استشهاد ضابط مصري من قوات حرس الحدود برصاص فلسطينيين

استشهد مساء الاحد الرائد ياسر فريج من قوات حرس الحدود المصرية عند نقطة البراهمة في رفح المصرية.
وذكر مراسل مصراوي ان فريج تلقي طلقتين في البطن اردته قتيلا من قبل فلسطينيين قاموا باقتحام معبر رفح
وكان القصف الاسرائيلي للحدود قد تسبب في
انهيار اجزاء من الجدار الذي اقامته مصر بينها وبين قطاع غزة مما ادي الي اقتحام بعض الفلسطينيين للمعبر.

هو احنا اللى محتلينهم يقتلوا فى حرس الحدود المصريين ليه
اسرائيل تضرب فيهم وبدال ما يردوا الضرب لإسرائيل يجتاحو حدودنا ويقتلوا فى رجال الشرطة المصريين
ياريت اخوانهم اللى بيخرجوا مظاهرات نص ساعه وينسحبوا منها تانى ولو الشباب الليبراليين هتفوا ضد نظام مبارك يتهموهم بالعمالة زى ما حصل النهارده فى اسكندرية واللى كان واضح اوى من رد فعلهم مين اللى عميل يوجهوهم صح ويقولوهم ان المصريين زيهم واغلب كمان منهم وبالرغم من كدا برضه بيساندوهم مش مصر بس اللى دولة عربية علشان يشتمونا ... ..وبالرغم من المساندة جايين يحتلونا احنا ويقتلوا فى حرس الحدود .. ياريت الحكومة المصرية يكون لها رد فعل قوى لصد الفوضى والهمجية اللى عايز يدخل مصر يدخلها بالادب وباذننا مش يحطموا حدودنا ويقتلوا فينا وكمان يشتمونا

Comments

الظروف التى يمر بها الفلسطينين الان وزيارة الوزيره قبل الضرب والحصار
الطويل والاحساس بان الجميع ناسيهم
كل هذايجعلنا نسامحهم
وشكرااااااااااا
romansy said…
هى حاجه غريبه اللى بيحصل دا
حصلت ضرب رصاص واحنا هنا محروق دمنا

طب نعمل ايه وفى الاخر بيقولوا مصر بنت ايه
العرب كلامجية و الامجاد لا تبنى على توجية الشتائم لبعض

اين ايران و ماذا قدمت لماذا لم تضرب صواريخ ولا نجاد بتاع كلام و بس
اين صواريخ حزب الله في الجنوب
اين السورين الي شتمو مصر و الجولان محتلة

اين الاردن الي مطبعة مع اسرائيل


انا لم اعد عربيبعد الان
انا مصري و احب اقول
ل كلامجية حماس و الاخوانجية انتو بتوع كلام و عاوزين جنازة و تمشو فيها و الاوطان لا تبنى على الشتائم او المزايدات
مصرية مخنوقة said…
و الله اللي انا اعرفه ان اللي عايز يحرر بلده يروح يحررها بنفسه مش يجيب حد يحارب بداله,احنا حاربنا و رجعنا ارضنا و عملنا سلام و مش مستعدين ان احنا ندخل حروب تانية عشان ناس حتشتمنا في الاخر,و يا ريت يعنى بتوع حماس بدل ما يقولوا مصر مش عايزة تساعدنا ياريت يروحوا يطلبوا ده من السعودية اهو عراعير زي بعض و الا هو احنا مش بناخد غير الشتيمة يعني و يا ريت اي مصري بيقول نروح نحارب في غزة يفتكر ان احنا الناس دي تعبنا عشانهم اوي و في الاخر ماخدناش منهم غير قلة الادب
Anonymous said…
el salam 3lykom..

mn 3'er 3sbya w narfza bs...howa men e7na w mn homa asasn...sebk mn 7warat el 3rbya w el mol7'ya w el kalam ely ma ygbshy hamo da...ely fe 3'aza dol moslmen w byt2atlo w mt7asren w mesh la2en 7ata el es3afat..ana la m3a 7mas wla dedha bs ma ynf3shy yb2a moslmen mt7asren w bydrbo bl tyran w n3od n2ol ma yro7o mesh 3arf y3mlo a...aked mesh mabsot en zabt da mat allah yr7amo w ysabr ahlo...bs moto natega asln l syasatna e7na hna...el nas fe 3'aza btedrb bl tyarat w e7na 2aflen 3alehom mn na7ytna w ka2nena bn7agz 3alehom l7ad ma el yahod y7'laso...w ahm 7aga en fe el asas el mafrod en kolna moslmen..mafesh 7aga esmaha flsteny w masry..ely bymot fe el a7'r moslmen
MaLek said…
منقدرش نقول لواحد بيدبح,ميجربش كل السبل اللي تخليه يعيش,الموت من وراءة,,الحدود من قدامه حيعمل ايه ؟
انت عارفه موقفي,او قريتي تدوينتي,اكيد انا ضد حماس,ضدفتح ضد اسرائيل"بقى مقرر لازم اقوله في كل حته عشان انفي عن نفسي اتهامات العمالة والمخابراتيه والجاسوسية والقبض الخ".
بس دول شعب بيموت,نظام اخواني غبي ونظام عنصري اغبى,حيعمل ايه؟
لو انت مكانه حتعملي ايه ؟
انا مش بدافع عن القتل,انا بس بدعو لتفهم الظروف.
هناك ما نتفق عليه و قد نختلف علي البعض الاخر
و لكن المقارعة و المجادلة فوق فوة البركان لا تجدي نفعا

قبل النظر في النتائج لابد من بحث الاسباب فالمخطط الاسرائيلي كان موجودا لضرب غزة و للاسف كان سعي قيادة حماس بتأجيج الموقف ورفض المصالحة مع فتح رغم التدخل المصري الاخير و فضلوا تصعيد الموقف الي هذا الحد طمعا باقحام الآله العسكرية المصريه في صراعهم علي التمكن للسلطة بمحاولة تصدير الازمة الي خارج حدودهم

و في النهاية ساعدوا بقصر النظر علي تمكين العدو من تنفيذ مخططه بذريعة حيدت دول العالم

رحم الله شهداءنا و هدانا الي الصراط المستقيم

تحياتي
An Egyptian said…
سبحان الله كنت لسه هاكتب عن الموضوع ده
الفلسطينيين مشهورين بعض اليد اللى اتمدتلهم اقرى التاريخ و اقرى عن احداث ايلول الاسود و شوفي عملوا ايه فى الاردن ايام احداث ايلول الأسود و لبنان

انا بحذر الرئيس مبارك وبقوله ماتخليهمش يعتبوا مصر والا هايبقى فى خطر على حياة سيادتك و الأمن العام و امن الدولة
كريم said…
الحكومة الجميلة بتاعتنا دي بتمنع القوافل الطبية انها تعدي من معبر رفح من غير اذن اسرائيل والناس اقتحمت الحدود لما قذيفة اسرائيلية وقعت على السور وفجرته وده امر متوقع، يعني ناس تحت القصف ولقت فتحة تخرج منها هتعمل ايه يعني
وعلى فكرة فيه واحد فلسطيني استشهد بالرصاص المصري
اسمحيلي اقولك انك متحيزة جدا
وزي ما بتقولي تسقط حماس في غز الضرب انا باقول تسقط قطة الصحراء
وطبعا التعليق ده مش هايتنشر بس مش مشكلة المهم ان الكلام وصل
dr.lecter said…
مش هازيد عن الكلام اللي اتقال


لكن لا تثريب عليهم

هنعمل زيهم لو كنا في مكانهم

الغضب والمراره والفزع بيعملوا اكتر من كده
ريماس said…
انا كنت متعاطفة معاهم يا حنان ولاخر دقيقة مش عايزة ارد فى البوست ده لكن لما قريت هنا قلة ابدهم واللى عملوه فى مصر اصبحوا لا يستاهلوا التعاطف
اتفضلى اقرى يا ستى
أصيب 5 أفراد من الشرطة المصرية خلال الاشتباكات المستمرة مع الفلسطينيين على الخط الحدودى الفاصل بين مصر وغزة، وتم نقلهم إلى مستشفى العريش لتلقى العلاج، وتمكن اليوم السابع من الحصول على اسم أحدهم ويدعى رمضان مكرم (41 عاما) مصاب بطلق نارى، فى حين أصيب الأربعة الآخرون نتيجة القذف بالحجارة.

كما تواصل أعداد غفيرة من الفلسطنين إلقاء الزجاجات الحارقة على الجنود المصريين، بالإضافة إلى إطلاق بعض الأعيرة النارية بشكل عشوائى وإشعال الحرائق بطول الشريط الحدودى. وقام بعض الفلسطينيين، باستخدام مكبرات الصوت، طالبو من خلالها سكان رفح بإخلاء منازلهم، حيث سيقومون بتفجير الجدار العازل.

ومن ناحية أخرى أكد الدكتور طارق المحلاوى وكيل وزارة الصحة بشمال سيناء لليوم السابع عدم دخول أى فلسطينى إلى المستشفيات المصرية، نافيا بذلك ما رددته بعض وسائل الإعلام، عن استقبال المستشفيات المصرية لمصابين من فلسطين.
انا حرة said…
و فى الاخر يقولولك مصر عميلة و خاينة و متواطئة
انا هتشل من اللى بقراه بجد
يا رب ليه ما طلعتش امية؟
سؤال بيطرح نفسه بشدة

ربنا يرحم اللى ماتوا و يهون على اللى عايشين فى الرعب ده بس نفسي اعرف نصر اللات و نجاد اخبارهم ايه دلوقتى
Desert cat said…
العجوز والبحر
يا عزيزى لا عذر فى اعتداء على آمنين اسرائيل تروعهم وتقتلهم فتكون الضربة موجهه لاسرائيل وليس للمصريين
Desert cat said…
romansy
على اساس ان مصر كبش الفداء بتاعهم
ياشعب مصر لقد تأخر عصر الحياة الكريمة طويلاً وإن لم نبدأ في المطالبة بتطبيق وثيقة المستقبل والأمل من الآن فإن هذا النظام الديكتاتوري الحالي أو إمتداده سوف يتمادى في غيه وظلمه وفي هذه الحالة لا نلوم أحد سوى أنفسنا ولذلك يجب أن نوحد كل الجهود والأهداف وعدم الإنصات إلى الأحزاب الوهمية التي تتصيد المواقف. ياشعب مصر لقد بدأنا فكرة الإعتصام المدني بكم فلنجعلها تستمر مرة أخرى وبكم فالرجاء عدم الإلتفات إلى الأمور الجانبية والهامشية وإلى كل من يريد أن ينسب لنفسه فكرة الإعتصام المدني لأنها ببساطة فكرتنا وليست فكرة إسراء أو جماعة ٦ أبريل أو مجموعة الفيس بوك (راجع مدونة وائل عباس الوعي المصري وتحديدا في بوست صور قتيل جزاري الشرطة الطفل يوم ١٥ أغسطس عام ٢٠٠٧)

ياشعب مصر لابد وأن نبدأ إعتصام مدني آخر ولابد وأن يستمر إلى أجل غير مسمى وأن نتكاتف جميعاً حتى يتم تحقيق المبادئ الأساسية من وثيقة المستقبل والأمل والتي
نلخصها في النقاط الخمس الآتية
١) الإفراج فوراً عن كل المعتقلين السياسيين وخصوصاً من أمرت النيابة بالإفراج عنهم ولازالت وزارة الداخلية تتخذ منهم رهائن ومحاسبة كل المسئوليين الذين خالفوا أحكام القانون والدستور وفوراً

٢) إنهاء كل القوانين الإستثنائية والعسكرية من تطبيقها على المدنيين والحد من سلطات العسكريين وأجهزة الشرطة في الحياة المدنية

٣) البدأ فوراً في تكوين لجنة عليا من أساتذة القانون أوالقضاة أو منهما معاً لإعادة أو بداية كتابة وصياغة دستورالدولة ولا يكون أحدهم يعمل أو سبق له العمل في أي حزب من الأحزاب القائمة أو السابقة وذلك لوضع ضوابط ومواصفات وشروط ترشيح أو إقالة رئيس الدولة ونائبه وضوابط الهيئة البرلمانية والهيئة القضائية العليا وتحديد سلطات وإختصاصات كل هيئة بما فيها رئيس الدولة وعلى ألا تزيد فترة الرئاسة عن فترتين بحد أقصى ولا يجوز أن تجدد أو تمد بأي حال من الأحوال

٤) تكون هذه اللجنة هي النواة للجهة القضائية العليا
(Supreme Court)
وتكون ذات عدد فردي (خمسة أو سبعة مثلا) حتى لا تتعادل الأصوات عند التصويت على أمر ما

٥) لابد وأن يكون هناك إشراف دولي عن طريق الأمم المتحدة أو إحدى منظماتها للمراقبة والإشراف على سائرالعمليات الإنتخابية نظراً لإنهيار الثقة في أي نظام داخلي محايد

الرجاء من كل المصريين نساءاً أو رجالاً شباباً كانوا أم شيوخاً في داخل مصر وخارجها نشر البنود السابق ذكرها من وثيقة المستقبل والأمل وإعادة طباعتها وتداولها عن طريق البريد الإلكتروني وأجهزة المحمول وجميع مواقع الإنترنت لتوحيد أهدافنا ومطالبنا ونرجو أن تعلق على البلكونات والجدران طوال أيام الإعتصام المدني مع كتابة عبارة طبقوا وثيقة المستقبل والأمل

حينما يبدأ الإعتصام المدني الرجاء من الجميع الكف عن السلبية والأخذ في الإعتبار الآتي
١) عدم الخروج من البيوت إلا للضرورة القصوى وعدم إتلاف أو تدميرأية مرافق عامة كانت أو خاصة

٢) عدم الإشتباك أو الإحتكاك مع أفراد الشرطة وتجنب العنف والمظاهرات بصفة عامة لأننا نتعامل مع بطش ليس له مثيل

٣) شراء إحتياجات تكفي لفترة طويلة مع التركيز على مستلزمات الأطفال وتخزين كميات كبيرة من المياه والشموع لإحتمال إنقطاع المياه والكهرباء عمداً ولفترات طويلة لإجبارالناس على الخروج من البيوت وتصيدهم في الشوارع

٤) من حق كل مواطن أن يدافع عن نفسه وأهله وبيته في حالة تعرضه في مسكنه لأية إقتحامات أو إنتهاكات غير قانونية

ياشعب مصر إن الدولة في حالة إنهيار شديد فيجب ألا نشتت أنفسنا بأمور جانبية أو ننساق خلف وعود كاذبة ولذلك نريد التكاتف وعرض كل الأفكارالبناءة وشرحها للناس ليعلموا أن حل المشاكل لن يكون بمنحة بأموال مزيفة ولا بإقالة العادلي وأمثاله ولابظهور الخبز فجأة ولفترة قصيرة ولا عن طريق الأحزاب الوهمية وإنما بداية التتغيير تكون بتطبيق وثيقة المستقبل والأمل فياشعب مصر «طبقوا وثيقة المستقبل والأمل»

لابد أن نتحرك وإعلموا أن ساعة العمل قد حانت
والسلام عليكم ورحمة الله وبركاته
assafo anaroze said…
سيدتي
لاول مرة لا اتفق معك
النظام المصري مشارك في الجريمة البشعة التي تمارس ضد الفلسطينيين ازاي الحصار المفروض على غزة كان من طرف اسرائيل بس المصريين من الجانب الاخر مساهمين في الحصار برفضهم لادخال المساعدات الى غزة و مساعدة اخواننا هناك و الموضوع بغض النظر من وجهة انهم عرب ننظر من وجهة نظر انسانية
دا شعب محتل يعني من منظور انساني لازم نساعدو ونكون بجانبوا في محنته
والظابط ده الي مات كان بينفد اوامر النظام الديكتاتوي في مصر ا=ن =نب في عنق النظام مش في عنق الفلسطينيين لانهم في معركة حياة او موت ولازم كل القوى الحية تكون معهم
assafo anaroze said…
من المسؤول عن محرقة غزة
في انتظار مناقشتك للموضوع
مودتي وكل سنة وانت طيب
Desert cat said…
مواطن مصري
حقيقى لا اعلم لما كل هذا اللوم على مصر وكأن مصر هى الدولة الوحيدة العربية حتى حسن نصر الله طالع يلقى خطاب اقل ما يقال عنه انه ساذج وبيحرض الناس على بعضها فقط لا غير
Desert cat said…
مصرية مخنوقة
حبيبتى محدش سمع صوت لاى بلد عربى حتى العرعور بتاع السعودية اللى كان عارض يشترى جزمة الزيدى بعشرة مليون دولار ماطلعش منه يعرض عليهم حتى الف دولار حكومة فلسطين مش شايفه قدامها غير مصر ولما حبوا يقلوا ادبهم برضه ملقوش غير مصر مع انها البلد الوحيدة اللى بتساندهم وكمان يرضبوا حرس الحدود بالنار حقيقى صفاقة وقلة ادب
Desert cat said…
Anonymous
يا فندم حضرتك عمال تردد دول عرب ومسلمين ولو مسيحيين مينفعش مثلا ندخلهم ارضنا ؟؟
انا شايفه ان المبادئ لا تتجزأ حكومة حماس اثبتت فشلها وضعفها فى القيادة يبقى تتنحى وتسيب اللى عنده حنكة سياسية يدير شئون البلاد اما العند والعجرفة اللى بيدفع تمنه الفلسطينين كل يوم والتانى وفى نفس الوقت قيادات حماس مستخبية فى حجورها ولما يفكروا يردوا الضرب اللى نازل فوق دماغهم يجوا يرضبوا المصريين ويهددوا بالقاء العبوات الناسفه وهدم الجدار العزل فده اسمه قلة ادب مصر بلد ليا حدود المفروض يحترموا سيادتها مش من حقهم ينتهكوا حدودها يعنى حضرتك جارك اللى فى الخامس مثلا نزل ضربك فى شقتك يقوم انت تسيبه وتروح تضرب جارك اللى ساكن تحت منك مش منطق ابدا يا فندم
تحياتى لحضرتك
Desert cat said…
MaLek
يا مالك والله انا فاهمه وجهة نظرك كويس جدا ومش محتاجه اى تبرير منك علشان تنفى عنك تهمة العمالة وخلافه انا شايفه ان واحد بيندبح يقاوم اللى بيدبحه مش اسيبه يدبحنى واروح انا ادبح اللى واقف جنب منى
وبعدين بيدبحنى ليه ؟؟ هو انا مش هددت ووقفت جعجعت ووقت ماهو جه يضربنى جريت انا استخبيت ووجهت له المغلوبين على امرهم يقتل فيهم ويخلص عليهم يبقى انا كدا اثبتت فشلى فى حماية الناس اللى انا مسؤله عنها يبقى اسيبهم للى يعرف يدير شئونهم

شرفتنى جدا
مودتى
Desert cat said…
أحــوال الهـوي
وجهة نظر حضرتك منطقية ومتفقه معاها انا لومى كله ازاى يسيبوا اللى بيقتلوا فيهم ويجوا يضربوا نار على المصريين ويقتلوهم
يعنى امبارح قاتلين رائد والنهارده اصابة خمسه والبقية تاتى

مودتى واحترامى
Desert cat said…
An Egyptian
وانا كمان بوجه له نفس التحذير احنا بلدنا فيها اللى مكفيها

تحياتى
Desert cat said…
كريم
انا مصرية يا فندم وبحب بلدى ومش عايزة اى عميل خاين اخوانجى يزايد عليها ومش عايزة اى فلسطينى جبان يشتمها ويجيب سيرتها
بدال ما يجوا هربانين يضربوا فى المصريين نار من الاولى يدافعوا عن نفسهم وعن ارضهم ويوجهم نارهم للى بيضربوهم وبيقتلوهم
وسقوط بسقوط بقى
تسقط حماس ويسقط الاخوان ويسقط كريم
Desert cat said…
dr.lecter
الغضب والمرارة والفزع تخلينى ارد الضربة للى ضربنى بكل قوتى وعزيمتى مش اسيبه واروح اضرب واحد تانى مش عملى حاجه

تحياتى يا دكتور
Desert cat said…
ريماس
تقريبا يا ريماس فهمهم بطيئ ومتخيلين ان احنا اللى محتلينهم مش اسرائيل
وادى يا حبيبتى الوجه الاخر لإخوان السوء
Desert cat said…
انا حرة
نصر الله يا حبيبتى بيحرض على حرب وهو نايم فى مكانه ونجاد تقريبا حصلت له حادثه فقد فيها النطق مؤقتا ومش باين فى عيون العرب غير مصر بس

شرفتينى جدا
Desert cat said…
assafo anaroze
المسؤل عن كل اللى اهل فلسطين فيه ده حماس وحماس فقط
حكومة حماس اثبتت فشلها الذريع فى حل الازمة الفلسطينية بل سعت بشتى الطرق للترويع وضرب النار وعمل المجزة التى يشهد العالم احداثها اليوم
مصر غير مسؤله الا عن مصر وشعب مصر فقط مش من حق اى عربى يشتم مصر او يوجه لها اى اتهامات فى لبنان وفى ايران وفى الامارات وفى السعودية اللى عايزين يشتروا بجزمة بعشرة مليون دولار
مش من حق اى فلسطينى يعتدى على مصرى او يهدد ويتوعد بل الاولى انه يرد الضرب للى بيضربه ويهدد ويتوعد اللى بيقتله
شرفتنى جدا
تحياتى لحضرتك
قطتي العزيزة
الأمر شديد الالتباس
ومحير
جانب من وعيي وعقلي يقول دفعنا الكثير من حياتنا من أجل العرب
دفعنا دماء وشهداء
دفعنا انهيار كامل في بنية الشخصية المصرية بسبب نكسة 67
نعاني مكنها للآن
دفعنا ما أوصلنا لما نحن فيه الآن والعرب لا يقدرون ولم يقدروا
أنا أكبر منكم قليلا
كنت بعد صغيرة وكنت أسمع مع أبي الإذاعات العربية وكيف تشتم مصر شعبا ونظاما لأنها سعت للسلام الذي رفضوه وقتها ويبوس أقدام إسرائيل الآن ليحققوا ولو جزءا صغيرا مما حققناه في مبادرة السلام
والجزء الآخر من وعيي يقول هذا قدر الشقيقة الكبرى مصر
تعطي دون مقابل
تساند وتؤيد
لكن نحن في ورطة حقيقية
نحن في وضع اقتصادي متردي
وحكومة مغيبة
وشعب مطحون وراء لقمة العيش
فكيف ينتظرون منا كل شيء
كيف يرشقون سفاراتنا في بقية الدول
واين حكامهم ؟
وأين أبناؤهم ليدفعوا ثمن الدماء
وأين هم ؟
لماذا مصر ؟
لما نظل ندفع ثمن علاقتنا بالعرب منذ مجيئ عمرو بن العاص لمصر وحتى اليوم
ليتنا لم نكن عربا في يوم
ليتنا رضينا بالإسلام فقط مثل بقية دول آسيا ولم يستقر العرب عندنا
آسفى للإزعاج
لكنني ممتلئة شجنا وحزنا
وفمي مليئ بالتراب
وروحي مكبلة
والإسلاميون والأمن يهددان بمصادرة روايتي عشق البنات
كريم said…
أولا ماحدش اتهمك في مصريتك ولا في وطنيتك فبلاش لغة التخوين دي
ثانيا أنا مش من حماس ولا من الاخوان يعني كفاية تقولي يسقط كريم بس تفتكري لما ننادي بسقوط ناس واقفة في مواجهة مع العدو يبقى الكلام ده صح
ثالثا اللي بيشتموا مصر دول هما في الحقيقة بيشتموا النظام المصري والحكومة المصرية اللي بتتعامل مع الصهاينة لأقصى الحدود وطبعا ده واضح ومش محتاج توضيح
على فكرة مصر وحدود مصر اللي احنا فرحانين بيهم دول هما مجرد حدود رسمها واحد اسمه سايكس وواحد اسمه بيكو وكلنا عارفين الحدوتة دي
مصر جزء من الأمة العربية والأمة والإسلامية فأي حاجة بتحصل داخل نطاق الأمة دي قضية كل واحد مصري وعربي ومسلم
برده ما يهمنيش التعليق يتنشر من عدمه
Anonymous said…
حتى فى وكستهم بتقولى يسقطوا الناس دى تستحق الشفقه
ربنا يرحمه ويغفر له
اكيييد شهيد


تحيات بهيه
Desert cat said…
هويدا صالح / عشق البنات
اديبتنا الرائعة / هويدا
العجز غلف العرب جميعا ولم يعد يروا امامهم سوى مصر ومصر فقط
بالرغم من حالة الكرب التى يحياها الشعب المصرى الا انهم لازالوا يعطوا لكل منكوب وليتها سملت من الالسنة القذرة
الاسلاميين لا ياتى من خلفهم سوى الدمار الشامل أتوا على الاخضر واليابس
واليوم يهاجمون روايتك
حقاً إنه قمة العجز والفقر الفكرى الذى لا شفاء منه فبالتاكيد كلماتك فوق مستوى فهمهم
وفقك الله ونصركى عليهم
مودتى واحترامى
Desert cat said…
كريم
اوكى يا كريم كمان مرة تسقط حماس ويسقط الاخوان
تحب اكررها تانى ؟؟
عدو مين بقى اللى هما واقفين فى وشه وبيحاربوه ؟؟
المصريين ؟؟ سايبين اليهود فى راضايهم وبيقتلوا المصريين ؟؟ اللى بيشتم بيشتم مصر نظام وشعب وبلد التواطئ اذا كان واضح مع الصهاينة فليس تواطئ مصر والمصريين انما تواطئ الخونة من حماس واهل فلسطين اللى سابو قضيتهم الاساسية ومسكو فى بعض السلطة ..
مصر دولة ليها سيادة مش من حق اى وغد يتعداها او يعتدى على اى مواطن فيها .. يروحوا يعاقبوا حكموتهم الفاشله ويردوا الضرب للى بيضربوهم
Desert cat said…
Anonymous
الناس دى قلة ادبهم محت اى شفقه
Desert cat said…
غني يابهيه
الله يرحمه ويصبر اهله
ان شاء الله فى عداد الشهداء
تحياتى ليك ولبهيه
Anonymous said…
قصف الطيران الإسرائيلي مساء أمس، وللمرة الثانية خلال أقل من 48 ساعة، المنطقة الحدودية بين مصر وقطاع غزة عند معبر رفح بالقنابل والصواريخ الارتجاجية، بدعوى تدمير الأنفاق التي كانت يستخدمها الفلسطينيون لإدخال مواد الإغاثة الإنسانية للقطاع المحاصر، مما أدى إلى تصدع العديد من المباني على الجانب المصري، وأيضا إلى هرب الجنود المكلفين بحراسة المعبر.
وأغلقت أجهزة الأمن المصرية المعبر، وطلبت من سائقي سيارات الإسعاف والسيارات التي تحمل مواد الإغاثة المنتظرة أن تبتعد عن المعبر بسبب الصواريخ الإسرائيلية، ورفض أحد القيادات الأمنية هناك أن يعطى إجابة محددة لمراسل قناة "الجزيرة" عما إذا كانت إسرائيل قد أخبرت الجانب المصري بأنها سوف تقصف منطقة الحدود بتلك الصواريخ أم لا.
وكانت إسرائيل أعلنت أمس الأول أن منطقة الشريط الحدودي مع غزة هي منطقة عسكرية إسرائيلية، كما أعلنت عن إرسال اثنين من عسكرييها إلى منطقة رفح المصرية للتنسيق مع الجانب المصري بعد الهجوم الأول على منطقة الحدود في رفح مما أدى إلى تدمير أجزاء من الجدار العازل الذي بنته مصر بينها وبين غزة.
وتعد الهجمات الإسرائيلية انتهاكا صارخا لبنود اتفاقية السلام المصرية الإسرائيلية الموقعة بين الجانبين 1978، والتي تحظر القيام بأنشطة مسلحة على الحدود المشتركة

Popular posts from this blog

قميص دهشور

كل تحرش وانتوا طيبين