عيد سعيد بعد نجاح باهر

أولاً اهنئ أخواننا المسيحيين على العيد
ويارب كل ايامهم تكون اعياد وسعادة دائمة
نتكلم شوية عن شم النسيم وبعدين ارجع احكى لكو على وقفتنا الاحتجاجية اللى فعلا وجدت نجاح باهر منطقع النظير
سواء تغطية اعلامية من شتى القنوات المختلفة والصحافة والوجود الجميل للمشاركين فى الحملة
طبعا دى هفرد لها بوست لوحدها مش ينفع اقول كلمتين كدا واجرى

ان شاء الله غدا شم النسيم وهو العيد الأقدم تاريخياً للمصريين
ولأن أجدادنا الفراعنة اعتقدوا ان هذا اليوم هو بداية خلق العالم ولان العالم كانت بداية خلقه فى الماء يبقى الطبيعى من المحبب فيه اكل السمك وليه بقى البصل يا حلويين لأنه ايضاً أعتقدوا على انه قادر على طرد الأرواح الشريرة لما يتمتع به من رائحة نفاذه نفاذه نفاذه اوى جدا خالص يعنى .. فعلا قادرة على طرد اى حاجه بعون الله .. وانا فعلاً من دلوقتى أؤيد كل معتقدات اجدادى الفراعنة ولو حد جه يقولوا لكو يااااى الاحتفال بشم النسيم ده بدعه وكل بدعة ضلاله وكل ضلاله فى النار والمسلمين مش ليهم غير عيدين يا كفرة يا للى بتحتفلوا ما عليكو الا اكل كيلو بصل وخد نفس عميييق وروح مطلع اعلى ريحه فى وشه وانا اتعهد لكو انه هيجرى بكل ما يملك من قوة ولا حرامى الغسيل اللى اتقفش وهو طالع على المواسير .. ويا سلام بقى وهو بيجرى كدا وفى قفاه رزعته بيضه من الجميل الملون اللى قعدنا نزينه طول الليل بالوان جميلة واشكال مختلفة .. ولا اقولكو خسارة في العقول المتخلفة دى البيضه د حتى بتاخد مجهود وبتحتاج ذوق فى اختيار الالوان وتنسيق الاشكال



ليه بقى تم تسمية اليوم ده بشم النسيم

اصل الكلمة "شمو" وهي كلمة أصلها هيروغليفي قديم ويرمز شم النسيم إلي بعث الحياة

ولانها رمز للحياة علشان كدا تمتعوا بحياتكو ومش من حق انه يفرض علينا حاجات مش مفروضة اصلا

وكل شم نسيم والجميع فرحان وسعيد ومظأطط بحالصورة دى اهداء لطنط نفر .. نفرتيتى اصلى بحبها جدا مش عارفه ليه الهى اللى يحرم على الناس حاجة مش حرام اشوفه متعلق زى الفسيخة دى قادر يا كريم

Comments

dr.lecter said…
الف مبرووك عرفت الخبر من الفيس بوك

اما شم النسيم باتخنق منه بجد مابطيقهوش بصراحه

باحب انام اليوم ده كله علشان مابحبش الطقوس اللي فيه

معرفش لييه بس اهو انا كده للاسف
A.SAMIR said…
كل سنة و الجميع بخير بعيد شم النسيم
و لو ان شم النسيم عندي يعني فسيــــــــــــــــخ
وانا ماليش في الفسيخ خااااااااااااالص
تحياتي
Migo Mishmish said…
نفسي مرة ابقى اول واحد
العزيزة قطه
كل شم وانت بعيد عن الهم ..
بعيد عن الناس ..الى شكلها غم
.ويبعد عن مصر ناس مش بتتلم
اسيبك بقى عشان مشمش حطت المم
عشان لو ماكلتش .. وشي هايبقى كله دم
معلش بقى القافيه تحكم :)
تحياااااتى وكل سنه وانتى طيبه على المعايده
ميجوووووووو
أحمد said…
كل سنة وانتي طيبة
كل سنة وانتي طيبة يا قطة .. وشكرا علي التهنئة الجميلة دي
كالعادة دايما كلك ذوق وإحترام

.. فعلا صدق اللي قال إن رب قطة خير من الف أسد, خاصة إن القطط بطبيعتها حيوانات أليفة ومستأنسة وعندها ثقافة التعايش السلمي مع باقي القطط المختلفة عنها .. وأقوي دليل علي دا لما تشوفي القطط في الشوارع ملمومين ومتجمعين مع بعض حوالين مقالب الزبالة في مصر المحروسة في مظهر حضاري يفوق الوصف!

من الاخر .. لازم نتعلم من القطط ونتقبل النونووة والنونوة الآخري

بس ربنا يكفينا غدرهم :)

تحياتي
آميييييييييييييين يا قطة هههههههههه

أولا
Happy Easer
لكل المسيحيين
و ثانيا كل شم نسيم و احنا مصريين و طيبين
و اللي مش عاجبه عنه ماعجبهُ ..
magi said…
الف مبروك انا كنت قلقانه جدا بس الحمد لله الحمله نجحت وبجد
اتبسطت جدا

تانى حاجه كل سنه وانت طيبه بمناسبه شم النسيم

هاتيلى بس حد يقول ان شم النسيم حرام وانا اضربه بالكيبورد اكسر دماغه

انا للاسف مش باكل بصل خالص
Medus said…
اولا كيف احوالك؟؟؟
ثانيا كل سنةوانت وكل مصري بخير وسلام وعاشت مصرنا حرة ابية جيل ورا جيل
ثالثا بقى انا زعلان منك لانك شلتي اللينك بتاع مدونتى من المفضلة بتاعتك
تحياتي والى الامام
الف مبروك و كان نفسي اجي معاكم بس انتي عارفة الايام دي بتبقى عاملة ازاي و مستني الصور

و كل شم و انتم طيبين
:)
Ahmed Talk said…
أول مرة أعرف أصل كلمة شم النسيم

وسببب الاحتفال بأكل السمك والبصل في هذا اليوم


شكرا علي معلوماتك الطيبة
Anonymous said…
قطه
هذه العقول الجامده تتسم ايضا بالجهل الفاضح
فهم لا يعرفون ان المصريين القدماء هم اصحاب فكرة البعث والحساب واسطورة اوزوريس وايزيس وحورس هذا الثلاثى
هو اصل فكرة التثليث فى المسيجيه
وكذلك فكرة التوحيد فى ثورة اخناتون
وكود الأخلاق الفرعونى
هو اصل الوصايا العشر
وذلك قبل الأديان بزمن سحيق
لكن تعملى ايه فى عقول ترفض ضوءالشمس
DantY ElMasrY said…
كنتى منورة الوقفة يا فندم

انا خدت البانر بتاعى وعلقته عالشارع

شم النسيم بقى أقوى عيد مصرى
وبالنسبة ليا هو العيد القومى لمصر مش أى مناسبة تانية زى عيد الثورة أو عيد النصر أو حتى عيد الفلاح
Anonymous said…
وطبعا مثل هذه العقول اقل بكثير من تسال عن سر ظهور الأديان السماويه الثلاثه فى منطقتنا وحول وادى النيل
وليس فى الصين
مثلا
والسبب هو ان مصدرها جميعا هو الفكر الفرعونى
كل عام و أنت بخير

ينعاد عليكي

بالصحة و السعادة و النجاح
انا حرة said…
كل سنة و انتى طيبة يا حنان و الف مليون مبروك على نجاح الحملة بتاعتك :)
Anonymous said…
بالأمس طلبان واليوم حماس
والقتل الوحشى
طالبت
منظمة هيومان رايتس واتش
لحقوق الأنسان
حماس بالتوقف عن قتل خصومها السياسيين فى غزه
ورصدت المنظمه قتل 12 من الفلسطينين المعارضين منذ انتهاء الغزو الأسرائيلى فى يناير الماضى
ولايزال المخدوعين والموهومين او الأغبياء يتصورون انه من الممكن الجمع بين الدين والسياسه
Anonymous said…
الوحشيه باسم الدين
تفاصيل تقرير هيومان رايتس واتش
Hamas must stop killing and torturing its political rivals in Gaza, Human Rights Watch has said.

At least 32 Palestinians have died and several more have been maimed in such cases during and since Israel's January military assault, the group said.

HRW accuses the Hamas militant group which controls Gaza of targeting people thought to be collaborators with Israel and members of the rival faction Fatah.

Hamas denied its forces were involved in extra-judicial killings.

During the 22-day Israeli operation, "Hamas moved violently against its political opponents and those deemed collaborators with Israeli forces", said Joe Stork, deputy director of Human Rights Watch's Middle East and North Africa division.

Eighteen men were were summarily executed, most suspected of collaborating with Israel, during the fighting, HRW said.

In the three months since January, another 14 people were killed, including at least four in detention, the report released on Monday said.

Most of the 18 men killed during the war had escaped from Gaza's main prison after Israeli aircraft bombed the building, and they were subsequently tracked down and shot, the group said.

"The widespread practice of maiming people by shooting them in the legs is of particular concern," the report said.

Between the start of the conflict, on 27 December, and the end of January, 49 people were shot in the legs and 73 Gazan men had their legs and arms broken, the report said.

Hamas dismissals

Hamas spokesman Taher al-Nono, denied the movement's forces were involved in extra-judicial killings but said it was investigating claims that some militant groups had killed suspected collaborators.

Speaking to Reuters news agency, he pointed out 11 Gaza policemen were dismissed last week and will face court martial over the death of a detainee who was held on suspicion of drug dealing.

Human Rights groups have frequently expressed concern over torture and abuses by Hamas in Gaza and by the Fatah-dominated Palestinian Authority in the West Bank.

Both have clamped down on their opponents during a long-running feud.

In the West Bank, a Hamas member of the Palestinian parliament was injured by what he said was a shot fired towards him by PA security forces.

Hamas members were quoted in Palestinian media describing the incident as an "assassination attempt".

The two sides are set to resume Egyptian-brokered reconciliation talks aimed at forming a unity government later this week.
فرعون said…
احب انونو واقولك شكرا على مشاعرك الحلوة وكل سنة وانتى طيبة يا قطة
عمو عصام said…
عزيزتى قطة الصحراء..شكرا جزيلا على تهنئتك لنابالعيد وعلى معلوماتك القيمه عن شم النسيم واسمحيلى بإضافه صغيره وهى إجابه عن سؤال لماذا يلتصق شم النسيم بعيد القيامه؟؟والإجابه بسيطه وهى أن شم النسيم كان يأتى أحيانا فى فترة الصيام الكبير قبل عيد القيامه مما يتسبب فى الحرمان من أكل الفسيخ والبيض لأنها مأكولات ليست صياميه فتم الإتفاق على تأجيل العيد لليوم التالى لعيد القيامه أى بعد الصيام وكل سنه وإنتى طيبه ومدونتك مناره لنا كلنا.
Desert cat said…
dr.lecter
الله يبارك فيك يا دكتور

اما شم النسيم
انا كمان تقريبا قضيت اليوم زيك
:))
Desert cat said…
A.SAMIR
كل سنة وانت بالف خير يا دكتور
انا بقى ليا فى الفسيخ ونص
هو شم النسيم ينفع يعدى كدا من غيره
:))
تحياتى
Desert cat said…
Migo Mishmish
هههههههههههه
جامدة القافيا
وسلامتى وتحياتى للغالية مشمش وساندو
وكل سنة وانتوا بالف الف خير
عيد سعيد يا فندم
Desert cat said…
أحمد
وانت طيب يا احمد
Desert cat said…
Servant of Christ
ميرسى اوى ليك
وكل سنة وانت بالف خير
Desert cat said…
أسماء علي
دايما بموت فى تعليقاتك
انتى دكتورة زى السكر
على فكرة اليوم كان يوم الوقفة ناقصك يا هانم
ان شاء الله نتقابل فى مناسبة اجمل
محبتى يا احلى دكتورة
Desert cat said…
magi
كان نفسى تحضرى بجد
بالنسبة لشم النسيم فدلوقتى بيخترعوا فتاوى تحرمه
واقرى على موقع الاخوانجية هتشوفى العجب

تحياتى يا جميل
Desert cat said…
Medus
كل سنة وانت طيب وبالف خير
عيد ربيع سعيد على مصر كلها
Desert cat said…
مواطن مصري
وانت طيب ياباشا
وربنا يوفقك
Desert cat said…
Ahmed Talk

وشكرا على تعليقك الجميل
Desert cat said…
Anonymous
نفسى انسف العقول دى الحقيقة علشان المجتمع يعيش فى راحة وامان
تحياتى لحضرتك
Desert cat said…
DantY ElMasrY
ميرسى جدا لحضرتك يا فندم
الوقفة كانت منورة بحضرتك طبعا
انا كمان علقت البانر بتاعى فى السيبر ومفيش حد احسن من حد
Looooooool
Desert cat said…
Anonymous
هو انت لو قولت لهم كدا مش بعيد يقيموا عليك الحد
الناس دى ملهاش فى البحث والمعرفة
دى اتبرمجت على انها تتلقى من افكار اقدم منها وخلاص
Desert cat said…
مثلية فقط
متشكرة جدا لكلامك الطيب
تعيشى يارب
Desert cat said…
انا حرة
وانتى طيبة مع انى زعلانه منك علشان القرار اللى اخدتيه وعايزة تحرمينا من متابعة موضعاتك المتميزة جدا
ياريت حاولى ترجعى عن قرارك
وكل سنة وانتى انسانة جميله ومتألقه
والحمد والشكر لله على نجاح الوقفة ويارب نكمل ومن نجاح لنجاح ان شاء الله
Desert cat said…
Anonymous
وهما فين المخدوعين المتخلفين من اللى بيحصل فى مصر دلوقتى من حزب الشيطان
حاطين فى بؤهم جزم قديمة ومخروسين
للاسف عمرهم ما هيفوقوا يا فندم
Desert cat said…
فرعون
ميرسى جدا لنونوتك اللى شرفتنى جدا
:))
Desert cat said…
عمو عصام
كل سنة وحضرتك وعائلتك وكل احبائك طيبين وبالف خير
وميرسى جدا على المعلومة القيمة التى اضافت للبوست المزيد

مودتى واحترامى لحضرتك

Popular posts from this blog

قميص دهشور

كل تحرش وانتوا طيبين