خير ما فعلت

خير ما فعلت الجزائر تلك الدولة التى تحترم عقول شعبها حتى لا ينبع التطرف والتخلف من تلك الفتاوى الهمجية التى يلقيها على مسامع العباد كل من هب ودب ليقلب رزقه من طبق الفتة التى قامت بلاد البتروريالات بصنعه بكل ما تملك من عك وريبة حتى باتت الفتة لا طعم لها ولم تقدم جديد بل عادت بكل من سلمهم عقولهم بالخلف آلاف السنين .. ولكن الجزائر تلك الدولة التى قررت التصدى لكل هذا العك الذى يأتى تباعاً من بلاد تدعى الاسلام والسلام ولكنها تفرض وهبايتها وسلفيتها على الجميع فينال المعتوه منهم اكبر قسط حتى يطبق فى المجتمع ما سمعه ولكن للحفاظ على عقول الشعب الجزائرى وامن وامان المنطقة قررت الجزائر ان تطلق قناة "القرآن الكريم" لمحاربة الفتاوى الشاذة للفضائيات ويكفى من الشذوذ ما سمعته الآذان العربية منذ نشأة تلك القنوات التى تدعو للتخلف العقلى بحجة الاسلام الذى هو بريئ من فتوى ارضاع الكبير وفتوى قتل ميكى ماوس وفتوى تغطية المرأة العورة حتى عينيها وتكتفى بمرافق لسحبها من يدها .. واخرهم فتوى عبد الرحمن البراك الذى يحذر فيها من المفكر المغربي محمد عابد الجابري واصفًا إياه بـ"الماهر في التمويه وخداع القارئ" وأنه "نافث فكر عفن" .. ألم يستحى هذا الشيخ المتخلف عقلياً من كلامه الذى ينطقه بحق مفكر له التقدير والاجلال لدى قرائه ؟؟ فالى اى منطق استند هذا الشخص الغوغائى الذى فضحه كلامه عبر الفضائيات حتى ينفس هو سمه لكل من يفكر ويعمل عقله .. صدق المثل القائل الجهلاء لايسعون للمعرفة

Comments

حياة said…
على قدر ما هناك انتقادات للجزائر ودول المغرب العربى بانتمائهم لدول الاوربية اكثر من العربية الا انى احترمهم احترام خاص فى وجود توجه لديهم بان يكون الاسلام المعتدل غير المتشنج كالسعودية التى فاض الكيل وطفح نتيجة الفتاوى التى تستفز الانسان كتحريم القيادة للانثئ وكذلك سجود لاعبى الكورة بعد تسجيل الاهداف وهيئة الامر بالمعروف والنهى عن المنكر التى تعاقب امراءة فى ال75 من عمرها للخلوة غير الشرعية بشابين فى العشرينات ارحمن يارب من هذا التخلف

تحياتى
المعرفة اكبر عدو ل الارهابين الظلامين

لذالك نحن مع تنوير المجتمع ضد الظلامين
عقل مهوي said…

عفوا يا قطه الصحراء .. تماديتي في وصف شيوخ المنصر ولم تعرضي لدور قناه القران الكريم الجزائريه .. كيف ستحارب الجزائر فكر السلفيه بقناه تلفيزيونيه يملكون هم في مقابلها قنوات
أبنوسة said…
نعم نعم لمحاربة الارهاب اللاسلامي والكذب باسم الاسلام

صافي الود
شئ رائع وخطوة عظيمة تتخذها الجزائر بهذا الشأن
يجب التصدى للارهاب الاسلامى بكل الطرق الممكنة ..يجب اهادره الى الهاوية ..لانه منبع كل جهل وتخلف ..امال بقينا ليه من دول العالم التالت ؟؟؟ اتمنى كمان نتخلص بكل ما هو اسلامى ..لانه ببساطة هو الى مضيعنا
..............
عقبال مصر
انا حرة said…
مصر مش محتاجة قناة دينية مصر محتاجة قمر صناعى كامل عشان يعدل افكار الناس..الفكرة كلها هتبقى فى الاسلام اللى عايزينه يوصل للناس..لان المتطرف شايف نفسه بيطبق الاسلام صح..و اللى مكتفى بدقن و مظهر شايف انه بيطبق الاسلام صح..و المنقبة اللى ما وراهاش غير فرض دروسها الدينية على الناس شايفة انها بتطبق الاسلام صح..و الارهابى اللى مستعد يقتل ابرياء عشان يدخل الجنة شايف انه بيطبق الاسلام صح..و المهابيل اللى بيتحايلوا على الدين و يختاروا منه اللى يعجبهم باسم الليبرالية و حرية الراى شايفين انهم بيطبقوا الاسلام صح ..و اللى بيفصل فتاوى و احكام على مقاس الحكام و رجال السياسة شايف انه بيطبق الاسلام صح..تفتكرى انهى اسلام فى دول اللى هينتشر لو اتعملت قناة فضائية مصرية متخصصة فى الدين؟
Anonymous said…
بيقولوا القطط بتاكل ولادها
دى حاجه شاذة
ليه ميكونش الفتاوى الشاذة كمان اصلها القطط
Desert cat said…
حياة
يا حبيبتى دائما الشخص المعتدل محط للانظار لان التقدم والرقى فى الاعتدال
اما المتشدد فلا ترى منه سوى كل همجية وجهل

