التاج .. التاج .. موعوده ياللى عليكى التاج

التاج ده من عند حبيبتنا بنت من وسط البلد
بما انها اهدته لاول خمسة يردوا على التاج بتاعها وانا اتسحبت من كيبوردى وكنت اول واحدة البنوتة بتلبسه التاج
فانا من موقعى هذا بقولك نحن لهااااااا
ونخوش فى الموضوع على طووووول

اسم مدونتك ؟
قطة الصحراء

لماذا اخترته وما هى نيتك من وراء اختياره ؟
نظراً للإشاعات المغرضة اللى مالية البلد وبتقول ان عنيا شبه عيون القطط مش فى اللون حاشا وكلا انما فى الرسمة نفسها .. فا ايام لما كنت فى المدينة الجامعية كانوا صديقاتى بيطلقوا عليا لقب نانا عيون القطط وبما انى كنت مشاغبة حبتين فكانت صديقتى الانتيم مسميانى قطة الصحراء

هل فكرت فى اغلاق مدونتك ؟ ولماذا ؟
بصراحة لسه مش فكرت بس يمكن افكر
وطبعا مش هقدر اجاوب على لماذا لانى مفكرتش اقفلها لسه

صورتك فى المدونه ورمزيتها ؟
قطة طبعا .. وده تعبير عن الوفاء والاخلاص للى قدر يخترق قلبى وعقلى رينوووووووو
محدش يفهم غلط ده القط بتاعى

لما دخلت عالم التدوين اساسا ؟
كنت وما زلت متابعه جيدة لطهقانة وجبهة التهييس وتمر حنة
فحبيت اعمل مدونة علشان اعرف ارد على بوستاتهم
امال يعنى اسيب الناس تتكلم كدا من غير رد ده حتى عيب

جمله قيلت فى وصف مدونتك ؟

انا اول مرة ادخل المدونة دى بس لاقيتها حلوة ان شاء الله مش حتكون اخر زيارة

التعليقات بالنسبه لك ؟ واهميتها ؟
سبب استمراريتى ومعرفتى بمدونين زى الفل

احلى بوست كتبته ضع اللينك ثم اذكر لماذا ؟

الاستعمار الفكرى

افضل مدونه قراتها ؟
اى مدونة بدخل ازورها كل يوم وارد على اى بوست فيها


اسوا مدونه ؟
اى مدونة بدخلها ومش اضيف فيها حرف واحد ومرجعهاش مرة تانية

هيحصل ايه لمدونتك لما تموت ؟
اكيد هتتقفل

اديت الباسورد لحد قبل كده ؟
ايون حصل

كانت ايه طبيعة علاقتك بيه ؟
سداكة بريئة خالية من اى شوائب

اسمك ؟

حنان

المشهور بيه وسط اصحابك ؟
نانا

عمرك ؟
هما البنات بيزيدوا عن العشرين ابدا
حتى لوكان 27 بيفضلوا برضه 20

دراستك مجالك ؟
انا خريجة مساحة بس بشتغل فى حاجه غير كدا تماما بالمرة

شخصيتك نوعها ايه ؟
يقال عندك ثقة فى نفسك

السفر بالنسبه لك ؟
بعرف من خلاله اماكن جديدة وبتعرف على ناس اجدد تغيير مناظر زى ما بيقولوا
وبعدين مش بيقولوا فى السفر 7 فوايد انا بحبه علشان اخد الفوايد

وقت فراغك بتعمل ايه ؟
بنااااااااااااااام

الاكله المفضله ؟
رز بالجمبرى


الصفات التى اخذتها من بابا ؟
لازم اكون قد كلمتى يا اما ماتكلمش اصلا

الصفات التى اخذتها من ماما ؟
هو يقال ان لكل واحد نصيب من اسمه بس بالفعل لو انا كدا يبقا صفة من ماما مش من اسمى

اكتر ست حاجات بتكرهها ؟
الجشع
الفراق
اغتياب الآخرين
الغرور
الحقد
التدخل فى خصوصيات اى شخص

اكتر ست حاجات بتحبها ؟
بحب اوى اضاءة هادية واقعد اسمع فيروز
بحب المطر
بحب ساعة الفجر والنهار بيبتدى يطلع
بحب ضحكة طفل صغير وشقاوته
بحب البحر فى هدوئه بحس انه صاحبى وبقعد اتكلم معاه فى كل حاجه
لحظة لقائى باى حد غالى عندى

الشغل بالنسبه لك ؟
طموحى اللى بشوفه بيتحقق قدامى

الانترنت بالنسبه لك ؟

عالمى الخاص اللى واخدنى من المجتمع ومن كل الناس اللى حواليا طول اليوم

امرره لمين ؟
عبده محتاس
shahy شاهى يعنى
ايوية
رحيق الحب







Comments

الله الله هي عدوى التاجات بدات في النتشار تاني

استر يارب

تاج لذيذ باجاباته الظريفه

تحياتي

الربع جنيه المخروم لو سمحتي
اجابات حلوة
بس ايه خريجة مساحة دى هندسة مساحة يعنى؟

تحياتى ودى اول زيارة و باذن الله متبقاش الاخيرة
3abdo me7tas said…
:S

ها مين لمين
حتى فى رمضان يا نانا
طيب ربنا يستر بقى
Desert cat said…
اسكندراني اوي
الظاهر كدا ان لسه ملقوش مصل وقائى لعدوى الانتشار
الجميل بقا ان حضرتك شرفتنى بردك
بالنسة للربع جنيه المخروم هجيبه لك واجى حالا فى البلوج بتاع حضرتك
Desert cat said…
محمد ياسر
طبعا البلوج نور وهو فعلا هندسة مساحة
تحياتى ويارب تشرفنى تانى
Desert cat said…
3abdo me7tas
اجمد كدا يا عبود ما تقلقش
ده التاج للجدعان
نانا
مبسوط اوي باجابتك عن الشغل
ربنا يوفقك دايما يارب
Desert cat said…
غمض عينيك
انت مبسوط باجابتى يا محمد لانك انسان كويس وقلبك مليان بالخير
ربنا يوفقك انت كمان يارب
كل سنة وانت طيبة

اجاباتك ظريفة وخفيفة

ربنا يوفقك

سلااااااااااااااااااااااام
من بين السطور كده أنا فهمت
أنك من أسكندريه
و فهمت أن أسمك حنان ودلعك نانا
وخريجة مساحه
يعنى أنت مهندسه
أيه رأيك بقا مش أنا شاطره
هاتى بقا حتة كنافه
أو خمسه جنيه
Desert cat said…
دكتور كسلان
وانت طيب ياباشا
الجميل تشريف حضرتك البلوج
Desert cat said…
الأميره أوسه
طبعا انتى شاطرة جدا يا اميرتنا
بس هكتفى با تنين جنيه ونص
اصل انا مش اسكندرانية ولو انى كنت اتمنى
ها موافقى على الاتنين جنيه ونص
السلام عليكم

كل سنه وانتى طيبه
وكل تاج وانتى بخير

اجابات جميله يا عيون القطط

تحياتى يا قمر
رمضان كريم
Tamer Nabil said…
كل تاج وانتى طيبة

تحياتى
Desert cat said…
حياه الأحلام
وعليكم السلام ورحمة الله وبركاته
طبعا الاجمل هو تشريفك البلوج يا اجمل حياة
كل سنة وانتى طيبة
Desert cat said…
Tamer Nabil
وانت بالصحة والسلامة
تحياتى
سلام عليكم

يارب عقبال ما تلبسى تاج فرحك يارب

يا عيون القطه دى من أجمل العيون

وكل سنه وانتى طيبه وبخير ورمضان كريم
تحياتى

مهبوله
Desert cat said…
مهبول ومهبوله
تسلمى يا حبيبتى على زوقك
كل سنة وانت بالف خير
الله اكرم
truelove said…
ازيك يا احلي قطة عاملة ايه كل عام وانتي بصحة وخير وعافية والتاج ده عرفنيكتير عليكي يا بقى مييييييييييييو
Desert cat said…
truelove
طبعا نورت البلوج
وانا سعيدة انك اتعرفتى عليا

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز