مولــــد ســـيدى بلـــوج


موضوعى فى مجلة على صوتك الالكترونية
مولـــــــد سيــدى بلــــــوج
مشكلة تؤرق كل الناس من كل الناس هي التدوين . ولأن التدوين جاء طبيعيًا كالتطور الطبيعي للحاجة الساقعة ، فالتدوين هو التطور الطبيعي للمنتديات والمتعاملين مع شبكة الإنترنت .
ولأن الجميع رافض لكل القيود ، ولا يستطيع تحمل فكرة قيود في الإنترنت أو المجتمع الافتراضي ، والذي عايشه الكثير من خلال منتديات أو ساحات حوار ، كان هناك من يفرض عليهم قيود بعدم نشر آرائهم أو تقويضها ، فكان التطور الطبيعي أن ينشئ كل منهم بلوج خاص به أو مدونة خاصة به ، لينعم بقليل من حرية ربما افتقدها في حيا
ته الخاصة أو العامة أو حتى الافتراضية .
ولكلٍّ الحق في كتابة ما شاء ، أي أنها أصبحت المتنفس له ، ومن حقه أن يرفض فكرة شخص آخر أو معارض له في الرأي أو يستخدمها كبوق ليروج بها أفكاره ، فأصبحنا كأننا في سوق عكاظ ، كل منا يتحدث وتختار من تختاره للاستماع له ، وإن وافقتك الفكرة فحاور صاحبها ، وإن لم توافقك فبضغطة على لوحة المفاتيح تتركه وشأنه . ولأننا في سوق عكاظ أو سوق المدونين ، فمن الطبيعي أن تجد توجهات كثيرة ، فمنهم المعارضين ، ومن يلزم الحيادية ، ومنهم من هو عكس ذلك تمامًا . منهم من يستند في رأيه إلى حقائق ، ومنهم من يكتب رأيًا ويصر عليه دون أي سند ، ومهما حاول أي شخص آخر تصحيح الرأي لا ينصت له . وهناك نسبة من المدونين تجهل كيفية التعامل معه وتتعامل كأنها في المنتدى شكرًا ومشكور ، لأنهم مؤمنون بأن النت في المجمل عبارة عن عالم وهمي ، ومنهم من يتناسى مشاعر الآخرين ، ويتناسون أن الطرف الآخر الذي يخاطبهم إنسان يملك أحاسيس ، وهذا من يتمتع بغرور وتكبر وجهل وحقد دفين .
أيضًا من هو صاحب رأي وفكر يثير النقاش حول قضايا سياسية ومجتمعية تهم المواطن والمسؤول ، ولإثارة ردود فعل تكون في غالبها للمصلحة العامة .
وهناك أيضًا من يحاول الوصول إلى الآخر من خلال فكر وتعاليم ، لينشر علومه ويستفيد من علوم الآخرين ، ومن يهرب من واقعه يحاول نسيانه أو تناسيه ، فلكل إنسان همومه وآلامه ، فيود الهروب إلى عالم وأشخاص لا يعلمون عنه الكثير .. وهناك من يرى في الواقع ما ينقصه ، فيعوض النقصان من خلال ما يطرحه في مدونته .
ومنهم من هو أداة في يد من هو أكبر منه أو يوجهه ، فهو بيدق على رقعة شطرنج يستخدمه آخرون ، وهناك الموالون ، وهم بالكاد حالهم كالمعارضين ، ومن بين هذا وذاك تجد هناك من اتخذ من هذه الفكرة لعرض آراء جيدة من الممكن أن نستخدمها أو تؤثر فينا إلى شيء جيد . وقد تجد راكبي الموجة ، المهم أنه يكتب ، فتارة تجده مواليًا وتارة أخرى تجده معارضًا ، وربما تجد أفكاره متناقضة في بعض الأحيان .
وبالرغم من ذلك ، فإن هناك الكثير من الصعوبات ، وأشخاص لا يهمها سوى إثبات رأيها ولو بالقوة ، تعارض من أجل المعارضة فقط ، لا يوجد لهم هدف أو قضية معينة ، المهم هو إثبات الرأي .. عالم المدونات عالم خيال وحلم وواقع ، أي عالم مليء بالمتناقضات .. وهناك من يتخذ من التدوين حرفة لنقل معلومة ما أو حدث ما ، ومنهم من تجده يهتم بالأخبار المثيرة ، وهناك من اتخذ من المدونات بديلاً عن الورقة والقلم القديمة ، وأصبحت هي بمثابة مذكراته الشخصية ، ربما وجد من يروق لهم أفكاره .. المهم شئنا أم أبينا أصبحت واقعًا ، بل أصبحت تهم أناسًا كثيرين في مجالات عدة .. هكذا أصبح التدوين
( مولد وصاحبه حاضر ) .
علـــــى الهامــــش
يمكن اتاخر شوية فى الردود
اصل عقبال عندكو لمينا عزالنا وهنروح نعيش فى المحافظة ذات نفسيها
لكنى هفضل متابعه اصلى احتليت على اللاب توب بتاع محمد وحرمته من النت لمدة اسبوع يعنى كدا كدا موجودة
هو بس يومين نرتب نفسنا فى السكن الجديد وارتب الكافيه بتاعى الجديد وارجع ادوشكو تانى
وميرسى جدا جدا لكل حبايبى الحلوين اللى باركوا لى سواء ميلات او تليفونات
***********************************************************
ســــــؤال جديــــــد
على مدونة برنامجنا الإذاعى
أنت تسأل والكمبيوتر يجيب
والذى يذاع يوميا الساعه 9.10 صباحاً ما عدا يوم الجمعه
على إذاعه البرنامج العام
الســـــؤال هــــو
تسمح لى اقرا افكارك ؟شكرا
الأشاره حمراء الأشاره خضراء صفراء لافرق فانت متاخر متاخر عن موعدك ....ايه كل العربيات دى؟
المرور متوقف لا يتحرك وبعدين لو اقدر اطير!؟؟؟
وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟
ونحب نعرف منك بماذا اجبت .
اهلا وسهلا بارائكم واقتراحاتكم
تمنياتنا بدوام التواصل

Comments

nody_1987 said…
اول تعليق
احجز وقرار وارجع لك
nody_1987 said…
يا قطه التدوين ده انعكاس لحياتنا الاجتماعيه
ماهى الشخصيه الى بتحاول بكافه طرق البلطجه اثبات ارائها فى الحياه
بتلاقيها كده فى التدوين
والعكس صحيح
وساعات بتضايق كتير من الى واخدين الموضوع سرد لحياتهم العاديه او هوايه كتابه والسلام
لكن بارضه هما احرار بسيب مدونتهم غير اسفه
تحياتى يا جميل ومبروك على الشقه الجديده
مبروك العتبه الجديده يا قطه
ربنا يجعلها قدمها سعد عليكم يا رب
انا عارفة يا نودى انت تقصد مين
وانا كمان مبحبش ازور مدونتة
او بزورها اكتبلة حلو وخلاص
بدون مما اقرا الموضوع
Zika said…
التدوين معني من معاني الحريه
ومبروك الشقه الجديده
نعكشة said…
احياناً - حلوة أحياناً دية
المهم
موضوع بس بمناسبة التدوين عشان بيؤرقني

ان الواحد يكتب كلمتة و يجري

يابن الحلال او ياب نت الحلال
طيب انت قلت حاجة أكيد انا هرد و يمكن أسئلك
بحس إن لا حياة لمن تنادي

يعني انت داخل تقول حلوة او وحشة و ماشي و خلاص
مش داخل تناقش

دة بيضايقني كتير

......

اول مرة اسمع عن الناس اللي بيقولوا حلو من غير ما يقروا دول

إية الحلاوة دية
لووووووووووول

.........

اتفق معاكي في حكاية ان البلوج هوها لمتنفس الوحيد
علي الرغم إن الواحد بيحس انو محدود برضو مش عارفة ليه

.....

هوه فعلاً بالنسبالي زي الورقة وا لقلم مع اني لسة بستعمل الورقة و القلم
وفيه حاجات ورقتي ليها الاولوية في ان اكتب عليها و مبعرضهاش عالبلوج

تحليلك عسول
..................

اتمني ان شاء الله يكون البيت الجديد قدم سعد عليكم
و اعطيكوا خيرة و ابعد عنكم شره

آمين

دمتي سالمة

سلامون عليكي
الف مبروك اولا على التجديد
وربنا يسعدك
اما عن المقال فبجد أكثر من وافى هذا هو حقا عالم التدوين
تحياتى لكى
Anonymous said…
علشان منافقة يا ست مروة ياللي متقمصة عيلة
هو زي ما قلتي كده , المولد اللي في الحياه اتنقل بعكه وتناقضاته وجنونه الي النت ..

ويمكن نستعير من عم يوسف وهبي مقولته ونقول ..

ما المدونات الا مسرح كبير كل واحد بيؤدي دوره سواء هو رسمه لنفسه او غيره رسمهوله

تحياتي
Migo Mishmish said…
مبروك يا قطة على العزال. ادتيني امل ان لسه في ناس بتلاقي مكان تاني تعزل فيه بعد مابقى الموضوع ده من التاريخ والبركة في عز
التدوين عملني حاجات كتير يا قطة اولها اني احرتم شعور الناس وانا بتكلم. قبل كدة مكنش بيهمني لان صحابي ومعارفي كلهم انا عارفاهم وعارفه ايه اللي بيحبوة وبيكرهوه لكن في المدونة لاقيت ان الامر مختلف. لو احتديت على حد او استخدمت الفاظ مش في مكانها هتأثر على نظرة الناس ليا
علاوة على انها كانت سبب اني اعرف كل الناس الحلوة والناس اللي مش برضه علشان الواحد يبقى عارف وجهات نظر مختلفه
التدوين فتح عالم جديد بالنسبة لي انا مبسوطة بيه
Love,
MishMish
ayman badr said…
اسف لانقطاعى عن المتابعة لظروف امتحاناتى وشغلى كمان يعنى مفحوت مطحون
شكرا على إذاعة التعليق
وايه اخبارك
انتى لسه بتعانى من بوست الحجاب
ربنا يعينك
بس حتى لو اختلفنا انا مبحبش قلة الأدب فى الحوار من الغير معرفين
شدى حيلك
الربان said…
تحياتي أختي الفاضلة...

طبعا كلامك صحيح...و كل منا بيدون له هدف...او هكذا أظن أن الاغلبية لها هدف
من وراء التدوين....وان اختلفت المقاصد.

الاختلاف شيء مطلوب...و التنوع أيضا مطلوب...و حضرتك ستجدي منا من يميل الي
نوع محدد او معين...و منا من يجد في هذا التنوع فرصة لاثراء معلوماته او اضافة
جديد الي ما يعرفه.

الاهم في نظري يا أختي العزيزة...ان نتمسك جميعا بلغة الحوار...و الالتفاف
حول ما يجمعنا...نريد نبذ الفرقة
نريد ان نكون مجتمع موحد متحد تجاه
مشاكلنا و لا نسمح لقضايا فرعية قد
يكون تلافي الحديث عنها افضل.

عموما...سنجد ان كل منا ينضح بما فيه
و سنجد كل الوان الطيف المجتمعية بالمدونات....

تحياتي و تقديري و تهنئتي القلبية بنشر موضوعك الثاني في مجلة صوتك الالكترونية
متمنيا لك كل التوفيق.
الف مبروك ع الشقه الجديده
ويارب تكون قدم خير عليكوا
نونو said…
ايوة ياعم مبرووك على الشقة الجدييدة
على فكرة انا كنت من الناس الى رافضة الفكرة ودلوقتى من مدمنيين اللتدويين
mostafa rayan said…
انه عصر التدوين يا قطتي العزيزة مهما وقف امامه الواقفون .. نحن قادمون وبكل قوة ولولا قوتنا ماتحدثوا عنا هكذا
تحياتي لكي
Eldebug said…
مبروك اولا على الشقة الجديدة

وبصراحة المقالة تستحق التقدير لانها شاملة معظم التوجهات ده لو مكنتش كلها ... بس انا بصراحة فى حاجة مفهمتهاش ... وهيه وجهة نظرك فى المولد ده ... هل انتى معاه ولا ضده ... لانى بصراحة اول ماقريت العنوان حسيت انك هتنتقدى ... بس لما قريت المقال لقيت انك بتسردى الواقع لكن من غير ما توضحى وجهة نظرك ... وبصراحة حاسس انى انا اللى مفهمتش انتى قصدك ايه ... وانا مبحبش احساس الجهل ده عندى

تحياتى وتقديرى
بعيدا عن موضوع التدوينة ,,,
فوجئت أنك قد وضعتى اسم مدونتى فى قائمة مدوناتك المفضلة , وهذا كثير جدا على ,,
والله لا تعلمين كم خجلى من هذا الموقف ,,فهذا كثير كثير كثير على جدا,,

أشكرك على هذا الموقف كثيرا , ولا أجد كلمات أعبر بها عـن شكرى وخجلى,,

جزيل الشكر والتقدير وغاية الإمتنان وفائق الإحترام
دمتى بكل الخير
وود موصول بإذن الله
blue-wave said…
بصى التدوين ماهو الا نسخه مصغرة من الحياة بحلوها ومرها باللى متربى واللى ماترباش بالعادات والتقاليد المختلفه
لذلك من الطبيعى ان تجدى فيه المتناقضات
ولكن لازم نحاول نصلح السلوكيات الخاطئه بتجنب اصحابها علشان نحافظ على عالمنا الجديد جميل ونضيف
تحياتى
Anonymous said…
برافو عليكى يا قطة الصحراء
الموضوع بتاعك جميل جدا وانا عن نفسى بتنبأ لك بمستقبل باهر
فى موضوعك اشرتى وتحدثتى عن ما يحدث فى عالم مليئ بالمتناقضات ولفت انتباهى ذكرك للموالون والمعارضون والا تنين لا يختلفوا عن بعضهم البعض كثيرا لكن الموالون والسابحون مع التيار هؤلاء اشد وطأة فلنحذرهم جميعا
Desert cat said…
nody_1987
يا الف اهلا وسهلا بيكى يا جميلة
الناس اللى بتحكى عنها دى مبتكونش لاقيه حاجه تكتب فيها
فتلاقيه مثلا دخل يكتب انا دخلت الحمام النهارده 3 مرات
انا شربت شاى الصبح
فى الحالة دى هى بضغطه واحده على علامة اكس وكانى مشفتش حاجه
لان زى ما انتى قولتى بالظبط مدوناتهم وهما حرين فيها
تحياتى
Desert cat said…
واحدة مفروسة
الله يبارك فيكى يا جميل
ميرسى اوى لدعوتك الجميله
Desert cat said…
ابتسم من فضلك
ايه هو هما الناس مفقوسة اوى كدا
ههههههههه
دبلوماسية يا حبيبتى فى كل حاجه
تحياتى
Desert cat said…
Zika
المفروض يا زيكا بس تعمل ايه فى اللى عايز يفرض عليك تكتب ايه وترد تقول ايه ومتعملش ايه .. سخافة بعيد عنك
الله يبارك فيك يا سيادة المخرج
تحياتى
Desert cat said…
نعكشة
كلننا بنقابل الناس دى يا عنكشة اللى بيكتب كلمين ويجرى
واللى بيدخل من غير ما يقرا الموضوع تلاقيه كاتب لك شكرا
وااااااو موضوع خطير
يا سلام انتى كدا وضعتى ايدك على الحقيقة
ولا هو فاهم حاجه فى البطاطس
شرفتينى جدا يا جميله
تحياتى
Desert cat said…
رئـــــيسـة حزب الأحلام
الله يبارك فيكى يا سلوى
اشكرك جدا
تحياتى
Desert cat said…
Anonymous
انا مش فاهمه حاجه
مروة مين وعيله ايه
Desert cat said…
الفارس الملثم
بالظبط يا فندم كلام حضرتك مظبوط
تحياتى
Desert cat said…
Migo Mishmish
الله يبارك فيكى يا مشموشة هو موضوع اننا نعزل ده قعد تحت الدراسة كام شهر كدا وفى الاخر جه القرار الحاسم من السيد الوالد لانه خلاص صحته متستحملش مشاوير السفر من وقت للتانى فقولنا نعتمد على الله وبلاه عز وبلاه الحديد ونعزل فى مكان جاهز
بالنسبة للتدوين فبالنسبة لى الافادة منه فى معرفه افكار الغير بمعنى ان الكويس بتقدرى تنمو افكاركو مع بعض والوحش برضه مبيخسرش لانك بتتعلمى ازاى لو قابلته نفس الشخصية دى تتعاملى معاها ازاى بعد كدا لانك بتكونى اتعلمتى الدرس خلاص
ربنا يبعدهم عننا جميعا
محبتى يا مشموشه
Desert cat said…
ayman badr
حمد الله على سلامتك
وان شاء الله تكون عملت كويس فى الامتحانات
اللى يستحق الشكر فعلا هو استاذ / صلاح حجازى هو اللى ذاع تعليقك
تحياتى
Desert cat said…
الربان
استاذى العزيز الربان
اولا يارب توصل مصر بالف سلامة
وان شاء الله تنورها من شرقها لغربها
ثانيا بالنسبة لموضوع البوست فحضرتك بتتمنى شيئ صعب المنال
لان هناك من يتعاملون بمبدأ انت لست معى اذان تبقى ضدى يبقى انت اللى جبته لنفسك بقى هلف فى الدنيا واتكلم فى حقك واطلع عليك اشاعات
فى الحالة دى الحل بيكون هو التجاهل التام ودهسهم تحت الجزم هو الحل الاسلم لانهم بيكونوا زى النار اللى بتاكل نفسها يعنى كدا كدا هتنطفى
دمت بالف خير
احترامى وتقديرى
Desert cat said…
عايش ولكن
الله يبارك فيك
ميرسى جدا على الدعوة الجميلة
تحياتى
Desert cat said…
نونو
الله يبارك فيكى يا نونو
يارب دايما منورة عالم التدوين يا جميله
Desert cat said…
mostafa rayan
هما مين دول اللى تحدثوا يا مصطفى
انا مجبتش سيرة حد
عموما شرفت البلوج
تحياتى
Desert cat said…
Eldebug
ميرسى يا فيلسوف
هو حضرتك عايز وجهة نظرى فى ايه بالظبط
طيب ماهو بما ان انا اللى كاتبه المقال وسردت كل ما فيه اذان هى دى وجهة نظرى الشخصية
يعنى الموضوع مش محتاج
تحديد وجهات نظر لانها بمنتهى البساطة متحددة طبيعى
تحياتى
Desert cat said…
تائة بين العشق الالهي والالحاد
متشكرة جدا
Desert cat said…
عمرو (مواطن مصرى)
لو المفروض حد يشكر التانى يبقى انا اللى اشكرك يا عمرو
لان فكرك يدل على شخص محترم متزن جدا يعى ما يقول .. يعنى من الاخر افخر جدا بالحوار معاك
دمت بالف خير
احترامى وتقديرى
Desert cat said…
blue-wave
صح يا دكتور تجنب اصحاب السلوكيات الخاطئة هو الحل الافضل
تحياتى
Desert cat said…
Anonymous
ذكرى للموالون والمعارضون لانهم موجودين بينا بالفعل فلما اصرف النظر عنهم
تحياتى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز