Posts

Showing posts from December, 2013

إنك تبقي بنت في مصر يعنى

Image
رائد / شريف المغربى

إنك تبقي بنت في مصر يعنى:

- جسمك مش ملكك لوحدك، لكن ملك كل الناس اللي بتعدي من جنبهم وانتي ماشية في أي حتة في البلد، وعشان كده لازم تحترمي حقهم في جسمك وتعملي حسابهم معاكي وانتي بتلبسي، عشان لو لبسك مش عاجب الناس اللي في الشارع من حقهم ينتقدوكي يتريقوا عليكي يلمسوكي يتفوا عليكي يرموا عليكي طوب أو مياه نار أو يزنقوا عليكي بالعربية أو الموتوسيكل بسرعة ويضحكوا لأن خوفك مضحك بالنسبة لهم ولو اتخبطتي يبقى نصيبك وهما هيكملوا ضحك عادي، لأن احنا مجتمع محافظ واحنا ناس متربيين
- لازم تسمعي يوميًا كلام من نوعية "مزة" "وَحش" "أسد" "بطل" "بطة" وتاخديها على انها مجاملة ومتضايقيش

- لازم تسمعي الوصف الدقيق للي الشخص اللي معدي جنبك نفسه يعمله فيكي

- لما تشتري أي حاجة أو تسألي أي حد على حاجة طبيعي يبص على صدرك وبعدين يرد عليكي

- طبيعي في الميكروباص/التاكسي المراية تبقى متركزة عليكي والسواق يبص عليكي أكتر ما يبص ع الطريق
- يبقى أقصى طموحك إنك تركبي المترو/الميني باص/الميكروباص وتنزلي سليمة

- تتعاكسي "بكل الطرق الممكنة&quo…