهون من السلطه الا الى القبر
Anonymous said…
وهكذا تندلع الأشتباكات المسلحه بين الجماعات الدينيه فى غزه بعد ان اعلن احدها غزه اماره اسلاميه فيسقط القتلى فى المسجد
http://www.aljazeera.net/NR/exeres/22B809A2-66DA-4982-AE3C-14D9FA5AEB19.htm

مسلحون يعلنون إمارة إسلامية بغزة
قتل قيادي في كتائب القسام الذراع المسلح لحركة المقاومة الإسلامية (حماس) وخمسة آخرون وأصيب العشرات في اشتباك مسلح بين الشرطة التابعة للحكومة المقالة بقطاع غزة ومسلحين من جماعة إسلامية دعت إلى إقامة إمارة إسلامية في القطاع تنطلق من مدينة رفح.

وقال مراسل الجزيرة في غزة تامر المسحال إن الاشتباكات وقعت بعد محاصرة شرطة الحكومة المقالة لمسجد يتحصن فيه مسلحون موالون لجماعة ما يعرف بالسلفية الجهادية ما أدى إلى مقتل القيادي بالقسام.

وأضاف أن هذا الحصار جاء بعد أن أعلن أمير هذه الجماعة في خطبة الجمعة بمسجد ابن تيمية إطلاق إمارة إسلامية في قطاع غزة تبدأ من رفح، وطالب الحكومة المقالة بأن تخضع لأحكام الشريعة الإسلامية، وبأن جماعته ستكون "خدما" للحكومة حال تنفيذها ذلك.



http://www.masrawy.com/News/MidEast/Reuters/2009/August/14/915526Update.aspx

اللهم اهلك الظلامين ب الظلامين و اخرجانا منها امنين
المرأة هي المخطئة ، هي تسيب بيتها ليه ؟ أكيد كانت بتمشي تتقصع في الشارع ، أكيد كان صباع رجلها الصغير طالع من الخيمة اللي لابساها ، أكيد كانت ماسكة سبت الخضار بشكل سيكساوي مُهيج للجماهير ، أكيد هي اللي غلطانة و هو مين اللي قال لها أنها تبقى بنت في مجتمع القضيب المنتصب ؟

لذلك أطالب بمكافأة مالية ضخمة لذلك الرجل الدكر - أخوها - الذي أذاق تلك الفاجرة ما تستحق

كما أطالب بجائزة مالية مساوية للدكر الآخر الذي إغتصبها و لكن يبدو أنه قد نجا بفعلته قبل أن نتمكن من منحه ميدالية الإجادة

و لتكن هذه الحادثة عبرة و موعظة لبناتنا أخواتنا .. فيتعلمن أن النقاب إنما هو حماية لهن ، و إلتزامهن ببيوتهن إنما هو خيراً لهن لصيانة العورات و الفروج و درءاً للفتنة عن شبابنا الهائج أبداً بين جنبات دولة القضيب المنتصب
Anonymous said…
حلوة ...... احلى من الشرف دى
مش كده برضه
ههههههههههههههههههههههههههههه
Anonymous said…
شىء يثير الغثيان والتقزز
من هؤلاء الشرازم من سفاكى الدماء فى غزه...كل عصابه تكفر العصابه الأخرى والعالم يتفرج مدهوشا من ان مثل هؤلاء يعيشون فى عصرنا
ولا زال بعض
السذج يعتقدون ان مثل هؤلاء المتاسلمين يمكن ان يجلبوا اى خير
ومبروك لأسرائيل
Desert cat said…
عمو عصام
للاسف يا بابا عصام هؤلاء الجلادون ينعمون فى الجهل يعمهون فقد استبدلوا عقولهم بنخاعات مسلوقة وكان هذا هو الناتج
Desert cat said…
jafra
انا شاكه ان هو الحقيقة اللى عمل العملة السودة دى .. انت ايه رايك
Desert cat said…
وجه جديد د.أحمد عثمان
طيب ودلوقتى الاسلام موجود وسندهم انهم بيعملوا كدا بدافع الشرف .. تفتكر فين التغيير ؟؟
تحياتى
Desert cat said…
The Count of Monte Cristo
عندى احساس قوى ان الراجل ده هو اللى اغتصبها اساسا
Desert cat said…
mUsLiM
هى عادة البدو بيقتلوا ويلزقوا الجريمة بالشرف لتخفيف العقاب المفروض اساسا قانون جريمة لشرف ده يتغير لانه حجة اى قاتل دلوقتى
Desert cat said…
Ehab Mohammed
انا كمان والله اتمنى انه ينال ما يستحق
Desert cat said…
GHARAM
مش عارفه ليه يا غرام حاسة ان الموضوع ده الراجل عمها ده ليه يد فيه اصل ابوها مش قتلها يقوم عمها يجى بعد سنة من الاغتصاب وكمان ولدت طفل سفاح يقتلها الموضوع ده فيه حاجه غامضة
Desert cat said…
Anonymous
فعلا ممكن يكون اللى قتل بنت علشان حصل لها حادث اغتصاب او حتى بمزاجها هو نفسه شخص مرتشى او نصاب لكن المشكلة مش فيه هو بس المشكلة فى المجتمعات العربية باكملها اللى فاهمة كلمة الشرف يعنى الجنس
Desert cat said…
Anonymous
حتى ايام قوانين الجوارى مش كان فى القتل من اجل الشرف والهوس الجنسى اللى حاصل دلوقتى ده الناس بترجع لايام ما كانت عايشه فى الغابة
Desert cat said…
Anonymous
تقريبا اسرائيل بقى حقها الطبيعى وجودها فى فلسطين اصل الفلسطينين قاعدين قتلوا فى بعض ومبقاش فى اخبار اسمها مواجهات مع جيش العدو
Desert cat said…
مواطن مصري
ياريتهم يخلصوا على بعض ونستريح وياريت بالمرة يبعتوا ياخدوا اخوانهم اللى فى مصر يساعدوهم
Desert cat said…
على باب الله
ايوا فى كل الاحوال المرأة هى المدانة دى حتى تم اغتصابها واتقتلت
دى كانت تستحق يقطع منها وهى على قيد الحياة ازاى يعنى يتم اغتصابها
Desert cat said…
Anonymous
اه كدا برضه
Desert cat said…
بابا عصام
لو نظرنا لكل ما يحدث بيننا بعد هجوم الغزو الوهابى على مصر لرايت اننا نعود الى العصر الجاهلى بسرعة الصاروخ فلا عجب ان يضرب البدو البردعه ويتركو الحمار
Desert cat said…
jafra
انا بقى شاكه فى العم نفسه
Desert cat said…
وجه جديد د.أحمد عثمان
طيب وده معناه ايه بقى يا دكتور ماهو للاسف مفيش رسول جديد هيجى يهدى الناس لحسن الخلق وحسن المعاملة لان الرقآن أخبرنا ان النبى محمد هو خاتم الرسل
Desert cat said…
The Count of Monte Cristo
ده شرع العم الجبان
Desert cat said…
mUsLiM
ماهو للاسف يا فندم عندهم فى القانون اى قاتل من اجل الشرف تكون عقوبته مخففة علشان كدا كل واحد يقتل يلزق جرميته بالشرف لعل يفلت من العقاب
المفروض المادة دى بقى تتلغى
Desert cat said…
Ehab Mohammed
اتمنى مثلك ان ينال عقابه
كما اتمنى الغاء المادة التى يستند لها كل قاتل لاخذ عقاب مخفف
Desert cat said…
GHARAM
مش عارفه يا غرام انا شاكة فى الراجل ده ليه
حاسة ان هو اللى عمل العملة المهببة دى
Desert cat said…
Anonymous
لا ارى اجهل من المجتمعات العربية التى تختزل الشرف فى الجنس بل من الممكن ان ترى الشخص القاتل او المتحدث عن الشرف الذى لا يسلم من الاذى الا ان تراق على جوانبه الدم ان تراه مرتشى او نصاب او حرامى او كداب او منافق لا يهم كل هذا الاهم هو الجنس الذى يسمى فقط بالشرف
تحياتى
Desert cat said…
مواطن مصري
طبعا اذا كانوا سابوا احتلال العدو والنساء اللى اترملت والاطفال اللى اتيمت ورايحين يفتشوا فى بيوت الناس على مين اللى بيضحك بصوت عالى واذا كان الضيوف اللى فى بيوتهم قرايبهم ولا لاء
يبقى ليه ما تطلعش جماعات تانية ويعملوها امارة
ربنا يهلكهم جميعا وياخدوا معاهم بالمرة اخوانهم اللى فى مصر خليها تنضف
Desert cat said…
على باب الله
ايوا فعلا كيس الزبالة الاسود هو الحل وكمان تغطى عنيها العورة بالمرة وتاجر لها طفل يسحبها
Desert cat said…
Anonymous
اذا كنتى تعرفيه يعنى
ههههههههههههههههه

Popular posts from this blog

قميص دهشور

كل تحرش وانتوا طيبين