عيد سعيد على الجميع ان شاء الله

كل سنة وانتوا جميعا بخير وعيد سعيد زى ما رمضان فيه رحمة وحب وود العيد برضه فيه صلة رحم وربنا يجعل كل ايام المسلمين مليانه بالخير ليلة العيد مبتكونش ليلة عادية الكل بيهنى ويبارك اهله واصاحبه واحبابه بالنسبة لى انا وصحابى كان الوضع مختلف شوية اتجمعنا مع بعض بالليل وقضيناها حكايات من ايام زمان على شوية كحك على بسكوتات وبيتيفورات مع مج الشاى وشوية لاقينا الفجر بيأذن .. إيه ده هو الوقت بيجرى كدا ليه ده انا متخيلة ان الساعه مثلا لسه الواحدة بعد منتصف الليل شوية كمان ولاقينا الشارع على آخره ناس .. شومعنا احنا يعنى ... قومنا لبسنا ونزلنا نصلى طبعا مش فى المسجد لان صلاة العيد مستحبة فى الخلاء وعلشان كدا روحنا الساحة اللى جنبنا مباشرة يعنى بينا وبينها دقيقة مشى كدا ... وبما انى كنت رايحة اصلى واتفرج على الناس برضه .. فقولت افرجوا معايا على صلاة العيد فى بلدنا
الشارع اول ما بدأ يتملى بالناس اللى رايحه تصلى


طبعا الرجاله واحنا حابسينهم علشان مش يبصوا علينا واحنا بنصلى اصل احنا عارفين الحركات القرعه دى




طبعا الستات لسه بتتجمع والى قاعدين بيستمعوا لتكبيرات العيد هنا اتجمعنا وما زلنا بنستمع للتكبيرات



وهنا صلينا وخارجين وانا كنت بتفعص تحت رجلين البشرية دى كلها


وهنا بدأت آخد أنفاسى وكدت اسجد لله شكرا فى الشارع انى خرجت من تحت الرجلين بشوية اصابت طفيفة
وكل سنة وانتوا طيبين ومع اهاليكو وبين اسرتكو معيدين
وعيد سعيد

Comments

ابو احمد said…
كت سنه وانت طيبه وعيد سعيد عليكى انت والاسره الكريمه
كل عام وانت بالف صحة وسلامة
تحياتى
كل سنة وانت طيبة

عيد سعيد عليكى ان شاء الله

ويارب تحققى كل اللى نفسك فيه
كل عام وحضرتك بخير وربنا يعيده عليكم بخير حضرتك والأسرة

تقبل الله طاعاتكم وأعانكم على الثبات
Kol 3aam wa antum bekheer, I am originally sharqawy 2...
and I wish we will communicate.
best wishes.
شهرزاد said…
كل عيد وانت بخير وبصحه
كل سنة وانتي طيبة
انا بردو كان نفسي اعمل بوست زي ده بالظبط بس مقدرتش بقى
بس انا عايز اعرف ليه امن دولة يعني ف صلاة العيد
هما فاكرين الناس خلاص يعني ساكتة طول السنة ومش لاقية غير العيد مثلا عشان تعمل مظاهرات او شغب
؟؟!
ربنا يصلح الأحوال وان شاء الله السنادي تكون احسن من اللي فاتت

وتقبل الله منا ومنكم
كل سنة وانتى طيبة ومعييدة وفرحانة وواخدة عيدية كبيييرة

شاركينى على مدونتى فرحتينى (اصلهم 2) وان شاء الله ماحد حوش

وشاركينا فى ملتقى الدفاع عن سجناء الراى وحقوق الانسان بحضور عدد كبير من المدونين والصحفيين
يوم الخميس الجاى 18/10 بنادى المحامين بالاسكندرية
كورنيش البحر- جليم
الساعة 5 مساءا

بجد اسكندرية هتنور لو جيتى يومها
Desert cat said…
ابو احمد
وحضرتك طيب
وبالصحة والسلامة
Desert cat said…
حـريــة الــفـكــر والابــداع
وانت طيب يا فندم
وعيد سعيد
Desert cat said…
دكتور كسلان
وانت طيب يا دكتور وبالف صحة وسلامة
Desert cat said…
طال الليل
اللهم آمين
وكل سنة وحضرتك بالف خير
Desert cat said…
a Dreamer with feet on the Floor
وانت طيب
وعيد سعيد على حضرتك والاسرة الكريمة
كل سنه وانتي طيبه
وربنا يجعل ايامنا كلها اعياااااد
من غير بوكسات
ههههههههههههه
Desert cat said…
شهرزاد
عيد سعيد علينا وعليكى ان شاء الله
Desert cat said…
آلام وآمال
اكيد لو كنت عملت البوست كان طلع احسن من ده
موضوع امن الدولة ده حاجه مش غريبة هما من امتا بيسيبونا فى حالنا
هما بيهمهم عيد ولا غير عيد
كل سنة وانت طيب
Desert cat said…
شقاوة شعب
انا يشرفنى والله الحضور واشكرك جدا على الدعوة
بس للاسف انا بعيده جدا
يعنى محتاجه يوم للسفر
بس ان شاء الله متابعه معاك على البلوج
كل سنة وانت طيب
Desert cat said…
اسكندراني اوي
وانت طيب ياباشا
وكل اسرتك وعائلتك بالف خير
A.SAMIR said…
كل سنة وانتى طيبة ويعود عليكي بخير كل سنة ان شاء الرحمن
كويس قوي وكرم من الحكومة انها سمحت للناس انهم يصلوا العيد اساسا
كويس انهم مالاغوهاش
قادرة وتعملها
تحياتي
Desert cat said…
كل سنة وانت طيب ويعيد عليك الايام بالخير ان شاء الله
بالنسبة للحكومة
فهما سابونا احنا وقفلوا قرية تابعة لينا
يمكن مش كانوا فاضيين للقرية والمدينة فى نفس الوقت
تقريبا دورنا فى عيد الاضحى
كل سنة وانت طيب
ايوية said…
كل سنة وانتى طيبة
Desert cat said…
ايوية
وانتى طيبة يا جميل
بهلول said…
كل سنه وانتى طيبه والمسلمين جميعا بخير
كل سنة وانت طيبة وطقوسك للعيد تفضل معاكى دايما

عيد سعيد
darsh said…
كل سنه وانتي طيبه واحنا كلنا بخير

لذيذة الصور لكن في شوية صور مش بيظهروا جايز العيب من عندي انا مش عارف

المهم
يا رب يعود علينا رمضان الجاي ونكون على حال احسن من كده وتكون أمة الإسلام بخييييييييييييير


تحياتي
altwati said…
كل عام وأنتم بخير
Desert cat said…
بهلول
وحضرتك طيب
والاستاذه بهلهولة بالف خير
Desert cat said…
تخاريف دكتور
وانت طيب يا دكتور
عيد سعيد عليك وعلى المسلمين
Desert cat said…
darsh
وانت طيب يادرش
بالنسبة للصور فهى ظاهره عندى
كلها ..
نورت البلوج يا فندم
Desert cat said…
altwati
وانت بكل خير
كل سنه وانتى طيبه وتقبل اله منا ومنك صالح الاعمال
كل سنة وانتي طيبة يانانا
والسنة الجاية ان شاء الله تصلي بعيد عن القل اللي احنا عايشينه ده

عيد سعيد عليكي

محمد سمير
كل سنة وانتى طيبة ياقمر

بلوجتك لذيذة ماشاء الله
Desert cat said…
رئيس جمهوريه نفسى
وانت طيب ياباشا
وان شاء الله السنة الجاية تكون حققت كل اللى تتمناه
Desert cat said…
غمض عينيك
وانت طيب يا محمد واسرتك الكريمة طيبة وبكل خير
Desert cat said…
كفايـة طيبـة
وانتى طيبة
وطبعا الاجمل من البلوج انك شرفتينى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز