اكاديمية السادات يبلطجو بفلسوهم وسفارتهم هتساعدهم


اعتداء3طلاب سعوديين على هيئة التدريس باكاديمية السادات .. هما هيئة التدريس دول جنسيتهم ايه ؟؟ مصريين ؟؟ طيب وأيه المشكلة ما يعتدوا عليهم ماهو الدكتور رؤوف العربى وزميله اتحكم عليهم فى السعودية ب1000جلدة و15 سنة حبس ولما استأنفوا الحكم حصلت نكتة جامدة طحن الحقيقة الا وقالوا لهم ماشى يا مصرطالما مش عاجبكو الحكم يبقى خدوا بقى 1500 جلدة و20 سنة سجن هو يعنى حد هيقولنا انتوا بتعملوا ايه ؟؟
والشعب هاج وماج والصحف كتبت ونشرت وباعت وعملت شغل جامد والموضوع اتنسى بعد اسبوع بالظبط .. فلما يطلع ولد سعودى قليل الادب من ال3اللى اعتدوا على استاذه هيئة التدريس واللى كسروا البنشات كمان اثناء الاعتداء يقول لهم
سأقتلك، سأقتلك، أنا هاحبسك فى بلدك يا مصرى، سأجعل السفارة.....»
وبعد قلة الادب والانحطاط الأخلاقى ده والتعدى البين والواضح وبدل من اخذ موقف حازم وصارم كان أقله إلغاء إمتحانهم إلا أنه تم تغيير هيئة التدريس وتم احتواء الموقف والعيال رجعوا يكملوا امتحانهم عادى ولا كأن حاجه حصلت ده كمان تقريبا العيال اعصابهم كانت لسه متنتورة شوية هنا وشوية هناك يعنى شافهم العميد مش مركزين راح متدخل بنفسه لتهدئتهم حنوين اوى الدكتور علاء الغزالى وفى الحقيقة الدكتور علاء ده بالاضافة لحنيته الواضحة والبارزة كبروز السيلكون المنتشر الأيام دى إلا إنه برضه دبلوماسى خطير شنيع مريع اصله قال برضه ان
الواقعة «عادية»، وتحدث نتيجة للتوتر الناتج عن الامتحانات، ولا نريد تضخيمها حرصا على العلاقات السعودية - المصرية، وسيتم التعاطى مع الواقعة داخليا للبت فيها
بت يا دكتور براحتك ولا مش تبت هو حد هيقولك كرامتى بتنقح عليا وعايز اردها يا راجل ولا يهمك دول مصريين برضه والمصريين دول حمالين اسية جت على دى
بس فى حاجه غريبة انا ملاحظها فى الموضوع ده بالرغم من ان الولد قال لأحد اعضاء هيئة التدريس هحبسك فى بلدك يا مصرى بما يسمى بالعنصرية وفرد القوة كمان الا إن المصريين اللى قاعدين يلطموا الخدود ويقولوا الغرب دول عنصريين وبيكرهوا المصريين و المسلمين تحديداً مش حد سمع لهم صوت على عنصرية العيال دى مع استاذة هيئة التدريس ؟؟
وبما إن كل واحد يتأذى بسبب العنصرية يبقى المفروض بقى ان المعيد محمد سامح والمعيد رامى إبراهيم والاستاذه لبنى عبدالكريم اللى تم الاعتداء عليهم شهداء اختبارات الاكاديمية وانا من كيبوردى هذا اطالب بالقصاص من العيال العنصريين دول ... وكمان بفتوى لوذعية من شيوخ الفضائيات بدل قتل ميكى ماوس والنقاب ابو عين واحدة تقول ان العيال دى مفسدون فى الأرض

Comments

هو لو كان اللي عمل كده طالب مصري كان هيبقى رد الفعل المايع ده؟

و لا هو ولادنا في بلدنا رخاص و الغريب غالي

و لا قلة الأدب من الهمج دول مسموح بيها

مابقتش فاهمة حاجة تقرف بجد
حياة said…
لنعكس الوضع فى عدة حالات
1.لو هولاء الطلبة مصريين واعتدوا على هيئة التدريس المصرية ؟ ما مصيرهم؟
2. لو هولاء طلبة مصريين وهيئة التدريس سعودية ماذا سيكون التصرف؟
3. لو الطلبة المصريين فى جامعة سعودية وضربوا هيئة التدريس السعودية؟؟

ما التصرف اتعرفون؟؟
فى الحالة الاولى حرمان من الدراسة لمدد تترواح من سنة الى ثلاث سنوات على الاقل وممكن حبس بعد محاضر الشرطة

الحالة التانيه سوف يتم ايفاف الطلاب وحبسهم للتعدى على مواطن اجنبى وكذلك الايقاف من الجامعة

الحالة التالته يكون بحبس الطلاب وجلدهم والحبس وبعد ذلك الترحيل الى مصر واظارهم انهم مجرمون
وطبعا لن تتدخل السفارة ولا الخارجية عشان العلاقات والاخوة ويولع تلاته اربع عيال مش متربين
المصرى رخيص فى بلده فتخيلوا بره بلده ماذا يكون
تحياتى
Anonymous said…
الى هذا الحد تفعل الفلوس الملوثه بالجهل والهمجيه
وهل تنتظرى من فضائيات الفلوس الملوثه بالجهل والهمجيه ان تتمرد على اصحابها هيهات هيهات
الغريب حقا والمخذى موقف العميد
لو فى هذا البلد امل لا بد ان يحال للمحاكمه العاجله
وان يفصل هؤلاء الكلاب على الفور ويخضعون للتحقيق
والا ابشروا بالفوضى عندما ياخذ كل غاضب مهان مقهور من المصريين القانون فى يده وياخد حقه بايده
المسؤولون يعبثون بمستقبل هذا البلد
Anonymous said…
اعتقد ان هذه التراكمات ستولد يوما انفجار هذا الشعب
الذى صبر وكاد ان ينفد صبره والمسؤولون يستهنينون به وبكرامته
Anonymous said…
اين مجلس البطيخ المشهور بمجلس الشعب الذى يكلف من دم الغلابه اكثر من 100 مليون جنيه سنويا
وابن عمه مجلس الأنس المشهور بالشورى الذى يكلف هو الآخر 100 مليون لأرسال التهانى فى المناسبات
وفى كل مناسبه الحكومه تهنىء الحكومه
تاملوا شويه ما يحدث فعلا
ولا تندهشوا اذا كنا نتراجع بخطى ثابته الى الوراء فى كافة المجالات
محلل said…
يااعزائى هذا العميد المتخاذل ضحيه اكثر منه جانى
كيف؟
اقول لكم
اننا فى بلدنا السعيد اخترعنا شيئا مبتكرا
المسؤول غير المسؤول
المسؤول الذى لا يملك من امره شيئا ولا يتحرك ولا يجرؤ على اتخاذ قرار الا بعد وصول الأوامر العليا
طبعا يستطيع ان يامر برى جديقة المعهد ولكنه لا يستطيع ان يتخذ مع هؤلاء الكلاب اى اجراء جدى
ولذلك فمؤسساتنا جميعا مصانع لأشباه الرجال
Anonymous said…
اين مجلس البطيخ؟
اجاوبك مشغول بقضية قمصان النوم فى المسلسلات
Anonymous said…
اقترح عليك عمل مسابقه لأختيار الأسم المناسب للمجلس اللى ما يتسمى
لأن البطيح لذيذ ومفيد ولا يخون الأمانه ولايعبث بمستقبل البلد
ولا يدخل بيوتنا الا بمحض ارادتنا الحره لا بالتزوير وتقفيل اقفاس الفاكهه المشهوره بصناديق الأنتخاب
Anonymous said…
ربما ابشع مافى الموضوع هو ان مثل هذا العميد سوف يعود الى بيته ويمارس حياته العاديه دون اى احساس بالذنب او العال ولا ادرى كيف سيربى اولادهاذا سالوه ولا استبعد ان يظهر غدا فى التيلفزيون ليتحدث عن كيف تتقدم مصر
عبدوا الدرهم و الدينار و الريال
فاتوا بالذل لانفسهم و لنا بالتبعيه
舞 Zamalkweya said…
عادي جدا خلاص احنا بعنا نفسنا وكرامتنا لفلوس البترول مع ان كرامه الانسان اغلي من اي شئ
طول عمري بكره الخليجيين و خصوصا السعودين ومكنتش عارفه ايه السبب وطول عمري بقول ان مش الغرب اللي بيكرهونا دول العرب هما اللي بيكرهونا وبيكرهوا نفسهم اصلا
مش عارفه ايه اللي يوصلنا للدرجه دي انهم يهينونا علي ارضنا
في موقف حصل معايا وانا بدرس الخليجيين اللي كانوا بيدرسوا في المعهد اللي كنت فيه كانت بتبقي ليهم لجان خاصه لوحدهم وبيحصل فيها كل شئ العقل مايتصوروش لدرجه المراقبين كانوا بيروحوا لجان تانيه يخلونا نكتب اجابات في ورقه ويروحوا يدوهالهم واحنا لو حد اتنفس كانوا بيسحبوا مننا الورقه
وفي واحد اتعصب علي الامتحان وقطع ورقه الاسئله اتحرم من باقي الامتحانات
ورقه الاسئله مش ضرب وهزق وكسر
محبط ومكتئب said…
مسؤولين من بلاد تانيه
رئيس كوريا الجنوبيه
يقول انه نشا فقيراوليسدد مصاربف الدراسه عمل كناسا للشوارع
واجنهد حتى وصل الى رئيس شركات هيونداى العملاقه
وبمجهوده كون ثروه 26 مليون دولار
ويذكر ان كل من ساعدوه فى شبابه كانوا مثله من الفقراء وبعد تفكير اهتدى الى ان افضل طريقه لرد الجميل لهم هو التبرع بثروته للمجتمع فى شكل اعمال خيريه يصرف منها على الطلبه غير القادرين
وليكون مثلا لغيره
SGEN-22 said…
This comment has been removed by the author.
SGEN-22 said…
This comment has been removed by the author.
SGEN-22 said…
السلام عليكم ورحمه الله وبركاته

اشكر كل من شارك في هذا الموضوع

وبين حبه وعزه لدولته وهيا دوله مصر

الدوله التي علمت اجيال واجيال وكلنا

ابنائها سؤاء كنا مصرين او سعودين او
غيرهم ولكن هناك بعض الغير مصداقيه في الموضوع


اخي العزيز انا لا اكذبك في في موضوعك ولكن هذا كلام غير مصداقي انا طالب في كاديميه السادات وانا طالب سعودي

لست باني سعودي ادافع عن السعوديه ولاكن ادافع عن الحق والحق والحق

نعم بدات مشاده مشاجره بين طلاب سعودين
ومعيدين في الاكاديميه قلت لك معيدين

والسبب ابين لك كامل اسباب التوتر التي صارت بيننا نحن السعودين انا ضد الي صار بس ابين اسبابه

اخواني نحن طلاب اكاديميه السادات فرع جده

لقد تم النصب علينا من قبل الاكاديميه السادات والوسيط في الجامعه

كيف ؟

كنا ندرس دراسه انتظاميه في جده دراسه مثل اي جامعه انتظاميه

ولكن بعد مرور 3 سنين من الدراسه

تغير الحال من ليله وضحاها وقاموا باقفال الجامعه وانكارهم لنا نحن

والسبب اختلاف في الماده ((الفلوووس)) بينهم وبين الوسيط الجامعه وهو يدعى بمسلم حموده

واصبحت مشاكل وتم اقفال الجامعه وقالوا لنا بان الدراسه سوف تكون في مصر اليس هذا بظلم نحن الطلاب السعودين والمصرين والسورين والفلسطين

قولي لي اليس هذا بظلم

انا لا اتحدث على السعودين بال اتحدث على الجنسيات الثلاثه واهم اخواني المصرين

كل سبب الضغوطات والتوترات بسببهم هم

بنسبه لموضوع السعودين والشد بالكلام

نحن هذي غلطتهم السعودين بانهم اقاموا مشاجره كلاميه ولكن لم اسمع بانهم يقولون
بنحبسك يامصري في بلدك او نشتكيك في السفاره

هذا غير صحيح ولى يوجد اي مصداقيه في الموضوع

عموما ياصاحب الموضوع اذا انت يهمك مصر و حقوق الانسان انشر موضوع نصب الجامعه لطلاب السعوديه

ليس لسعودين ولكن لمصرين وكامل الاجناس


واذا انتم تكرهوا السعودين

بنسبه لي انا اعشق المصرين واحترمهم وكل اصدقائي مصرين ليس اصابع اليد وحده كلنا اخوه وكلنا عرب

والكل بيتحاسب يوم القيامه سؤاء كان سعودي او مصري او هندي

كلنا سواسيه

((لافرق بين عربي واجنبي الى بالتقوى))


وشكرا لكم
هذه أوطان قبلية بل عشائرية
أنا وأخي ضد عمي وأنا وأخي وعمي ضد خال

للأسف تحولت في كثير من الأحيان لإلى

أنا وأبي ضد أخي
أو
أنا وأخي وأبي ضد أمي

شفت العشارية والقبلية تأكل نفسها بنفسها
هؤلاء الذين لم ينسجموا مع أنفسهم لن يتصالحوا حتى معغ أصابع اليد الواحدة

