عن اى نصر يتحدثون ؟؟ واى نصر يزعمون ؟؟

هنية: الفلسطينيون حققوا نصرا إلهيا في غزة وسنواصل لتحرير القدس
الست هنية المستخبية فى جحر طلع بعد لما اسرائيل اعلنت وقف اطلاق النار علشان يقول انهم حققوا نصراً إلهياً وسيواصل لتحرير القدس .. أى نصر اللى حققه هذا الفاشل على اشلاء جثث 1300 قتيل غير آلاف المصابين اللى هيعيشوا بعاهات مستديمة وان عاشوا جميعهم أساساً .. لقد انتصر هنيه من داخل الجحر على اساس انه ملاك وارسل الله له بجيش يحارب بدلاً منه .. أنتصر هنيه بعد قتل1300مدنى أغلبهم نساء واطفال وتدمير منازل وهدم مساجد ومدارس ولم يحرر نص سهم من فلسطين ومن بجاحته وعبطه بيقول سنواصل حتى تحرير القدس مش لما تحرر نفسك من الرعب والخوف اللى اصابك خلاك تجرى على جحر تستخبى وتقطع كل وسائل الاتصال خوفا من وصول اسرائيل ليك يا اذعر .. ولو حررت القدس هتلاقى مين من الفلسطينين اللى يحتفل بالتحرير ده ما انت بتورطهم وتجرى تستخبى هو النصر فى قتل شعبك ؟؟ ده ايه النصر الجديد ده يا هنيه الله لا يهنيك هو علشان انت لسه حى كدا خلاص هو ده الانتصار .. حقيقى اذا لم تستحى فافعل ما شئت .. اذا كنت بتسمى المجزرة والبهدلة اللى حصلت لفلسطين دى نصر يبقى من نصر لنصر حتى لا يبقى فى فلسطن شخص واحد و من مسيلمة الكذاب لهنية الكذاب سجل يا تاريخ

Comments

romansy said…
الامل حلو برضه
كلنا عارفين الحقيقه

بس لاسف الحقيقه مؤلمه قوى
Lady E said…
كويس ان في حد مش مصدق ان هنية منتصرش

انا بستغرب اوي لما بيقولوا حماس انتصرت طب ازاي يعني ومين عاقل يقدر يقول كده !
MISS\GH said…
اى نعم راح من الفلسطنيين كتير وزعلنا كتير وتمزقت قلوبنا كتير لهؤلاء الشهداء والضحايا الكرام بس لازم فعلا نفرح ان دى خطوه كويسهبدل ماكان يزداد عدد القتلى والجرحى ومتنسيش انهم الاقوى هو الرصاص وفلسطين الحجاره صدقينى يمكن مش بالنصر المقصود لفظا بس خطوه ايجابيه
اشكرك
Migo Mishmish said…
قطه باريس
اعتقد انه يتحدث عن نصر بتاع اللب الى فى مرسي مطروح
هاهاها بايخه مش كدا ؟
ياستى دول ناس دماغها فى البالوظه ..بيفكرنى بالراجل بتاع : شيلوه من فوقى لاموته

ميجوووووو
Migo Mishmish said…
معلش تانى
الراجل دا اسمه بيفكرنى باعلانات السمنه صح؟
تصبحى على خير
ميجو
صفا said…
هيا حماس مانتصرتش اكيد
هيا تقريبا حسبت عدم الاستسلام انتصار دون النظر لكميه الخساير اللى حققتها ولكميه الدمار اللى اتسبب
lastknight said…
المؤسف أنه بينعى 48 مقاتل من ماس .. 48 مقاتل فقط من حماس .. و بقية السبعتلاف ضحيه فلسطينيين عزل و أبرياء .. أعتقد ده يؤكد أنهم كانوا بيضربوا من بعيد و يجروا يستخبوا فى النسوان و العيال
كارثه فعلا
Che said…
هنيه فعلا انتصر يا قطه
انتصر فى المعارك الكلاميه و الحروب اللفظيه دخلها ضد اسرائيل و ضد الخونه من العرب
و اسرائيل انتصرت فى المعارك البريه و عملت اللى هى عايزاه
المصيبه انك تلاقى انه فى ناس فرحانه انه اسرائيل مات ليها 30 و يمكن اكتر من جنودها .. ماخدوش بالهم انهم كده صدقوا دعايه اسرائيل انهم مش بيموتوا و بقينا نفرح عشان مات ليهم كام و احد ماعدوش الميه و احنا مات لينا 1300
و دول احب اقولهم انه فى حاجه اسمها احصا و نسبه و تناسب يا بقر
مقال حلو على العربية


http://www.alarabiya.net/views/2009/01/20/64582.html

لماذا لا يقبل الله دعاءنا؟
أرجع للحديث بهدوء يمكن ينفع
ايه هي مقاييس النصر
؟
يإما قتلوا منهم و دمروا
أو
استعادوا جزء من أرضهم المحتلة
أو
حافظوا على شهبهم ماحدش اتقنل فيه
...
!!!!

لكن اللي الناس كلها شيفاه إن اتقتل 1200
و الجرحى فوق ال
5000

اللي اتقتل من الإسرئليين يعتبر و لا حاجة
و الدمار في غزة و بس
و الأرض زي ماهي
!!
معلش مش فهماهم
يمكن النصر غن حماس لسا عايشة و العملية كانت تقصد تدمير حماس مثلا
؟

بس حماس هربوا و قعدوا ف أنفاقهم و سابوا الناس تموت و كانوا بيضربوا البمب بتاعهم ده اللي بيقولوا عليه صواريخ

الصراحة مش فاهمة انهو نصر ده
؟؟؟؟؟؟؟
An Egyptian said…
حاجة مش جديدة عالعرب
الربان said…
تحياتي

كنت متوقع هذا ...لان السيناريو هو
نفس السيناريو الخاص بحسن نصر الله...
من الالف الي الياء....و حين خرج بعد
الدمار و الخراب في ربوع لبنان ليعلن
انتصار حزب الله....و يخرج جموع المهللين
لحسن نصر الله...في كل انحاء الوطن العربي
من المغيبين و ممن يغلبهم حماسهم...

لقد حل الدماؤ و الخراب بغزة...دفع ثمنه عامة الناس في غزة....اي حرب و اي
انتصار هذا الذي يزعمونه....

من سيدفع ثمن هذا الخراب....؟ من سيقوم
بأعادة الاعمار....الاتحاد الاوربي يصر
علي ان يساعد من خلال السلطة الفلسطينية...هل ستوافق حماس علي ذلك
ام سترفض كما رفضت قيام السلطة بالاشراف علي معبر رفح من جهة غزة...طبقا للاتفاقية مع الاتحاد الاوربي
و السلطة الفلسطينية و اسرائيل..

عموما الايام سوف تظهر لنا...و ندعوا الله ان تكون حماس قد تخلت عن اجندتها الاجنبية....الواردة من الدولة اياها
التي وراء حزب الله في لبنان و سوريا.


تحياتي و تقديري
Anonymous said…
حقائق النصر على طريقة الصحاف
وزير اعلام صدام
50000 بلا ماوى
آلاف القتلى والجرحى
دمار يحتاج لسنين وبلايين
الدولارات
Anonymous said…
ايوة الانتصار تحق حسب الخطة الحماسية وهي استدراج جيش اسرائي الى حرب الانفاق علشان يختطفو جنود اسرائيليين وفعلا اختطفو عشرات الجنود واسرائيل راكعة تستغيث

نجحو كمان في عمل انقلاب في مصر

اسرائيل تبث صور اطفالها التي اختبئت خلفهم علشان تشحت عليهم من العالم

كل جيش في العالم لازم يعرف انو مش هيقدر يدخل حرب انفاق تم اعدادها لخطف الجنود وفي الاخر بستخبو فيها وبتتهد عليهم

----

الانتصار كان لمبارك لانه نجح في وقف الحرب التي خططت لها ايران وسوريا
سمراء said…
في هزيمة 67 كانت الاذاعة بتقول اننا انتصرنا واسقطنا معرفش كام طيارة

والحقيقة بانت
بكرة الحقيقة تبان



سمراء
Anonymous said…
مشكلة حماس والشعب اللي في غزة انه مش بيرضاش الظلم حتى لو ضحو بنفسهم واكلهم مش زينا احنا المصريين راضيين بالظلم وعليه نعاني من كل البلاوي ولا حناعاشين ولا ميتين
مشكلة حماس انها تمسكت بالشرف في ايام ندر ان تجد شخص شريف
مشكلة حماس انها افتكرت ان العرب هيقفوا معاها لغاية ماضطروها ان تكون مع ايران والان تتهم انها شيعية حتى لو شيعية فيها ايه
مشكلة حماس انه في كل الاوقات متهمة اذا ظلت قيادييها على قيد الحياة قالواا انهم يختبؤون واذا قتلوا انهم ماعندهمش حس امني ولا خبرة امنيه في المقابل انه اي رئيس دولة في اي معارك عصيبة بيكون في الملجا وما ديك تشيني عنكم ببعيد او وزير السياحة االسرائيلي اللي متصور فيديو وهو بيهرب من مواسير القسام

مشكلة حماس انه لم يمنح لها الفرصة ووضعت تحت ظروف قاهره وعندما تتصرف برده الفعل تتهم بمبادئها عموما سيري يا حماس ودعي ذئاب الليل تعوي
Desert cat said…
romansy
فى فرق يا عزيزى بين الامل وبين النصب والكدب والتدليس
Desert cat said…
Lady E
بيستغفل الناس والمغفلين بيسقفوا له
ده نصاب
Desert cat said…
MISS\GH
اى خطوة ايجابية ومات 1300قتيل واكثر من 5000مصاب
بالمقارنة لجيش العدو اللى مات منه7
هى الايجابية بقت مقلوبة الايام دى ؟؟
Desert cat said…
Migo Mishmish
بالظبط يا ميجو
اهو بتاع شيلوه من فوقى لاموته وضربنى بوشه على ايدى
ده معتوه
Desert cat said…
Migo Mishmish
الست هنيه المستخبية
هههههههه
وانت من اهل الخير
Desert cat said…
صفا
عدم استسلام ايه ؟؟ هما كانوا فين اصلا علشان يستسلموا من عدمه دول كانوا جوا جحور مش خرجوا منها غير لما تم اعلان وقف اطلاق النار
Desert cat said…
lastknight
الجبان البجح ده مش مهم عنده النساء والأطفال اللى ماتوا
الاهم افراد العصابة اللى هو متزعمها
عقباله لما يحصلهم وعقبال الاخوانجية لما نخلص من قرفهم بالمرة
Desert cat said…
Che
هو كان بيتكلم ولا نيله هو كان مستخبى مش فتح بؤه الا بعد 17يوم ومن مخبأ والمرة التانية بعد اعلان وقف اطلاق النار يعنى واحد مكانه لو عنده دم وبيحس كان هاجر مش يبجح ويطلع يقول انتصرنا والمتخلفين عقليا فرحانين
Desert cat said…
مواطن مصري
وحيقبله ازاى والكدب بيجرى فى العروق مجرى الدم
Desert cat said…
أسماء علي
النصر يا دكتورة انه لسه عايش
خرج من الجحر اللى كان مستخبى فيه لاقى النهار طالع وهو ماشى بيدوس على اشلاء وجثث ورفات موتى ومصابين اللى مبتور ساقه واللى مبتور دراعه
فقال الحمد لله انا لسه بصحتى انا كدا انتصرت
هو ده مقياس النصر عند هنيه
Desert cat said…
An Egyptian
يا عزيزى هنيه ده متخلف عقليا يعنى لا يمثل كل العرب
هو يمثل حماس والاخوانجية وكل من على شاكلتهم
Desert cat said…
الربان
استاذى العزيز .. اكثر ما يثير القئ هم المهللين الذين تعامت ابصارهم عن القتلى من النساء والأطفال وصدقوا كلام هنية بالنصر .. فأى نصر هذا وأين هو .. وكم الجثث التى تزكم رائحتها الأنوف من أمام بوابة صلاح الدين دون وجه مقارنة تذكر لجيش العدو
اعتقد ان حماس لن تتخلى عن اجندتها من الدولة اياها لطالما هذه الدولة فى المقدمة ونصر الله فى المؤخرة وحماس تتوسطهم
ولأهل غزة البقية الناجية من الموت الله

احترامى وتقديرى
Desert cat said…
Anonymous
والاغبيا بيسقفوا وفرحانين
Desert cat said…
Anonymous
وهو اللى مبيرضاش الظلم بيروح يستخبى فى جحر ويسيب اطفال ونساء يواجهو الموت
اللى مبيرضاش الظلم بيروح يعيش ويانتخ فى فنادق سوريا وسايب بلده تتدمر
نزار مات فى حضن 4 سيدات يعنى مش مات وهو ماسك بندقيه وبيحارب كذلك وزير الداخلية مات بخيانة الحمسايوة نفسهم
اسرائيل صلت ازاى للمنزل اللى هو مستخبى فيه
ده من العار موتهم لانه كشف مدى الحقيقة المخجلة لقوادين حماس
بخلاف اللى كانوا بياخدوا من الاطفال دروع بشرية
هو ده الشرف دلوقتى ؟؟؟
الجبن اصبح نضال
الست هنيه المستخبية مش حد سمع له صوت الا بعد وقف اطلاق النار
حقيقى الجبن سيد الاخلاق
عزيزتنا الغاليه حنان
بمناسبة
ظهور اول كتاب من دولة الفيسبوك
ننوه عنه يوم الأحد25-1
فى برنامجنا الأذاعى
انت تسال والكمبيوتر يجيب
على أذاعة مصر الرئيسيه
اى البرنامج العام
التاسعه وعشر دقائق صباحا والتفاصيل فى مدونتنا وموقعنا
المدونه
netonradio.blogspot.com
الموقع
http://dear.to/cairo
مع تحيه خاصه للصديق محمد على البسيونى على جهده الواضح فى خروج الكتاب لحيز التنفيذ
Desert cat said…
انت تسال والكمبيوتر يجيب
ميرسى جدا لحضرتك استاذ صلاح
ويرشفنا جدا جدا التنويه عن الكتاب فى البرنامج كما يشرفنا ايضا ان من محتويات الكتاب جروب انا والنت
مودتى واحترامى وتقديرى لحضرتك
ياااااه

سمعنا وشفنا من اشكالك وعينتك كده كتير

قل موتوا بغيظكم
ibn_abdel_aziz said…
اتفق واختلف معكي في وقت واحد

نقاط الاتفاق :
هو انه لم يحدث نصر ولا دياوله وأن الخسائر التي تم الحاقها بالبنية التحتية الفلسطينية وكمية الخسائر البشرية فادحة وكارثية بكل وضوح وهو أمر إن دل فيدل علي مدي قدرة اسرائيل في التدمير وهي دولة مجرمة بلا شك ولا أعتقد أنها تستحي اصلا وتبرر كل ما تفعله بشعاراتها المتكررة

كمان اتفق معكي ان طريقة مقاومة حماس وغيرها من الفصائل لا تكفي لحل مشكلة فلسطين بشكل عام وقد آن الأوان للبحث في اساليب اخري اما بالتوازي مع طريقة المقاومة العسكرية او بدلا منها بالكلية ولها استراتيجية واضحة لرد حقوق اهل فلسطين الذين عانوا الكثير

واتفق معكي ان تحويل الصراع الي صراع عقائدي لم يخدم القضية اساسا
وان كانت اسرائيل مسئولة عن جزء منها باعتبار ان اصل قيامها ونشأتها اصلا عنصري مبني علي القومية اليهودية او العقيدة اليهودية او كليهما
وان كان ده برضة ميعفيش العرب من ان كل دولهم مبنية اساسا علي قومية ودين برضة وبالتالي كلنا عملنا كدة
حماس لما اعتبرت السلام مع اسرائيل خيانة للعقيدة اتزنقت وبالتالي لم اضطرت معرفتشي تعمل ايه
لانها اتهمت من قبل ان اي سلام مع اسرائيل هو خيانة لله وبالتالي لما هما اضطروا معرفوش يتصرفوا

واللي خلي الشيشانيين يضايقوا من قادة حماس لما زار وفد منهم روسيا لطلب المساعدة بعد انتصارهم في الانتخابات لأن بتوع حماس كدة ناقضوا نفسهم
وبتوع الشيشان قالولهم ف وشهم ازاي تروحوا لقادة الروس تطلبوا مساعدة وهما بيضربوا في الشيشان
هوا مش الشيشان زي فلسطين واللا ايه؟
وهنا كان مأزق خلقه لنفسه التيار الاسلامي لما حول كل صراع الي عقيدة وبالتالي اصبح اي تصرف فيها تفكير استراتيجي او سلمي خيانة اصبحت مأزقية
بمعنى ان اعتراض الشيشانيين كان في محله لأنهم زي بتوع حماس اعتبروا تحرير الارض عقيدة والصراع ديني

الشاهد ان حماس شبشبت لكل من سالم اليهود
وجم هما تاني وراحوا لاعداء الشيشانيين المسلمين واعتبروه امر اخر

اللي اختلف معاكي بقي فيه
هو ان هنية وجنود حماس نفسهم مش ناس وحشة
انا اؤمن باخلاصهم الشديد ولكنهم لا يفهمون في السياسة علي الاطلاق ودي مشكلتهم الكبري
انهم فاكرين عشان هما مسلمين بيحبوا ربنا يبقي لازم يفهموا ف كل حاجة
والغريب ان الاسلام امر الناس بانه يدي العيش لخبازه وهم لا يعلمون في السياسة شئ

يبقي مشكلتهم مش الاخلاص من وجهة نظري ولا انهم بيحبوا وطنهم وشعبهم
بل المشكلة في انهم مش فاهمين مبادئ اللعبة ومش عارفين يلعبوها وبيكابروا
ودي مشكلة عظيمة من وجهة نظري
والله اعلم

اشكرك
انتصار علشان مفيش اهداف اتحققت
اسرائيل دخلت الحرب ورافعه سقف اهدافها انها تقضى على المقاومه فى غزة وتوقف الصواريخ وترجع عباس للسلطه تانى هناك
ايه اتحقق من ده
اه خساير بشرية فظيعه
بس عسكريه مفيش
وبعدين الانتصار ده مش اللى بيقولو قادة المقاومه بس
كل الخبرا العسكرين اللى اتكلمو فى الموضوع وتابعناهم قالو ان المقاومة انتصرت
واكيد الناس تعرف ازاى تحسب نتايج الحروب
انتصار ده مش انتصار حماس ده انتصار شعب عندو اراده
شعب متخلاش عن مبادئهم تحت كل الضغط ده
ناس مؤمنة بحقها
ارجو يكون صدرك رحب لرأى ومتخربشيش

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز