Desert Cat Search
قطه الصحراء: براءة الفريق شفيق

Monday, April 8, 2013

براءة الفريق شفيق

وهكذا انتهى مسلسل الاشتغالات اللى اشتغل بيه الاخوان المصريين ..  واللى صدقوهم بمنتهى العبط والغباء ... كان لازم النكسة الاخوانية تنجح ولان الاخوان مذاكرين الشعب كويس وعارفين انهم لو لوحوا لاى واحد بعشرة جنيه هيجى يجرى ويقولهم سمعا وطاعة فكانت النصبة الكبرى وهى ان مبارك  سرق من الشعب 70 مليار دولار .. يا للهول وولاده عندهم قصور وفيلل وشاليهات يا لهوتى .. الفريق شفيق رشح نفسه للانتخابات عصام سلطان اتحرق ورفع عليه حوالى عشروميت قضية وكلهم فشنك .. الفريق شفيق الرئيس الفعلى للبلاد بعد الرئيس محمد حسنى مبارك .. لكن نظراً للتهديد والتلويح بحرق مصر من قبل الجماعة الارهابية ونظراً للتزوير اللى حصل فى المطابع الاميرية ونظراً لكل انواع الغش والتدلس والزيت والسكر والرشاوى وكل الانتهاكات وقلة الادب اللى حصلت فقد سرق محمد مرسى الكرسى .. فين بقى خيرات مصر اللى كانت منهوبة من النظام القديم يا عياط زى ما كنتوا بتقولوا ؟! فين السبعين مليار اللى عند الرئيس مبارك ؟ فين ناتج الذهب من منجم السكرى ؟! فين بترول مصر وكل خيراتها .. كله بيتسرق ؟ كل بيتوزع على الجماعه الارهابية .. اخيراً وليس آخراً سيظل الفريق احمد شفيق والرئيس حسنى مبارك اشرف واطهر من انجبت مصر  .. مبروك البراءة يا سيادة الفريق وفى القريب العاجل نبارك للسيد الرئيس محمد حسنى مبارك


16 comments:

فجر said...

شفيق برىءفى قضية ارض جمعية الطيارين وبرىء من موقعة الجمل

Anonymous said...

Turn the dough once to coаt, then cover the bowl with a dаmp diѕhtowel.

Place іt in the oven and heat the oven tο around 350 degгees аnd
аllow the stοnе to hеat
for arоund 15 mіnutеs. That is, until I
thought аbout makіng a pizzа using my cast iron skillet.


Stop by my weblog; pizza stone and paddle set

رجب said...

انا لم اندم لحظه لاني انتخبتك الف مبروك وتحيه علي الفريق شفيق الغالي ابن جمهوريه مصر العربيه

أحمد عرفة said...

خبطتين في راس "الأعلى للقضاء يطالب برحيل النائب العام ..وبراءة شفيق! والله صعبانين علينا الخرفان..... مبرووووووك ظهور الحق"

رانيا said...

عصام سلطان يعلن بعد حصول شفيق علي البراءة انه لديه مستندات قد تساعد في حبس شفيق في قضيه جديده.. بيقول ان شفيق لم يسدد الغاز و النور منذ سفره

هايدي said...

كنا عايزين نوزع "بنبونى" بمناسبة براءة الفريق احمد شفيق و اللواء ابراهيم مناع...بس قلنا خسارة ..نوزع احسن عصير ليمون لمن ترك الرجل الشريف

نادية said...

ربنا ظهر الحق علشان تصدقوني لما اقؤلكوا ان انا بثق في احمد شفيق ثقة عمياء الف مبروووووك والحمد لله

احمد علام said...

مبروووووووووووووووك ياسيادة الفريق ارجع بقي

Sahar Elbayar said...

والله عجبت وأنا أرى الإخوان يهددونا بحرق مصر لو لم يستولوا على السلطة والتضحية بشفيق لننجا بمصر فإذا بها تحرق وكأن الله يعاقبنا على الظلم لأن الله مع المظلوم حتى لو كان كافر ودا يخلينا نصدق إن اللى بيعمله مرسى فينا إنتقام لأننا ظلمنا المظلوم اللهم إرفع مقتك وغضبك عنا

mohselo said...

ليس بالانتقام يحي الانسان ولا الانتقام سوي حجه العاجز رينا يكون في عونكم تطلعوا من حفره تنزلوا دحيديره وللاسف عايزين ياخذوا مصر ورائهم وده مش حيحصلش عشان المصري مؤمن بالفعل مش بالاسم

reckard said...

يبقى كده الخرفان لسه ماتمكنوش من القضاء المصري

El Mohands said...

1000 1000 مبروك لشفيق
لانه رجل وطني

Kingawy said...

بلاعات وقضايا كيدية لمجرد الأنتقام
وعمر حال البلد ماحاينصلح طول مالخرفان لاهم لهم ألا الأنتقام والتشفى

مصطفى عدس said...



من المفترض بعد هذا الحكم ان يقدم النائب العام لمحاكمة علنية بميدان التحرير لانة ضلل الناس بمزكرة الضبط و الاحضار من لم يكن اميتا فى عملة فكيف يكون امينا فى تمثيل الشعب

ساميه said...

شفيق انسان نظيف اما الثوار خربوا مصر وجابوا لنا الاخوان لازم يحبسوا

ashraf elmasry said...

ظهر الحق