لكن الظلم
وقلة القيمة سببها أيضا الانحناء لأصحاب البترودولار

واحد مغربي حكا لي كثير عن عمله بهذه البلاد، أعرف أنه انسان قروي لطيف جدا استغرب من اطلاعي على بعض حيثيات هذا المجتمع التي لا يعرفها عموم المغاربة..ومن أسئلتي له وجدت أنه راض جدا عن حياته وسط مجتمع عشائري قبلي يستحق أن يدرس أنتروبولوجيا..ومن تم عرفت أنه أكثرلا انحناء وتذللا

أشقائي المصريين نعرف جيدا أن لقمة العيش تحني الرقاب..
فليكن في عون كل من ذل نفسه بأوطان الرمال

مودتي القلبية
Desert cat said…
أسماء علي
لا طبعا ده الدكاترة اتجلدوا واتسجنوا دون بمجرد كلام دون اى ادلة
لو دول طلاب مصريين كان زمانهم اتجلودا واندفنوا احياء بفتوى لوذعيه
Desert cat said…
حياة
كل اسئلتك اجابتها تتلخص يا حياة فى ان لو دول مصريين وعملوا كدا سواء فى مصر او فى السعودية كان زمانهم دلوقتى اتعاقبوا باشد العقاب
سياسة الكيل بمكيالين وكان المصرى اتخلق علشان يتحمل غباء الآخرين

تحياتى
Desert cat said…
Anonymous
مش مهم عند العميد كرامة الاستاذة لكن الاهم هو الريالات مش تتقطع او تقل
Desert cat said…
Anonymous
لاء ما اظنش الشعب هينفجر هما ينفجروا لو احدة ماتت فى خناقة على مرجيحة
لكن علشان الكرامة بعيد شوية
Desert cat said…
Anonymous
مجلس البطيخ وابن عمه مشغولين مع نواب الجزم بشهيدة المرجيحة
Desert cat said…
محلل
يا استاذى العميد اجبر الاستاذة بعدم عمل محضر فى الشرطة خوفا على العلاقات السعودية اى علاقات هذه واطبائنا يجلدون هناك دون ان يحرك هذا لاحد ساكن
Desert cat said…
Anonymous
هههههههههه
جميل اوى مشغول بقضية فمصان النوم دى
Desert cat said…
Anonymous
مجلس الميكس
لانه عبارة عن خليط من نواب جزم على نواب المنافقة على نواب المهلبية ولا عزاء للكرامة المصرية
Desert cat said…
ذو النون المصري
اوجزت فانجزت
Desert cat said…
舞 Zamalkweya
حبيبتى المصرى الوحيد اللى مهان فى بلده وبره بلده
راضيين بالخنوع فى مصر
وبيتذلوا فى الخليج
ولما يسافروا اوربا يعيشوا على اعانات البطالة ويرفعوا عليهم قضايا علشان ياخدوا تعويضات وفى نفس الوقت يشتموا فيهم
عايزة ازدواجية اكتر من كدا ايه
Desert cat said…
محبط ومكتئب
احنا عندنا لو مش كان يشتغل وزير بالتقدير المقبول اللى طالع بيه مش هيشتغل ويعيش عاله على البلد كلها
Desert cat said…
SGEN-22
انت قعدت تكرر كلمة معيدين واتكيت اوى عليها وكان المعيدين دول عادى يتشتمتوا ويتم الاعتداء عليهمو
افرض فى مشكلة حصلت بسبب المادة الفلوس هما ذنبهم ايه ماتروحوا تتخانقوا مع الوسيط بتاعكو ولا تلجأوا للمسئولين
هو علشان الفلوس ( المادة ) اللى بتتكلم عنها ده يديكو الحق تتهجموا على استاذتكو
Desert cat said…
نبراس العتمة
يا شكيب يا عزيزى ملعون ابو لقمة العيش اللى تيجى بالذل
على ابو السعوديين وريالاتهم
مش جالنا منهم غير كل جهل
طبعا العيب مش على الولاد ولا على رئيس الجامعه الحق على الدكاتره الى قبلوا انهم يسكتوا على حقهم ومش رفعوا الموضوع لاكبر من كدا ولا كانوا سكتوا علشان لقمة العيش احنا الى مرخصين نفسنا بخوفنا وجبننا وسبنا شوية خرفان تتنطط علينا مش حيلتهم غير شوية بترول كلها كام سنه ويخلص وهيرجعوا تانى يشحتوا على ابوابنا
لاكن موضوع الوقفات بقى دى مش قضيه راى عام علشان كل جماعه وكل حزب يطلع منشور وراى بيها

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز