أسئلة للرجالة اللى بتشتم فى الجيش و نآسف إنى بقول رجالة


(01)..حد منكم دخل كلية عسكرية ؟
(02)..حد منكم ساب بيته و أهله و هو عنده 18 سنة عشان يروح مكان ميعرفش عنه أي حاجة
و يعيش مع ناس ميعرفهاش ؟
(30)..حد منكم بيصحى بميعاد و ينام بميعاد و ياكل بميعاد و يذاكر بميعاد و حتى لما يلعب
أو يتفرج على التلفزيون بميعاد ؟
(04)..حد منكم كان بياكل الأكل اللى بيتحط قدامة كل يوم أياً كان حتى لو مش بيحبه ؟
(05)..حد منكم راح أماكن يشتغل فيها عمره ما سمع عنها و لا عرف إنها فى مصر أصلاً ؟
(06)..حد منكم يا رجالة وقف خدمة فى عز الحر أو عز البرد و كمان ينام فى مكان خدمته فى
أماكن الحياة فيها متنفعش أصلاً ؟
(07)..حد منكم جرّب إنه ينام فى مكان الكائنات الحية اللى فيه عقارب و ثعابين ؟
(08)..حد منكم جرّب إنه يعيش بميه على قد شربه بس ؟
(09)..حد منكم جرّب إنه يعيش من غير كهرباء اللى فى أماكن كتير فى الجيش بتعتبر رفاهية ؟
(10)..حد منكم جرّب إنه مينامش على سرير و فى ناس زيكو مصريين و ولاد ناس كمان فى
بعض المشاريع و المناورات بينامو على الارض ؟
(11)..حد منكم جرّب إنه يسيب بيته و أهله و يروح شغله و هو مش عارف هيرجع لهم ولا لأ ؟
(12)..حد منكم جرّب إنه يبقى مسئول عن أفراد غيره يحاول يتغلب على المشاكل اللى ممكن
تحصل معاهم ؟
(13)..حد منكم يعرف يقعد أسبوع صاحى مش عارف ينام و لا ياكل ولا يطّمن على أهله ولا
ولاده .. كل ده عشان يقف يحمى مصريين زيه معتصمين و بعد ده كله يلاقى اللى
بيحميهم دول جايين عاوزين يموتوه و يموتو اللى معاه ؟
(14)..حد منكم جرّب لما يبقى مسئول عن أفراد هيقول إيه لأهاليهم لما يرجع لهم مصاب أو
ميت و تقولهم إن اللى قتله مصرى زيه ؟
(15)..حد منكم جرّب يشوف حد من أهله تعبان أو عنده ظرف أو مناسبة و يتذل عشان يقدر
يروّح يبقى جنبه و فى الآخر ميعرفش عشان ظروف العمل ما تسمحش

Comments

Popular posts from this blog

قميص دهشور

كل تحرش وانتوا طيبين