جيش بلدى خط احمر يا باسم


لما باسم يوسف يقول أن بهية اللى هى "مصر" بتغتصب من 60 سنة عادى حرية وحقة..!

لما يشبة "جماهير" الشعب المصرى على أنه زوجة غير محترمة عادى حرية تعبير وديمقراطية..!

لما يوصف ويوحى أن اللى بيحكم مصر هو الفريق السيسى وأن الرئيس المؤقت عدلى منصور طرطور..عادى ديمقراطية حقة..!

عادى لما يتريق على "حب الشعب" للفريق السيسى والجيش المصرى فى التوقيت ده تحديداً ..حرية وتعبير رأى..!

لما يقول إلفاظ خارجة على الهوا وإيحاءات سافلة تبقى ..حقوق وديمقراطية..لكن لما مرتضى منصور يتكلم تبقى قلة أدب وسفالة.!

لما يقول أن الجيش قفل قنواتهم مع أنها كانت مطالب شعبية..عادى خليه يعبر..مع أن باسم يوسف نفسه كان بيقول عليهم محرضين..!

لما يقول أن الجيش والشرطة أستخدموا العنف المفرط ضد الإخوان ..حرية وديمقراطية..لكن مشفش الجنود اللى اتعدمت فى رفح ولا اللى ماتوا فى كرداسة..!

لما متسمعش ولا كلمة واحد عن أمريكا ولا تدخلها السافر فى مصر ..عادى أعمل ميت..انت عايز المعونة تتقطع عن باسم ولا اية..!

لما متسمعش عن أنتقاد واحد للبرادعى وتخليه عن مصر..يا راجل كبر مخك..!

لما متلاقيش ولا حل واحد سواء أقتصادى أو سياسى أو حتى قيمة ثقافية أو علمية تخرج بيها من البرنامج..يا راجل احنا فاضين احنا جاين نضحك..!

لما أنت نفسك تلاقى نفسك بتدافع عن باسم يوسف بتعصب وبتقول حقه وحرية رأية يقول اللى هو عايزه...يبقى أحنا كمان حقنا ننتقد باسم يوسف وبرضة من حرية رأينا..!




تعليقات

المشاركات الشائعة