Desert Cat Search
قطه الصحراء: من انجازات مرسي التى لم تذكر فى الكتاب

Thursday, April 18, 2013

من انجازات مرسي التى لم تذكر فى الكتاب

هو اول رئيس مصرى يجرى حافى من المسجد
هو اول رئيس مصرى قسم المصريين
هو اول رئيس مصرى هارب من السجن
هو اول رئيس مصرى اعلن حظر التجوال والشعب كسر الحظر عند فيه
هو اول رئيس مصرى اتحرق واتكشف هو وجماعته فى اقل من شهر امام العالم
هو اول رئيس مصرى الفقراء فى عهده بيبحثوا عن الطعام فى صناديق القمامه
هو اول رئيس يعتمد علي المعونات والودائع والقروض وبيع السندات بضمان املاك الدولة لادارة الملف الاقتصادي والمالي
هو اول رئيس يجفف ودائع البنوك وبدلا من توجيهها الي تمويل الاستثمارات استثمرها في سندات الخزانه " الاقتراض الداخلي "
هو اول رئيس يجبر بنوكنا القومية علي سحب مدخراتها بالعملة الاجنبية من الخارج فجاءت الطائرات محملة بملايين الدولارات
هو اول رئيس ترتفع في عهده الاسعار بمتوسط 30% في اقل من 6 شهور
هو اول رئيس يرتفع في عهده التضخم بهذه الارقام المرعبة اقتصاديا
هو اول رئيس يتراجع التصنيف الائتماني السيادي للدولة 3 درجات في 6 شهور
هو اول رئيس تفقد العملة الوطنية قيمتها بشكل كبير وحين استلم الحكم كانت قيمة الدولار 5,59 جنيها اليوم اصبحت ب 6,9 جنيها وتراجعت قيمتها في السوق السوداء الي 8 و 9 جنيهات احيانا
هو اول رئيس ترتفع في عهده الديون الخارجية الي حد غير مسبوق حيث تتجاوز حاليا اكثر من 43 مليار دولار
هو اول رئيس يتسبب في تطفيش الاستثمارات ويحارب مستثمرين مصريين ثم يذهب الي السودان ويدعو المستثمرين المصريين للاستثمار في السودان
هو اول رئيس يفرض ضرائب دخل علي من يبلغ راتيه الشهري 417 جنيه في القطاع الخاص
هو اول رئيس يعد باسقاط المديونية عن صغار المزارعين ولا ينفذ وعده ثم يتجاوز عقولنا ويعتبر ما وعد به ولم يفي به من الانجازات
هو اول رئيس في العالم يعتبر معدل الفوائد علي القروض رسوم ادارية
هو اول رئيس ترفض السفن تفريغ حمولتها من البضائع الا بعد الدفع مقدما لان ثقتها في الدولة اهتزت
هو اول رئيس يؤثر حماية حكمة بتغليظ القبضة الامنية علي حساب الامن العام فيتسبب في الهلع بين الناس ومن ثم تدمير مرفق السياحة
هو اول رئيس يعين خبير في تجارة العملات وزيرا للمالية متهم بالسطو علي افكار الغير لوضع جانب من خطة النهضة المزعومة
هو اول رئيس يثبت للعالم ان علاقته بالاقتصاد صفرا فلا يتحري الدقة في خطاباته فيذكر كلمة الائتماني صحيحخ فيذكرها الانتمائي والزراعة يعتبرها استزراعا
هو اول رئيس يقرر وقف التعيينات في الحكومة والقطاع العام لجموع الشعب ماعدا جماعته من اجل التمكين فقط لا اكثر مع طابور بطالة يمتد ويكبر بين الخريجين
هو اول رئيس يرفع معدل الفقر ينسب عالية وهو ماحدا بمنظمة اممية التدخل لتحذر من ثورة جياع
هو اول رئيس يتمسك بميزانية ضخمة لرئاسة الجمهورية وبنفس مصاريف مكاتب الوزراء وعدد السفارت المفرط فيه في ظل اقتصاد يعاني من الركود
هو اول رئيس يتجاهل كل ماسبق عن عمد ليزيد من قهرنا ويتجاوز المنطق والحقائق ويعتبر بعض قراراته انجازات يخصص لها 50 مليونا لطباعتها وهي لاتساوي الحبر الذي طبعت به

ومازالت الانجازات مستمرة وما خفى كان اعظم

28 comments:

hesham shehab said...

اول رئيس يلعب في حمامة السلام مع رئيسة وزراء استراليا

ابورامى الصعيدى said...



عشرة برامج توك شو تناقش كتاب لهاوى لا اسم له لدرجة اننى اعتقدت ان كاتبة مثلا هيكل او كاتب ذو شأن وهو نشرة مدرسية تخص كاتبة واهلة وعشيرتة لكن صدمتى فى كم الاهتمام والشرح والمناقشة والتحليل ما هذه الهيافة والسطحية؟؟؟؟

ريم said...



ده اسمه تصدير افكار للمجتمع ... لرسم صوره فى اذهان الناس ..للبناء عليها من مخططات ... الحاجات اللى بيصدروها فى القنوات بتعتهم ومقارنه الرئيس واتيان سيرته الى سيره الصحابه والرسل ورسم هاله تفوق حدود ما فعل ولا يتقبلها عاقل ... او عمل قاعده فكريه ورسمها ليصدقها الشعب مغلقه بغلاف دينى حتى يتجنب اى احد ان يناقش مثل هذا الاكلام بحجه ( اعترض على كلام ربنا ) واسكات الالسنه باسلوب دينى وشلل الفكر والتفكير لدى الناس ..وهذا بعيد كل البعد عن الدين الاسلامى اصلا...

الدكتور محمود مراد said...



فعلا الكتاب اتفه من ان يهتم به احد و كلما كثر الكلام عنه قد يتجه البعض لقراءته و اعتقد كاتبوه ان له قيمة ما فى حين ان اى عيل فى مدرسة ابتدائى سيكتب موضوع انشائى اكثر صدقا مما فى الكتاب المزعوم حتى وان كتب عن شمشمون الجبار او رامبو ابوجلمبو

احمد عبد المنعم said...



يحاولون جاهدين أن يزينوا أعمالهم للشعب مخادعين له على عادتهم وقد وهموا أنه سيصدقهم كما خدعوه من قبل بالشريعة التى ارتقت بهم الى السلطة والاستحواذ .....غدا سيفيقون على غضبة الشعب وحساب عسير وسيكون حالهم صفحة مظلمة طويت

Mohamed Beek said...

اول رئيس ابنه اسمه عمر ههههههه

بطريموز ابن شرحبيل said...

انجازه بحق اننا جعلنا نكره اليوم الى شفناه فيه ..وجعلنا نقول كان عبد الناصر والسادات ومبارك عندهم حق فى حبس هذه الجماعه الضاله

foush said...

انجازات ومرسى دونت ميكس

Remah Salem said...

حسبي اللة ونعم الوكيل فيمن كتب هذا الكتاب - هذا أفك صريح - كفاية أنجازات الموضوع ملتبس علي المؤلف محتاج حد يفهمة يعني أية أنجازات ؟؟ كل مدي الاخوان بيثبتوا للشعب المصري أنهم فاقدي أي نوع من الابداع كائن من كان - نصحتي لهم أنهم يبتعدوا عن أي عمل عام فية أحتكاك بالمواطن المصري ويتفرغوا للعمل الدعوي فقط لا غير

Abed Abolashyn said...

بدأت أشك فى حاملى درجة الدكتوراة من الإخوان فلمستوى ضحل والأفق معتم وخريجى التعليم الموسط أكفئ منهم

Hassan Elagouz said...

الواحد زهق من كدبهم ونفاقهم-بلاش قرف--بصراحة مرسي شيء قبيح في حياتنا-يارب ياكريم زيح الغمة دي

Dina Rafaat said...

دى انجازات فى الهوا اصل دا خلى البلد زفت ولا عمل فيها اى حاجه خالص كفايه كذب

محمد صادق said...

الإنجاز الوحيد لمرسى أنه إستطاع أن يكون بجداره أول رئيس كذاب على الهواء مباشرة فى كل ما قاله وكل ما وعد به أما أن يسرق انجازات غيره وينسبها إليه فهذه مصيبه أعظم

Essam Wahed said...

هو الكاتب كان يقصد أنكاسات مرسي علي العموم الكاتب شكله احول

Nasry Nesr said...

هدية الى عادل امام ليحوله الى فيلم من الكوميديا السوداء

Hamed Elhagar said...

والاخ اللي كتب الانجازات دي من بداية اول انجاز حتى الان اخدت كام شهر يكتب فيها وحيات ابوك متقولوش 12 شهر عشان خاطري الواحد بيطلع دينة لما بيعمل بحث او اي حاجه لها قيمة وبتاخد وقد طويل جد اما هذه الانجازات دي الظاهر انه عملها وهو نايم بيحلم

Atta Mahmoud Azooz said...

الكتاب باين من عنوانه لان لو فيه انجازات كان زمانها بانت على الغلابة اللى مازالت تاكل من الزبالة او حتى الناس اللى بتموت من الجوع والمرض نقصت وحوادث القطارات كما هى

ابو جهاد said...

ان لم تستحى فافعل ما شئت .. يا انجازاتك يا هولندا

محمد حمد said...

طبعن عمل انجازات رجع مصر للخف وفرق البلد بهبلة هو جماعة الاخوان تجار الدين والاهم ان اى قرار بيخدة بليل بيرجع فى الصبح على طول وطبعن ازمة الجاز والبنزين و5 رغيف عيش على البطاقة و5 لتر لكل عائلة والناس اللى عمالة تموت والكوارث اللى بتنزل على مصر دى كل يوم من البومة اللى ماسكة البلد دى اية ياجماعة مش انجازات والرجل لازم يأخد حقة وياريت يحطو صورة على غلاف الكتب للبومة

Vota Alhgan said...

طبعا الكتاب مكتوب من ابل ما يتولى الحكم ومكتوب على كرت شخصى من كتر الانجازات وانبى انا نفسى اصرخ فى وشه وائوله انت بتجيب الكزب ده كله من فين وازاى بتسداء نفسك يا خرب بيت كل اهلك وعشرتك دانت خرجتنا عن صوبنى يا شيخ .على فكره انا عندى اسم للكتاب ده (ابو لمعه 2013)

Bahgat Interior said...

وهل لن يخرج الينا كتاب اخر بعنوان * عبفرية مرسى * لتوضيح خطط النهضة وشرحها ؟

Eslam Jana said...

اهم انجاز عملة انة فعلا قدر يفرق الشعب المصرى ميت حتة دا خلا البيوت نفسها متفرقة

rehana rehan said...

قطة وحشتينى قوى هو انتى موجودة على الفيسبوك انا ايوية مش فاكرة هتفكترينى ولالا

Desert cat said...

فاكراكى طبعا يا قمر

عاملة ايه وحشتينى جدا جدا
ده اللينك بتاعى فى الفيسبوك
حاولى تضيفينى

https://www.facebook.com/hanan.elshrief.3

rehana rehan said...

انا مش عارفة اضيفك
rehana rehan
دة انا

Desert cat said...

طيب ابعتى لى انتى لنك صفحتك

Desert cat said...

انا عاملة مودريشن كومنت يعنى مش حنشره

Desert cat said...

يا يويو
انتى تقريبا عامله لى بلوك
لان الرسالة اللى بتطلع لى ان صفحتك محظورة بالنسبة لى ومقدرش ادخلها
راجعى البلوكات اللى عندك

عموما ده لنك صفحتى

https://www.facebook.com/hanan.elshrief.3