Desert Cat Search
قطه الصحراء: 5/1/13 - 6/1/13

Tuesday, May 28, 2013

الرئيس مبارك يرد على سد النهضة

مبارك يرد على سد النهضة في موقف مشابه اللي هيقرب من السد العالي هضربه ... ده الفرق بين القائد الحر وبين الخونة العملاء اللى بيتاجروا بمصر وخربوها 

Monday, May 27, 2013

راجل من ضهر راجل يا سيادة القاضى

المستشار خالد محجوب قاضى قضية إقتحام السجون
يهدد مأمور سجن وادي النطرون 2 بالحبس إذا تخلف عن حضور الجلسات ...
و يكرر : أنا في قضية بأنحت فيها في الصخر وانا قاقضى استدعى اى حد فى اى وقت احنا فى قضة كبيرة والمفروض الكل يساعد الكل يساعد لاظهار الحقيقة وتحقيق العدالة

Friday, May 24, 2013

تعليق نارى من الشيخ حازم ابواسماعيل على عودة الجنود المختطفين

تعليق نارى من الشيخ حازم ابواسماعيل على عودة الجنود المختطفين وياترى الفيلم الهندى ده له جزء تانى ولا كدا خلاص ؟

برضه نفس السؤال فى الظباط وامين الشرطة المخطوفين من سنتين يا عياط عايزين اجابة من جماعتك الارهابيه اللى منتشرة فى سيناء

 

Thursday, May 23, 2013

ورجع الجنود

رجع الجنود الى احضان اهاليهم سالمين هانئين قريرى العين 
بس ياترى اخبار الخاطفين ايه ؟!
اول مرة اشوف حاجه بتتسرق بترجع من غير ما الحرامى يتحاسب او يتحاكم او حتى يتعرف مين  هو 
حزب النور والاخوان المنتفعين كانوا بيتفاوضوا مع الخاطفين وده معناه انهم عارفينهم مين ؟
طيب لما الولاد رجعوا مش قبضتوا عليهم ليه وطهرتوا البلد من اجرامهم ؟ ولا لسه المسلسل له جزء تانى ؟
طيب ظباط الشرطة والامين اللى معاهم اخبارهم ايه ؟! 
مش هيرجعوا لاهاليهم برضه سالمين غانمين ولا بقوا خلاص فى خبر كان منسيين ؟!


Saturday, May 18, 2013

سلمى صباحى



آسف يا ريس
 
انتظرنا طويلاُ حتى يتم الإفراج عن أ. "سلمى صباحي" حتى نسأل والدها المناضل السياسي حمدين صباحي بعض الأسئلة بعد هذه التجربة المريرة ..لأننا لم نتعود ولم نتعلم في مدرسة الرئيس مبارك محاربة فارس سقط من على حصانه.!

*- هل جربت سيادتك مرارة الظلم والافتراء؟...الرئيس مبارك وأسرته يجربوه يومياً طوال العامين الماضين..!

*- هل جربت سيادتك مرارة التشهير بابنتك ؟...الرئيس مبارك وأسرته يجربوه يومياً طوال العامين الماضين..!

*- هل جربت مرارة الاتهام الباطل ؟..الرئيس مبارك وأسرته يجربوه يومياً طوال العامين الماضين..!

*- هل شعرت أبنتك مرارة السجن ظلم؟..الرئيس مبارك وأسرته يجربوه يومياً طوال العامين الماضين..!

*- هل شعرت بالانتقام مع أبنتك وتصفية الحسابات السياسية معها ؟.الرئيس مبارك وأسرته يجربوه يومياً طوال العامين الماضين!

*- هل جربت كيف ينظر الرأي العام لأبنتك كمتهمة بالنصب متجاهلين مبدأ المتهم بريء حتى تثبت أدانته؟.الرئيس مبارك وأسرته يجربوه يومياً طوال العامين الماضين.!

*-هل شعرت كيف شمت فيك وفى أبنتك أعدائك ؟..الرئيس مبارك وأسرته يجربوه يومياً طوال العامين الماضين!

*- هل شعرت أبنتك بالغربة ومرارة فراقك وفراق زوجها؟.الرئيس مبارك وأسرته يجربوه يومياً طوال العامين الماضين!

*- هل شعرت بسكين الإشاعات وهو يغتال أبنتك يومياً ؟.الرئيس مبارك وأسرته يجربوه يومياً طوال العامين الماضين.!

هل شعرت أبنتك بالغدر فمن وثقت فيهم ؟.الرئيس مبارك وأسرته يجربوه يومياً طوال العامين الماضين..!

هل جربت كيف تلوث سمعت أبنتك بمجرد التحقيق معها .؟.الرئيس مبارك وأسرته يجربوه يومياً طوال العامين الماضين..!

هل جربت أبنتك كيف تحاسب على ذنب لم ترتكبه لمجرد أنها أبنتك ؟أسرة الرئيس يجربوه يومياً طوال العامين الماضين.!

هل شعرت أبنتك بمرارة ما تداوله الصحف من أخبار كاذبة تضر سمعتها .. ؟.الرئيس مبارك وأسرته يجربوه يومياً طوال العامين الماضين..!

هل ألان شعرت بما يعانيه الرئيس مبارك وأسرته من اتهامات باطلة وإشاعات كاذبة بدون سند أو دليل تغتالهم معنوياً وسياسياً أمام الرأي العام الذي لا يصدق الا الكذب ولا يقتنع إلا بالإشاعة .
 


Friday, May 17, 2013

شوية نظاااااااام

ايه ده ! ده النظام السابق طلع معاه حق في هدم أنفاق غزة !
يعني ماكانش بيحاصر غزة ولا حاجة .. ده كان بيحمي شعب مصر ..

ايه ده ! ده النظام السابق طلع معاه حق في موضوع التوقيت الصيفي !
يعني ماكانش رخامة ولا غلاسة على الشعب .. ده كان بيوفر عشان ميقطعش الكهربا ..

ايه ده ! ده النظام السابق طلع معاه حق في إنه يعمل حرس لكل جامعة يعني ماكانتش ديكتاتورية ولا قمع .. ده كان بيحمي الطلبة والجامعات من البلطجية ومن جماعات استغلال الدين لغسل مخ الشباب ..

ايه ده ! ده النظام السابق طلع معاه حق في إنه ميلغيش الدعم !
يعني النظام السابق الفاسد الحرامي كان بيقدم دعم للشعب في كل السلع والخدمات الأساسية .. ودلوقتي النظام المدني المنتخب الشرعي الثوري الإسلامجي بيلغي الدعم والفقير وغير الفقير مش هيلاقوا ياكلوا !

ايه ده ! ده النظام السابق طلع معاه حق في اللي كان بيعمله مع الجماعات المتأسلمة !
يعني النظام ماكانش بيفتري على خلق الله بدون سبب ولا كان بيقمع أى حد ماشي في الشارع ولا كان مستقصد الشيوخ ولا كان بيحارب الإسلام ولا حاجة من الكلام الفارغ اللي اتزرع في عقولنا .. ده كان بيحارب التطرف الإسلامي والجماعات الإرهابية وتجار الدين

فهمتو ياللى مابتفهموش فى النظام

Thursday, May 16, 2013

العامرى جارياً

هروب وزير الرياضة بعد إقتحام أولتراس وايت نايتس للقاعه اخلع ياباشا 

الوزير قاعد في الأول بينش علي الإعلاميين والكميرات عماله تنسحب وفجأه ، إهرب ياباشا
وهو ده اللى هيحصل لكو يا اخوانجية السوء فى كل مكان زى هروب هشام قطونيل من الغردقة وهو رايح يفتتح مشروع من مشروعات الرئيس مبارك .. المصريين فاقوا خلاص يا خونة

 

يا جيش بلدى العظيم

احنا معاك مهما قالوا عليك .. يا جيش بلدى العظيم انت الحصن ودرع الامن والامان الواقى لينا من غدر اصحاب اللحى عبيد امريكا وخدام موزة قطر 
يا جيش بلدى العظيم يا اللى رفضت بيع قناة السويس وبدء تنفيذ مشروع اقليم القناة فرد عليك الارهابيين بخطف 7 من ابناءك الجنود 
ابداً لن تنكسر مصر ولن ينهزم جيشها طالما فيه الوطنيين والمخلصين اللى فى وقت الازمات بنلاقيهم رجاله لا يهابوا الموت وكل همهم هو امن وحماية مصر وشعبها
علشان كدا يا جيشنا انت دايما فى العين والقلب

Wednesday, May 15, 2013

الخروف لا يصبح ملكاً

اللجنة الفنية برأت الموجه ايهاب السلامولى واضح امتحان اللغة الانجليزية وصاحب عبارة " فى مملكة الحيوان لا يستطيع  الخروف ان يصير  ملكاً واتضح فعلاً ان الجملة موجودة فى الكتاب المدرسى لكن اللى راسه بطحة نياهاهاها ... وده الوزير الخروف اللى داخل يدافع عن الخروف الاكبر

Tuesday, May 14, 2013

الارهابيين السوريين الانجاس

فظيع - ارهابي من الحر يقتلع قلب احد السوريين ويأكله +21 

 

Sunday, May 12, 2013

من سائح بريطانى إلى وزير الداخلية: رحلتى فى «جحيم» مصر انتهت

    مينا غالى    ١٢/ ٥/ ٢٠١٣

صورة من شكوى السائح البريطانى
انتقاد الوضع الأمنى فى مصر لم يعد مقصوراً على أهلها، حيث تقدم دانيال ميرفى، السائح البريطانى الذى كان بصحبة المرشد «عبدالباسط» وقت الاعتداء عليه بأسوان، بشكوى، أمس، لوزيرى الداخلية والسياحة المصريين، ينتقد فيها السياحة داخل مصر، حيث قال فى رسالته: «أكتب إليكم لأحيطكم علماً بأن رحلتى لشهر العسل فى الجحيم هنا فى مصر قد انتهت، إذ إننا تم إبلاغنا بأن هناك حماية من الدولة للسياح فى مصر، لكننى منذ أول يوم لى بالأهرامات وجدت عكس ذلك، تم حصارى أنا وزوجتى الحامل من خمسة بائعين، وأعطونى شالاً رخيصاً بلا قيمة، ثم طالبونى بدفع ثمنه رغماً عنى».
وتابع «ميرفى»: «أثناء تواجدى بأسوان، مطلع هذا الأسبوع، حدثت لى أكثر تجربة مؤلمة فى حياتى، بعدما طلبت من مرشدى مشاهدة مباراة لكرة القدم بين فريقى مانشستر يونايتد وتشيلسى، وأخبرنى بأن هناك مقهى على متن المركب، وأثناء صعودنا قابلتنا عصابة من ٦ رجال، واعترضوا طريقنا، وكادوا يضربوننى بشدة لولا وقوف مرشدى الشجاع (عبدالباسط) فى وجههم، حيث تلقى ضربات قاسية بكل الوسائل كادت تنهى حياته».
واختتم رسالته قائلًا: «رسالتى لكل مواطن إنجليزى، بعد عودتى، هى عدم الذهاب إلى مصر لأنها غير آمنة». من جانبه، قال «عبدالباسط»، المرشد السياحى، الذى اعْتُدى عليه، إنه حرر محضرًا بقسم الشرطة منذ ثلاثة أيام، لكن لم يتم التحقيق فيه حتى الآن.

Wednesday, May 8, 2013

بعت الشعب بكام يا بجاتو ؟

هى مصر تستاهل تتباع بالرخيص اوى كدا يا بجاتوا ؟ ساعدت على التزوير وضيعت مصر علشان تبئا وزير ؟!
العياط الهربان من السجن بئا رئيس وبعد ما كان بياخد على قفاه انحنيت له وبئا باشا ؟ كل ده علشان تبئا وزير ؟ هو الكرسى مغرى للدرجة دى وياريته كرسى يستاهل .. يا خسارتك يا بلدى ان فيكى الاشكال الوسخه دى

Monday, May 6, 2013

شعب بيتحرش على روحه

التحرشات موجودة فى مصر طول السنة عرض مستمر ما هو اصل الشعب ده متدين بطبعه 
لكن بتزيد اكتر فى المناسبات وبتكون تحرش جماعى 
تجربه عملها شاب ولبس لبس بنات ونزل الشارع  اول مرة من غير حجاب اتعاكس واتحرشوا بيه الدكورة اللى منتشرين فى كل مكان وعلشان الاوساخ اللى بيطلعوا مبرر وبيقولوا لبس البنت فى المرة التانية الولد لبس الحجاب وطبعا النتيجة واحدة 
المتحرشين الوسخين لو شافوا انثى العنكبوت مش حيسيبوها غير لما يقلوا ادبهم عليها 

Sunday, May 5, 2013

في سنة 56 ماذا فعلت سوريا عندما قُصف مبني الإذاعة المصري




الأهرام الجديد الكندي: حيرة شديدة تنتاب المصريين نتيجة موقف حكومتهم الرسمي من الرد علي الإعتداءات الإسرائيلية علي سوريا، فلأول مرة تقصف بلد عربي علي يد إسرائيل وتمجد الحكومات العربية هذا القصف، هذا الموقف الغريب للحكومات العربية جعلنا نتذكر موقف سوريا في وقت العدوان الثلاثي علي مصر عندما قصف مبني الإذاعة المصري وأنقطع صوت مصر عن العالم وأنقطعت أخبار مصر عن العالم، بعد ساعات وضعت الإذاعة السورية كل أمكانياتها تحت تصرف المصريين لتكون الإذاعة السورية صوت للمصريين في هذا الإيام الصعبة، وظل المصريين يستخدمون الإذاعة السورية حتي تم إصلاح الإذاعة المصرية وعودتها للبث مرة أخري، التاريخ لن ينسي موقف سوريا وأيضا التاريخ لن ينسي الخيانة الإخوانية للإخوان في مصر وغيرها للدم السوري.

شم النسيم رغم انف المتخلفين

فى كل سنة يطلع علينا تجار الدين بتحريم الاحتفال بشم النسيم وتحريم تهنئة اخواتنا المسيحيين باعيادهم 
لو كان فى انتخابات يبئا التهنئه حلال وواجب كمان ولو مفيش انتخابات يبئا التهنئه حرام وفسق 
اخواتنا المسيحيين ضربوا اعظم مثال للوطن وحب البلد اثناء اعلان البابا تواضروس عن اسماء المسؤلين اللى قاموا بالتهنئه فى عيد القيامه فكان الفسق بحرارة عند ذكر اسم شيخ الازهر والسيسى والزيد والفريق احمد شفيق وعدم اللامبالاة عند ذكر الرئاسه .. فهمتوا ان الشعب مش طايقكو ولا لسه ياتجارالدين يا مجرمين ؟ 
للناس اللى عندها شك ان ممكن يكون كلام تجار الدين الاوساخ صحيح 

*يرمز البيض فى شم النسيم خلق الحياه من الجماد ( عند الفراعنه ) .

* والفسيخ ظهر مع بدايه الأسره الخامسه ، ومع بدايه الإهتمام بتقديس نهر النيل.

*وأكل البصل إرتبط عندالفراعنه بإراده الحياه وقهر الموت والتغلب على المرض.

* والخس إسمه بالهيروغليفيه " عب " وأعتبره الفراعنه من النباتات المقدسه ، فنقشوا صوره الخس تحت أقدام إله التناسل .

_فى برديات منف الإله "بتاح" ( إله الخلق عند الفراعنه) كان يجلس على الأرض على شكل البيضه التي شكلها من الجماد!

(( يعنى طقوس الأكل فى شم النسيم من شعائر القدماء المصريين ! ))
 
 
 
تهنئة لكل اصدقائى المسيحين بعيد القيامة المجيد وتهنئة لمصر كلها بعيد شم النسيم وتحيا مصر شعب واحد ضد سواد القلب وضلمة العقل وغل الروح
 

Saturday, May 4, 2013

يوم عيد ميلادك يا بطل

يوم عيد ميلادك يا بطل هو يوم عيد لمصر كلها 
كل سنة وانت اعظم راجل على وجه الارض
كل سنة وانت اعظم من انجبت مصر
كل سنة وانت موجود بينا مرفوع الراس والكرامة 
يا زعيم مصر وزعيم العالم كله 
هتفضل طول عمرك فى قلوب الشرفاء


Wednesday, May 1, 2013

الجهاد فى سوريا


ارهابى من الجيش الحر || هؤلاء التونسيات هن الحور العين على الارض ولولاهن ما استطعنا ان نواصل الجهاد

المنكوحة || اتيت الى سوريا دعما للمجاهدين وطلبا لرضا الله وهذا اقل ما املك ان اقدمه


مسرحية الأغذية المسممه

الموضوع وما فيه .. جبنا نائب خاص ياخد قضايا الاخوان يرميها فى الدرج ويحذف اسم العياط من  بين الهاربين من سجن وادى النطرون اثناء النكسة .. جبنا وزير داخليه ملاكى يضرب ويقتل ويحرق فى اللى مش يعجبنا وكل اللى يقولنا لاء 
القضاء .. شدوا حيلكو لازم نخلص ووزيرالعدل يكون بتاعنا امال يعنى الاخوان يتسجنوا والنظام السابق اللى وصفناه باوسخ الاوصاف ياخد براءة ونطلع كدابين ونصابين وكل همنا هو الكرسى لا يصح 
شيخ الازهر واقف لنا زى العضمة فى الزور فى مشروع بيع مصر بالصكوك يا خى ديهدى 
مش مشكلة ااقتل لك الف ولا الفين حتى اقتل عشرين الف  بالسم المهم شيخ الازهر ينزاح واحنا يعنى من امتا بيهمنا دم ولا غيره .. واجل والذ حاجه ان طلبه الاخوان مش بياكلوا من الاكل المسمم ده والمستشفيات بتكون متنضفه ومتزوءة وجاهزة لزيارة ابن العياط واليفط والشعارات مكتوبة من قبلها باسبوع وطلبة الاخوان متجمعين زى قطعان الخرفان ومنتشرين فى كل مكان .. لكن هيهات المخطط مكشوف ومفقوس .. العياط  مش زار اى بلد وحد احترمه بيروح يتهزأ ويرجع مصر يقرفنا من تانى .. شيخ الازهر راح الامارات اتكرم واخد جايزة وكمان خرج مساجين ؟! بالراحة شوية يا شيخ ازهرنا اصل العياط يقتل الطلبة اللى فى الجامعه علشان احترام الناس ليك