الوضع فى المحلة قلب من اضراب لاشتباك ... وحرق وقنابل مسيلة للدموع إذن الناتج = جرحى وكمان قتلى


الأهالي قاموا بإشعال النار في كاوتش السيارات و قاموا بإلقاء الحجارة على قوات الأمن ردا على إستخدام قوات الأمن للقنابل المسيلة للدموع و خراطيم المياة و إطلاق الرصاصتم قطع كل الطرق من و إلى المحلة لتبدو من بعيد مدينة معزولة تحترق




و قام بعض الصبية بإلقاء الحجارة على نافذة سائق أحد القطارات فأصيب و توقف القطار و تم أخذه من قبل الأهالي كرهينة
عشرات الجرحى من الأهالي رجال و نساء و إصابات عديدة من رجال الأمن
سيارة إسعاف وحيدة رفض الأهالي المصابين ان يستقلوها لخوفهم من الإعتقال
سائق السيارة كان يدعو الناس لعلاجهم و يقول لهم في مكبر الصوت..ماتخافوش..هنعالجكم و الله
البلد من اعلى تبدو كفلسطينتحديث 6:50 مساء :تواتر الأنباء عن مقتل عمال في المحلة بالرصاص الحي وصل عددهم المفترض الى اربعة , و انباء عن قيام قوات الأمن باعتقال المصابين الذين يقصدون المستشفيات و العيادات الخاصه في المحلة للعلاجتحديث 7 مساء:وائل عباس ينقل أن احد القتلى في المحلة طفل عمره تسع سنوات و ان الامن يستخدم قنابل غاز تسبب شللا مؤقتا في الأطرافتحديث 7:21 مساء :انباء عن احداث شغب عنيفة في المحلة نتيجة انتشار خبر مقتل عدد من المتظاهرين بينهم طفل في التاسعةعن
موقع تضامن :(سقط قتيلان أثناء تظاهرة الأهالي في ميدان الشون، أحدهما طفل في التاسعة من العمر والآخر شاب في حوالي العشرين من العمر.
تعاملت قوات الأمن بأقسى أنواع العنف مع احتجاج الأهالي وسلطت عليهم القنابل المسيلة للدموع ورصاص خرطوش وقنابل صعقة (تؤدي إلى شلل الأطراف). كل ذلك عن الضرب بالهراوات والملاحقة الشرسة)

Comments

soska said…
حكومه فاسدة + همجية= خلل وعمرنا ما هنتقدم
انا مصابة باحباط من اللي شوفته وقريته
ده الطبيعى الداخلية مبتعرفش تعمل غير كدة
ودة اسلوبها من زمان
احنا اللى فى ادينا دلوقتى ندعى للناس اللى فى المحلة
ربنا معاهم
سلالالالالالالالالام
Desert cat said…
soska
المحلة اتقفلت خالص يا سوسكا
وباقى المحافظات شغال فيها اعتقالات فين اتحاد قوى الشعب انا مش عارفه
ايه اللي بيحصل ده .... انا اتغميت والله
ماهو اللي بينضربوا اخواتنا واللي بيضربوا اخواتنا

احنا هانعمل ذي الهمجييين ونضرب في بعض
وسايبين اللي واكلنها والعة يتفرجوا علينا
يعني اللي حاصل في البلد ده علينا لوحدنا مابتوع الامن المركزي معانا فيه
دول ناس اغلب من الغلب
ربنا يهد القوي
ويسترها يارب
انا مش ضد الإضراب بس ضد اننا نسيب في راس الحية ونمسك في الغلابة اللي وراهم كوم لحم
بجد كان نفسي الإضراب يكون منظم وبهدوء
الربان said…
تحياتي

الوضع في المحلة كان بسبب عدم تنفيذ السلطات لرفع المرتبات...هكذا قيل...
لم اسمع في اي قناة عن وقوع قتلي...
ربنا يستر و يرد كل فرد الي اهله سالما
ان شاء الله.

تحياتي و تقديري
Desert cat said…
الربان
الوضع فى المحلة كان هو نفس سبب الوضع فى كل محافظات مصر
انما مما ساء الاحوال احتجاز الاهالى قطار كرهينة للضغط على الشرطة
عموما الاعلام مش اتكلم اصلا عن الاضراب ولا هيتكلم
دمت بكل خير

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز