التحرش بأنثى .. طيب وهما مالهم

المكان : السيبر بتاعى
الزمان : الساعه العاشرة مساء الجمعة
الحدث : هرج ومرج فى الشارع ودوشة
وانا قاعده منهمكة وعمال ارغى مع صديقى اللدود على المازنجر
قمت ابص أى أنظر فى الشارع على اللى بيحصل وألاقى الناس عمال تجرى وتقول المباااااحث خير يا جدعان فى ايه ويادوب قفلت الباب الإزاز بتاع السيبر ورايحة اتفرج بقى المباحث بتعمل ايه عندنا فى المنطقة ... لاقيت ميكروباص واقف ومليان ناس وكلهم عارفاهم ... احم احم انا مش سوابق ولا حاجه كلهم عارفاهم لان كلهم اصحاب سيبرات ... تااااااااااانى هو انتوا مش وراكو غيرنا ولا ايه ... المهم رحت طلعت عند واحدة جارتى ووقفنا انا وهى فى البلكونة نتابع الموقف جه مخبر وامين شرطة يبصوا عندى على السيبر .. الباب الازاز بس اللى مقفول والسيبر منور ومفيش حد جوا ... وانا من البلكونة ... باشا .. ياباشا .. هو فى ايه ياباشا ... راح قالى مالكيش دعوة .... يالهووووووووى قطة الصحراء يتقالها مالكيش دعوة ... يا فضيتحتك يا نقيب قطة فى البلد .. يا فضحتك فى المحافظة كلها ... يا فضيحتك يا مصررررر ... وجارتى قعدت تهدى من روعى وتقولى اللى ميعرفك يجهلك يا حبيبتى ... قولت لها شمتوا فيا العيال بتوع بلوج سبوت اللى بيقولوا عليا عصفورة تبعهم اعااااااااا .... افتكرتنى جرى لى حاجه قالت لى قدر ولطف وسكتت خالص ماهى مش فاهمه انا بقول ايه اصلا ... المهم مشيوا .... والدنيا بدأت تفضى شوية .... وانا نزلت اخدت شنطتى وقفلت السيبر بتاعى كويس وروحت .... تانى يوم الساعه 12 ظهراً الولاد خرجوا فعلاً من النيابة .. وراحوا جايين لى السيبر ايه يا جماعه خير قالوا لى مفيش حاجه عملو لنا محضر تحرش بانثى ... نعم ؟؟؟ محضر مين هما واخدينكو من فين يابنى ... قالوا لى والله من السيبر ... طيب وهما ماسكنكو واحد بيتحرش بالكيبورد والتانى بالشاشه ولا ايه طيب ياترى الشاشه والكيبورد كانوا لابسين لبس خادش للحياء وانتوا بتتحرشوا بيهم ولا اغتصاب ولا ايه بالظبط ... قالوا لى ايون اتريقى ليكى يوم ... بره وبعيد ... الظريف انهم بيحكوا لى وهما فى الحجز اول ما دخلوا المساجين جابوا لهم رز وفاصوليا ومخلل وقالوا لهم انتو هتبيتوا للصبح لازم تتعشوا ... لاء وكمان ادولهم 2 جنيه ... ايه يابنى انت وهو انتوا كنتوا داخلين تشحتوا ولا ايه ؟؟؟ ... والله العظيم مساجين ولاد حلال .. لسه مكملناش كلاما ونلاقى اشطة المباحث تانى فى الشارع بس النهارده مش عاتقين بياخدوا اى حد فى طريقهم ايه يا جماعه هو احنا فى ذئاب الجبل هنا ... كل شوية حملة وياخدوا اى حد كدا ... المهم قفلت وانا ماشية قدام سيبر واحد جارى طبعا الشارع اللى انا فيه كله سيبرات لاقيته قاعد على المكتب ومتنك وبيسمع اليسا بستناااك .... رحت قولت له اقفل يا احمد فى مصنفات ... الناس كلها قفلت وانت قاعد مشغل لهم بستناك ... قالى ولا حد يقدر يقرب من هنا ... يابختك يا عم تلاقيك ماسك ذله على رئيس المباحث ولا حاجه ... وروحت قعدت واستربعت على ناصية الشارع وكلهم اتجمعوا جنبى وكل واحد قاعد يشتكى همه اللى يقولى الضرايب منهم لله عايزين منى 700 جنيه واللى يقولى فاتورة الكهربا الفاتورة عالية جدا ... واللى يقولى رسوم مجلس المدينة ... ايه يا جماعه هو انا كنت عضو مجلس الشعب وكل واحد جاى يقدم لى مظلمته ما كلنا فى الهوا سوا وكل واحد فيه اللى مكفيه ... والله انا كمان زيكو يعنى فى نفس المعمعة دى ... شوية والميكروباص اللى فيه الناس اللى اخدوها معدى والظابط قاعد قدام جنب السواق بس بأمانة ظابط زى القمر ... ما علينا مش وقته ... ومين بقى فى اخر كرسى وراااااااا ... ايون الواد احمد اللى قالى ولا حد فيهم يقدر يهوب هنا .... راح باصص لنا وهو بيعيط زى العيال ... يا جمااااااااااااااااعه حد يتصل على بابا يقوله والنبى اعااااااااااااااااا ... ما انا قولت لك اقفل عملت لى فيها ورك نملة ... أشرب بقى ... بس دول مبيتوش خرجوا فى نفس اليوم برضه من النيابة ... وقالوا لى ان وكيل النيابة كان زعلان جدا ... علشان كان يسالهم اسمك وسنك وعنوانك وبعد البيانات تهمتك ايه يابنى كلهم مش عارفين يا بيه كنا فى سيبراتنا وجابونا..... فقعد يقولهم ايه التهريج ده اانتوا بتروحوا تجيبوا لى ناس من اشغالها اعمل بيها ايه وكلهم اخدوا اخلاء سبيل من النيابة ... اللى عرفته بقى من الكباسات المتتالية اللى ورا بعضها دى علشان الشارع عندنا حيوى حبتين قولوا تلاته وهو قلب المدينة فالولاد ما شاء الله متكدسين فى الشوارع والحارات بيعاكسوا البنات وفعلا بيتحمرشوا بيهم ... قاموا راحوا الاهالى عاملين شكاوى وكل واحدة راحت قالت بيتحمرش بيا يا بيه ... طيب واحنا مالنا بقى .. اقولكوا بقى احنا مالنا ... يقال والعهده على الراوى إن فى منشورات اتقفشت وبالتالى إنهم يبحثون عن مصدر تلك المنشورات ... طيب وهو مين صاحب سيبر اهبل هيطبع منشورات لحد ويودى نفسه فى داهيه ان شاء الله ... حكومة ذكية ذكية فعلا... عموما لو غبت يومين ابقوا اسألوا عنى ... وجيبوا لى سجاير وكنتاكى انا مبحبش الحلاوة والعيش طبعا مش هتعرفوا تجيبوه ... فقولت اريحكو خالص وتجيبوا لى كنتاكى ...مش هوصيكو تفتكرونى .... بس انا لو روحت هناك تفتكروا ممكن برضه يعملوا لى محضر تحرش بأنثى ؟؟؟؟؟ والله كل شئ جايز .... ما احنا فى عصر الحكومة الالكترونية

تنويــــــــــه هاااااااااااااااام
الاخ عمرو اللى دخل عندى امبارح وحلل شخصيتى وفى النهاية طلعت معقدة نفسيا
بس فى الاخر كتب لى ايمله علشان اكلمه عليه
مش عارفه هيكلم معقدين نفسيا ليه
وده ايمله
ikwanforever@yahoo.com
وطبعا واضح اوى من الايميل انه اخوانى
هقولك كلمة واحدة بس انسى يا عمرو
وده واحد ميقلش عنه فى الحقارة ولا البذائه
دخل كتب لستة شتايم
وبرضه فى الاخر كتب ايملاته
ikhwange_masrey@yahoo.com
mostafa_yehia33@hotmail.com
طبعا واضح اوى ان الاتنين اخوانجية ... طيب انتوا متخيلين ان بعد قلة ادبكو دى ممكن اضيف امثالكو عندى اذا كنت انا مش مرحبة بيكو فى البلوج يبقى هوسخ ايملاتى بيكو يا اهبل منك ليه ... جتكو نيلة فى عبطكو

Comments

ههههههههه
كفارة يا قطة
انا كنت ابقى مبسوط قوى وانتى راكبة التوكتوك ابو 2 جنيه
ولا الواد احمد اللى عامل نفسه ورك نملة تشبيه غريب اول مرة اسمعه
بس بجد انتى تهزاتى يا قطة ازاى زميلك بتاع امن الدولة يقولك وانتى مالك
يا شماتة ابلة ظاظا فيكى
المهم خلى بالك من نفسك وغمة وتنزاح
اما الاخوانجية فدول براحتهم انا تعبت بصراحة من التعليق
تحياتى
خالد
زبون يا معلمى زبون
بصى يا قطه موضوع انك تتمسكى احب اطمئنك انى عصافير امن الدوله مش بياجو ناحيتهم فا انتى وابى فى السليم ولو لا قدر الله اتمسكتى خلى حد يبعتلى ميل وانا اجى والحساب بالدولار او اليورو دينار كويتى مش حقول لا
موضوع الكنتاكى الى متوفر حاليا كوك دور يمشى معاكى اجيبه وانا جاى
وعلى موضوع التحرش بالكى بورد او الشاشه انا ححط الكمبيوتر فى الصاله من هنا ورايح الشيطان شاطر ومحدش ضامن الحكومه المصريه وتفكيرها لحسن يعملو كبسه على البيت عندنا
سلاموز يا قطه
DoctorAllam said…
إيه ده كبسة بالرز واللحمة .. بموووووت فيها
طب مش كنتي تعزميني ولا حصدق فعلاً إن الشراقوة بخلاء
وياستي ولا يهزك ولا تخافي من أيها حاجة
السجن للجدعان ، ومش حنلاقي أجدع منك في بر مصر كلاته
إتكلي إنتي بس على الله وحأجيبلك مستر كنتاكي بذات نفسه كل يوم في السجن
ياما نفسي أشوفك بالبدلة الحمرا قبل ما أموت ياقطتي
كفاية بقى لإن كله حيطلع على جتتي أنا في الآخر
Baker said…
ولا تقلقى نفسك خالص اى حاجه ادينى بس رنه و انا اتصرف
فى دقيقة هتلاقينى جايلك
.....
....
و معايا السجاير و الكنتاكى
الحبس للجدعاااااااااااان
ماهو عادى طبيعى انهم ياخدوا اى بنى ادم اهو بيسترزقوا زيك اومال اية والرزق يحب التحمرش قصدى الخفية
تحياتى
حبيبة قلبى روحى انتى بالف سلامه

متقلقيش هنزل افتح السيبر

وهجبلك كريب كمان مش كنتاكى بس

وهدلعك اخر دلع

صعب عليا احمد اللى بيستناهم ياعينى

ههههههههههههههههههههههههههه

بس تبقى فضيحه لما ياخدوكى ف تحرش بانثى

قولى غش وتدليس وتدبييس

كده ماشى
هى القطط اليومين دول بتاكل كنتاكى
هههههههههههه
روحى انتى بس ومالكيش دعوة
انا هقوم بالواجب ده
ولا يمكن صح زى مارئيس جمهورية نفسى بيقول

احب اطمئنك انى عصافير امن الدولة مبيجوش جنبهم
يبقى ولا كنتاكى ولا غيره
يبقى كدة انتى اللى هتجبيلنا الكنتاكى بقى
عارفة الايميلين الاخارة
بتوع مدون صغير فى السن
عنده 14 سنة
اسمة مصطفى
لقبه
اخوانى حتى النخاع
و ده البلوج بتاعة
http://ikhwangeeee.blogspot.com/
بس انا مشفتش منه حاجة وحشة ابدا والله
بس لو شتم بجد عيب و انا حكلمة
مينفعش يهاجم لمجرد الهجوم
اوعى تزعلى منه دا غلبان والله
و متضيقيش نفسك
سلامى ليكى
ftafeet said…
ههههههههههه كفاره يامعلم السجن للجدعان برضه
ولا يهك ياقمر احنا معاكى ولا حد يقدر يكلمك وخليكى ورك نمله انتى كمان اشمعنى احمد يعنى

هههههههههههه هابقى اجبلك كتاكى وسجاير مستورد ياقلبى ماتخفيش


نوناااا
Rania said…
موضوعك لذيذ قوى بجد
و موضوع انك تتمسكى اطمنى
سيبك من كنتاكى
انت يجيلك 4 كيلو سمك بلطى
:)

بجد مش عارفة اقول ايه
مش عارفة اقول ايه على الشباب الى فعلا بيتحرش بالبنات و مش مخليهم يمشوا برحتهم
و على الشابب التانى الى بيتاخد فى الرجلين

تحياتى
micheal said…
هههههههههههه..يا نهار أسود..هي وصلت للدرجه دي؟؟؟
مش بعيد فعلا نسمع بعد كده عن تحرش الكيبورد
و يا ريت تحاولي متزعلش نفسك بالناس اللي بتشتم لان اللي بيشتم ده أكيد حجته ضعيفه
تحياتي
عسل ياقطة عسل ... ماتخافيش هابعتلك كنتاكي بوكس ... وهي حماتي كانت أعزمنك في أيه ؟
أتكلي علي ربنا أنتي وأنويها
حلو الواد اللي قاعد مستني الكبسة ده ...ومشغلها بستنااااك كمان
بس حبة جد
هي ايه حكاية كبسات السايبر دي
انا سمعت عنها كتير ... هي البلد دي هاتفضل كدة مودية شعبها في داهية هو اكل العيش بقي حرام اليومين دول
معلش ولا مؤاخذة في السؤال، هوا إيه السيبر دا؟؟
الربان said…
تحياتي

يبدوا ان الموضوع كبير و مهم...منشورات
و تحرشات ...و خايف يقولوا نونوات..من نونو...

الكنتاكي عندي و لا يهمك يا قطة..و اعتقد ان الباسكن روبنز يكون عند ابي
اما المحامي فلن تجدي افضل من فرنسا هانم.


ياريت تحريات المباحث تبقي ادق..و لا يأخذوا العاطل مع الباطل...لان هذه التجارب السلبية تؤثر علي الناس
و تصنع عداوة بين الشرطة و الشعب نتيجة تصرفات خرقاء حمقاء من بعض رجال الامن....

تحياتي و تقديري.........
مشمش said…
كفارة ياقطة ومتزعليش من انتي مالك دي كويس انها جت علي قد كدة
بس سؤال يطرح نفسة تفتكري ممكن يعملولك فعلا محضر تحرش بانثي لازم تتاكدي من الموضوع دة
Foxology said…
ههههههههههههههههههههههههههههههههههههههههههههههههههههههه

والله انا فطست من كتر الضحك :))

والله حاجة تغيظ بجد وكتر خيره وكيل النيابة انه طلع ابن حلال

تحياتى وهبقى اصويلك على بيتزا من بابا جونز بتاع المهندسين :))
appy said…
مش قولت لك اياك ان تنتصلى بيه
ولا كنتاكى ولا غيرة انا بقولك اهو خليكى لغايه ما البراغيت تأكل فى قفاكى وبعدين يا امى اه انتى مش عارفه ان الكيبورد اجنبيه وبيتحرشوا بيها هههههههههه
والشاشه عليها حركات
والله ناس مسخرة
ولا البطل ابن عبد العزيز اللى يقولك محدش يقدر يجى جنبى ههههههههخخخخخخخخخ متخيله منظره
الا الظابط عندكوا فاضى مش وراه حاجه ولا ايه
يمكن اشتغل فى البلديه
على العموم وبقلب جامد اياكى ان تنتصلى بيه هذا الرقم قد يكون مرميا تحت السرير او فى الدولاب
الا العمر مش بعزقه يا اختى
وانتى عارفه اللى فيها بجرى على بطوط
وبقولك ايه من دلوقتى امسحى حتى اسمى من قلبك وعقلك بدل ما يحبوا يعملوا باني يطلعوة يلاقوا اسمى يجبونى خخخخخخخخخخخخخخخ
هى الناس دى ماوراهاش حاجة غير بتوع السيبرات...الظابط من دول يعمل حملة وهاتك يا لملمة من السيبرات....ويحطهم فى الحجز لغاية التخين فيهم ما (يتسيبر على روحه)..والله حاجة تنرفز...ما تزعليش...وبعدين أنا مش حاجيبلك عيش وحلاوة...ولا وجبة من كنتاكى.....أنا حاديكى رقم كنتاكى نفسه..وإبقى أطلبى اللى إنتى عايزاه...إنتى عايزة تدبسينا فى الحساب يا قطة....تحياتى ليكى
Soooo said…
يعني في وسط المعمعة دي كلها وعماله تقولي ظابط زي القمر
ياشيخه

وبعدين لاتقلقي
هنجبلك كنتاكي وكوك دور
تحبي نجيبلك عصاير ولا هم هيعصروكم هناك؟؟؟؟


ملحوظه
بقالي كتير قوي ماجيتش هنا .. هاسرح على باقي مواضيعك اشوفك قايله ايه .. وربنا يستر مايكونش في حد بيتخانق معاكي




سلامووووووووووووز
karakib said…
مش قادر اضحك علي القصة دي
لأنه امثال هؤلاء
خلوا واحد صاحبي يقفل السيبر بتاعه تماما و حتي الأن لازال في قضايا حتي بعد مرور سنه علي اغلاق محل اكل عيشه !!
Desert cat said…
همس الاحباب
اجمل حاجه يا خالد انهم دلوقتى مش بينزلوا ببوكس يعنى حتى انا لو معاهم ميكروباص عادى كاننا رايحين مشوار ولا حاجه
والا لو كان بوكس يا لهووى
كان زمان فضايحى على الفضائيات
الحمد لله
الاخوانجية دول انا اقدر امسح بيهم سراميك البلوج وامسح بيهم الحمام كمان تحياتى ياباشا
Desert cat said…
اذا كان بقوله فى ايه قالى وانتى مالك
يبقى مش هيمسكنى
ده هيمسكنى انا واللى يتشدد لى كمان
وياريس كنتاكى من كوك دور مفرقتش
المهم تسال
Desert cat said…
DoctorAllam
هو ده الحب ولا بلاش نفسك تشوفنى فى البدلة الحمرا
ما تسكت يا دكتور علشان استر عليك
انت عارف انا لسانى اطول منى وممكن اعترف ههههههههههههه
Desert cat said…
Baker
ربنا ما يحرمنى منك ابدا
هى دى الصحاب ولا بلاش
Desert cat said…
wanna b a physician
هو مكانش عادى هو كان فوق العادى بشوية
تحياتى
Desert cat said…
د/اجدع بنوته
غش وتدليس وتدبيس
نردها لك فى المعتقلات يا قمر
Desert cat said…
مدحت محمد
يعنى اعتبر ده وعد يا مدحت
مش هيجو جنبى فعلا
ربنا يسمع منك يارب
Desert cat said…
مواطن مصرى نايم
انا والله لا اعرفه ولا عمرى دخلت عنده ولا حدخل لان المدونات اللى انا بدخلها محدوده ومعروفة كويس اوى وبالتالى انا والله ولا اعرفه ولا عايزة اعرفه اصلا
وكمان 14 سنة
ده الواحد على كدا بقى ميبقاش ياخد على كلام حد يا جدعان دول
دول لسه اطفال
عموما علشان خاطرك وعلشان عارفه انك انسان محترم وبصراحة مشفتش منك غير كل ذوق واخلاق عفونا
تحياتى
Desert cat said…
ftafeet
لاء يا اختى انما مبحبش الوراك علشان ابقى ورك نمله
كدا ضمنت حد يزورنى ويجيب لى اللى انا عايزاه
تسلمى لى يا نونا
Desert cat said…
Rania
تصدقى انا مش زعلانة من اللى حصل
بالرغم من ان فى ناس اتاخدت ومتعرفش من الحريم غير ماما بس
لكن تحسى ان الشارع بقى نضيف ومفيهوش الزباللات اللى واقفه من الصبح للبليل وخصوصا بالليل
بس ربنا يستر ويفضلوا كدا على طول مش يومين ويرجعوا يقرفونا من تانى
تحياتى يا رانيا
Desert cat said…
micheal
والله يا مايكل ربنا يسترها على الجميع
الناس اللى بتشتم دى بطلت انشر تعلقياتها خلاص اصل مينفعش يبقى لهم مكان وسط الناس المحترمة مكانهم الاصلى هو الريسيكل بن
انا بس بنشر الايملات علشان يعرفوا نفسهم كويس اوى مش يدخل يشتم وفى الاخر يسيب لى ايمله
اهو ده العبط بعينه
تحياتى
Desert cat said…
مفقوعة مرارتي من حماتــــــــــــي
هى الكباسات وبس
ده انتى من اول ما تدخلى لحد ما تروحى تلاقى موظف داخل وموظف خارج
وكل واحد علايز فلوس تحت اى بند من البنود
وجحاجات غريبة ومش عليها اى خدمات اصلا
دول مشاركينا فى الدخل مشاركينا مين دول هما اللى بيدولنا مصروف وبياخدوا كل الدخل
قلبتى عليا المواجع
بس بجد انا بقيت بحبك اوى اوى والله
على الاقل هتجيبى لى كنتاكى
Desert cat said…
وجهة نظري
السيبر فى المعجم البسيط يعنى الكوفى نت
وفى قواميس اللغة الانجليزة
انت تروح تستاجر محل وتجيب لك كام جهاز كمبيوتر وبرنتر وتوفر للجمهور خدمات الانترنت
حد عايز يتكلم يرغى يدخل بلوجات منتديات هو حر بقى
Desert cat said…
الربان
يااااااه ده هيكون احلى كنتاكى
كفاية انه من عند حضرتك
خلاص كدا انا هتحبس وانا مطمنة
المشكلة انهم مش بيعملوا تحريات ولا اى حاجه هما بينزلوا ياخدوا اللى فى طريقهم وبصراحة الشارع عندنا كان حاجه صعبة خالص من يومها وهو نضيف شوية مش اوى يعنى
بس اتمنى انهم يخلصوا على الشوية الباقيين بس برضه مياخدوش اى كدا هباء
تحياتى
Desert cat said…
مشمش
اهو ده بقى السؤال اللى محيرنى هلى فعلا ممكن يعملوا لى محضر تحرش بانثى
ده انا ساعتها اطلع على الجزيرة وانا ماسكة رشاش واقولهم هتقطعوا المحضر ولا افجر لكو عشرن ربعين اخوانى
ساعتها مش بعيد يعملوا محضرين تلاته علشان يخلبصوا منهم
Desert cat said…
Foxology
اشطة كدا بيتزا وكنتاكى
وكوك دوور
ده انا هدخل بقلب جامد
بس يا خوفى لا وقت الجد ما الاقيش حد فيكو
Desert cat said…
appy
وهو انا كنت اتصلت يا مامى ولا جيت جنبك حتى
لا تقلقى انا فى الحالات دى بنسى حتى رقم بيتنا
احمد ده بقى اللى مصيبة
بس اهو راح قعد له هناك 4 ساعات وخرج .. علشان يبقى يستناهم كويس
Desert cat said…
واحد من البلد دى
لملمة من السيبرات
الكلمة غريبة شوية
مش كدا
عموما ميرسى على رقم كنتاكى اصله عندى
Desert cat said…
Soooo
معلشى اصله لفت نظرى كان قاعد غضنفر قدام ولا كانه طرد الهكسوس من مصر
ممكن تجيب لى عصير بطيخ عصير عنب ده مسموح بيه
انما اى عصير تانى مش هيدخلوه اصلا
نورت يا سوووو
Desert cat said…
karakib
ما هو انا مش كاتباها علشان تضحك
بس كان المفروض ان طالما صاحبك قفل النشاط بتاعه خالص كان قدم ما يفيد للمحكمة والموضوع بينتهى
اذا كان اللى مش بيقفل نشاطه وبيتحكم عليه بغرامة مثلا لو فات 3 سنين تسقط بالتقادم
خلى صاحبك يتابع ويهتم بس ويقدم لهم ما يفيد انه قفل النشاط
تحياتى
قطة الصحراء
اولا المباحث لما بتيجى تفقل شغل مبتسألش بتاخد اى حد من الشارع وتلبسه اى تهمة
ثانيا
بالنسبة للاخوان دول ما يستاهلوش انك مجرد تتكلمى عليهم مع انى اعرف ناس منهم من اجمل الناس اللى قابلتها فى حياتى بس دول نادرين جدا وسط ناس بتدور على نصالحها قبل مصلحة البلد
Human said…
كنتاكي...هههههههه
انت شكلك كده مش هاتجبيها لبر...هاييجو وياخدوكي على الحجز
.....
la3lahakhier said…
طول ما احنا مع الحق مش لازم نخاف
الله فوق الكل
ابراهيم said…
اعتقد انك هيعملولك تهمة تحرش بظابط
ادعوكي لزياة مدونتي
لحن الغروب
طيب متعرفيش بياخدو اللى عندو كيبورد فى البيت ولا لا .لو الكيبورد عوره خلاص هقضيها موس اهو زكر بردو
Heart Beat said…
يا فندم احنا نجيب لك كنتاكي من غير حبس و لا يحزنون

فداكي مصر كلها يا سيادة اللواء

بس كويس و الله ان الظابط اللي في القسم نشيط و بينظر الى شكوى الشعب من تحرشات غادرة ماكرة ببنات الشعب الغلبان

و لا يهمك ماحدش يقدر يقرب من السيبر عندك انتي وراكي مدونين ياكلوا البيتزا عشان مافيش زلط و لا عيش

اما بقى عن الاخوانجية و ايميلاتهم فحدثي و لا حرج

صحيح هو مش اللي بيطلبوا منك ده من تعالي نتقابل اونلاين و نتكلم و احلل شخصيتك ... الحركات دي مش عيب برضه عندهم و لا ايه بالظبط

انا رأي تروحي تشتكيه للضابط الامور اللي كان في الميكروباص ده و تقولي له ان في واحد اخواني بيتحرش بيكي
هايقبض عليه على طول
يالهوى ليكى ياقطة
كدة برده
يعنى زملاتك السيبراوية
يبقوا فى محنة وتسبيهم وتروحى تقفى فى البلكونة
عيب عليكى
لا لا بجد عيب عليكى
دنتى المفروض بتات سوق
ينى جريئة بوتاع
كنتى روحتى للظابط
واخدتيه واكلتيه
ايس كريم
وطلتوا قعدته على قوة وشربتيه كوباية فى الخمسينة
السخن يضرب م البارد هبا
الراجل تجيلوا جلطة
با يتشل
هبا يهبل هب ا
المخبرين يتلموا
ويتلهوا فى الظابط
تقومى انتى بقى مهربة زملاتك

بس والله جدع الى اسمه احمد دة
شوفتى قعد كدة ولا همه حد

ياسلام
او ما دول الرجالةولا بلاش

قوليلى ياقطة
اختيله عيش وحلاوة ولا طلعتى شربتى شاى فى البلكونة
انا بسئل بس

عايزة تجوبى جوبى مش عايزة
ادفى عشرين جنيه غرامة

هى كدة بلطجة بعيد عنك



بالنسبة
للبتاع الى قولتى عليه
مش ارف اسمه
كنبنتاكى ولا ستكتناكى
هو اسم ايه

ربنا ينتقم منه الى بلانا بالاسامى دى
مالها ام على ولا ام سمير
ولا ام حنونس

ياله ماعلينا
المهم

بصى اخرك معاية
بنص جنيه فول من العربية الى جنب المصنع
عجبك عجبك
مش عجبك

ياريت لو تتكرمى علينا
وتخبطى مشوار لحد ابو العباس
وتديهم لاى حد غلبان واقف هناك
اهى لقمة يفطر بيها عياله




وياريت كمان
عشرين جنيه غرامة

يبقى كدة الحساب
اربعين جنيه
والدفع مقدما ياقطة
والشكك ممنوع
منعا لاكل القصب

ودة فال وحش ياقطة


فحتدفعى ولا ابعتلك العفاريت بتوعى
يستربعوا قدام باب السيبر
ياكلوا قصب
ودول جبارين فى اكل القصب
ممكن يخلصوا محصول السنادى والسنة الجاية فى قعدةواحدة

دول ممكن يقلبولك السيبر لمحل عصير قصب
ومن غير مية كمان


براحتك
قدامك مهلة
اربعة وعشرين يوم وتلت سنين
وثانية

وياريت لما تخلصى تفكير تنونوى بس
وتقولى جزر

حتلاقينى مستربعلك فوق عمود النور

قوليلى والنبى ياقطة
هو انتوا عندكوا
عمود نور
somaa mahaba said…
ههههههه
لو عرفوا انك مدونه حيقفشوكى
المصيبه الكبيره ليعملولك محضر تحمرش بانثى
تبقى فضيحه يا قطه
وحيقولوا عليكى بتخربشى وتعضى ومش بعيد يطخوكى لانك خطر على الاوانث
يا بنتى باختصار البنت تمشى محترمه محدش حيعاكسها ولا يضايقها لكن تلبسلى استوميك وخراستون وحجاب ع الكحكه وتقول ياى عاكسنى تستاهل قطم رقبتها
الشباب غلابه 30 و35 ومفيش جواز
والبنات مفيش دم ولا احساس
واللى يقولك ضيفى ايميله قوليله
استغفر الله العظيم اتحرضنى على فعل الفحشاء والمنكر وفعل الرذيله استغفر الله العظيم
وكلميه بمنطقه الذى يفهمه
تحياتى ليكى سومه_87
NIDAAL PAL said…
هبقى اعدى تانى
وقتى خلص و بتوع السايبر مش بيرحموا
هههههههههههههه
سلام
بيسوو said…
ازيك يا قطة..عاملة ايه؟

حمد لله على سلامتك مقدما يعني..ومش
هنقلق عليكي وهنتطمن انك اكلتي رز وفاصوليا ومخلل..يالهوي على الي بيحصل ياناس


جيت لقيت الدنيا عندك مطرطشة دم تحت والصورة العجيبة دي هي السبب باين

المهم ماعلينا من الصورة ومن الدم..عايزاكي بس تعترفي علشان نخلص وتقولي انتي طبعتي المنشورات دي فين
عموما ولا يهمك
انا هكلم ماى فرند المحافظ
واخلى الحملات دى متجيش عندكم خالص
الا مرتين فى الاسبوع
صباحا
ومساء
السلام عليكم ....
كفارة ....
أنا أول مرة آجي هنا ....
وقلاقي الموضوع ده ..
ههههه
انا حظي وحش عليكي ...
بس ماشاء الله مدونة جميلة جدا جدا ...
أنا سمعت عنهخا كتييير ....بس مش عارف إيه إلي خلاني دلوقتي أخش عليها ....

كفارة ...مالهم العيش والحلاوة ...
أحسن من كنتاكي ...وكوك دوور ...
دا الطعام الرئيسي للمسجونين ..
ويلا ....زي ما يقولوا ..السجن للجدعان ..
هههه
تحياتي لكي ...
وبإذن الله دي مش هتكون الزيارة الأخيرة ..
أدعوكي لزيارة مدونتي .ز
ودمتم دائما بخير ....
وعارفة ....الأغنية خطيرة ..أنا كل شوية أخش المدونة وأسمع الأغنية ...
هههه
خليها ...
appy said…
يا لهوى يا قطتى انتى تنتصلى اى وقت بصى يا حبيبى انا هكلمك كل شويه
يا نهار هو حد يقدر يجى ناحيتك
انا ليه حد فى النيا الا انتى امال مين يا قلبى يخنق عليا بس هههههههههه

بعد الشر عنك يا جمر انت وبعدين هاتى نمرة بيتكم وانا اتصرف
ويا حبيبى كنتاكى ايه بس انت مقامك اكبر انا اجيب لكى من كورتيجاينو او لاكازيتا انتى مش اقل منها
وعلى راى محمود محدش يقدر يجى ناحيتنا ههههههههههههههه
nody_1987 said…
ههههههههههههههه
لا لو مسكوى ها يمسكوكى علشان بتتحرشى بالموس
وبعدي ايه كنتاكى والدلع ده
هو سندوتش من عند البغل
Desert cat said…
هيثم الدهشان
اصل الموضوع بتاع المعاكسات والتحرشات ده زاد اوى وفعلا انا فرحانة والله للى حصل بس المشكلة ان يومين ويهرجعوا تانى
للكن اللى مزعلنى انهم المفروض مياخدوش ناس من اشغالها دى ناس نازلة تاكل عيش يعنى لا كدا عاجب ولا كدا عاجب
المفروض يكون فى نظام شوية
بالنسبة للاخوانجية فكلهم فى الجزمة
شرفتنى يا هيثم
Desert cat said…
Human
طيب ولما ياخدونى مش هتجيب لى كنتاكى ولا حتى بؤ عصير
Desert cat said…
la3lahakhier
ونعم بالله
انا كل اللى مخوفنى وانا راكبه البوكس وقتها الجزيرة هتصور وتبقى فضيحة
هههههههههههههه
Desert cat said…
ابراهيم
انا اتحرش بظابط هو انا مستغنية عن نفسى
يشرفنى زيارة مدونتك
تحياتى
Desert cat said…
تــــايه ومش تـــايه
انا شايفه انك تتخلص من اى حاجه مذكور فيها كلمة مؤنث خالص علشان تشترى نفسك
Desert cat said…
Heart Beat
يعنى اروح وقلبى جامد يا قلبى
حتسألى وتيجى تزورينى
انا عارفه ان قلبك طيب ومش هتسيبينى فى الزنقة دى لوحدى
احنا عندنا ظابط زى السكر بامانة مروق البلد وساعات كمان بينزل من غير ما حد يشتكى اساسا والله لو شوفتى المنطقة عندنا عاملة ازاى هتشكريه على اللى عمله
شباب على النواصى 24 ساعه فى اليوم وحدث ولا حرج عن الفاظهم اللى بيقولها حتى لستات اد امهاتهم
ربنا يعافينا
بالنسبة للاخوانجية فهما من امتا بيعملوا اللى بيقولوه المرأة عورة وهو عمال يبعت لها فى ايملاتهم
دى عالم وسخة عايزين ياخدوا بالجزم
نورتينى يا جميل
Desert cat said…
زعيم كمورا مورا
شرفت يا زعيم
Desert cat said…
somaa mahaba
يعنى انتى عايزة تفهمينى ان المشكلبة فى البنت
طيب ايه رايك فى اللى ماشية لابسه كويس ولبس واسع وفضفاض ومحجبة وبرضه بيقلوا ادبهم عليها
هنفرض انها مش محجبة وبيئتها واهلها ناس كويسين ولبسها يدل على انها من مجتمع راقى هما مالهم بيها
يعنى انتى موافقه ان الولد من حه انه يعاكس ويقل ادبه ويتحرش علشان اللى ماشية تستاهل ويبقى من حقه يعمل اى حاجه ؟؟؟
Desert cat said…
NIDAAL PAL
طيب زود نص ساعه ولما اشوفك هدفع لك حسابها
Desert cat said…
بيسوو
ازيك يا قمراية انتى
والله انا استغربت اول ما قالوا لى رز وفاصوليا قولت لهم هما بيطبخوا جوا ولا ايه قالوا لى اهاليهم بيجيبوا لهم اكل
بس والله طلعوا مساجين جدعان فعلا

اما بالنسبة للمنشروات بريئ يا بيه والله ما اعرف عنها حاجه
الدم ده تحت الصورة ده
انتى مستنية ايه بقى من ناس كدا هما بيثبتوا لى انهم متطرفين وارهابيين فعادى خالص
تحياتى
Desert cat said…
عبده الرايق
لا والنبى بلاش تكلم حد من الفرند بتوعك خالص
احنا الفرند بتوعنا هيقوموا بالواجب ولا يهمك اى حاجه ياباشا
Desert cat said…
عبدالرحمن ياسين
اولا حضرتك شرفت البلوج
ويالف اهلا وسهلا بيك فى اى وقت
انا بقى مبحبش العيش والحلاوة
مبكلهاش واله خالص
ابقى جيب لى جبنة فيتا حتى
انما حلاوة انت كدا هتموتنى من الجوع
شرفت
Desert cat said…
appy
ميرسى يا جميل
هو ده العشم
Desert cat said…
nody_1987
بغل
ويحييييي
اوه نو وات زا منينج بغل
طيب جيب لى عصير مانجة ربنا يخليكى
nody_1987 said…
البغل ده عقبال املتك اكبر واشهر سلسله سندوتشات فول وطعميه عندنا فى المنصوره
ياسر said…
سيدتي الفاضلة
كل دة لان اصلاا شوية
امناء شرطة معندهم حاجة
تشغلهم بس بغض النظر عن
محاضر التحرش بانثي او منشورات
دة اعتقد فيلم او ستارة قدام الناس
بس ان احنا بيجلينا بلاغات اوديكي
فين يا غلاسة بقي واذا كان عجبنا
وتقبلي مروري
مع تحياتي
ربنا يستر عليكي ياقطه
ولاد الحرام ماخالوش لولاد الحلال حاجه

بس براوا عليكي انك احطاتي و ماضيفتيش المدعو اخوانجي ده احسن يابنتي يبعتلك ملف تجسس و تبقي مصيبه حرصي ياقطه انتي يابنتي من الناس اللي العين عليها ربنا يستر عليكي
وومن said…
قطة الصحراء
اول مرة اعلق عندك
موضوع جميل جدا والأجمل الحكومة الذكية بتاعتنا
وممكن اسالك الظابط اللي زي القمر دة كان فين علشان اللي عندنا بيخوفوا بيهم العيال الصغيرة
وعموما السجن للجدعان وخلي شعارك
لا دخلنا السجون ولا شفناها واسمنا محفور فيها
تحياتي علي البوست الجامد

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز