ايــــه ده ؟؟؟

طوال متابعتى لمسلسل فى إيد أمينة وما يجرى فيه من احداث تبدأ بخطف الاطفال واخرين تعليمهم التسول والسرقه واخرين يبيعونهم لمن بحاجه الى اطفال لعدم قدرتهم على الانجاب واخرهم الاطفال الذين يتاجرون فى اعضائهم .. كل هذه الأحداث بالنسبة لى كنت اتوقعها عبارة عن خيال كاتب لأن الهدف الأساسى من المسلسل هو عرض القصة الحقيقة للصحفى عادل مبارز الذى سافر الى دولة الاردن وتعرض لمزيد من الضغوط النفسية والعصبية ليساعد الام التى تم خطف طفلها منها فى السوق .. حتى عاد ابن السيدة المخطوف ..
إلا أن طالعت اليوم جريدة البديل والتى نشرت فى صفحتها الرئيسية مقالا عن اطفال الشوارع بعنوان
ما يحدث لأطفال الشوارع فى مصرنا نفس سيناريو مسلسل فى ايد أمينة
فالطفل رامى يحكى روايته بانه جاء اليه طفل شوارع زميله يقول له جايب لك مصلحة هتاكل منها دهب .. بيع كليتك بعشرتلاف جنيه وبعدها هتمشى على رجليك عادى ولا كأن فى حاجه .. طبعا الطفل رامى ما صدق وراح للتاجر اللى بياخد اطفال الشوارع لمستشفى كبير فى الدقى وعملوا للطفل اشاعات بعد ما التاجر جعل الطفل يوقع على ايصالات امانة تمن التحاليل والاشاعات التى لم يكن معه منها جنيه واحد ولكن حتى يدفع بعد استلام المبلغ وليضمن ان الطفل لن يهرب منه .. بل ولم يكفى التاجر المعدوم الضمير والانسانية ما سيفعله بطفل فبعد العملية سلمه بالفعل مبلغ العشرة آلاف جنيه ولكن نصفهم مزورين ويفتخر رامى بانه صرفهم كلهم حتى المزورين ولكنه لم يستفاد منهم باى شيئ ... ماساة رامى ليست فى كليته والتى يقول انه يعانى من تعب حتى الآن ولسه يارامى انت شوفت حاجه .. إنما مأساته فى إنه عرف انه اتنصب عليه والكلية بمائة الف من الجنيهات فهو عايز باقى حقه علشان يعمل مشروع يشتغل منه .. ولم يكن رامى فقط هو ضحية هذه العصابة وإنما هو ذكر اسم 4 من زملائه الذى تمت سرقة كليتهم واسترسل وياعالم اخدوا كلية كام واحد تانى وهياخدوا من مين كمان وهو فى النهاية بيطالب بالقبض على العصابة ...
كلامى ليس حكاية سمعتها او رواية قرأتها وانما اعتراف طفل من اطفال الشوارع الذى فقد أحد أهم اعضائه
لمطالعة المزيد

Comments

حبيبه said…
بصي انا عارفة ان الكلام اللي انتي بتقوليه دة حقيقي وبرضه اتعرض في مسلسل اطفال الشوارع
ياريت بجد يكون في حل للمشكله دي
تحياتي لكي
* said…
وحلها ايه يعنى

ما كل الكلام دة احنا عارفينه

وحفظناة وحفظنا الردود عليه من السادة المسؤلين ومينفعش احنا نعمل حاجه لانها مصيبه كبيرة دى محتاجه تدخل دوله والدوله مش هتدخل واحنا هنخرس احسن بدل ما نتفرس
في حاجات معنديش تعليق عليها, بس بالاخر بابص واقول ايه راي الدين؟
فين الدين؟
الدين بيقول ايه؟

اصلي النهاردة كنت انا وطومي (يعني تامر) ودخلنا في سنتر وشوفت حجابات تجنن ف قولتلو يا طومي انا عاية الجاب الجميل دة, واعيوة النقاب الحلو دة, ف قام وتفاجئ مني بس قلي "حاضر اذا كان دة يسعدك فانا هكون سعيد" دخلنا واشترينا ومشينا وبعدين لقينا على اماكن كتيرة لقضاء معاملات وبعدين حسيت بالحر فقولتيلو يا طومي انا حميانة, ف قالي اقلعي, قولتلو لاء انا عايزة مروحة

قاللي بس احنا ماشين في الشارع ومفيش كهربا, قلتلو ملكش دعة انتا بس الاول جيب مروحة علشان انا موش عايزة اقلع علشان في نظرات اعجاب كتيرة حولية مشوفتهاش زانا موش لابسة الحجاب

هو جاب مروحة
قلتيلو يا طومي حط الفيش بالكهربا
قالي احنا في الشارع
قلتلو وايه يعني, حط الفيش
قال, بس قوليلي احطو فين وانا احطو

--

هما اطفال الشارع فين بيحطو الفيش؟
Founoon said…
مأساة بكل المقاييس

انا نفسي افهم مصدر اطفال الشوارع

يعني بالنسب المظبوطة

كام % مخطوفين وكام % اهاليهم رموهم

يا شيخة دا الحيوانات ما بتعملش في بعض كدا

يا لطيف يا رب ع الناس

يا لطيف
شوكت said…
هي بادنا ناقصة مصايب

فعلا احنا السبب اللي بيحصلنا

من اعمالنا سلط علينا
عمر said…
حبيت أسلم عليكي قبل ما أمشي

وأتمنى تكوني بخير

أخوكي عُمر

:)
Desert cat said…
حبيبه
انا شخصيا مش عرفت انه حقيقى غير لما قريت تقرير البديل
Desert cat said…
*
حلها يبتدى من لم الاطفال دى من الشوارع وسن قانون ان اللى يفكر فى الجواز يتحمل المسئولية الكلمة لاطفاله حتى لو انفصل عن زوجته والاطفال الغير شرعيين يبقى لهم مؤسسات آمنه واخر حاجه مكافحة العصابات اللى بتسرق اعضاء الاطفال دول
ده ممكن يحصل فعلا بس فى المشمش مش فى بلدنا
تحياتى
Desert cat said…
واحة في الصحراء
راى الدين انحسر فى الست تبين انهى عين
لكن سرقة الاعضاء والفساد والارف مش بيدوروا لا على راى دين ولا حتى على راى المثل
Desert cat said…
Founoon
ده كتير يا فنون
يعنى اعتقد مراكز البحوث نفسها مش عندها الاحصائيات دى
اصل دلوقتى نص الشعب اطفال شوارع
تحياتى
Desert cat said…
شوكت
والله عندك حق الخنوع والذل وصلنا لكدا ولسه
Desert cat said…
عمر
خير يا عمر رايح فين
انا ها اجى عندك البلوج اشوف ايه الموضوع بس يارب الاقى تفاصيل
An Egyptian said…
أعرفكم ياجماعة:
امة لا أله الا الله - محمد رسول الله

امال لو كانت أمة المافيا كانوا عملوا ايه؟!!

Popular posts from this blog

قميص دهشور

كل تحرش وانتوا طيبين