تحياتى
Desert cat said…
مواطن مصري
بس يارب المجتمع يفوق من الغيبوبة اللى مسطرة على عقول البعض دى
Desert cat said…
عقل مهوي
لعلها تكون نقطة البداية قناة فى مواجهة قنوات افضل من اللاشئ

تحياتى
Desert cat said…
أبنوسة
الف نعم ونعم كمان
كل الود ياقمر
Desert cat said…
مسلم ..فى البطاقة فقط
يارب تكون الجزائر مثال لكل البلاد التى تسعى للتقدم واحترام عقول شعبها
مودتى
Desert cat said…
انا حرة
تعرفى انا كل لما اشوف الناس وتعاملاتها فى المجتمع مع بعضها
اقول احنا فين والناس اللى عندها عقل بتفكر بيه صح فيييين

شرفتينى جدا
Desert cat said…
Anonymous
بالعكس ده بيقولوا ان القطة بتعدى بولادها السبع بحور علشان تحميهم
يعنى القطة هى رمز الرعاية والامان مش الغباء والتخلف
amunraa said…
اللي مصر محتجاه هو قطط كثير بتفهم زيك
وتحب بلادها
شر البليه said…
الدين ...اى...دين فى يد البشر يمكن ان يكون قوة روحية هائله يدفع الى الأمام وفى يد بشر آخرين يمكن ان يكون فوة مدمرة لا تبقى ولا تذر
وتاريخ الأديان الثلاثه السماويه خير شاهد..ولذلك نرجو الا يحاول احد الأصطياد فى المياه العكره
مثل مسلم
فى البطاقه فقط فهو طبعا ولا يحتاج ذلك لذكاء خارق ليس مسلما
واساله مارايه فى عصابة زكريا بطرسوننتظر اجابه واضخه صريحه
شر البليه said…
والأرهاب ليس اسلاميا كما يدعى مسلم على البطاقه فقط
فآخر الأخبار وهى تتكرر كثيرا هى اطلاق النار على رواد كنيسه فى ولاية الينوى ادت الى مقتل خمسة افراد بينهم راعى الكنيسه
فى مدينة ميرىفيل
وهذه الحوادث الأرهابيه تتكرر كثيرا
هناك فى المدارس والسوبر ماركت
ولا دخل للمسلمين بها
معقولة مااخدتيش بالك انه مسلم فى البطاقة بس ولا انه نفسه يخلص من كل ماهو اسلامى علشان هو اللى مضيعنالا وكمان بتردى عليهوتقوليله مودتى نفسى اشوف ردك ولادى حرية فكر وتعبير ؟
Desert cat said…
amunraa
ميرسى جدا
على فكرة فى ناس كتير كدا بس بتخاف تتكلم علشان الكلاب اللى بتطلع فجأة زى قطاعين الطرق فبيحتفظوا برايهم لنفسهم

شرفتنى
Desert cat said…
لقد خلقنا الله احرارا
لا والنبى المفروض انى كنت اطخه لك عيارين تصدق انت صح فعلا
يا سيدى انا مالى مسلم فى البطاقة ولا مسلم فى شهادة الميلاد
انا يهمنى انه بشر
يعنى انسان
لا انا ماقلتش يتطخ عيارين مع انها فكرة مغرية على اساس ان اللى يخالفكم فى الرأى يبقى ارهابى ظلامى متخلف حمساوى ايرانى اخوانجى بس المفروض انه مسلم فى البطاقة بس يعنى مرتد يعنى ابسط قواعد الامانة اننا مناخدش برأيه فى حاجة تخص ديننا لانه مش هيكون محايد
مانا ممكن اعمل زيه كده مدونة واقول مسيحية فى البطاقة بس واقعد طول النهار اهاتى واعيب فى المسيحية بس المفروض ان محدش يسمعلى الا------اللى هيموتوا علشان يثبتوا انهم متحررين ومتنورين ---------انتم هتوصلوتا لمرحلة نبقى زى جوبلز كلما سمعت كلمة ثقافة تخسست مسدسى مع انى متأكدة ان المثقف الحقيقى هواللى عنده انتماء لوطنه ولدينه ونفسه يصلح فيه من جواه مش يهده

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز