Desert Cat Search
قطه الصحراء: المحافظين الجدد

Monday, June 17, 2013

المحافظين الجدد

مرسى العياط عين محافظين جدد قبل 30 / 6 بيرضى اهله وعشيرته ويا سلام على الاخيارات الرهيبة المهيبة المبجلة كلهم ارهابيين وكفاية اوى محافظ الاقصر الارهابى اللى كان امير جماعه فى التسعينات وقتل الظباط والسياح ومثل بجسسهم 
انت بتكافئ اهلك وعشيرتك يا عياط بمناصب فى الدولة علشان فاكرهم هينزلوا يحموك يوم 30 / 6 اه هما ممكن يحموك بس يحموك فى كنكة .. المصريين خلاص مش بيخافوا ولا يهابو الموت 
هات ارهابيين هات قتالين قتلة هتمشى يعنى هتمشى .. والف شكر على المجهود اللى بتعمله لمساعدة الناس على النزول ضدك

الارهابى محافظ الاقصر الجديد

8 comments:

عادل said...

أهم محافظ و هو محافظ الأقصر : عادل أسعد الخياط المنتمي للجماعة الإسلامية وحزبها البناء والتنمية..
المفاجأة المروعة , أن هذا الرجل كان " أميرا للجماعة الاسلامية بأسيوط " ..
أى أن من ينادى بقتل السياح يعين محافظا للمحافظة السياحية !!؟؟

الشيخ سبعاوى على باب الله said...

اشرب اخوانى وكل اخوانى
المحافظين بيوعدونا زى مرسى بحل جميع المشاكل هو انتم اقوى من الرئيس اللى تعسنا وضلمها علينا

Aboud said...



هذا هو مخطط الاخوان حتى يتم احباط 30-6-2013 يتم السيطرة على جميع النظام ومقاليد الحكم فقد تم السيطرة على الحكومة والان السيطرة على المحافظيين والمجالس الشعبية ماذا بعد ذلك يا مرسى هل انت ماشى بالمثل الشعبى خالف تعرف ؟؟؟؟؟؟؟؟؟؟؟؟؟؟

محمد ابراهيم said...

تعين محافظ الاقصر اكبر دليل على تغيير الفكر يبقي نديله فرصة

د سها مبروك said...



ندى فرصة لقاتل طيب لو ماكنش تاب هيهد الاصنام الفرعونية زى ما هم بيسموها والله لو ماطهرناش البلد من الناس دى هنبقى زى افغانستان

joja said...



اديله فرصة، يا يطلع تائب ويمشي مضبوط، أو يطلع إرهابي ويولع فاللي جابك، وغالباً إرهابي وهيوريك الويل

محمد حسن said...

ان اعدى أعداء الرئيس مرسى .. هو الرئيس مرسى نفسه .؟!!!!.الذى لا اعلم كيف يفكر أو لا بد ان هناك شخص أو اشخاص حوله يدلوه على كل الطرق التى تزيد من كراهية الناس له ..و التعجيل برحيله !!

حسن البديهى said...



السمع والطاعة يلغى كل المؤهلات .. مصر فيها الحصول على الماجستير والدكتوره اسهل من الحصول على لتر بنزين ..والدليل مستوى التعليم .. د توراة فى فلسفة العلوم يعنى قص ولزق وكل مازاد اشراف الاستاذ على رسائل الماجستير والدكتوراه زاد دخله ..المهم الدكتوراه فى العلم اى ان يضيف جديداالعلم وهذا هو المؤهل العلمى المعتبر .. وهم فى مصر عددهم لا يزيد عن عدد نصف اليد الواحدة وهم من الاجيال التى انتهت ولم يبقى منه الا واحد او اتنين بالكتير