أبوااق .. أبوااق .. أبوااق

أبواق تعلن كل يوم الحرب على مخالفيها

تدعى العلم والمعرفة ولكن هيهات فانت لست معهم إذن أنت عليهم فسيهدر دمك وتحل عليك الويلات والمسكنة من جنس الستات الملثمات.... فكل هذه ابواق .. ابواق

من قال ان الارض كروية ... إنه جاليلو الكافر الفاسق الزنديق ... لابد من الحكم عليه بالاعدام فكيف يتثنى له ان يقر بان الارض تدور وهى ليست مركز الكون ... ابواق .. ابواق .. ابواق

هناك ستات عاملات .. اذن يوجد اختلاط .. يا لفجرهن لابد لها ان ترضع زميلها الطويل العريض 5 رضعات مشبعات ... ونعم واكرم بالاخلاق والمحافظة والحفاظ ومنع الاختلاط ... ابواق ... ابواق ... ابواق

تهديد بالقتل بالبريد الالكترونى الذى هو من صنع الغرب الكافر وامامه فرصه من الوقت اسبوع ليتوب عن ذنبه وكفره ويعود الى رشده فالبحث والتمحيص عند هؤلاء الصابئة كفر ولابد من التوبة والانابة عنه ... بالطبع اتحدث عن الدكتور " سيد القمنى " وفور تلقيه الرساله الالكترونية تاب واناب وفضل الحياة الدنيا ... توبه نصوحه يا دكتور

ولكن تنتهى كل الرموز ويبقى هناك السيف البتار ... الكاتب العظيم نجيب محفوظ ... الغائب عن الحياة الحاضر فى الروح والأذهان

ولتبقى دائما دعوة العقل تصل الى عنان السماء وتتناقلها الاجيال ... فمهما تلقى من تهديد ووعيد .. فضل عقله وفكرة وقلمه عن ما تلقاه من براثن ذلك الارهاب الشديد ... فهذه العادة .. البداية انت كافر .. وان لم يعيره اهتمام التلفظ بابشع الكلمات .. ماهى الشتيمة فى عرفهم برضه جهاد ...

مهما طغت ابواق الجهل والظلام ... فتكفنوا وتلثموا واطيلوا من اللحى وقصروا الجلباب فبقدر ما تقصرونه وتطولون فى اللحى بقدر قصر العقول ... فلن يستمر هذا الظلام لانكم لا تملكون سوى أبوااق .. أبوااق .. أبواق

Comments

Anonymous said…
فعلا يا قطة الصحراء
يحاولون ان يوقفوا الزمن
او يحاولوا ارجاع عقارب الساعه الى الوراء
و لكن فى كل مره
يثبت العلم و الزمن انهم على خطأ
الخطأ ليس فى الدين
الخطأ فى العقول المتحجره
التى لا تفهم و لا تحاول ان تفهم
التى تتدخل فيما لا تفهمه
التى تحجر على الطب و العلم و الفلك و الرياضيات و حتى الحقائق التى ترى بالعين المجرده
و فى كل مره تتلاشى
و كل ما يصيبنا هو مزيد من التأخر عن العالم
و مزيد من التخلف
Anonymous said…
هو الأوتوبيس ده...قصدى البلد دى رايجه على فين
؟؟؟؟
المحفظة لا تزال في جيبي

صوره للاعقلانيه فى حياتنا ...صوره ساخره



من أوليمبياد أمستردام (1928) حتي أوليمبياد بكين (2008) مرت ثمانون عاماً قضاها "الضاني" في إنتظار أتوبيس العتبة حتي نبهه أحد المارة أن الأتوبيس توفي فمشي ليأخذه من أول الصوان.. الأتوبيس مزدحم فيه أربع ركاب وأربعين نشال.. قال له الكمساري (خلي بالك من محفظتك) قال الضاني (ما تخافش شايلها في الجاكيت وقافل عليها زرار) قال الكمساري بصوت مرتفع (الأخ اللي طالع محفظتة في الجاكت وقافل عليها زرار) قال له عجوز بجواره (دي علامات الساعة إن الكمساري يساعد النشالين) قال الضاني (لأ يا حاج بلاش جهل علامات الساعة ما فيهاش كمساري فيها الربع والنص والعقرب الكبير) قال العجوز (ما هو أنا قصدي العقرب الكبير، إنت برج إيه؟) قال الضاني (أنا مش في برج أنا باني بيت صغير بس مش قادر أدخله) سأله العجوز (لازم فيه نزاع؟) قال الضاني (لأ مفيش فيه نزاع فيه دورين بس وعفشة ميه مشتركة، هوه لازم يا حاج إركب له نزاع؟) قال العجوز (آمال مش قادر تدخله ليه؟) رد الضاني (أصل الباب طلع ضيق قلت أسيبه لأخويا الصغير يروح بيه المدرسة.. قوللي يا حاج، إنت في الاتوبيس بقالك كام سنة؟) سأله العحوز (هوه الأتوبيس رايح فين؟) قال الضاني (آسف جداً ممنوع أقول أي حاجة لوسائل الإعلام إنت من حقك بس أقولك إسمي ورتبتي ورقمي العسكري غير كده مالكش عندي حاجة وح أفرج عليك الأتوبيس) سأله العجوز (إنت طلعت لي منين؟) قال الضاني (من باب الأتوبيس وقوم وريني نفسك تحت.. وقف يا أسطي الأتوبيس) خلع العجوز النظارة وقال (أنا جوز خالتك يا ضاني) صرخ الضاني مندهشاً (جوز خالتي!! أنا ما عرفتكش علشان قاعد علي كرسي جلد) وأحتضنه فبكي الركاب وشغل السائق شريط قرآن وقال أحد النشالين وهو يسحب محفظة الضاني (سبحان الله العظيم قد يجمع الله الشتيتين محفظته ومحفظة جوز خالته).. قال أبي (مبروك يا ضاني عرفت إنهم رجعوا سنة سادسة للمرحلة الأبتدائية وحنصرفها مع معاش رمضان) قال الضاني (هوه رمضان ده مش جه قبل كده؟) قال أبي (أيوه وح ييجي تاني) سأله الضاني ببلاهة (هوه فاضي ده ولا إيه، هوه جاي عندكم إمتي؟) قال أبي (ماحدش يعرف أصل النيابة حظرت نشر أخباره) قال الضاني (بس مادام البلح ظهر يبقي الكنافة في السكة) ثم قال الضاني للرجل الواقف بجواره (من فضلك هات المحفظة بتاعتي علشان نازل وخلي محفظة جوز خالتي).
Anonymous said…
الذى قال بكروية الأرض قبل جاليليو كوبرنيكس
والعالم برونو الذى احرقه رجال الدين لمخالفته لتفسير هم للنصوص الدينيه
هذا فى اوربا
اما عندنا فقتل ابن المقفع والحلاج والأمام ابن حنبل
ومن خالف الخليفه فى مسالة خلق القرآن
الشهيره
والعنوان الكبير لكل هذا
الأستبداد باسم الدين
karim said…
احسنتى العرض ممايدور حولنا من جهل و تخلف وامور غير مفيدة لمجتمعنا. تحياتى
MEDUS said…
اولا كيف احوالك عساكى بخير
دا موضوع جيدرغم انى مش بحب المتأسلمين ولا بطيقهم ولكن زي ما فية رجعيين اسلامين فية كمان تقدمين اسلامين مش كلهم كويسين ومش كلهم وحشين
اتمنى ان الرجعين منهم يتغيروا ويشوفو الحياة بعنيهم مش بنضارة الردة والعودة لعصور الجهل والتخلف
موضوع جيد تحياتى
بوست غير مرتب

ربما يكون خواطر

لكنى ارى بعض الحكام الغير متعقلة

تقبلى تحيااتى

بيس
Anonymous said…
ارى ان الارهابيين احتلوا مدونتك
وجميع ردودهم واحده لا تتعدى شاشة التلفزيون اللى بيحكى عن فيلم الاتوبيس واللى بيحكى عن عادل امام
يعنى انتى ظلماهم يا قطة بيشوفوا تلفزيونات زى باقى البشر وليهم عنين يشوفوا بيها بس العقل محجوب بالخرسانة المسلحة لذلك كل معلوماتهم من افلام عادل امام
احترامى ايتها القطية الشقية
tamer.sala7 said…
يريدون ان يطفئو نور الله بأفواههم والله متم نوره ولو كره الكافرون

صدق الله العظيم
Desert cat said…
مواطن مصرى
انا نشرت تعليقك وحذفته تانى عارف ليه ؟؟؟
اصل ايبهاتك متطابقة عند مع ايبيهات حد اعرفه عز المعرفه
فممكن تدخل تضيفه باسمك المعروف وعليك الامان لا تقلق ...بس بلاش التخفى
اصل عندى
IP Address Glossary
ههههههههههههههههههه
تحياتى يااااااااا
مواطن
كل عام وأنت بألف خير يا قطة الصحراء..ورمضان كريم ويارب يمر عليكي بخير وهنا وسرور
كل ودي
The Prof said…
ماكنش حقك قولتيله يا قطه
زمان المواطن هايضطر يلبس الشبشب الزنوبه و ينزل من بيتهم على النت كافيه اللى تحت علشان يكتب الرد بتاعه
قطتي العزيزة

لا جديد .. صدقيني ستظل تلك الأبواق

وعلى مستخدمين عقولهم تدور الدوائر

لا تحاولي مجادلتهم لأنهم لن يقتنعوا و لن يقنعوكِ

عصر اظلام فكري يسود

صراحة قررت التخلي عن المواجهة والتحدث عن التفكير و احترام الآخر على الرغم من الاختلاف و و و

و قررت الابتعاد ..

دمتِ صامدة
صفا said…
المشكله يا قطة ان الناس البسيطة بتمشى وراهم من غير تفكير لانها بتمشى ورا اى حد بيتكلم بصيغة الدين
يلا ربنا معانا
PrInCeSS BeRy said…
ازيك يا قطتى عاملة اية كل سنة وانتى طيبة معاكى حق مهما اعلنتى ونفختى فى البوق لا حياة لمن تنادى احسنتى السرد

ممكن تيجى مدونتى فى ليكى تعليق عندى المفروض كان يتكتبلك هنا بس انا رديت واتمنى تيجى وتقرية فى مدونتى www.bery-boruo.blogspot.com

هتلاقى مستخدم اسمو واحد عاوز يعرف ياريت تعرفية وجهة نظرك ولو حابب يبعتلك حاجة يكتبلك علشان ما يوقعنيش فى خصومة مع حد اللهم بلغت اللهم فا اشهد
Anonymous said…
واية الحكاية الخايبة اللي عمالة تقوليها ان سيدنا عمر ضرب الائمة علشان مغطية راسها
طب لما تنقلي كلام يا تنقلية صح
يا تقعدي ساكتة ومتصدعيناش
خرجت أمرأة مختمرة
متجلببة فقال عمرو رضى الله تعالى عنه من هذه المرأه فقيل له جارية لفلان رجل من بنيه فأرسل
إلى حفصة رضى الله تعالى عنها فقال من حملك على أن تخمري هذه الأمة وتجلببيها وتشبهيها بالمحصنات
حتى هممت ان أقع بها لا أحسبها إلا من المحصنات لا تشبهن الإماء بالمحصنات
لم يضرب ولم ينهر .. فديننا دين ستر
كما إن هنا الأمه كانت مختمره
أما المقنعه .. فلا أدري كيف ينسب إلى عمر رضي الله عنه أنه كان ينزع غطاء الوجه
فكيف يعلم عمر بأمر إمرأه إن كانت حرة أم أمه وهى مغطاه الوجه
Hani Michel said…
تخيل نفسك تعيش في عام 1000 ميلادية تلك المرحلة التي عرفت بالعصور الوسطى. أول ما يجب أن تضعه في الاعتبار هو أن الكنائس كانت تعتبر المصدر الوحيد للسلطة والمعرفة. تخيل نفسك جزء من المجتمع تنتسب إلى إحدى الطبقتين إما الأرستقراطيين أو الفلاحين البسطاء، في كلتا الحالتين أنت تعلم أنك إذا كنت من أبناء الطبقة الأرستقراطية فستبقى كذلك أبداً، وإذا كنت من الفلاحين البسطاء فلن يتغير حالك، وبغض النظر عن الطبقة التي تنتمي إليها أو العمل الذي تعمله فأنت تدرك أيضاً أن الطبقة الاجتماعية ليست سوى شيء ثانوي، فعلاقتك بالله أهم وأمامك أحد الطريقين: اتباع طريق الله أو طريق الشيطان، ولكنك لست وحدك في مواجهة هذا الاختيار بل وإن صح القول فإنك كفرد لست مؤهلاً لأن تتخذ قراراً بهذا الشأن، فهذه مسئولية رجال الكنيسة، إذا اتبعت خطواتهم تأكدت أنك رابحاً في الحياة وما بعدها، وإذا لم تتبعهم فعليك لعنة الله، فالحياة لا تزيد عن كونها اختبار لعلاقتك بالله.
وقد أعلنت الكنائس ـ كحقيقة علمية ـ إن الإنسان هو محور الكون وأن كل ما في الكون مسخر له، ومن الجدير بالذكر أن تعرف أن الظواهر الطبيعية كانت ترجع أسبابها لإرادة الله إذا كانت خيراً أو عمل من أعمال الشيطان إذا كان في الظاهرة ضرر للإنسان، أما الأسباب العلمية المفسرة لظواهر مثل الأمطار والزلازل وحتى الموت فجميعها أتت في مرحلة لاحقة.
(يتبع)
Hani Michel said…
الآن تخيل أن هذه الحقائق بدأت تنهار في بداية القرن الخامس عشر حين ظهر من الحقائق العلمية ما كذّب ما أشاعه رجال الكنيسة، فقد أثبت علمياً أن الشمس والنجوم لا تدور حول الأرض كما ادعوا بل إن الأرض عبارة عن كوكب صغير يدور حول الشمس في مجرة تشمل ملايين النجوم الأخرى، ففقد الإنسان بذلك مكانته كمركز للكون مما كان له تأثيراً بالغاً عليك كفرد وعلى المجتمع ككل، ولم تعد التفسيرات السابقة لتقلبات الطقس مثلاً أو نمو النباتات أو وفاة مفاجئة لشخص ما مقبولة، وكل ما آمنت به كمسلمات في بدايات القرن أصبح في حاجة إلى تعريفات جديدة وخاصة علاقة الإنسان بربه.
وهؤلاء الذين عرفتهم كوسيط بينك وبين الله فقدوا مكانتهم تماماً وبدأت تظهر اتجاهات جديدة للكنائس تعتمد على عدم وجود وسيط بين الإنسان وربه، ولكنك تجد نفسك وسط هوجة جماعية تشك في كل شئ بما في ذلك وجود الله، فلِقرون مضت كان رجال الكنيسة يمثلون المصدر الوحيد للسلطة والمعلومات والآن أمام عينيك كل شيء ينهار.
سؤال كبير بدأ يطرح نفسه عن ماهية العالم تواجهه أنت وجميع من ينتمون للحضارة الغربية. لقد تعودتم وجود سلطة عليا توجهكم في الحياة وبدونها شعرتم بعدم اتزان وضياع، وإذا كان رجال الكنيسة على خطأ فأين الصواب؟ أين الحقيقة؟؟
وصولاً إلى تلك المرحلة كانت بداية العصر الحديث حيث لم تعد تُقبل أي سلطة مسيطرة، وفقدت حقيقة عالم يحكمه رب. في مقابل ذلك ظهر اتجاه من الباحثين والمكتشفين لاكتشاف العالم بما في ذلك ماهية الله وهدف وجود الإنسان على الأرض. ولكن الأمر ليس بهذه البساطة وإجابة التساؤلات المطروحة ستتخذ زمناً طويلاً لاكتشافها، وإلى أن يحين ذلك الوقت انشغلوا في محاولة للاستقرار في الوضع الجديد والنهوض بمستوى المعيشة وتحقيق الأمان. وهذا ما بدأ الغرب تنفيذه منذ أربعة قرون مضت........

جيمس رد فيلد
================
و لازلنا فى المنطقه العرييه نعيش متأخرين عن الركب اربعة قرون
قلب مصرى said…
أنا لا أعرف وسيلة لوقف الأفكار الهدامة سوى الأفكار البناءة.
أما مواجهة الفكر بالذراع والقلم بالخنجر فهى وسيلة لا تفلح فى قتل الأفكار.
أذكر كلمة ليوسف شاهين فى فيلم المصير (الأفكار ليها أجنحة ما حدش يقدر يمنعها من الطيران).

تحياتى
Anonymous said…
كثيرا ما نخلط بين الدين وثقافة متوارثه
انظرى مثلا لموضوع النقاب والحجاب...وتعالى نناقشه من زاويه اخرى بعيدا عن النصوص الدينيه التى لا ينتهى الخلاف حول تفسيرها...كل يفسرها حسب ما يتراءى له
فى ثقافة الرجل الشرقى المراه مشكله ومصدر قلق دائم له وموضع شك ومشروع خاطئه ومصدر عار محتمل وهمه الأكبر كيف يضمن التحكم فى سلوكها وقديما كان الحل النهائى هو وادها
ولكن مع التطور لا يمثل هذا حلا ممكنا
بعد ان خرجت للعمل واصبح لها كيان وشخصيه
فماذا يفعل وهداه تفكيره الى الواد الجزئى المؤقت وهو اخفاءها تماما عن الأنظار
وليكون هذا الحل مقبولا يلجا الى المقدس يفسره على هواه
ولكننا نريد ان نظل فى اطار التحليل الثقافى
ونقول الا تشتق كلمة عوره من العار؟
اللغه تكشف الحقيقه
والا يقول عند اعداد ابنته او احته للزواج اريد ان استرها ...يسترها بمعنى يجوزها
وكلمة ستر ويسترها حافله بالدلالات الكاشفه لعقلية الرجل الشرقى وحقيقة ما يفكر فيه
مهما حاول ان يغطى هذا بطيقه سميكه من التفسيرات والحجج والحوادث وقصص الماضى
اللغه تكشف بالتحليل الثقافى الذى قدمنا عينة بسيطه منه كل شىء
Anonymous said…
ووراء هذه العقليه والثقافه تصور اساسى عن المراه كمجرد اداه لأشبلع الرجل حنسيا
والدليل انه عندما تكون المراه موضع شك ومشروع خاطئه لا ينتبه الى انها تخطىء لو اخطات مع رجل
ولكن اللوم يقع عليها وحدها لأنها كاداه للأشباع الجنسى هى مثل اى اداه ملك خالص لصاحبها
اما الرجل فهو اكبر من ذلك بكثير
واى كلام آخر يحتمى بتفسير النصوص لكى يخفى الحقيقه لكل من له عقل لا تجدى
momken said…
ازيك يا احلى قطه
يا نجمه كل المدونات

انا جاى اعيد عليكى واقولك كل سنه وانتى طيبه

تحياتى
momken said…
نحمد الله اننا العالم الثالث ونحمده اكثر انه لايوجد عالم رابه او خامس والا كنا احتلينا المراكز دى بجداره

وسلميلى على التخلف

تحياتى
قطقوطتنا العسل

وحشتيني ياجميله؟عامله ايه ؟يارب تكوني بخير
مرسي علي اليوم الحلو اللي استمتعنا بيه انا و هارت و قابلنا شخصيه لذيذه و رقيقه زيك

بخصوص الموضوع شوفي ياجميله اخوانا البعدا غريبي الأطوار يشتموا في الغرب و يقولولك الغرب الكافر و المقاطعه و هما اساسا بيسخدموا الكومبيوتر اللي عليه ويندوز الغرب هو اللي عملها طب عايزين تقاطعوا خاليكم اد كلمتكم و اقفلوا الاجهزه بتاعتك لكن نقول ايه دول بق علي الفاضي و لا منهم و لا كفايه شرهم
يانكون معاهم يايكفرونا و يلعنونا

لكن دوام الحال من المحال و اكيد حيجي يوم و يتكشفوا علي حقيقتهم
المهم طمنيني عليكي و خودي بالك من نفسك و الي الامام سر
:)
محبتي ياقمرايه
Desert cat said…
Anonymous
من المعلوم لدى الجميع ان الله وهب لكل واحد عقل لكن هناك من يبحث ويعمل ويجتهد وايضا من يعود بالزمان مئات السنين الى الصحراء القاحله ورعى الاغنام وليذهب العلم الحديث هباء منثورا ... وكان الزمن توقف .. لصالح من ومن اجل ماذا هذا هو السؤال
فلو كانوا يعلمون كلام الله حق المعرفه ما تشدقوا وما هددوا بافعال الجاهليه
تحياتى
Desert cat said…
Anonymous
الاتوبيس ده قصدى البلد دى رايحة نحو الانهزامية والاعداءات الكذابة والافتراءات والصاقها بالدين
تحياتى
Desert cat said…
Anonymous
المصير الحتمى لكل من يفكر ويجتهد هو اثارة للمختلين والمتخلفين لانك بهذا تكون خير شاهد على تخلفهم وغبائهم
لذلك الارهاب والغباء هو الحل
تحياتى
Desert cat said…
karim
المجتمع يتنشر ويتفش فيه التخلف بانتشار الجهلاء وادعياء العلم وعندما تحاروهم تكتشف مدى خواء عقولهم
لذلك الكلاب تعوى والقافله تسير
ايضا من اجل رفعه المجتمع
مودتى واحترامى
Desert cat said…
MEDUS
اولا اشكرك جدا
ثانيا الرجعيين المتاسملين اللى انا كمان مش بطيقهم مش بيهتموا مع مين يتعاملوا بقدر اهتمامهم ماهو هدفهم
لذلك سنظل نشهد التخلف مدام التاسلم والغباء ممزوج بالمنفعه
تحياتى
Desert cat said…
دعاء مواجهات
بوست غير مرتب .. تفتكرى ممكن ارتبه حسب الحروف الابجدية مثلاً .. يعنى اتكلم عن ارضاع الكبير وبعدين جاليلو سيد القمنى نجيب محفوظ ... وهكذا اصل انا مش كاتبة قصيدة علشان يبقى لابد من احكام القافية
بتقولى انه خاطرة
انتى عارفه ايه هى الخاطرة ؟؟؟
بصى يا جميل حاجه للعلم بالشيئ بس
الخاطرة هي نثر أدبي بمعنى انها كلمات صيغت ببلاغة وتميل الخاطرة بين القصة القصيرة
والشعر الحر ويكثر أستخدام المحسنات البديعية تفتكرى جاليلو ونجيب محفوظ وسيد القمنى انا كتبت فيهم شعر ولا نثر ولا ادب ولا قصة ده البوست بيتكلم عن تقلب افكار ومين تراجع ومين تماسك بفكره وبرأيه
شرفتى يا دعاء
Desert cat said…
Anonymous
ده الارهابيين منورين مدونتى ولو انهم تقال اوى عليها
اه طبعا هما متفتحين خالص واخر تفتحهم الافلام وحيد حامد يتفرجوا عليها ويضحكوا مع عادل امام وعلى القهوة يقولوا نحارب الكافر الزنديق
بيجاهدوا ادعى لهم يقتلوا كل يوم 3 او 4 علشان الارض تفضا لهم
تحياتى
Desert cat said…
tamer.sala7
ونعم بالله يا تامر
Desert cat said…
كاتب مصري
وانت طيب وبالف خير
رمضان كريم عليك وعلى اسرتك وكل احبائك
تحياتى
جمعاوي said…
السلام عليكم

ونقدك فعلا اسلوبه جميل

وإن كنت أختلف معك فى موضوع الجلاليب واللحى...فرأيي إن كل واحد حر ما لم يضر ومالم يطال شيء من حريتي...فأنت وإن كنتى تأخذى عليهم كثرة أبواقهم فلننتقد عليهم ذلك ولكن لا نتعرض لشخوصهم


وبالنسبة للأبواق فاحنا ممكن نراجعها فى عقولنا وندقق فيها أوي وبعدين نقرر موقفنا منها ....لأن ممكن يكون أحد هذه الأبواق بيتكلم عن حاجة صحيحة
ودمتى بخير وعافية وصحة وحكمة

ويلا سلام
Desert cat said…
The Prof
ماهو ده اللى حصل فعلا يا بروف ههههههههههه
Desert cat said…
د\أسماء علي
يا دكتورة انا مش يهمنى اقناعهم من عدمه انا بس بكشف حقائق موجودة بالفعل فى الواقع يعنى مش هنسيبهم يخربوا فى المجتمع بافكارهم وجهلهم وتخلفهم تحت مسمى الدين واحنا نتفرج
دمتى سعيدة يا جميل وليموتوا بغيظهم وعلى قلوبهم حجر
محبتى
Desert cat said…
صفا
وفى ناس تانية يا صفا بتستفيد من بلاد البترودولارت
فلازم يجدوا ويجتهدوا لاثبات انهم بيتشغلوا بضمير
:)
تحياتى يا جميل
Desert cat said…
PrInCeSS BeRy
اهلا اهلا يا برنسيس المدونات
ميرسى جدا جدا على زوقك يا جميلة
وكل سنة وانتى بالف خير
Desert cat said…
Anonymous
اولا وقبل اى حاجه يا استاذ مصدع
ياريت تجيب لى مصدر الكلام الغلط اللى انا ناقله منه ... اصل يمكن مش خدت بالى وانا بنقل
ثانيا لو الكلام ده خايب يبقى تروح تقوله للفقهاء والعلماء اللى استشهدوا بيه
وبدل ما تيجى تحاسبنى تروح تحاسب عمر اللى كان ينزع قناع الإماء حتى يظهر شعورهن ورأسهن وأيديهن
ومن الطبيعى ان حضرتك علشان تدافع عن الدين والحجاب يبقى على علم او دراية بما تقول
اصل الكلام الخايب اللى بتقول عليه ده
موجود فى
مجموع فتاوى ابن تيمية الجزء الخامس عشر
،كتاب طيقات إبن سعد الجزء السابع ص 127
أن "عمر بن الخطاب أمير المؤمنين كان يطوف فى المدينة فإذا رأى أمة محجبة ضربها بدرته الشهيرة حتى يسقط الحجاب عن رأسها ويقول :فيم الإماء يتشبهن بالحرائر "، وقال أنس "مرت بعمر بن الخطاب جارية متقنعة فعلاها بالدرة وقال يالكاع أتتشبهين بالحرائر ألقى القناع"، وروى أبو حفص أن "عمر كان لايدع أمة تقنع فى خلافته
وكتاب المغنى الجزء الأول ص 351 عن إبن قدامة " أن عمر رضى الله عنه ضرب أمة لآل أنس رآها متقنعة وقال إكشفى رأسك ولاتتشبهى بالحرائر"، وفى سنن البيهقى الجزء الثانى ص 227 يروى عن أنس بن مالك " إماء عمر كن يخدمننا كاشفات عن شعورهن
والقرطبى ايضا ذكر نفس الرواية
يبقى روح اعترض عليهم وحاسبهم وقولهم كلامكو خايب
وبعدين تعالى اتكلم معايا
محمد said…
http://kalamfekalamm.blogspot.com


مع تحياتى لكى
بدون غضب
لكى أن ترفضى
ولكى أن تقبلى
أنتى بالطبع حره
محمود رزق الله said…
يا ستي معلش نوري الجهلة اللي زينا
اية العبرة المستفادة من قصة سيدنا عمر بن الخطاب
في ضرب الاماء لكشف رؤسهن
هل سيدنا عمر كان يدعو للانحلا والتبرج بين الاماء
ولا معني كدة ان الحجاب فرض علي كل حرة
يعني كل المسلمات دلوقت نظرا لعدم وجود جواري رسميا
ولا اية بالظبط
اصل انتي كل ما حد يكلمك تقوليلة روح حاسب عمر روح حاسب عمر الاول
وكان عمر دة كان بيلعب معاكي
ما تنوري المحكمة
الربان said…
تحياتي

في رأيي ان هذه فئة ضالة الفكر...و أن
الحوار الهاديء معها قد يؤتي بنتائج ممتازة...

أتذكر حوارات الاستاذ، مكرم محمد احمد نقيب الصحفيين الحالي ، مع الجماعات الاسلامية في السجن ، و كيف ان هذا الحوار كان له اثار ايجابية نحو تصحيح المفاهيم...و ايضا كان يقوم بهذه الحوارات نخبة من علماء الدين المعتدلين
و المقبولين لدي العامة.

لابد ان يظل الحوار الهاديء البناء هو
اللغة المسيطرة بيننا...لان غير ذلك سيحرق الاخضر و اليابس...و يجرنا الي
صراعات لا يعلم الله الا مداها...

البعد عن التكفير...و التجهيل...و اللافتاء بغير علم...و لا يعني انني درست
بالازهر ان اتجرأ و اقعد للافتاء...
فالافتاء علم يقوم علي دراسة علمية
مقرونة بواقع الامه.

حين نتحدث مثلا عن العائد علي الودائع بالبنوك....لابد للمفتي ، اي كان شخصه،
ان يتحدث و يستفسر و يستعلم ممن يطمئن
اليهم من رجال البنوك...و يستقرأ واقع الامه الحالي.....قبل ان يقول حرام
او حلال....

تحياتي و تقديري
نور الصباح said…
رجعت الى كتاب فتاوى ابن تيمية
،كتاب طيقات إبن سعد الجزء السابع ص 127
وللاسف كل الكتاب اغلبة عن الطهارة ولم ترد هذه القصة في
فى هذا الجزء ..
وحتى لو فرضنا جدلا ان عمر قد منع الاماء
من اللباس الشرعى..فعمر ليس مشرعا وهو بشر يخطئ ويصيب كما قال عن نفسه
حينما اراد تحديد المهور فأعترضت عليه أمرأة
فقال قولته الشهيرة اخطأ عمر واصابت امرأة..

يا ريت لو تقدري تقوليلنا مرجع للقصة دي
او تزلي صورة الصفحة اللي فيها الكلام دة
Migo Mishmish said…
صباح الخير يا قطوطة والنعمة وحشاني بس الظروف
بصي انا كنت قرايت في كتاب قبل كدة في اسمه بحث الانسان عن ذاته عن سبب ايمان الناس بالغيبيات واتباع امور تنافي العقل باسم الدين - طبعاً انا مش بنقد الدين انا بتكلم عن شوية الدجالين اللي بيظهروا وسط اتباع اي دين ويطلبوا من الناس طلبات غريبة واحياناً غبيه باسم الدين - بيقول لان الحريه اصعب شيء ممكن يحصل عليه الانسان والغريب كمان ان الانسان بتزيد حيرتة وازماته النفسية لو حصل على حريته كامله لانه في هذه الحالة مطالب بتحمل عواقب ونتائج تصرفاته. ففي ناس كتير تقوم مختارة الطريق الاسهل وهو تسليم نفسها وحريتها للاخرين ليتحكموا بها لكي لا يقعوا تحت طائلة المسألة
بس بقه فكل الناس اللي انتي اتكلمتي عنهم دول تخلوا عن حريتهم وقناعتهم الذاتيه ودفنوا نفسهم في قناعات وافكار تانيه غريبة عليهم علشان يهربوا من محاولة اكتشاف انفسهم وتحقيق ذواتهم
بس كدة كفايه كلام كبير
Love,
MishMish
قصاصه said…
زحام و أبواق سيارات مزعجـــــة

وللي يطول له رصيف.. يبقي نجـــا

الله يرحمك يا جاهين

---
لكن سيبك يا قطه الصحراابواق الحريه اقوى مهما حدث
---
الاخ بتاع الاتوبيس ده كلامه رائع وفوق الرائع
واستأذنه واستأذنك انى اقتبسه كمااود ان اعرف اسمه ان امكن

تحياتى
Anonymous said…
تحدثنا عن النقاب والحجاب من وجهة نظر الرجل الشرقى ومن منظور التجليل الثقافى-النفسى
والآن لتكتمل الصوره نتحدث عن نفس الظاهره من وجهة نظر المراه
التى تتجمل بالذات النقاب خاصة فى فصل السيف وهو من الياف صناعيه فى الأساس وبلونه الأسود يكون اشبه بالصوبه او
بغازات الأحتباس الحرارى حول الكرة الأرضيه
ولا يحتاج الأنسان ان يكون عالما فسيولوجيا ليدرك ضرر كل هذا....ناهيك عن المشكلات الحياتيه مثل استخراج البطاقات او ضرورة التاكد من شخصية الأنسان فى مواقف كثيره علاوه على مشاكل التعامل مع الأطفال او الكبار فى كثير من المهن
لماذا تقبل المراه كل هذا
والأجابه هى اننا جميعا طبعا ندعو الى الأحتشام والمراه فى مصر قبل الهوجه الأخيره كانت محتشمه وحتى عندما سايرت الموضه لم يكن يثير هذا اى مشاكل
المهم الأحتشام محبب لنا وهو موضع احترام من الغالبيه العظمى
وما يدور بالذهن هو زيادة الجرعه ...جرعة الأحتشام...والى حد المبالغه المفرطه ويكون مثلها مثل من يصف لها الطبيب دواء على ان تاخذ منه جرعات محدده فتقوم هى طلبا لمزيد من الشقاء بشرب زجاجة الدواء كلها مرة واحده
dr.lecter said…
موضوع نجيب محفوظ ده بالذات مش عاوز اتكلم عنه علشان عملي لي مشكله مع ناس كتيره السنه اللي فاتت لما شرحت وجهه نظري في ولاد حارتنا

للاسف حبنا لديننا وخوفنا عليه بيخلينا عاملين زي العمي مانقدرش نشوف الجماليات المستخبيه جوه حاجات كتيره مش قادرين ندخل جوه مضمونها

يكفي ان في منتدي اسلامي انا مشرف عليه تم اتهامي بالكفر والالحاد لمجرد اني ساندت الروايه وجبت راي دكتور محمد سليم العوا اللي هو انائب الامين العام لعلماء المسلمين وبرده مافيش فايده قالوا لي وحذروني اني اتراجع عن رايي وجرحوا في ذاتي شخصيا وديني للاسف

ربنا يهدي اللي عمل كده واهو غار بالسلامه واتفضح ادام الكل
تستحقي وسام الشجاعه عالبوست بوست رائع جرئ وكله معني واضحه ربنا ينور عقول الناس
ربنا يهدى الجميع بس انا مش بحب التعميم

كل سنه وانتى طيبه
Desert cat said…
Hani Michel
لقد عدنا الى عصر الكنهوت والوسطاء الربانييون يعودوا فى اسم جديد رجل دين مع العلم انه لا يوجد على مر التاريخ ما يسمى وظيفة رجل الدين فمن اين اتوا بها هؤلاء المرتزقة ليتشروا افكار متطرفه تعود بنا الاف السنوات فالرسالات الثلاث تنص على ان العلاقة بين الانسان وربه وجميعها تدعو ان الله واحد احد ومن يخلق على الفطرة يعلم ذلك ... ولكن التغييب والتشتييت اصبح مهنة لكل عاطل
مودتى واحترامى
Desert cat said…
قلب مصرى
من البديهى يا عزيزى هو مواجهة الفكر بالفكر
ولكن فى عصر التطرف والتشدد اصبح الفكر يواجه بالايذاء الشخصى فمن يؤمن بفكره لن يتناززل ولن يتهاون
تحياتى لحضرتك
Desert cat said…
Anonymous
اتعجب حقل لما يدور من صراع اليوم حول تغطية المراة والتى هى عار فانصرفوا عن تادية الفروض التى امر بها الله وتفرغوا لفرض قطعة قماش لم ينزل الله بها من سلطان
فاذا كان الرجل الذى يسعى لاخفاء زوجته او ابنته العورة فيؤدهم ويقطع شكه بهم ويريح المجتمع من جهله الابدى
تحياتى
Desert cat said…
Anonymous
اين الثقافة فى وأد المرأة والصراخ ليل نهار بانها عورة
اينعم عو يتعامل معها على انها مجرد فرج لافراغ شهواته خادمة تغسل وتمسح الحمام وتضع له قدمية فى ماء دافئ وان نطقت بحق من حقوقها فترتفع الابواق " بان الرجال قوامون .. وهو لا يعرفون للقوامة معنى سوى النهر والضرب .. إذن فاين هنا الرجال
تحياتى
Desert cat said…
momken
ازيك يا ممكن
ميرسى جدا جدا على ذوقك واخلاقك العالية
كل سنة وانت بالف خير
Desert cat said…
momken
يا عزيزى بعد صراخ تلك الابواق بالارهاب الفكرى لكل ما هو يدعو لاعمال العقل فهنيئا لنا بالعودة الى الخلف الاف السنين
مودتى واحترامى
Desert cat said…
اجندا حمرا
صديقتى الجميلة ارق اجندة
انا اللى بشكرك جدا انتى وهارت على اليوم الجميل اللى قضيناه مع بعض وربنا يديم الحب والمودة بينا يا قلبى
بالنسبة للبعده فدعيهم فى جهلهم
ده من اشد مظاهر التخلف المتفشية بينهم تلاقيهم قاعدين يقولوا لك قال الله وقال الرسول ولما يتنزقوا فى نقاش يشتموكى وسلمى لى على اللى رافعين لواء الاسلام
شرفتينى جدا يا جميله
Desert cat said…
جمعاوي
عليكم السلام ورحمة الله وبركاته

بالنسبة للحى والجلابيب فانا متشكرة جدا على ذوقك لابداء اعتراضك بكل ادب
وبالفعل انا لا اعترض على اشخاص لسبب بسيط جدا هو انى لا اعرفهم
ولكنى بالفعل اعترض على الافعال التى تنسب للدين والدين منها براء
حضرتك بتتكلم ان الابواق ممكن يكون منها صحيح
تفتكر مصادرة العلم صحيحة ؟؟؟
تفتكر الارهاب الفكرى والتهديد بالقتل بدعوى الدين ... الدين الذى حث على العلم .. حتى قال ان طلب العلم فريضه تفتكر الارهاب فى البحث والتمحيص من اجل العلم صحيح ؟؟؟
دمت بكل خير
تحياتى
Desert cat said…
محمد
مبروك يا سيدى على المدونة وعلشان انا ديموقراطية قبلت
:)
Desert cat said…
محمود رزق الله
لا يا فندم سيدنا عمر مش كان بيدعو للانحلال والتبرج
انما لكل وقت ظروفه وانت العلة عندك انتهت بانتهاء عصر الايماء ... ومفيش حاجه اسمها حجاب يعنى نقاب .. فالحجاب هو الساتئ الذى يحول دون رؤية المتكلم والمخاطب .. فلو عايز تطبق صحيح القران بقى وتفرض الحجاب يبقى كل واحدة تمشى وقدامها حيطة او لفها فى ستارة الحمام
Desert cat said…
الربان
استاذى العزيز
دائما الحوار الهادئ ينتج ثمارة المفيد
فلا علو الصوت ولا الصراخ كان له الا اثر لانه مهما ارتفع صوته فستصم الناس اذانها من الصخب حتى وان كان صحيحا
فالفتوى ليست لكل دارس ولكنها لكل عالم بجميع المحاور الشرعية
اشكرك جدا
احترامى وتقديرى
Desert cat said…
نور الصباح
والله انا ذكرت المصدر ابن يتمية الجزء الخامس عشر وخد كمان رقم الصفحة اصل يمكن حضرتك دورت فى الجزء العاشر ولا حاجه 372
رجعت تانى قولت لى لو فرضنا جدلا ان عمر قد ضرب الاماء .. وده اعتراف ضمنى منك انك مفكرتش اساسا تدور لا فى كتاب ابن تيمية ولا فى اى مصادر اخرى
ثم الاستشهاد اللى حضرتك ذكرته كدا خطأ فى حق عمر لان من المعروف انه كانت دائما يسارع بالاعتراف بخطأة ويكفى لقبه الفاروق وهو الذى كان يفرق بين الحق والباطل فكيف سيعطى المراة حقها بقوله اصابت امرأة واخطأ عمر ويترك الجدل حول نزع الاقنعة عن الايماء
تضارب وتناقض اعتقد انك لم تراجع ردك قبل اضافته
لنك الكتاب اللى حضرتك طالبه للاسف مش عندى وقت ادور لك فى جوجل اللى حضرتك بتقول انى بستمد معلوماتى منه ومن غيره هقول يا ام العواجز انما الجزء الخامس عشر لابن تيمية موجود فى المكتبات تقدر تشتريه من الصبح ولا مش معاك فلوس ... اوه سورى نسيت انك جعان
Desert cat said…
Migo Mishmish
يا صباح الفل يا مشموشة انتى كمان وحشانى جدا يا جميل
بالنسبة للناس اللى بتؤمن بالغيبيات فدول يا حبيبتى معادلة مش صعبة
فقدان هوية + اختلال عقلى = مغيبين ينساقوا خلف دجالين
ناقص يطلعوا على الفضائيات يقولوا ادبحو كتكوت احمر فى ليلة قمرية وهتصحى الصبح تلاقى الدنيا بنفسجى
شرفتينى جدا يا جميل
Desert cat said…
قصاصه
طبعا يا عزيزى ابواق الحرية اقوى لذلك هما يلملون شتاتهم برسم الكوبرا على صفحات مدوناتهم وبدلا من مواجهه الفكرة بالفكرة يواجهونها باحدث اساليب حضارية الردح الذى لا يفقه نصفه حتى الان اعتى طفل شوارع
تحياتى
Desert cat said…
Anonymous
من المعلوم ان من يتلذذ بعذاب نفسه يسمى ماشوزى لذلك من ترى فى نفسها عورة تتلذذ باخفاء نفسها خلف تلك القطعة من القماش الكئيبة اللون لتتمتع بمشاوزيتها ولكن لزيادة الحشمة اكثر واكثر كمثال من تتجرع زجاجة الدواء كاملة عليها ان تحتفظ بمشاوزيتها داخل بيتها
تحياتى
Desert cat said…
dr.lecter
العادة يا دكتور عند عدم وجود الدليل على كلامهم وعند الانتهاء من الحجج الواهيه والقص من اللايات ما يناسب هواهم الحل الفورى هو الرمى بالكفر ... فان لم تتوب عن ذنبك يبقى الارهاب هو الحل
تحياتى
Desert cat said…
سمر الشافعى
امين يا سمر بس تعميم ايه اللى بتتكلمى عليه
ده البوست محدد شخصيات بعينها يعنى للاسف مش بوست شمولى ولا بيتكلم بوجه عام
كل سنة وانتى بخير يا قمر
Anonymous said…
تهريج من جريده سعوديه
قد يكون سر الحياة السعيدة والطويلة يكمن في الاقتران بزوجة ثانية.هذا ما توصل إليه باحثون في جامعة شفيلد

البريطانية بعد اكتشافهم "فوائد" الزواج من امرأتين في الوقت نفسه، والاطلاع على إحصاءات أعدتها منظمة

الصحة العالمية حول البلدان التي تسمح بتعدد الزوجات والنتائج الايجابية لذلك ومنها أن عمر الزوج الذي يقترن

بأخرى يزداد أكثر من غيره بنسبة 12%.وذكرت صحيفة (الدايلي مايل) امس الجمعة أن الدراسة التي نشرت في

العدد الاخير من مجلة (نيو ساينتيست) أشارت إلى أن الرجل الذي يتزوج من أكثر من امرأة وتكون لديه عائلة

كبيرة يحظى برعاية أفضل خلال مرحلة الكهولة ويعيش لفترة أطول.

وقال الاختصاصي في تطور علم النفس لانس ووركمان من جامعة باث سبا البريطانية "إذا كان لديك أكثر من زوجة

فقد يعتنين بك وتعيش لفترة أطول"، مشيراً إلى فوائد الزواج "لأننا نعرف أنه حتى الرجل الذي يقترن بامرأة واحدة

يعيش لفترة أطول من العازب".
banouta masreya said…
فتكفنوا وتلثموا واطيلوا من اللحى وقصروا الجلباب فبقدر ما تقصرونه وتطولون فى اللحى بقدر قصر العقول

قوية اوى الجملة دى..عارفة انا لحد قريب كنت بتاثر بسرعة بكلام ناس لا بتفهم ولا بتسمع ولا بتشوف غير اللى اتحفظلهم من و هم فى اللفة..احكام مسبقة و قرارات و مزايدة على اخلاق الناس و سمعتهم و حاجة تقرف
مؤخرا بطلت اسمع اللى مايعجبنيش..كفاية بجد جهل و تطرف و تقفيل مخ
هقولك جملة سمعتها و موتتنى من الضحك عشان تعرفى المستوى اللى وصلناله "بيقولك ام كلثوم هتدخل النار حدف عشان استبدلت الاغانى و الموشحات الدينية باغانى عاطفية مبتذلة"
مين اللى بيقولى؟مش عارفة ولا عارفة على اساس ايه قرروا انها هتتشوى فى
النار و انهم فى الجنة بعون الله
و لما ام كلثوم مبتذلة مين اللى راقى؟ بعرور مثلا؟:D
ربنا يشفى بجد
Sherif said…
ما يقلقنى ليس هؤلاء

وانما الذين تعلموا فى الجامعة ولاادرى ماذا تعلموا .. الا اذا كانوا تعلموا تعطيل عقولهم ..

فى رحلة البحث عن الذات وتحقيقها ينتهى الشباب فى وقتناالى احد ثلاث

إما ان يتطرف هروبا الى الله مع تجاهله لرسالته وواجبه لأن الله لايغير مابقوم حتى يغيروا ما بانفسهم

وإما ان يغيب نفسه عن الواقع والحقيقة فيدمن اى شئ

والا اخيرا يفسد .. أخذا بالمعمول به فى زمننا السعيد

لااخفيك .. أن الجميع معذور .. فلم نقدم له نموذجا ناجحا يبارز الحضارة والتقدم .. النتيجة هى التقوقع والتشرنق ..

كيف نفكر فى الحلول ؟ ذلك واجب آخر
قطتى الجميله
كل سنه وانتى طيبه
مدونتك بقيت غريبه جدا
بشوف فيها العجب
الى راكب اتوبيس والى بيتكلم عن حاجات مفتوحه ولازم نقفلها
والى بيتكلم عن حاجات عريانه ولازم نغطيها
لا من فضلك متفهمنيش غلط دى مش قباحه
تحياتى
micheal said…
للأسف يا قطة الصحراء..الجهل والتخلف هما اللي صوتهم عمال بيعلي وبصيص النور عمال بينطفي ومحدش عارف احنا رايحيين علي فين
كله بيطلع همومه في التعصب والتطرف وفاكرينها حل أو هروب من واقعهم وهما مش واخذين بالهم أنها حتعك ع الجميع
تحياتي
nody_1987 said…
وما كملتيش ليه بقيت اسطوانه الكوهن الى بتشتغل
البنت ما تقفش تتكلم مع الدكتور فى المدرج حتى لو ها تساله عن حاجه فى المنهج علشان صوت جنابها عوره


ركوب التاكسى حرام لانه خلوه

الواحده ماتخرجش من بيتها غير ومعاها عيل صغير يحرسها علشان هى عار
ما ينفعش تخرج لوحدها

عاااااادى يعنى
Desert cat said…
مثلية تبحث عن ذاتها
ميرسى يا جميل على ذوقك
تحياتى
Desert cat said…
Anonymous
يا سبحان الله حتى الاعمار اتدخلوا فيها علشان يروجوا لتعدد الزوجات
طيب مافى واحد ممكن يكوت بعد جوزاه باسبوع
حد يقول للناس المهووسة دى الاعمار بيد الله
تحياتى
Desert cat said…
banouta masreya
حقيقى ما يدعو للأشمئزاز من ملكوا مفاتيح الجنة فى يمينهم وصقوك الغفران فى يسارهم ويحرمون ويحلون على اهوائهم الشخصية ... مثل تلك النماذج يا عزيزتى لا تبالى بها ولا تلقى لها بالا دعيهم فى غياهب الجب
لانهم لو يعلموا بالفعل صحيح الدين كانوا عرفوا ان لا الرسول ولا الصاحبة عمرهم كفروا شخص ولا دخلوه النار او الجنة
ام كلثوم مبتذله
اما بعرور صاحب رساله
شرفتينى جدا
Desert cat said…
Sherif
صحيح جميع ما ذكرت
الحل هو وقف ذلك النزيف الهائل من استقطاب شباب العشوائيات والمسجلين الخطر واقناعهم بان القتل جهاد وبان المفكر كافر ... ومن يفعل ذلك سيكون حتما مصيره جهنم وحتى تنول الشهادة اقتله ... الحل فى ثورة معلوماتية لتعود مصر الى سابق عهدها مصر الحضارة ..
مودتى واحترامى
Desert cat said…
قلوب بتغنى
حبيبتى مدونتى ترحب بجميع الافكار وايضا جميع وسائل المواصلات
لكن العرى ... فدول عقولهم فى تلاجه اصل عمرهم ما سمعوا عن كلمة اسمها وسطية ثقافة التلقين بعيد عنك .. دعيهم فى غبائهم يعمهون
كل سنة وانتى بالف خير يا جميلة
تحياتى
Desert cat said…
micheal
اعتقد ان من ينساق خلف غيره
كالابل ومن يردد كلمات يسمعها دون علم او فهم لا عتاب عليه فدائما ما ترى اجسام بغال وعقول عصافير حتى فى الشتبيه العصافير مظلومة
بصيص النور سيعود كما سابق عهده ليصبح منارة جديدة لا تتعجل فالامل موجود ....
تحياتى
Desert cat said…
nody_1987
القائمة طويلة يا نودى
بس الغريب ان اللى شايفه نفسها عورة دى ترحم غيرها من عارها وتقعد جوا جحرها علشان يبقى عملت اللى عليها ونفذت الفروض صح
تحياتى

Popular posts from this blog

قميص دهشور

كل تحرش وانتوا طيبين