Desert Cat Search
قطه الصحراء: كلام الخرفان

Saturday, June 15, 2013

كلام الخرفان

الخرفان الإخوانجيه بينشروا الكلام ده وقومان بالرد عليه ، بيعترفوا فيه بفشل رئيسهم ، وبيناقدوا نفسهم :_
انا مستعد أمضي علي تمرد وأنزل 30\6 بس بالشروط دى:
المتمردون وكبيرهم يوعدونى ان الرئيس الجديد في خلال سنة هيكون:
حل ازمة البنزين. (( مش رئيسك هو مفتعل هذه الازمه بعد وعوده الكاذبه ))

حل ازمه الكهربا. (( مش رئيسك هو إللى اعطى لحماس السولار لتوليد الكهربا ، غزه فى نور واحنا فى ظلام ))
حل ازمه الميه. (( سد النهضه الاثيوبى فى عصر النهضه الاخوانجيه ، هى اثيوبيا معبراكم ))
حل ازمه البطاله. (( رئيسكم اخون الدوله ووظف كل الاخوانجيه وكل ولادهم ))
جاب حق الشهدا. (( رئيسكم بيقتل القتيل وبيمشى فى جنازته ))
رجع الأمن. (( هو فين الامن ده ؟ ))
نضف كل المؤسسات من الفساد. ( كل الشعب المصرى ورا القضاء والشرطه والجيش))
رفع دخل الفرد وحسن مستوي المعيشه لكل الافراد.(( اى فرد ياحراميه 33 الف سندويتشات اكلها وزير الاستثمار ))
جعل مصر متقدمه اقتصاديا وعسكريا. (( ستتقدم مصر بالعلم والتكنولوجيا العلمانيه قادمه ))
طهر وزارة الداخليه.(( تطهير الداخليه هيكون باسقاط حماده هيما ))
طهر القضاء والاعلام. ( قضاء مصر شامخ ، والاعلام عشانب يقول الحقيقه عاوزين تطهيره ، كفايه عليكم اعلام المرتزقه امثالكم فى قنوات الناس والحافظ وغيرها ))
حاكم الفاسدين والقتلة. (( اى قتله مش رئيسك عفا عن تجار المخدرات والارهابين؟ ))
وما يعتقلش الملتزمين ولا يمنع الصلاة فى المدارس ولا يعتقل جوزى بس علشان بيصلى الفجر فى المسجد....!(( هو مين اللى بيعتقل مين وهوب يصلى ، رئيسك بيصلى وضلالى ، وعميل ))
وخلال هذه السنة بقــــــــــــــــى..
هنضرب على القصر بتاعه مولوتوف شهريا وممكن اسبوعيا...
ونولع في القطارات ونعمل إضرابات واعتصامات فئوية...
ونبهدله في الإعلام...
ونرفض نتعاون معاه نهائيا...
وخلال السنة دى نكون بنعد العدة ونجهز بلطجية علشان في نهاية السنة نشيله من على كرسيه ونجيب واحد غيره ... ونعمل دعاية من أول يوم إنه رئيس فاشل ومش هاينفع
لو هتضمنلي ان الرئيس الجديد هيعمل كل ده خلال سنة وهيسيبنى أعمل كل دة فيه وفى مؤيديه من غير ما يعتقلنى وكمان ينفذ لنا طلبتنا ويشتغل تحت هذه الظروف هنزل معاك وأتمرد ما أتمردش ليه.... واخيرا اقول حسبي الله ونعم الوكيل في كل من يريد بمصر الهلاك 0000 اللهم احفظ مصر بعينك الذي لاتنام

(( اللى بيضرب وبيبلطج معروف مين الارهابيين الخونه ))

6 comments:

عصام محمد عبده said...

أن شاء الله نازلين ... مكملين ... وهاندفع تمن حريتك يامصر ... مافيش حاجه أغلي منك ...تحيا مصر

Emad Bkhit said...

مصر فوق البركان...... فلينتبه الجميع
احداث الساعات القليلة الماضية تنذر بأن ثمة مواجهة حاسمة تلوح فى الافق بين جماعة الاخوان المسلمين ومن يناصرونها من الفصائل الاسلامية من جانب وبين بقية القوى الوطنية ومؤسسة القضاء من جانب اخر.. فأحكام المحكمة الستورية الصادرة اليوم والتى تعطى رجال الجيش والشرطة حق التصويت فى الانتخابات القادمة والحكم ببطلان العديد من مواد قانون مباشرة الحقوق السياسية اضافة الى تهديد القضاة بالنزول للشارع رفضا لقيام الشورى بوضع قانون للسلطة القضائية مع الاخذ بالاعتبار قرار محكمة الجنايات اليوم بحفظ قضية ارض الطيارين المتهم فيها الفريق شفيق مما يفتح الباب على مصراعيه لعودته الى مصر كل هذا دون ان نغفل النجاح الكاسح لحملة تمرد ... كل تلك الاحداث المتسارعة قابلتها جماعة الاخوان والفصائل المتحالفة معها بالرفض والاستنكار ووصل الامر ببعض قيادات الجماعة الى الطلب من الرئيس مرسى الغاء المحكمة الدستورية رفضا لاحكامها...وليس من قبيل المصادفة ان يتواكب هذا مع دعوات متسارعة من جانب الجماعات الجهادية والسلفية التابعة للظواهرى وابو اسماعيل تدعو اتباعهم للاحتشاد للتطوع للجهاد فى سوريا !!! !!!!!!!!!!!!!!!!!!!!!!!
الخطر قادم ولكن يبقى الامل فى الله ان يجنب مصر الفتنة والصراع .. ولعل تداعيات تلك الاحداث وتسارعها يفسر حكمة القيادة العامة للقوات المسلحة فى قرارها بعدم الإنجرار الى مواجهة لم تحدد هى زمانها مع العناصر الارهابية فى سيناء قصد منها شغل القيادة عن القيام بالدور الوطنى الذى اعلنته دوما انها ستكون دوما مع الشعب ولن تسمح بما يهدد كيان الدولة واستقرارها والسلم الاهلى. حفظ الله مصر حفظ الله الجيش

Mohamed Mourad Elbadini said...

الكل نازل وياريت ينزلوا علشان يعطوا شرعيه لنزول الجيش

Mohamed Eid said...

واحد نجح فى الأنتخابات , قوم أيه أخوانا الفشله الساقطين قالوا مينفعش تعالى نعيد اللعبه تانى و نعمل أنتخابات من أول و جديد و لو رفضت تعيد الأنتخابات تبقى خايف أحسن تسقط !! ... زى واحد نجح فى الثانويه العامه أبوه قاله لأ روح عيد الأمتحان تانى و لو رفضت تبقى خايف من الثانويه العامه .. هم يبكى و هم يضحك !!!!

Mohamed Eid said...

واحد أتجوز واحدة بعقد صحيح و أمام الشهود .. جت أم العروسه قالتله طلق بنتى دلوقتى و اكتب عليها تانى من أول وجديد و لو رفضت تطلقها تبقى خايف أحسن بنتى مترضاش تتجوزك تانى ... و قيس على كدة و الأمثله كثيييييرة ؛؛

عصام محمد عبده said...

تحيا مصر ويسقط أي حد ...دمنا فداكي يابلدي